ရခဲ့ဖူးတဲ့ ခရစ္စမတ်လက်ဆောင်



မနက်ခင်း အိပ်ရာမှနိုးနိုးချင်း ခေါင်းရင်းမှ ပြူတင်းတံခါးကို ဖွင့်လိုက်စဉ်မှာဘဲ နှင်းငွေ့တွေဖြင့် ဝေ့၀ဲလွင့်မျောကာ နုထွေးစိမ့်အေးနေသည့် လေပြေကလေးက သူမမျက်နှာကို ရုတ်တရက် ဖြန်းပက် ကျီစယ်လိုက်သည်။ မှုန်ဝါးဝါး နှင်းပွင့်လေးတွေကြောင့် ခပ်ဝေးဝေးမှာ အမြဲတမ်း ပြာလွင်လှပစွာ ရှိနေတတ်သော တောင်စဉ်တောင်တန်း အထပ်ထပ်တွေကိုပင် မမြင်နိုင်တော့အောင် ၀န်းကျင်တစ်ခုလုံးက ၀ိုးတ၀ါးလေး ဖြစ်လို့နေသည်။ ကြည့်လေရာ နေရာတိုင်းကို မှုန်ဝါးဝါးလေးသာ မြင်နေရအောင်ဘဲ ဒီဇင်ဘာရဲ့ နှင်းဝတ်လွှာလေးတွေက ၀န်းကျင်တစ်ခုလုံးကို လွှမ်းခြုံလို့ထားခဲ့ပြီ။ အမြဲတမ်း အိပ်ရာထ နောက်ကျတတ်သဖြင့် မနက်ခင်းမှာ နှင်းတွေ ဝေနေပြီ ဆိုတာကို သတိမထားမိခဲ့ဘဲ ထူးထူးခြားခြား စောစီးစွာ နိုးလာသော ဒီမနက်ခင်းလေးမှဘဲ နှင်းတွေကို သူမ မြင်တွေ့လိုက်ရတော့သည်။ တကယ်တမ်းတော့ ဆောင်းဆိုတာ နှင်းတွေရှိမှ ပြီးပြည့်စုံသလို၊ စိမ့်စိမ့်လေး အေးမှလည်း ဆောင်းရဲ့ အရသာက ပီပြင်သည်ဟု သူမတော့ ယူဆမိပါသည်။ သူမက ဖြူလွှလွှ နှင်းပွင့်လေးတွေကို ချစ်သည်လေ။ မြို့တော်ကြီးမှာ ကာလကြာမြင့်စွာ နေခဲ့ရစဉ်က ဒီလို နှင်းလေးတွေ မမြင်ခဲ့ရ၊ အေးစိမ့်သော အရသာကို မခံစားခဲ့ရဘဲ  ဆောင်းဆိုတာကိုပင် မေ့လျော့ နေခဲ့မိလောက်အောင် ဒီဇင်ဘာ မနက်ခင်းတို့က နှင်းတွေ၊ အအေးဓာတ်တွေ ကင်းပလို့နေခဲ့သည်။

ခုချိန်မှာတော့ ချစ်စဖွယ် နှင်းဝတ်မှုန်လေးတွေက သူမ၀န်းကျင်မှာ အကန့်အသတ်မဲ့ ပိတ်ဆို့ယှက်သန်းလို့ နေလေပြီ။ ခရစ္စမတ်ရောက်တော့မည်ဟု နှင်းပွင့်လေးတွေက သူမကို အသိပေး ပြောကြားနေသယောင် ရှိလေသည်။ သူငယ်ချင်းတစ်ယောက် ပေးပို့လာသည့် လှပ ချစ်စရာကောင်းသော စန်တာကလော့ပုံ ခရစ္စမတ် ကဒ်လေးကို စားပွဲပေါ်တွင် မြင်တွေ့လိုက်မိစဉ်တော့ ဒီအချိန် ဒီရာသီမှာ သူမဇာတိ မွေးရပ်မြေကလေးတွင်လည်း ခရစ္စမတ်နဲ့ နှစ်သစ်ကူးအတွက် ပြင်ဆင်ပျော်ရွှင် နေကြပေတော့မည်ကို တွေးလိုက်မိပါသည်။ သူမဘ၀တွင် ဖြတ်သန်းခဲ့သော ခရစ္စမတ်များစွာ၊ နှစ်သစ်များစွာတို့ ရှိခဲ့လေသည်။ ရရှိခဲ့ဖူးသော လက်ဆောင်လေးများမှာလည်း များလှပါသည်။ သို့သော်လည်း ထိုလက်ဆောင် များစွာတို့ထဲတွင်မှ သူမကို အမြဲတမ်းအမှတ်ရနေစေကာ မမေ့နိုင်စေလောက်အောင် ဖြစ်မိသော လက်ဆောင်လေး တစ်ခုလည်း ရှိခဲ့ပါသည်။ ထို လက်ဆောင်လေးအကြောင်း ပြန်စဉ်းစားမိချိန်တွင်တော့ ၀န်းကျင်တခို နှင်းမှုန်လေးများ ယှက်ဖြာ ကာဆီးထားသော်လည်း သူမစိတ်အစဉ်ကိုတော့ ဘယ်အရာကမှ ပိတ်ဆို့ ဆီးတားခြင်းမရှိဘဲ အတိတ်လွင်ပြင်ကို တလွင့်လွင့်ဖြင့် ခရီးနှင်လေတော့သည်။

ထိုစဉ်က သူမသည် ၁၀တန်းအောင်မြင်ပြီးနောက် တက္ကသိုလ်မတက်ခင်စပ်ကြား အားလပ်နေသဖြင့် တက္ကသိုလ်တက်ဖို့စောင့်ရင်း သူမ ဇာတိရွာကလေး၏ အလယ်တန်းတွင် ကျောင်းဆရာမ ပြန်လုပ်နေချိန် ဖြစ်သည်။ ကျောင်းအုပ်ဆရာမကြီးက  သူမ စာသင်ကြားဖို့ တာဝန်ပေးသည့်အတန်းက သူငယ်တန်း(ခ) ဖြစ်သည်။ စာသင်ကြားမှု အတွေ့အကြုံလည်းမရှိ၊ ငယ်ရွယ်သေးသော အချိန်လည်းဖြစ်သောကြောင့် ကလေးငယ်များကို စာသင်ရခြင်း၊ ထိန်းသိမ်းရခြင်းသည် သူမအတွက်တော့ ခက်ခဲသော အလုပ်တစ်ခုပင် ဖြစ်လေသည်။ သို့သော် သူငယ်တန်း(က)ကို သင်ကြားသော ဆရာမမှာ သူမတို့ ဒီကျောင်းမှာ တက်ခဲ့စဉ်ကတည်းက သူငယ်တန်းကိုသာ တစိုက်မတ်မတ် သင်ခဲ့သော ၀ါရင့် အတွေ့အကြုံရှိ သူမ၏ ငယ်ဆရာမ တစ်ဦးလည်း ဖြစ်သည်။ ကျောင်းအုပ်ဆရာမကြီးရော၊ သူမ၏ ငယ်ဆရာမကပါ ကလေးငယ်များအား စာသင်ကြားရေးသာမက၊ စိတ်ဓာတ်ပိုင်းဆိုင်ရာ ပြုစုပျိုးထောင်ပုံပါ နည်းလမ်းနှင့် အကြံဥာဏ်ပေးပါသည်။ ဒီကျောင်းသည် သူမ ငယ်စဉ်ကတည်းက တက်လာခဲ့သော ကျောင်းဖြစ်ပြီး အလယ်တန်း ရောက်မှသာ မြို့တွင် ကျောင်းသွားတက်ခြင်း ဖြစ်သောကြောင့် ကျောင်းသည် သူမနှင့် မစိမ်းလှသလို ဆရာ၊ဆရာမ တော်တော်များများသည်လည်း သူမကို စာသင်ပေးခဲ့ဖူးသူများ ဖြစ်ကြပါသည်။ ပြီးတော့လည်း ဆရာဆရာမတွေရော ကျောင်းတော်ကြီးကပါ သူမကို နွေးထွေးစွာ ကြိုဆိုကြပါသည်။

သူငယ်တန်း(ခ)ကို စာသင်ရသည်မှာ အစပိုင်းတွင် သူမအတွက် အလွန်ခက်ခဲသည်ဟု ထင်သော်လည်း တဖြေးဖြေး အရှိန်ရလာသောအခါ သူမသည် ကလေးများနှင့်  ပျော်ရွှင်လာသည်။ ကလေးဆိုသည်ကလည်း အလွန်ချစ်စရာ ကောင်းသူများ ဖြစ်သည်လေ။ ကလေးများအား စာသင်သည့်အချိန်သင်၊ ကစားချိန် တန်လျှင် ကစားခိုင်း၊ ပုံပြင်ပြောပြလိုက် သီချင်းသင်လိုက်ဖြင့် သူတို့လေးတွေ ကျောင်းတွင် ပျော်ရွှင်လာအောင်လည်း သူမ ကြိုးစားတတ်လာသည်။ ကလေးများအတွက် သီချင်းများ၊ ပုံပြင်များ ရှာဖွေရသည်မှာလည်း သူမအတွက် အလုပ်တစ်ခု ဖြစ်လို့လာသည်။ ကလေးများကိုလည်း သံယောဇဉ်ရှိလာသလို သူတို့လေးတွေကလည်း သူမအပေါ် ချစ်ခင်ကြသည်။ သူမ ကျောင်းရှေ့အရောက် ကျောင်းဝင်းထဲဝင်လာတာ တွေ့သည်နှင့် ကလေးများက သူမကို အပြေးကလေး လာကြိုတတ်ကြသည်။ ကိုင်လာသော စာအုပ်၊ ခြင်း စသည်တို့ကို ဆီးယူကြသည်။ ဆံပင်ကို နောက်ကျောတွင် စည်းထားတတ်သော၊ ရံဖန်ရံခါ ဆံထုံးလေး ထုံးထားတတ်သော သူမဆံပင်တွင် ပန်ဆင်ရန်အတွက် ကလေးများသည် အဖိုးမတန်သော်လည်း လှပမွှေးပျံ့သော အလေ့ကျ တောပန်းကလေးများ၊ သူတို့ အိမ်တွင် ပွင့်နေတတ်သော ပန်းကလေးများကို ခူးဆွတ်၍ ယူလာပေးတတ်ကြသည်။ သူမကလည်း ပေးလာသမျှ ပန်းတို့ကို ခေါင်းတွင်ပန်ဆင်၍လည်းကောင်း စားပွဲပေါ်တွင် ပန်းအိုးကလေးတစ်ခုဖြင့် ထိုးထားခြင်း သော်လည်းကောင်း ကလေးများ စိတ်ကျေနပ်စေရန် အလေးထားပေးရသည်။ ကလေးများနှင့် သူမ၏ ဖြူစင်သော မေတ္တာသည် အပြန်အလှန် ကူးလူးယှက်နွယ်လျှက် ရှိလေသည်။

သို့သော်.. သူမစာသင်ရသော အတန်းတွင် ကလေးငယ်များ အားလုံးတော့ သူမ၏ စာသင်ကြားမှု အစီအစဉ်၊ ပျော်ရွှင်စရာ အစီအစဉ်တို့တွင် လိုက်ပါ စီးမျှောနေခြင်းမဟုတ်ဘဲ ထူးထူးခြားခြား တစ်ဦးသော ကလေးငယ်မှာ စာသင်ချိန်လျှင် လိုက်ဆိုခြင်းမရှိဘဲ သူတစ်ဦးတည်း ဆော့နေခြင်း၊ ပုံပြောလျှင် (သို့မဟုတ်) သီချင်းဆို၊ ကဗျာရွတ်လျှင်လည်း သူ့ စာအုပ်လေးထဲတွင် ဟိုခြစ်သည်ခြစ် ခြစ်နေခြင်း၊ ခုံပေါ်တွင်အိပ်နေခြင်း၊ တွေဝေငေးမောနေခြင်း စသဖြင့် လုပ်နေတတ်သည်။ ထိုကျောင်းသားလေး အမည်မှာ နော်ဆိုင်းဖြစ်သည်။  အများအားဖြင့် နော်ဆိုင်းသည် ပုံဆွဲ ၀ါသနာပါပုံရပြီး လူရုပ်၊ ငှက်ရုပ်၊ စက်ရုပ် စသည်ဖြင့် သူစိတ်ကူးပေါက်ရာ အရုပ်များ ရေးဆွဲနေတတ်သည်။ အခြားသူများနှင့် ပြောဆို ရယ်မောခြင်းလည်းမရှိ၊ တစ်ယောက်ထီးတည်းဖြင့် အပြုံးအရယ်ကင်းမဲ့စွာ နေလေ့ရှိသည်။ အခြားကလေးများက သူ့ကိုစနောက်လျှင်လည်း ခဲတံဖြင့် ထိုးခြင်း၊ တွေ့ရာဖြင့်ရိုက်နှက်ခြင်း၊ ပေါက်ခြင်း စသည်ဖြင့် တုံ့ပြန်တတ်သည်။ သူ့ကြောင့် အနာတရဖြစ်ရသော ကလေးများလည်း မနည်းတော့ပေ။ သူမက ပြောဆိုဆုံးမသည်ဖြစ်စေ၊ အပြစ်ပေးလျှင်ဖြစ်စေ မထီမဲ့မြင် ပုံစံမျိုးဖြင့် ပြန်လည်းမပြော နားလည်းမထောင် နေလေ့ရှိသလို သူမအားလည်း ရန်လိုသော အကြည့်ဖြင့် ကြည့်နေတတ်ခဲ့သည်။ တခါတရံ ကျောင်းအားလပ်ချိန် ၁၅မိနစ်ဆင်းပြီး ကျောင်းပြန်တက်လျှင် နော်ဆိုင်းမှာ ကျောင်းခန်းထဲတွင် မရှိတော့ဘဲ အိမ်ပြန်သွားတတ်ပြန်သည်။

ထိုသို့ဖြင့် စာသင်၍လည်းမရ၊ သူမစကားလည်း နားမထောင်၊ အခြားကျောင်းသားများနှင့်လည်း အဆင်မပြေ၊ သူနေချင်သလို နေနေတတ်သော နော်ဆိုင်းကို  စာထဲတွင် စိတ်ပါလာဖို့၊ သီချင်းများ၊ ကဗျာများကို အခြားကလေးငယ်များလို ပျော်ပျော်ရွှင်ရွှင် သီဆိုဖို့၊ ကစားတတ်လာဖို့ သူမ နည်းမျိုးစုံဖြင့် ကြိုးစားသော်လည်း နော်ဆိုင်းလေး၏ အခြေအနေမှာ ထူးခြား ပြောင်းလဲလာခြင်း မရှိဘဲ ဂျစ်ကန်ကန်၊ မာကြောကြော သူ့စရိုက်အတိုင်းသာ နေနေတတ်ခဲ့သည်။ သို့ဖြင့် ဘေးခန်းကိုသင်သော သူမ၏ ဆရာမကိုလည်း နော်ဆိုင်းအကြောင်း ပြောပြကာ ကလေးအား မည်ကဲ့သို့ ကိုင်တွယ်ရမည်ကို တိုင်ပင် အကြံဥာဏ်တောင်းသောအခါ ဆရာမက သူမအား အကြံတစ်ချို့ ပေးလေသည်။ သို့သော်လည်း ထိုအတိုင်း နော်ဆိုင်းကို ဆွဲဆောင် စည်းရုံးသော်လည်း ထူးမခြားနားသာ။ နော်ဆိုင်းအကြောင်း  အနည်းငယ်သိရသည်မှာ သူသည် အဖေအမေ မရှိဘဲ ဆင်းရဲသော အဒေါ်တစ်ယောက်က ခေါ်ယူကျွေးမွေးကာ ကျောင်းထားပေးခြင်းခံရသော ကလေးတစ်ယောက် ဖြစ်ကြောင်းကို သူမတို့ သိရသည်။ မိသားစု၏ နွေးထွေးသော မေတ္တာကို ခံစားခဲ့ရခြင်းမရှိ၍ နော်ဆိုင်းမှာ ခပ်ပေပေ ခပ်ဆိုးဆိုး ကလေးတစ်ယောက် ဖြစ်နေခဲ့ခြင်း ဖြစ်လေသည်။ နောက်ဆုံးတော့ စိတ်ရှည်ရှည်ဖြင့် ကလေးအား ပြုပြင်သိမ်းသွင်းရန် ဆရာမက သူမအား အကြံပေးပါတော့သည်။

သို့နှင့် စာသင်နှစ် တစ်ဝက် ကျိုးခဲ့ပြီ။ သူမနှင့် ကလေးများမှာလည်း ပျော်ပျော်ရွှင်ရွှင် စာသင်ရင်း သင်ခန်းစာ အသစ်များဖြင့် အချိန်တွေကို ကျော်ဖြတ်ခဲ့ကြပြီ။ ကလေးတိုင်းလည်း စာသင်ရက် ကြာသည်နှင့်အမျှ ဥာဏ်ရည်နှင့် စိတ်ဝင်စားမှုမှာ တိုးတက် ပြောင်းလဲလာသော်လည်း ခုချိန်ထိ ပြောင်းလဲခြင်းမရှိသူက နော်ဆိုင်းတစ်ယောက်သာ။ သီတင်းကျွတ် ကျောင်းပိတ်ရက် ကုန်ဆုံး၍ ကျောင်းပြန်ဖွင့်ချိန်တွင် နော်ဆိုင်းမှာ ကျောင်းသို့ ရောက်မလာသေးပါ။ ကျောင်းဖွင့်သည်မှာ တစ်ပတ်ခန့်ပင်ရှိပြီ။ သို့သော်လည်း နော်ဆိုင်းအတွက် မည်သူကမှ ခွင့်တိုင်ကြားခြင်းမရှိသလို သူမအနေဖြင့် သူ နေမကောင်း၍လား၊ တစ်စုံတစ်ခုကြောင့် ကျောင်းပျက်သည်လား ဆိုတာ မည်သူ့ကို မေးရမှန်းလည်း မသိပေ။ ကျောင်းဝင် စာရင်း စာအုပ်တွင် လိုက်ရှာသောအခါလည်း နော်ဆိုင်း မိဘနံမည် (ကွယ်လွန်) နှင့်  ရွာနံမည်မှလွဲ၍ လိပ်စာအတိအကျ ဖြည့်မထားပေ။ နော်ဆိုင်းနေသော ရွာမှာလည်း သူမတို့ ရွာနှင့် နှစ်မိုင်ခန့် ဝေးလေသည်။ သို့နှင့် နော်ဆိုင်းတို့ရွာမှ ကျောင်းလာတက်သော ကျောင်းသားတစ်ယောက်ကို ရှာဖွေသောအခါ ၅တန်းမှ ကျောင်းသားလေးတစ်ယောက်ကို သွားတွေ့ပြီး ထိုကျောင်းသားကို ခေါ်ယူစုံစမ်းသောအခါမှ နော်ဆိုင်းမှာ ရေနွေးပူ အလောင်းခံရပြီး ခန္ဓာကိုယ် အတော်များများ နေရာတို့တွင် အပူလောင်သွားပြီး ဒဏ်ရာများ ရသွားခဲ့သည်ဟု သိရလေသည်။

