နွားနို့တစ်ခွက်...


သူက အမိအဖမရှိ တစ်ကောင်ကြွက်..

ဘ၀ကို ခက်ခက်ခဲခဲ ပင်ပင်ပန်းပန်း ရုန်းကန်နေရသူတစ်ယောက်လည်း ဖြစ်သေးရဲ့။ ကျောင်းစရိတ် ကူညီထောက်ပံ့သူ မရှိတဲ့အတွက် ပညာတတ် ဖြစ်ချင်လွန်းသောစိတ်ဖြင့် မီးဖိုချောင်သုံး အသေးအမွှားပစ္စည်းတွေ၊ ငရုပ်၊ကြက်သွန် စတဲ့ ဟင်းသီးဟင်းရွက် လေးတွေကို အိမ်ပေါက်စေ့ လိုက်လံ ရောင်းချပြီး ကျောင်းစရိတ်ရှာ ကျောင်းတက်ရတဲ့ပင်ပန်းဆင်းရဲလွန်းတဲ့ဘ၀ပါ။ ရသမျှငွေလေးကို ကျောင်းစရိတ်အတွက် ချွေတာ စုဆောင်း နေရတာနဲ့ အစားအသောက်ကို ခြိုးခြံချွေတာပြီး မစားရက်မသောက်ရက် ဖြစ်နေတတ်ခဲ့တယ်။


တစ်နေ့မှာတော့… အဲဒီလို ဈေးလိုက်ရောင်းရင်း သူ့ဗိုက်ထဲက မခံမရပ်နိုင်အောင် ဆာလောင်နေခဲ့ပါတယ်။ ခြေလှမ်းတွေတောင် ဆက်ပြီးလှမ်းဖို့ သူ့မှာ အင်အား မရှိသလောက် ဖြစ်နေရပါပြီ။ လက်ထဲမှာလည်း အကြွေစေ့ အနည်းငယ်သာ ကျန်ပါတော့တယ်..  ဒီငွေလေးဟာလည်း အစားအသောက်ဝယ်စားဖို့ လုံလောက်တဲ့ ငွေ ပမာဏ မဟုတ်တော့ပါဘူး…. ဒါကြောင့်  သူဆုံးဖြတ်လိုက်တာက နောက်တစ်အိမ်မှာတော့ အစားအစာ တစ်ခုခု ရလိုရငြား အကူအညီ တောင်းကြည့်ဖို့ပါ။ ဒါပေမဲ့လည်း သူခေါက်လိုက်မိတဲ့ အိမ်တံခါးကို လာဖွင့်သူက ငယ်ငယ်ရွယ်ရွယ် ချစ်စရာ မိန်းမပျိုလေး ဖြစ်နေတာ တွေ့ရတော့ အစားအသောက် တစ်ခုခု တောင်းဖို့ ရှက်ရွံ့စိတ်နဲ့ သူ  တွန့်ဆုတ်သွားခဲ့ရပါတယ်… ဒီတော့ အစားတစ်ခုခု တောင်းရမဲ့အစား ရေတစ်ခွက်လောက် သောက်ပါရစေလို့သာ သူ့နှုတ်က  ထွက်သွားခဲ့မိတော့တယ်။ သို့ပေမဲ့ ပါးနပ်တဲ့ မိန်းမပျိုလေးက သူ့ကြည့်ရတာ သိပ်ဆာနေပုံရတယ်လို့ တွေးလိုက်မိပြီး နွားနို့ဖန်ခွက်ကြီးကြီး တစ်ခွက် အပြည့်ကို ယူလာပြီး ကောင်လေးကို ပေးလိုက်ပါတယ်.. ကောင်လေးက နွားနို့ခွက်ကို ဖြေးညင်းစွာ သောက်ရင်းက  သူမလေးကို မေးလိုက်ပါတယ်….

