ချဉ်ချဉ်စပ်စပ် ဆန်တိုဖူး

ဒီတစ်ပတ် အားလပ်ရက်မှာ လုပ်စားဖို့ ကျွန်မတို့ ကချင်ပြည်နယ်မှာ စားတတ်ကြတဲ့ ဆန်တိုဖူးလုပ်နည်းလေးကို မျှဝေချင်ပါတယ်ရှင်။ ဆန်နဲ့လုပ်ထားတဲ့ တိုဖူးဟာ ကချင်ပြည်နယ်နဲ့ ရှမ်းပြည်နယ်က လူတွေ နှစ်သက်စွာ စားသုံးကြတဲ့ အစားအစာဖြစ်ပေမဲ့ အခြား ပြည်နယ်တွေမှာ မတွေ့ရသလောက်ပါဘဲ။ ဆန်တိုဖူးကို ကချင်ပြည်နယ်ကလူတွေတော့ သိပြီးသားဖြစ်မှာပါနော်။  ပြီးခဲ့တဲ့ တစ်ပတ်က လုပ်စားဖြစ်တဲ့အတွက် အဲဒီ ဆန်တိုဖူးလုပ်နည်းကို အားလုံးလည်း သိအောင် ပြောပြချင်ပါတယ်။ ဆန်တိုဖူးလုပ်နည်းဟာ မုန့်လက်ဆောင်းလုပ်နည်းနဲ့ အတူတူဘဲဖြစ်တာမို့ မုန့်လက်ဆောင်းလုပ်စားစဉ်က လုပ်နည်းကို ပြန်ကူးယူပြီး ဖော်ပြမယ်နော်။

ဆန်တိုဖူး လုပ်ဖို့အတွက် အရေးအကြီးဆုံးအချက်က လုပ်မဲ့ဆန်ဟာ ဆန်မာ ဖြစ်ဖို့လိုပါတယ်။ ဆန်ပျော့ဖြစ်ရင် ဘယ်လိုနည်းနဲ့မှ ဆန်တိုဖူးလုပ်လို့ မရပါဘူး။ မနော်ဟရီလို ဆန်အမာစားမျိုးမှ လုပ်လို့ရတယ်လို့ သိရပါတယ်။ မြန်မာပြည်မှာ ရှိရင်တော့ ဆန်ကို အမှုန့်ကြိတ်စက်ကို ပို့ပြီး ကြိတ်ခိုင်းလို့ ရပေမဲ့ ပြည်ပက လူတွေအတွက်တော့ အမှုန့်ကြိတ်ဖို့ ခက်မယ် ထင်ပါတယ်။ ဒီအတွက် မိမိအိမ်မှာရှိတဲ့ Blender လေးနဲ့ဘဲ အဆင်ပြေအောင် လုပ်နိုင်ပါတယ်။ အဓိကက ဆန်မာရနိုင်အောင် ရှာရမှာဖြစ်ပါတယ်။



Image Hosted by PicturePush - Photo Sharing


ပထမဦးဆုံး မုန့်လက်ဆောင်းဖတ် လုပ်မဲ့ဆန်မာကို ရေစိမ်ထားပါတယ်။ မနက်လုပ်မယ်ဆိုရင် ညကတည်းက စိမ်ထားပြီး မနက်ကျ ဆန်ကို ရေစစ်ထားပါတယ်။ ရေစစ်လို့ ခြောက်ပြီဆိုရင် ဆန်ကို Blender ထဲ နည်းနည်းစီထည့်ပြီး ကြိတ်နိုင်ပါပြီ။ ဆန်ချည်းသက်သက် မကြိတ်ဘဲ ရေနည်းနည်းစီ ရောထည့်ပြီးလည်း ကြိတ်နိုင်ပါတယ်။ ဆန်မှုန့်တွေ ရလာရင် အိုးတစ်လုံးထဲမှာ အရည်ဖျော်ပါတယ်။

Image Hosted by PicturePush - Photo Sharing

ကြိတ်ပြီးဆန်မှုန့်များ 


Image Hosted by PicturePush - Photo Sharing
အရည်ဖျော်ထားသည့်ဆန်မှုန့်

Image Hosted by PicturePush - Photo Sharing

ဆန်မှုန့်ဖျော်ထားတာကို ပိတ်ပါးစ၊ ရေစစ်တစ်ခုခုဖြင့် စစ်ပါတယ်.. ရေစစ်ပေါ်တင်ကျန်နေတဲ့ အဖတ်တွေကို Blender ထဲပြန်ထည့်ပြီး ပြန်ကြိတ်ပါမယ်။
 
Image Hosted by PicturePush - Photo Sharing


ဆန်မှုန့်ကို ရေနဲ့ ဖျော်ပြီးနောက် မီးဖိုပေါ်တင်ပြီး ကျိုပေးပါမယ်။ ဆန်မှုန့်နှစ်ရည်ကို ဆန်တိုဖူးဖြစ်အောင် ခဲသွားဖို့အတွက် ထုံးကိုမဖြစ်မနေ ထည့်ဖို့လိုအပ်ပါတယ် မဟုတ်ရင်  ခဲမှာ မဟုတ်လို့ပါ။ ထုံး လက်တစ်ဆစ်လောက်ကို ရေစိမ်ထားပြီး ဆန်မှုန့်ကျိုတဲ့အခါ တစ်ခါတည်း ထည့်လိုက်ပါတယ်။ မီးဖိုပေါ် တင်ထားတုန်းမှာလည်း အောက်မှာ အနည်ထိုင်ပြီး ခဲမသွားအောင် အဆက်မပြတ် မွှေပေးရပါမယ်။ 


Image Hosted by PicturePush - Photo Sharing


ရေခမ်းစပြုလာရင် မီးနည်းနည်းနဲ့ပျစ်လာအောင် ဆက်တိုက်မွှေပေးရပါမယ်

Image Hosted by PicturePush - Photo Sharing

ရေခမ်းသွားပြီး စေးပျစ်နေတဲ့ အနှစ်များရပါပြီ။
Image Hosted by PicturePush - Photo Sharing

ပျစ်နေတဲ့ ဆန်နှစ်ကို ပန်းကန်ပြား(သို့) လင်ဗန်းတစ်ခုခုထဲထည့်ပြီး အအေးခံထားလိုက်ပါတယ်

Image Hosted by PicturePush - Photo Sharing


အချိန် အနည်းငယ်ကြာရင် ကျောက်ကျောကဲ့သို့ ခဲသွားတဲ့ ဆန်တိုဖူးကို ရပါပြီ။ ဒီဆန်တိုဖူးကို လုပ်စားရမဲ့ အဆာပလာတွေကို အောက်မှာ ဖော်ပြပါမယ်ရှင်..