သို့နှင့် စနေနေ့ ကျောင်းပိတ်သောရက်တွင် သူမက ကျောင်းမှ သူငယ်ချင်း ဆရာမလေးတစ်ယောက်ကို အဖော်ခေါ်ပြီး နော်ဆိုင်းတို့ ရွာကလေးသို့ လိုက်သွားကြလေသည်။ မုန့်တစ်ချို့နှင့် အသီးတစ်ချို့ကိုလည်း သူမက ၀ယ်ယူခဲ့လေသည်။ နော်ဆိုင်းတို့ အိမ်ကို မေးမြန်းစုံစမ်းပြီး ရောက်သွားသောအခါ အိမ်ကလေးမှာ ခပ်သေးသေး ၀ါးထရံကြဲကြဲဖြင့် ကာရံထားပြီး အကာနှင့် အမိုးတစ်ချို့မှာ ယိုယွင်းပျက်စီးနေခဲ့ကာ မပြေလည်သော အိမ်၏အခြေအနေကို အထင်းသား ပြနေဘိသို့ ရှိလေသည်။ အိမ်ရှေ့တွင် ကလေးငယ်လေးတစ်ယောက်ကို ပိုက်ထားသော အသက်၃၅နှစ်ခန့် အမျိုးသမီးကို တွေ့ရသဖြင့် နော်ဆိုင်းကို လာကြည့်သော ကျောင်းမှ ဆရာမများ ဖြစ်ကြောင်း အကျိုးအကြောင်း ပြောပြသောအခါ ထိုအမျိုးသမီးက သူမသည် နော်ဆိုင်းအဒေါ် ဖြစ်ကြောင်း ပြောပြီး အိမ်ထဲသို့ သူမတို့ကို ခေါ်သွားကာ ဧည့်ခန်းအဖြစ် ခင်းထားသော ၀ါးကွပ်ပျစ်လေးပေါ်တွင် ထိုင်စေသည်။ အိပ်ခန်း တစ်ခန်းတည်း ရှိသော အိမ်ကလေးဖြစ်ပြီး အိမ်အလည် မြေပြင်တွင် မီးဖိုတစ်ခု ရှိနေပြီး ထမင်းဟင်းများမှာလည်း ၄င်း နေရာတွင်သာ ချက်ပြုတ်စားသောက်ဟန် ရှိလေသည်။ ဘေးနားက ကွပ်ပျစ်ပေါ်တွင်တော့ ခန္ဓာကိုယ် အောက်ပိုင်း တစ်ခုလုံးနီးပါး ပတ်တီးများ ဖုံးနေသော နော်ဆိုင်းတစ်ယောက်ကို တွေ့လိုက်ရလေသည်။

နော်ဆိုင်း၏ ဖခင်မှာ မူးယစ်ဆေးဝါးကြောင့် နော်ဆိုင်း မမွေးခင်ကပင် ဆုံးပါးသွားခဲ့ပြီး ထိုအဒေါ်၏ ညီမဖြစ်သူ နော်ဆိုင်းအမေ မှာလည်း နော်ဆိုင်းကို မွေးပြီး မီးတွင်းထဲမှာပင် ဆုံးပါးသွားခဲ့ပြန်သည်။ ကလေး၃ယောက်ရှိသော နော်ဆိုင်းအဒေါ်သည် တူဖြစ်သူ နော်ဆိုင်းအား မိဘတွေ မရှိတော့သဖြင့် ခေါ်ယူ ကျွေးမွေးထားရသော်လည်း စီးပွားရေး ပြေလည်သူတစ်ယောက် မဟုတ်ပေ။ ယောက်ျားဖြစ်သူမှာ ထင်းခုတ်ရောင်းချရပြီး သူမကတော့ မနက်ခင်း ဈေးထဲတွင် ဟင်းသီးဟင်းရွက်များ ရောင်းချခြင်း၊ အိမ်တွင် ၀က်များ မွေးထားခြင်းဖြင့် မိသားစု နေထိုင်စားသောက်ရေးအတွက် ရုန်းကန်နေရသူဖြစ်သည်။ နော်ဆိုင်းမှာ မနက်တိုင်း ကျောင်းမသွားခင် ကလေးထိန်းရပြီး အိမ်သုံးရန်အတွက်လည်း သောက်ရေ၊ သုံးရေကို ရေခပ်ရသေးသည်။ ညနေပြန်လာလျှင်လည်း ၀က်စာအတွက် ပိန်းရွက်များ၊ အခြားအရွက်များ ခူးရခြင်း၊ ရွာထဲရှိ အိမ်များတွင် စွန့်ပစ် ထမင်းကျန် ဟင်းကျန်များ လိုက်လံသိမ်းဆည်းကာ ၀က်စာကျိုရခြင်း တို့ကိုလုပ်ရပြီး ၀က်များကို ကျွေးမွေးရလေသည်။ သို့နှင့် လွန်ခဲ့သည့်အပတ်က နော်ဆိုင်း ၀က်စာကျိုနေစဉ် မီးဖိုပေါ်မှ ၀က်စာအိုး မှောက်ကျကာ ခန္ဓာကိုယ်အောက်ပိုင်း တော်တော်များများ အပူလောင်သွားခဲ့သည်ဟု နော်ဆိုင်းအဒေါ်က နော်ဆိုင်းအကြောင်းနှင့် အဖြစ်အပျက်တို့ကို  ပြောပြလေသည်။

သူ့လို အရွယ်လေးနှင့်မှ မမျှအောင် အလုပ်လုပ်နေရသည်ကို သိလိုက်ရသဖြင့် သူမရင်ထဲတွင် နော်ဆိုင်းအတွက် နာကျင်ဝမ်းနည်းစွာ ခံစားမိလေသည်။ “အပူလောင်တော့ ဆေးခန်းပြသလား” ဟု သူမ မေးတော့ ရွာထဲရှိ ကျန်းမာရေးမှူးထံတွင် ပြကြောင်း သိရပြီး ကျန်းမာရေးမှူးက ဆေးဖိုးမယူဘဲ ဆေးထည့်ပေးသော်လည်း သောက်ရန်အတွက် ဆေးကိုတော့ ၀ယ်ခိုင်းကြောင်း  သူမတို့ကို ပြောပြလေသည်။ သို့သော်လည်း နော်ဆိုင်း၏ အဒေါ်ဖြစ်သူက စားသောက်ဖို့ပင် အနိုင်နိုင်ဖြစ်နေသော သူတို့မိသားစုက နော်ဆိုင်းသောက်ရန် ဆေးဝယ်ဖို့ အတွက် ငွေကုန်ကြေးကျ ခံနိုင်ခြင်း မရှိသဖြင့် သောက်ဆေးတော့ မ၀ယ်ဖြစ်ကြောင်း သိရလေသည်။ ယခုလည်း နော်ဆိုင်းမှာ စောင်ကောင်းကောင်းပင် ခြုံရဟန်မတူ။ စုတ်ပြဲနေသော စောင်ပါးလေး တစ်ထည်သာ ခြုံထားသည်။ ခါတိုင်းတွင် မှုန်ကုတ်ကုတ် နေတတ်သော နော်ဆိုင်းမျက်နှာလေးမှာ ယခုတော့ ဒဏ်ရာကြောင့်လားမသိ.. ညှိုးငယ်လျှက် ရှိနေလေသည်။ ယခုမှ ဆောင်းဝင်စ ဆိုသော်လည်း သူမတို့ တောင်ပေါ်ဆောင်းက အသည်းခိုက်အောင် အေးသည်မို့ ချမ်းနေရှာမှာ အသေအချာပင်။ တဲအလယ်တွင် မီးဖိုရှိသော်လည်း နော်ဆိုင်းအိပ်နေရာ နေရာဆီသို့ အပူရှိန်က ရောက်နိုင်သည်မဟုတ်။

စိတ်မကောင်း ကရုဏာဖြစ်ခြင်းဖြင့် သူမရင်ထဲ ဆို့နင့်စွာ ခံစားရကာ သူမက သူမအင်္ကျီ အိတ်ထောင်လေးကို နှိုက်ကာ ပါလာသမျှငွေကို ရေတွက်ကြည့်သော် ငွေ ၇၀၀၀ ကျော် ရှိသည်ကို တွေ့ရလေသည်။ ထိုစဉ်က ငွေ ၇၀၀၀ သည် မနည်းလှသော ပမာဏဖြစ်ပါသည်။  ၀င်စပြုလာပြီဖြစ်သည့် ဆောင်းအတွက် အနွေးထည်ကောင်းကောင်း တစ်ထည်ဝယ်ဖို့ သူမ စိတ်ကူး ရှိခဲ့သော်လည်း ရှိထားသည့် အနွေးထည်နှင့် သည်ဆောင်းကို ဖြတ်သန်းဖို့ လုံလောက်ပါသည်။ သူမအတွက် အင်္ကျီအသစ်တစ်ထည် မ၀ယ်ရလည်း ဘာမျှဖြစ်မည် မဟုတ်ပါ။ သို့သော် နော်ဆိုင်းတို့ မိသားစုမှာတော့ ဆေးကုရန်မပြောနှင့် စားသောက်ဖို့ပင် အနိုင်နိုင်မို့ ထိုငွေပမာဏသည် တစ်စုံတစ်ခုသော အတိုင်းအတာတော့ အကျိုးဖြစ်လောက်မည် ထင်ပါသည်။ နော်ဆိုင်း အဒေါ် လက်ထဲသို့ ထိုငွေကို ထည့်ပေးလိုက်ပြီး နော်ဆိုင်းအတွက် သောက်ရန်ဆေးနှင့်  လိုအပ်သောပစ္စည်းများ ၀ယ်ဖို့ဟု ပြောကာ ပေးလိုက်လျှင် နော်ဆိုင်း အဒေါ်မှာ အားတုံ့အားနာဖြင့် လက်ခံယူပြီး ကျေးဇူးတင်စကား ပြောရှာပါသည်။ နော်ဆိုင်းကိုလည်း မကြာခင် အနာသက်သာပြီး ကျောင်းပြန်တက်နိုင်မည်ဖြစ်ကြောင်း သူမက ပြောဆို အားပေးသောအခါ ယခင်ကလို ရန်လိုသောအကြည့်မျိုးနှင့် ကြည့်မနေဘဲ အားငယ်စိတ်များ လွှမ်းနေသော အကြည့်တစ်မျိုးဖြင့် သူမကို ကြည့်နေခဲ့သည်။