“ဒီနွားနို့အတွက် ငွေဘယ်လောက်ကျပါသလဲ ခင်ဗျာ” လို့…

သူ့အမေးကို မိန်းကလေးက ပြန်ဖြေပါတယ်…   

“နွားနို့က ကျွန်မ စေတနာနဲ့ တိုက်တာပါ။ အဲဒီအတွက် ရှင်တစ်ပြားမှ ပေးစရာမလိုပါဘူး။ ကျွန်မအမေက ကိုယ်ပေးလိုက်တဲ့ စေတနာ မေတ္တာ  အတွက် တန်ဖိုးအဖြစ် တစ်ဖက်လူဆီက ဘာကိုမှ ပြန်လက်မခံဖို့  ကျွန်မကို သင်ပေးထားပါတယ် ”

“အိုး… ဒီလိုဆိုရင်ဖြင့် ဒီနွားနို့တစ်ခွက်အတွက် ကျွန်တော့် အသည်းနှလုံးထဲကနေ လှိုက်လှိုက်လှဲလှဲ ကျေးဇူးတင်ပါတယ်… ခင်ဗျာ။ ကျွန်တော် သိပ်ကိုဆာနေခဲ့တာပါ ”  လို့ သူ ကျေးဇူးတင်လွန်းစွာ ပြန်ပြောလိုက်မိပါတယ်။


နွားနို့တစ်ခွက်ကုန်အောင် သောက်လို့ပြီးတာနဲ့ အားအင်ပြည့်ဝစွာနဲ့ အဲဒီအိမ်ကနေ ပြန်ထွက်လာပါတယ်… ဒီနွားနို့တစ်ခွက်ကြောင့် သူ့ကိုယ်ခန္ဓာမှာ ခွန်အားပြည့်လာရုံတင်မက စိတ်ဓာတ်အင်အားပါ မြှင့်တက်လာတယ်လို့ သူယုံကြည်လာတယ်.. လောကကြီးမှာ သူ့ကို နွားနို့တစ်ခွက် တိုက်လိုက်တဲ့ မိန်းခလေးလို အကြင်နာတရား ပြည့်ဝသူများလည်း ရှိပါသေးလား ဆိုတာ သူသဘောပေါက်လာတယ်… သူဟာ ဆင်းရဲစွာ ရုန်းကန်နေရတဲ့ သူ့ဘ၀ကြီးကို တခါတခါ စိတ်ကုန်မိပြီး လောကကြီးကို အရှုံးပေးဖို့ အထိပါ သူစဉ်းစားခဲ့ဖူးတယ်..  ဒါပေမဲ့ ခုချိန်မှာတော့ နွားနို့တစ်ခွက်ရဲ့ ကျေးဇူးကြောင့် မယုံနိုင်စရာ အင်အားတွေ သူ ရရှိခဲ့ပါပြီ။


နှစ်အတန်ကြာတဲ့အခါ သူ့ကို နွားနို့တိုက်ခဲ့တဲ့ မိန်းခလေးဟာ အပြင်းအထန် နေမကောင်း ဖြစ်ပါတယ်။ အဲဒီမြို့က ဆရာဝန်တွေဟာ မိန်းခလေးရဲ့ ရောဂါကို ပျောက်ကင်းအောင် မကုသနိုင်ဘဲ ဖြစ်နေပြီး မိန်းခလေးရဲ့ အခြေအနေဟာ တစ်နေ့တစ်ခြား ပိုဆိုးဆိုးလာပါတယ်။ နောက်ဆုံးတော့ မြို့တော်က ဆေးရုံကြီးတစ်ရုံမှာ အခု မိန်းခလေးမှာ ဖြစ်နေတဲ့ ရောဂါမျိုးတွေကို ကုသရာမှာ အလွန်ထူးချွန်တဲ့ ဆရာဝန်ကြီးတစ်ယောက် ရှိကြောင်းနဲ့ ထိုဆရာဝန်ကို သွားတွေ့ပြီး ကုသမှု ခံယူသ့င်ကြောင်း သူမကို ကုနေတဲ့ ဆရာဝန်တွေက တိုက်တွန်းတာနဲ့ မိန်းခလေးရဲ့ မိဘတွေက သူမကို ဆေးကုသခံဖို့ မြို့တော်ကြီးကို ခေါ်ဆောင်လာပါတယ်…  ဆေးရုံကြီးဆီရောက်လို့ သူမ မိဘတွေက ဆရာဝန်ကြီးနဲ့တွေ့ပြီး လူနာအကြောင်း ပြောပြတဲ့အချိန်မှာတော့ လူနာကောင်မလေးရဲ့ မြို့နံမည်လဲ  ကြားလိုက်ရော    ဆရာဝန်ကြီးရဲ့ မျက်နှာနဲ့ မျက်လုံးထဲမှာ ထူးဆန်းတဲ့ လင်းလက်မှုတစ်ချို့ ပေါ်လာပါတယ်။ ချက်ခြင်းပဲ ဆရာဝန်ကြီးက ထိုင်နေရာကနေ အလျှင်အမြန် ထလိုက်ပြီး ဆေးရုံက သူ့ကိုယ်ပိုင် အခန်းထဲကို ကသောကမျော ၀င်ရောက်သွားပါတယ်။ ပြီးတော့ သူရဲ့ ဂျူတီကုတ်ကို အမြန် ကောက်ဝတ် လိုက်ပြီး လူနာမိန်းကလေးကို သွားကြည့်ပါတယ်။ ဒီမှာတင်ဘဲ ဆရာဝန်ကြီး မှတ်မိလိုက်ပါပြီ…..

