ကျန်းမာသွယ်လျ လှလှပ


လူတိုင်းဟာ ကျန်းမာကြံ့ခိုင်ပြီး အချိုးအစားကျနတဲ့ ခန္ဓာကိုယ်ကို ပိုင်ဆိုင်လိုကြမယ် ထင်ပါတယ်နော်။ တကယ်လို့ သင်ရဲ့ ခန္ဓာကိုယ်အလေးချိန်ဟာ ရှိသင့်တာထက် များနေပြီဆိုရင် အလှအပအတွက်ရော၊ ကျန်းမာရေးအရပါ ၀ိတ် လျော့ဖို့ လိုနေပါပြီ။ ကျန်းမာရေး သုတေသီတွေရဲ့ လေ့လာတွေ့ရှိချက်မှာ ပိန်တဲ့သူတွေထက် ၀တဲ့လူတွေဟာ ရောဂါဖြစ်ဖို့ အခွင့်အလမ်း ပိုများပြီး ၀သူတွေမှာ ဖြစ်နိုင်တဲ့ရောဂါ အမျိုးအစားဟာလည်း ပိုမိုများပြားတာကို တွေ့ရတာကြောင့် ကျန်းမာရေးအတွက် ၀ခြင်းဟာ လုံးဝကိုမကောင်းဘူးလို့ ဆိုပါတယ်.. ဒါပေမဲ့ အလွန်အကျွံ ပိန်တာမျိုးကျတော့လည်း မဖြစ်သင့်ပါဘူးနော်.. ရှိသင့်တဲ့ ကိုယ်အလေးချိန်နဲ့ ခန္ဓာကိုယ် အချိုးအစားကို စနစ်တကျ ထိန်းသိမ်းတာဟာ မိမိရဲ့ကျန်းမာရေးကို စောင့်ရှောက်ရာရောက်သလို လှချင်သူများအတွက်လည်း အ၀မတိုးစေဘဲ မိမိနှစ်သက်ရာ အ၀တ်အစားကို လှလှပပလေး ၀တ်ဆင်လို့ ရပါတယ်။

လူတစ်ယောက်ဟာ ၀လာပြီဆိုရင် အ၀တ်အစား ရွေးရခက်လာသလို ရှိပြီးသားအ၀တ်တွေလဲ မတော်တော့တာမျိုး၊ လက်ရှိခေတ်ဒီဇိုင်းနဲ့လည်း လိုက်ဖက်မှု မရှိတော့တာမျိုး ဖြစ်လာနိုင်ပါတယ်.. ခန္ဓာကိုယ်နဲ့ Fit ဖြစ်တဲ့ အ၀တ်အစားတွေဟာ ၀တဲ့သူနဲ့ ဘယ်လိုမှ ကြည့်မကောင်းတတ်ပါဘူး.. ဗိုက်ခေါက်က အဆီပြင်ကြီးကြောင့် ကြည့်ရခက်သလို ကြီးမားတုတ်ခိုင်တဲ့ လက်မောင်းတွေ၊ ခြေထောက်တွေကြောင့်လည်း အလှပျက်စေနိုင်ပါတယ်.. လှချင်လို့ တန်ဖိုးကြီးပေးဝယ်ထားပြီး ၀တ်ကာမှ အ၀တ်ကြောင့် အလှပျက်ရတာမျိုး ဖြစ်နိုင်ပါတယ်..  ဒီတော့ ခန္ဓာကိုယ်အလေးချိန် ထိန်းသိမ်းခြင်းဟာ ကျန်းမာရေးအတွက်ရော အလှအပအတွက်ပါ ကောင်းမွန်တာမို့ လူတိုင်း မိမိရဲ့ ကိုယ်အလေးချိန် အချိုးအစားကို ထိန်းသိမ်းသင့်ကြပါတယ်နော်။

လူတစ်ယောက်မှာ စပြီးဝလာပြီးဆိုရင် ဗိုက်ခေါက်က အရင်ဆုံး ထွက်လာပါတယ်. မိမိဝမ်းဗိုက်ကို ဆွဲကြည့်ပါ။ အဆီပြင်က ထူနေပြီဆိုရင် သင် ၀နေပါပြီ။ သို့မဟုတ် ၀စပြုနေပါပြီ။ မိမိကိုယ်ကို ၀နေတယ်လို့ မသိသာ မထင်ရှားဘူးဆိုရင် ကိုယ့်ရဲ့ ခန္ဓာကိုယ်အလေးချိန်၊ အရပ်အမြင့်နဲ့ တွက်ချက်ကြည့်ရင် ၀တယ် မ၀ဘူးဆိုတာ ဆုံးဖြတ်လို့ ရတဲ့နည်းလမ်း ရှိပါတယ်. ထိုနည်းကိုတော့ B.M.I (Body Mass Index) လို့ခေါ်ပါတယ်.. တွက်ရမဲ့ ပုံသေနည်းက BMI = [weight / (height x height)]  ဖြစ်ပါတယ်.. ဒါက ကိုယ်အလေးချိန်ကို ကီလိုဂရမ်နဲ့ အရပ်အမြင့်ကို မီတာဖြင့် တိုင်းတာသူများ တွက်တဲ့နည်းပါ။ ကျွန်မတို့ မြန်မာတွေက ကိုယ်အလေးချိန်ကို အများအားဖြင့် ပေါင်ချိန်နဲ့ အရပ်ကိုတော့ ပေ၊ လက်မ တို့ဖြင့် တိုင်းကြတာ များပါတယ်.. အလေးချိန်ကို ပေါင်နဲ့တိုင်းပြီး အရပ်အမြင့်ကို လက်မဖြင့် တိုင်းသူများကျတော့ BMI = [weight / (height x height)] x 703 ဆိုတဲ့ ပုံသေနည်းနဲ့ တွက်ချက်ရမှာ ဖြစ်ပါတယ်။

