အမိုးစိမ်းစိမ်း အိမ်ကလေးများ...

နော်ဝေးနိုင်ငံရဲ့ အချို့သော အိမ်တွေဟာ အမိုးပေါ်မှာ စိမ်းလန်းစိုပြေနေတဲ့  မြက်ခင်းတွေ အပင်ငယ်တွေ၊ ပန်းပင်လေးတွေကို စိုက်ပျိုးထားတတ်ကြပါတယ်။ အိမ်တိုင်းရဲ့ အမိုးတွေဟာ မြက်ခင်းတွေချည်း သက်သက်စိုက်တာ မဟုတ်ပါဘူး။ အချို့ အိမ်တွေကတော့ ကတ္တီပါသားလေးတွေလို နူးညံ့တဲ့ မြက်ခင်း စိမ်းစိမ်းတွေသာ စိုက်ပျိုးထားတတ်ကြပေမဲ့ အချို့အိမ်တွေကျတော့ စိမ်းဝါရောင်သန်းနေတဲ့ အပင်တွေ စိုက်ပျိုးထားတတ်တာမို့ ရုတ်တရက်ကြည့်လိုက်မယ်ဆိုရင် ဂျုံခင်းများ ၀င်းမှည့်နေတာနဲ့တောင် တူတယ်လို့ ဆိုပါတယ်။ အချို့အိမ်တွေကျတော့ လှပတဲ့ ပန်းပင်ငယ်များကို မြက်ပင်များနဲ့ ရောယှက်လို့ စိုက်ပျိုးထားတတ်ကြသလို အချို့အိမ်တွေကျပြန်တော့ ခပ်နိမ့်နိမ့် အပင်ငယ်တွေတောင် စိုက်ပျိုးထား တတ်ကြပြန်ပါတယ်။

အပင်ငယ်တွေ၊ မြက်ခင်းတွေ စိုက်ပျိုးထားတဲ့ အိမ်အမိုးတွေဟာ လေးလံလွန်းလှတဲ့အတွက်  ဒီလို အမိုးပေါ်မှာ အပင်တွေ စိုက်ပျိုးဖို့အတွက် သူတို့ရဲ့ အိမ်ခေါင်မိုးတွေကို ခိုင်ခံ့အောင် အရင်ဆုံး စီစဉ်တည်ဆောက်ရပါတယ်။ နော်ဝေးနိုင်ငံမှာတော့ အိမ်အမိုးပေါ်မှာ မြက်ခင်းတွေ သစ်ပင်တွေ စိုက်ပျိုးထားတဲ့ အိမ်တွေကို နေရာတကာ မြင်တွေ့နိုင်ပါတယ်။ အဲဒီ အမိုးပေါ်မှာ အပင်စိမ်းကလေးတွေ စိုက်ပျိုးကြတဲ့ အလေ့အထဟာ ယခုခေတ်မှသာ သဘာဝ ပတ်ဝန်းကျင်ထိန်းသိမ်းရေးအနေနဲ့ တီထွင်စမ်းသပ်ပြီး စိုက်ပျိုးလာကြတာ မဟုတ်ပါဘူး။
 နော်ဝေးနိုင်ငံမှာတော့ လွန်ခဲ့သော နှစ်ပေါင်း ရာပေါင်းများစွာကတည်းက ခေတ်စားခဲ့တဲ့ နည်းစနစ်တစ်ခု ဖြစ်ပါတယ် ပြီးတော့လည်း ဒီလို အပင်စိမ်းစိမ်းတွေ စိုက်ပျိုးကြတာဟာ သူတို့ဆီမှာတော့ ရိုးရာဓလေ့လို့တောင် ပြောလို့ရလောက်အောင် နှစ်ရှည်ကြာခဲ့ပြီ ဖြစ်ပါတယ်။

အ၀ါနဲ့ အစိမ်း

အမိုးစိမ်းစိမ်းလေးတွေနဲ့ အိမ်ကလေးတွေကို အိုက်စ်လန်၊ ဂျာမဏီ၊ ဆွစ်ဇာလန်၊ စကော့တလန်၊ စတဲ့ နိုင်ငံတွေမှာလည်း တွေ့နိုင်ပါတယ်။ ဒီလိုအိမ်ကလေးတွေဟာ ပူပြင်းတဲ့ နေပူဒဏ်ကို ကာကွယ်ပေးနိုင်သလို မျက်စိအမြင်လည်း အေးစေတာမို့ ကျွန်မတော့ တော်တော်လေးကို သဘောကျမိပါတယ်။ ကျွန်မတို့ဆီမှာလည်း ဒီလိုအိမ်ကလေးတွေ များလာမယ်ဆိုရင် နွေနေရဲ့ ဒဏ်ကို အတော်အတန် သက်သာရာရမှာ ဖြစ်သလို ကြည့်ရတာလည်း မျက်စိအေးစေမှာ ဖြစ်ပါတယ်။ သို့သော်လည်း မခိုင်မခံ့၊ ဖြစ်သလို ဆောက်ထားတဲ့ အမိုးပေါ်မှာ စိုက်ပျိုးထားမိလို့ အဆောက်အဦးပြိုကျမဲ့ အန္တရာယ်ကတော့ ထည့်သွင်းစဉ်းစားထားရမဲ့ အချက်လည်း ဖြစ်ပါတယ်။

