ရင်ကိုမှန်တဲ့ အုတ်ခဲတစ်လုံး

ကျွန်တော်ဟာ ကုမ္ပဏီကြီးတစ်ခုမှာ စီနီယာ မန်နေဂျာ ရာထူးနဲ့အတူ ကောင်းမွန်တဲ့လစာ၊ ပျော်ရွှင်တဲ့ လုပ်ငန်းခွင်မှာ စိတ်အေးချမ်းစွာ ရှိနေခဲ့ပါတယ်.. အပူအပင်သိပ်မရှိဘဲ သက်သောင့် သက်သာနဲ့ ဘ၀ကို ကျော်ဖြစ်ခဲ့တဲ့ သူတစ်ဦးလဲ ဖြစ်ပါတယ်..  ပြီးတော့ ၀ယ်ထားတာ ၂လဘဲ ရှိသေးတဲ့ အသစ်စက်စက် ပြောင်လက်နေတဲ့ အနက်ရောင် ဂျာဂွာကားသစ်လေးနဲ့ ကိုယ့်ကိုယ်ကို စတိုင်ကျကျနဲ့ သပ်ရပ် ကြော့မော့နေတတ်တဲ့ ကျွန်တော့်အတွက် အရာရာ အဆင်ကိုပြေနေတော့တာပါဘဲ။ ဘ၀ကို ပျော်ပျော်ရွှင်ရွှင်နဲ့ ဖြတ်သန်းရင်း အိမ်နဲ့ကုမ္ပဏီ သွားလိုက်လာလိုက်နဲ့ ကျွန်တော့ဘ၀လေးကို ကျေနပ်နေခဲ့ပါတယ်…

တစ်နေ့ ကျွန်တော် အလုပ်တွေပြီးတော့ ကုမ္ပဏီကနေ အိမ်အပြန် ကျွန်တော့်ရဲ့ ကားသစ်လေးနဲ့ မြို့ပြင်ဘက်ကို အပျင်းပြေ ကားမောင်းထွက်ခဲ့ပါတယ်.. အရှိန်ပြင်းပြင်းနဲ့ ကားကိုမောင်းနေရင်း မျက်လုံးကိုလည်း လျှင်လျှင် ထားရပါသေးတယ်.. ကားလမ်းမပေါ် ကလေးတွေ ရုတ်တရက် ဖြတ်ပြေးတာမျိုး၊ လမ်းကွေ့ကနေ ကားတွေ ချိုးကွေ့ထွက်လာတာမျိုး ဖြစ်မှာစိုးတာကြောင့်ပါ။  အရှိန်နဲ့ မောင်းနေရင်း ရှေ့နားမှာ Slow Down အချက်ပြတစ်ခုကို တွေ့လိုက်တာမို့ ကားကို အရှိန် လျော့လိုက်ပါတယ်.. အဲဒီမှာ  မမျှော်လင့်ဘဲ ကျွန်တော့်ကားမှန်ကို တစ်စုံတစ်ခု လာရောက်ထိမှန်သံ ကြားလိုက်ရပါတယ်.. လှည့်ကြည့်လိုက်တော့ နောက်ခန်းထဲမှာ အုတ်ခဲကျိုး တစ်ခုက ရောက်နေခဲ့ပြီ။ ဘုရားရေ.. ကျွန်တော့်ရဲ့ တောက်ပ ပြောင်လက်နေတဲ့ ဂျာဂွာကားမှန်အသစ်ဟာ ကွဲသွားပါရောလား…


