ဆေးစွမ်းကောင်း


တစ်ရက်မှာ လူမှုရေးရာကိစ္စများကို အတိုင်ပင်ခံ အကြံပေးနေတဲ့ အဖွဲ့တစ်ခုရဲ့ ရုံးခန်းဆီကို အိမ်ထောင်သက် နှစ် အနည်းငယ်ရှိပြီဖြစ်တဲ့ လင်မယားနှစ်ယောက် ရောက်လာကြကာ သူတို့ နှစ်ဦးသားရဲ့ မပြေမလည် ဖြစ်နေတဲ့ အိမ်ထောင်ရေး၊ အေးစက်နေတဲ့ ဆက်ဆံရေး အကြောင်းကို ပြောပြ တိုင်ပင်ဆွေးနွေးပြီး အကြံဥာဏ်တောင်းခံဖို့အတွက် ရောက်လာကြပါတယ်။ ခပ်ကျဉ်းကျဉ်း အခန်းတစ်ခုတွင်းက အကြံပေးဖြစ်သူရဲ့ စားပွဲရှေ့က ခုံတစ်လုံးစီမှာ ထိုင်လိုက်ကြပြီးနောက်မှာဘဲ နှစ်ဦးစလုံးက သူတို့နှစ်ယောက် အိမ်ထောင်ရေးမှာ ဖြစ်ပျက်နေတဲ့ အခြေအနေတွေကို သူ့ထက်ငါ ဦးအောင် ပြောပြကြပါတော့တယ်။ ပြောနေသမျှ စကားတွေမှာ သူတို့နှစ်ဦးစလုံးဟာ တစ်ယောက်ရဲ့ အပြစ်ကို တစ်ယောက်က ပုံချပြောဆိုနေကြတာဘဲ ဖြစ်ပါတယ်။ တစ်ယောက်နဲ့တစ်ယောက် အပြစ်တွေ မြင်နေကြတာ ဘယ်လောက်တောင် များတယ်ဆိုရင် အလုအယက်ပြောနေကြတာဟာ အသက်တောင် မရှူကြဘူးလို့တောင် ထင်ရပါတယ်။

အချိန်အတော်ကြာပြီးတဲ့ နောက်ဆုံးမှာမှ သူ့ထက်ငါ ဦးအောင် ပြစ်တင် ပြောဆိုနေကြတာကို မောပန်းလာဟန်နဲ့ ရပ်လိုက်ကြပါတော့တယ်။ သူတို့ကိုကြည့်ရတာ ဒီတော့မှဘဲ အသက်ဝဝ ရှူနေကြရပုံ ပေါ်ပါတယ်။ သူတို့စကားသံ ရပ်သွားတော့မှ အကြံပေးသူက "ကဲ.. ခင်ဗျားတို့ နှစ်ယောက်စလုံး တစ်ယောက်ရဲ့ အပြစ်တွေ၊ မကောင်းတဲ့အချက်တွေကို တစ်ယောက်နဲ့တစ်ယောက် အပြိုင်အဆိုင် ပြောဆိုပြီးကြလို့ ကုန်လောက်ပြီထင်ပါတယ်။ ဒီလိုဆိုရင် ခုချိန်က စပြီး ခင်ဗျားတို့ နှစ်ယောက်ရဲ့ တစ်ယောက်စီမှာ ရှိတဲ့ ကောင်းကွက်လေးတွေကို မြင်တဲ့အတိုင်း ပြောကြည့်ကြစို့လားဗျာ" အဲဒီစကားသံအဆုံးမှာ လင်မယား နှစ်ယောက်ကြား လုံးဝတိတ်ဆိတ်သွားခဲ့ပါတယ်။ ဘာသံမှ ဆက်ပြီး ထွက်မလာတော့ပါဘူး။ အချိန်အတော်ကြာတဲ့အထိလည်း ဘယ်သူကမှ စပြီး စကားမပြောတော့ပါဘူး။ အကြံပေးဖြစ်သူကလည်း စကားမပြောဘဲ သူတို့နှစ်ဦးကိုသာ စိုက်ကြည့်ပြီး အကဲခတ်နေတဲ့အတွက် အခန်းတစ်ခုလုံး တိတ်ဆိတ်ငြိမ်သက်ခြင်းနဲ့ အေးစက်မှုန်မှိုင်းခြင်များသာ လွမ်းမိုးလို့နေပါတယ်။