ဥပမာ လူတစ်ယောက်ဟာ အရပ် ၅ပေ ၂လက်မ ရှိပြီး ပေါင်ချိန် ၁၄၀ ရှိနေသူ ဖြစ်ခဲ့ရင် သူရဲ့ BMI ကို တွက်ချက်ကြည့်တဲ့အခါ BMI = [၁၄၀ပေါင် / (၆၂ လက်မ  x ၆၂လက်မ)] x ၇၀၃ လို့ တွက်ရမှာ ဖြစ်တာကြောင့် အဖြေက ၂၅.၆၀ ရပါတယ်.. ၂၅ထက် ကျော်နေပြီဆိုရင်တော့ သင့်အရပ်နဲ့ ရှိသင့်တဲ့ ကိုယ်အလေးချိန်ထက် ကျော်နေပြီ လို့ တွက်ဆလို့ ရပါတယ်..  ၁၉ကနေ ၂၅အောက်ရှိသူဟာ ပုံမှန်အလေးချိန်လို့ တွက်ဆရပြီး ၂၅ကနေ ၂၉.၉ အတွင်းကိုတော့ ၀နေသူလို့ သတ်မှတ်ပါတယ်.. ၃၀ထက်ကျော်နေရင်တော့ တော်တော်လေးကို ၀နေပါပြီ။ BMI ရလာဒ်များလေ ရောဂါ၊ အန္တရာယ်ဖြစ်နိုင်တဲ့ အခြေအနေ ပိုများလေလို့ ဆိုပါတယ်.. အ၀လွန်သူများမှာ သွေးတိုး၊ ဆီးချို၊ နှလုံး လေးဘက်နာ၊ သွေးကြောပိတ်၊ အသည်းအဆီဖုံး ၊ ကင်ဆာ စတဲ့ နာတာရှည်ရောဂါများ ဖြစ်ဖို့ ဖြစ်နိုင်ခြေ အလွန်များပါတယ်… BMI ကို (ဒီနေရာမှာ )  အလွယ်တကူ တွက်ချက်ကြည့်လို့ရပါတယ်..

ဗိုက်ခေါက်က အဆီပြင် မရှိမှ သွယ်လျကြော့ရှင်းတဲ့ ခန္ဓာကိုယ်ဖြစ်ပါလိမ့်မယ်..အဆီမရှိ ပြားချပ်တဲ့ ၀မ်းဗိုက်ကလေး ရဖို့နဲ့၊ မ၀အောင် ကိုယ်အလေးချိန်ကို ဘယ်လိုထိန်းသိမ်းကြမလဲ.. နည်းလမ်းတွေတော့ ရှိပါတယ်.. လုပ်ဖြစ်ဖို့သာ လိုတာပါ။ အလုပ်တစ်ခုဟာ မလုပ်ခင်မှာ စပြီးလုပ်ဖို့ ခက်ခဲတတ်ပေမဲ့ တကယ်တမ်း စိတ်ကို ဆုံးဖြတ်ပြီး လုပ်တဲ့အခါ လွယ်ကူသွားတာကို တွေ့ရမှာပါ။ ဒါပေမဲ့ ဆုံးဖြတ်ချက် ချနိုင်ဖို့ ပြင်းပြတဲ့ စိတ်ဆန္ဒ ရှိဖို့နဲ့ ဆုံးဖြတ်ချက်ချပြီးရင်လည်း ထိန်းသိမ်းဖို့  လိုပါတယ်.. ကိုယ်အလေးချိန် လျှော့တော့မယ်ဆိုရင် မရှိမဖြစ် ပစ္စည်းတစ်ခုက ပေါင်ချိန်စက် ဖြစ်ပါတယ်.. သို့မှသာ မိမိတိုးတက်မှုကို ကိုယ်တိုင်မြင်တွေ့ရပြီး အစားလျော့တာ၊ လေ့ကျင့်ခန်းလုပ်တာ ထိရောက်မှု ရှိမရှိ အခြေအနေကို မျက်ခြေမပြတ် သိရှိနိုင်မှာ ဖြစ်ပါတယ်.. ပြီးတော့လဲ ကိုယ်အလေးချိန် လျှော့တဲ့နေရာမှာ စစချင်း အလေးချိန်ထက် တဖြေးဖြေး လျော့နည်းလာတဲ့ မိမိရဲ့ ကိုယ်အလေးချိန်ကို သိနေ မြင်တွေ့နေမှသာ ဆက်ပြီးလုပ်ဖို့ အားကြိုးမာန်တက် စိတ်ပါမှာဖြစ်ပါတယ်.. ကိုယ်ခန္ဓာ အလေးချိန်ကို ထိန်းသိမ်းဖို့ နည်းလမ်းအချို့ကို ဖော်ပြရမယ်ဆိုရင်