Image Hosted by PicturePush - Photo Sharing


လိုအပ်တဲ့ အဆာပလာတွေက ကြက်သွန်ဖြူ ဆီချက်၊ ငရုပ်သီးမှုန့်ကြော်၊ ဆီတိုဖူးကို ဆီသတ်ပြီး အရည်လေးနဲ့ ချက်ထားပါတယ်။ ကြက်သွန်ဖြူကို ဓားနဲ့ ရိုက်ပြား၊ တောက်တောက်စင်း၊ နံနံပင်ကို စင်းပြီး ၄င်း ကြက်သွန်ဖြူနဲ့ နံနံပင်ကို ရေနဲ့ ဖျော်ထားပါတယ်။ နောက်ထပ် လိုအပ်တာကတော့ အချဉ်ရည်ဖြစ်ပါတယ်။ ကျွန်မတို့ ကချင်ပြည်နယ်မှာတော့ အချဉ်ရည်ကို မက်လင်သီး (သို့) ချဉ်စော်ခါးသီးအခြောက် ၊ မျှစ်တို့ခြောက် ( မျှစ်အချဉ်ခြောက် ) တို့နဲ့ ပြုလုပ်တတ်ကြပြီး အဲဒါတွေ မရှိရင်တော့ ရှာလကာရည်ကို သုံးနိုင်ပါတယ်။




Image Hosted by PicturePush - Photo Sharing
ခဲနေတဲ့ ဆန်တိုဖူးကို လက်သန်းအရွယ် အချောင်းရှည်လေးတွေ လှီးဖြတ်ပါတယ်။

Image Hosted by PicturePush - Photo Sharing

တစ်ပွဲစာ ပြင်ဆင်ထားတဲ့ ဆန်တိုဖူး

Image Hosted by PicturePush - Photo Sharing
အဆာပလာတွေအားလုံး အဆင်သင့်ပြင်ထားပါပြီ

Image Hosted by PicturePush - Photo Sharing
ဆန်တိုဖူးထဲကို ဆား၊ အရသာမှုန့်၊ ဆီတိုဖူးအရည်၊ ကြက်သွန်ဖြူ နံနံပင်အရည်၊ ဆီချက်၊ ချဉ်ချဉ်စပ်စပ်ကြိုက်ရင် ငရုပ်သီးများများ၊ အချဉ်ရည်များများ ထည့်ပြီးရင် စားသုံးရန် အဆင်သင့်ဖြစ်တဲ့ ဆန်တိုဖူးကို ရပါပြီ။

Image Hosted by PicturePush - Photo Sharing
ချဉ်ချဉ်စပ်စပ် ကြိုက်သူများ အကြိုက်တွေ့မဲ့ ဆန်တိုဖူးဖြစ်ပါတယ်။ အချဉ်အစပ်မကြိုက်ရင် သင့်တင့်တဲ့ ပမာဏသာ ထည့်ပြီး စားသုံးနိုင်ပါတယ်




နယ်ပြီး စားသုံးရန် အသင့် ဆန်တိုဖူး


နိုင်ငံခြားမှာနေထိုင်သူများ ဆီတိုဖူးရှာချင်တယ်ဆိုရင် အင်္ဂလိပ်လို Fermented Bean Curd (သို့မဟုတ်) Preserved Bean Curd (သို့မဟုတ် ) Fermented Tofu လို့ရှာရင် တရုတ်ကလာတဲ့ ဆီတိုဖူးပုလင်းကို ရနိုင်မှာဖြစ်ပါတယ်။

အားလုံးအတွက် ပျော်ရွှင်ဖွယ်အားလပ်ရက်ဖြစ်ပြီး အဆင်ပြေစွာ ချက်ပြုတ်စားသောက်နိုင်ကြပါစေရှင်..




လှအိုးကွဲ

ပြောရဦးမယ်ဗျာ ကျွန်တော်တို့ရွာက ကောင်မလေး တစ်ယောက်အကြောင်းပေါ့၊ အတင်းပြောတာတော့ မဟုတ်ရပါဗျာ။ စပ်မိစပ်ရာ ပြောတဲ့သဘောပါ။

အဲဒီကောင်မလေးနံမည်က လှအုန်းမယ်တဲ့ ကျွန်တော်တို့ရွာမှာတော့ သိပ်ချောတဲ့ ကောင်မလေးပေါ့ဗျာ..  ကွမ်းတောင်ကိုင်လေး ဆိုပါတော့။ ရွာက ကာလသားတွေများ သည်းသည်းကိုလှုပ်လို့။ အဲဒီထဲမှာ ကျွန်တော်လည်းပါသလား ဆိုတော့ ဟဲဟဲ ဒါတော့ လှတပတ ကောင်မလေးဘဲဗျာ မကြိုက်ဘဲနေမလား ပါတာပေါ့ဗျ.. ဘယ်နေလိမ့်မတုန်း။ အဲဒီ လှအုန်းမယ်လေးက ဘယ်သူနဲ့တူသလဲဆိုတော့ ကျွန်တော်တို့ရွာက ဗွီဒီယိုရုံမှာ ခနခန ပြတတ်တဲ့ ဟို ဗီဒီယိုသမီးလေ.. ဘယ်သူပါလိမ့်.. နံမည်က ခပ်မေ့မေ့။ လှအုန်းမယ်ရဲ့ ရုပ်ရည်က အဲဒီ ရုပ်ရှင်မင်းသမီးလေးနဲ့ တူသဗျ။ ကျွန်တော်တို့ရွာမှာတော့ အဲဒီ မင်းသမီးကို ကြိုက်တဲ့သူ သိပ်များတာ။ နောက်ထပ် တူတာတစ်ခုက အဲဒီမင်းသမီးလေးက သိပ်လှချင်တာ။ ပြီးတော့လည်း အဲဒီမင်းသမီးက သိပ်စွာတယ်။ ကက်ကက်လန်အောင် ပြန်ပြောတတ်တယ် လို့လည်း ကြားဖူးတယ်။ လှအုန်းမယ်ကလဲ အပြင်မှာ စွာကျယ်မ.. ဆတ်ဆတ်ကြဲ.. ရွာက ကာလသားတွေ သူ့ကို ကြိုက်ပေမဲ့ သူ့ပါးစပ်ကိုလန့်တယ်။ ဘယ်သူကမှ အနား မကပ်ရဲဘူး.. လှအုန်းမယ်ကလည်း သူ့ကိုယ်သူ ဗီဒီယိုမင်းသမီးနဲ့တူတယ် ဆိုတာသိတော့ ဘ၀င်က မြင့်တယ်။ သူနဲ့ တူတယ် တန်တယ်ဆိုတဲ့သူ ရွာမှာ မရှိတော့ဘူးမှတ်တာ။

ဒီလိုနဲ့ ရွာမှာ စုပေါင်းရှင်ပြုပွဲ ရှိတယ်ဆိုပါတော့ဗျာ။ စုပေါင်းရှင်ပြုပွဲဆိုတဲ့အတိုင်း ရွာနီးချုပ်စပ်က ရှင်လောင်းပေါင်းများစွာ စုပေါင်းပြီး ပြုကြမှာဆိုတော့ ခြိမ့်ခြိမ့်သည်းပေါ့.. ဇာတ်တောင်မှ နံမည်ကြီး ဖိုးချစ်ဇာတ်ကို ငှားတာ။ တစ်ရွာလုံးလဲ တက်တက်ကြွကြွ၊ ကာလသားတွေကလဲ ရှင်ပြုမဏ္ဍပ်တွေဆောက်၊ ရွာထဲက အလှူ့ရှင်တွေနဲ့ လူကြီးတွေကလဲ အလှူအတွက် လိုအပ်တာတွေ ဝယ်ကြဖို့ မြို့ကိုတက်ကြ၊ အပျိုအုပ်စုကလဲ အလှူမှာ ချက်ပြုတ်ကျွေးမွေးမဲ့ အသင်းတွေ ဖွဲ့ကြ၊ တာဝန်တွေ ခွဲကြနဲ့ တစ်ရွာလုံး ဘယ်သူမှ မအားရပါဘူး။ အလှူအတွက် ၀ိုင်းဝန်းနေကြတာ။ ကျွန်တော်တို့ ရွာမှာ ထုံးစံက အလှူလှည့်တဲ့နေ့မှာ အချောဆုံး အပျို ၂၄ယောက်ကို ပရိတ်အိုး ကိုင်ခိုင်းရတယ်။ ပရိတ်အိုးတစ်လုံးစီမှာ ဟေတုပစ္စယော၊ အရမဏပစ္စယော စသဖြင့် ၂၄ ပစ္စယောကို ပရိတ်အိုးလုပ်တဲ့ မြေအိုး ခပ်ရွယ်ရွယ်မှာ တစ်အိုးမှာ ပစ္စယော တစ်လုံးစီ ရေးထားတယ်။ ၂၄ပစ္စယောဆိုတော့ အိုး၂၄လုံးပေါ။ အိုးထဲမှာ ချည်လုံးတစ်လုံးရယ် သပြေခက်၊ အုန်းရွက်၊ ဒန်းရွက် စတာတွေ ပါတယ်.. အဲလို အလှူလှည့်တဲ့နေ့မှာ ပရိတ်အိုးကိုင် ရှေ့ဆုံးကောင်မလေးက လှအုန်းမယ်ပေါ့ဗျာ။ သူက အချောဆုံးဆိုတော့ ရှေ့ဆုံးက ကိုင်ရတာပေါ့လေ။ 
 