မိနစ်အနည်းငယ်ကြာတဲ့အထိ ဘယ်သူကမှ စပြီးမပြောလာတဲ့အတွက် အကြံပေးသူက ထိုလင်မယားနှစ်ယောက်ကို ဘောလ်ပင် တစ်ယောက်တစ်ချောင်းစီနဲ့ စာရွက်တစ်ရွက်စီ ပေးလိုက်ပါတယ်။ ပြီးတော့မှ "ခင်ဗျားတို့နှစ်ယောက်ကြားက တစ်ယောက်ရဲ့ ကောင်းကွက်ကို တစ်ယောက်က ပါးစပ်နဲ့ ထုတ်ပြောပြဖို့ ခက်ခဲနေတယ်ဆိုရင်လည်း ဒီစာရွက်ပေါ်မှာ ချရေးပေးပါ" လို့ ပြောလိုက်ပါတယ်။ စာရွက်နဲ့ ဘောလ်ပင်ကိုယ်စီ လက်ထဲရောက်လာပေမဲ့ နှစ်ဦးစလုံးဟာ ဘယ်သူကမှ ချမရေးကြပါဘူး.. ငုတ်တုတ်ထိုင်ပြီး လက်ထဲက စာရွက်ကို နှစ်ဦးသား စိုက်ကြည့်လို့သာ နေကြပါတယ်။ အချိန်အတန်ကြာတဲ့အထိတောင် ဘယ်သူကမှ တုတ်တုတ် မလှုပ်ပါဘူး။ အကြံပေးဖြစ်သူကလည်း နောက်ထပ် ဘာမှ မတိုက်တွန်းဘဲ သူတို့နှစ်ဦးကို ဒီအတိုင်းသာ ကြည့်နေခဲ့ပါတယ်။ မကြာခင်မှာဘဲ လင်ယောက်ျားဖြစ်သူဟာ ခေါင်းငုံ့လိုက်ပြီး စာရွက်ပေါ်ကို တစ်စုံတစ်ခုကိုချရေးပါတော့တယ်။ ယောက်ျားဖြစ်သူ ဘောလ်ပင်ကောက်ကိုင်ပြီး ရေးတာကိုမြင်လိုက်တော့မှ မယားဖြစ်သူကလည်း ဒေါသတကြီးနဲ့ စာရွက်ကိုဆွဲယူကာ ခပ်ကြမ်းကြမ်းနဲ့  မြန်မြန်ဆန်ဆန် ရေးခြစ်ပါတော့တယ်။

မကြာခင်မှာ နှစ်ဦးစလုံးဟာ ရေးနေတာကို ရပ်လိုက်ကြပြီး စကားတစ်ခွန်းမှ ဆက်မပြောဘဲ ငြိမ်သက်နေကြပါတယ်။ အခန်းကလေးထဲမှာတော့ ဘာသံမှ မကြားရတော့ဘဲ လူသုံးဦးအကြား ပြန်လည်တိတ်ဆိတ် ငြိမ်သက်သွားခဲ့ပါတယ်။

ခဏအကြာမှာ မယားဖြစ်သူက သူမ ရေးခြစ်ထားတဲ့စာရွက်ကို အကြံပေးသူရှေ့ကို တွန်းပို့လိုက်ပါတယ်။ သို့သော်လည်း အကြံပေးသူက သူမ ဘေးက လင်ယောက်ျားဖြစ်သူထံကိုသာ ထိုစာရွက်ကို ပေးလိုက်ဖို့ အရိပ်အကဲပြပါတယ်။ မယားဖြစ်သူက အင်တင်တင်ဖြင့် စာရွက်ကို သူတို့ လင်မယားနှစ်ယောက်ကြားက ကွက်လပ်ရှေ့ကိုသာ တွန်းပေးလိုက်ပါတယ်။ ယောက်ျားဖြစ်သူက သူ့စာရွက်ကိုလည်း မယားရှေ့ကို တွန်းပို့လိုက်ပြီး မိန်းမဖြစ်သူရဲ့ စာရွက်ကို ဆွဲယူလိုက်ကာ စာရွက်ပေါ်က အကြောင်းအရာတွေကို စဖတ်ပါတယ်။ မိန်းမဖြစ်သူကလည်း ယောက်ျားရဲ့ စာရွက်ကို ကဗျာကယာ ဆွဲယူလိုက်ပြီး ဘာတွေရေးထားမလဲ သိလိုစိတ်ဖြင့် ဖတ်ပါတော့တယ်။