၁. လမ်းလျှောက်ခြင်း၊ ရွရွပြေးခြင်း( Jogging) ကို တစ်ပတ်လျှင် ၃ကြိမ် တစ်ကြိမ်လျှင် မိနစ် ၃၀ အနည်းဆုံး ပြုလုပ်ပေးပါ။ ထိုသို့ ပြုလုပ်ခြင်းအားဖြင့် သင့် ခန္ဓာကိုယ်တွင်းရှိ အဆီများကို ချေဖျက်ပေး နိုင်ပါတယ်။ နေ့စဉ် လမ်းလျှောက်နိုင်လျှင် ပိုကောင်းပါတယ်။ ပုံမှန်အလုပ်သွား၊ အလုပ်ပြန် မြန်မြန် လမ်းလျောက်ပါ။ အထပ်မြင့် ရုံးသမားများ ဓာတ်လှေခါး သုံးခြင်းထက် ရိုးရိုးလှေခါးမှ တက်ခြင်း သည်လည်း လေ့ကျင့်ခန်းလုပ်ခြင်း ဖြစ်ပါတယ်။



၂. မနက်ခင်းတိုင်း အယ်လ်မွန်စေ့ လက်တစ်ဆုပ် ( ၆ စေ့ခန့်)  ကို စားသုံးပေးပါ။ အယ်လ်မွန်စေ့ဟာ ကျန်းမာရေးအတွက် အလွန် ကောင်းမွန်သော အစေ့ အဆံ တစ်မျိုးဖြစ်ပါတယ်.. ၄င်းမှာ ပါဝင်တဲ့ ပရိုတိန်းဟာ အဆီများကို ချေဖျက်ရာမှာ ကောင်းမွန်စေပါတယ်..မြန်မာပြည်တွင် အယ်လ်မွန်စေ့ ရရန် ခက်ခဲပါက  နေကြာစေ့ ဆားမပါပဲ လှော်တာ စားနိုင်ပါတယ်လို့ ဆိုပါတယ်...



၃. ကိုယ်လက်ကြံ့ခိုင်ရေး လေ့ကျင့်ခန်းကို တစ်ပတ်လျှင် အနည်းဆုံး ၃ကြိမ်ခန့် လုပ်နိုင်အောင် ကြိုးစားပါ။ မိမိဖာသာ မလုပ်တတ်ပါက လေ့ကျင့်ခန်း သရုပ်ပြ ဗီစီဒီခွေများ ၀ယ်ကာ အိမ်တွင် လုပ်ကြည့်ပါ။  ခန္ဓာကိုယ် တစ်ခုလုံး လှုပ်ရှားစေသော အလုပ်များကို များများ လုပ်ကိုင် ပေးပါ။ ဥပမာ (တံမြက်စည်းလှည်း၊ ကြမ်းတိုက်)


၎. အမျှင်ဓာတ်ပါသော အစားအစာ များများစားပါ။ ပေါင်မုန့်အဖြူ၊ ဂျုံနှင့်လုပ်သော ခေါက်ဆွဲ၊ အာလူး၊ ဆန်ဖြူတို့ကို များများစားခြင်းကို ဆင်ခြင်ပါ။ ဆန်ကြမ်း၊ ပေါင်မုန့်ကြမ်း၊ သစ်သီး၊ စိမ်းစိုသော အရွက်များနှင့် လတ်ဆတ်သော ဟင်းသီး ဟင်းရွက်များကို များများစားပါ။ မနက်စာကို များများ စားနိုင်ပါသည်။ သွေးတိုးသမားများ အုန်းနို့ကို ဆင်ခြင်ပါ။ နေ့လည်စာတွင် အဆီကိုလျော့စားပါ။ ဆီပြန်ဟင်းကို တစ်ပတ်လျင် ၃ကြိမ်သာ အများဆုံးသာ စားပါ။ ဟင်း၃ခွက်တွင် ၁ခွက်ကိုဆီမပါ အချိုမှုန့်မပါစေရန် ချက်ပါ။ ဆန်ကို အလျားရှည်သော (ဆန်ကြမ်း)စားပါ။ လက်ဖက်ရည် (ရေနွေးကြမ်းသောက်ပါ)။ နေ့လည်နှင့် ညနေစာကြား ရုံးပြန်ချိန်များတွင် ဝက်သားဒုတ်ထိုး၊ ကြာဆံကြော်၊ ကော်ပြန့်စိမ်း၊ ခေါက်ဆွဲကြော်၊ ဆီများသည့်အကြော်များ မကြာခဏ စားမည့်အစား ဆီနည်းသည့် အသုပ်များကို စားပါ။ လက်ဖက်သုပ်ကို အမြဲစားခြင်း၊ ဘီယာ အမြဲသောက်ခြင်းသည် ကျန်းမာရေးနှင့် မသင့်တော်ပါ။  