 

လှအုန်းမယ်က လှပြီးသားပေမဲ့ သူများနဲ့ မတူအောင် လှချင်သူဖြစ်လေတော့ ဒီတစ်ခေါက် အလှူမှာ ထူးထူးခြားခြား ဒေါက်မြှင့်ဖိနပ်လေးနဲ့ဗျ။ သိပ်မကြာခင်က ဗွီဒီယိုတစ်ကားမှာ အဲဒီမင်းသမီး စီးသွားတဲ့ ဖိနပ်ဆိုလား။ အလှူအတွက် မြို့တက်ပြီး ဈေးသွားဝယ်တဲ့အဖွဲ့ကို လှအုန်းမယ်က မှာလိုက်တာလို့ ကြားမိတယ်။ ဒေါက်ဖိနပ်နဲ့ဆိုတော့ ကြည့်ရတာ ပိုတောင်လှနေတယ်လို့ ထင်မိသေး။ ဒါပေမဲ့ ခက်တာက ဒေါက်ဖိနပ်ကို သူက စီးကျင့်မရှိဘူး။ ပြီးတော့ ကျွန်တော်တို့ရွာက လမ်းတွေကလဲ မြို့မှာလို ကတ္တရာလို့ခေါ်တဲ့ မဲမဲကြီးတွေ ခင်းထားတဲ့လမ်းတွေ မဟုတ်ဘူးဗျာ။ မြေလမ်း ကြမ်းကြမ်းပေါ်မှာ ကျောက်ခဲနဲ့ ချိုင့်တွေနဲ့။ စီးကျင့်မရှိတဲ့ ဒေါက်ဖိနပ်နဲ့ ကျောက်ခဲတွေရှိနေတဲ့ ချိုင့်တွေအပြည်နဲ့လမ်းဆိုတော့ သူလမ်းလျှောက်တာက ဟိုဘက်ယိုင်လိုက် ဒီဘက်ယိုင်လိုက်နဲ့.. ကြည့်ရတာ ဘယ်လိုမှ အဆင်မပြေပါဘူးဗျာ။ အလှူလှည့်တာကို ဝိုင်းကြည့်နေတဲ့ ရွာသူရွာသားတွေကလည်း လှအုန်းမယ်အဖြစ်ကို ကြည့်ပြီး ပြုံးစိစိနဲ့ပေါ့။ ဒါပေမဲ့ ဘယ်သူကမှတော့ အသံထွက်အောင် မရယ်ရဲဘူး.. သူ့ပါးစပ်ကို ကြောက်ကြတယ်လေ..

ဒီလိုနဲ့ ရွာလည်ပိုင်း လူစည်ကားတဲ့နေရာရောက်လာလေ လှအုန်းမယ်ရဲ့ဒေါက်ဖိနပ်က အခြေအနေ ဆိုးလေ။ ကြည့်ရတာ တစ်ခါမှ မစီးဖူးလို့ ခြေချော်နေပုံရတဲ့အပြင်၊ လမ်းကဆိုး၊ ဖိနပ်ပေါက်တဲ့ ဒဏ်ပါ ခံရပြီထင်ပါရဲ့။ ယိုင်နဲ့နဲ့ လမ်းလျှောက်နေရပါတယ်ဆို လူတွေကလဲ သူ့ကိုကြည့်ပြီး ပြုံးစိစိဆိုတော့ လှအုန်းမယ်လည်း ရှက်ကိုးရှက်ကန်းပေါ့.. ဒီချိန်မှာဘဲ လမ်းပေါ်မှာ ပြန့်ကြဲနေတဲ့ ကျောက်စရစ်ခဲလေး တစ်တုံးကို လှအုန်းမယ်ရဲ့ ခြေထောက်က တက်နင်းမိပြီးသကာလ ခေါက်ခနဲဖြစ်ပြီး လဲကျသွားပါရောဗျာ။ ချော်လဲကျသွားတော့ လှအုန်းမယ် လက်နဲ့ပိုက်ထားတဲ့ ပရိတ်အိုးကလည်း မြေပြင်ပေါ်လွှတ်ကျပြီး ခွမ်းခနဲဆို နှစ်ခြမ်း ကွဲပါလေရော။ နဂိုက သူလှမ်းလျှောက်ပုံကို ကြည့်ပြီး ပြုံးစိစိဖြစ်နေကြတဲ့ ရွာကလူတွေနဲ့ အလှူလှည့်ရာမှာ ပါဝင်ကြတဲ့သူ အားလုံးဟာ ဘယ်လိုမှ အိနြေ္ဒမဆည်နိုင်တော့ဘဲ  မပြုံးဘဲ ၀ါးလုံးကွဲ ၀ိုင်းရယ်ကြပါတော့တယ်။ လှအုန်းမယ်လေး ချော်လဲတော့ သူ့ကို ကြိုက်နေတဲ့ ရွာက ကာလသား ကိုလူအေးက မျက်နှာလိုအားရ အပြေးသွားပြီး သွားဆွဲထူရာမှာ ရှက်လဲရှက်၊ ဒေါသတွေလည်း ထွက်နေတဲ့ လှအုန်းမယ်က ရှက်ရှက်နဲ့ လုပ်မိလုပ်ရာ လုပ်လိုက်တာက လာဆွဲထူတဲ့ ကိုလူအေးကို သူ့ရှေ့က အိုးခြမ်းကွဲနဲ့ ကောက်ထုလိုက်တာမှာ ကိုလူအေး ခေါင်းကွဲပါလေရော။ လှအုန်းမယ်ရဲ့ ဒေါသကို ထည့်မတွက်မိဘဲ  စေတနာပိုမိတဲ့ ကိုလူအေးရဲ့အဖြစ်က ထိပ်ပေါက်ခေါင်းကွဲ ဖြစ်ရရှာပါတယ်။

