အန္တရာယ်တောင်ကြားထဲမှာ ၅ရက်ကြာ


၁၉၇၅ခု အောက်တိုဘာ ၂၇ ရက်နေ့မှာ မွေးဖွားတဲ့ အမေရိကန်တောင်တက်သမား Aron Lee Ralston ဟာ မလျှော့တဲ့ ဇွဲလုံ့လတို့ကြောင့် သေကံမရောက်ဘဲ အသက်ဘေးကနေ လွတ်မြောက်လာသူဖြစ်ပါတယ်။ သူဟာ ၂၀၀၃ခုနှစ် ဧပြီလထဲမှာ အမေရိကန်နိုင်ငံ Utah ပြည်နယ်မှာရှိတဲ့ Blue John ချောက်နက်ကြီးရဲ့ ကျဉ်းမြောင်းတဲ့နံရံကို တက်ရောက်နေခဲ့ပါတယ်။ အဲဒီလို တက်နေတုန်းမှာ မတော်တဆပြုတ်ကျလာတဲ့ ပေါင် ၈၀၀ခန့်အလေးချိန်ရှိ ကျောက်တုံးဟာ သူရဲ့ ညာဘက်လက်ကို ဖိမိပြီး ကျောက်နံရံနဲ့ ညှပ်နေခဲ့ပါတယ်။ လေးလံလှတဲ့ ပေါင်၈၀၀ ကျောက်တုံးကြီးရဲ့ အောက်က သူ့လက်ဟာ လုံးဝကိုလှုပ်လို့မရနိုင်အောင် ပိနေခဲ့သလို၊ ကျောက်တုံးကြီးဟာလည်း သူတစ်ဦးတည်းနဲ့လည်း ဘယ်လိုမှ မ ထုတ်လို့ နိုင်တဲ့ အရွယ်အစား မဟုတ်ခဲ့ပါဘူး။ သို့သော်လည်း သူ့လက်တွေကို ကျောက်တုံးကြီးအောက် လွတ်မြောက်ဖို့ အနာခံပြီး ရုန်းထွက်သော်လည်း ဘယ်လိုမှ မရနိုင်ခဲ့ပါဘူး။ 

Ralston ဟာ သူရဲ့ တောင်တက်ခရီးစဉ်ကို ဘယ်သူ့ကိုမှ အကြောင်းကြား၊ ပြောပြထားခြင်းမရှိဘဲ တစ်ဦးတည်း တိတ်တဆိတ် တက်ရောက်နေခဲ့တာ ဖြစ်ပါတယ်။ သူဘယ်ရောက်နေတယ်၊ ဘယ်နားမှာ တောင်တက်တယ်ဆိုတာကို ဘယ်သူကမှ မသိကြတဲ့အတွက်လည်း ကျောက်တုံးနဲ့ နံရံကြားမှာပိနေတဲ့ သူ့လက်ကြောင့် ထောင်ချောက်ထဲ မိသလိုဖြစ်နေတဲ့ သူ့ကို တစ်ယောက်ယောက်က လာရောက်ကယ်ဆယ်နိုင်ဖို့ အခွင့်အလမ်းဆိုတာလည်း အင်မတန်မှ နည်းပါတယ်။ မိုဘိုင်းဖုန်းတို့လို ဆက်သွယ်ရေးပစ္စည်းလည်း သူ့မှာ ပါမလာခဲ့ပါဘူး။ သူ့ရေဘူးထဲမှာ ပါလာသော ၃၅၀ မီလီမီတာခန့်သာရှိတဲ့ သောက်ရေဟာလည်း လျော့နည်းလို့ လာပါတယ်။ လွတ်မြောက်ဖို့ ကြိုးစားအားထုတ်ရင်း တစ်ဖက်ကလည်း ရေကိုခြွေတာပြီး နည်းနည်းချင်းစီသာ ငုံပြီး သောက်နေရပါတယ်။  နှစ်ရက်က သုံးရက်ကြာလာတဲ့အခါ သူ့ရဲ့အသက်ရှင်နိုင်ခွင့်ဟာ  မျှော်လင့်ချက် မဲ့လာတာကို သူ့ကိုယ်သူ သိလာပါတယ်။