နော်ဆိုင်းနှင့် သူ့အဒေါ်ကို သူမတို့နှုတ်ဆက်ပြီး ပြန်လာခဲ့စဉ်တွင်  မိဘမေတ္တာကိုလည်း မခံစားရ၊ အရွယ်နှင့်ပင်မမျှအောင် အလုပ်လုပ်ရသော နော်ဆိုင်းအတွက် ဖော်ပြရန်ခက်သော ခံစားမှု တစ်မျိုးဖြင့် သူမစိတ်ထဲတွင် ၀မ်းနည်းလို့ နေမိသည်။ ထို့ကြောင့်လည်း နော်ဆိုင်းသည် ကျောင်းတွင် အများနှင့်မတူ ကြမ်းတမ်းခက်ထန်သော၊ နေချင်သလို နေတတ်သော ကလေးတစ်ယောက် ဖြစ်နေခဲ့ခြင်း ဖြစ်ပါလိမ့်မည်။ သူ့တွင် ငယ်ငယ်ရွယ်ရွယ်နှင့် ဘ၀၏ ဒဏ်ရာဒဏ်ချက်များ ပြည့်နှက် နေခဲ့သည် မဟုတ်ပါလား။ နောက်တစ်ပတ် ကျောင်းပိတ်ရက်တွင် အိမ်တွင်ရှိသည့် စောင်တစ်ချို့၊ စားစရာသောက်စရာနှင့် သူမမောင်လေး၏ မတော်တော့သော အနွေးထည်များကို ယူဆောင်ကာ နော်ဆိုင်းတို့ ရွာကလေးသို့ ထပ်သွားမိပြန်သည်။ သည်တစ်ကြိမ်တွင် နော်ဆိုင်းက ထူးထူးခြားခြား သူမကို နှုတ်ဆက်စကား ပြောပါသည်။  သူမကိုယ်တိုင် နော်ဆိုင်းကို အစားအသောက်တစ်ချို့ကို ကျွေးမွေးကာ ဆေးပါ တိုက်ခဲ့ပြီး သူ့အတွက် ယူသွားသော အနွေးထည်များကို ပေးသောအခါတွင် မျက်နှာလေးမှာ ၀မ်းသာသော အရိပ်အယောင်များဖြင့် ၀င်းပနေခဲ့သည်။ သို့နှင့် ကျောင်းပိတ်ရက်တိုင်း နော်ဆိုင်းတို့ ရွာကလေးသို့ သူမ သွားလေ့ရှိသလို နော်ဆိုင်းမှာလည်း တစ်လနီးပါးခန့်အကြာတွင် အပူလောင်သည့် အနာ ကျက်လာပြီး သက်သာစ ပြုလာတော့သည်။ သူမအပေါ်တွင်လည်း ရင်းနှီးခင်မင်သည့် အမူအရာများ ရှိလာပြီး စကားလုံး များများ ပြောစ ပြုလာပြီဖြစ်သည်။

အနာသက်သာပြီး ကျောင်းပြန်တက်သောအချိန်တွင် နော်ဆိုင်းအမူအရာမှာ ယခင်နှင့်မတူတော့ဘဲ ပြောင်းလဲသွားခဲ့ပါပြီ။ သူမပြောစကားကိုလည်း နားထောင်လာပြီး အခြား ကလေးငယ်များနှင့်လည်း သင့်သင့်မြတ်မြတ် နေထိုင်တတ်လာသည်။ ပုံဆွဲ ၀ါသနာပါသော နော်ဆိုင်းအတွက် သူမက ရောင်စုံခဲတံတစ်ဘူး ၀ယ်ပေးထားပြီး စာသင်ချိန်မဟုတ်သည့် အခါတွင်မှ ဆွဲရန်ပြောထားသည်။ နော်ဆိုင်းကလည်း သူမပြောစကား နားထောင်ပါသည်။  စာသင်လျှင် ငေးမောခြင်း၊ ပုံဆွဲနေခြင်းမျိုး မလုပ်တော့ဘဲ.. ငြိမ်သက်စွာ နားထောင်ခြင်း လိုက်ဆိုခြင်းတို့ကို ပြုလုပ်တတ်လာသည်။  ထိုသို့ အတန်းထဲတွင် စိတ်ပါဝင်စားစွာ ရှိလာခြင်းသည်  သူမ၏ စေတနာအတွက် နော်ဆိုင်းထံမှ ပြန်ရလိုက်သော တုံ့ပြန်မှုလေးများ ဖြစ်ပါသည်။ သို့နှင့် ခရစ္စမတ်ကျောင်းပိတ်ရက် နီးလာပြီဖြစ်သည်။ ပိတ်ရက် မတိုင်မှီတွင် သူမတို့ ကျောင်းတွင်  ကျောင်းခရစ္စမတ်ပွဲတော်ကို ကျင်းပလေ့ ရှိပါသည်။ သူမတို့ကျောင်းသည် ကျောင်းသူကျောင်းသားများတွင်ရော ဆရာဆရာမများတွင်ပါ  ခရစ်ယာန်နှင့် ဗုဒ္ဓဘာသာ ရောနှောလျှက်ရှိသော်လည်း ဘာသာတစ်ခုနှင့်တစ်ခု ခွဲခြားခြင်းမရှိဘဲ ၀ါဆိုသင်္ကန်းကပ်ခြင်း၊ ကထိန်သင်္ကန်းကပ်ခြင်း၊ ကျောင်းခရစ္စမတ်ပွဲ ပြုလုပ်ခြင်း စသည့် ရာသီအလိုက် ဘာသာရေးပွဲများကို တစ်ကျောင်းလုံး အနေအထားဖြင့် ပြုလုပ်ကျင်းပလေ့ရှိပါသည်။ ကျောင်းသားတိုင်းလည်း သာတူညီမျှ ခွဲခြားခြင်းမရှိ ပါဝင်ဆင်နွဲကြရပါသည်။ ဤသည်မှာ ကျောင်းကို အုပ်ချုပ်မှုကောင်းသော ဆရာမကြီး၏ စည်းလုံးညီညွှတ်မှုနှင့် အရည်အချင်းရှိမှု၏ ပြယုဒ်တစ်ခု ဖြစ်ပါသည်။ 



နှင်းငွေ့တို့ဖြင့် သိုင်းခြုံရစ်ထွေးထားသော သူမမွေးရပ်မြေ၏ ဒီဇင်ဘာဆောင်းသည် ချမ်းအေးလှသော်လည်း ကျောင်းခရစ္စမတ်ပွဲရက်မို့ ကျောင်းသားကျောင်းသူတိုင်းက အချမ်းဒဏ်ကို မေ့လျော့ကာ ပျော်ရွှင် တက်ကြွနေကြသည်။ ခရစ္စမတ်သစ်ပင်များ အလှဆင်ခြင်း၊ အသံချဲ့စက်များ တတ်ဆင်ခြင်း ၊ ကျောင်းဟောခန်းမတွင် တစ်ကျောင်းလုံးအတွက် ထိုင်ခုံနေရာများ ချထားခြင်း၊ တစ်ကျောင်းလုံး စားသောက်ရန်အတွက် ကြက်သားဆန်ပြုတ် ပြုတ်ခြင်းတို့ကို တာဝန်ခွဲဝေထားသော ဆရာဆရာမများက ဦးဆောင်ပြီး အတန်းကြီး ကျောင်းသားများဖြင့် စုပေါင်းကာ ပျော်ပျော်ပါးပါး ပြင်ဆင်နေကြသည်။ တစ်ကျောင်းလုံးအတွက် ဆန်ပြုတ်အိုးကြီးမှာလည်း အငွေ့တစ်ထောင်းထောင်း အနံ့တသင်းသင်းဖြင့် မွှေးပျံ့၍ နေပေတော့သည်။ ကျောင်းခရစ္စမတ်ပွဲရက်တွင် သူမတို့ကျောင်းမှ ကျောင်းသူကျောင်းသားများအားလုံး မိမိတို့၏ ဆရာဆရာမများကို ခရစ္စမတ် လက်ဆောင်လေးများ ပေးလေ့ရှိသလို အတန်းကြီးကျောင်းသားများက အတန်းသားအချင်းချင်းလည်း ခရစ္စမတ် လက်ဆောင်ပစ္စည်းများကို ပျော်ရွှင်စွာ လှဲလှယ်လေ့ ရှိကြသည်။ ကလေးများပေးသည့် ခရစ္စမတ် လက်ဆောင်လေးများမှာ ပြက္ခဒိန်၊ စာအုပ်၊ ပိုစ့်စကဒ် စသည်မှ အမျိုးမျိုးသော လက်ဆောင်ကလေးများ ပါဝင်ကြသည်။ သူမစားပွဲပေါ်တွင်လည်း ကလေးငယ်များပေးသော ပြက္ခဒိန်လေး၊ ပန်းကလေးများ၊ အရုပ်သေးသေးလေးများ၊ ခရစ္စမတ် ရင်ထိုးကလေးများ စသဖြင့် တန်ဖိုးမကြီးသော်လည်း အမြတ်တနိုး အမှတ်တရပေးသော လက်ဆောင်များဖြစ်၍လည်း လှပ ချစ်စရာကောင်းနေပါသည်။


ခရစ္စမတ်ပွဲ ကျင်းပဖို့ အချိန်နီးပြီဖြစ်၍ ကျောင်းသားများအားလုံး ဟောခန်းမသို့ ၀င်ခါနီး ချိန်တွင် နော်ဆိုင်းက သူမအနီးသို့ ရောက်လာပြီး ခေါက်ထားသော စာရွက်လေးတစ်ရွက်ကို ဆရာမအတွက်ဟု ပြောကာ ပေးလာပါသည်။ သူမက ပြုံးလိုက်ကာ စာရွက်လေးကို ဖွင့်ကြည့် လိုက်ချိန်တွင် ရောင်စုံခဲတံဖြင့် အင်္ကျီကို အဖြူရောင်၊ လုံချည်ကို အစိမ်းခြယ်ထားပြီး ခေါင်း တွင် ပန်းပန်ထားပုံရသည့် ကျောင်းဆရာမပုံမှန်း သိသာစေသော အရုပ်ပုံလေးတစ်ခု ဖြစ်နေလေသည်။ ကလေးငယ်တစ်ယောက်၏ လက်ရာဖြစ်၍ သေသပ် လှပ မနေသော်လည်း ပုံကလေးကို သူမအမြတ်တနိုး ဖြစ်မိပါသည်။ နော်ဆိုင်းက ကြည်စင်သန့်ရှင်းနေသော အပြုံးလေးနှင့်အတူ “ဆရာမပုံ ကျွန်တော်ဆွဲထားတာ” ဟု ပြောလေသည်။ ပြုံးနေသော နော်ဆိုင်းမျက်နှာလေးနှင့် သူဆွဲထားသော အဖြူအစိမ်းဝတ် ရုပ်ပုံလေးကို ကြည့်ကာ မျက်ရည်များပင် ရစ်ဝိုင်းလာမိအောင် သူမရင်ထဲ ကြည်နူးချမ်းမြေ့ခြင်းကို ခံစားလိုက်ရပါသည်။ အမြဲတမ်း မှုန်ကုတ်နေတတ်ခဲ့သော၊ ရန်လိုသောအကြည့်များဖြင့် ကြည့်တတ်ခဲ့သော၊ အခြားသူများနှင့် မည်သည့်အခါမှ ပေါင်းသင်းဆက်ဆံခြင်းမပြုဘဲ တစ်သီးတစ်ခြား နေလေ့ရှိသော နော်ဆိုင်းလေးသည် ယခုချိန်တွင်တော့ ပြောင်းလဲလာခဲ့ပြီ ဖြစ်သည်။

