အစိမ်းရောင်လွင်ပြင်ဆိုတာ


မြို့အ၀င်မုဒ်ဦး



မောင်နှမများအားလုံး မင်္ဂလာပါ

ကျွန်မက ကချင်ပြည်နယ်မှာမွေးတဲ့ ရှမ်းတိုင်းရင်းသူပါ… မိဘ နှစ်ပါးလုံးက ရှမ်းဖြစ်ပေမဲ့ ကျွန်မ ကိုယ်တိုင်ကတော့ ရှမ်းစကားတော့ မတတ်ပါဘူး…. ကျွန်မကို မွေးတဲ့ ဒေသက နံမည်ကျော် ကျောက်စိမ်းထွက်ရာ အရပ်မှာ မွေးတာပါ… ယခုချိန်ထိလည်း မိဘတွေနဲ့ မောင်နှမတွေ နေထိုင်ဆဲဖြစ်ပါတယ်… ကျွန်မဇာတိ မြို့ကလေးနဲ့ ကချင်ပြည်နယ်လေးကို ချစ်ပါတယ်။ ဇာတိဒေသနဲ့ ဝေးနေတဲ့အခါမှာ အမြဲတမ်း တသိတရ လွမ်းဆွတ်မိပါတယ်.. ဒါကြောင့် မွေးဖွားရာ မြို့ငယ်ကလေးနဲ့ စိမ်းလန်း စိုပြေနေတဲ့ တောင်တန်းကြီးတွေ၊ တောအုပ်ကြီးတွေ ပေါတဲ့ ကချင်ပြည်နယ်ကို ချစ်ခင်သောအားဖြင့်ရော ၊အစိမ်းရောင်ကို နှစ်သက်တာကြောင့်ရော ဘလော့ဂ် နံမည်လေးကို အစိမ်းရောင်လွင်ပြင်လို့ ရွေးချယ်ထားပါတယ်… စာရေးစာဖတ်တာကို    ၀ါသနာ ကြီးလွန်းပြီး၊  စာရေးချင်စိတ်၊ ဖတ်ထားမိတာတွေကို ပြန်လည် မျှဝေလိုစိတ်တို့ဖြင့် ဒီဘလောဂ့်ကို ရေးသားဖြစ်တာကြောင့်  လိုအပ်ချက်များ မှားယွင်းမှုများ ရှိခဲ့ရင် ခွင့်လွှတ်ပေးကြဖို့ တောင်းဆိုချင်ပါတယ်။  ဝေဖန် အကြံပေးခြင်းကို လှိုက်လဲစွာ ကြိုဆိုပါတယ်။ ဘလောဂ့်လေးကို အလည်လာရင်း လိုအပ်တဲ့ အကြံဥာဏ်လေးများ  ဒီနေရာမှာ ရေးပေးသွားလို့ရပါတယ်ရှင်..


အေးချမ်းကြပါစေရှင်..

ချော ( အစိမ်းရောင်လွင်ပြင်)