ဗန်းမော်လမ်းနဲ့ ကျောက်စခန်း

ကျွန်မ ခရီးသွားတော့ စိန်လုံတောင်တန်းကနေ အပြန်မှာ ဗန်းမော်မြို့ကို အလည် ရောက်သွားဖြစ်ပါတယ်။ ဗန်းမော်မြို့ဟာ မိုးမောက်မြို့လမ်းခွဲကနေ ၁ဝမိုင်လောက် ဆက်ပြီး သွားရတဲ့ မြို့ကလေးဖြစ်ပါတယ်။ မိုးမောက်မှာ လမ်းနှစ်ခု ခွဲထွက်ပါတယ်.. တစ်လမ်းက မြစ်ကြီးနားဘက် ဆက်သွားမဲ့လမ်းပါ။ တစ်လမ်း ကတော့ ဗန်းမော်မြို့ကို သွားတဲ့ လမ်းခွဲပါ။ ဗန်းမော်၊ မိုးမောက်မြို့တို့ဆိုတာ ကျွန်းသစ်တွေ၊ သစ်မာတွေ အလွန်ပေါများတဲ့ ဒေသဖြစ်ပါတယ်။ တရုတ်နိုင်ငံနဲ့လည်း နီးတာကြောင့် တရုတ်ပစ္စည်းတွေလည်း အလွန်ပေါပါတယ်။ ဒီပိုစ့်မှာတော့ ဗန်းမော်မြို့ အသွား လမ်းမှာတွေ့ရတဲ့ ရှုခင်းတစ်ချို့က ဓာတ်ပုံတွေ ဖော်ပြပေးချင်တာပါ။

 

မိုးမောက်မြို့အ၀င်

 

ကျွန်းတော

 

တောင်တန်းနဲ့ ကျွန်းတော

 

 

တိမ်ခိုးတွေဝေနေတဲ့ တောင်တန်း

 

တောင်တန်းပေါ်က အဆင်းရှုခင်း

တောင်တန်းကြီးကို လှမ်းမြင်နေရတဲ့ ရှုခင်းက လှလွန်းလို့ ပါးစပ်က တစ်ဖွဖွ ပြောမိရင်း ဓာတ်ပုံ ရိုက်ယူခဲ့ပါတယ်။ ပြာပြာညိုလွင်နေတဲ့ တောင်တန်းကြီးကလည်း လက်ကမ်းလို့ ကြိုနေတဲ့ အသွင် သဏ္ဍာန်ပါ။ မိုးမောက်မြို့အဝင်နားမှာ ကျောက်စခန်းဆိုတဲ့ အပန်းဖြေစခန်း တစ်ခု ရှိပါတယ်။ စိန်လုံတောင်တန်းပေါ်ကနေ စီးကျလာသော ရေစီးသန်တဲ့ ချာင်းထဲမှာ ကျောက်တုံးတွေ အရွယ်အစား အမျိုးမျိုး သဘာဝအတိုင်း လှပစွာ ရှိနေတဲ့နေရာဖြစ်ပါတယ်။ အဲဒီ ကျောက်စခန်းဆိုတာ ဗန်းမော်၊ မိုးမောက် ဒေသက လူတွေတွက်တော့ ဂုဏ်ယူစရာ နေရာတစ်ခုလည်း ဖြစ်ပါတယ်။ သင်္ကြန်လို ရက်မျိုးဆိုရင် လူတွေ ကြိတ်ကြိတ်တိုး စည်ကားတယ်လို့ ဆိုပါတယ်။ ပုံမှန်ချိန်တွေ မှာတော့ အေးအေးဆေးဆေး စားသောက်လိုသူများ၊ တောတောင် သဘာဝရှုခင်းကို ကြည့်လိုသူများ လာရောက်တတ်ကြပါတယ်။ စားသောက်ဆိုင်ကလေးတွေ ရှိပြီး အေးအေးချမ်းချမ်း နေထိုင် စားသောက်လို့ ကောင်းတဲ့ နေရာလေးဖြစ်ပါတယ်။ ကချင်ပြည်နယ်ရဲ့ သဘာဝ အလှအပ နဲ့ တောတောင်တွေ ပေါတဲ့ မိုးမောက် ဗန်းမော် ဒေသကို မရောက်ဖူးသေးသူများ၊ စိတ်ဝင်စားသူများ၊ အလွမ်းပြေ ကြည့်ချင်သူများ ရှိရင် ကြည့်နိုင်ဖို့အတွက် မြင်ခဲ့ရ သလောက်လေးကို ပြန်လည် ဝေမျှ ချင်ပါတယ်ရှင်။

 

Stone Village Resorts အဝင်ဆိုင်းဘုဒ်

 

ချောင်းရိုးတစ်လျှောက်က ကျောက်တုံးကျောက်ဆောင်များ

 

ချောင်းကူးတံတား

 

ချောင်းကိုဖြတ်ကူးဖို့ ဝါးတံတား

 

ချောင်းတစ်ဖက်ကမ်း

 

ကြိုးတံတားလည်း ရှိပါတယ်...