သူမဘ၀တွင် ကျော်ဖြတ်ခဲ့ဖူးသော ခရစ္စမတ်များစွာ ရှိခဲ့ပါသည်။ ရခဲ့ဖူးသော ခရစ္စမတ် လက်ဆောင် များမှာလည်း များစွာ ရှိခဲ့ပါသည်။ သို့သော်လည်း နော်ဆိုင်းထံမှ ရခဲ့သော အပြုံးကလေးတစ်ပွင့်နှင့် ခရစ္စမတ်လက်ဆောင်လေး တစ်ခုသည် သူမအတွက်တော့ နှစ်ပေါင်းမည်မျှ ကြာသည်ဖြစ်စေ ဘယ်ခါမှ မေ့မည်မဟုတ်သလို အမြဲတမ်း အမှတ်ရနေမည့် လက်ဆောင်လေးတစ်ခုလည်း ဖြစ်ပါသည်။

~~~~~~~~~~~~~~~~~~~~~~~~~~~~~~~~~~~~~~~~

လွန်ခဲ့သော ၁၀တန်းအောင်ပြီးစကာလ ဇာတိဒေသတွင် ကျောင်းဆရာမလုပ်ခဲ့စဉ် ရခဲ့ဖူးသော ခရစ္စမတ် လက်ဆောင်လေး များစွာသို့............