အဖြစ်ကတော့ အဲဒီလိုပါဘဲဗျာ.. ကျွန်တော်တို့ ရွာအလှူအကြောင်းပြောတိုင်း လှအုန်းမယ်နဲ့ ကိုလူအေးရဲ့ အကြောင်းက မပါမပြီးပေါ့.. စေတနာကောင်းလို့ ခေါင်းကွဲသွားတဲ့ ကိုလူအေးကို အကြောင်းပြုပြီး တစ်ယောက်ယောက်ကို စေတနာပိုနေရင် "သတိထား ကိုလူအေးလို ဖြစ်မယ်နော် " လို့ ရွာမှာ ပြောစမှတ် ပြုကြသလို အလှူမှာ လှချင်လွန်းအားကြီးလွန်းလို့ ရွာရဲ့ လမ်းနဲ့ သင့်မသင့် ထည့်မတွက်မိဘဲ ဒေါက်ဖိနပ်စီးမိတာကြောင့် ချော်လဲပြီး ပရိတ်အိုး ကျကွဲတဲ့ လှအုန်းမယ်ကို အဲဒီနေ့ကစလို့ တစ်ရွာလုံးက လှအိုးကွဲ  ရယ်လို့ နံမည်ပေးလိုက်ကြတယ်ဗျာ။ လှတပတ ချောချောမောမော ရွာရဲ့ကွမ်းတောင်ကိုင်ကလေးဟာ အလှမက်ပြီး ဒေါက်မြှင့်ဖိနပ်ကို အကျင့်မရှိဘဲ စီးမိတဲ့ အတွက် လူပုံလယ်မှာ  အရှက်ကွဲရသလို၊ နံမည်ရင်းပျောက်ပြီး လှအိုးကွဲ လို့ အမည်တွင်သွား ရတာသာ ကြည့်တော့ဗျာ။ လှချင်တာ တစ်ခုတည်း ကြည့်လို့မဖြစ်ဘဲ ကိုယ့်အရပ်နဲ့ ကိုယ့်ဇာတ် တန်မတန်၊ သင့်မသင့်လဲ ကြည့်ဖို့လိုသေးတာကိုးဗျ။ သိပ်လှချင်တဲ့ မိန်းခလေးတွေကို တွေ့ရင် ပြောလိုက်ပါဗျာ.. ကိုယ်နဲ့ လိုက်မလိုက်၊ ကိုယ်နေရာဒေသနဲ့ ကိုက်ညီ မကိုက်ညီ အရင်ကြည့်ပါဦးလို့။ တော်ကြာမှ ကျွန်တော်တို့ရွာက လှအုန်းမယ်လိုတော့ လှအိုးကွဲလို့ နာမည်တွင်သွားပါဦးမယ်။ အတင်းပြောတာ မဟုတ်ပါဘူး.. စပ်မိစပ်ရာ ပြောတဲ့သဘောပါဗျာ :P :P



Image Hosted by PicturePush - Photo Sharing

ငါးချဉ်စော်ခါးသီးပေါင်း

ဒီတစ်ပတ် အစားအသောက် ကဏ္ဍအတွက် ဟင်းချက်စရာဖော်ပြချင်တာက ငါးချဉ်စော်ခါးသီးပေါင်း ဖြစ်ပါတယ်။ ငါးကို ချဉ်စော်ခါးသီးနဲ့ ချဉ်ချဉ်စပ်စပ်လေး ဖြစ်အောင် ဘယ်လိုများ ပေါင်းမလဲ ဆိုရင်ဖြင့်

Image Hosted by PicturePush - Photo Sharing

မိမိအိမ်ရှိ စားမဲ့လူဦးရေအလိုက် ငါးအနေတော်ကို တစ်ကောင် (သို့မဟုတ်) တစ်ပိုင်းကို ဆား၊ အရသာမှုန့်တို့ဖြင့် နယ်ပြီး ထားထားလိုက်ပါတယ်။

Image Hosted by PicturePush - Photo Sharing

ငါးကို ချဉ်စော်ခါးသီးနဲ့ ပေါင်းဖို့အတွက် ချဉ်စော်ခါးသီး၊ ကြက်သွန်ဖြူ၊ ဂျင်း၊ ငရုပ်သီးတို့ကို လိုအပ်ပါတယ်။

Image Hosted by PicturePush - Photo Sharing
ချဉ်စော်ခါးသီး၊ သုံးပုံတစ်ပုံ၊ ငရုပ်သီး၊ ကြက်သွန်ဖြူ၊ ဂျင်း၊ နံနံတို့ကို ခုလို တောက်တောက် စင်းထားပါတယ်။ အစပ်ကြိုက်ရင် ငရုပ်သီးများများထည့်နိုင်ပါတယ်။

Image Hosted by PicturePush - Photo Sharing
အပေါ်ကချဉ်စော်ခါးသီး၊ ငရုပ်သီးတို့ဖြင့် ငါးကို နှံ့အောင် နယ်ထားပါတယ်။ အဆာပလာ များပါက ငါးဗိုက်ထဲသို့လည်း သွပ်ထည့်ပေးပါတယ်။ ဆား၊ ငံပြာရည် ၊ အရသာမှုန့်များ အသားထဲထိ ရောက်ဖို့ အရသာ ခပ်လေးလေးဖြစ်စေရန် သတိပြုပါ။
Image Hosted by PicturePush - Photo Sharing

အဆင်သင့်ဖြစ်နေသော ငါးကို ပေါင်းအိုး၊ ရေနွေးငွေ့ တို့ဖြင့် မိနစ် ၂၀ခန့် တစ်ဖက်စီ လှန်လှောက အကျက်ညီအောင် ပေါင်းပါတယ်။

Image Hosted by PicturePush - Photo Sharing




ထို့နောက်မှာတော့ အရသာအပြည့်နဲ့ ချဉ်ချဉ်စပ်စပ် ငါးချဉ်စော်ခါးသီးပေါင်းရပါပြီရှင်။


အားလုံးအတွက် ပျော်ရွှင်သော အားလပ်ရက်ဖြစ်ပါစေနော်။


Image Hosted by PicturePush - Photo Sharing

လေထဲမှာ စားကြမယ်

တကယ်လို့များ သင်ဟာ ဆူညံရှုပ်ထွေးနေတဲ့ လက်ရှိနေရာကနေ ခေတ္တခဏလောက် ထွက်ပြေးချင်တယ်ဆိုရင် အကောင်းဆုံးဖြစ်မဲ့ နေရာလေးတစ်ခုကို ညွှန်းပါရစေ။ အဲဒီနေရာ ကတော့ မြေပြင်ကနေ ၅မီတာ (၁၆ပေကျော်)လောက် မြင့်တဲ့နေရာမှာ တည်ဆောက်ထားတဲ့ စားသောက်ဆိုင်လေးတစ်ခု ဖြစ်ပါတယ်။  အဲဒီ စားသောက်ဆိုင်လေးဟာ ထိုင်းပင်လယ်ကွေ့ အရှေ့ တောင်ဘက်က  Kood ကျွန်းပေါ်က  Soneca Kiri Resort မှာ ရှိတာ ဖြစ်ပါတယ်။ မြေပြင်ပေါ်မှာ ရှိတာ မဟုတ်ဘဲ အမြင့်မှာရှိတဲ့အတွက် လေထဲမှာ စားသောက်နေရတယ်လို့ ခံစားရအောင်ဘဲ ထူးထူးခြားခြား တည်ဆောက်ထားတာပါ။
 

Luxurious Restaurant at the Treetop


ပုံထဲမှာ မြင်ရတဲ့အတိုင်းပါဘဲ။ စားသောက်စားပွဲတွေကို သစ်ပင်ခပ်မြင့်မြင့်ပေါ်မှာ  ကြိမ်၊ သစ်သားစသည်တို့နဲ့ ပိုးအိမ်သဖွယ် ယှက်ဖောက် ပြုလုပ်ထားတာဖြစ်ပြီး သစ်ပင်ပေါ်မှာ ကြိုးတွေနဲ့ ချိတ်ဆွဲထားတာဖြစ်ပါတယ်။ ဒီစားသောက်ခန်းလေးပေါ်က တက်မယ်ဆိုရင်ဖြင့် သစ်ပင်နဲ့ ကပ်ရက်မှာ ရှိတဲ့ ကြောင်လိမ် လှေကားကနေ တက်ရောက်ရမှာဖြစ်ပါတယ်။ တစ်ကြိမ်ကို လူလေးယောက် စားသောက်နိုင်ပြီးတော့  သင့်ချစ်သူနဲ့အတူတူ စပါယ်ရှယ်ညစာစားပွဲလေး ကျင်းပချင်တယ် ဆိုရင်ဖြင့်လည်း အထူးဝန်ဆောင်မှု ပေးပါတယ်။