အကြံပေးသူကလည်း စကားတစ်ခွန်းမှ မပြောတော့ဘဲ သူတို့နှစ်ဦးကို တိတ်ဆိတ်စွာ စောင့်ကြည့်နေခဲ့ပါတယ်။

မကြာခင်မှာ စာဖတ်နေတဲ့ အမျိုးသမီးရဲ့ ပါးပြင်ပေါ်ကို မျက်ရည်တွေ စီးကျလာပါတော့တယ်။ သူမရဲ့လက်ထဲမှာတော့ သူ့ယောက်ျားရဲ့လက်ရေးတွေပါတဲ့ စာရွက်ကို ကျစ်ကျစ်ပါအောင် ဆုပ်ကိုင်လို့ ထားပါတယ်။ စာရွက်ပေါ်မှာ သူမရဲ့ ကောင်းတဲ့အချက်လေးတွေကို ယောက်ျားဖြစ်သူက ရေးထားခဲ့မယ်ဆိုတာ မလွဲနိုင်ပါဘူး။ အမျိုးသမီးအတွက် ယောက်ျားဖြစ်သူက သူမရဲ့ ကောင်းကွက်လေးတွေကို ချီးကျုးထားတဲ့ စာရွက်လေးထဲက အကြောင်းအရာတွေဟာ သူမရဲ့နှလုံးသားကို နူးညံ့စွာ ထိခိုက် ခံစားသွားစေခဲ့ဟန် တူပါတယ်။ ယောက်ျားဖြစ်သူဟာလည်း အမျိုးသမီးရဲ့ စာရွက်လေးကို ဖတ်ပြီး မျက်ရည်မကျသော်လည်း အောက်မျက်ဝန်းများ တစ်ဆတ်ဆတ် လှုပ်ခုန်နေတာကို ကြည့်ချင်းအားဖြင့် သူကိုယ်တိုင်လည်း ထိခိုက်ခံစားနေရဟန် တူပါတယ်။

အခန်းတွင်းရဲ့ အခြေကနေဟာ ထိုလင်မယားစုံတွဲ ဝင်လာကာစ အခြေအနေနဲ့ မတူတော့ဘဲ ပြောင်းလဲသွားလို့ သွားပါပြီ။ အေးစက်စက် မှုန်မှိုင်းမှိုင်း အခန်းလေးဟာ တဖြေးဖြေးနဲ့ နွေးထွေးလို့လာပြီး နေချင့်စဖွယ်ဖြစ်လာခဲ့ပါတယ်။ အကြံပေးသူဟာ ယခုအချိန်မှာတော့ ထိုလင်မယားနှစ်ဦးကြားမှာ ဘယ်လိုစကားတစ်ခွန်းကိုမှ ဆက်ပြောဖို့ မလိုတော့ဘူးဆိုတာ သဘောပေါက် နားလည်လိုက်ပါတယ်။ သူတို့ လင်မယားနှစ်ယောက်ဟာ တစ်ယောက်ရဲ့ အပြစ်တွေကို တစ်ယောက်က အမြဲတမ်း ပြစ်တင် ပြောဆိုနေခြင်းသာ ရှိခဲ့ကြပြီး တစ်ဦးရဲ့ ကောင်းကွက်ကို တစ်ဦးက ပြောဆို ချီးမွမ်းဖို့ မေ့လျော့နေခဲ့ကြဟန် တူပါတယ်။ အဲဒီလိုနဲ့ နှစ်ဦးသားရဲ့ကြားက ဆက်ဆံရေးဟာ အေးခဲလာခဲ့ကြဟန် ရှိပါတယ်။ ခုချိန်မှာတော့ နှစ်ဦးစလုံးရဲ့ ကောင်းကွက်များကို ချီးမွမ်းထားတဲ့ စာရွက်ကလေးများက သူတို့နှစ်ဦးကြားက အေးစက်နေတဲ့ ချစ်ခြင်းမေတ္တာကို ပြန်လည်နွေးထွေးစေခဲ့ပါပြီ။