လေးရက်မြောက်တဲ့နေ့မှာ သူ့ကိုယ်သူ ကယ်မဲ့သူမရှိ သေရတော့မယ်လို့သာ သတ်မှတ်ပြီး သိလာတဲ့အတွက် ဘယ်ဘက်လက်ဖြင့် ကျောက်တုံးကြီးပေါ်မှာ သူ့နာမည်၊ မွေးသက္ကရာဇ်တို့ကို ထွင်းထုခဲ့ပါတယ်။ သူသေမဲ့နေ့ကိုတောင် ခန့်မှန်းလို့ သူလက်လှမ်းမီရာ ချောက်ကြီးရဲ့ ကျောက်နံရံပေါ်မှာ ထွင်းထုထားပါပြီ။ သူ့ကျောပိုးအိတ်ထဲမှာပါလာတဲ့ အသံသွင်းစက်လေးနဲ့ သူ့မိသားစုဆီလည်း နှုတ်ဆက်စကားကို အသံသွင်းထားခဲ့ပါပြီ။ အဲဒီညဟာ အသက်ရှင်သန်နေတဲ့ သူ့အတွက် နောက်ဆုံးည ဖြစ်လိမ့်မယ်လို့ သူထင်ထားခဲ့ပါတယ်။ မျှော်လင့်ချက်လည်း မထားတော့ပါဘဲ မောပန်းနွမ်နယ် နုံးချိစွာနဲ့ အိပ်ပျော်သွားခဲ့ပါတယ်။

သို့သော်လည်း မနက် အာရုဏ်ဦးအလင်းရောင်ကို သူမြင်လိုက်ရချိန်မှာ မသေသေးတာကို သူ သိလိုက်ရပြန်ပါတယ်။ အဲဒီ ၅ရက်မြောက်နေ့မှာတော့ သောက်စရာရေလည်း ကုန်ပြီဖြစ်လို့ သူ့ရဲ့ ဆီးကို ပြန်သောက်နေရပါပြီ။ ကူကယ်သူမရှိ သေရတော့မဲ့အတူတူ နောက်ဆုံးခြေလှမ်းတစ်လှမ်းကို စတင်ဖို့ သူဆုံးဖြတ်ကာ ရုန်းထွက်လို့မရတော့တဲ့ ကျောက်တုံးအောက်က သူ့လက်ကို ဖြတ်တောက်ပစ်ဖို့ Ralston စဉ်းစားပါတော့တယ်။ သူ့လက်နဲ့ အရိုးကိုဖြစ်ပစ်ဖို့ သူ့မှာ ပစ္စည်းကိရိယာလည်း မစုံလင်ပါဘူး။ ပါလာတဲ့ ဓါးကလည်း နှစ်လက်မခန့် ရှည်တဲ့ အိတ်ဆောင် ဓါးကလေးတစ်ချောင်းရယ်။ ဒါနဲ့ Ralston ဟာ ကျောက်တုံးပိနေတဲ့ သူ့ညာဘက်လက်ကို အပြင်းအထန် ရုန်းထွက်ပါတယ်။  အရိုးတွေ ကျိုးကြေကုန်တဲ့အထိ အားစိုက်ရုန်းကန်ပြီးတဲ့ နောက်မှာတော့ လက်ကောက်ဝတ် အရင်းကနေစပြီး သူ့လက်ကို ဖြတ်တောက်ပစ်လိုက်ပါတယ်။ သူ့လက်ကို လုံးဝပြတ်သွားဖို့ ခပ်သေးသေးဓားနဲ့  ဖြတ်ရတာ တစ်နာရီခန့်ကြာပါတယ်။

