ရေမွှေးပုလင်းနှင့်တူသော ယောက်ျားများ




 http://www.blurbology.com/wp-content/uploads/2011/07/perfume-bottles.jpg

သူမတွင် တစ်ယောက်အကြောင်း တစ်ယောက် အစင်းသိ အတွင်းသိနှင့် သိပ်ကိုခင်မင်ရသော သူငယ်ချင်း ၅ယောက်ရှိပါသည်။ သူမနှင့်ဆို စုစုပေါင်း ၆ယောက်ရှိသော အဖွဲ့သည် အလယ်တန်းလောက် ကတည်းက တွဲခဲ့ကြသော သူငယ်ချင်းတွေလဲ ဖြစ်ကြပါသည်.. တက္ကသိုလ်တက်ချိန်တွင် မေဂျာမတူကြသော်လည်း အပြင်သင်တန်းများ ဖြစ်သော ကွန်ပျူတာ၊ အင်္ဂလိပ်စာ ၊ အတွင်းရေးမှူး စသည့် သင်တန်းများကို အတူတူ တက်ကြပြီး  အခင်မင်မပျက် ဆက်လက် အတွဲညီခဲ့ကြသူများ ဖြစ်ကြသည်.. တစ်ယောက်က သင်တန်း တစ်ခု တက်မည်ဟု ဆိုလိုက်လျှင် ကျန်သောသူတွေက လိုက်တက်ပြီးသား၊ တစ်ယောက်က ရှိုးပွဲကြည့်မည် ဆိုလျှင် ကျန်သည့်သူတွေက လက်မှတ်ဝယ်ဖို့ စီစဉ်ပြီးသား ဖြစ်တဲ့အထိ တစ်ယောက်နှင့် တစ်ယောက် အကြိုက်တူစွာ နေရာတကာတွင် မျက်စိနောက်လောက်အောင် တွဲခဲ့ကြသူများ ဖြစ်ကြသည်။

ခုချိန်တွင်တော့ သူမတို့သူငယ်ချင်းတွေသည် တစ်ယောက်တစ်နယ်စီ၊ ၂ယောက်က နိုင်ငံရပ်ခြားမှာ၊ ၃ယောက်က ရန်ကုန်မြို့ပေါ်မှာ၊ တစ်ယောက်က နယ်မှာ တစ်ယောက်တစ်ကွဲစီ ဖြစ်ကုန်ကြပါပြီ. သို့သော် သူငယ်ချင်းတွေ အကြောင်း ပြန်စဉ်းစားလိုက်တိုင်း သူမတို့ တွဲခဲ့ကြသော အချိန်တွေကို ပြန်လည် သတိရမိသကဲ့သို့၊ မှတ်မှတ်ရရ အဖြစ်အပျက် ကလေးများကိုလည်း မမေ့နိုင်အောင် တသသ ရှိနေ တတ်ခဲ့ပါသည်။ ထိုစဉ်က သူမတို့ သူငယ်ချင်းတစ်စုနှင့် ပတ်သက် ဆက်နွယ် လာသော ယောက်ျား များကို  မိန်းခလေးများအပေါ် ထားသည့် သူတို့ သဘောထား၊ သူတို့စရိုက်၊ သူတို့အချစ်နှင့် ကိုက်ညီသည့် အမည်များကို ရေမွှေးတံဆိပ် များစွာထဲက ရွေးချယ်ကာ နံမည် ပေးခဲ့ဖူးသည်ကို မမေ့နိုင်စရာ အမှတ်တရ အဖြစ် သူမဦးနှောက်တွင် အမြဲတမ်း ရှိနေတတ်ခဲ့သည်။

သူမတို့ ၆ယောက်မှာ အချောဆုံးသူက နွယ်သာကီချို

နွယ်သာကီက ရုပ်ကလေးလဲချော သူ့ကိုယ်သူလဲ စမတ်ကျကျ ပြင်တတ်ဆင်တတ်သူဖြစ်ရာ တက္ကသိုလ်မှာကတည်းက သူ့ကိုသဘောကျသူတွေ တစ်ပုံတစ်ပင်၊ ကြိုက်သူတွေ ၀ိုင်းဝိုင်း လည်နေတာကြောင့်လဲ စောစောစီးစီး အတွဲရပြီး အိမ်ထောင်ကျသွားသူဖြစ်သည်။ သာကီရဲ့ချစ်သူသည် သူမထက် အသက် ၇နှစ်ကြီးပြီး လုပ်ငန်းခွင်ထဲသို့ ရောက်နှင့် နေသူ တစ်ဦး ဖြစ်သည်။ သာကီ့ကို အလွန်အမင်း ချစ်ခင်သော်လည်း သ၀န်တိုလွန်းသူ၊ ယောက်ျားလေးများနှင့် သူငယ်ချင်း အပေါင်း အသင်းအဖြစ် ခင်ခင်မင်မင် ဆက်ဆံဖို့မပြောနှင့် စကားတစ်ခွန်းလောက် ပြောမိရုံပင် သဝန်တို တတ်သူ ဖြစ်သည်။ ထိုသူနှင့် မချစ်ကြိုက်ခင်က အလှအပ ကြိုက်လွန်းပြီး ခေတ်ဆန်လွန်းသူ သာကီမှာ ရည်းစားရပြီးကာမှ ယခင်ကလို အလှအပကို ပြင်ဆင်ခွင့်ပင် မရရှာတော့ဘဲ အ၀တ်အစား ကိုလည်း ရိုးရိုး ယဉ်ယဉ်လေးသာ ၀တ်ဆင်ရမည် ဟူသောအမိန့်ကြောင့် ရိုးရိုးလေးသာ ၀တ်ဆင်ခွင့် ရတော့လေသည်။ အိမ်ထောင်ကျပြီးနောက်လည်း သူမတို့ သွားလာနေကျ ရုပ်ရှင်၊ ရှော့ပင်ထွက်ခြင်း ၊ တစ်ယောက်အိမ်တွင် တစ်ယောက်စုကာ အစားအသောက် အသစ်အဆန်းများ ချက်ပြုတ်ကာ စားသောက်ခြင်း စသည်များကိုလည်း “အိမ်ထောင်သည်ဖြစ်ပြီ အပျော်အပါးတွေ မလုပ်သင့်တော့ ” ဟူသော အကြောင်းပြချက်ဖြင့် သွားလာခွင့်မပေးတော့ဘဲ သူမတို့ ၆ယောက်ရဲ့ စည်းလုံးညီညွှတ်မှု၊ ရင်းနှီးချစ်ခင်မှု အဝန်းအ၀ိုင်းထဲမှ  အရင်ဆုံး ဖဲ့ထုတ် ခံလိုက်ရသူလေး ဖြစ်သွား ရှာသည်။ နွယ်သာကီထံ ဖုန်းလာလျှင်ပင် ယောက်ျားအသံဖြစ်ပါက စစ်ဆေးမေးမြန်းမဆုံး ဖြစ်ကာ သင်္ကာမကင်း ဖြစ်လွန်းလှသည့် သ၀န်တိုလွန်းအားကြီးသော နွယ်သာကီရဲ့ ချစ်သူကို အားလုံး၏ သဘောတူညီချက်ဖြင့် Jealousy ဟူသော ရေမွှေးနံမည်ကို ပေးလိုက်ကြပါသည်။


Image Hosted by PicturePush - Photo Sharing



~~~~~~~~~~@@@@@@~~~~~~~~~~~

မိုးစက်လေးလို တည်ငြိမ်အေးဆေးပြီး ဖြူဖြူဖွေးဖွေး ချစ်စရာကောင်းသူက မိုးပွင့်ဖြူ..