သူ့ရဲ့ ဆေးကုသခန်းထဲကို  ပြန်ဝင်လာပြီးတော့ သူမအသက်ကို ကယ်ဖို့အတွက် သူတတ်နိုင်သမျှ အကောင်းဆုံး ဆေးကုသမှုကို ပေးဖို့ ဆုံးဖြတ်လိုက်ပါတယ်။ အဲဒီနေ့ကစလို့ ဆရာဝန်ကြီးဟာ သူကိုယ်တိုင် အထူးဂရုစိုက်ပြီး အကောင်းဆုံး ကုသမှုကို ပေးပါတယ်.. ရက်ပေါင်း အတော်ကြာတဲ့အခါမှာတော့ ရောဂါနဲ့ ပညာရှင် လွန်ဆွဲနေတဲ့ပွဲမှာ ဆရာဝန်ကြီး အနိုင်ရသွားပါပြီ။ လူနာအသက်ကို သူ ကယ်လိုက် နိုင်ပါပြီ။   လူနာမိန်းခလေး ရောဂါ သက်သာလာလို့ ဆေးရုံက ဆင်းခါနီးမှာတော့ ဆရာဝန်ကြီးက ဆေးရုံရဲ့ ဆေးကုသစရိတ် ပေးချေရာဌာနကို သွားပြီး မိန်းခလေး အတွက် ကျသင့်တဲ့ ဆေးဖိုးကုန်ကျငွေ စာရွက်ကို သူ့ဆီကို ပို့ပေးဖို့ တောင်းဆိုလိုက်ပါတယ်။ ဆေးကုသစရိတ် ကျသင့်ငွေစာရွက် ရောက်လာတဲ့အခါ  ဆရာဝန်ကြီးက တစ်ချက် ကြည့်လိုက်ပြီးတော့ စာရွက်ရဲ့အောက်ဆုံးမှာ  တစ်စုံတစ်ခုကို ချရေးလိုက်ပါတယ်။  ရေးလိုက်ပြီးတာနဲ့ အဲဒီစာရွက်လေးကို မိန်းခလေးထံ ပို့ခိုင်းလိုက်ပါတော့တယ်..

ဆေးကုသစရိတ် စာရွက်ကလေး မိန်းခလေးဆီကို ရောက်သွားတဲ့အခါမှာ  စာရွက်ကို ဖွင့်ကြည့်ဖို့သူမ ကြောက်ရွံ့နေမိပါတယ်။ သေချာတာတစ်ခုကတော့သူမတို့အနေနဲ့ ဒီဆေးကုသစရိတ်ဟာ အင်မတန်မှ များပြားလွန်းနေမယ်ဆိုတာ သိနေခဲ့ပြီး သူမတစ်ယောက်တည်း အနေနဲ့သာဆို ဘ၀တစ်လျှောက်လုံး  အလုပ်လုပ်ပြီး ဆပ်ရင်တောင် ကြေနိုင်ပါ့မလားရယ်လို့ တွေးနေမိပါတယ်။  သို့သော်လည်း နောက်ဆုံးတော့ စာရွက်ကို သူမ ဖွင့်ကြည့်လိုက်ပါတယ်.. ဖွင့်လိုက်တဲ့ အခါမှာတော့ စာရွက်အောက်ဆုံးမှာ ရေးထားတဲ့ စာကြောင်းလေးက သူမရဲ့အာရုံ တစ်ခုလုံးကို ဖမ်းစားထားလိုက်ပါတယ်။