၅. ရိုးရိုး နွားနို့အစား အဆီထုတ်ထားသော နို့ကို သောက်သုံးပါ။ အဆီပါသောငါးကို တစ်ပတ်လျှင်တစ်ကြိမ်မျှ စားသုံးရန်နှင့် အချိုများသော အစားအစာနှင့် အဆီများသော (ဝက်ခေါက်ကြော်၊ အာလူးကြော်) စသော အစားအစာများ လျော့စားပါ။ ညစာကို အကင်များ၊ အကြော်အလှော်ဆိုင်များတွင် စားခြင်းထက် မိမိအိမ်တွင်သာ ကျန်းမာရေးနှင့် ညီညွှတ်သော ဟင်းလျာများကို ချက်ပြုတ် စားသောက်ပါ။ ညစာကို အသား၊ ပဲ၊ အာလူး အနည်းငယ်ကို စားနိုင်ပါတယ်.. ထမင်းကို ၀အောင် စားခြင်းထက် ထမင်းစားပြီးပါက သီးနံများဖြင့် အချိုတည်း၍ ဗိုက်ပြည့်စေခြင်းက ပို၍ ကောင်းမွန်စေပါတယ်။ ထန်းလျက်၊ ကြံသကာ အချိုတည်းနိုင်သော်လည်း  မလိုင်၊ ကိတ်မုန့်၊ ခရင်မ် စသည့် ဆိမ့်ပြီး အဆီများသော အရာများဖြင့် အချိုမတည်းသင့်ပါ။ ညစာစားပြီး အရက်သောက်ခြင်း မပြုသင့်ပါ။

၆. ၀မ်းဗိုက်မှ အဆီပြင်များ လျော့ပါးစေရန် အိပ် ထ မ တင် လေ့ကျင့်ခန်းကို တစ်ပတ် သုံးကြိမ် ကြိုးစားလုပ်ပါ။

၇.ရေများများ သောက်ပါ။ တစ်ရက်လျှင် ရေဖန်ခွက် ၆ခွက်မှ ၈ခွက်ထိ သောက်ပါ။ ရေများများသောက်ခြင်းသည် အစားများများစားခြင်းကို ကာကွယ်ပေးနိုင်သလို အစာချေခြင်းကိုလည်း အကျိုးသက်ရောက်မှု ရှိစေပါတယ်။




၈.ညအိပ်ရာဝင်ချိန် မတိုင်မှီ ၃နာရီအတွင်း အစားစား ခြင်းကို ရှောင်ကျဉ်ပါ။ မနေနိုင်လောက်အောင် ဆာလောင်ပါက ဟင်းသီးဟင်းရွက် အနည်းငယ်၊ သစ်သီး အနည်းငယ်ကိုသာ စားသောက်ပါ။ ညစာလျော့စားခြင်းသည် ခန္ဓာကိုယ် အလေးချိန် ထိန်းသိမ်းခြင်းအတွက် ကြီးမားသော အကျိုးကို ဖြစ်စေနိုင်ပါတယ်။ ညဉ့်နက်အောင် နေတတ်သူများ မအိပ်ခင် ဗိုက်ဆာတတ်လျှင် နွားနို့၊ ကွေကာအုပ်၊ သောက်နိုင်ပါတယ်။

၉.အလွန်ဆာသော အခါမှ တစ်ဝတစ်ပြဲ စားခြင်းထက် တစ်ခါစားလျှင် နည်းနည်းစီ အကြိမ်များများ စားသောအကျင့်ကို မွေးမြူပါ။ တစ်ကြိမ်တည်း အစားများများ စားခြင်းသည် အစာချေဖျက်ခြင်းကို ခက်ခဲစေနိုင်ပါတယ်။

၁၀.အစာစားနေစဉ် ခဏနား၍ အချိန်အနည်းငယ်ကြာမှာ ပြန် စားသောက်ခြင်းသည် အစားကို များများ စားမိစေခြင်းမှ ရှောင်ရှားရာ ရောက်သည်။ သင်၏ စားသောက်ခြင်းအလေ့အထကို ထိန်းသိမ်းခြင်းသည် သင်၏ ကိုယ်ခန္ဓာကို ဂရုစိုက် စောင့်ရှောက်ခြင်း ဖြစ်သလို ကျန်းမာရေးကို ဂရုစိုက်ခြင်းလည်း ဖြစ်ပါတယ်။




