ညှို့ငင်ဆွဲဆောင် အီမောဘွမ်တောင်


စာအုပ်လေးတစ်အုပ်ကို နာမည်ကြားတာနဲ့ ဖတ်ချင်နေခဲ့တယ်။ စာအုပ်ထဲမှာပါဝင်တဲ့ အကြောင်းအရာတွေဟာ ဘယ်လိုဟာတွေ ဖြစ်တယ်ဆိုတာ သိရတော့ အဲဒီစာအုပ်လေးက ကျွန်မကို ပိုလို့တောင် ဆွဲဆောင် ညှို့ငင်နိုင်စွမ်း ရှိစေခဲ့တယ်။ စာအုပ်နာမည်ကို စာရေးသူ ဆရာငြိမ်းအေးအိမ်က ညှို့ငင်တောင် လို့ အမည်ပေးထားခဲ့တယ်။ စာအုပ်ထဲမှာ ပါဝင်တဲ့ အီမောဘွမ်ဆိုတဲ့ လူသူ အရောက်အပေါက်နည်းပြီး လှပ အရိုင်းဆန်လွန်းတဲ့ ကချင်ပြည်နယ် အခေါင်အဖျား တောင်ပေါ်ဒေသရဲ့ ဓာတ်ပုံတွေကို FB ပေါ်မှာ မြင်ရတုန်းကလည်း အဲဒီဓာတ်ပုံတွေရဲ့ ဆွဲဆောင် စေ့ဆော်မှုကြောင့် "ဆရာ့ဓာတ်ပုံတွေနဲ့အတူ ပိုစ့်လေးတစ်ပုဒ်လောက် ရေးခွင့်ပြုပါ ဆရာ" လို့ ဆရာ့ကို ခွင့်တောင်းပြီး အိမ်မက်ထဲက ကချင်မြေ ဆိုတဲ့ နာမည်နဲ့ ပိုစ့်တစ်ပုဒ် ရေးခဲ့ဖူးပါတယ်။ ခုလဲ ရင်သပ်ရှုမော လှပဆန်းကျယ်တဲ့ နေရာတစ်ခု ဖြစ်တဲ့ အီမောဘွမ်တောင်ကို ညှို့ငင်တောင်ရယ်လို့ လိုက်ဖက်လှပတဲ့ အမည်လေး ပေးထားတဲ့ စာအုပ်လေး ကျွန်မလက်ထဲ ရောက်လာတော့ စာအုပ်လေးကို ဖတ်ရင်း ဖတ်ရင်းက အဲဒီ စာအုပ်လေးအကြောင်းကို မဖတ်ရသေးတဲ့သူတွေကို မျှဝေချင်၊ သိစေချင် လာတာကြောင့်  ရေးဖို့ စေ့ဆော်လာတဲ့ စိတ်ဆန္ဒတစ်စုံကို ဘယ်လိုအရာကမှ တားဆီးလို့ မရနိုင်တော့တာကြောင့် ဒီပိုစ့်လေး တစ်ပုဒ်ကို ရေးဖြစ်ရပြန်ပါပြီ။


Image Hosted by PicturePush - Photo Sharing

ညှို့ငင်တောင်စာအုပ်ရဲ့ ရှေ့နောက် မျက်နှာဖုံး

ဆရာရဲ့ ညှို့ငင်တောင် ဆိုတဲ့ စာအုပ်လေးအကြောင်းကို Facebook က ဆရာ့ဝေါလ်ပေါ်က ပေါ်မှာ တွေ့ကတည်းက အရမ်းကို ဖတ်ချင်နေခဲ့တာ။ အဲဒါနဲ့ ထုံးစံအတိုင်း ကျွန်မရဲ့ အစ်မလို ချစ်ခင်ရပါတဲ့ မမြသွေးနီကို အပူကပ်ရပါတော့တယ်။ မမြသွေးနီကလည်း အဲဒီ စာအုပ်လေးကို မရမက ရှာဝယ်ပြီး ကျွန်မဆီကို လက်ဆောင်လေးအဖြစ် ပို့ပေးလိုက်တဲ့အခါမှာတော့ ဝမ်းသာကြည်နူးစိတ်တွေနဲ့ စာအုပ်လေးကို တယုတယ ကိုင်ကြည့်မိပါတယ်။ ကဒ်ထူအဖုံးလေးတွေနဲ့ သပ်ရပ်လှပစွာ ချုပ်ထားတဲ့ ဒီစာအုပ်လေးဟာ မဖတ်ခင်ကပင်လျှင် ဖတ်ချင်စိတ်တွေ တဖွားဖွားပေါ်လာအောင် ညှို့ငင်နိုင်စွမ်း လွန်းခဲ့ပါတယ်။ နှင်းဖုံးရေခဲတောင်ကြီးတစ်ခုရဲ့ ပုံရိပ်နဲ့အတူ အခြားသော ဓာတ်ပုံများစွာတို့ကလည်း အေးချမ်းတဲ့ တောတောင် သဘာဝပတ်ဝန်းကျင်ကို စိတ်ဝင်စားသူတွေ၊ လူသူ အရောက်အပေါက်နည်းတဲ့ တိုင်းရင်းသားမျိုးနွယ်စုတွေကို စိတ်ဝင်စားသူတွေ၊ သမိုင်းကြောင်းကို စိတ်ဝင်စားသူတွေ တကယ်ကို တန်ဖိုးထား ဖတ်ရှုချင်စရာပါ။ စာအုပ်ထဲက အကြောင်းအရာတွေဟာလည်း ကျွန်မ ဘယ်တုန်းကမှ မရောက်ခဲ့ဖူးသေးတဲ့ နေရာတစ်ခု၊ ဘယ်တော့မှ ရောက်နိုင်မယ်မှန်း မသိတဲ့ နေရာဒေသလေး တစ်ခုအကြောင်းပါ။ ကချင်ပြည်နယ်သူ ကျွန်မဟာ မြန်မာပြည်ရဲ့ နေရာ ဒေသ တော်တော် များများကို ရောက်ခဲ့ဖူးပေမဲ့ အီမောဘွမ်ဆိုတဲ့ လမ်းပန်း ဆက်သွယ်ရေး ခက်ခဲပြီး တောတောင် ထူထပ်လှတဲ့ ဒီနေရာ ဒီဝန်းကျင် ဒီဒေသကိုတော့ နာမည်ကြားဖူးရုံကလွဲလို့ ဘယ်တုန်းကမှ မရောက်ခဲ့ ဖူးသေးပါဘူး။ တစ်ခြားသော သူတွေထဲမှာလည်း အစိုးရ ဝန်ထမ်းများလောက်သာ ရောက်ဖူးကြမှာဖြစ်ပြီး  သာမန်သူတွေ အနေနဲ့တော့ ရောက်ဖူးတဲ့သူ အလွန်ကို နည်းမယ်ဆိုတာ ယုံကြည်ပါတယ်။ ဒါကြောင့်လည်း ခက်ခဲတဲ့ နေရာဒေသဖြစ်တာမို့ အဲဒီစာအုပ်ထဲက အကြောင်းအရာ တစ်ချို့ကို ပြန်လည် ဖော်ပြချင်စိတ်တွေ ဖြစ်လာမိတာပါ။