ကမ်းစပ်ဘေးမှာ တည်ရှိပြီး သစ်ပင်တောအုပ်တွေကလည်း ဝိုင်းရံနေတာမို့ သဘာဝရဲ့ အငွေ့အသက်ကို အပြည့်အဝ ခံစားနိုင်ပါတယ်။ အေးချမ်းဆိတ်ငြိမ်ပြီး စိတ်ရှုပ်ထွေးစရာ ပတ်ဝန်းကျင်နဲ့ ဝေးတဲ့အတွက် ပင်လေက တိုက်ခတ်လာတဲ့ လေပြေလေညင်းလေးကို ရှုရှိုက်ခံစားရင်း စိတ်အေးလက်အေး အနားယူဖို့ကောင်းတဲ့နေရာဖြစ်ပါတယ်။ သစ်ပင်ပေါ်မှာ စားသောက်ဆိုင်လေးတွေ ရှိတာ ကမ္ဘာပေါ်မှာ တော်တော်များများ ရှိလာပြီဖြစ်ပေမဲ့ အများနဲ့မတူ တမူထူးတဲ့ ဒီစားသောက်ဆိုင်လေးရဲ့ ထူးခြားချက်တစ်ခုကို ပြောပြချင်ပါတယ်။




အဲဒီ ထူးခြားချက်ကတော့ ပုံထဲမှာ မြင်ရတဲ့ အတိုင်းပါဘဲ ကျွမ်းကျင်တဲ့ စားပွဲထိုးလေးတွေဟာ ကြိုးတန်းကနေတစ်ဆင့် လျှောစီးလာပြီးတော့ စားသောက်ဖွယ်ရာများကို သင့်ထံ မဖိတ်မစင်  လာရောက် ပို့ဆောင်ပေးတာ ဖြစ်ပါတယ်။




မကြောက်မရွံ့ ကြိုးတန်းကိုခိုစီးပြီး ရောက်လာတဲ့ စားပွဲထိုး

ဒီစားသောက်ဆိုင်မှာ ထိုင်းရိုးရာ စားသောက်ဖွယ်ရာအစုံအလင်ကို ရနိုင်ပြီးတော့ မြေအိုးနဲ့ ချက်တဲ့ဟင်းတွေ၊ မြွေသားဟင်းတွေကိုလည်း ရနိုင်ပါတယ်တဲ့။

စားသောက်ဖွယ်ရာတွေနဲ့အတူ ရောက်သွားပါပြီ

 
အားမနာတမ်း သုံးဆောင်နိုင်ပါပြီနော်။


Luxurious Restaurant at the Treetop



အမြင့်မှာ အစားအသောက်စားရတာ ဘယ်လိုခံစားချက်မျိုး ရှိတယ်ဆိုတာ သိချင်ရင်၊ ဒါမှမဟုတ် သင့်မှာ ကြွေးတွေ ဝိုင်းနေလို့ ထွက်ပြေးချင်တယ်ဆိုရင်ဖြင့် ဒီသစ်ပင်ပေါ်က စားသောက်ဆိုင်လေးမှာ သွားရောက်နိုင်ပါပြီတဲ့ရှင်။ ကြွေးထူလွန်းလို့ စိတ်ညစ်ပြီး သစ်ပင်ပေါ်က ခုန်မချဖို့တော့ လိုပါတယ်နော်း)




ပျော်ရွှင်ငြိမ်းချမ်းကြပါစေရှင်။

Image Hosted by PicturePush - Photo Sharing


Photo from;    http://thechive.com/2012/04/02/fine-dining-at-the-treetop-8-photos/

ကြည်ညိုဖွယ်ရာ ရှေးဟောင်းရခိုင် မဟာမြတ်မုနိဘုရား



ချစ်ခင်ရပါသော ကျွန်မရဲ့ မိတ်ဆွေများ အားလုံး နှစ်သစ်မှာ ရွှင်လန်းချမ်းမြေ့ကြပါစေ.. ကြံစည်သမျှ ပြည့်ဝအောင်မြင်ကြပါစေရှင်။ မြန်မာ့နှစ်ဆန်း တစ်ရက်နေ့မှာ ကောင်းမှု ကုသိုလ် ပြုကြမြဲ ဓမ္မတာမို့ ဒီနေ့မှာတော့ ကျွန်မရဲ့ မိတ်ဆွေများကို ရှေးနှစ်ပေါင်းများစွာ ရခိုင်ဘုရင်မင်း အဆက်ဆက် ကိုးကွယ်ခဲ့ကြတဲ့ တန်ခိုးကြီးဘုရား တစ်ဆူကို ဖူးမျှော်စေချင်ပါတယ်။ အဲဒီဘုရားကတော့ ရခိုင်လူမျိုးတို့ရဲ့ နှလုံးသည်းပွတ်ပမာ ဖြစ်သော ၊ ရှေးရခိုင်မင်းနဲ့ ပြည်သူပြည်သားများ အဆက်ဆက် ကိုးကွယ်ခဲ့တဲ့ မဟာမြတ်မုနိ ရုပ်ပွားတော်ဖြစ်ပါတယ်။ စစ်တွေကနေ မြောက်ဦးမြို့ကို သွားတဲ့လမ်းပေါ်မှာ တည်ရှိပါတယ်။ စစ်တွေမြို့အကြောင်းကို ဆက်ရေးဖို့ ကျန်သေးပေမဲ့ ခုလို နှစ်ဆန်းတစ်ရက်နေ့မှာ ကြည်ညိုဖွယ်ရာ ဘုရားအကြောင်း မျှဝေချင်တာနဲ့ အခုလို မဟာမြတ်မုနိ ရုပ်ပွားတော်အကြောင်း ရေးလိုက်တာဖြစ်ပါတယ်။

Image Hosted by PicturePush - Photo Sharing
မဟာမုနိဘုရားကြီး၊ ဓညဝတီမြို့ဟောင်းနယ်မြေ၊ ကျောက်တော်မြို့နယ်

စစ်တွေကနေ မြောက်ဦးကို သွားမယ်ဆိုရင် ရေလမ်းကနေ သွားရင် လမ်းမှာရှိတဲ့ မဟာမုနိ ဘုရားကို ဖူးရမှာ မဟုတ်ဘဲ၊ ကားနဲ့သွားမှသာ ကစ္ဆပနဒီ ကမ်းခြေက ကျောက်တော်မြို့ရှိ ကစ္ဆပနဒီ တံတားကြီးကို ကျော်ပြီးနောက် ၅မိုင်အကွာ သရက်တစ်ပင်ကျေးရွာ အလွန် မဟာမုနိကျေးရွာ ရောက်တဲ့အခါ ဘုရားကြီးအနီးမှာ ဖြတ်သန်းဖြတ်လာ ကားတွေအားလုံး ထမင်းစား ရပ်နားပါတယ်။ ဒီတော့ ထမင်းစားပြီးတာနဲ့ မဟာမုနိ ရုပ်ပွားတော်ကို တက်ရောက် ဖူးမျှော်နိုင်ပါတယ်။ မဟာမုနိရုပ်ပွားတော်ဟာ ဓညဝတီနန်းတော်ဟောင်းရဲ့ အချက်အခြာ နေရာမှာ တည်ရှိခဲ့ပါတယ်။ မဟာမုနိ ရုပ်ပွားတော် တည်ရှိရာ ကုန်းတော်မှ ပေအနည်းငယ်ခန့်အကွာမှာ ဓညဝတီ နန်းတော်ရာဟောင်းကို ယခုတိုင်မြင်တွေ့နိုင်ပါတယ်။ ဓညဝတီမြို့တော်ဟာ ခရစ်တော်မပေါ်မှီ ဘီစီ ၃၃၂၅ မှ အေဒီ ၃၂၇ထိ ရခိုင်တို့ရဲ့ ကြီးကျယ်ထင်ရှား စည်ကားခဲ့တဲ့ မင်းနေပြည်တော်ဖြစ်ခဲ့ပါတယ်။ ရှေးခေတ်က မြို့ဟောင်းများလို အဝိုင်းပုံသဏ္ဍာန် ရှိပြီး တံတိုင်းနှစ်ထပ်၊ ကျုံးနှစ်ထပ် တည်ထားခဲ့ပြီး ဧရိယာစတုရန်း ၂မိုင်မျှ ကျယ်ဝန်းပါတယ်။ ဓညဝတီမြို့တော်ဟောင်းရဲ့ မြို့ရိုးများကို ပြန်လည် တူးဖော်ပြီး ရှေးဟောင်းသုတေသနမှ ထိမ်းသိမ်းထားတာကြောင့် ကားလမ်းမပေါ်ကနေ ကြည့်ရင် မြေပြန့်ပေါ်မှာ ရှိနေတဲ့ အုတ်ရိုးများကို လှမ်းမြင်နိုင်ပါတယ်။