အထက်ပါအချက်တွေကို လုပ်ဆောင်ရာမှာ ပထမဦးဆုံးအနေနဲ့တော့ အခက်အခဲ တွေ့ကောင်းတွေ့နိုင်ပါလိမ့်မယ်.. သို့သော်လည်း ဖြေးဖြေးမှန်မှန် အောင်ပွဲခံဆိုသော ဆိုရိုးစကားနဲ့အညီ  အစလုပ်ဖြစ်အောင် ကြိုးစားကြည့်ပါ။ အစပိုင်းမှာ နာကျင်ပင်ပန်းမယ်.. ခက်ခဲမယ် သို့သော် ဇွဲမလျော့ဖို့ လိုပါတယ်.. လေ့ကျင့်ခန်းလုပ်ရာမှာလည်း တစ်ရက်ကို အကြိမ်အရေအတွက် နည်းနည်းနဲ့ စတင်ကြည့်ပါ။ လုပ်နိုင်လာပြီဆိုမှ အကြိမ်ရေ ထပ်တိုးပြီး လုပ်သွားပါ။ လေ့ကျင့်ခန်းလုပ်ခြင်းဟာ ခန္ဓာကိုယ် ကြံခိုင်သန်စွမ်းဖို့နဲ့ ၀ိတ်လျော့ဖို့အတွက် အကောင်းဆုံး နည်းလမ်း ဖြစ်ပါတယ်.. အစား အသောက်လျော့ပေမဲ့ လေ့ကျင့်ခန်းနဲ့ တွဲမလုပ်ရင် ၀ိတ်ချတာ ကြာပါတယ်.. လေ့ကျင့်ခန်းဟာ အမြန်ဆုံး ၀ိတ်လျှော့စေတဲ့ နည်းဖြစ်ပါတယ်. အဆီပိုမရှိတဲ့ ၀မ်းဗိုက်ချပ်ချပ် ခါးသွယ်သွယ်လေးမှာ ၀တ်ချင်တဲ့အ၀တ်အစားလေးကို မိမိကိုယ်ကို ယုံကြည်မှု ရှိရှိ ၀တ်ဆင်ဖို့ရာမှာ နည်းနည်းတော့ အပင်ပန်းခံဖို့ လိုပါတယ်.. အပင်ပန်းခံပြီး အစားအသောက်လျော့၊ လေ့ကျင့်ခန်းလုပ်လိုက်လို့ ရရှိလာတဲ့ ရလဒ်ဟာ ဘယ်လောက် ကြည်နူးဖို့ ကောင်းတယ်ဆိုတာ ကိုယ်တွေ့ ခံစားကြည့်တဲ့အခါ သိသာပါလိမ့်မယ်..

အမျိုးသမီးတွေဟာ အသက်၃၀ကျော်လာရင် ၀ဖို့လွယ်ကူလာပါပြီ။ ဒါကြောင့် “တို့ကတော့ အသက်ကြီးပြီ လှဖို့မလိုတော့ဘူး” လို့ ဆင်ခြေမပေးဘဲ ၀ခြင်းဟာ ကျန်းမာရေးနဲ့ မညီညွတ် မသင့်တော်တာမို့ ၀ိတ်ချတာဟာ ကျန်းမာရေးကို ဂရုစိုက်တာ၊ ထိန်းသိမ်းစောင့်ရှောက်တာလို့ သိထားသင့်ပါတယ်. ၀ပြီးတဲ့ လူတစ်ယောက်ဟာ ၀ိတ် ချဖို့ အရမ်းကို ခက်ခဲပြီး ပင်ပန်းစွာနဲ့ အချိန်ကြာကြာ ချရပါတယ်.. များများဝလေ များများ ပင်ပန်းလေ ဖြစ်ပါတယ်. ဒါကြောင့် မိမိကိုယ်ကို စပြီး ၀နေပြီလို့ ထင်တဲ့အချိန်မှာ အမြန်ဆုံး သတိလေးထားပြီး ၀ိတ် ချဖို့ တိုက်တွန်းချင်ပါတယ်.. သိပ်ဝသွားချိန်မှ ချမယ်ဆိုရင် နောက်မကျပေမဲ့လည်း ခက်ခဲပြီး ပင်ပန်းလွန်းတာကြောင့် “မပိန်ချင်လည်း နေပါစေတော့ ဒီတိုင်းနေတော့မယ်” ဆိုတဲ့ လက်လျော့တဲ့ စိတ်မျိုး ဖြစ်သွားနိုင်ပါတယ်.. ဒါကြောင့်လည်း မ၀သေးတဲ့သူတွေက ဆက်ပြီး မ၀လာဖို့၊ မိမိရဲ့ ရှိရင်းစွဲ ကိုယ်အလေးချိန်ကို ထိန်းသိမ်းထားနိုင်ဖို့အတွက် အစားအသောက် ဆင်ခြင်စားသောက်ပြီး၊ ၀စ ပြုလာသူများက အစားလျော့စား၊ လေ့ကျင့်ခန်းများ ပြုလုပ်သွားကြဖို့ တိုက်တွန်း ပါရစေလားနော်။