လက်တစ်ဖက်ကို ဖြတ်ထုတ်လိုက်ပြီး ကျောက်တုံးအောက်က လွတ်မြောက်လာတဲ့ Ralston ဟာ နွေနေ့ခင်းရဲ့ ပူပြင်းလှတဲ့ အပူချိန်အောက်မှာ တောင်တက်ရပြန်ပါတော့တယ်။ ပေ ၆၀ခန့်မြင့်တဲ့ မတ်စောက်နေတဲ့ ကျာက်တောင်စောင်းကို လက်တစ်ဖက်တည်းနဲ့ ခက်ခက်ခဲခဲ ရအောင် ကုတ်ကပ်ပြီး ထွက်ရပါတယ်။ ဖြတ်ခံထားရတဲ့ လက်ရဲ့အရင်းကနေ သွေးတွေကလည်း ယိုစီးကျနေခဲ့ပါတယ်။ Ralston စိတ်ထဲမှာလည်း သွေးထွက်လွန်မှာကို စိုးရိမ်နေခဲ့ပါတယ်။ နောက်ဆုံးမှာတော့ တောင်တက်လာကြတဲ့ Eric နဲ့  Monique Meijer တို့ လင်မယားရယ် သူတို့ရဲ့သား Andy တို့နဲ့ တွေ့ပြီး သူ့ကို ရေနဲ့ အစာတစ်ချို့ သူ့ကိုပေးကြကာ တာဝန်ရှိသူတွေထံကို အမြန်ဆုံး သွားရောက် အကြောင်းကြားပေးခဲ့ကြပါတယ်။

သူ့လက်ဖြတ်ပစ်ပြီးနောက် ၆နာရီခန့်ကြာမြင့်ခဲ့တဲ့အချိန်မှာ ကယ်ဆယ်ရေးအဖွဲ့ရဲ့ ရဟတ်ယာဉ် ရောက်လာခဲ့ပါတယ်။  သူကျောက်တုံးပိတဲ့နေရာဟာ သူ့ကားထားတဲ့နေရာနဲ့ ၈မိုင်ခန့် ကွာဝေးပါတယ်။ ကျောက်တုံးအောက်မှာပိတ်မိပြီး အစာရေစာ ငတ်ပြတ်နေခဲ့တာကြောင့် သူဟာ ပေါင်၄၀ခန့် အလေးချိန်ကျသွားခဲ့ပြီး ဒဏ်ရာကြောင့်လည်း ခန္ဓာကိုယ်တွင်းကနေ သွေး ၂၅%ခန့် ဆုံးရှုံးသွားခဲ့သော်လည်း အင်မတန်မှ ကံကောင်းထောက်မစွာ အသက်ရှင်သန်ခွင့်ရခဲ့ပါတယ်။ သူဟာ ကျောက်တံုးအောက်က လွတ်မြောက်လာပြီးနောက် ဆေးရုံမှာ သူ့ရဲ့ဒဏ်ရာအတွက် တက်ရောက်ကုသခံခဲ့ရပါတယ်။

သူလွတ်မြောက်လာပြီး သိပ်မကြာခင်မှာ တာဝန်ရှိသူတွေရဲ့ စီစဉ်မှုနဲ့ Tom Brokaw ဦးဆောင်သော လူ၁၃ဦးပါတဲ့အဖွဲ့တစ်ဖွဲ့ဟာ သူ့လက်ကိုဖိထားခဲ့တဲ့ ကျောက်တုံးကြီးရှိရာ ချောက်ထဲကို သွားရောက်ကြပြီး ကျောက်တုံးကြီးကို ဟိုက်ဒြောလစ် စက်ကိရိယာများနဲ့ ဖယ်ထုတ်လိုက်တဲ့အခါမှာတော့ ကျောက်တုံးနဲ့ နံရံကြားမှာ ရှိနေဆဲဖြစ်တဲ့ သူ့လက်ကို တွေ့ကြရပါတယ်။ ကျိုးပဲ့ကြေမွနေတဲ့ သူ့လက်ကို မီးသဂြိုလ်ပြီးမှ အရိုးပြာကို သူ့ဆီ ပို့ပေးခဲ့ကြပါတယ်။ ဒဏ်ရာသက်သာလို့ ၆လခန့်အကြာမှာတော့ Tom Brokaw the Dateline NBC တို့နဲ့အတူ ကျောက်တုံးပိခံရတဲ့နေရာကို ပြန်သွားကြပါတယ်။ ဒီတစ်ခါ သွားရောက်ရတဲ့ အကြောင်းအချက်က ၂ချက်ရှိပါတယ်။ ပထမတစ်ချက်က the Dateline NBC က သူ့ရဲ့ အဖြစ်အပျက်ကို အထူးမှတ်တမ်း ရိုက်ကူးလိုတဲ့အတွက် ဖြစ်ပါတယ်။ နောက်တစ်ချက်ကတော့ သူ့ညာဘက်လက် ဆုံးရှုံးခဲ့ရာ နေရာမှာ သူ့ညာလက်ရဲ့ အရိုးပြာတွေကို ကြဲဖြန့်လိုတဲ့အတွက် သူ့လက်ရဲ့ အရိုးပြာကိုပါ ယူဆောင်လို့ သွားခဲ့ပါတယ်။ အဲဒီနေရာဟာ သူ့လက်ရဲ့ မူလနေရာလို့ Ralston  ကပြောကာ သူ့ရဲ့ ပြာအိုးထဲက ပြာတွေကို ကြဲဖြန့်ပါတော့တယ်။ 