Image Hosted by PicturePush - Photo Sharing

Image Hosted by PicturePush - Photo Sharing
ဓညဝတီနန်းတော်ရာဟောင်း

ရခိုင်လူမျိုးများနဲ့ အနယ်နယ်အရပ်ရပ်က ဘုရားဖူးများဟာ မဟာမုနိဘုရားကြီးကို ဖူးမျှော်ဖို့ လာရောက်ကြတာဟာ စည်ကားလှပါတယ်။ အချို့သောမြို့ရွာများမှ ဘုရားဖူးများဟာ ဘုရားကြီးအနီးက သရီချောင်းလက်တက်သို့  မော်တော်ဖြင့် ဘုရားဖူးလာရောက်ကြပါတယ်။ ဘုရားကြီး ပရဝုဏ်အနီးမှာ ထမင်းဆိုင်များလည်း ရှိပြီး မြန်မာထမင်းဟင်း၊ ရခိုင် ရိုးရာဟင်းတို့ကို နှစ်သက်ရာ မှာယူ သုံးဆောင်နိုင်ပါတယ်။ ရခိုင်ဟင်းတွေကတော့ဖြင့် ငရုပ်သီးစပ်လှပြီး စားရတာ ခံတွင်း အလွန်မြိန်ပါတယ်။ အစပ်ကြိုက်တဲ့ ကျွန်မအတွက်တော့ ရခိုင်ဟင်းစပ်ကို စားရတာ အလွန် နှစ်သက်မိပါတယ်။

Image Hosted by PicturePush - Photo Sharing
မော်တော်ဖြင့် ပျော်ပျော်ပါးပါး ဘုရားဖူးလာရောက်ကြသူများ 

ရှေးခေတ် ရခိုင်ဘုရင်များဟာလည်း ဖောင်တော်ဖြင့်  မဟာမြတ်မုနိဘုရားခြေတော်ရင်း လှေကားထိ ရောက်တဲ့ ချောင်းကနေ ဘုရားကြီးကို လာရောက်ဖူးမျှော်လေ့ရှိကြောင်း မှတ်တမ်းများ ရှိခဲ့တယ်လို့ ဆိုပါတယ်။

Image Hosted by PicturePush - Photo Sharing

ထမင်းစားပြီးတာနဲ့ ဘုရားဖူးဖို့ပေ၃၀ခန့်မြင့်တဲ့ ကုန်းတော်ပေါ်ကို စောင်းတန်းကနေ တက်လာခဲ့ပါတယ်။

Image Hosted by PicturePush - Photo Sharing


Image Hosted by PicturePush - Photo Sharing

စောင်းတန်းဘေးက ကာရံထားတဲ့ တံတိုင်းကြီးဟာ ရှေးဟောင်းလက်ရာပုံစံအတိုင်းတည်ဆောက်ထားပါတယ်။

Image Hosted by PicturePush - Photo Sharing

ရင်ပြင်တော်ပေါ်က လှမ်းကြည့်ရင် မြင်ရတဲ့ မြတ်စွာဘုရားနှင့် ရဟန္တာ ငါးရာဆို့ ကြွချီလာဟန် ရုပ်ပုံတော်များ
ဒီမြင်ကွင်းကိုနိုင်ငံခြားသားတွေ အလွန်သဘောကျပြီး ရောက်လာတဲ့ သူတိုင်း ဒီနေရာကို ဓာတ်ပုံသေချာရိုက်တာကို တွေ့ရပါတယ်။

Image Hosted by PicturePush - Photo Sharing

ရခိုင်မင်းများ ခေတ်အဆက်ဆက်က ကိုးကွယ်ခဲ့ကြတဲ့ ကြည်ညိုဖွယ်ရာ မဟာမုနိမြတ်စွာဘုရား ရုပ်ပွားတော်ပါ။

ရုပ်ပွားတော်ဟာ သတ္တဝါအများကို သနားကရုဏာ ထားတော်မူ ဟန်ဖြင့် ပြုံးတော်မူနေတဲ့ မျက်နှာသွင်ပြင် ရှိတယ်လို့ ဆိုကြပါတယ်။
ရှည်လျားလှတဲ့ သမိုင်းကြောင်း ရှိခဲ့တဲ့ မဟာမြတ်မုနိရုပ်ပွားတော်ရဲ့သမိုင်းကို အကျဉ်းချုပ် ပြောရရင် မဟာမုနိရုပ်ပွားတော်ကို သွန်းထုခဲ့တာ လွန်ခဲ့တဲ့ နှစ်ပေါင်း ၂၀၀၀ကျော် မြတ်စွာဘုရား သက်တော်ထင်ရှား ရှိစဉ်ခါက ဖြစ်ပါတယ်။ မဟာသက္ကရာဇ် ၁၂၃ခုနှစ် ရခိုင်တို့ဌာနေ ဓညဝတီပြည်ကြီးမှာ စန္ဒာသူရိယမင်း အုပ်ချုပ်စဉ် ဒက္ခိဏဒေသမှာ မြတ်စွာဘုရား ပွင့်တော်မူပါတယ်။ စန္ဒာသူရိယမင်းဟာ မြတ်စွာဘုရားပွင့်ကြောင်း ကြားသိရတဲ့အတွက် ဘုရားရှင်ကိုဖူးမျှော်လိုတဲ့ စိတ်ဆန္ဒတွေ ပြင်းပြစွာဖြစ်ပေါ် မိတဲ့အတွက် စိတ်တွင်းမှ အဓိဌာန်ဖြင့် မြတ်စွာဘုရားကို ပင့်ဖိတ်ပါတယ်။ ဘဝပေါင်းများစွာ ပါရမီအထုံပါခဲ့ဖူးတာကြောင့် မြတ်စွာဘုရားဟာ စန္ဒာသူရိယမင်းကြီးရဲ့ ပင့်ဖိတ်ချက်ကို သိတော်မူပြီး သာသနာအတွက် ချီးမြှင့်တော်မူရန် ရာဇဂြိုလ်ပြည်မှ ကောင်းကင်ခရီးဖြင့် ရခိုင်ပြည်သို့ ရဟန္တာ ၅၀၀နောက်တော်ပါးတို့နှင့် ကြွချီတော်မူလာပါတယ်။

