ပျော်ရွှင်ခြင်းများနဲ့ မနက်ဖြန်



သပ်သပ်ရပ်ရပ် ဝတ်စားထားတဲ့ အသက်၉၂နှစ်အရွယ် အဖိုးအိုတစ်ယောက်ဟာ ဒီနေ့ သက်ကြီး ရွယ်အို စောင့်ရှောက်ရေး ဂေဟာတစ်ခုကို ပြောင်းလာပါတယ်။ သူဟာ နေစရာ မရှိလို့ ဒီဂေဟာ ကို ပြောင်းရွေ့လာတာ မဟုတ်ပါဘူး။ သူ့မှာ ကောင်းမွန်တဲ့ အိမ်တစ်လုံးလည်း ရှိပါတယ်။ အဖိုးအိုဟာ သူနဲ့ နှစ်ပေါင်းများစွာ အေးအတူ ပူအမျှ အတူတူ နေထိုင် အသက် ၇၀ကျော်အရွယ် သူ့ဇနီးဆုံးပါးသွားတာနဲ့ သူပိုင်ဆိုင်တဲ့ ပစ္စည်းတွေနဲ့ အိမ်ကို မိဘမဲ့ ကလေးတွေအတွက် လှူဒါန်းလိုက် ပါတယ်။ သူကိုယ်တိုင်ကတော့ သက်ကြီးရွယ်အို စောင့်ရှောက်ရေး ဂေဟာမှာ သူမသေခင် အချိန် အတွင်းမှာ နေထိုင်ဖို့ ပြောင်းရွေ့လာတာ ဖြစ်ပါတယ်။ သူမသေခင်လေး သူပိုင်ဆိုင်သမျှတွေကို လိုအပ်တဲ့ သူတွေဆီ လှူဒါန်းခဲ့ချင်တယ်လေ။

ဂေဟာကို ရောက်ရှိပြီးတဲ့နောက် သူနေထိုင်ရမဲ့ အခန်းကို လိုက်ပြပေးမဲ့ သူကို ဂေဟာရဲ့ ဧည့်ခန်းမှာ ထိုင်စောင့်နေခဲ့ပါတယ်။ အဲဒီအချိန်မှာ အဖိုးအိုကို လိုက်ပြဖို့ တာဝန်ကျတာက ကျွန်တော်ပါ။ ကျွန်တော်က  သူ့အနီးကို သွားလိုက်ပြီး အဖိုးရဲ့အခန်း အဆင်သင့် ဖြစ်ပြီဖြစ်ကြောင်းနဲ့ အခန်းရှိရာကို ကျွန်တော် လိုက်ပို့မဲ့အကြောင်း အဖိုးအိုကို ပြောပြလိုက်တော့ အဖိုးအိုက ပြုံးရွှင်တဲ့ မျက်နှာနဲ့ ကျွန်တာ် ညွှန်ပြတဲ့ လမ်းအတိုင်း လိုက်လာဖို့ သူ့ရဲ့ တောင်ဝှေးကို အသုံးပြုပြီး ဓာတ်လှေကား ရှိရာကို ဖြေးဖြေး မှန် မှန် လျှောက်လာ ပါတယ်။ ခပ်ဖြေးဖြေး တုန်ချိချိ လျှောက်နေတဲ့ အဖိုးအိုကို စောင့်ရင်း ကျွန်တော်လည်း ခြေ လှမ်းကို ဖြေးဖြေးသာ လှမ်းနေမိပါတယ်။ အဖိုးကို တွဲမယ်လို့ ကျွန်တော်က လုပ်တော့ အဖိုးအိုက လက်မခံပါဘူး။ သူ့ဖာသာ လျှောက်နိုင်ပါတယ်လို့ ကျွန်တော့်ကို ပြုံးပြီး ပြန်ပြောပါတယ်။