“ကျသင့်သမျှ ဆေးဖိုးအားလုံး နွားနို့တစ်ခွက်နဲ့ ပေးချေပြီးပါပြီ ”


အောက်မှာတော့ သူမငယ်စဉ်က နွားနို့တစ်ခွက်တိုက်ခဲ့ဖူးတဲ့ ကောင်လေးရဲ့နံမည်ကို တွေ့လိုက်ရပါတယ်။ သူဟာ  ခုချိန်မှာတော့ ဆရာဝန်ကြီး “ဟောင်းဝတ်ကယ်လီ” ဖြစ်နေခဲ့ပါပြီ။ စာရွက်ပေါ်က လက်ရေး စာလုံးလေးတွေနဲ့ ထိုးထားတဲ့ လက်မှတ်လေးကို ကြည့်ပြီး သူမရဲ့ မျက်ဝန်းတွေကနေ ၀မ်းသာကြည်နူးမှု မျက်ရည်တွေ တစ်လိမ့်လိမ့် ကျဆင်းလာပါတော့တယ်။ ဘာကိုမှ မမျှော်ကိုးဘဲ တိုက်ကျွေးခဲ့မိတဲ့ နွားနို့လေးတစ်ခွက်ဟာ သူမရဲ့ အသက်ကို ကယ်လိုက်နိုင်ရုံသာမက များပြားလှတဲ့ ဆေးဖိုးတွေကိုပါ ပေးချေ ပစ်နိုင်လောက်အောင် တန်ဖိုးကြီးလှတယ်ဆိုတာ မယုံနိုင်လောက်အောင် ထူးဆန်းနေပါတော့တယ်.. တကယ်တမ်းတော့ ဒီအဖြစ်အပျက်လေးဟာ “တစ်ဦးမေတ္တာ တစ်ဦးမှာ” ဆိုတဲ့ စကားရပ်လေးက မှန်ကန်လှကြောင်း သက်သေဘဲ မဟုတ်ပါလားနော်။

~~~~~~~~~~~~~~~~~~~~~~~~~


ဒီဇာတ်လမ်းလေးဟာ ကျွန်မ စာရေးခါစကတုန်းက  ဘာသာပြန်ခဲ့ဖူးတဲ့ စာလေးတစ်ပုဒ်ပါ။ အကြောင်းအရာလေးကို နှစ်သက်မိတာမို့ မဖတ်ဖူးသေးသူများ ခံစားကြည့်ဖို့နဲ့ ဖတ်ဖူးပြီးသူများလည်း ပြန်လည်ခံစားဖို့ တင်ပေးလိုက်ပါတယ်နော်။ တစ်စုံတစ်ယောက်ရဲ့ မပြောပလောက်တဲ့ အကြင်နာလေးဟာ တစ်ဖက်သားအတွက် မထင်မှတ်တဲ့ အကျိုးကျေးဇူးတွေ ရရှိသွားတတ်တယ်ဆိုရင် တစ်ဦးမေတ္တာ တစ်ဦးမှာဆိုတဲ့စကားနဲ့အညီ အကူအညီ လိုအပ်နေသူများ၊ ဒုက္ခရောက်နေသူများကို ကိုယ်တတ်နိုင်သလောက် စေတနာရှေ့ထားလို့ ကူညီသင့်ကြတယ် မဟုတ်ပါလားနော်။


A Glass of Milk (Unknown Author)ကို ဘာသာပြန်ပါသည်။


26 Responses to “နွားနို့တစ်ခွက်...”

Yuya Mon said...

Fantastic!

Anonymous said...

နွားနို့တစ်ခွက်ကို အရသာခံရင်း link ပါ ယူသွားကြောင်းပါခင်ဗျား...

sosegado said...

မြန်မာစကားထဲကလိုပေါ့၊ တစ်လုပ်စားဘူးသူ့ကျေးဇူး၊
ဆရာဝန်ကြီးကျေးဇူးသိတတ်ပုံကတော့ နေရာနှင့်နာမည်ပါအလွတ်ရခဲ့တာပဲ

Anonymous said...

ညီမ ချောရေ

စာလေးဖတ်သွားတယ် နွားနို့လေးတွေတိုက်ချင်လာတယ်

ကျေးဇူး

ခင်မင်စွာဖြင့်
ရွှေစင်ဦး

noblemoe said...