Image Hosted by PicturePush - Photo Sharing

မြတ်စွာဘုရားရှင်နဲ့ ရဟန္တာ ငါးရာတို့ဟာ ကစ္ဆပနဒီမြစ်ကမ်းဘေး ယခု ကျောက်တော်မြို့ တစ်ဖက်ကမ်းက သေလာဂီရိကျောက်တော်တောင်ထိပ်မှာ ရပ်နားတော်မူပါတယ်။ ဘုရင် စန္ဒာသူရိယမင်းနဲ့ တိုင်းသူပြည်သားတို့ဟာ မြတ်စွာဘုရားကို ဖူးမျှော်ကြပြီး တရားဓမ္မများ နာယူခွင့်ရခဲ့ကြပါတယ်။ ဘုရင်စန္ဒာသူရိယ မင်းကြီးဟာ နန်းတော်တွင်းကိုလည်း ပင့်ဖိတ်တော်မူပြီး ဘုရားရှင်နဲ့ ရဟန္တာတို့ကို ဆွမ်းကြွေးပြီး တရားဓမ္မများကို နာယူခဲ့ရတာကြောင့် ဗုဒ္ဓတရားတော်ကို နှစ်နှစ်ကာကာ ယုံကြည်မိပြီး မြတ်စွာဘုရားကိုလည်း အတိုင်းမသိ ကြည်ညိုသဒ္ဓါစိတ် ယိုဖိတ်မိပါတယ်။ မြတ်စွာဘုရားရှင် ရာဇဂြိုလ်ပြည်ကို ပြန်ကြွမှာကိုလည်း စိုးရိမ်စိတ်များဖြစ်ပေါ်လို့ နေပါတယ်။ ထို့ကြောင့်လည်း မြတ်စွာဘုရားကိုယ်စား ကိုးကွယ်ဖို့ ရုပ်ပွားတော် သွန်းလုပ်ခွင့်ပြုဖို့ မြတ်စွာဘုရားထံခွင့်ပန်တဲ့အခါ သာသာနာတော် ရေရှည်တည်တံ့စေရန် ရည်ရွယ်ပြီး ဘုရားရှင်က ခွင့်ပြုတော်မူခဲ့ပါတယ်။

မဟာသက္ကရာဇ် ၁၂၃ခု ကဆုန်လပြည့် ဗုဒ္ဓဟူးနေ့ ညနေပိုင်းမှ စပြီး မြတ်စွာဘုရားကိုယ်ပွား ရုပ်ပွားတော်ကို ယခုကျောက်တော်တောင် (သီရိဂုတ်တောင်တော်) ပေါ်တွင် မင်းကြီးနှင့်အများပြည်သူ ကောင်းမှုတော်ဖြစ်သော ရတနာ ၆၅တင်းဖြင့် ကြိုချက်သွန်းလုပ်တော်မူပါတယ်။ သက္ကရာဇ် ၁၂၃ခု ကဆုန်လပြည့်ကျော် ၁ရက်၊ ကြာသပတေးနေ့ မနက်ခင်းမှာ မဟာမုနိ ရုပ်ပွားတော်မြတ်ကြီးကို သွန်းလုပ်ပြီးစီးတော်မူခဲ့ပါတယ်။  ယခုဖူးမြင်ရတဲ့ မဟာမြတ်မုနိရုပ်ပွားတော်ဟာ
မဟာမုနိ ရုပ်ပွားတော်မှာ ဥာဏ်တော်အမြင့် ၄ပေ ၄လက်မအရွယ်ရှိပြီး ဦးခေါင်းတော်မှာ မကိုဋ်ဆောင်းထားပြီး လက်ဝဲဖက် လက်တော်သည် ရင်ခွင်ပေါ် ဖြန့်၍တင်ထားသည့် ထက်ဝယ်ဖွဲ့ ပုံတော်ဖြစ်ပါသည်။ လက်ယာဖက် လက်တော်သည် မဟာပထဝီမြေကြီးကို ထိကိုင်သက်သေပြုနေသည့်ဟန် မှောက်လျှက်ရှိသည့် ဘူမိဖဿ မုဒြာဖြစ်ပါတယ်။ ခြေတစ်ဖက်ကို အပေါ်တင်ပြီး အခြားတစ်ဖက်ကို အောက်လျှိုကာ ထိုင်နေတော်မူဟန်ဖြစ်ပါတယ်။

ခေတ်အဆက်ဆက် ရခိုင်မင်းတို့ ကိုးကွယ်ပြုပြင်ခဲ့ရာမှ အင်္ဂလိပ်ခေတ်မှာ ပျက်စီး ယိုယွင်းကုန်သဖြင့် ၁၈၆၇ခုနှစ်မှာ ရှမ်းပြည်မှ ဘုရားဖူးလာသည့် မောင်ရွှေမှုံ ဆိုသူက ပြန်လည် ပြုပြင်ခဲ့ပြီးနောက် နှစ်ပေါင်း ၃၀ကြာသည့်အခါ စစ်တွေမြို့မှ ကျက်သရေဆောင် ရွှေစလွယ်ဆုရ ရခိုင်သူဌေးကြီး ဦးရဲကျော်သူနဲ့ ဇနီးဒေါ်သန္တာဖြူတို့မှ ပြုပြင်မွန်းမံ လှူဒါန်းမှုများ ပြုလုပ်ခဲ့ခြင်းကြောင်း မဟာမြတ်မုနိ ရင်ပြင်တော်နဲ့ ပတ်ဝန်းကျင်တို့ဟာ သာသာယာယာ တင့်တင့်တယ်တယ် ဖြစ်လာခဲ့ရပါတယ်။ သူဌေး ဦးရဲကျော်သူတို့ဟာလည်း သီရိပဝရ သကျမာရဇိန် ရုပ်ပွားတော်ကြီးကိုလည်း မဟာမြတ်မုနိ ရုပ်ပွားတော်ကြီးရဲ့ဘေးမှာ စံပါယ်ဖို့ သွန်းလုပ်လှူဒါန်းခဲ့ပြီး အတုဝိစိတြဝေယံ တန်ဆောင်းတော်ကြီး ကိုလည်း ဆောက်လုပ် လှူဒါန်းခဲ့ပါတယ်။ မဟာမြတ်မုနိ ရုပ်ပွားတော် စံပါယ်ရန် ခမ်းနား ထည်ဝါလှစွာသော ဘုံအဆင့်ဆင့်ပါသည့် ကုဋီကြီးကိုလည်း ဆောက်လုပ်လှူဒါန်းခဲ့ပြန်ပါတယ်။

Image Hosted by PicturePush - Photo Sharing
မဟာမုနိ ရုပ်ပွားတော်နှင့် အရံရုပ်ပွားတော် နှစ်ဆူ 


မဟာမုနိရုပ်ပွားတော်ကြီးဟာ တန်ခိုးကြီးလှပြီး ကြည်ညိုသဒ္ဓါဖြင့် ဖူးမျှော်ကြသူ ပေါများလှပါတယ်။ စေတနာထက်ထက်သန်သန်ဖြင့် လှူဒါန်းထားကြတဲ့ ရတနာ ရွှေငွေတို့ဟာလည်း မဟာမြတ်မုနိရုပ်ပွားတော်ကြီးပေါ်မှာ သဒ္ဓါကြည်ဖြူ ထူးဆန်းအံ့ဖွယ် တင့်တယ်လှစွာ ရှိကြပါတယ်။ 