လင်မယား၊ ချစ်သူစုံတွဲတွေ တစ်ယောက်နဲ့တစ်ယောက်ကြားမှာ တစ်ယောက်ရဲ့ ကောင်းကွက်များကို တစ်ယောက်က ကြည့်မြင်တတ်ကာ ချီးမွမ်း ပြောဆိုခြင်းဟာလည်း မဖြစ်မနေ ပြုလုပ်သင့်ကြောင်းကို အတိုင်ပင်ခံဖြစ်သူက ကောင်းမွန်စွာ နားလည်နေခဲ့ပါတယ်။ လင်မယားနှစ်ယောက်ဟာ စာရွက်ကလေးတွေကို လက်တစ်ဖက်က တင်းတင်းဆုပ်ကိုင်ပြီး အခြားလက်တစ်ဖက်ဖြင့် တစ်ယောက်လက်ကို တစ်ယောက်တွဲကာ အခန်းထဲမှ ကြည်ကြည်နူးနူး ထွက်ခွာသွားကြတာကို ပီတိအပြုံးနဲ့ ငေးကြည့်ရင်း ကျန်ရစ်ခဲ့ပါတော့တယ်။

လူတစ်ဦး၏ ကောင်းကွက်များကို ချီးမွမ်းပြောဆိုခြင်းသည် ထိုသူ၏ နှလုံးသားတွင်းမှ ဒဏ်ရာများစွာတို့ကို ကုစားပေးနိုင်စွမ်းရှိသော ဆေးကောင်းတစ်လက် ဖြစ်လေသည်။ 



To heal a thousand wounds
( Carlos Valles) ကို ဘာသာပြန်ပါသည်။
5720889 -

27 Responses to “ဆေးစွမ်းကောင်း”

သိပ်မှန်တယ် လူတစ်ယောက်ရဲ့အားပေး စကားတစ်ခွန်းဟာ နောက်လူတစ်ယောက်အတွက် ဘယ်မှာမှမရနိုင်တဲ့ ဆေးတစ်ခွက်လဲ ဖြစ်နိုင်တယ်..။

အမချော။
သူတို့ ဘာတွေရေးထားကြတာလဲ ပြောပြလေ။း))

ခင်မင်လျှက်

Nyi Linn Thit said...

ဟုတ်ပါတယ် မချောရေ၊ လင်မယားကြား၊ မိတ်ဆွေ သူငယ်ချင်း အချင်းချင်းကြား တစ်ယောက်ရဲ့ ကောင်းကွက်တွေကို တစ်ယောက်က အသိအမှတ်ပြု၊ ချီးကျူးဖို့ဟာ တကယ်ပဲ အရေးကြီးတာပေါ့၊ ကျနော်တို့က အပြစ်မြင်မိရင်သာ လွှတ်ကနဲ ပြောလိုက် တတ်ကြပေမယ့် ကျေးဇူးစကားလေး တစ်ခွန်း၊ အသိအမှတ်ပြု စကားလေး တစ်ခွန်း ထွက်ကျလာဖို့ ကျတော့ နှုတ်လေး နေတတ်ပြန်ရော..၊ ရိုးရိုးလေးနဲ့ ဘဝနေနည်းကို ထင်းကနဲ ပြလိုက်တဲ့ ဘာသာပြန် ပို့စ်ကောင်းလေး တစ်ပုဒ်ပါပဲဗျာ..။

AH said...

အရမ်းကောင်းတဲ့ ပိုစ့်လေး တစ်ခုပါဘဲ ခင်ဗျာ...။

ချောပြောသလိုပဲ.. တစ်ဦးနှင့်တစ်ဦး၊ တစ်ယောက်နဲ့တစ်ယောက်၊ အဲလိုကောင်းကွက်တွေကိုချည်း ကြည့်ကြမယ်၊ ပြောကြမယ်၊ ဆိုကြမယ်ဆိုရင် ဘယ်လောက်ကောင်းမလဲလေ...

ချမ်းမြေ့ပါစေ
ချယ်ရီမြေ

Aunty Oo said...

အိမ်ထောင်သက်ကြာလာကြတာနဲ.အမျှစိတ်ထဲမှာလဲအဖု
အထစ်လေးတွေများများလာခဲ့တာဘဲ ဒါပေမဲ.ပိုစ့်လေး
ထဲကအတိုင်းကောင်းကွက်လေးတွေကြည့် ကိုယ့်စိတ်
ကိုယ်ဖြေရင်းနဲ.ဘဲအချိန်တွေကုန်ဆုံးသွားရတာပါဘဲလေ။

Junemoe said...