စေတနာ မေတ္တာ အတွက် တန်ဖိုးအဖြစ် တစ်ဖက်လူဆီက ဘာကိုမှ ပြန်လက်မခံဖို့ ဆိုတဲ့စကားလေးနှစ်သက်မိပါတယ်။

သာယာချမ်းမြေ့ပါစေရှင်း
မိုး

စေတနာ မေတ္တာရဲ့ စွမ်းအင်ကိုပေါ်လွင်အောင် ဘာသာပြန်ထားတဲ့ ပို့စ်ကောင်းလေးအတွက် ကျေးဇူးတင်ပါတယ် မချောရေ ....

စေတနာ ရောင်ပြန်ဟပ်တယ်လို့ပြောရမှာပေါ့ ဘာကိုမှမမျှော်ကိုးပဲ ကူညီလိုက်တာ အကျိုးကျေးဇူးက မျှော်ကိုးပြီး ပြန်မရတာထပ် ပိုပြီး ကြည်နူးဖို့ကောင်းနေပါတယ် ။

NayWaThan said...

တစ်ဦးမေတ္တာ တစ်ဦးမှာတဲ့.. သိပ်မှန်တယ်ဗျာ...

တော်လိုက်တဲ့ ငါ့အစ်မ..... ဖတ်ရတာ ကြက်သီးဖြန်းဖြန်းထတယ်... ဒါမျိုးလေးတွေဖတ်ရရင် စိတ်ထဲ ကြည်နူးမိတာအမှန် အစ်မရေ....

အစ်မချောစာတွေက ဖတ်တဲ့သူရဲ့စိတ်ကို ခံစားမှုပေးစွမ်းနိုင်တယ်ဗျ... ကျနော်လဲ ကြိုးစားဦးမယ်

flowerpoem said...

ကောင်းလိုက်တဲ့ အတွေးအခေါ်. . မှတ်သားသွားပါတယ် အမရေ

Anonymous said...

ညီမလေးေ၇

အဲဒီအတိုင်းဘဲ အမတို.အထက်တန်းတုန်းက englishသင်၇ိုး မှာ သင်၇တယ်။ lesson နံမယ်က A cup of milk တဲ.။ အဲဒီကတည်းက အမသိပ်ကြိုက်ခဲ.တာ။

စာလေးလည်းကောင်းတယ်။ ဘာသာပြန်ဆိုချက် လေးလည်း ကောင်းတယ်။ လောကမှာ ကောင်းကောင်း၊ဆိုးဆိုး ဘယ်အရာမှ အလကားမဖြစ်ဘူးဆိုတဲ့ သဘော ဒီလို အဖြစ်မျိုးလေးတွေက သက်သေခံပါတယ်။ တစ်ဦးမေတ္တာ၊ တစ်ဦးမှာ ခိုင်မြဲတုန့်ပြန်နိုင်ပါစေ။ စေတနာပန်းခင်း။

mg han said...

ဆင်ခြင်ဦးမှပဲ..သူများတိုက်မိတဲ့နွားနို့မသောက်မိရလေအောင်..ဘုရားဘုရား..ရှင်းလိုက်ရမဲ့ဆေးဖို့းနဲမှာမဟုတ်ဘူး..:D...

အိပ်ချင်နဲ့မူးတူး ဝက်ဆလူး said...

ရွှေချောရယ် like button လေးများ မရှိဖူးလား များ ကွန်မန့်ပေးရမှာ ပျင်းလာဘီ ဟင့် ထုမှနိုးတာ လူက အိပ်ချင်နဲ့မူးတူးရယ် like button ရှိရင် အဲဒါလေး ကလစ်လိုက်ရုံပဲ ဘောက်ကောင်းထားလဲ နော် ........

ညီလင်းသစ် said...

ကူညီတဲ့ သူကလည်း တုံ့ပြန်မှုကို မမျှော်လင့်ခဲ့သလို အကူအညီကို ရတဲ့သူကလည်း ကျေးဇူးမမေ့ခဲ့တော့ သူတို့နှစ်ဦး ပြောင်းပြန် အခြေအနေနဲ့ ပြန်ဆုံရပေမယ့် ကြည်နူးဖို့ကောင်းတယ်၊ မျှဝေတာ ကျေးဇူးပါ မချော..။