မကြာခင်မှာတော့ Ralston ရဲ့ အဖြစ်အပျက်ကို 127 Hours အမည်နဲ့ မင်းသား James Franco က သရုပ်ဆောင်ပြီး ရုပ်ရှင်ရိုက်ကူးခဲ့ကြပါတယ်။ Ralston ဟာ မထင်မှတ်ဘဲ လက်ကောက်ဝတ်ကနေ ဖြတ်လိုက်ရတဲ့  အဖြစ်အပျက်ဟာ သူနှစ်သက်လွန်းတဲ့ တောင်တက်ခြင်းကို ဘယ်လိုမှ တားဆီးနိုင်ခြင်းမရှိဘဲ သူဝါသနာအတိုင်း လက်ကောက်ဝတ်မရှိပေမဲ့  တောင်တက်ခြင်းကို ဆက်လက် လုပ်ဆောင်နေခဲ့ပါတယ်။ သေဘေးကနေ လွတ်မြောက်လာရတဲ့ ပျော်ရွှင်မှုဟာ ဘယ်အရာနဲ့မှ မတူအောင် ချိုမြိန်လှပါတယ်လို့လည်း သူကဆိုပါတယ်။



Image Hosted by PicturePush - Photo Sharing
လက်ကောက်ဝတ်ကနေ ဖြတ်လိုက်ရတဲ့Aron Lee Ralston ရဲ့လက်

9 aron ralston


Image Hosted by PicturePush - Photo Sharing
အသက်ဘေးက လွတ်လာပြီးနောက် တောင်ဆက်ဖို့ လက်ကိုကိရိယာတတ်ဆင်ထားတဲ့ Aron Lee Ralston

Image Hosted by PicturePush - Photo Sharing

Image Hosted by PicturePush - Photo Sharing

Blue john ချောက်နက်ကြားတစ်နေရာ

http://www.ditto.tv/blog/wp-content/uploads/2010/11/james-franco-as-aron-ralston-in-127-hours.jpg
Aron Lee Ralston အဖြစ် သရုပ်ဆောင်တဲ့ ရုပ်ရှင်မင်းသား James Franco (ကျောက်တုံးက ခုလိုအနေအထားနဲ့ လက်ကိုညှပ်မိနေတာဖြစ်ပါတယ်)

Image Hosted by PicturePush - Photo Sharing

ကာယကံရှင် Aron Lee Ralston နဲ့ ရုပ်ရှင်အဖြစ် သရုပ်ဆောင်သူ မင်းသား James Franco
 
အသက်ဘေးနဲ့ ကြုံခဲ့တာတောင် လွယ်လွယ်နဲ့ လက်မလျော့ဘဲ ကြိုးစားရုန်းထွက်ခဲ့သူ Ralston ရဲ့ အဖြစ်အပျက်က စိတ်ဓာတ်ခိုင်မာပြီး လွယ်လွယ်နဲ့ ဇွဲမလျော့ရင် ဘယ်အခက်အခဲမဆို ကျော်လွှားနိုင်တယ်လို့ ညွှန်ပြနေတဲ့ သက်သေတစ်ခုဘဲ ဖြစ်ပါတာ့တယ်ရှင်။

 
Image Hosted by PicturePush - Photo Sharing


Ref: http://en.wikipedia.org/wiki/Aron_Ralston  and photos from google