ကျန်တဲ့ ပုံတွေကို အောက်မှာဆက်လက် ကြည့်ရှုနိုင်ပါတယ်နော်..

 

ရေနည်းတဲ့ နွေအခါမှာ ချောင်းရေဟာ အလွန်တရာမှ ကြည်လင်လှပြီး ကျောက်တုံး ကျောက်ဆောင်တွေ လည်း ရှင်းရှင်းလင်းလင်း မြင်နိုင်ပါတယ်။ ရှုခင်းလည်း အလွန်လှတယ်လို့ ဒေသခံများက ပြောပါတယ်။ ကျွန်မ ရောက်သွားချိန်ကတော့ မိုးဦးရွာစအချိန်ဖြစ်တာမို့ ချောင်းထဲမှာ တောင်ကျရေ စီးနေပြီး ရေစီးလည်း သန်ကာ ရေလည်း နောက်နေခဲ့ပါပြီ။ ဒါကြောင့် ကျောက်တုံးကျောက်ဆောင်တွေရဲ့ အလှကို ပြည့်ပြည့် ၀၀ မြင်တွေ့ခွင့် မရခဲ့ပါဘူး။ 

 

ချောင်းတစ်ဖက်က စားသောက်ဆိုင်

 

 

သစ်ပင်တောတောင်ကြားက စားသောက်ဆိုင်များ

 

 

စိမ်းစိမ်းစိုစို တောနဲ့ တောင်စွယ်

 

ကျောက်တုံးကျောက်ဆောင်များ

ကျွန်မမှာ ခရီးသွားဟန်လွဲ ၀င်ခဲ့ရတာဖြစ်တာကြောင့် အချိန်များများ မရတဲ့အတွက် အတွင်းထဲဘက်ကို မရောက်ဖြစ်ခဲ့ပါဘူး။ တကယ်တမ်းတော့ ချောင်းအထက်ဖက်ထိ တက်နိုင်ရင် ခုထက်ပိုလှပတဲ့ ရှုခင်းတွေ၊ ကျောက်တုံးကြီးတွေ၊ ရေတံခွန်တွေ မြင်တွေ့နိုင်ပါတယ်. ကျားနဲ့ တစ်ပုံစံတည်း တူတဲ့ ကျောက်တုံးကြီးလည်း ရှိတယ်လို့ ဆိုပါတယ်။ နောက်တစ်ကြိမ်သွားခွင့်ရရင်ဖြင့် ယခုထက်ပိုပြီး စုံစုံလင်လင် သွားနိုင်လိမ့်မယ် လို့ မျှော်လင့်ပါတယ်။ အောက်မှာတော့ ဗန်းမော်၊ မိုးမောက်မြို့ လမ်းတစ်လျှောက်က မျက်စိအေးစရာ ရှုခင်း ဓာတ်ပုံများ ဖြစ်ပါတယ်။

 

ဒီရေတွေက ကျောက်စခန်းက စီးလာတဲ့ရေတွေလို့ သူငယ်ချင်းက ပြောပါတယ်။ ဒီရေချောင်းကလေး ကြည်နေရင် ကျောက်စခန်းကရေလည်း ကြည်လင်နေပါတယ်တဲ့။ ခုတော့ ရေနောက်ပါတယ်။

 

လမ်းဘေးတစ်လျှောက်က လိုင်ချီးခြံ

 

မိုးရေတက်ရေ တဖွေးဖွေး

တိမ်တွေ တောင်ခိုးတွေ စိမ်းစိုနေတဲ့ ကွင်းပြင်ကြီးရယ် စမ်းချောင်းရယ် သိပ်လှတာဘဲ။

တောင်ပြာတန်းက ငိုနေတယ် ..း)

ဗန်းမော်မြို့အကြောင်းမရေးခင်မှာ ဗန်းမော်အနီးတစ်ဝိုက်က ရှုခင်းတွေနဲ့ အရင်မိတ်ဆက်ပေးတာပါ။ မကြာခင်မှာ ဗန်းမော်မြို့ကို အလည်သွားကြပါဦးစို့နော်။

စိမ်းစိုလန်းဆန်းသော ရှုခင်းများဖြင့် စိတ်နှလုံးအေးချမ်းကြပါစေ..