ကျွန်တော် ကားဘရိတ်ကို ဆောင့်နင်းပစ်လိုက်ပြီး တာယာကို အသံမြည်အောင် ကားကို ဆွဲကွေ့ပစ်ကာ  ကျွန်တော့်ကားကို ခဲနဲ့ ပေါက်လိုက်တဲ့သူကို အပူတပြင်း လိုက်ရှာပါတယ်…. အုတ်ခဲနဲ့ ပေါက်လိုက်တဲ့ သူကိုလည်း တွေ့ရော ကားကို ထိုးရပ်လိုက်ပြီး ကားအပြင်ဘက်ကို ထွက်ကာ ဒေါသတကြီး ကားတံခါးကို ဆောင့်ပိတ်လိုက် ပါတယ်.. တကယ်တော့ ကျွန်တော့်ကားကို ခဲနဲ့ ပေါက်လိုက်တဲ့သူဟာ အလွန်ဆုံးရှိမှ အသက် ၁၂နှစ်လောက်ဘဲ ရှိဦးမှာပါ။ ကျွန်တော် သူ့ရဲ့ အင်္ကျီရင်ဘတ်ကို ဆုပ်ကိုင်ပစ်လိုက်ပြီး လက်သီးနဲ့တစ်ချက် ထိုးချလိုက်ပြီးတဲ့နောက် မြေပြင်ပေါ်ကို ကြမ်းတမ်းစွာ ဆောင့်တွန်းပစ်လိုက်ပါတယ်..  

ပြောစမ်း.. မင်းဘယ်သူလဲ.. မင်းက ဘယ်လောက်သတ္တိရှိလို့ ငါ့ကားကို ခဲနဲ့ပေါက်ရတာလဲ… မင်း ဒီလိုဘဲ သူများတွေကို စိတ်အနှောက်အယှက်ဖြစ်အောင် လုပ်တတ်တဲ့ကလေးလား.. အခု မင်းအုတ်ခဲနဲ့ထုလိုက်လို့ ငါ့ကားမှန်ကွဲသွားပြီ.. ဒီကားမှန် တစ်ချပ် ဘယ်လောက်တန်တယ်ဆိုတာ မင်းသိရဲ့လား.. ဟင်…  မင်း လျော်နိုင်လို့လား.. ပြောစမ်း.. ငတုံးရဲ့

“ကျ.. ကျ.. ကျွန်တော် တောင်းပန်ပါတယ်ဗျာ… ခဏလောက် ကျွန်တော် ပြောတာ နားထောင်ပေးပါခင်ဗျာ. ဒီလိုမှ မလုပ်ရင် မဖြစ်လို့ပါ။ ဒီနေရာမှာ ကျွန်တော် ကားတွေတားတာ ဘယ်ကားမှ ရပ်မပေးကြလို့ ဘာလုပ်ရမယ်မှန်း မသိတော့တာကြောင့် ခုလို လုပ်လိုက်မိတာပါ။ ”

ကျွန်တော်ရဲ့ ဒေါသတွေနဲ့ ကြမ်းတမ်းလှတဲ့ အမေးကို မြေပြင်ပေါ်လဲကျနေတဲ့ ကောင်လေးက တုန်လှုပ် ခြောက်ခြားစွာ ဖြေနေပါတယ်. သူ့ရဲ့ ပါးပြင်ပေါ်မှာလည်း မျက်ရည်တွေက စီးကျလို့ လူတစ်ကိုယ်လုံးလဲ တုန်ရီနေခဲ့ပါတယ်.. ပြီးတော့ တစ်နေရာကို လက်ညိုးညွှန်လိုက်ပြီး “ဟိုမှာ ကျွန်တော့်ရဲ့ အစ်ကိုပါ..  သူ့ရဲ့ ၀ီးချဲဟာ ဒီလမ်းပေါ်ကနေ ကျော်ပြီး ကုန်းအဆင်းလေးကို အရှိန်နဲ့ လိမ့်ဆင်းသွားပြီး  မှောက်သွားပါတယ်..  နဂိုကလည်း လမ်းမလျှောက်နိုင်ပါဘူး..  အခုလည်း သူ့မှာ ဒဏ်ရာ ရထားပါတယ်.. သူ့ကိုယ်က သိပ်လေးတော့   ၀ီးချဲပေါ် ပြန်တင်ဖို့ ကျွန်တော် မနိုင်ဘူး ပြီးတော့လဲ ဒီနေရာကို ရောက်အောင်ဝီးချဲကို ပြန်တွန်းတက်လာဖို့လည်း မနိုင်ဘူးဖြစ်နေလို့ပါ.. ဒါကြောင့် ကျေးဇူးပြုပြီး ကျွန်တော့အစ်ကိုကို ၀ီးချဲဆီ ပြန်တင်ပေးပါလား ခင်ဗျာ.. အစ်ကိုကြီးရယ် ကျွန်တော့်ကို ကူညီပါလို့ တောင်းပန်ပါတယ်ဗျာ”  

