ကမ္ဘာအကြီးဆုံး မြေအောက် သလင်းကျောက်ဂူကြီး

မက္ကဆီကိုနိုင်ငံ Chihuahua ကန္တာရကြီးရဲ့အောက် ပေပေါင်း ၁၀၀၀ကျော် အနက်မှာ အလွန်ကြီးမားများပြားလှတဲ့ သလင်းကျောက်များစွာတို့ သဘာဝအတိုင်း ဖြစ်ပေါ်နေတာကို Naica ခဲနဲ့ ငွေ တူးဖော်ရေးလုပ်ငန်းကုမ္ပဏီမှာ တွင်းတူးလုပ်သားများအဖြစ် လုပ်ကိုင်နေတဲ့ ညီအစ်ကို နှစ်ဦးက ပထမဦးဆုံး စတင်တွေ့ရှိခဲ့တာ ဖြစ်ပါတယ်။ တွေ့မြင်မြင်ချင်းမှာ သူတို့မြင်လိုက်ရတဲ့ မြင်ကွင်းကို မယုံနိုင်လောက်အောင် ထူးဆန်းအံ့သြပြီး ထိတ်လန့်မိရလောက်အောင် ဖြစ်ခဲ့ရပါတယ်။ သဘာဝအတိုင်း အချွန်အတက်များ၊ တိုင်လုံးများ၊ အတုံးအခဲများဖြင့် ဖြစ်ပေါ်နေတဲ့ သလင်းကျောက်တုံးကြီးတွေဟာ အကျယ် လေးပေခန့်ရှိပြီး အချို့မှာ ပေ၅၀ခန့် မြင့်မားပါတယ်။

ကြီးမားလှတဲ့ သလင်းကျောက်သားများဟာ မြေအောက်မှာ ရှိတဲ့ ရေတွေမှာ ပျော်ဝင်နေတဲ့ ကယ်လ်စီယမ် ဆာလ်ဖိတ်တွေကြောင့် ဖြစ်ပေါ်လာရတယ်လို့ သိရပါတယ်။ လွန်ခဲ့တဲ့ နှစ်သန်းပေါင်းများစွာက ကမ္ဘာမြေကြီးအတွင်းက ကျောက်ရည်ပူများကြောင့် မြေအောက်ရေတွေဟာလည်း ပူနွေးနေခဲ့ပါတယ်။ သို့သော်လည်း ကျောက်ရည်ပူများ တဖြေးဖြေး အေးသွားတဲ့အခါ ရေထဲမှာ ပျော်ဝင်နေတဲ့ ဓာတ်သတ္တုတွေဟာလည်း တဖြေးဖြေးအေးခဲလာပြီး
 ၄င်း သလင်းကျောက်များအဖြစ် ဖြစ်ပေါ်လာတယ်လို့ ဆိုပါတယ်။

သဘာဝအတိုင်း ဖြစ်ပေါ်နေသော သလင်းကျောက်တိုင်များ

သလင်းကျောက်များ ဖြစ်ပေါ်နေရာ မြေအောက်လှိုင်ဂူကြီးဟာ ဒီတိုင်းကြည့်မယ်ဆိုရင် အေးစက်မဲမှောင်နေတယ်လို့ ထင်ရပေမဲ့ တကယ်တမ်းမှာတော့ အပူချိန် ၁၁၂ ဖာရင်ဟိုက်ထိအောင် ပူနွေးနေပြီး စိုစွတ်ထိုင်းမှိုင်းမှုမှာလည်း အလွန်များပြားတယ်လို့ သိရပါတယ်။ ဒီသလင်းကျောက်လှိုင်ဂူထဲ ၀င်ရောက်ပြီး ကြာကြာနေမယ် ဆိုပါက အထူးစီမံထားတဲ့ အပူခံ ၀တ်စုံများ၊ လေအေးများ ပါဝင်တဲ့ ကျောပိုးအိတ်များ ၀တ်ဆင် သွားရပါတယ်။

 အချွန်အတက်တွေက အံ့မခန်း

ယခင်ကတော့ ၄င်း သလင်းကျောက် လှိုင်ဂူကို ဒီအတိုင်း ဖွင့်ထားခဲ့ရာက တွင်းတူး အလုပ်သမားများက သလင်းကျောက်များကို ဖယ်ရှားခြင်း၊ တူးဆွဖျက်ဆီးခြင်းများ ပြုလုပ်တာကြောင့် အလွန်အံ့မခန်း  ဆန်းကြယ်လှပသော သဘာဝ သလင်းကျောက်တိုင်များ၊ ကျောက်ချွန်များ ပျက်စီးကုန်ခဲ့ပါတယ်။  ယခုချိန်မှာတော့ သတ္တုကုမ္ပဏီဟာ အလွန်ခိုင်ခံ့သော သံမဏိတံခါးကြီးများ တတ်ဆင်ကာ ဖျက်ဆီးမည့်သူများ ဘေးအန္တရာယ်မှ ကင်းဝေးအောင် ထိန်သိမ်း စောင့်ရှောက်လို့ ထားပြီ ဖြစ်ပါတယ်။ ~

~~~~~~~~~~@@@~~~~~~~~~~

သဘာဝအလှတရား ဆိုသည်မှာ လူများကတန်ဖိုးထား ထိန်းသိမ်း စောင့်ရှောက်မှသာ တည်တံ့ ခိုင်မြဲမည်ဖြစ်သည်။ သဘာဝတရား ပျက်စီးလျှင် ၄င်းသဘာဝတရားက ဒဏ်ခတ်မည်မှာ မုချမလွဲ အမှန်သာဖြစ်သည်။ ရေကြီးခြင်း၊ ချိန်ခါမဟုတ် လေမုန်တိုင်းများ ကျခြင်း၊ ရာသီဥတု ဖောက်ပြန်ခြင်း၊ ကမ္ဘာမြေကြီး ပူနွေးလာခြင်း၊ အိုဇုန်းလွှာ ပေါက်ခြင်း စသည့် များပြားလှသော ဘေးအန္တရာယ်တို့သည် သဘာဝပတ်ဝန်းကျင် ပျက်စီးခြင်းကြောင့် သဘာဝတရားက ဒဏ်ခတ်ခြင်းသာ ဖြစ်လေသည်။

Source:

http://channel.nationalgeographic.com/episode/giant-crystal-cave-3569/
http://www.popgive.com/2010/07/crystal-cave.html