လမ်းပေါ်က ကျောက်တုံး

တစ်ရက်မှာ လယ်သမားတစ်ယောက်ဟာ သူ့ရဲ့လယ်ကနေ မြို့ကိုပြန်အလာ လမ်းလယ်ကောင် တည့်တည့် မှာ ကျောက်တုံးကြီးတစ်တုံး ပိတ်ဆို့နေတာကို တွေ့လိုက်ရပါတယ်။ လမ်းကလေးက ခပ်သေးသေးမို့ ပိတ်နေတဲ့ ကျောက်တုံးကြောင့် ချောက်ကမ်းပါးနားကနေ ကပ်ပြီး ကျော်သွားရပါတယ်။ လယ်သမားဟာ အဲဒီကျောက်တုံးကြီး ဘေးကနေ ကျော်ဖြတ်ရင်း ပါးစပ်ကလည်း “ ဘယ်သူကများ ဒီကျောက်တုံးကို လမ်းမလယ်ကောင် ပိတ်ထားအောင် လုပ်ထားတာပါလိမ့်။ လမ်းသွားလမ်းလာတွေ ခက်ခဲမယ်ဆိုတာ မသိဘူးလား မသိဘူး။ လူတွေဟာ ကိုယ်ချင်းစာစိတ်ကို မရှိကြဘူး။ ဒီကျောက်တုံးကြီး ပိတ်နေတာကို ဘယ်သူ တစ်ယောက်ကမှလည်း ဖယ်ပစ်လိုက်ကြဖို့ စိတ်ကူး မရှိကြဘူးလား မသိဘူး” လို့ တစ်တွတ်တွတ် ရေရွတ်ရင်း  ကျောက်တုံးကြီးကို ကျော်ဖြတ် သွားလိုက်ပါတယ်။



နောက်တစ်ရက်မှာ ကုန်သည်တစ်ယောက်က အဲဒီနေရာကို ရောက်လာပြန်ပါတယ်။ သူကလည်း လမ်းလယ်ကောင်က ကျောက်တုံးကြီးကိုကြည့်ပြီး မနေ့က လူလိုဘဲ ပါးစပ်က မြည်တွန် ရေရွတ်ပါတယ်။ “ကျောက်တုံးကြီးက လမ်းပေါ်မှာ ပိတ်နေတော့ လမ်းကိုဖြတ်သွားဖြတ်လာ လုပ်တဲ့သူတွေ အတွက် အခက်အခဲဖြစ်ရတယ်။ ဘယ်သူကမှလည်း ဒီကျောက်တုံးကို မဖယ်ကြဘူး။ မတော် ချောက်ထဲ ပြုတ်ကျကုန်ရင် ဘယ်လိုလုပ်မလဲ” စသဖြင့် ပါးစပ်က ပြောဆိုပြီးနောက် ကျောက်တုံးကိုကွေ့ပြီး ကမ်းပါးနားကနေ ကပ်သွားလိုက်ပြန်ပါတယ်။

နောက်တစ်ခါ အဲဒီနေရာကို လူငယ်လေးတစ်ယောက် ရောက်လာပြန်တော့ ကျောက်တုံးကိုမြင်လိုက်တယ် ဆိုရင်ဘဲ တစ်ခြားသူတွေ ဒီနေရာကို ဖြတ်သွား ဖြတ်လာလုပ်လို့ ကျောက်တုံးက ပိတ်နေတဲ့ အတွက် ချောက်ကမ်းပါးနား ကပ်ပြီး သွားရတဲ့အခါ မတော်တဆ ပြုတ်ကျမှာကို တွေးလိုက်မိပြီး ကျောက်တုံးကို ဖယ်ဖို့ ဆုံးဖြတ်လိုက်ပါတယ်။ သူဟာ အင်အား အကုန် ထုတ်သုံးပြီး ကျောက်တုံးကြီးကို ချောက်ထဲကျသွားအောင် လမ်းပေါ်ကနေ တွန်းဖယ်လိုက်ပါတယ်။ ကျောက်တုံးက အတော်ကြီးတာကြောင့် တော်တော်လေးကို အင်အားစိုက်ထုတ်ရပါတယ်။ ဒါပေမဲ့ သူဟာ ဘာမှ ပြောဆိုငြီးတွားမနေဘဲ ကျောက်တုံးကြီးကိုသာ လမ်းဘေး ကျသွားအောင် ဖယ်ထုတ်ဖို့ ကြိုးစားအားထုတ်ပါတယ်။ မကြာခင်မှာဘဲ ကျောက်တုံးကြီးလဲ ဘေးကို လိမ့်ဆင်းကျသွားပါတော့တယ်။