~~~~~~~~~~~~~~~~~~~~~~~~~~~~~~~~~~~~~~~~

လွန်ခဲ့တဲ့ ၂-နှစ်က ရေးခဲ့တဲ့ ဝတ္ထုလေးပါ။ ခရစ်စမတ်ကာလအတွက် အသစ်မရေးဖြစ်လို့ အဟောင်းလေးကိုပဲ  မဖတ်ရသေးသူများ အတွက်ရော ဖတ်ပြီးသူများအတွက်ပါ ဖတ်လို့ရအောင် ပြန်တင်ပေးလိုက်ပါတယ်ရှင်။

~~~~~~~~~~~~~~~~~~~~~~~~~~~~~~~~~~~~~~~~





၂၀၁၂ မယ်စင်္ကြဝဠာ


၂၀၁၂ ရဲ့ မယ်စင်္ကြာဝဠာပြိုင်ပွဲ ပြီးဆုံးသွားပြန်ပါပြီ။ မယ်စင်္ကြာဝဠာပြိုင်ပွဲ တွေကို စိတ်ဝင်စားတဲ့ မချောတစ်ယောက် ခုလည်း ဘယ်သူတွေ ဆုရရှိသလဲဆိုတာ စပ်စုမိပြန်ပါပြီ။ ပြီးခဲ့တဲ့ ၂၀၁၁ တုန်းကတော့ အသားညိုညို ချစ်စရာအင်ဂိုလာမယ်လေးက သရဖူဆောင်းခဲ့တာပါ။ အဲဒီအကြောင်းကိုတော့ ဒီနေရာမှာ ရေးခဲ့ပြီးပါပြီ။ ဒီနှစ်၂၀၁၂  ရဲ့ ၆၁ကြိမ်မြောက် မယ်စင်္ကြာဝဠာပြိုင်ပွဲရဲ့ သရဖူပေးပွဲကို ဒီဇင်ဘာ ၁၉ရက်နေ့က အမေရိကန်နိုင်ငံ လာဗေးဂတ်စ်  Planet Hollywood Resort and Casino မှာ ကျင်းပခဲ့ပြီး နိုင်ငံပေါင်း ၈၉နိုင်ငံက အလှမယ်တွေ ပါဝင် ယှဉ်ပြိုင်ကြပါတယ်။ ပြိုင်ပွဲဝင်မယ်များဟာ အသက် ၁၉နှစ်ကနေ ၂၆နှစ်အထိ ပါဝင်ကြပါတယ်။ ပြိုင်ပွဲကို အကဲဖြတ်ဒိုင်သူကြီး ၈ဦးက အကဲဖြတ် အမှတ်ပေးခဲ့ကြရာမှာ ယခင်က Miss Universe ပြိုင်ပွဲဝင်ဟောင်း တစ်ဦးဖြစ်တဲ့ Miss USA  Crystle Stewart လည်း ပါဝင်ပါတယ်။ မှတ်မှတ်ရရ ပြောရရင် သူပြိုင်ပွဲဝင်ခဲ့တဲ့နှစ်မှာ စင်ပေါ်မှာ ချော်လဲခဲ့တဲ့ Miss Universe ပြိုင်ပွဲဝင် တစ်ဦးပါ။ မနှစ်က Miss Universe သရဖူဆောင်းခွင့်ရခဲ့တဲ့ အန်ဂိုလာမယ် Leila Lopes တို့ကလည်း အစီအစဉ် တင်ဆက်သူအဖြစ် ပါဝင်ခဲ့ပါတယ်။



မယ်စင်္ကြာဝဠာပြိုင်ပွဲကို ပြီးခဲ့တဲ့ ဒီဇင်ဘာ ၁၄ရက်နေ့ကတည်းက စတင်ယှဉ်ပြိုင်ကြရာမှာ ထုံးစံအတိုင်း ဝတ်စုံသုံးမျိုးနဲ့ ယှဉ်ပြိုင်ကြရပါတယ်. မိမိတိုင်းပြည်ကို ကိုယ်စားပြုတဲ့ အမျိုးသားဝတ်စုံ၊ ညနေခင်းဝတ်စုံနဲ့ ရေကူးဝတ်စုံ စသည်တို့ဖြင့် ပြိုင်ပွဲဝင်ကြရတာဖြစ်ပြီး အမျိုးသားဝတ်စုံနဲ့ ပြိုင်ကြရာမှာလည်း နိုင်ငံအသီးသီးက မယ်တွေဟာ ထူးထွေဆန်းပြား အရောင်အသွေး စုံလင်လှတဲ့ ဝတ်စုံတွေနဲ့ ပြိုင်ပွဲဝင် ကြပါတယ်။ ပြိုင်ပွဲ ဝင်ကြတဲ့ အမျိုးသားဝတ်စုံ တစ်ချို့ကို လက်လှမ်းမီသလောက် ဖော်ပြရရင်



Miss Bolivia ရဲ့ အမျိုးသားဝတ်စုံ 



Miss Cyprus ရဲ့ ဝတ်စုံ 




Miss Ecuador ရဲ့ ဝတ်စုံ

Image Hosted by PicturePush - Photo Sharing

Miss Venezuela ရဲ့ ဝတ်စုံ



Miss India ရဲ့ ဝတ်စုံကတော့ ခပ်ရိုးရိုး ဆာရီတစ်စုံပါဘဲ


Miss Indonesia  ရဲ့ စိတ်ဝင်စားဖွယ် ဝတ်စုံ




Miss Philippines  ရဲ့ အမျိုးသား ဝတ်စုံ 

Image Hosted by PicturePush - Photo Sharing

Image Hosted by PicturePush - Photo Sharing

Miss Philippines ကတော့ ပြိုင်ပွဲဝင်တွေ တစ်ဦးချင်း မိတ်ဆက်စကားပြောစဉ်ကတည်းက ပရိတ်သတ်ရဲ့ အားပေးသံ လက်ခုတ်သံတို့ကို အများဆုံး ရရှိခဲ့သူ ဖြစ်ပါတယ်။ 

Image Hosted by PicturePush - Photo Sharing








အကောင်းဆုံး အမျိုးသားဝတ်စုံဆုကို ရရှိသွားတဲ့ ပြိုင်ပွဲဝင် Miss China ( Jidan Xu) ရဲ့ ဝတ်စုံပါ။ ဆုရမယ်ဆိုလည်း ရချင်စရာပါ တော်တော်လက်ဝင်ပြီး ရှုပ်ရှက်ခတ်မဲ့ ဝတ်စုံပါဘဲ။ 


ညနေခင်းဝတ်စုံလို့ခေါ်တဲ့ ဂါဝန်ရှည်လေးတွေ ဝတ်ဆင်ပြီး ပြိုင်ပွဲဝင်တဲ့အခါမှာ သိပ်ရှည်လွန်းတဲ့ ညနေခင်းဝတ်စုံတွေကြောင့် ဝတ်စုံကိုနင်းမိပြီး စင်ပေါ်မှာ ချော်လဲကြတဲ့ မယ်တွေ မကြာခဏ တွေ့ရတတ်ပါတယ်။ အခုပွဲမှာလည်း Miss China နဲ့ အနီရောင်ဝတ်စုံက စင်ပေါ်မှာ အတော်လေး အနှောက်အယှက်ဖြစ်ဟန် ရှိပြီး ဂါဝန်စ တက်နင်းပြီး ချော်လဲခါနီး ၂ခါ လောက်ဖြစ်တာ တွေ့ရပါတယ်။ နောက်တော့ သူလည်း ဝါဝန်လေး မကာ မကာနဲ့ လျှောက်ရပါတော့တယ်။ နောက်ပိုင်းမှာ ပါးနပ်သူများကတော့ လှေခါးထစ်တွေကို ဆင်းတော့မယ်ဆိုကတည်းက ဂါဝန်လေးကို ကြိုတင်မပြီးမှသာ ဆင်းကြပါတော့တယ်။ အင်ဒိုနီးရှားမယ်ကလေးကနည်း ပြန်ထွက်ခါနီးမှ ဝတ်စုံဖျားကို ခလုတ်တိုက် လိုက်ပါသေးတယ် 

Image Hosted by PicturePush - Photo Sharing

အပြာရောင်ဝတ်စုံနဲ့ Miss Guyana ကတော့ လုံးဝကို ချော်လဲပါတော့တယ်။ သို့သော်လည်း ဟန်မပျက် ပြန်ထပြီး ခပ်ပြုံးပြုံးနဲ့ဘဲ ဆက်လျှောက်သွားခဲ့ပါတယ်။ 

Image Hosted by PicturePush - Photo Sharing

Miss China ရဲ့ ညနေခင်းဝတ်စုံ

Image Hosted by PicturePush - Photo Sharing
Albania (Adrola Dushi), Angola (Marcelina Vahekeni) and Aruba (Liza Helder) တို့ရဲ့ ညနေခင်းဝတ်စုံများ

Image Hosted by PicturePush - Photo Sharing

Croatia (Elizabeta Burg), Curacao (Monifa Joanne Marie Jansen) and Ecuador (Carolina Andrea Aguirre Perez) တို့ရဲ့ညနေခင်းဝတ်စုံ

Image Hosted by PicturePush - Photo Sharing

Georgia (Tamar Shedania), Guyana (Ruqayyah Boyer), Jamaica (Chantal Jaky) တို့ရဲ့ညနေခင်းဝတ်စုံ


Image Hosted by PicturePush - Photo Sharing

Kosovo (Diana Avdiu), Malaysia (Kimberly Leggett), Mexico (Karina Gonzalez) တို့ရဲ့ညနေခင်းဝတ်စုံ

Image Hosted by PicturePush - Photo Sharing

Paraguay (Egni Eckert), Philippines (Janine Tugonon), Puerto Rico (Bodine Koehler) တို့ရဲ့ညနေခင်းဝတ်စုံ

Image Hosted by PicturePush - Photo Sharing

Tanzania (Winfrida Dominic), Thailand (Nutpimon Farida Waller), USA (Olivia Culpo) and Venezuela (Irene Sofia Esser Quintero) တို့ရဲ့ညနေခင်းဝတ်စုံ

Image Hosted by PicturePush - Photo Sharing


Miss Ethiopia ကတော့ နာမည်လိုက်အောင် ခပ်ပိန်ပိန်တစ်ဖြောင့်တည်းနီးပါး ဖြစ်တာကို တွေ့ရပါတယ်။ သူမကတော့ ပိုစ့်ပေးတာတွေ ဘာတွေ သိပ်မတွေ့ရဘဲ ခပ်မြန်မြန်လျှောက်သွားခဲ့ပါတယ်။ ပြိုင်ပွဲဝင်တဲ့ တစ်ချို့မယ်တွေဟာ အပြုံးအလွန်နည်းပါတယ်။ သူတို့ကိုကြည့်ပြီး သူတို့ကိုယ်စားပြုံးမိရတဲ့အထိ ဖြစ်ရပါသေးတယ်။ 

ညနေခင်းဝတ်စုံများနဲ့ ယှဉ်ပြိုင်ပြီးနောက်မှာ ဆန်ကာတင် ၁၆ဦးကို ရွေးချယ်ပါတယ်။ ဆန်ကာတင် ၁၆ဦးမှာ ပါဝင်သူတွေကတော့ 
  1. Venezuela
  2. Turkey
  3. France
  4. Peru
  5. Russia
  6. Mexico
  7. Poland
  8. Hungary
  9. South Africa
  10. Philippines
  11. Croatia
  12. Brazil
  13. Kosovo
  14. Australia
  15. India
  16. USA 

တို့ဖြစ်ပါတယ်။ 





Miss Univers 2012 Top 5 Miss Universe 2012   Winner Results Video

ဆက်လက်ပြီး ဆန်ကာတင် ၅ဦးကို ရွေးချယ်ရာမှာ
Miss Venezuela – Irene Sofia Esser Quintero
Miss Philippines – Janine Tugonon
Miss Australia – Renae Ayris
Miss USA – Olivia Culpo
Miss Brazil – Gabriela Markus တို့ သာ ဆန်ကာတင် ကျန်ရစ်ခဲ့ပါတယ်။  