ဓာတ်လှေကားထဲ ရောက်ချိန်မှာ ကျွန်တော် အဖိုးအို နေရမဲ့ အခန်းအကြောင်းကို ပြောပြပါတယ်။ အခန်းလေးက ခပ်ကျဉ်းကျဉ်းလေးဖြစ်ပြီး နေရောင်ရတဲ့ နွေးနွေးထွေးထွေး အခန်းဖြစ်ကြောင်း၊ အခန်းရဲ့ ပြတင်းပေါက်သေးသေးလေးမှာ ခန်းစီးလေးတစ်ခုလည်း လုပ်ပေးထားကြောင်း အဖိုးအိုကို ကျွန်တော် ပြောပြတော့ အဖိုးအိုက “ ဟုတ်လား.. အခန်းလေးကို အဖိုးသဘောကျပါတယ်။ အဲဒီလိုအခန်းလေးကို ရမယ်လို့လည်း အဖိုးက မျှော်လင့်ထားတာပါ ” လို့ လူငယ်လေးတစ်ယောက် လိုချင်တာရလိုက်တဲ့ တက်ကြွမှုမျိုးနဲ့ ကျွန်တော့်ကို ပြန်ပြောပါတယ်။ “ အဖိုးမှ အခန်းကို မမြင်ရသေးဘဲ။ အခန်းက ခပ်ကျဉ်းကျဉ်းလေးပါ။ ပရိဘောဂတွေလည်း သိပ်မရှိပါဘူး။ အခန်းကိုကြည့်ပြီးမှ အဖိုး သဘောကျ မကျ ဆုံးဖြတ်ပါ။ သဘောမကျရင် အခြားအခန်းတစ်ခု စီစဉ်ပေးလို့ရပါတယ် ” လို့ ကျွန်တော်က ပြန်ပြောလိုက်ပါတယ်။

ကျွန်တော့ စကားဆုံးတော့ အဖိုးအိုက ပြုံးလိုက်ပြန်ရင်း ကျွန်တော့်ကို မော့ကြည့်လိုက်ပါတယ်။ ပြီးတော့ “ ဘယ်အခန်းကိုဘဲ ရရ အဖိုးအတွက်က အတူတူပါဘဲကွယ်။ ကျန်ရှိနေတဲ့ သက်တမ်း တစ်လျှောက် လုံး ပျော်ပျော် ရွှင်ရွှင် နေထိုင်သွားဖို့ အဖိုးက ဆုံးဖြတ်ပြီးသားပါ။ ပျော်ရွှင်မှုဆိုတာ အခန်းထဲက ပရိဘောဂတွေ ပစ္စည်းကောင်းတွေနဲ့ မသက်ဆိုင်ပါဘူးကွယ်။ ကိုယ့်ရဲ့ စိတ်နဲ့သာ သက်ဆိုင်ပါတယ်။ ဘယ်နေရာမှာဘဲ နေရ နေရ၊ ပျော်ပျော်ရွှင်ရွှင်သာ နေသွားမယ်လို့ ဆုံးဖြတ်ပြီးပြီဖြစ်လို့ အဖိုးအတွက် ဘယ်လိုနေရာဖြစ်ဖြစ် ပျော်ပျော် နေနိုင်မှာပါ။  အဖိုးမှာ ဒီအသက်အရွယ်အထိ အသက် ရှင်သန်ခွင့် ရထားပြီးပြီဘဲ.. ကိုယ့်ကိုယ်ကို စိတ်ညစ်နွမ်းစေမဲ့ အတွေးတွေ မတွေးတော့ဘဲ ပျော်ပျော်ရွှင်ရွှင်နေနိုင်မဲ့ အကြောင်း အရာတွေကိုဘဲ တွေးတော့မှာပေါ့။ ” လို့ ပြန်ပြောပါတယ်။