ကျွန်မတို့ ငယ်ငယ်က သင်ခဲ့ရတဲ့ ပုံပြင်ထဲက အတိုင်းသာ ဆိုရင်တော့ ကျောက်တုံးအောက်မှာ ရတနာသေတ္တာလေး တွေ့ကောင်းတွေ့ရပါလိမ့်မယ်။ ဒါပေမဲ့ အခုကတော့ ရတနာသေတ္တာတွေ ဘာတွေ ရှိမနေပါဘူး။ အဲဒီ ကျောက်တုံးနေရာလေးမှာ စာရွက်လေး တစ်ရွက်သာ ပေါ်လာတာကို တွေ့လိုက်ရပါသတဲ့။ လူငယ်လေးဟာ စာရွက်လေးကို ဖွင့်ကြည့်လိုက်တဲ့အခါမှာတော့ “သင်ဟာ အပြောထက် လက်တွေ့ အလုပ်လုပ်တဲ့သူ တစ်ယောက်ပါ ” လို့ ရေးထားတာကို တွေ့လိုက် ရပါတော့တယ်။

ဒီဇာတ်လေးဖတ်ပြီး စဉ်းစားမိတာက ဇာတ်လမ်းထဲက  လူ၂မျိုး၂စား မှာ တစ်မျိုးက ကိုယ်တိုင်က အလုပ်မလုပ်ဘဲ သူတစ်ပါးကိုသာ ကဲ့ရဲ့အပြစ်တင် ပြောဆိုတတ်တဲ့ အပြောသက်သက် သမားနဲ့ ဘယ်သူ့ကိုမှ ပြောဆိုမနေဘဲ လုပ်စရာရှိတာကို လုပ်သွားတတ်တဲ့ သူတွေပါ။ လမ်းပေါ်မှာ ကျောက်တုံးတွေ တွေ့ခဲ့ရင် ကိုယ်တိုင်က ဘာမှမလုပ်ဘဲ ပါးစပ်က ရေရွတ်ရင်း ကျော်သွားတဲ့သူလား၊ ကျောက်တုံးကို ဘေးကို တွန်းဖယ်မဲ့သူလား ဆိုတာ ကျွန်မကိုယ်တိုင်လည်း ဘယ်ထဲမှာပါနေမလဲလို့ စဉ်းစားမိရင်း မိတ်ဆွေတို့ကရော ဘယ်လိုလူစားထဲမှာ ပါနေမလဲလို့ စဉ်းစား ကြည့်ရအောင်လား။ 


 

Image Hosted by PicturePush - Photo Sharing

12 Responses to “လမ်းပေါ်က ကျောက်တုံး”

ချောရေ မင်္ဂလာပါ နံနက်ခင်းပါ။ ကျောက်တုံးကို ဘေးကို တွန်းဖယ်တဲ့သူဖြစ်အောင် ကြိုးစားကြရမယ်လို့ ထင်မြင်ယူဆမိတယ်။ ရွှင်လန်းချမ်းမြေ့ပါစေ...

ဘယ်နေရာကလဲဆိုတော့
အမြဲတန်း ကျောက်တုံးကိုဖယ်ရှာပေးသူသာ
ဖြစ်ရလိုပါတယ်
ချစ်ခင်တဲ့ jasmine

မှတ်သားစရာစာကောင်းလေးတစ်ပုဒ်ပါ...။

ကျောက်တုံးကို ဘေးကိုတွန်းဖယ်သူပဲဖြစ်အောင်ကြိုးစားချင်တယ်

လူ ၂ မျိုး ၂ စား မကဘူး ချောရေ ... ဒီလိုလူမျိုးတွေလဲ ရှိသေးတယ် ချောရဲ့ ... ။

၁) ပိတ်နေတဲ့ ကျောက်တုံးကြီးကို ဓာတ်ပုံရိုက်၊ ဖေ့စ်ဘွတ်ပေါ်တင်ပြီး အစိုးရဘယ်လို အသုံးမကျကြောင်း၊ လမ်းလယ်ခေါင်မှာ ပိတ်နေတဲ့ ကျောက်တုံးကို မဖယ်တဲ့အတွက် ပြည်သူလူထု ဒုက္ခရောက်ရကြောင်း အာဘောင်အာရင်း သန်သန်ရေး တဲ့လူမျိုး။