ငိုရှိုက်ရင်းပြောနေတဲ့ ကလေးရဲ့ အသံနဲ့ တုန်ရီနေတဲ့ ကိုယ်ခန္ဓာလေးက ကျွန်တော့်ရင်ထဲက ကြမ်းရိုင်းနေတဲ့ ဒေါသမုန်တိုင်းတွေကို လွှင့်ပါးသွားစေခဲ့တယ်.. ကျွန်တော်မှားသွားခဲ့ပြီ။ ကျွန်တော့်အမှားအတွက် လည်ပင်းထဲမှာ အလုံးကြီးတစ်လုံးက လာဆို့နေသလို ခံစားရပြီး တံတွေးကိုတောင် ခက်ခက်ခဲခဲ မြိုချလိုက်ရပါတယ်.. ကျွန်တော်ဟာ ကိုယ့်ပစ္စည်း ဆုံးရှုံးခံလိုက်ရတာနဲ့ဘဲ မေးမြန်းစူးစမ်းခြင်းမရှိဘဲ ကလေးတစ်ယောက်ကို အနိုင်ကျင့်မိသလို ဖြစ်သွားခဲ့ရပါပြီ။ စိတ်မကောင်းခြင်း နောင်တရခြင်းတွေနဲ့  ကောင်လေးရဲ့ အစ်ကို လဲကျနေတဲ့နေရာကို သွားရောက်ပြီး သူ့ကို ထူမပေးကာ ၀ီး ချဲပေါ် တင်ပေးလိုက်ပါတယ်.. ပြီးတော့ သူရဲ့ ခန္ဓာကိုယ်ပေါ်မှာ အနာတရ ပွန်းပဲ့ရာတွေကို တွေ့ရတော့ ကျွန်တော့်ကားထဲမှာ အမြဲပါတတ်တဲ့ ဆေးသေတ္တာလေးကို သွားယူလာပြီး အရက်ပျံနဲ့ဆေးကြောလို့ ဆေးတွေ ထည့်ပေးမိပါတယ်.. ပြီးတော့ အားလုံး အိုကေပြီးဆိုတော့မှ ၀ီးချဲကို လမ်းမကြီးပေါ်ရောက်အောင် တွန်းတင်ပေးလိုက်ပါတယ်..

ကျွန်တော့်ကို ကျေးဇူးတင်စကား ပြောပြီးနောက်မှာ ကောင်လေးနှစ်ယောက်ဟာ ကျွန်တော့်ရှေ့ကနေ ထွက်ခွာသွားကြပါတယ်.. တွန်းလှည်းလေးရဲ့ ဘီးကို သူ့အစ်ကိုက လက်တစ်ဖက်နဲ့ တွန်းပြီး လှည့်နေသလို သူ့ညီငယ်လေးဟာလည်း အနောက်ကနေ တွန်းကူပေးနေရင်း လမ်းမကြီးရဲ့ဘေး တစ်နေရာက သူတို့အိမ်ကလေးရှိရာကို တရွေ့ရွေ့ သွားနေကြတဲ့ ညီအစ်ကို နှစ်ယောက်ကိုကြည့်ရင်း ကျွန်တော့်ရင်ထဲ တစ်ဆို့ပြီး ကျန်ခဲ့ပါတယ်.. ကျွန်တော်ဟာ အကောင်းစား ဂျာဂွာကားကြီး စီးနေချိန်မှာ ကိုယ့်ကိုယ်ကိုတောင် ထူမတ်ခြင်းငှာ မစွမ်းသာတဲ့ ၀ီးချဲပေါ်က ကောင်လေးတွေလို မသန်စွမ်းတဲ့သူတွေလဲ ရှိပါသေးလား ဆိုတာ သိလိုက်ရပါတယ်.. ကိုယ့်ကမ္ဘာ ကျဉ်းကျဉ်းလေးမှာဘဲ ကျေနပ်နေတဲ့ ကျွန်တော်ဟာ လူမှုရေး၊ ပရဟိတ ဆိုတာတွေကို စိတ်မ၀င်စားခဲ့မိပါဘူး။ ပြီးတော့လဲ ကိုယ့်ပစ္စည်းထိတာနဲ့ ဒေါသတကြီး မစူးစမ်း အဆင်ခြင်ဘဲ စိတ်မြန်လက်မြန် ကိုယ့်ဒေါသကို ဖောက်ခွဲပစ်ဖို့ ကလေးတစ်ယောက်ကို ကိုယ်ထိ လက်ရောက် ပြုလုပ်ဖို့လဲ ၀န်မလေးတတ်သူ တစ်ယောက် ဖြစ်နေခဲ့တာ သိလိုက်ရပါတယ်.