Miss Australia ကို 4th Runner up  အဖြစ် ကြေငြာလိုက်ပြန်တော့ ကျန်ရစ်သူ ၄ဦးက စိတ်လှုပ်ရှား စွာ စောင့်မျှော်ကြရပါတယ်။ Miss Brazil က 3rd Runner up  အဖြစ် ပန်းစည်းကို လက်ခံရယူပြီးပြန်တော့ စင်ပေါ်မှာ သုံးဦးသာ ကျန်ရစ်ခဲ့ပါတယ်။ Miss Venezuela က 2nd Runner up  ရရှိသွားပြန်တော့ စင်ပေါ်မှာ Miss Philippines နဲ့ Miss USA တို့နှစ်ဦးသာ ကျန်ရစ်ခဲ့ပါပြီ။ 

Image Hosted by PicturePush - Photo Sharing
Miss Philippines နဲ့ Miss USA

Image Hosted by PicturePush - Photo Sharing

Miss USA

Miss USA 2012, Olivia Culpo, is introduced during the 2012 Miss Universe Pageant at PH Live at Planet Hollywood Resort & Casino on December 19, 2012 in Las Vegas, Nevada.

Image Hosted by PicturePush - Photo Sharing

Miss USA ရဲ့ ညနေခင်းဝတ်စုံပါ .. ကျွန်မကတော့ သူ့ဝတ်စုံကို ဖော်လွန်းနေတာကလွဲလို့ ထူးထူးခြားခြားလှပတယ်လို့ကို မထင်မိပါဘူး။ 



Image Hosted by PicturePush - Photo Sharing

Miss Philippines

Miss Philippines


Image Hosted by PicturePush - Photo Sharing

ရုပ်ရည်ရော ဝတ်စုံပါ လှပတဲ့ Miss Philippines ပါ။



 ပြီးတော့လည်း သူမဟာ အင်္ဂလိပ်စကား ပြောတာလည်း အလွန်ကောင်းပါတယ်။ ဆန်ကာတင် ၅ဦးကို ဒိုင်လူကြီးများက မေးခွန်းများ မေးရာမှာ  မေးခွန်းတွေကို စကားပြန်မလိုဘဲ ဖြေဆိုတဲ့သူ ဖြစ်ပါတယ်။ အသက် ၂၃နှစ်အရွယ်  Miss Philippines (Janine Tugonon ) ဟာ ဒီပွဲမှာ ရေပန်းအစားဆုံး၊ ပရိတ်သတ် အကြိုက်ဆုံး ဖြစ်ပါတယ်။ တော်တော် များများကလည်း သူမကို Miss Universe ရမယ်လို့ ခန့်မှန်းကြပါတယ်။ သူမတို့နှစ်ဦး တစ်ယောက်လက် ကို တစ်ယောက်က ဆုပ်ကိုင်ကြရင်း Miss Universe ကြော်ငြာမဲ့ အသံကို ရင်ခုန်စိတ်လှုပ်ရှားစွာ နားစွင့်နေကြရာ နောက်ဆုံးမှာတော့  အသက် ၂၀အရွယ်ရှိ Miss USA  ဖြစ်သူ Olivia Culpoက ရရှိသွားခဲ့ပါတယ်။ နာမည်ကြီးနေတဲ့ Miss Philippines ကတော့ First Runner up နဲ့သာ ကျေနပ် လိုက်ရပြီး ဒီတစ်ပွဲမှာလည်း နာမည်ကြီးပြီး Philippines လွဲခဲ့ရ ပြန်ပါတယ်။ 


Image Hosted by PicturePush - Photo Sharing

မနှစ်က မယ်စင်္ကြာဝဠာ  Leila Lopes က ဒီနှစ် မယ်စင်္ကြာဝဠာကို သရဖူ လွဲပြောင်းပေးအပ်လိုက်ပါတယ်

Image Hosted by PicturePush - Photo Sharing

အောင်နိုင်သူရဲ့ အလှဆုံးပြုံးချိန် (ပြုံးလိုက်ရင်တော့ သူ့အပြုံးလေးက အတော်လှသား) 





ပရိတ်သတ်များကို နှုတ်ဆက်နေတဲ့ မယ်စင်္ကြာဝဠာ

Image Hosted by PicturePush - Photo Sharing

အမေရိကမယ်တို့ဟာ ပြိုင်ပွဲဝင်တဲ့  နှစ်ပေါင်း ၆၀အတွင်းမှာ ရှစ်ကြိမ်မြောက် မယ်စင်္ကြာဝဠာသရဖူကို ရရှိသွားခဲ့ပါပြီ။ နောက်ဆုံးအကြိမ် ရရှိခဲ့တာဟာ ၁၉၉၇ခုနှစ် ဖြစ်ပါတယ်။ 

ပြိုင်ပွဲပြီးဆုံးသွားပေမဲ့ "Miss Universe ပြိုင်ပွဲဟာ မျှတမှုမရှိဘူး။ အမေရိကန်မှာလုပ်လို့ Miss USA က သရဖူဆောင်းခွင့်ရတယ်။ တကယ်တမ်းတော့ Miss Philippines ကသာ ပိုရထိုက်တယ်" စသဖြင့် အငြင်းပွားမှုတွေ၊ ဝဘ်ဆိုဒ်တွေပေါ်မှာ ကော်မန့်တွေများစွာနဲ့ complaints တွေကတော့ ထွက်ပေါ်လို့ နေပါတယ်။ ဘယ်သူတွေ ဘယ်လို ပြောကြပါစေ။ အမေရိကတို့ကတော့ ဒီနှစ်အတွက် သရဖူကို ဆောင်းသွားခဲ့ပြီဖြစ်ပါတယ်။  






ကျေးဇူးစကားမယ်စင်္ကြာဝဠာပြိုင်ပွဲ နီးတိုင်း အဲဒီအကြောင်းရေးဖို့ သတိတရ သတိပေးတတ်တဲ့ အစ်မ မြသွေးနီ ကို ကျေးဇူး အထူးတင်ရပါတယ်။ သူတိုက်တွန်းလို့လည်း ဒီလို ပိုစ့်တွေကို အခုလို သတိတရနဲ့ ရေးဖြစ်တာ ဖြစ်ပါတယ်။ 




Ref and photo:  

ရခိုင်ရှေးဟောင်းမြို့တော် မြောက်ဦးသို့

ဒီတစ်ပတ် ခရီးသွားမှတ်တမ်းအဖြစ် မြောက်ဦးခရီးစဉ်အကြောင်း ဆက်ရေးပါဦးမယ်ရှင်... ရခိုင်ပြည်နယ်ရဲ့ ရှေးဟောင်းမြို့တော်ဖြစ်ခဲ့တဲ့ မြောက်ဦးမြို့ဟာ ရခိုင်ဘုရင်တို့ တည်ထားခဲ့တဲ့  ရှေးဟောင်း ဘုရား စတီများ ပေါများလှတဲ့ အပြင် ရခိုင်မင်းဆက်တို့ စိုးစံခဲ့တဲ့ မြောက်ဦးနန်းတော်ရဲ့ နန်းမြို့ရိုးနဲ့ နန်းတော်ရာဟောင်းကို ယခုတိုင် ခိုင်ခိုင်မာမာ တွေ့ရှိနိုင်ပါတယ်။ 

ရန်ကုန်ကနေ စစ်တွေကို Air Mandalay နဲ့ ထွက်ခဲ့ရာမှာ လေယာဉ်ပေါ်က ခရီးသည် ၈၀ ရာခိုင်နှုန်းဟာ နိုင်ငံခြားသားများ ဖြစ်ပါတယ်။ သူတို့ဟာ ရခိုင်ပြည်နယ်ရဲ့ ရှေးဟောင်းမြို့တော် မြောက်ဦးမြို့ကို သွားရောက်ကြမဲ့ သူတွေချည်းဖြစ်တယ်လို့ သတိရတဲ့အချိန်မှာ မြောက်ဦးမြို့ဟာလည်း ပုဂံမြို့ဟောင်းလိုဘဲ နိုင်ငံခြားသားတွေကို ဆွဲဆောင်နိုင်တဲ့ နေရာတစ်ခု ဖြစ်နေပါလားဆိုတာ သိခဲ့ရပါတယ်။ ကျွန်မတို့အတွက်ကတော့  မိခင်ဖြစ်သူလဲ ပါတာကြောင့် ကားလမ်းခရီးကတော့ အနည်းငယ်ခက်ခဲ ကြမ်းတမ်းတယ် ဆိုတာရယ်၊ အချိန်လည်း သိပ်မရတဲ့အတွက် လေယာဉ်ခရီးကို ရွေးချယ်ခဲ့တာပါ။ လမ်းပန်းဆက်သွယ်ရေးနဲ့ ယခုဆိုရင် ဒေသတွင်းအခြေအနေပါ တိုးတက် ကောင်းမွန်လာခဲ့မယ်ဆိုရင် မြောက်ဦးမြို့ဟာ ကမ္ဘာလှည့်ခရီးသည်တွေ ခုထက်ပိုပြီး လာရောက်လှည်ပတ်ကြမဲ့ နေရာဖြစ်ပါတယ်။ 

Image Hosted by PicturePush - Photo Sharing

ရခိုင်ပြည်နယ်ရဲ့ မြို့တော် စစ်တွေမြို့ကနေ ကားလမ်းရော ရေလမ်းနဲ့ပါ သွားရောက်နိုင်တဲ့ မြောက်ဦးမြို့ကို ကျွန်မတို့က ကားလမ်းကနေ သွားမှာဖြစ်လို့ မနက်စောစော စစ်တွေမြို့ကနေ ထွက်ခွာလာခဲ့ပါတယ်။ မနက်စောစော ထွက်လာရတာမို့ မိုးမလင်းသေးတဲ့အပြင် ဆောင်းရာသီမို့ အေးလည်းအေးတဲ့အတွက် ကားပေါ်မှာ ငိုက်လာပေမဲ့ အပြင်လောကကို စပြီး မြင်ရတဲ့ ရောင်နီ သန်းချိန်မှာတော့ လမ်းဘေးဝဲယာရှုခင်းတွေက အိပ်ချင်စိတ်တွေကို ဆွဲယူပစ်လိုက်ပါတယ်။ ဆောင်းမနက်ခင်းရဲ နှင်းမြူတွေနဲ့ လှပသာယာလှတဲ့  ရှုခင်းတွေဟာ မြို့ပေါ်မှာ မြင်ဖို့တွေ့ဖို့ခက်တဲ့ အဖိုးတန် သဘာဝ ပန်းချီကားချပ်တွေ ပမာပါဘဲ။ မောင်းနေတဲ့ ကားပေါ်ကနေ ကားကခုန်၊ လက်ကတုန်တဲ့အပြင် ဖွင့်မရတဲ့ မှန်တံခါးနောက်က ဓာတ်ပုံရိုက်ရတဲ့အခါ လိုချင်တဲ့မြင်ကွင်းကို ကွက်တိ မရခဲ့ပေမဲ့ ရသလောက်နဲ့ ကျေနပ်ရပါတယ်။ ပုံတစ်ချို့ကို အောက်မှာ ဖော်ပြချင်ပါတယ်နော်.


Image Hosted by PicturePush - Photo Sharing

မှုန်ပြာရီမနက်ခင်းမှာ ဓနိပင်တန်းတွေကလည်း လွမ်းစရာ .. ဓနိပင်တွေကတော့ အလွန်ပေါပါတယ်။ 
Image Hosted by PicturePush - Photo Sharing


Image Hosted by PicturePush - Photo Sharing
နှင်းမှုန်တို့ဖြင့် ရစ်သိုင်းခြုံလေတဲ့ လွမ်းစရာ မနက်ခင်း


Image Hosted by PicturePush - Photo Sharing

နှင်းထုကိုထွင်းဖောက်ပြီး တဖြေးဖြေး ထွက်လာတဲ့နေမင်းကို ကြည့်ရတာကလည်း ကဗျာတစ်ပုဒ်ကိုဖတ်ရသလို ညွှတ်နူးလှပလို့.. နေထွက်တဲ့ပုံထဲမှာ ဒီတစ်ပုံဘဲ ကောင်းတာ ပါပါတယ် ကျန်တာကတော့ စောင်းနေတာနဲ့ နေလုံးက ဝါးနေတာနဲ့ အဆင်မပြေလှပါဘူး။ မနက်ခင်းနှင်းထုတွေပါးလျလာတဲ့နောက် ကစ္ဆပနဒီ မစ်ကြီးနဲ့ ကစ္ဆပနဒီ တံတားကြီးကို ရောက်ပါတယ်။ နာမည်ကျော် တံတားကြီးနဲ့ မြစ်ကြီးကတော့ လှိုက်လှဲစွာ ကြိုဆို နှုတ်ခွန်း ဆက်နေပါတယ်။ ရခိုင်မှာ ထင်ရှားတဲ့ လေးဝတီလို့ ဆိုနိုင်တဲ့ မြစ်ကြီးလေးစင်းမှာ တစ်စင်း အပါအဝင်ဖြစ်တဲ့ ကစ္ဆပနဒီမြစ်ကြီးဟာ ရခိုင် လူမျိုးတို့ရဲ့ ကြီးကျယ် ထင်ရှားခဲ့တဲ့ သမိုင်းအစိတ်အပိုင်း တစ်ခုလည်း ဖြစ်ပါတယ်။ ကစ္ဆပနဒီမြစ် တစ်ဖက်ကမ်း က ကျောက်တော်တောင် ကတော့ ရခိုင်မှာ ဗုဒ္ဓဘာသာ စတင်ထွန်းကားရာ အထိမ်းအမှတ် နေရာတစ်ခု ဖြစ်ပြီး မြတ်စွာဘုရားရှင် သက်တော်ထင်ရှား ရှိစဉ်က ရခိုင်ဘုရင်ထံသို့ ကြွလာတော်မူတဲ့ ဒီကျောက်တော်တောင် အကြောင်းတော့ နောက်များမှ သီးသန့် ရေးချင်ပါသေးတယ်။