ချစ်သူတွေကြားမှာ အဆင်မပြေတာ သေးသေးလေးတွေကနေ ကြာလာတော့ အစိုင်အခဲတစ်ခုလိုဖြစ်တတ်ကြပါတယ်။
နှစ်ဦးသားကြား အပြစ်တွေမြင်ပြီးကောင်းကွက်တွေ မမြင်တတ်ကြဘူးလေ။ ဘာပဲဖြစ်ဖြစ် နောက် အဲ့လို စုံတွဲတွေနဲ့ကြုံရင် အခုနည်းလေးအတိုင်း စမ်းလုပ်ကြည့်မယ်ဗျာ။

မှတ်သားစရာလေးတွေနဲ့အတူ ဖတ်သွားတယ်မမ တစ်ချိန်ချိန်တော့ အသုံးဝင်လာနိုင်ကောင်းပါရဲ့လို့ :)
ကွန်မန့်ပေးလို့ ရပြီမမ စကားမစပ် ပျော်လိုက်တာ ...:):)

Anonymous said...

အရမ်းကောင်းတဲ့ ပိုစ်လေးပါဘဲ ။

blackroze said...

လူသားနှစ်ဦးကြားမှာနားလည်မှု့ဆိုတာ
ရှိဖို့အလိုအပ်ဆုံးပါ

ဒီပို့စ်ကိုဖတ်ပြီး ဆက်တွေးကြည့်မိတယ်။
အိမ်ထောင်ဖက်ရယ် သမီးရည်းစားရယ်မှ မဟုတ်ဘူး ... ကိုယ့်မိသားစု၊ မောင်နှမ၊ မိတ်ဆွေ၊ သူငယ်ချင်း၊ လုပ်ဖော်ကိုင်ဖက်၊ အထက်လူနဲ့ အောက်လူ ... ဘယ်သူနဲ့မဆို ဆက်ဆံတိုင်း ကောင်းကွက်လေးတွေ ရှာဖွေတွေးတောပြီး နားလည်မှုရှိစွာ ဆက်ဆံကြမယ်ဆိုရင် ပြဿနာဆိုတာ ဖြစ်လာမှာ မဟုတ်ဘူးနော်။

ခက်တာက များသောအားဖြင့် သူတပါးမကောင်းတဲ့ အချက်ကို အလွယ်တကူ မြင်တတ်ကြပေမဲ့ ကောင်းကွက်ကို မြင်ဖို့ကျတော့ ခဲယဉ်းနေကြတာ ... ။

san htun said...

အပြစ်ပြောဖို့  လွယ်ပေမဲ့ ကောင်းတာလေးကို အသိအမှတ် ပြုဖို့ တော့ ခက်တယ်...ကိုင်း ဒီနေ့ က စပြီး ကောင်းတဲ့ အချက်လေးတွေကို အသိအမှတ်ပြုလိုက်ရအောင်...

rose of sharon said...

ကောင်းတာလေးတွေဘဲစဉ်းစားပေးတတ်ကြရင် ဘဝလမ်းခရီးတွေ ဖြောင့်ဖြူးကြမှာပါ....

rose said...

Nice translation, sis, I love it. Yes people should tell to other the good character, behaviour, action they have done. Not bad things. But some people consider that telling bad things to other is honest saying and it's ok.

ဟုတ်ကဲ့.. မှတ်ထားပါ့မယ်.. မချောရေ..း)))

ခင်မင်လျက်
နေ၀သန်

Anonymous said...

Good sharing....Chaw!....I agree with Aunty Oo.Let's try to do and say as the post said:)......Tks.
Gyidaw.....

Shinlay said...

ဆရာတယောက်ကဆုံးမပါတယ်။ သူ့ (ကျမယောင်္ကျား)
အကြောင်းကောင်းတာတွေပဲတွေးပေးတဲ့။ သူမိမိပေါ် ကောင်းခဲ့တဲ့အကြောင်းတွေပြောပေးပါတဲ့။ လူတိုင်းမှာတော့မကောင်းတဲ့အချက်ဆိုတာရှိတာပဲတဲ့။
ဒါတွေကိုသာထောက်ပြနေရင် အိမ်ထောင်ရေးအဆင်ပြေမှာမဟုတ်ဘူးတဲ့...
ချောရဲ့ စာကိုဖတ်ပြီး ဆရာဆုံးမတာ အမှတ်ရမိပါတယ်။
ကျေးဇူးနော်။

mstint said...