ကျွန်တော့်ကားရှိရာကို ပြန်လျှောက်လာတဲ့ခြေလှမ်းတွေဟာ လေးကန်ဖင့်နွဲနေခဲ့တယ်.. ကားဆီကိုရောက်တော့ ကွဲနေတဲ့ ကားမှန်ကို တွေ့လိုက်တော့ ကျွန်တော် ဆုံးဖြတ်ချက်တစ်ခု ချလိုက်ပါတယ်.. ဒီကားမှန်ကို ကျွန်တော် ဘယ်တော့မှ အသစ်ပြန်မလဲတော့ပါဘူး… ဒီမှန်ကွဲနေတာလေးကို မြင်တိုင်း ကျွန်တော် ကားကို ဘယ်တော့မှ အမြန်မမောင်းဖို့၊ အရေးတကြီး အကူအညီ လိုအပ်နေတဲ့သူတွေကို မသိလိုက်ဘဲ ကျော်ဖြတ်သွားမိတာမျိုး မဖြစ်အောင် သတိထားနေမိတော့မှာပါ။ ပြီးတော့လဲ ဘယ်တော့မှ မစူးစမ်း မဆင်ခြင်ဘဲ ဒေါသကို အလျင်စလို မထွက်တတ်အောင်လဲ ဆင်ခြင်ဖို့ အသိတရားတွေ ရလိုက်ပါတယ်.. ကားမရပ်ပေးလို့ အုတ်ခဲနဲ့ပေါက်ပြီး တားရတဲ့ အကူအညီတောင်းရသူတွေရဲ့ အဖြစ်ကို ကျွန်တော် ကောင်းကောင်းကြီး ခံစား နားလည်နိုင်ခဲ့ပါပြီ။ တကယ်တော့ ချာတိတ်လေးပေါက်လိုက်တဲ့ အုတ်ခဲဟာ ကျွန်တော့်ကားမှန်ကို ထိရုံသာမဟုတ်ဘဲ ကျွန်တော့်ရင်ကိုပါ လာရောက်ထိမှန်တဲ့ အုတ်ခဲတစ်လုံးသာ ဖြစ်ပါတယ်။ ဒီအုတ်ခဲနဲ့အတူ ကျွန်တော် သိလိုက်ရတာက လောကမှာ အကူအညီ လိုအပ်နေသူတွေ အများကြီး ရှိနေတယ် ဆိုတာပါဘဲ။ ဒီလို အကူအညီ လိုအပ်နေသူတွေကို တွေ့ရင် မျက်နှာလွဲပစ်တာမျိုး၊ မသိလိုက် မသိဖာသာ ကျော်သွားတာမျိုး မလုပ်ကြဘဲ တတ်နိုင်သမျှ ကူညီနိုင်ဖို့ ကျွန်တော်တို့ ကြိုးစားရမယ် မဟုတ်ပါလားဗျာ။


The brick ( unknown author) ကို ဘာသာပြန်ပါသည်။


လေးစားချစ်ခင်စွာဖြင့်

27 Responses to “ရင်ကိုမှန်တဲ့ အုတ်ခဲတစ်လုံး”

Yuya Mon said...