“ဒီလိုဆို အဖိုးလို စိတ်ကို ပျော်ပျော်ရွှင်ရွှင် ထားနိုင်ဖို့ဆိုတာ မလွယ်ဘူးထင်တယ်နော်” ကျွန်တော်က မေးတော့  “ လွယ်ပါတယ် ငါ့မြေးရယ်။ ကိုယ်နေထိုင်တဲ့ ကိုယ်ရောက်နေတဲ့ အနေအထား၊ ပတ်ဝန်းကျင်၊ နေရာထိုင်ခင်း စတာတွေမှာ ကိုယ့်ရဲ့ ပျော်ရွှင်ခြင်းကို မရှာပါနဲ့။ ကိုယ့်ရဲ့ အတွင်းစိတ်ထဲ မှာဘဲ ပျော်ပျော် ရွှင်ရွှင်နေမယ် လို့ ခံယူပြီး နေတတ်ရင် ဘယ်နေရာရောက်ရောက် ဘယ်လို အခက်အခဲ ကြုံကြုံ ပျော်ပျော်ရွှင်ရွှင် နေနိုင်ပါတယ် ငါ့မြေးရယ်။  ကုန်လွန်ခဲ့ပြီးတဲ့ အချိန်တွေအတွက် ဘာမှလုပ်လို့ မရတော့ပေမဲ့ ရှေ့ဆက် ဖြတ်သန်းရမဲ့ နေ့ရက်တွေအတွက်တော့ အဖိုးတို့ ကိုယ်တိုင် ပြုပြင် ဖန်တီးလို့ ရတယ်လေ။ မနက်ဖန်တိုင်းကို ပျော်ပျော်ရွှင်ရွှင် နေမယ်လို့ ဆုံးဖြတ်ပြီးရင် ဒီနေ့က စပြီး ပျော်ပျော်နေဖို့ ကြိုးစားလို့ရပါတယ်။ အသက်ရှင်သန်ခွင့် ရနေတဲ့ နေ့ရက်တိုင်းဟာ ကိုယ်ရရှိထားတဲ့ တန်ဖိုးရှိတဲ့ ရက်တွေဘဲလို့ တွေးပြီး မနက် အိပ်ရာထလို့ မျက်လုံးဖွင့်လာတာနဲ့ ငါဒီနေ့ ဘယ်လို ပျော်ပျော်ရွှင်ရွှင်နေမလဲ လို့တွေးပြီး နေ့တစ်နေ့ကို စတင်ဖို့ကြိုးစားပါ။ ” လို့ အေးချမ်းတဲ့ အပြုံးလေး နဲ့ ပြန်ဖြေပါတယ်။ 

စိတ်ကို ပျော်ပျော် ရွှင်ရွှင် ထားတတ်သူ တစ်ယောက်မို့လို့လား မသိပါဘူး။ အဖိုးအိုရဲ့ မျက်နှာမှာ ဘာ ပူပင်သောကမှ ရှိမနေဘဲ အေးချမ်း ကြည်လင်လို့ နေပါတယ်။ အဖိုးအိုဟာ မသေခင်ကတည်းက သူ့ရဲ့ ပိုင်ဆိုင်မှုတွေ အားလုံးကို စွန့်လွှတ်ပြီး ဒီ ဂေဟာမှာ လာနေတယ် ဆိုကတည်းက သူ့စိတ်တွေမှာ လိုချင်တပ်မက်မှု ကင်းနေပြီး ဘယ်လို အနေအထားမှာဘဲဖြစ်ဖြစ် ပျော်ပျော်ရွှင်ရွှင် နေနိုင်မယ်ဆိုတာ သံသယရှိစရာ မလိုတော့ပါဘူး။ ကျွန်တော်လည်း အဖိုးအိုလို မနက်ဖြန်တိုင်းကို ပျော်ပျော် ရွှင်ရွှင်နဲ့ ဖြတ်သန်းနိုင်ဖို့ ဒီနေ့ကစပြီး မိမိရဲ့ အတွင်းစိတ်ထဲမှာ ပျော်ရွှင်ခြင်းကို မွေးမြူနိုင်ဖို့ ကြိုးစား ရပါဦးမယ်။



Every day is a gift ( Author Unknown) ကို ဘာသာပြန်ပါသည်။ 

 


ကျွန်မတို့လည်း ပျော်ရွှင်ခြင်းကို ဝေးဝေးမှာ မရှာဘဲ မိမိရဲ့ အတွင်းစိတ်ထဲမှာ ရှာဖွေကြည့်ကြပါစို့လားနော်။


Image Hosted by PicturePush - Photo Sharing

21 Responses to “ပျော်ရွှင်ခြင်းများနဲ့ မနက်ဖြန်”

အဘိုးအိုပြောတာ မှန်လိုက်တာ။
ဘယ်နေရာရောက်ရောက် မကျေနပ်နိုင်တဲ့ ကိုယ့်ကို ပညာပေးနေသလိုပဲ။

ဟန်ကြည် said...

ပေးသွားတဲ့ မက်ဆေ့ဂ်ျလေး သဘောကျတယ်ဒေါ်ချောရေ...ဟုတ်ပါ့ ပျော်ရွှင်မှုနဲ့ ငြိမ်းချမ်းမှုဆိုတာ နှလုံးသားရဲ့ အလုပ်ပေပဲ...အတွင်းစိတ်ထဲမှာပဲ ပျော်ရွှင်မှုကို ရှာရမှာပေါ့...