မိုးပွင့်ဖြူက နံမည်နဲ့လိုက်အောင်  စိတ်ထားလဲဖြူစင်ပြီး သူငယ်ချင်းတွေအတွက်ဆို အလွန် အနစ်နာ ခံတတ်ကာ  သူမတို့ သူငယ်ချင်းတစ်စု ပြောသမျှ၊ တိုင်ပင်သမျှ  ၊ လုပ်ချင်သမျှကို မငြင်းပယ် စတမ်း ခေါင်းတညိမ့်ညိမ့် နားထောင်တတ်သူ လိုက်လုပ်တတ်သူ ဖြစ်သည်။ တက္ကသိုလ် တက်စဉ် မိုးပွင့်ဖြူနှင့် ချစ်သူဖြစ်ခဲ့သော ကောင်လေးက မိုးပွင့်ထက် အသက်ငယ်ကာ ရုပ်ချော အပြောကောင်း ပြီး မော်ဒယ်ဘွိုင်း ဖြစ်ရန် ကြိုးစားနေသူတစ်ယောက် ဖြစ်သည်။ ထိုကောင်လေးက သူမတို့တစ်ဖွဲ့လုံးကို တကယ့်ကို အောက်ကျို့ခံကာ စိတ်သဘောဖြူလှသည့် မိုးပွင့်ဖြူ၏ အချစ်ကို မရအရ ယူခဲ့သူ ဖြစ်သည်။ သူမတို့အဖွဲ့ ဘယ်လိုခိုင်းခိုင်း၊ ဘယ်လိုပင် နှိပ်စက်သော်လည်း မနာတတ်ဘဲ မိုးပွင့်ဖြူကို သည်းကြီးမည်းကြီး ချစ်ခင်ဟန်ပြခဲ့သူ။ သို့သော် မိုးပွင့်ဖြူက ထိုကောင်လေးအချစ်ကို လက်ခံပြီး အတော်ကြာမှ သိလိုက်ရသည်က ထိုကောင်လေးထံတွင် ရည်းစားများစွာရှိပြီး ထို ရည်းစားများထံမှလည်း ချူချတတ်သူ ဟူ၍ပင်။ ထိုကောင်လေးအကြောင်း သိသိရချင်း မိုးပွင့်ဖြူကို သူငယ်ချင်းများက ၀ိုင်းတားသော်လည်း သူမတို့ ပြောစကားကို ဘယ်လိုမှ မယုံကြည်ခဲ့။ မိုးပွင့်ကိုယ်တိုင်လည်း ထိုကောင်လေးကို ထောက်ပံ့ပေးခဲ့သည်။ သို့သော်  အခြား မိန်းခလေးများနှင့် တွဲရက်သား သူမကိုယ်တိုင် အခါပေါင်းများစွာ တွေ့ရတော့ ကောင်လေးက ဖုံးကွယ်ထား၍ မရနိုင်သောကြောင့် ဟုတ်မှန်ကြောင်း ၀န်ခံလိုက်ရတော့မှသာ ထိုကောင်လေး မျက်နှာများသည်ကို ယုံကြည်သွားခဲ့ပြီး မိုးပွင့်ဖြူမှာ အသည်းကွဲဝေဒနာကို ရက်ရှည်လများ အိပ်ရာထဲ လဲလောက်သည်အထိ ခံစားလေတော့သည်။ မတည်ငြိမ်သော၊ အပြောချိုချို၊ ရုပ်ချောချောလေးဖြင့် မိန်းခလေးများ ကို အောက်ကျို့ ခံကာ သူ့အား စွဲလန်းချစ်ခင်လာအောင် လုပ်ပြီး သူလိုချင်တာ ရအောင် ယူတတ်သော ထိုကောင်လေးအား မိန်းခလေးများအတွက်တစ်ဖြေးဖြေး ဒုက္ခရောက်အောင် လုပ်နိုင်သည့်သူ ဟူသောသဘောဖြင့် Opium ဟု ရေမွှေးနံမည် ပေးခဲ့ကြသည်။

Image Hosted by PicturePush - Photo Sharing


~~~~~~~~~~@@@@@@~~~~~~~~~~~


သူမတို့အဖွဲ့တွင် နေရာတကာ ဆရာမကြီးလုပ်တတ်သူ တစ်ယောက်က ညိုလဲ့ရီ..

ညိုလဲ့ရီက ဆရာမကြီး လုပ်တတ်သလို ဗဟုသုတလည်း အတော်စုံသည်.. စာဖတ်များသူဖြစ်ပြီး သူမသိတာ သိပ်မရှိအောင် လေ့လာနိုင်စွမ်းအားလည်း ကောင်းသူ ဖြစ်သည်။ ရုပ်ရည်အားဖြင့် ချောမော လွန်းသူ မဟုတ်သော်လည်း ထက်ထက်မြက်မြက်နှင့် တည်တည်ကြည်ကြည် မိန်းခလေးတစ်ယောက်ရဲ့ ဟန်ပန်အပြည့်နှင့် သူမကို စိတ်ဝင်စားကြသူ ရှိသော်လည်း ခပ်စွာစွာမို့ တော်ရုံလူက အနားမကပ်ဝံ့ကြ။ သို့သော် တက္ကသိုလ်မှာ ဆရာမပြန်လုပ်သော ညိုလဲ့ရီသည် သူမနှင့် ဌာနတူ ဆရာတစ်ယောက်နှင့် ချစ်သူဖြစ်သွားကြလေသည်။ သူမ၏ချစ်သူ ထိုဆရာသည် ရုပ်အချောကြီး မဟုတ်သော်လည်း အလွန်အေးဆေးတည်ငြိမ်ပြီး စာအသင်အပြ ကောင်းလွန်းသော်လည်း မလိုအပ်ဘဲ အပိုစကားပြောလေ့ မရှိသော စကားအလွန်နည်းသူ တစ်ယောက် ဖြစ်သည်။ ညိုလဲ့ရီကို အလွန်မြတ်နိုး သည်ဟု ပြောနိုင်သော်လည်း သူ့အချစ်ကို တော်ရုံနှင့် ထုတ်ဖော်ပြောတတ်သူတစ်ယောက် မဟုတ်.. ရင်ထဲတွင်သာ သိုဝှက် သိမ်းဆည်း တတ်သူမျိုးသာ။ တက္ကသိုလ် စရောက်ကတည်းက ညိုလဲ့ရီကို ချစ်ခဲ့သော်လည်း ၈နှစ်လောက် ကြာမှ ဖွင့်ပြောသူ၊  ဒီလောက်နှစ်ကြာအောင် ချစ်နေခဲ့သော်လည်း မည်သူမျှ မရိပ်မိအောင် သိမ်းဆည်းထားနိုင်သူမို့ သြချရလောက်ပါသည်။ အလွန်ဆရာလုပ်တတ်သော ညိုလဲ့ရီနှင့် အလွန်အေးသော ထိုဆရာတို့မှာ မည်သို့မည်ပုံ ချစ်သူများ ဖြစ်သွားကြသည်ဟူ၍ပင် ခန့်မှန်းဖို့ ခက်ခဲလေသည်။ သူမတို့တွေက ညိုလဲ့ရီအား သူမ၏ချစ်သူ တကယ်ချစ်မချစ်ကို  ဘယ်လိုများ ခွဲခြားပါသလဲဟု မေးလျှင်တော့ ထိုဆရာသည် ညိုလဲ့ရီကို ချစ်သည့်အကြောင်း ပါးစပ်က ထုတ်ဖော်မပြောတတ်ပေမဲ့ သူ့မျက်ဝန်းတွင် သူမကို ချစ်ခင်သည့် အရိပ်အယောင်များကို သူမ(ညိုလဲ့ရီ)က ရှာဖွေ တွေ့မြင်တတ်ပါသည်.. နှလုံးသားချင်း ခံစား နားလည်နိုင်ပါသည်တဲ့။ ထိုသို့ သိုသိပ်လျှို့ဝှက်လွန်းလှသည့်  ညိုလဲ့ရီချစ်သူကို သူမတို့အဖွဲ့က နံမည်ပေးမည်ဆိုသောအခါ သူနှင့်လိုက်ဖက်လှသည့် Secret ဟူသော ရေမွှေးနံမည်ကို ပေးခဲ့ကြလေသည်။


Image Hosted by PicturePush - Photo Sharing


~~~~~~~~~~@@@@@@~~~~~~~~~~~

စင်သီယာပြည့်စုံ ဆိုသည်က သူမတို့အဖွဲ့တွင် ဘိုဆန်ဆန် လှပချောမောသူ…

ရည်းစားလဲ အလွန်များပြီး ယောက်ျားတွေကို အလေးအနက် မထားတတ်သော အသည်းနှလုံး ကင်းမဲ့သူဟု နံမည်ကြီးသည်။  သူမ အဖေရော အမေပါ နိုင်ငံခြားတွင် နေထိုင်ကြပြီး သူမက အဒေါ်တွေနဲ့ ကျန်ရစ်ခဲ့သူ.. သို့သော်လည်း ထိုစဉ်ကတည်းက တစ်ချိန်ချိန်တွင် သူမ မိဘတွေရှိရာ နိုင်ငံရပ်ခြားကို လိုက်သွားဖို့ ရည်ရွယ်ချက်ရှိသူမို့ ယောက်ျားလေးများအပေါ် သံယောဇဉ်မထားဘဲ အပျော်သာ တွဲဖို့ စိတ်ကူးရှိသည်ဟု သူမကိုယ်တိုင်က ပြောတတ်ခဲ့သူ ဖြစ်သည်။ သူမနှင့် ကျော်ဇေယျတို့ တွေ့ဆုံကြပုံက လက်ရည်တူမို့ စိတ်ဝင်စားဖို့ကောင်းသည်။ ကျော်ဇေယျ ဆိုသည်ကလည်း အတော်ထင်ရှား နံမည်ကြီးသော ဂရိတ်အသိုင်းအ၀ိုင်းမှ ဖြစ်ပြီး မိန်းခလေးများကို ထည်လဲတွဲတတ်သူ။ မိဘကလည်း ကျိကျိတက် ချမ်းသာသလို သူကိုယ်တိုင်က ရုပ်ရည်အားဖြင့်လည်း ကြည့်ကောင်းသူ ဖြစ်တာကြောင့် မဆွတ်ခင်က ညွှတ်ချင်နေသော မိန်းခလေးပေါင်းများစွာက သူ့ရဲ့ နံဘေးမှာ အဆင်သင့် ရှိနေတတ်သူဖြစ်လေသည်။ ယောက်ျားလေးများကို အလေးအနက် မထားတတ်သော စင်သီယာနှင့် မိန်းခလေးများကို ကစားစရာအရုပ်လို ထည်လဲတွဲတတ်သော ကျော်ဇေယျတို့သည် တစ်ယောက်အကြောင်း တစ်ယောက် သိသိကြီးနှင့်ပင် သူငယ်ချင်းတွေ တားမြစ်သည့်ကြားမှ တွဲမိကြလေသည်။

မိန်းခလေးများကို လှည့်စားခြင်း အတတ်ပညာတွင် ညက်ညော ကျွမ်းကျင်လှသော ကျော်ဇေယျ အကြောင်းကို သိနေကြသော သူမတို့ သူငယ်ချင်းတစ်စု၏ တားမြစ်စကားကို မနာယူဘဲ သူ့ကိုယ်သူ ယုံကြည်ချက်ပြင်းထန်လှသော စင်သီယာသည် မိန်းခလေးများအား အသည်းခွဲတတ်သူဟု နံမည်ကြီးသော ကျော်ဇေယျကို ပညာပေးရန် ဟူသော အကြောင်းပြချက်ဖြင့် ကျော်ဇေယျ၏ မရိုးသားသော ချဉ်းကပ်လာမှုကို မသိဟန်ဆောင်ကာ လက်ခံခဲ့လေသည်။ ကျော်ဇေယျ ကလည်း ယောက်ျားတွေကို အလေးမထားသူ ဟူ၍ နံမည်ကြီးသော စင်သီယာကို တမင် ရည်ရွယ်ချက်ဖြင့် ချဉ်းကပ်ခဲ့သူဖြစ်သည်။ သူတို့၂ယောက် တွဲပြီး လအနည်းငယ်အကြာတွင် ပြောင်းလဲသူက စင်သီယာ။  စင်သီယာက ကျော်ဇေယျကို အလေးအနက် ချစ်စိတ်ဝင်မိပြီ ဖြစ်လေတော့ သူမတို့အားလုံးက ဇာတ်လမ်းကို ဒီမှာတင် ရပ်ဖို့၊ ဒီထက်ဆက်ပြီး တွဲမိလျှင် စင်သီယာ ပိုပြီးခံစားရလိမ့်မည်ဟု ပြောကာ တားမြစ်ကြပြန်သောအခါ စင်သီယာက   သူမကို ကျော်ဇေယျ တကယ်ချစ်လာအောင် ကြိုးစားမည်ဟု ဆိုကာ ဆက်တွဲမြဲ တွဲခဲ့သည်။ နောက်ထပ် မကြာခင်အချိန်တွင်တော့ စင်သီယာက ကျော်ဇေယျကို စွဲစွဲလန်းလန်း ဖြစ်သည့်အခါတွင် ကျော်ဇေယျက နောက်ကောင်မလေး အသစ်တစ်ယောက်တွဲကာ စင်သီယာကို ခေါက်သွားလေသည်။  သူမဘ၀တွင် မည်သည့်ယောက်ျားလေးကိုမှ အလေးအနက် မထားခဲ့ဘဲ တစ်ကြိမ်တစ်ခါမှ မချစ်ဖူးသော အချစ်မျိုးနှင့် ကျော်ဇေယျကို ချစ်မိသော စင်သီယာသည် အလဲအကွဲ အလူးအလိမ့် ခံစားရကာ သူမ မိဘတွေရှိသော နိုင်ငံခြားသို့ ထွက်ခွာသွားလေတော့သည်။ စင်သီယာမသွားခင်  သူမ ကိုယ်တိုင် ကျော်ဇေယျ ကို ပေးခဲ့သော ရေမွှေး ပုလင်း အမည်က မိန်းခလေးများအတွက် အဆိပ်ပြင်းလွန်းသူ တစ်ယောက် ဟူသော သဘောဖြင့် Poison ဟု နံမည်ကို ပေးခဲ့လေသည်။