Very good post!
Thanks!

Vista said...

မှန်ကွဲကနေ နိုက်ပီးကားခိုးသွားအုံးမယ်

Anonymous said...

The brick hit my heart too.Tks Chaw..Gyidaw

ဟန်နာ said...

ကားမှန်လေးတော့ လဲလိုက်ပါ...အမရယ်... :P

ခွန် said...

စာေ​ကာ​င်းေ​လး​အတွ​က် ကျေး​ဇူး​ပါ မ​မေ​ရ..... :)

baby taster said...

အုတ်နီခဲက ဟတ်ထိသွားတယ်ဆိုရင် ပြီးတာပဲ:)
ကိုယ်လည်း ဆင်ချင်ရမယ် :) နေပါအုံး ခုနလာဖတ်တော့ ကားကအပေါ် အုတ်နီခဲက အောက်မှာပါ။ ဘယ်လိုဖစ်တာတုန်း အခုလာတော့
အပေါ်အောက်လွဲနေတယ်။

အဲဒီ အုတ်ခဲလေးက ကျွန်တော်တို့ ရင်ကိုလည်း ထိမှန်စေပါတယ်ဗျ။ လောကကြီးမှာ တကယ်အကူအညီ လိုအပ်နေတဲ့သူတွေ အများကြီးပါဗျာ။ လူတွေတော်တော်များများက အကူအညီမလိုအပ်တဲ့သူတွေကိုပဲ ကူညီနေကြတာများပါတယ်။ တကယ် လိုအပ်တဲ့သူတွေ ၊နေရာတွေမှာကျတော့ ကူညီရကောင်းမှန်း မသိတဲ့သူတွေများနေပါတယ်။ တကယ်လိုအပ်တဲ့ နေရာတွေမှာ ကူညီနိုင်ကြပါစေလို့ ဆုတောင်းပေးပါတယ်ဗျာ။

ခင်မင်စွာဖြင့်
ဇော်သိင်္ခ

ဒီတစ်ခေါက် လှမ်းပစ်လိုက်တဲ့ အုတ်ခဲက ကျနော့်ကို တည့်တည့်ထိမှန်တော့တာပါပဲ..။ အသံဟစ်ဆုံးမလိုက်..
အသံတိတ်ဆုံးမလိုက်..
ှနီးနီးလေးက ဆုံးမလိုက်...
ဝေးဝေးကြီးက ဆုံးမလိုက်နဲ့...ရင်ဘတ်ပေါ်က သြ၀ါဒတွေကိုလည်း
ကျနော် မဆေးကြောပစ်ဖို့ ဆုံးဖြတ်လိုက်ပြီ..။
ဒီပို့စ်လေးမှာ ညီအကို၂ယောက်ရဲ့မေတ္တာမှန်လေးတစ်ချပ်ကို လှစ်ကနဲမြင်လိုက်ရသလို ကိုယ်မမြင်နိုင်တဲ့ ပြည့်စုံမှုတွေကြားထဲမှာလည်း ချို့တဲ့မှုတွေ ရှိသေးပါလားဆိုတာကိုလည်း မီးမောင်းထိုးပြသွားတယ်..။

မောင်မျိုး said...

ကြီး၂မား၂ကြီးတွေမတတ်နိုင်ပေမယ့် ကျနော်တော့ နိုင်သလောက်လေး နီးစပ်ရာ ကူညီနေတာပါပဲ ဒီမှာကတော့ ဘ၀တွေက ကြမ်းတယ် အစ်မရေ အထူးသဖြင့် ရွှေ့ပြောင်းအလုပ်သမားတွေလို့ သတ်မှတ်ခံရတဲ့ ခလေးတွေ ကျနော်ကကော ဘာထူးတုန်း ရွှေ့ပြောင်းအလုပ်သမားပဲပေါ့ ကိုယ့်ကိုယ်ကို ပြန်မြင်လိုက်ရတဲ့အတွက် ကျေးဇူး ။

flowerpoem said...