nYi ThU E@in said...

Z လမ်းလေး ဖတ်ပြီး တစ်မျိုးဖြစ်သွားတယ်
အဖြူထည်မေတ္တာတရားရဲ့ ပါဝါတွေများနော်.။
လက်တွေ့ဘ၀မှာလည်း ဘယ်သူဘယ်ဝါလို့
မရည်ရွယ်ပဲ စေတနာသန့်သန့်နဲ့ ကူညီပေးလိုက်လို့ ရလာတဲ့ မေတ္တာရောင်ပြန်တွေ ကိုယ်တွေ့ကြုံဖူးကြတာချည်းပါပဲ..
ဆက်ပြီး စိတ်ထားသန့်ဖို့ အခက်အခဲကြုံလာသူကို ဖေးမဖို့ တွန်းအားဖြစ်စေတဲ့ စာတစ်ပုဒ်ပါပဲလေ..။

ဆွေလေးမွန် said...

တစ်ဦးကစေတနာ တစ်ဦးက မေတ္တာပေါ့။

Baby taster said...

မျှဝေပေးတာ ကျေးဇူးပါ
ဒါနဲ့ ပို့စ်က အကြာကြီးမှ တက်တယ်နော်

ahphyulay said...

ရင်စို့ ရပါသည်။
ဒါပဲ ပြောလို့ ရပါသည်။
ခင်တဲ့  ...။

rose said...

အစ်မချောရေ... ဖတ်ပြီး ရင်ထဲမှာ တစ်ခုခု ကျန်ခဲ့တယ်။ ပာတ်ထိတယ်။ ဘာကိုမှ မျှော်ကိုးခြင်း မရှိဘဲ အကူအညီ ပေးလိုက်တာ တစ်ပါးသူ လိုအပ် နေတဲ့ အချိန် ဆိုတော့ ကုသိုလ် ရတဲ့ အပြင် စိတ်ခွန်အားတွေပါ ပေးလိုက် သလို ဖြစ်သွားတယ်နော်။ နွားနို့လေး တစ်ခွက်ထဲမှာ လူသားချင်း စာနာ နားလည်မှု၊ ကူညီမှုတွေ ပါဝင်နေလို့ အဖိုး မဖြတ်နိုင်ပါဘူး။

http://redroseofburma.blogspot.com/

ဟန်ကြည် said...

ရင်ထဲမှာ ကျေနပ်သွားတယ်...ဒါပေမယ့် ကိုယ်လုပ်နေတဲ့ လုပ်ငန်းတစ်ခုအတွက် တုံ့ပြန်မှုကောင်း ဆိုတာကို မမျှော်လင့်ဘဲ ဖြူစင်နိုင်တဲ့ အထိရောက်နိုင်ဖို့ ကြိုးစားနေရတုန်းပါ...

Anonymous said...

good,,,good..good..
Iora

Anonymous said...

It hit my heart with so many feeling.Anyway.......
THADU,THADU,THADU.....
All the charactors in it and you.
Longing for another post like this.
Gyidaw

moekhar said...

အဲလိုမျိုး စိတ်ဓါတ် ရှိတဲ့ လူသားတွေ များများလိုတယ်နော် .. ကျေးဇူးပါ အစ်မး)

အတုံ့အပြန်ကို မမျှော်လင့်ထားတဲ့ စေတနာအတွက် တန်ပြန်မှုတွေ ရှိနေတာပါပဲ။ အဲဒီလိုအချိန်မှာ တော်တော် ကျေနပ်ပီတိဖြစ်ရမှာပါပဲ။

ဘာကိုမှ မမျှော်လင့်ဘဲ ကူညီတာ ကူညီသူအတွက် စိတ်ချမ်းသာစေပါတယ်။

ဆောင်း said...

ဖတ်ပြီးတော့ မျက်ရည်လည်ပြီး ရင်ထဲစို့နင့်သွားအောင် အရမ်း ကောင်းတယ် မမရယ်...