 



တစ်ချက်ခုတ် နှစ်ချက်ပြတ် ဆိတ်တွေတောင် တက်စားနေသေး

 

ထင်းရှူးပင်တောင် ပေါက်နေပါလား

အခုလို အိမ်အမိုးပေါ်မှာ မြက်ခင်းတွေ သစ်ပင်ငယ်လေးတွေ စိုက်ပျိုးလို့ ရရှိလာတဲ့ ရလဒ်ကတော့ အများကြီးပါဘဲလို့ ဆိုပါတယ်။ ၄င်း သစ်ပင်တွေနဲ့ အမိုးစိမ်းစိမ်းတွေဟာ နွေရာသီဆိုရင် ပူပြင်းတဲ့ နေပူကနေ သက်သာရာ ရစေနိုင်သလို ဆောင်းရာသီလိုချိန်ခါမှာလည်း အအေးဒဏ်ကနေ ကာကွယ်ပေးနိုင်စွမ်း ရှိတယ်လို့ သိရပါတယ်။ အပင်တွေနဲ့ အမိုးဟာ လေးလံတဲ့အတွက် အိမ်ကို တည်ငြိမ်မှုရှိအောင် အထောက်အပံ့ဖြစ်စေသလို ခိုင်ခိုင်ခံ့ခံ့ ဆောက်လုပ်ထားတဲ့ အမိုးတွေမှသာ ခုလို မြက်ခင်းစိမ်းများ၊ အပင်များ စိုက်ပျိုးနိုင်တာကြောင့် အိမ်တွေကို ခိုင်မာအောင် စီစဉ်ဆောက်လုပ်တဲ့ အလေ့အထကို ရစေပါတယ်။ မိုးသည်းသည်းမဲမဲ ရွာသွန်းသော်လည်း ၄င်းအမိုးပေါ်မှ ရေများမှာ တစ်ရှိန်ထိုး စီးဆင်းတာ မဟုတ်ဘဲ ဖြေးဖြေးသာသာ စီးဆင်းသောကြောင့် အောက်ခံ မြေသားများ မိုးရေကျဆင်းသည့် အရှိန်ကြောင့် ပျက်စီးခြင်းမှ ကာကွယ်ပေခြင်း၊ ညစ်ညမ်းသော လေနဲ့ ဖုန်မှုန့်များကို စုပ်ယူထားနိုင်ခြင်းစတဲ့ အကျိုးကျေးဇူးများ ရှိပါတယ်။


 

မြက်ရိတ်ဖို့လည်း အလုပ်တစ်ခု

ခုချိန်မှာတော့ အိမ်တွေရဲ့ အမိုးတွေကို စိမ်းစိမ်းလေးဖြစ်အောင် ဆောက်လုပ်တဲ့ သဘာဝပတ်ဝန်းကျင်ကို ထိန်းသိမ်းပြုပြင်ခြင်းဟာ ခေတ်စားလို့ လာနေပါပြီ။ စီးပွားရေးအဆောက်အဦးများ၊ အထင်ကရ အဆောက်အဦးများနဲ့ အမေရိက၊ အင်္ဂလန်စတဲ့ နိုင်ငံတွေရဲ့ အဆောက်အဦးတွေမှာ အမိုးစိမ်းစိမ်းလေးတွေ ထည့်သွင်းလာကြပါပြီ။ ကျွန်မတို့လည်း ကောင်းတဲ့ အကျိုးကျေးဇူးတွေ ရှိတဲ့ အမိုးပေါ်က  မြက်ခင်းစိမ်းတွေ ပန်းပင်လှလှလေးတွေနဲ့ အိမ်ကလေးတစ်လုံး ပိုင်ဆိုင်ခွင့်ရဖို့ စိတ်ကူးယဉ်လိုက်ကြပါဦးစို့ရဲ့ နော်။ 

 Source: Amazing Grass Roofs in Norway ( Funzug.com)