အမရေ ပေးချင်တဲ့ Idea အရမ်းကောင်းပါတယ်..

ဆွေလေးမွန် said...

ပို့(စ်)လေးဖတ်ပြီး ပေးချင်တဲ့ idea လေးလဲယူသွားပါတယ်။

ယမင်း said...

မမချောရေ သိပ်ကောင်းတဲ့ပိုစ့်လေးပါနော် မချောရဲ့ အုတ်ခဲက ယမင်းရဲ့ရင်ကိုတောင်လာ ထိမှန်ပါတယ်ရှင် မချောရဲ့ ပိုစ့်လေးကြောင့် ယမင်းလည်း အမြင်မှန်တွေကို ပိုလို့တောင်ရသွားပါတယ် ရှင် မပြည့်စုံသူတွေကို ပြည့်စုံအောင် လိုအပ်သမျှ ကူညီနိုင်အောင်လည်း တတ်စွမ်းသမျှ ကြိုးစားဖို့ ကောင်းတာပေါ့နော် .....။ ခံစားသွားပါတယ် ...

သနားစရာလေးနဲ့ ဆင်ချင်စရာလေးတွေပါပဲ မချောရေ...
မျှဝေပေးတာ ကျေးဇူးပါနော်..။

ဝက်ဝံလေး said...

ဟတ်ထိတယ် ဟတ်ထိတယ်ဟေ့

rose said...

စာလေး လာဖတ်ပါတယ် မမချော... တန်ဖိုးရှိ လှတယ်။ ညီအစ်ကို နှစ်ယောက်ရဲ့ အဖြစ်က သနားစရာလေးနော်။ ကိုယ့်မှာ ရှိတဲ့ စည်းစိမ် ဥစ္စာကိုပဲ တပ်မက်ပြီး ပတ်ဝန်းကျင်ကို ဂရုမပြုမိတဲ့ အဖြစ်လေးပေါ့။

အရမ်းကောင်းတဲ့ post လေးပါအစ်မ....တကယ်တန်ဖိုးရှိပါတယ်...

ခင်တဲ့(ဖိုးကြယ်)

ahphyulay said...

အင်းလေ...
မသိလို့  ပြုလိုက်မိပြီးမှ လွန်သွားတာကို သိလိုက်ရလို့ 
ကြေကွဲရတတ်တဲ့  နောင်တ မျိုးပါလို့ ။
ဒီလိုနောင်တမျိုးတော့ မရချင်ပါ။
ဖြေဘို့ လဲခက်ပါလိမ့် မည်။

နဂိုစိတ်အခံကောင်းတဲ့သူနဲ့ ဆုံလို့ပါ။
နားမလည်တတ်သူ မစာနာတတ်သူဆိုရင် ဒေါသကို ထိန်းသိမ်းနိင်မှာ မဟုတ်ဘူး။
ဒေါသရှေ့ထားရင် မှားနိင်တာပါပဲ။

ကားမှန်တော့ လဲသင့်တယ် ။
ရင်ကိုထိမှန်တဲ့ ခဲတစ်လုံးပေါ့။
ကောင်းလိုက်တဲ့ စကားတစ်လုံးပဲနော်..။
မမရေ..ကျေးဇူး။
မမချောရေ ပိုစ့်တွေမတတ်လာလို့ အသစ်ထပ်ချိတ်လိုက်တယ်။

mg han said...

ဗျာ............အဲဂလိုကြီးလား
တော်သေးတယ်ကားမရှိလို့....ဟူးးးးးးး
ရင်ကိုမှန်လို့..မျက်နာသာမှန်ရင်....

kiki said...