အသိခေါက်ခက် အ၀င်နက်လို့ပဲ ကိုယ့်ကိုယ်ကို ပြောရတော့မယ် ထင်ပါရဲ့...တကယ်တန်းကျတော့ ကိုယ့်ပျော်ရွှင်မှုကို ပတ်ဝန်းကျင်ကြောင့် ညစ်နွမ်းစေတဲ့ အကြိမ်တွေက အခုထက်ထိ ရှိနေတုန်းပဲ ဒေါ်ချောရေ...

မချောရေ..သိရဲ့သားနဲ့ မလိုက်နာ တဲ့ လူမိုက်စာရင်းထဲ က ကျွန်တော် ကို တိုက်ရိုက်ဆုံးမ လိုက်သလိုပါပဲ.. ပုိ့စ် လေး အတွက် ကျေးဇူးတင်ပါတယ်. မချော လဲ နေ့စဉ် ပျော်ရွှင် နိုင်ပါစေ...

Nyi Linn Thit said...

မှန်လိုက်တာ..၊ အတွင်းထဲက လာတဲ့ ပျော်ရွှင်မှုကသာ ပျော်ရွှင်ခြင်း အစစ်အမှန်ပါပဲ..၊ ဒီလို ပို့စ်လေးတွေ ဖတ်ရတာ ကိုယ့်ကိုယ်ကို ပြန်သတိပေးခွင့်ရလို့ အကျိုး ရှိလှပါတယ်၊ ကျေးဇူး မချောရေ...။

မချောရေးပြထားတာလေးတွေကိုသဘောကျနေမိတယ်
အသိတရားတွေလဲပေးလိုက်တာအများကြီးပါပဲ
ကိုယ့်ကိုကိုယ်လဲစမ်းစစ်မိပါရဲ့ဗျာ

အဘိုးရဲ့ သတ္တိနဲ့ စကားတွေက မှတ်သားစရာ အတုယူစရာကောင်းလိုက်တယ်။ ပို့စ်ကောင်းလေးအတွက် ကျေးဇူးမချော ...

နေ့စဉ်နဲ့ အမျှ မပျော်ဘူးလို့ အကြိမ်ပေါင်းများစွာ ညည်းတွားနေမိတယ် မမရယ်....:( အသိတရား ဝင်လာစေတဲ့ ပို့စ်လေးအတွက် ကျေးဇူးပါမမ..။

ကိုကိုမောင်(ပန်းရနံ့) said...

အဘိုးအိုလို စိတ်မျိုးထားတတ်ဖို့ အတော်လေး ကြိုးစားရဦးမယ်။ အပြောလွယ်သလောက် အကျင့်ခက်လှပေါ့။ ပြောတာကြားဖူးတယ်။ ဘာမှ မလိုချင်တော့ရင် အဲဒါ ချမ်းသာ အစစ်ဘဲတဲ့။

ကျွန်မတို့လည်း ပျော်ရွှင်ခြင်းကို ဝေးဝေးမှာ မရှာဘဲ မိမိရဲ့ အတွင်းစိတ်ထဲမှာ ရှာဖွေကြည့်ကြပါစို့လားနော်။-----
သိသလိုလိုနဲ့မသိခဲ့ဘူး
ဟုတ်တယ်မချောရေ

ညီရဲ said...

ဘယ်လို ပျော်ပျော်ရွှင်ရွှင် နေရမယ်ဆိုတာကို ခုတော့ သိသွားပြီ...

AH said...

မအားတာနဲ့ မရောက်တာတောင် တော်တော်ကြာသွားပြီ မချောရေ... ပိုစ့်လေးက အရမ်းကောင်းတယ်ဗျာ၊ ဟုတ်ပ ပျော်ရွှင်ချင်းဆိုတာရ ရင်ထဲမှာ ရှိတာပါ။ ပတ်ဝန်းကျင်က ပတ်ဝန်းကျင်ပါ။ သဟဇာတဖြစ်အောင်က ကိုယ် ကိုယ်တိုင် လိုက်လျှောညီထွေရှိအောင် နေမှ ရမှာကိုး.....

ပျော်ရွှင်မှုဆိုတာ နှလုံးသားနဲ့ အတွင်းစိတ်မှာပဲ ရှိတယ်တဲ့.. ကိုယ်တွေကျတော့လည်း လိုချင် တပ်မက်မှုတွေနဲ့ နှလုံးသားရော အတွင်းစိတ်ပါ ပူပြင်းလောင်မြိုက်နေလိုက်တာများ နေဆယ်စင်းလောက်နဲ့လောင်တိုက်သွင်းထားလားမှတ်ရ.. စာလေးဖတ်ပြီး မှတ်သားသွားပါတယ် မမချောရေ..။။

san htun said...