Image Hosted by PicturePush - Photo Sharing

မဟာမြတ်မုနိရုပ်ပွားတော်၏ မကိုဋ်တော်

Image Hosted by PicturePush - Photo Sharing

Image Hosted by PicturePush - Photo Sharing

Image Hosted by PicturePush - Photo Sharing

မကိုဋ်တော်ပေါ်မှ အများပြည်သူ ကြည်ဖြူလှူဒါန်းထားသည့် ရတနာများကို သဒ္ဓါညွှတ်နူးစွာ ဖူးမြင်နိုင်ရန် အနီးကပ် ရိုက်လာခြင်းဖြစ်ပါတယ်။

Image Hosted by PicturePush - Photo Sharing

Image Hosted by PicturePush - Photo Sharing
မဟာမြတ်မုနိရုပ်ပွားတော်အား လှူဒါန်းထားသည့် ရွှေသားစစ်စစ် အသုံးအဆောင်တော်များ

ကလပ်ကြီး၊ ရွှေဖလားကြီး၊ ရွှေလင်ပန်း၊ ရွှေယပ်တောင်၊ ရွှေသပိတ်၊ ရွှေသပိတ်ဖုံး၊ ရွှေသပိတ်အခြေ၊ ရွှေတံပူ၊ ရွှေရေပန်းကရား၊ ရွှေပန်းကရားထည့်လင်ပန်း၊ ရွှေဖလားငယ် ၂ခု စသည် ၁၂မျိုးသော ရွှေထည်လှူဒါန်းမှုတို့မှာ စုစုပေါင်း ရွှေချိန် ၂ပိဿာနှင့် ၈၀ကျပ်သားရှိတယ်လို့ သိရပါတယ်။

Image Hosted by PicturePush - Photo Sharing

သူဌေး ဦးရဲကျော်သူနှင့်ဇနီး လှူဒါန်းခဲ့သော သီရိပဝရသကျမာရဇိန် ရုပ်ပွားတော်ကြီး

Image Hosted by PicturePush - Photo Sharing


Image Hosted by PicturePush - Photo Sharing

ခမ်းနားလှသည့် ရွှေပိန်းချ တိုင်လုံးကြီးများနဲ့ မှန်စီပန်းကွက် မျက်နှာကျက်များ

Image Hosted by PicturePush - Photo Sharing

ရှေးခေတ်လက်ရာ ကျွန်းတံခါးကြီးများ


Image Hosted by PicturePush - Photo Sharing

တိုင်လုံးပေါ်မှ လက်ရာမြောက် ရုပ်ကြွများ

Image Hosted by PicturePush - Photo Sharing


Image Hosted by PicturePush - Photo Sharing
ကုဋီအပြင်ဖက်တွင် ဝယ်ယူပူဇော်နိုင်သည့်ကြေးသွန်း ရုပ်ပွားတော်များ

Image Hosted by PicturePush - Photo Sharing

ရခိုင်လူမျိုးတို့၏ အထိမ်းအမှတ် အဆောင် ရုပ်ထုဖြစ်သော ဗျာလ် ခေါ် သတ္တဝါ ကိုးကောင်တို့၏ အစိတ်အပိုင်းများကို ပေါင်းစပ်ထားသည့် နဝရူပံ ရုပ်ထု

Image Hosted by PicturePush - Photo Sharing
မဟာမုနိပြတိုက် 

Image Hosted by PicturePush - Photo Sharing

မဟာမုနိဘုရား ပရဝုဏ်အတွင်းမှာ ရေကန် ၁ခု အပြင်ဖက်မှာ ရေကန် တစ်ခု ရှိပါတယ်။ အတွင်းမှာ ရှိတာက  စန္ဒာသူရိယ ဘုရင်ကြီးကိုယ်တိုင် တူးဖော်ခဲ့တဲ့ ဦးတော်ဆေးကန်ဖြစ်ပြီး ရေမှာကြည်လင် သန့်စင်နေသည့်အတွက် မဟာမြတ်မုနိ ဦးခေါင်းတော်အား ဆေးကြော သည့် ရေကန် ဖြစ်ပါတယ်။  နောက် တစ်ခုမှ မြတ်စွာဘုရားရှင်၏ ခြေတော်အားထိုကန်မှ ရေဖြင့် ဆေးကြောခဲ့သည့်အတွက် ခြေတော်ဆေးကန်အမည်ရသော ရေကန် ဖြစ်ပါတယ်။ ၄င်းအပြင် ကြီးမားလှတဲ့ ညောင်ပင်ကြီး နှစ်ပင်ကိုတော့ သိကြားညောင်ပင်နဲ့ သားဆုပန် ညောင်ပင်လို့ ခေါ်ကြပါတယ်။

Image Hosted by PicturePush - Photo Sharing

သူဌေးဦးရဲကျော်သူ လှူဒါန်းသည့် ကြေးပိဿ ၃၄ဝဝ ရှိသော ခေါင်းလောင်းကြီး


Image Hosted by PicturePush - Photo Sharing

မဟာမြတ်မုနိ ကဗျည်းကျောက်စာတိုင်

မြောက်ဦးမြို့ဟာ ရှေးဟောင်း စေတီပုထိုးတွေ ပေါများလှပြီး လေ့လာစရာ ရှေးခေတ်လက်မှု အနုပညာများ၊ စိတ်ဝင်စားဖွယ် ဗိသုကာပညာ၊ ကြေးသွန်း အတတ်ပညာများ စသည်တို့ ပေါများလှတာကြောင့် လာရောက်ကြတဲ့ ဘုရားဖူးများနဲ့ နိုင်ငံခြားခရီးသွားများ များပြားလှပါတယ်။ မြောက်ဦးမြို့ကို သွားကြသူတိုင်း ပြည်တွင်းပြည်ပ ခရီးသွားအားလုံးတို့ဟာ ကျောက်တော်မြို့အနီးက မဟာမြတ်မုနိဘုရားကို မဖြစ်မနေ သွားရောက် ဖူးမျှော်လေ့ ရှိကြတာကြောင့် အလွန်စည်ကားလှပါတယ်။


သမိုင်းကြောင်း ရှည်လျားပြီး ကြည်ညိုဖွယ် မဟာမြတ်မုနိ သမိုင်းကြောင်းကို ရေးသားရာမှာ ပိုစ့်တစ်ပုဒ်တည်းနဲ့ အားလုံးပြည့်စုံအောင် ဖော်ပြဖို့ မဖြစ်နိုင်တာကြောင့် အတိုချုပ်ပြီး ဖော်ပြလိုက်တာ ဖြစ်ပါတယ်။ အချက်အလက်များ လိုအပ်ခြင်း၊ ဖော်ပြရန် ကျန်ရှိခြင်း၊ မှားယွင်းခြင်းတို့ ရှိခဲ့ပါက ခွင့်လွှတ်ပေးကြပါရန် ပန်ကြားချင်ပါတယ်။ အကိုးအကားအဖြစ် မျှားအောင်ရဲ့ သမိုင်းထဲမှာ မြောက်ဦးဘုရားစေတီပုထိုးများနှင့် ဧည့်လမ်းညွှန်၊ သိန်းထွန်းအောင် (ရှေးဟောင်းသုတေသန)၏ ရခိုင် မဟာမြတ်မုနိ ဘုရားသမိုင်းနှင့် သိမှတ်ဖွယ်ရာများ စာအုပ်တို့မှ ကောက်နှုတ်ကိုးကားထားပါတယ်။

Image Hosted by PicturePush - Photo Sharing

အားလုံးသော မိတ်ဆွေများ မင်္ဂလာရှိသော နှစ်သစ်မှာ ကိုယ်စိတ်နှစ်ဖြာ ကျန်းမာ ချမ်းသာပြီး ဆန္ဒများအားလုံး ပြည့်ဝအောင်မြင်ကြပါစေရှင်..


Image Hosted by PicturePush - Photo Sharing