ဒီကလေး ရဲ့  ဖြတ်ထိုးဥာဏ်ကိုတော့ သဘောကျတယ် ။
ကိုမြစ်ကျိုးအင်းပြောသလိုပဲ ..စိတ်ကောင်းရှိသူနဲ့တွေ့ ပေလို့ သာပေါ့ ..
ဟိုဘဘဂျီးတို့ လို လူရဲ့ ကားမှန်သာ ထိကြည့်.. ၆၅ နှစ်တော့ အနည်းဆုံးပဲ ထင်ပါ့ ။
တကယ်ပဲ ကိုယ့်ရင်ထဲ ထိသွားတယ် ... ကိုယ့်ကား လာ ထိရင်ရော ဒီလို မျိုး စိတ်နဲ့ ဖြည့်တွေးပေးနိူင်ပါ့မလား မသိဘူး မချော ရေ ။

ခင်တဲ့
မကိ ။

ဘာသာပြန်ကို လာဖတ်သွားတယ် မချောရေ။

Anonymous said...

ကောင်းလိုက်တဲ့ ပို့ စ်လေး ..မချောရယ်..ကျေးဇူးပါ..ဒီလိုလေးတွေ ဖတ်ခွင့်ရတဲ့အတွက် ...:))

ယောက္ခမလောင်း
ယွန်း
:)))))

Anonymous said...

ဖြတ်ထိုးဥာဏ်ရှိပါတယ်။ ဒါပေမယ့် မတော် အုတ်ခဲက ခေါင်းမှန်တာတို့ မျက်လုံးမှန်တာတို့ဖြစ်ပါပြီ၊ ဒါမှမဟုတ် လန့်ပြီးအရှိန်မထိန်းနိုင်ပဲ..မတော်တဆမှုကြောင့် ထိခိုက်ဒဏ်ရာဖြစ်တာ အသက်ဆုံးတာ တစ်ခုခုဖြစ်ပါပြီဆို..တဲ့ ကိုယ့်ကြောင့် သူများထိခိုက်သွားမှာ ထည့်တွက်သင့်ပါတယ်။
ကိုယ်အဆင်ပြေရင်ပြီးရော..ဘာဖြစ်ဖြစ်လုပ်သင့်တယ်ဆိုတဲ့ ဆန့်ကျင်ဘက် ရလဒ်ဖြစ်သွားမယ်ထင်တယ်နော်..
မချောဘာသာပြန်တာ ဖတ်ရတာ.. ညက်ညောတယ်။

ဘာသာပြန်ပို့စ်လေးကရင်ကို ထ်ိတယ် မချောရေး)

အုတ်ခဲတော့ မမှန်ဖူးဘူး။ ဘောလုံးတော့ မှန်ဖူးတယ်။
ငယ်ငယ်တုန်းက ကျောင်းအပြန်မှာ အဖေလာကြိုတော့ အဖေမောင်းလာတဲ့ကားမှန်ကို ကစားကွင်းထဲက အရှိန်နဲ့ ကန်လိုက်တဲ့ ဘောလုံးထိပြီး ကွဲသွားရော။ ကွဲတယ်ဆိုတာ အက်သွားတာပေါ့ ... ပင့်ကူအိမ်လို အက်ကြောင်းတွေ ကားရှေ့မှန်ကြီးမှာ ဖြစ်သွားတာ။ အဖေက အဲဒီကျောင်းသားကို ဆူလဲ မဆူဘူး၊ အပြစ်လဲ မပြောဘူး၊ အလျော်လဲ မတောင်းဘူး။ အမတို့က စိတ်တိုလွန်းလို့ အလျော်ပြန်တောင်းစေချင်နေတာ။
အဖေကတော့ အေးဆေးပါပဲ ... မတော်တဆဖြစ်တာပဲ မှန်ကွဲအောင် ဘောလုံးနဲ့ တမင်ကန်တာမှ မဟုတ်တာ ... လို့ ပြောပြီး ကားကို ဆက်မောင်းသွားခဲ့တယ်။
အဲဒီမှန်ကွဲကြီးနဲ့ ကားကို စီးတိုင်း ကိုယ့်မှာတော့ စိတ်တွေတိုလို့ ... ။

Sunny said...

စိတ်မြန်တာ လျှော့မှ .. လျှော့မှ..
ဒီပို့စ်လေးအတွက် ကျေးဇူးပါ မမချောရေ.. :)