http://www.myfashionbeautytips.com/wp-content/uploads/2011/09/dior-poison-perfume.jpg

~~~~~~~~~~@@@@@@~~~~~~~~~~~

အဖွဲ့တွင် အသားညိုညိုနှင့် မြန်မာဆန်ဆန် ချောမောသူက ထိပ်ထားဦး…

အ၀တ်အစား ၀တ်ဆင်ရာတွင်လည်း ထိပ်ထားက မြန်မာဆန်ဆန် ၀တ်ဆင်တတ်သူ၊ ချစ်စရာ လှလှပပ ကိုယ်လုံးလေးနှင့် မြန်မာဆန်သော အ၀တ်အစားတို့ကြောင့် လိုက်ဖက်စွာ ရှုချင့်စဖွယ် ရှိသူလေးတစ်ယောက် ဖြစ်သည်။ ထိပ်ထားရဲ့ ချစ်သူဖြစ်လာသူက ရုပ်ရည် ထူးထူးခြားခြား မချောမောသော်လည်း ယောက်ျားပီသသောသူ တစ်ယောက်ဖြစ်သည်။ ကြည့်လိုက်လျှင်ပင် မျက်နှာပေါ်တွင် သဘောကောင်းလွန်းသူ တစ်ယောက်၏ အရိပ်အယောင်များက သိသာစွာ ထင်ဟပ်လျှက် ရှိလေသည်။ ထိပ်ထားကို ချစ်လိုက်သည်မှာလည်း လူတကာက အားကျရလောက်သည်။ အမြဲတမ်း အရိပ်တကြည့်ကြည့်နှင့် ထိပ်ထားလိုအပ်သမျှ ဖြည့်ဆည်းပေးရန် အဆင်သင့် ဖြစ်နေတတ်သော သူတစ်ယောက်ဖြစ်ပြီး ထိပ်ထားကို ချစ်သူလိုတင်မက အစ်ကိုတစ်ယောက်လို ချစ်နိုင်သူ ဂရုစိုက်နိုင်သူလည်း ဖြစ်သည်။ သူမတို့ သူငယ်ချင်းတွေ အတူတူသွားလာကြသော ကိစ္စများတွင် တားမြစ်ခြင်း၊ ကန့်ကွက်ခြင်း ပြုသည်မရှိဘဲ သူကိုယ်တိုင်ပင် အားတက်သရော တိုက်တွန်းတတ်သူ။ မိဘများ မရှိရှာတော့သော ထိပ်ထားအပေါ်တွင် နားလည်မှု၊ စာနာမှုတို့ဖြင့် အလိုလိုက်ကာ ထိပ်ထားပျော်ရွှင်အောင်၊ စိတ်ချမ်းသာအောင် အမြဲစဉ်းစားပေးတတ်သော သူတစ်ယောက်ဖြစ်သည်။ ပင်ကိုယ်ကလည်း စိတ်သဘောကောင်းလှသော ထိပ်ထားကလည်း သူမအပေါ် နားလည်၊ အလိုလိုက်ကာ ချစ်ခင်ကြင်နာလှသော ထိုသူကို မြတ်မြတ်နိုးနိုး ချစ်သောကြောင့် သူတို့၂ဦး၏ အချစ်သည် ပျော်ရွှင်ကြည်နူးစရာ၊ အားကျ ငေးမောချင်စရာ ကောင်းလောက်အောင် အတွဲညီလှသော စံပြ ချစ်သူများ ဖြစ်ကြလေသည်။ သူမတို့ သူငယ်ချင်း ထိပ်ထားကို ပျော်ရွှင်ခြင်း၊ ကြည်နူးခြင်းများဖြင့် အမြဲ စိတ်ချမ်းသာစေသော၊ ယုယချစ်ခင် ကြင်နာတတ်သော ထိုသူကိုတော့ ထိုက်တန်စွာဘဲ Pleasures ဟူသော ရေမွှေးနံမည်ကို သူမတို့ သူငယ်ချင်းအားလုံး စိတ်သဘောညီစွာ ပေးဖြစ်ခဲ့ကြပါသည်။


~~~~~~~~~~~~~~~~~~~~~~~~~~~~~~~~~~~~~~~~~~~~~~~

အဖွဲ့ထဲတွင် နောက်ဆုံးတစ်ယောက်ဖြစ်သော သူမနာမည်က ကြည်သာသက်ဝေ

သူမဘ၀တွင်လည်း ရေမွှေးပုလင်း အမည်ပေးခဲ့ဖူးသူများ ရှိခဲ့သော်လည်း လောလောဆည်တွင်တော့  သူမ ပေးချင်သည့် အမည်နှင့် ထိုက်တန်အောင် သူမအပေါ် ချစ်နိုင်မည့်သူမျိုးနှင့် မတွေ့သေး သောကြောင့်  မြတ်နိုး တန်ဖိုးထားစရာ ရေမွှေးပုလင်းလေး တစ်လုံးတစ်လေမှ လက်ဆုပ် လက်ကိုင် မရှိသေးသူ ဖြစ်ပါသည်။ အသည်းကွဲဖူး ခဲ့ကြသည့် သူမ၏ သူငယ်ချင်းများဖြစ်ကြသော မိုးပွင့်ဖြူ၊ စင်သီယာပြည့်စုံ တို့သည်ပင် အိမ်ထောင်အသီးသီးကျကာ သူမတို့မှာ အမည်ပေးစရာ ရေမွှေးပုလင်းလေးများ ကိုယ်စီ ပိုင်ဆိုင်နေကြပြီ ဖြစ်သည်။ သူမကတော့ သူမလိုချင်သည့် မွှေးပျံ့လှသော ချစ်ခြင်းရနံ့များ၊ လှပသော ကြင်နာခြင်း၊ မြင့်မြတ်သော သစ္စာရှိခြင်း စသည်တို့ဖြင့် ဘ၀တစ်လျှောက်လုံး သူမအပေါ် သစ္စာရှိရှိ ချစ်ခင်ကြင်နာနိုင်မည့်သူ၊ သူမ ကိုယ်တိုင်ကလည်း တစ်ဘ၀လုံးစာ မြတ်နိုး တန်ဖိုးထားနိုင်မည့် သူကို ပေးအပ်ချင်သည့် ရေမွှေး အမည်လေးတစ်ခုကို ကြိုတင် စဉ်းစားထားခဲ့ဖူးပါသည်။ သူမတို့၂ယောက်၏ အချစ်တွေကို နားလည်မှုကိုယ်စီဖြင့် အမြဲတမ်း ထာဝရ တည်မြဲစေမည် ဟူသော သဘောဖြင့်  ပေးအပ် ချင်သည့် ရေမွှေး အမည်လေးက Eternity ဆိုသည့် ချစ်စရာ အမည်သာ ဖြစ်လေသည်။ တစ်စုံတစ်ယောက်သော သူကို ထိုနံမည်လေးပေးကာ သူမ၏ အချစ်တွေကို တစ်ဘ၀လုံးစာ ပေးအပ်ဖို့ ကြိုတင် စိတ်ကူး ထားခဲ့သော်လည်း ခုချိန်ထိတော့ ထိုအမည်လေးနှင့် သင့်တော်သူ ဟူ၍ တွေ့မလာသေးပါ။ သူမ တွေ့ခဲ့ဖူးသော သူတွေသည်လည်း ထိုအမည်ပေးအပ်ဖို့ ထိုက်တန်သူ၊ ထိုအမည် ပေးအပ် ရလောက်အောင် သူမအပေါ် ချစ်ခင်နိုင်သူ၊ သစ္စာရှိသူ ဟူ၍လည်း မရှိခဲ့ဖူးသေးပါ။ သူမ လောဘကြီးနေတာ၊ သို့မဟုတ် ချေးများနေတာလည်း ဖြစ်ကောင်း ဖြစ်နိုင်ပါသည်။ သို့သော် တစ်ချိန်ချိန်တွင်တော့ ထို Eternity နံမည်လေးကို တစ်စုံတစ်ယောက်သောသူကို ထိုက်ထိုက် တန်တန် ပေးအပ်ခွင့် ရလာလိမ့်မည်ဟုတော့ ယုံကြည်မျှော်လင့်လျှက် ရှိနေပါသည်လေ။





Image Hosted by PicturePush - Photo Sharing


*************ပြီး***********



ဒီပိုစ့်လေးကို ဘာရယ်မဟုတ် ပေါ့ပေါ့ပါးပါး ဖတ်ဖို့  ဇာတ်ကောင်စရိုက်များကို ဖန်တီးပြီး ရေမွှေးနံမည်များနဲ့ တွဲဖက်ကာ ရေးဖွဲ့တာ ဖြစ်ပါတယ်.. ဇာတ်ကောင်နံမည်နဲ့ စရိုက်များမှာ စိတ်ကူးဖန်တီးထားခြင်းသာ ဖြစ်သောကြောင့် တိုက်ဆိုင်မှုများ ရှိခဲ့ပါက ခွင့်လွှတ်နားလည်ပေးဖို့ ကြိုတင်တောင်းပန်ပါရစေ... စာလာဖတ်ကြသူ ချစ်စွာသော မိတ်ဆွေများကရော အမျိုးသားများဆိုလျှင်ဖြင့် ဘယ်လိုရေမွှေးပုလင်း နံမည်မျိုးလို့ ကိုယ့်ကိုယ်ကို သတ်မှတ်ပါသလဲ.. အမျိုးသမီးများဆိုရင်ရော ဘယ်လို ရေမွှေးပုလင်းမျိုးကို ပိုင်ဆိုင်ခွင့် ရထားပါပြီလဲ... ရေမွှေးပုလင်း အမည်ပေးဖို့ မရှိသေးသူများ၊ ရေမွှေးပုလင်း မပိုင်ဆိုင်သေးသူများကလည်း ဘယ်လို ရေမွှေးနံမည်များ ပေးဖို့ စိတ်ကူးထားပြီး ဘယ်လို ရေမွှေးပုလင်းမျိုးကို ပိုင်ဆိုင်ချင်ပါသလဲရှင်...  :)

သင်းထုံမွှေးပျံ့ကာ လှပသော ရေမွှေးပုလင်းလေးများကို လူတိုင်းပိုင်ဆိုင်နိုင်ကြပါစေရှင်......



ချော(အစိမ်းရောင်လွင်ပြင်)

64 Responses to “ရေမွှေးပုလင်းနှင့်တူသော ယောက်ျားများ”

ကျနော်ကတော့ ...... အင်း.........ဘယ်သူ့အတွက်မှန်းမသိသေးတဲ့ရေမွှေးလေးပါ....ဟဲဟဲ...

ကျွန်တော့်ကတော့ ရေမွှေးဖြစ်မယ်မထင်ပါး) မြောင်းပုတ်ရေ ဟဟး)း)
ဖတ်လို့ကောင်းတယ်အစ်မရေ....

ယွန်း said...

အရမ်းဖတ်လို့ ကောင်းတယ်..အားပေးလျှက်ပါ

ခင်မင်တဲ့
ယွန်း

မိုးခါး said...

စဉ်းစဉ်းစားစား ရေးတတ်လိုက်တာ ..
စဉ်းစားဦးမှ ကိုယ့် ရေမွှေးနာမည် :D

Myatnoe said...

:) good to read.
nice one.

ဟာ..... ရေးတတ်လွန်းတယ်ဗျာ
မတူတဲ့ ရသလေးမို့မိုက်တယ်
အခုအချိန်ထိတော့ Eternity ပေါ့ဗျာ... နောက်များတော့ မပြောတတ် :)

စိတ်ဝင်စားစရာပြကွက်လေးကိုကြည့်နေရသလိုပါပဲမချောရေ..။
ရေမွှေးပုလင်းတွေထဲကပုလင်းလေးတခုကိုယူပြီးဆွတ်သွားခဲ့တယ်..။(ဘာပုလင်းလည်းလို့ ပြောဖူးးးးးးးးး)

ချစ်တဲ့
သဒ္ဓါ

noblemoe said...

ရေမွေးလေးတွေနဲ့ ဖွဲ့ နွဲ့ သွားတာ ဖတ်လို့ ကောင်းလိုက်တာ
အောက်ဆုံးကျမှတိုက်တိုက်ဆိုင်ဆိုင် လောဘကြီးတာတော့ဟုတ်ပါဖူးး)

သာယာချမ်းမြေ့ပါစေနော်
မိုး

SSY said...

very creative !

ရေးမွှေးသုတေသနလုပ်ထားအိတာ
ဖတ်ရတာစိတ်ဝင်စားစရာကောင်းတယ်။
အင်း..ကြည်သာသက်ဝေကမချောညားဖစ်နေလေ
ရော့သလား....အဟတ်ဖွတာ :)
ခိုင်နု..လည်းဘယ်သူ့အတွက်မှန်းမသိသေးတဲ့အောက်
ဆုံးကရေမွှေးလေးကောက်စွတ်သွားတယ်။ (Eternit)ကမွှေးအိတာ..