စာအမြဲလာဖတ်တဲ့ ညီမလေးတစ်ယောက်က ၀ိတ် လျော့တဲ့ အကြောင်း ပိုစ့်လေးတစ်ပုဒ် ရေးပေးပါလို့ တောင်းဆိုထားတာ ကြာပါပြီ။ အကြောင်း မတိုက်ဆိုင်တာကြောင့်ရော၊ ဒီခေါင်းစဉ်ဘက် ခြေဦးမလှည့်ဖြစ်သေးတာကြောင့်ပါ ရေးဖို့ ကြန့်ကြာနေခဲ့တဲ့အတွက် ခွင့်လွှတ်ဖို့ ပြောချင်ပါတယ်.. ဒီပိုစ့်လေးကိုတော့ အတွေ့အကြုံ တစ်ချို့နဲ့အတူ ဖတ်ထားတဲ့ စာတွေထဲကနေ ကိုယ်တိုင်လည်း သတိထားဆင်ခြင်ဖို့၊ ၀ိတ် လျှော့ချင်တဲ့ ညီမလေးနဲ့ ၀ိတ် လျှော့လိုသော သူများအတွက်ပါ ရည်ရွယ် ရေးသားပါတယရှင်.. ညီမလေးနဲ့ အားလုံးသော သူများလည်း လှလှပပ ကျန်းကျန်းမာမာ ခန္ဓာကိုယ်လေးကို ပိုင်ဆိုင်နိုင်ကြပါစေနော်..






 ပို့စ်အတွက် လိုအပ်ချက်များ ဖြည့်စွက်ပေးသော Dr. CK အား ကျေးဇူးအထူးတင်ရှိပါသည်။

Ref: http://familydoctor.org/online/famdocen/home/tools/bmi.html
       10 Tummy Flattening Tips  ( Funzug)

27 Responses to “ကျန်းမာသွယ်လျ လှလှပ”

rose said...

အစ်မချော.... ပေးတဲ့ လင်ခ့်ကနေ BMI သွားတွက်တာ အင်း... အရပ်က ၅ ပေ ၄ လက်မ၊ ကိုယ်အလေးချိန်က....... ဒေါ့ ဒေါ့ ဒေါ့ ဆိုတော့ BMI က ၂၇.၅ တဲ့...။ အိး( အစ်မရေ... နည်းလမ်းကောင်းလေးတွေ အတွက် ကျေးဇူးပါနော်။ အစ်မချောရဲ့ စာအရေးအသားက မဂ္ဂဇင်းမှာ ပါတတ်တဲ့ ဆောင်းပါးလေးတွေ ဖတ်နေရသလိုပဲး) ကြိုက်စ် ကြိုက်စ်

chaung said...

လူကြီးတွေဆော့နေတာကိုး..........
အိုဗာ၃၀တွေပဲလား...ဂလိုကန့်သတ်တာလား
ဟိ..ဂလိုဆိုလဲ..ပီးရောသားကမသိလို့

မမချောပေးတဲ့နည်းနဲ့ တွက်ကြည့်တာ အခု BMI က ၂၂ ကျော်ကျော်ရှိတယ်။ ဒါပေမဲ့ လွန်ခဲ့တဲ့ တစ်နှစ်အတွင်း ပေါင် ၂၀ လောက်တက်လာတာ။ လူက ၀တ်ရစားရ၊ သွားရလာရတာ သိပ်အဆင်မပြေတော့ဘူး။ အဲဒါကို ပြန်လျော့ချင်တယ်။ ပြီးတော့ ဒီအတိုင်းဆက်နေရင် ဆက်ဝလာမှာ။ ခုချိန်မှာ စလျော့သင့်ပြီထင်တယ်။ မမချောပေးတဲ့ နည်းလေးတွေသုံးပြီး ကြိုးစားကြည့်ဦးမယ်။

baby taster said...

အယ် ကိုယ့်ကို စောင်းရေးတာလား :(
ပေါင်၂၀၀ ဆိုရင်ရောဟင် BMI ဘယ်လောက်လည်းဟင်
တွက်ရမှာပျင်းတယ်။ တွက်ပြီးလာပြောပြနော် :)

baby taster said...

ချောက ၅ ပေ ၅
ပေါင်ချိန် ၁၃၀ ၀န်းကျင်
သိတယ်နော် လာညာလို့မရဖူး
ငါကွ :) :D :P

ဆွေလေးမွန် said...

ဟင့် ၀တယ် မချောရဲ့ ဆွေလေးကတော်တော်ဝနေတယ်။
ဆွေမျိုးတွေ အကုန်လုံးက ၀တဲ့ အမျိုးမို့လို့လားတော့ သိဘူး..
ဂယ်ပဲ ကြိုးစားကြည့်ပါအုန်းမယ်..
မချောရေးထားတဲ့ နည်းလမ်းလေးတွေ အတိုင်း

ခွန် said...

လျော့နည်းရေးပြီးရင် တိုးနည်းလေးရော
ရေးမပေးချင်ဘူးလား မမ :)

Anonymous said...

Thanks u........
really thanks you.


myatnoe

BMI နဲ့ ဆိုရင် underweight လောက် နီးနီးကို ဖြစ်နေတာ။ မနေ့က Wellness Analysis သွားလုပ်တာ။ ဝိတ်ထပ်မတက်အောင် ထိန်းပါတဲ့။ တကယ့်ကို ပေါက်တတ်ကရ.. သူတို့ရောင်းတဲ့ vitamin တွေ ရောင်းချင်တိုင်း လူကို ဝိတ်ချခိုင်းနေတယ်။ ဗိုက်က အဆီတွေ မတက်လာအောင်တော့ အမရေးထားတဲ့ နည်းတွေအတိုင်း လိုက်လုပ်ကြည့်ရမယ်။

kiki said...