ချောမွေ့တဲ့လမ်းကို လျှောက်လှမ်းတဲ့အခါ ပြုံးပျော်နိုင်သလို ခက်ခဲကြမ်းတမ်းတဲ့ ဘဝခရီးလမ်းကို ကျော်ဖြတ်တဲ့အခါမှာလည်း အပြုံးမပျက် ခံနိုင်ရည်ရှိပြီး တစ်ဦးအပေါ်တစ်ဦး နားလည်ပေးနိုင်ကြမယ်ဆိုရင် အခက်အခဲအားလုံး ကိုယ်နဲ့ဝေးရာကို တိမ်းရှောင်သွားမှာပါ။
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

Vista said...

စိတ်ဆိုးနေချိန်ကျတော့ ကောင်းခဲ့တာတွေ မမြင်တော့ဘူး ဟီး

ကောင်းတယ်ဗျာ။ ကြိုက်ပါတယ်။ နောက်လည်း အဲဒီလိုလေးတွေ ရှာဖွေတင်ပြပေးနိုင်ပါစေ။ ကျွန်တော်တို့ မမြင်မသိသေးတာလေးတွေ သိရတာပေါ့။

flowerpoem said...

ကောင်းကွက်လေးတွေ ရွေးပြီး နှစ်သိမ့်ပေးတာ သိပ်ကောင်းပါတယ်

မအားတာနဲ့မရောက်ဖြစ်တာကြာပြီမချောရေ။ အခုမှပဲရောက်ဖြစ်တယ်။
လင်နဲ့မယားဖြစ်လာရင် တစ်ဦးနဲ့တစ်ဦး ကောင်းတဲ့အချက်လေးတွေ ရှာကြည့်ပြီး မကောင်းတဲ့အချက်လေးတွေကိုလည်း နားလည်ခွင့်လွှတ်ပေးဖို့လိုတယ်နော်။ မကောင်းတဲ့ အချက်ဆိုတာကိုယ် ကိုယ်တိုင်မှာတောင် ရှိနေတာပဲ။ ကိုယ့်ကိုယ်ကိုတောင် မပြုပြင်နိုင်တဲ့အချိန်မှာ ကိုယ်ချစ်တဲ့သူရဲ့မကောင်းတဲ့အချက်လေးတွေကို ဖြည့်တွေးပေးဖို့လိုမယ်ထင်တယ်။

Anonymous said...

ကောင်းလိုက်တဲ့ သာဓက လေးဗျာ
အိမ်ထောင်သည်တွေ ပိုဖတ်သင့်တယ်
အခုမှာ ဖြင့် အထက်မှာ ဖေါ်ပြပေးထားသလို
တစ်ယောက်အပြစ် တစ်ယောက်ဆိုရင်း
မာန်တင်းနေကြရင် ဘယ်သို့သာယာပါမလည်းဗျာ။

လင်မယားနှစ်ယောက်ရဲ့ ကွယ်နေတဲ့ ချစ်ခြင်းမေတ္တာတွေကို၊ အတွင်းစိတ်တွေကို ချူပြီးယူပြတဲ့နည်းကို သုံးထားတဲ့ ဒီနည်းလမ်းလေးက ချစ်စရာလေးပါလား ချောရေ..။

အိမ်း.. မှတ်လိုက်ကပီ...။
အိမ်ရောက်ရင် ချရေးထားရမယ်...။
ပြီးရင် ဖတ်ခိုင်းရမယ်...။ :)

ညီရဲ said...

တစ်ယောက်နဲ့ တစ်ယောက် အပြစ်ကို နားလည်ခွင့်လွှတ်ပေးနိုင်ရင် အရာရာဟာ ပြေလည်နေမှာပါ...

သက်ဝေ said...

ဒီပိုစ့်လေးကို သိပ်နှစ်သက်မိတယ်...
ဘယ်လို ဆက်ဆံရေးမျိုးမှာမဆို တယောက်ရဲ့ ကောင်းကွက်ကို တယောက်က ရှာဖွေ တွေ့ မြင်တတ်ဖို့ က သိပ်အရေးပါလှတယ်နော်

ကောင်းကွက်လေးတွေပဲ ရွေးမြင်တတ်နိင်ရင် ရန်ဖြစ်ရတာတွေ မရှိတော့မှာ အမှန်ပဲ။
တခြားသူကောင်းကွက်မြင်ပေးဖို့ မဖြစ်မနေ လုပ်ရမှာက ကိုယ့်ရဲ့ မာန်တွေ ချပေးဖို့လို့ တွေးမိပါတယ်။