ခင်တဲ့
ခိုင်နုငယ်

shwezinu said...

အင်း ရေမွှေးနဲ့ တူသော ယောက်ကျားများ ညီမ ချော အတွက် အကောင်းဆုံး ရေမွှေးလေး ဆွတ်ခွင့် ရပါစေလို့ ဆုတောင်းပါတယ်

ခင်မင်စွာဖြင့်
ရွှေစင်ဦး

အပြေးအလွှားလေးလာရှာမိပါတယ်..။ ဟွန့်...တစ်ပုလင်းမှလည်း မပါဘူး..။
သြ...... ကြည်သာသက်ဝေ..ကြည်သာသက်ဝေ...
သူလေးက ဘူလေးများပါလိမ့်နော်....
ငါ့နှယ်... သိချင်လိုက်တာ....။ :)

ရော်.....
အမယ်တွေက စုံလွန်းနေတယ်...
မှန်းစမ်း.....ကိုယ်ကော ဘာရေမွှေးလဲ
အင်တာနယ်တီလေးများလား....အဟတ်...ဟတ်...

ချောရေ....
ရေးသားပုံလေးက ညက်လိုက်တာ ... ဖတ်လို့ကောင်းသလို ဆွဲဆောင်မှုလဲရှိတဲ့ မောဒန်ဆန်ဆန်ဝတ္တုလေးလို့ ပြောရမလား ...။ နှင်း လဲ အဲလို ပေါ့ပေါ့ပါးပါးလေးတွေကို စိတ်ကူးယဉ်ပြီး ရေးချင်မိတယ် ....။
ခင်မင်လေးစားစွာဖြင့်
ချောရဲ့နှင်း

သစ်သစ် said...

ဟင်...ဘာရေမွှေးလည်းသိချင်လို့ မမချောကိုပြောပြရမယ်...း)

စိတ်ကူးကောင်းလိုက်တာ၊
အရေးအသားကလဲတကယ်ကောင်းတယ်၊
လင့်လေးလဲပြန်ပြောင်းထားတယ်နော်၊
ပျော်ရွှင်ချမ်းမြေ့ပါစေ

မချောေ၇
ဂျူးလိယက်ကတော့ ဖတ်ရင်း ဂျူးလိယက် အမျိုးသားက ဘယ်ရေမွှေးနဲ့ တူသလဲ စဉ်းစားနေတာ.. ဟီးဟီး Pleasure ရေမွှေးနဲ့ တူမယ်တဲ့ တူတယ်.. :)

လသာည said...

ရေမွှေးနဲ့ နှိုင်းယှဉ်ပြီး ရေးသွားတာ တကယ့်ကို ဖတ်ကောင်းတယ်။ ချောကတော့ တကယ်တော်တယ်။
အင်း ... ရေမွှေးဆိုတော့ကာ.. အိမ်မှာ ရှိနေတာ ဘာရေမွှေးဖြစ်မလဲ။ ဘုရားပေးတဲ့ ရေမွှေးတစ်ပုလင်း ပိုင်ဆိုင်နေပေမယ့် တခါမှ နာမည်ကို မတွေးဖူးဘူး။ ပြန်ရောက်မှ သေချာဆန်းစစ် မွှေးပြီး ပြန်လာပြောမယ် နော်း))

သက်ဝေ said...

တိုက်တိုက်ဆိုင်ဆိုင်မို့ အံ့သြသွားတယ်
Eternity အတွက် ပေးထားတဲ့ နာမည်က သက်ဝေ ပါနေလို့..
ကိုယ်က Eternity ရေမွှေး စပေါ်ကထဲက (မှတ်မိသလောက် ၁၉၉၅ ခုနှစ်) ခုချိန်ထိ စွဲစွဲလမ်းလမ်း ကြိုက်နေ၊ သုံးနေသေးတာ...း))
ရေးထားတဲ့ အိုင်ဒီယာလေး မိုက်တယ်...

မချောရေ့

မူးမူးနဲ့ဖတ်.....
ဘယ်ရေမွှေးမှလည်း....မဆွတ်တတ်သူမို့.....
ယောင်ချာချာနှင့် ပြန်သွားပါသည်။

cifrifjcif;tm;jzifh.....
PDvif;ndK

ဟာ.....အောက်က ဘာစာတွေပေါ်သွားတာလည်းမသိဘူးရယ်.....။
ခင်မင်ခြင်းအားဖြင့်......
ဏီလင်းညို.....လို့ရေးလိုက်ထှာ......။
ပတ်တနာပဲ......ဘုရားရေ့........း)

အင်ကြင်းသန့် said...

ငါ့အစ်မလည်း Eternity ရေမွှေးလေးကိုသာ ထာဝရဆွတ်ခွင့်ရပါစေ.....

ရေမွှေး အမျိုးအမည်လေးတွေတော့ တော်တော်စုံသွားတာပဲနော်.. တစ်ခုမှ လည်း သိဝူး.... (ရေမွှေး မသုံးလို့ဖြစ်မယ်ထင်တယ်)
ဒါပေမယ့် ဖတ်လို့တော့ အရမ်းကောင်းတယ်.. . တကယ့် သူငယ်ချင်းတွေ ရဲ့ အကြောင်းရေးထားတာ မှတ်နေတာ....

အော်...ငါ့အစ်မကတော့ဟေ ရေမွှေးတွေရောင်းနေပါပေါ့ :) စတာနော် အစ်မ ကောင်းလိုက်တဲ့ ရေးအဖွဲ့ ဖတ်လို့ကောင်းပါ၏ ။

ခင်တဲ့(ချိုကျ)

ဝါး... မိုက်တယ်ဗျာ...း)).. ဖတ်ရတာ သွက်ပြီးတော့ကို ကောင်းနေတာ...း))


ခင်မင်တဲ့
နေ၀သန်

သိဘူးဗျ..။ရေမွေး တွေအကြောင်းတော့..။
ကိုယ့်ဘာသာ ဘယ်ရေမွေး နဲ့တူသလဲ ဆိုတာလဲ ပြောတတ်ပါဘူးဗျာ...
ကြုံမှ မေးကြည့်ဦးမှ...။

တစ်ယောက်တစ်မျိုး သတ်မှတ်ကြလိမ့်မယ် ထင်တယ်။ သေချာတာတော့ အမျိုးအစား တူမှာ မဟုတ်ဘူး။

John said...

Very nice site!

ဖတ်လို့ကောင်းတယ်.အရေးအသားက ဆွဲဆောင်မူရှိတယ်

စာလေးဖတ်လို့ကောင်းလိုက်တာ မမ။ မယ်က Estée Lauder Pleasure ကို သုံးတယ်။ ဒါပေမယ့် ဇာတ်လမ်းထဲမှာလို မဟုတ်ဘူး :P Eternity ဖြစ်သင့်တာ :P

ဘယ်ရေမွှေး စမ်းရမှန်းမသိလို့...
ချစ်သူဝယ်ပေးမယ့် ရေမွှေးပဲ စွတ်တော့မယ်..