မမ လှလှ ဝဝ ဝဝ ၊
မဝတဝ မလှ တလှ ၊
အပျိုပိန်ပိန် ရေမစိမ် နဲ့ အီကြာကွေး အီကြာကွေး...
( ငယ်ငယ်က သင်္ကြန်မှာ ပိန်ညောင်ချောက်ကပ်တွေ အဲ့လို အအော်ခံရတာလေး သတိရမိ လို့ ပါ )

အင်းနော်.. သိပ် အဝ လွန်တော့လည်း မကောင်းပါဘူး ။
ရုပ်ပျက်တာထက် အသက်ထွက် ရမှာ လန့်ထှာပါ ။
ခုလို သတိပေး အသိပေး တော့ ၊ ပြန်ပြီး ဆင်ခြင် နေရတော့မှာပေါ့လေ ။ ကျေးဇူးပါ ။..

ဒီ ပြန်ရောက်တာမှ ၂ ပါတ် မပြည့်သေးဘူး .. လူက ဝိတ် ၀.၇ ကီလို တက်လာပြီ ။ ရာသီဥတု အေးတာ ရယ် ။ အရင်လို မနက်ပိုင်း ထပြီး မပြေးနိူင်တာရယ် ။ ဒီက ဆန်တွေက အဆီတွေ များလွန်းတာ ရယ် .. ဟိုဟာရယ် ဒီဟာရယ် အကြောင်းစုံမိလို့  ..အင်း.. ကြိုးစားရပါအုံးမယ် ။ ဝိတ်ပြန်ချဖို့ လေ ။

ခင်တဲ့
မကိ

အရပ်က စံချိန်မှီပေမယ့် ယောကျားလေးဖြစ်ပြီး
ပေါင်က ၁၁၀ ပဲရှိတာ...။
ခုပြောထားတဲ့ နည်းတွေတိုင်းသာ ကွင်းဆင်းလိုက်လို့ကတော့ ဟင်း...။
ဒီတော့ကာ...ကျစ်လစ်သွယ်လျနည်းရှိသလို
ဝနည်းလည်း မချောဆီမှာ ရှိမှာပဲ..။နောက်တစ်ပတ်
ပို့စ်အဖြစ် ၀နည်းတင်ပေးပါ..။

tsawtsaw said...

ကျေးဇူးပါအမ
ညီမလေး စမ်းလုပ်ကြည့်မယ် နော်
ညီမလေး မှာဇွဲမရှိဘူး
အဲဒါကြောင့် ၀ိတ်က ပုံမှန်မရှိဘူး တက်လိုက်
ကျလိုက် .....ပိန်လိုက်ဖေါင်းလိုက်ပဲ
ဟီးးးးးးးးး
နောက်ထက်လဲအများကြီးတင်နိုင်ပါစေနော်အမ
ကျေးဇူးးးးးးးးးးဘစ်ဘစ်နော်

flowerpoem said...

တွက်ကြည့်လိုက်တော့ . . . .22. ကျော် နေပြီ :P အ၀တော့မလွန်သေးဘူးပေ့ါနော် :P

ချောက တို့ကို စောင်းရေးထားသလား ထင်ရတယ် ဟဲဟဲ။ အသက်ကြီးပြီ လှဖို့မလိုတော့ဘူးလို့ ဆိုတာလေ။
တကယ်တော့ ဘယ်အသက်အရွယ်ဖြစ်ဖြစ် ကျန်းမာလှပ နေရင် ကောင်းတာပါပဲ။ ကိုယ်က ပျင်းနေတော့ အသက်ကို လွှဲချနေတာ။
မနက်မနက် ပြေးမယ်ဆိုလဲ အိပ်မက်ထဲချည်း ပြေးနေမိတယ်။
ကျောင်းပိတ်ထားတော့ စားလိုက်အိပ်လိုက်နဲ့ ပိုဝလာတယ်။
အဆီထုတ်နို့တော့ သောက်ဖြစ်ပါတယ်။ ရေသောက်တာ နည်းတယ်။
ချောရေးတဲ့နည်းလေးတွေက သိပ်မခက်တော့ လုပ်ဖို့ကြိုးစားဦးမှပဲ။

Sunny said...

မမချော.. သာမီးက ၀ချင်လို့.. အဲဒါကော ဘယ်လိုလုပ်ရမလဲ.. အခုချိန် BMI သွားတွက်ရင် ပိန်တယ်ထွက်မှာစိုးလို့ မတွက်သေးဘူး.. ခိခိ

ahphyulay said...

ဟေ့  ဟေ့  မ ချောရေ..၊
ကျ ကျွန်တော်တို့ ကျတော့  ဘယ်လိုလုပ်
ရမလဲ ဟင်..။

ကျန်းမာပါစေမင်္ဂလာ “ ချော ”
သူ့ကဒီလှိုဝှတ်ချက်တွေကြောင့်ကျန်းမာသွယ်လျလှလှပပ
ဖြစ်နေတယ်ထင်ပါ့ဗျာ-ဟုတ်လား-

ကျနော့်သာမီးလေးဆလူးကို ပေးဖတ်အုံးမှပဲ။

ဝက်ဝံလေး said...