Image Hosted by PicturePush - Photo Sharing

နာမည်ကျော် ကစ္ဆပနဒီ တံတားကြီးပါ.. 

Image Hosted by PicturePush - Photo Sharing

ရခိုင်ပြည်နယ်ရဲ့ အသက်သွေးကြော မြစ်တစ်စင်းဖြစ်တဲ့ ကစ္ဆပနဒီမြစ်ပါ.. ကုလားတန်မြစ်လို့လည်း ခေါ်ကြပါတယ်။

ကစ္ဆပနဒီမြစ်ကြီးပေါ်က ကစ္ဆပနဒီတံတားကြီးကို ကျော်လာပြီးနောက် မကြာခင်မှာတော့ မြတ်စွာဘုရားရှင် သက်တော်ထင်ရှားရှိစဉ်က ရခိုင်ပြည်ကို ကြွချီတော်မူလာစဉ်ကတည်းက သွန်းလုပ်ခဲ့တယ်လို့ ဆိုကြတဲ့ သမိုင်းဝင် ရှေးဟောင်း မဟာမြတ်မုနိဘုရား တည်ရှိရာ မဟာမုနိရွာကို ရောက်ပါတယ်။ အဲဒီမှာကားတွေအားလုံး ရပ်နားပြီး ထမင်းစား၊ ဘုရားဖူးကြပါတယ်။ မဟာမြတ်မုနိဘုရား အကြောင်း အပြည့်အစုံကိုတော့ ( ဒီနေရာမှာ ) ရေးခဲ့ပြီးပြီမို့ မဖတ်ရသေးရင် ဒီနေရာမှာဆိုတာကို ကလစ်လုပ်ပြီး ဖတ်နိုင်ပါတယ်။ ကျွန်မတို့ စီးလာတဲ့ကားဟာ မဟာမြတ်မုနိ မရောက်ခင် သရက်တစ်ပင် ရွာနားမှာ ကားပျက်ပါတယ်။ အဲဒီနေရာမှာ ကားပြင်ဖို့ နားနေချိန်မှာ ရွာထဲက လူတွေက ဘုရားနဲ့ မဝေးတော့ဘူး။ ဘုရားကို ဆိုင်ကယ် ကယ်ရီနဲ့ သွားလိုက်ကြပါလားလို့ ပြောလာတာကြောင့် ကျွန်မရယ် အမေရယ် ညီမလေးရယ်တို့ဟာ မဟာမြတ်မုနိဘုရား တည်ရှိရာ မဟာမုနိရွာကို ဆိုင်ကယ် ငှားစီးပြီး ထွက်ခဲ့ကြပါတယ်။ ကားဆရာကိုတော့ ဘုရားမှာ စောင့်မယ်လို့ အသိပေးခဲ့ပါတယ်။ ကားပျက်ချိန် အတော်ကြာတာကြောင့် ထမင်းစားပြီးနောက် ဘုရားကို အေးအေးဆေးဆေး အချိန်ယူပြီး ဓာတ်ပုံရိုက်ခွင့် ၊ ဖူးခွင့်ရခဲ့တာမို့ ကားပျက်တာကို ကျးဇူးတင်ရမလို ဖြစ်ရပါသေးတယ်း)

Image Hosted by PicturePush - Photo Sharing

ရခိုင်ပြည်နယ်ရဲ့ ကျက်သရေဆောင် မဟာမြတ်မုနိရုပ်ပွားတော် (မဟာမြတ်မုနိဘုရားအကြောင်း တင်ခဲ့ဖူးပေမဲ့ မဖူးရသေးသူများအတွက် ဓာတ်ပုံ ပြန်လည်တင်ပေးလိုက်ပါတယ်) 

Image Hosted by PicturePush - Photo Sharing


မဟာမြတ်မုနိဘုရား ပရဝုဏ်အတွင်းက မြတ်စွာဘုရားနဲ့ ရဟန္တာများ ရုပ်ပွားတော်.. ( ဒီနေရာဟာလည်း နိုင်ငံခြားသား ဓာတ်ပုံဝါသနာရှင်များ ရှုထောင့်အမျိုးမျိုးကနေ ဓာတ်ပုံရိုက်လေ့ရှိတဲ့ နေရာတစ်ခုဖြစ်ပါတယ်။ ကျွန်မလည်း ခပ်တည်တည်နဲ့ ဝင်ရိုက်ခဲ့တာပါ :P ) 

Image Hosted by PicturePush - Photo Sharing


ကားပျက်တဲ့ သရက်တစ်ပင်ရွာက ရွာသူ ရခိုင်သူမတွေပါ။ 

ရခိုင်တွေဟာ ခုလို ဒန်အိုးကို တစ်ပြည်နယ်လုံး သုံးကြတာမို့ စစချင်းမှာတော့ တစ်ခြားဒေသတွေနဲ့ မတူတဲ့အတွက် အမြင်မှာ တစ်မျိုးဖြစ်ခဲ့ရပါတယ်။ သို့ပေမဲ့ မြို့တိုင်းရွာတိုင်းမှာ ဒီလိုအိုးကိုသာ သုံးကြတာမို့ တွေ့ဖန်များတော့မှ အထူးအဆန်းမဖြစ်မိတော့ပါဘူး။ သူတို့ကိုင်ထားတဲ့ ရေအိုးကို ကျွန်မ ညီမက သဘောကျပြီး ခဏတောင်းယူကာ ဓာတ်ပုံ ရိုက်ခံတော့ ဘေးကလူတွေ တဝါးဝါးနဲ့ ပွဲကျခဲ့ရပါသေးတယ်။ အဲဒီရွာမှာ ကားပျက်တဲ့အချိန်ဟာ အတော် ကြာသွားတဲ့ အတွက်ကြောင့် မြောက်ဦးမြို့ကို ရာက်ချိန်ဟာ ခန့်မှန်းထားတာထက် အများကြီး နာက်ကျသွားခဲ့ပါတယ်။ မူလအစီအစဉ်က မြောက်ဦးမှာ ၂ရက်လောက် နေပြီး ငပလီကို ခရီးဆက်ဖို့အတွက် သံတွဲ လေယဉ်လက်မှတ်ပါ တစ်ခါတည်း ဖြတ်ထားခဲ့တာပါ။ ဒါပေမဲ့ မြောက်ဦးမြို့ထဲ ဝင်ချိန်မှာတော့ အချိန်နောက်ကျတာရော၊ များပြားလှတဲ့ ဘုရားတွေ ဖူးဖို့ဆိုတာ ကျန်ရှိတဲ့အချိန် တစ်ရက်ကျော်ကျော်နဲ့ ဘယ်လိုမှ လုံလောက်မှာမဟုတ်ဘူးလို့ တွေးမိတာကြောင့် နောက်ထပ် ၂ရက်တိုးပြီး ၄ရက်နေဖို့ ဆုံးဖြတ်လိုက်ပါတယ်။ အဲဒါနဲ့ သံတွဲကိုသွားဖို့ လေယာဉ်လက်မှတ် ဖြတ်ခဲ့တဲ့ Air Bagan (စစ်တွေ)ကို ဖုန်းဆက်ပြီး ကျွန်မဝယ်ခဲ့တဲ့ လက်မှတ်ကိုနောက် ၂ရက် နောက်ဆုတ်ပြီး ရွေ့ပေးဖို့ တောင်းဆိုတဲ့အခါ Air Bagan က လွယ်လွယ်ကူကူ ၂ရက် ရွေ့ပေးခဲ့ပါတယ်။ အဲဒီအတွက် ဘုရားတွေကို စိတ်အေးလက်အေး အသေးစိတ် ဖူးခွင့်ရတာကြောင့် AirBagan စစ်တွေရုံးခွဲက လက်မှတ် စီစဉ်ပေးသူများကို ကျေးဇူးတင်ပါကြောင်း ဒီနေရာကနေ ပြောချင်ပါတယ်။ လက်မှတ်ဝယ်နေတုန်းမှာ သူတို့ စားပွဲပေါ်က ရခိုင်ပြည်နယ်မှာ ထုတ်ဝေတဲ့ မဂ္ဂဇင်းလေး တစ်အုပ်ကိုလည်း ကျွန်မစာရေးရင် အကိုးအကားပြုဖို့ လိုချင်တာကြောင့် ပြန်ရောင်းပါလားလို့ဆိုတော့ သူတို့က ယူသွားပါဆိုပြီး လက်ဆောင် ပေးလိုက်ပါသေးတယ်။ အဲဒီ မဂ္ဂဇင်းအတွက်လည်း ကျးဇူးတင်ကြောင်း ထပ်ပြောချင်ပါတယ်။

Image Hosted by PicturePush - Photo Sharing

လမ်းဘေးတစ်လျှောက် ဓနိပင်တန်းများ 



မြောက်ဦးအဝင် ဆိုင်းဘုဒ်

Image Hosted by PicturePush - Photo Sharing


နဝရတ်ဟိုတယ် ရောက်ပါပြီ.. ဟိုတယ်ရဲ့ တံတိုင်းတွေက ရှေးဟောင်းပုံစံ တည်ဆောက်ထားတာပါ။ 

Image Hosted by PicturePush - Photo Sharing


ဟိုတယ်ရှေ့က ရခိုင်စည်ကြီး

မြောက်ဦးကို မဖြစ်မနေသွားချင်တဲ့ ကျွန်မရဲ့ စိတ်ကို ပိုပြီးခိုင်မာစေတာက Flickr.Com မှာ တွေ့လိုက်တဲ့ မြောက်ဦးမြို့ရဲ့ မနက်ခင်း ဓာတ်ပုံလေးတစ်ပုံပါ။ အဲဒီပုံလေးကို မြင်လိုက်တာနဲ့ မြောက်ဦးကို သွားဖြစ်အောင် သွားမယ်လို့ ဆုံးဖြတ်ချက် ခိုင်မာစေခဲ့ပါတယ်။ ပြီးတော့ မြောက်ဦးကိုသွားရမဲ့ လမ်းကြောင်းနဲ့ တည်းခိုရမဲ့ ဟိုတယ်၊ ဆက်သွယ်ရမဲ့ သူတွေကိုပါ မိတ်ဆက်ပေးတဲ့ မြောက်ဦးဓာတ်ပုံပိုင်ရှင် ဦးစိုင်းကို ကျေးဇူးအထူးတင်ပါကြောင်း ဒီနေရာကနေ ပြောကြားလိုပါတယ်။ မြောက်ဦးကို မရောက်ခင် ကတည်းက ကျွန်မတို့အတွက် အစစ အဆင်ပြေအောင် ကူညီပေးတဲ့ မြောက်ဦးမြို့ နဝရတ်ဟိုတယ်က ရခိုင်သူလေး ညီမလေးမကျော့ကိုလည်း ပြောမပြတတ်အောင် ကျေးဇူးတင်ရပါတယ်။ သူ လမ်းညွှန်ပေးတဲ့အတွက် ဘုရားတွေ စုံအောင်၊ နေရာတွေ စုံအောင်လည်း ရောက်ခဲ့ရပါတယ်။
မြောက်ဦးမှာ ရှိစဉ်အတွင်း သွားဖို့လာဖို့ ကားတွေ၊ စက်လှေတွေကအစ စီစဉ်ပေးပြီး ဘုရားသမိုင်းတွေကိုလည်း မြေပုံနဲ့တကွ စိတ်ရှည်လက်ရှည်နဲ့ ရှင်းပြပေးတာကြောင့် ညီမလေးမကျော့ဟာ တကယ်ကို ကျေးဇူးတင်စရာ ကောင်းပါတယ်။

ကျွန်မတို့ မြောက်ဦးရောက်တဲ့အချိန်မှာ ကားဂိတ်မှာ မကျော့ စီစဉ်ပေးထားတဲ့ကား လာစောင့်နေတာကြောင့် အဆင်သင့်စီးပြီး နဝရတ်ဟိုတယ်ကို ရောက်လာရပါတယ်။ ဟိုတယ်မှာ ရေမိုးချိုးခဏတဖြူတ် နားပြီးတာနဲ့ ကားနဲ့ဘဲ လေ့လာရေးခရီး စတင်ပါတော့တယ်။ စစချင်း ဟိုတယ်နဲ့ သိပ်မဝေးတဲ့ မြောက်ဦးနန်းတော်ဟောင်းကို အရင်ဝင်ပြီး လေ့လာကြပါတယ်။ မြောက်ဦးမြို့ရဲ့ နန်းတော်ဟောင်း အကြောင်းနဲ့ မြောက်ဦးမြို့ရဲ့ လှပအေးချမ်းတဲ့ ဆောင်းမနက်ခင်း ဓာတ်ပုံများကိုတော့ နောက်ထပ်ပိုစ့်မှာ သီးသန့် ဖော်ပြပါမယ်ရှင်.. အားလုံးဘဲ စိတ်ဝင်တစား ဖတ်ရှုပေးကြတာ ကျေးဇူး တင်ပါတယ် လို့နော်။