ဟီး...
လက်ရှောင်သွားတာ...း)

ပူးတေ said...

အိမ်ကျမှ ဘာရေမွှေးလဲလို့ ရှုကြည့်ရဦးမယ်.... ဟီး ရေးထားတဲ့ အိုင်ဒီယာလေးကောင်းလိုက်တာ... မမချောတို့ကတော့နော် ဘယ်တော့မှ လက်ရည်မကျသွားဘူး တော်ချက်...

အားပေးနေမယ် ဆက်ရေးနော်....

ဇွန် said...

မမတို့တော့ သိပ်ရေးတတ်တယ်နော်.. မမလည်း Eternity ရေမွှေးလေး ဆွတ်ရပါစေ...
ဟဲ .. ညီမလည်း.....
ပျော်ရွှင်ပါစေ...

ကျွန်မလည်း ရေမွှေးကြိုက်တယ်။ အမျိုးစုံပြောင်းတယ်လေ။ ပို့စ်ထဲကလို တင်စားပြောတာမဟုတ်ဘူးနော် ရှုတ်ကုန်မှာစိုးလို့။ (နောက်တာ အဟဲ)။

ီအခုလောလောဆယ်တော့ tommy hilfiger ရဲ့ tommy summer ၂၀၀၉ထုတ် ပေါ့။

ကြော်ငြာထားတဲ့ အတိုင်းပါပဲ။ နေ့စဉ်ဘ၀ကနေ ခဏအပြင်ထွက်ရတဲ့ စိတ်ကြည်နူးမှု ရစေမယ်တဲ့။
ချိုမြိ်န်ရနံ့ ကြယ်၂ပွင့်။ လတ်ဆတ်မှု ရနံ့ ကြယ်၎ပွင့်။ ညို့ဓါတ်ရနံ့ ကြယ်၁ပွင့်။ စူးရှရနံ့ ကြယ်၁ပွင့် အမှတ်ရထားတယ် ဆိုတဲ့ အတိုင်းကောင်းတယ်။

ပို့စ်လေးကတော့ အကောင်းဆုံးပဲ ရေးတတ်တယ်။ သင်းပျံ့တယ်။

ကြည်သာသက်ဝေ အဲ့.. ချော အတွက် link လေးနဲ့ ရေမွှေးလေး လက်ဆောင်ထားသွားတယ်နော်... အိုင်ဒီယာလေးနဲ့ အရေးအသားကိုတော့ ထွေထွေထူးထူး မပြောခဲ့တော့ပါဖူး ဘရာဗိုပေါ့း))))))

http://www.amazon.com/CHANCE-For-Women-By-CHANEL/dp/images/B0014C5XAA/ref=dp_image_1_0?ie=UTF8&s=beauty&img=0&color_name=1

ချစ်တဲ့....

ချောရေ...Eternity ရေမွှေးအမြန်ဆုံးဆွတ်ဖျန်းနိုင်ပါစေရှင်...

ခင်တဲ့
မိုးငွေ့

sosegado said...

ရေမွေးနဲ့ အိုင်ဒီယာကို သဘောကြသွားတယ်၊ တော်သေးတာပေါ့ ၆ယောက်ထဲရှိလို့ Secret ကြိုက်တဲ့ ကောင်မလေးတွေ့ဘူးတယ်၊ နောက်ဆုံး BVLGARI ကိုပြောင်းကြိုက်သွားတယ်၊

ကျွန်တော်က တော့ ဂျေပါဗျာ..... သယ်ရင်းတို့ ရေ.... ဂျေမဖြစ်အောင်နေပါဗျာ.. ကောင်းဘူး..... ရေမွှေး... ရေမွှေး.....

ကြည်သာသက်ဝေက အမငယ်နာမည်လား အမ။းဝ)

ရေးတတ်လိုက်တာ။ ကြံကြံဖန်ဖန်။ ရေမွှေးပုလင်းတွေတောင် မနေရတော့ဘူး။

Aung Kyaw Oo said...

အစ်မနဲ့ တွေ့မှ ယောက်ျားတွေလဲ ရေမွှေးပုလင်း ဖြစ်ကုန်ပါပြီဗျာ။
ဒါပေမဲ့ ဖတ်လို့တော့ ကောင်းတယ်။

blackroze said...

မကြီးရေ...ရေမွေးပုလင်းတွေကတော့လှတပတလေးတွေနော်..
နာမည်နဲ့အဓိပ္ပါယ်သတ်မှတ်ချက်လေးတွေကလဲ..ကောင်းပရှင်..
ဟီးးးဟီးးး...ညီမကတော့..လက်ဆောင်ရတဲ့ရေမွှေးဘဲသုံးတယ်..

zaytaryar said...

အဲဒါတွေမကြိုက်တာဟေ့ ပေါက်လား ၊ မိန်းခလေးတွေကိုကိုယ်စားပြုတဲ့ရေမွေးဘယ်မတုန်း အကြည့်ကိုက
မိန်းခလေးဘက်ကဘဲလိုက်နေတယ် ၊ သမာဓိနဲတယ် အခုအသစ်ရေးတင်ပေး ယောကျာင်္းလေးတွေအတွက်

ရေမွှေးလေး တပုလင်းလောက်တော့ ရချင်သား...း)

kotunygn said...

Now, I know well what u want.

:P

bear said...

အဟမ်းးး အဟမ်းးးးး တော်ပါကွယ်
အပျိုဂျီးရေ အပျိုဂျ၊ီးလဲ ဘယ်ရေမွှေးဆွတ်ချင်သလဲ ဟိဟိ
မီး က တော့ ငယ်သေးတော့ ပေါင်ဒါပဲ သုံးဦးမယ်နော် သိလား ခွီးးးးးးးးးးးးးး
---
ဘယ်မှမရောက်ဖြစ်ပါဘူး မချောရယ် ဦးလူထွေးဆီတောင် ရန်ဖြစ်နေလို့ ရောက်ဖြစ်တာ နောက်ဆို ဝက်ကို လာစေချင်ရင် ရန်ဖြစ်နော် သိလား ဟိဟိ
မအားဘူးကွယ် ရှူတင်တွေ သိပ်များနေတယ် ဟက်ဟက်

Jack said...

....
Wanna be an "Eternity"..
But i myself can be considered as "Secret.."

my website said...

Ok, and double yes !

ဖတ်ရင်း ဖတ်ရင်း ရင်ထဲတစ်မျိုးလေး ခံစားရတယ်ဗျာ.. မိုးပွင့်ဖြူလေးကို သနားတယ်.. စင်သီယာပြည့်စုံ အကြောင်း ဖတ်ရတော့ တနေရာက ကောင်မလေးတစ်ယောက်ကိုတောင် အမှတ်ရမိသေးတယ်.. ညိုလဲ့ရီကတော့ ပျော်ရွှင်တဲ့ ဘ၀လေးကိုရသွားမယ်ထင်တယ်.. ကြည်သာသက်ဝေကတော့ ခိခိ.. အပျိုကြီးဖြစ်လိမ့်မယ်ထင်တယ်.. :P
လင့်ပျောက်သွားလို့ ပြန်လာယူတာ အမခင်ဗျား ပျော်ရွှင်ပါစေ

လုလု said...