တောက် စ်
ရွှေချော ဒါ များကို သက်သက် ရန် စတာပဲ ဟမ်
အပေါ်က ပါးပါးကလဲ ပြောသွားလိုက်ထျာ တကြောင်းတဲနဲ့ ထိ လိုက်တာ တဂယ်တည်း
ဟွင်းး မခေါ်ဘူး မခေါ်ဘူး ၂ ယောက်လုံးကို မခေါ်ဘူး
စိတ်လဲ ကောက်တယ် စိတ်လဲ ဆိုးတယ် ဟွင့် ဟွင့်

လာဖတ်ဆိုလို့ ဘာများလဲပေါ့ သတ်ကြ ပုတ်ကြဘီလားလို့ များက စိုးရိမ်တကြီး လာတာ လက်စသတ်တော့ များကို ဖဲ့တဲ့ပို့စ်ပဲ

ဒဏ်ခတ်တဲ့အနေနဲ့ ရွှေချောနဲ့ ပါးပါးကို ၁ ပတ်တိတိ မခေါ်ဘူး ဒါဗြဲ

ဒုန်းဒုန်းဒုန်းးးးး (ခြေဆောင့်သံ)

ကိုယ်တို့ကတော့ အိုဗာဝိတ်ပဲဗျို့...........
ထမင်းစားရင်းနဲ့ ဝိတ်လာချိန်သွားတယ်....
ဟီးဟီး

SHWE ZIN U said...

လှတော့လှချင်တယ် ဒါပေမဲ့

ညီမချောရေ ပေါင်မချိန်ဖြစ်တာကို ကြာပါပြီ

ခင်မင်စွာဖြင့်
ရွှေစင်ဦး

BMI တွက်တာတော့ မပိုပါဘူး.. ဒါပေမယ့် အပေါင်းအသင်းတွေထဲမှာ ကိုယ် အဝဆုံး ဖြစ်နေတော့.. ဝိတ်တော့ လျှော့ချင်ပါရဲ့.. အစားက မလျှော့နိုင်ဘူး.. ဟိ..

မမေကတော့ အဆီကို ထုတ်ထားတဲ့ နို့မှ သောက်တယ်ဆိုပါလား...

မလေးကတော့လား..
နို့သောက်မယ့်သောက်.. အဆီတော့ ထုတ်နိုင်ပါဘူးတော်..။
မလိုင်ကလေးတွေ ဝေ့နေသော နို့အေးစက်စက်ကို သကြားမပါ.. မော့သောက်ချင်တာ..

ပြောရင်းသောက်ချင်လာပြီ။ ရှိသေးလား.. သွားကြည့်လိုက်ဦးမယ်နော်.. :P

PhyoPhyo said...

လေ့ကျင့်ခန်းလုပ်ရမှာ ပျင်းလိုက်တာ .... အစားအသောက်ကလည်း စားချင်တာပဲ စားချင်တာ .. :D
မချောက ကျစ်ကျစ်လစ်လစ်နဲ့ .. ဒါကြောင့်ဒီလိုလှနေတာကိုး
ချစ်တဲ့

ယမင်း said...

ဟွန် မချောရေ ယမင်းကတော့ ၀ိတ်ချတော့ဖူး ဘာလို့လဲဆိုတော့ယမင်းက ပိန်ပြီးသား ... :) ၀ိတ်တာထပ်ချရင်တော့ လူပါပျောက်တော့မယ် တော်ကြာစာသင်ခန်းထဲမှာ ဆရာက ကျောင်းသားစာရင်းခေါ်ရင် ယမင်းဆိုရင် ရှင်လို့ထူးလိုက်ရင် အသံသာကြားရပြီး လူမမြင်ရရင် ဆရာကယမင်း ဘယ်ပျောက်သွားလဲဆိုရင် တော်ကြာယမင်းတစ်ယောက် ၀ိတ်ချတာကျစရာ ၀ိတ်မရှိလို့ လူပါပျောက်သွားတယ်ဆိုရင် ကျော်မကောင်းကြားမကောင်း ဖြစ်နေမှာစိုးလို့ ဟီးးးးးး

အစ်မ ချော ရေးထားတဲ့ အတိုင်း ကြိုးစားသွားပါတော့ မည်။ ရေကူးတယ်ဆိုလည်း ပိန်သွားနိုင်မယ် ထင်တယ်နော်

ကိုကိုဇော် said...

ရေ ၆ ဖန်ခွက်ဆိုတာ ဘယ်လိုဖန်ခွက်လဲ သိပါရစေ။ ဘုရားသောက်တော်ရေခွက် အရွယ်လောက်လား၊ ဘီယာဖန်ခွက်အရွယ်လောက်လား၊ လ္ဘက်ရည်ဖန်ခွက်အရွယ်လောက်လား။