၂) အထက်က လူရေးသမျှ LIKE ခလုတ်ကလေးကို နှိပ်ပြီး ထိုင်ရာကမထ ကွန်ပျူတာရှေ့မှာသာ နေတဲ့ လူမျိုး။

၃) နောက်တမျိုးကတော့ ကျောက်တုံးဖယ်ဖို့ ဆော်သြ၊ လူစု၊ အစည်းအဝေးလုပ်၊ ကျောက်တုံးဖယ်ရေး သမဂ္ဂဖွဲ့၊ ကျောက်တုံးဖယ်ဖို့ ကရိန်းငှါးခ ဘယ်လောက်၊ လမ်းစရိတ်ဘယ်လောက်၊ အကျွေးအမွေးက ဘယ်လောက်၊ စသဖြင့် ရံပုံငွေရှာပြီး လုပ်စားတတ်တဲ့ လူမျိုး။

၎) ပိတ်နေတဲ့ ကျောက်တုံးကြီးကို ထုံးဖြူသုတ် ရာဇမတ်ကာ၊ သပြေအိုးလေးထိုး၊ အမွှေးတိုင်လေးစိုက်ပြီး ဒီကျောက်တုံးက နတ်ကြီးကြောင်း၊ ဖြတ်သန်းသွားလာသူများ ဂါရ၀ ပြုသွားသင့်ကြောင်း၊ မပြုပါက ချောက်ထဲကျ ဒုက္ခရောက်တတ်ကြောင်း၊ စသဖြင့် ပြောဟောပြီး ကျောက်တုံးရှေ့မှာ ကျောက်သင်ပုန်းတချပ်နဲ့ ဗေဒင်ထိုင်တွက်တဲ့ လူမျိုး ... ။

အင်း စဉ်းစားရင် အများကြီး ရှိသေးတယ်ချောရေ ... ဆက်မပြောတော့ဘူးနော်။ တော်ကြာရိုက်ပေါက်တွေ ဖြစ်နေမှာစိုးလို့။ :))


ကိုယ်က ဘယ်ထဲပါလဲ ဟုတ်လား ... ဟဲဟဲ အဲဒါလဲ မပြောတော့ပါဘူး။ လောလောဆယ်တော့ ကျောက်တုံးကြီးမှီပြီး အိပ်လိုက်ရရင် ကောင်းမလားလို့။

:))

မိုက်တယ် မချောရေ... အခုနောက်ပိုင်းပိုဆိုးတယ်... အပြောထက်အလုပ်က မရှိဘူး.. မြင်ရကြားရသမျှ....

ခင်မင်လျက်
နေ၀သန်

ညီမလည်း ကိုယ့်အကျိုး မကြည့်ပဲ အများအတွက် အကျိုးရှိမယ့် အရာတွေကို ပြုဖို့ ကြိုးစားရပါဦးမယ် .. အတ္တကတော့ ခေါင်းပြူနေတုန်းပဲ .. ဒါမယ့် တတ်နိုင်သလောက် အတ္တနည်းလာအောင် ပြုပြင်ရမှာပေါ့လေ ..း)

ကောင်းလိုက်တဲ့ ပိုစ့်လေး အစ်မရေ... ဟုတ်ပ အပြင်မှာလဲ တကယ်လုပ်သူထက် အပြောဘဲ ရှိတဲ့လူက ပိုများနေတယ်...

san htun said...

ကောင်းလိုက်တယ့် ပို့စ်လေး..

Htuu said...

အဲဒီလူတွေအားလုံးထဲမှာအဆိုးဆုံးလူတော့ ဘာမှမဟုတ်တဲ့လူတစ်ယောက်ကို သူလည်းလာစောင့်ခေါ်ပြီးသူကောင်းပြုတာလည်းမဟုတ်ပဲ သူလုပ်ချင်တာလေးတစ်ခု အတွက် လူတွေအများကြီးအနှောက်အယှက်ဖြစ်အောင် စာလေးတစ်စောင်ရေးပြီးကျောက်တုံးကြီးနဲ့လမ်းလယ်ကောင်မှာလာဖိထားတဲ့သူပဲ။တခါတစ်လေမှာကိုယ့်အတွက်စိတ်အဆာလေြးေ့ပဖို့တစ်ခုတည်းနဲ့ အကျိုးနဲ့အပြစ်ကို မချိန်ဆပဲလုပ်ချင်တာလုပ်လိုက်တဲ့သူတွေဟာ ဟီးရိုးဖြစ်သွားတတ်တယ်ဆိုတာလည်းသင်္ခန်းစာယူစရာပေ့ါဗျာ။