ဥယျာဉ်တွင်းက စိတ်ဝင်စားဖွယ် လည်ပတ်စရာများ

ပြီးခဲ့တဲ့ ပိုစ့်ထဲက Zhangjiajie အမျိုးသား သစ်တောဥယျာဉ်အကြောင်းကို ဆက်ရေးပါဦးမယ်ရှင်။ ဥယျာဉ်ထဲမှာ သွားလာလည်ပတ်စရာ တစ်ခုအနေနဲ့ ပင်လယ်ရေမျက်နှာပြင်အထက် ၁၀၈၀ မီတာ (ပေ ၃၅၀၀ခန့်) အမြင့်မှာ တည်ရှိတဲ့ Huangshi လို့အမည်ရတဲ့ ရွာကလေးဟာ ရှုမျှော်ခင်းတွေကြည့်ရှုလို့ အကောင်းဆုံးနေရာဖြစ်တာကြောင့် ထင်ရှားထူးခြားတဲ့ နေရာတစ်ခု ဖြစ်ပါတယ်။ ၄င်းရွာကလေးဆီ တောင်တက်ဝါသနာပါသူများအတွက် လှေကားထစ်များနဲ့ တက်ရောက်နိုင်ပြီးတော့ အပင်ပန်း မခံနိုင်သူများအတွက်တော့ တောင်တစ်ခုနဲ့တစ်ခု ဖြတ်ကူးတဲ့ ကေဘယ်ကားများလည်း ရှိပါတယ်။ အဲဒီ Haungshi ရွာကလေးကနေ တောင်ဘက်ကို မျှော်ကြည့်လိုက်မယ်ဆိုရင် ကျောက်တိုင်ထွတ်များကို မျက်စိတစ်ဆုံး စီရီလှပစွာ တွေ့မြင်ရမှာဖြစ်ပြီး  ကျောက်တောင်များကြား အောက်ခြေမှာ ဖြစ်ပေါ်နေတဲ့ ရေအိုင်များ၊ အရှိန်ပြင်းပြင်း ဖြာကျနေတဲ့ ရေတံခွန်များစွာတို့လည်း ယျာဉ်တွင်းမှာ ရှိနေပါတယ်။ ရစ်ခွေစီးဆင်းနေတဲ့ စမ်းချောင်းများဟာ သလင်းကျောက်ပမာ ကြည်လင် စိမ်းစိုနေတာကို ကြည်နူးစဖွယ် တွေ့မြင်ကြရပါလိမ့်မယ်။ ရှုခင်းတွေကြည့်ဖို့ အကောင်းဆုံးနေရာတစ်ခုဖြစ်တဲ့ Hangshi ရွာကလေးကို မရောက်ခဲ့ဘူးဆိုရင် Zhangjiajie ကို ရောက်ခဲ့တယ်လို့တောင် မဆိုနိုင်ဘူးလို့ ဒေသခံတွေက ပြောကြပါတယ်။

Huangshizhai / Huangshi VillageHuangshizhai / Huangshi Village
တောင်ထိပ်ပေါ်က ရွာ
Image Hosted by PicturePush - Photo Sharing
ရစ်ခွေစီးဆင်းနေတဲ့ စမ်းချောင်း


Image Hosted by PicturePush - Photo Sharing
ပန်းချီဆန်တဲ့ ရေတံခွန်အလှ

Zhangjiajie China

Zhangjiajie 1
Tianzi Mountain
ရှုမျှော်ခင်းကြည့်ရန်နေရာ

Image Hosted by PicturePush - Photo Sharing


Image Hosted by PicturePush - Photo Sharing
ထင်းရှူးပင်နဲ့ Huangshi တောင်ရဲ့ အလှ

Wulingyuan Scenic Area: A View from Tianzi

Image Hosted by PicturePush - Photo Sharing

Image Hosted by PicturePush - Photo Sharing

တိမ်တွေကြားက Huangshi တောင်ရဲ့ အလှ


ZhangJiaJie ဒေသမှာ ဌာနေတိုင်းရင်းသားတို့ရဲ့ ရှေးယဉ်ကျေးမှုက စိတ်ဝင်စားဖို့ကောင်းသလို အံ့မခန်းလှပဆန်းကျယ်တဲ့ သဘာဝရှုခင်းများ၊ စိမ်းလဲ့ကြည်လင်နေတဲ့ မြစ်ပြင်၊ ရေကန် စသည်တို့ကလည်း ဘယ်နေရာကြည့်ကြည့် လှပတဲ့ ရှုခင်းတွေသာ ဖြစ်ပါတယ်။ ဥယျာဉ်တွင်းက ထင်ရှားတဲ့ ကြည့်ရှုလေ့လာဖွယ် နေရာများကတော့ Tianmen တောင်၊ Baofeng ရေကန်၊ Suoxiyu တောင်ကြား၊ ကျောက်စက်ပန်းဆွဲများနဲ့ လှပလွန်းတဲ့ Huanglong လှိုဏ်ဂူ တို့ဟာ အဓိက အထင်ကရနေရာများ ဖြစ်ကြပါပြီး ၄င်း ဥယျာဉ်အတွင်းမှာ လှည်ပတ်ကြည့်ရှုစရာ နေရာပေါင်း ၃၀၀ ကျော်ခန့်ရှိပါတယ်။ Tianmen တောင်ရဲ့ထူးခြားတဲ့အချက်များက တောင်အတက်ကားလမ်းဟာ ရှည်လျားပြီး အလွန်ကွေ့ကောက်စွာ ရှိပြီး ပင်လယ်ရေမျက်နှာပြင်အထက် ပေပေါင်း ၄၉၀၀ ခန့်မြင့်ပါတယ်။ Suoxiyu တောင်ကြားကနေပြီးတော့ Tianmem တောင်ပေါ်ကို တက်မယ်ဆိုရင် သဘာဝအတိုင်း ထူးခြားစွာဖြစ်ပေါ်နေသော အလွန်ကြီးမားတဲ့ ကျောက်တုံးဝကို ဖြတ်သန်းရမှာဖြစ်ပါတယ်။ လှေကားထစ်ပေါင်း ၉၉၉ထစ် တက်ရောက်ပြီး အပေါ်ရောက်တဲ့အခါ တံခါးဝကိုရောက်ပါပြီ။ ၄င်းကျောက်တုံးဝဟာ မုဒ်ဦးကြီးနဲ့တူတာမို့ ကောင်းကင်ဘုံရဲ့ တံခါးဝမုဒ်ဦးကြီးရယ်လို့ တင်စားခေါ်ဝေါ်ကြပါတယ်။