ကောင်းလိုက်တဲ့ ပို့ စ်လေး..အဘိုးအိုလိုမျိုး ပျော်ပျော်ရွှင်ရွှင် နေတတ်အောင် ကြိုးစားရမယ်..သိုင်းကျူး မချော

သတိုး said...

လွှတ်ချလိုက်တော့မယ်။
အဲလို စဉ်းစားရင်း လွတ်ကျသွားလို့ နှမျောကြေကွဲ..။
ဒီစာစုလေးကို ဖတ်ဖြစ်ခဲ့ရင်တော့ ကြေကွဲ သံသရာထဲက (ခဏပဲ ဖြစ်ဖြစ်) ရုန်းထွက်ဖြစ်နိုင်ကောင်းပါတယ်နော်။
ကိုယ့်စိတ်ကိုယ်စစ်၊ ပြောင်းလဲပြုပြင်နိုင်ဖို့ ဒီပို့စ်လေး တင်ပေးတဲ့ အတွက် ကျေးဇူးပါ မချော ရေ..။
ခင်မင်သော.. သတိုး

သဘောကျမိပါတယ် မချောခင်ဗျား။ တစ်ခါတစ်ခါစာတစ်ပုဒ်က ပေးလိုက်တဲ့မက်ဆေ့ဂ်ျတစ်ခုဟာလူတစ်ယောက်ရဲ့ခံစားမှုကိုပြောင်းလဲသွားနိုင်သလို ဘ၀တစ်ခုကိုလည်း ပြောင်းသွားစေနိုင်တယ်လို့ကျွန်တော်ထင်မိပါတယ်။ ဒါဟာစာရေးသူပေးတဲ့အပေါ်မှာအများကြီးမူတည်ပါတယ်။ အခုတင်ထားတဲ့ပို့စ်ဟာလူများစွာအတွက်အကျိုးအများကြီးဖြစ်လာမယ်လို့ကျွန်တော်ယုံကြည်မိပါတယ်။ များများရေးနိုင်ပါစေ ခင်ဗျာ။

PhyoPhyo said...

ဒီလိုဆိုတော့လည်း ပျော်ရွှင်စရာဝေးဝေးမှာ ရှာစရာမလိုဘူးပေါ့။
တန်ဘိုးရှိတဲ့ ပိုစ့်လေးအတွက် mwaaaaaaa

စိတ်...စိတ် ပါကွယ်း) တန်ဖိုးအရှိဆုံး မက်ဆေ့ခ်ျလေးပါ မ..။ ဘာသာပြန်ထားတာလည်း ချောမွေ့လို့။ ကျေးဇူးအများကြီးတင်ပါတယ် ချစ်မရေ။

အင်း....... အစ်မချောရေ... အဲ့ဒီလို ပျော်နေချင်ပါ သော်လည်း။ ဟူး။ ညစ်တတ်တဲ့သူက ကြံဖန်ကို ညစ်တတ်တာဗျ။ တစ်ခုခုတော့ ကျန်သွားပါတယ်။ ကျေးကျေးပါ။

မချောရေ တောင်တွေသိပ်ချစ်တာမို့လာကြည့်သွားပါတယ်။ ဆံပင်ပုံသစ်ကလေးနဲ့သိပ်လိုက်တာပဲ။ အရမ်းလှတယ် :))

ဟုတ်တယ်...
စစ်မှန်တဲ့ ပျော်ရွှင်မှုဆိုတာ
ကိုယ့်ဆီမှာပဲရှိတယ်..။ ပျော်ရွှင်အောင်နေတတ်ဖို့ ကိုယ်တိုင် အားထုတ်ရမယ်။ သူတပါးကိုလည်း ပျော်ရွှင်မှုတွေ မျှဝေသင့်တယ်။
ပျော်ပျော်နေ သေခဲ..တဲ့ ချောရေ...။ အသက်၉၂နှစ်အထိ အသက်ရှည်တဲ့ ဒီအဘိုးရဲ့ ဆေးနည်းကောင်းလေးက ငွေနဲ့ပေးဝယ်လို့ မရတဲ့ တန်ဘိုးရှိတဲ့ ဆေးနည်းကောင်းလေးပါဘဲ..။

Anonymous said...

အရမ်းကိုတန်ဖိုးစီတဲ့ Messageလေးပါ မမရေ