ချောရယ့့့် 
ရေးတတ်လိုက်တာ။ ဖတ်ရင်းနဲ့ကို တစ်ယောက်ချင်းစီအတွက် မျိုးစုံကို ခံစားလိုက်ရတာ။ ရေမွှေးပုလင်းလေးတွေကလည်း လှမှလှ၊ နာမည်လေးတွေကလည်း စုံလို့နော်။
ဖတ်လို့ကောင်းမှကောင်း။

နွေမွန်ကျော် said...

စာလာဖတ်ဖြစ်ပေမဲ့ ကော်မန့်တစ်ခါမှ မရေးဖြစ်ဘူး.. ဒီဝတ္ထုလေးတော့ တော်တော်သဘောကျမိတယ်..
အစ်မ စိတ်ကူးကောင်းတာကို ချီးကျူးမိပါတယ်..
တကယ့်ကို စိတ်ဝင်စားဖို့ကောင်းအောင် ရေးတတ်ပါပေတယ်။

ကိုကြည်သာ said...

ကောင်းလိုက်တဲ့စိတ်ကူး...............

သူရိယနေမင်း၊
ဂုဏ်ရှိန်ပြင်းကြောင့်၊
ညှိုးနွယ်နွမ်းလျှ၊
ဖူသစ်စတွင်၊
ကြွေကျခဲ့လည်း၊
နှောင်းဝဿန်မိုး၊
ဂုဏ်ရှိန်စွမ်းကြောင့်၊
ပိတောက်ရွှေရည်၊
ဖူးပွင့်ခဲ့ပြီ …………။

ရေထားတဲ့ဇတ်လမ်းလေးကိုတကယ်ကြိုက်တယ်ဗျာ
ကျွန်တော်နဲ့ခပ်စင်စင်တူတာ တွေ့တော့တွေ့ထားတယ် Secret လို့ထင်တာပဲ
အဲလိုစာတွေရေးဦးနော် အားပေးလျှက်ပါ
ဒီထက်များစွာရေးနိုင်ပါစေလို့ ...................................

888 poker said...

Very nice picture on this blogs. Very good article and blog, poker is good to !

ယမင်း said...

ရေမွှေးတွေကများလွန်းလို့ဘာကိုဆွတ်ရမှန်းမသိဖူးးးးးးးးးးးခိခိခိခိ

ခိုင်သဇင်အေး said...

အဲ့ဒီ အဲ့ဒီ ရေမွှေးတွေလေး စိတ်ကုန်သွားပြီ တော်ပြီဘာရေမွှေးမှထပ်မဆွတ်ချင်တော့ဘူး။ ဟူး.....

rose said...

Eternity.... I like & want it....:)
I,espically, miss my friends coz one of my friends wrote a story like this... But u are so good coz u imagine the men like perfume....And the girls from this look like as us.. I think u chase after us & wrote it... Just kidding ,ma.. Thanks u naw...Be healthy & good luck....

Apple Of Adam said...

ကျနော် လာဖတ်သွားတယ်။ရေမွှေးဆို စိတ်ဝင်စားလို့။ကျနော် ကတော့ beyond paradise ဖြစ်မယ်ထင်တယ်။ဘာလို့လဲဆိုတော့ ကျနော်က အမြဲတမ်းကောင်းတာရော မကောင်းတာရောလုပ်တော့ နတ်ပြည်ကို လွန်ပြီး ငရဲပြည်ရောက်သွားလို့။
ဟဲဟဲ အလကားနောက်တာ။ ကျနော်အကြိုက်ဆုံး beyond paradise ရေမွှေးကိုကြိုက်လို့...

မချောရေ ကိုးကတော့ Poison ပဲဖြစ်ချင်တယ် Dior ကိုကြိုက်လို့.. အခု ရေမွှေးတွေထဲက Pleasure တစ်ပုလင်း လောက် လက်ဆောင်ရလိုက်ရင် ဘယ်လောက်ကောင်းမလည်းဟိဟိ
ကောင်မလေးပေးတဲ့ ရေမွှေးတစ်ပုလင်းတော့ ရဖူးတယ်။ Lorea`l ကထုတ်တဲ့ Kerasys သနပ်ခါးနံ့လေးနဲ့ ဒါပေမယ့် ကောင်မလေးနဲ့ ပြန်သွားပြီ ခွိခွိ

ခင်မင်လျှက်
ကိုကိုးအိမ်(မန္တလေး)

ခင်ဝင်း said...

စိတ်ကူးအသစ်တစ်ခုပါပဲ။ ဒီနေ့ အလည်ရောက်ခဲ့တယ်။အားပေးပါတယ်။ရေမွှေးဆို အမပေးဘူးတဲ့
ရေမွှေးဘဲရဘူးသေးတယ်။ ချစ်သူမိန်းခလေးကပေးမယ့် ရေမွှေးကို မမျှော်တော့ပါဘူး။

ခင်မင်စွာဖြင့်
ဖိုးခင်ဝင်း

အတွေးကလည်း ကောင်းပ မမချောရယ်...
ရေမွှေးဆိုရင်တော့ အကုန်ကြိုက်တယ် ..ဟက်

အောင် said...

ရေမွှေးဆို တစ်ခါစွတ်လိုက်တာနဲ့ ကို ရနံ့ သင်းသင်းလေးနဲ့ ထုံအီနေတဲ့ တစ်ခါရှုရှိုက်ပြီးရင် ထပ်ကါ ထပ်ကါ တမ်းတနေချင်လောက်အောင်ကောင်းတဲ့ ရေမွှေးမျိူးကိုသဘောကျတယ်ဗျ။ ပြင်သစ်က နာမည်ကြီး ဂျွန်ပထရစ်ဂရောင်းနေးလ် ထုတ်တဲ့ရေမွှေးဆို မမချောက ဘယ်လိုသတ်မှတ်မလဲခင်ဗျ မောင်လေးက အမရဲ့ စိတ်ကူးကို တကယ်သဘောကျပါတယ်။ အမရေးတဲ့ စာတော်တော်များများလည်း နှစ်သက်ပါတယ်။ အမြဲအားပေးနေပါတယ်။

goe said...

ကျတော်က ရေမွှေး မသုံးဖူးလို့ မသိဘူး ပေါင်ဒါ ပဲ သုံးတယ် ခုထိ ခုမှ မမချော ရေးတော့မှ ပဲ ရေမွှေးသုံးချင်လာပြီ အဲ့ဒီရေမွှေး ၆ မျိုးစလုံးကို ပေါင်းစပ်လိုက်ရင် ဘာရေမွှေးထွက်လာမလဲ မသိဘူးနော် ပြီးတော့ ဘယ်လိုနာမည်ပေးမလဲနော် :)

Anonymous said...

AMOR
AMOR .