Image Hosted by PicturePush - Photo Sharing

အစ်မ မြသွေးနီရဲ့လက်မှတ်လေး ပါရှိတဲ့ ညှို့ငင်တောင် စာအုပ်လေးပါ။ ခုလည်း သူ့ ကျေးဇူးနဲ့ စာအုပ်ထွက်ပြီး မကြာမီမှာဘဲ ဖတ်ခွင့်ရတဲ့ စာအုပ်လေးမို့ တကူးတက ရှာဝယ်ပြီး အမြန်ဆုံး ပို့ပေးတဲ့ အစ်မကို ကျေးဇူးတင်ကြောင့် ဒီနေရာကနေ ပြောချင်ပါတယ်။ ကျွန်မ ဖတ်ချင်သမျှ၊ ပူဆာသမျှ စာအုပ်တွေကို လိုလိုလားလား ရှာဖွေပို့ပေးလေ့ရှိတဲ့ အစ်မရဲ့ ကျေးဇူးတွေကလည်း ကျွန်မထံရောက်နေတဲ့ များလှစွာသော စာအုပ်တွေနည်းတူ ကျေးဇူးများလှပါပြီ။ ကျေးဇူးကုဋေကုဋာပါ အစ်မရေ။


ညှို့ငင်တောင် စာအုပ်အကြောင်း ဆက်ပြောရမယ်ဆိုရင် စိတ်ကူးချိုချို စာပေကနေ ထုတ်ဝေပြီး စာမျက်နှာ ၂၅၈ မျက်နှာပါ စာအုပ်တန်ဖိုး ၅ဝဝဝ လို့ ဆိုပေမဲ့လို့ ၅ဝဝဝထက် မကသော ဗဟုသုတ အကြောင်းအရာတွေက တကယ်ကို တန်ဖိုး ဖြတ်လို့ မရခဲ့တာ စာအုပ်လေးကို ဖတ်မိသူတိုင်း လက်ခံရမှာ အသေအချာပါ။ စာအုပ်လေးထဲမှာလည်း စိတ်ဝင်စားဖွယ် ဓာတ်ပုံတွေ ဝေဝေဆာဆာနဲ့ တကယ်ကို ကိုယ်တိုင်ရောက်သွားသလို ခံစားရတဲ့ ခံစားချက်မျိုး ပေးနိုင်တာကိုလည်း တွေ့ရပါလိမ့်မယ်ရှင်။ ပုံတွေ တော်တော်များများကလည်း အပြင်မှာ လွယ်လွယ်နဲ့ မြင်တွေ့နိုင်ဖို့ မလွယ်ကူတဲ့ လူမျိုးစုတွေရဲ့ လူမှုစရိုက်၊ ဒေသသဘာဝအလှ ဓာတ်ပုံတွေကို ဆေးရောင်စုံ ပုံတွေအဖြစ် ထည့်သွင်းထားတာကြောင့်လည်း စာရေးသူနဲ့ စာအုပ်ထုတ်ဝေသူတို့ရဲ့ စေတနာကိုလည်း တွေ့မြင်နိုင်ပါတယ်။ ဒီလောက်တောင် ဝေးလံခေါင်ဖျားပြီး ခက်ခဲလှတဲ့ နေရာဒေသ တစ်ခုရဲ့ အကြောင်းကို ဂဃနဏ နှိုက်နှိုက်ချွတ်ချွတ် သိမြင်နှံ့စပ် ရေးနိုင်စွမ်းတဲ့ ဆရာ ငြိမ်းအေးအိမ်ရဲ့ စိတ်အားထက်သန်မှု၊ လေ့လာအားထုတ်မှုနဲ့ ဒီမြေ  ဒီဒေသကို ချစ်မက်တွယ်တာမှုတို့ကိုလည်း စာအုပ်ဖတ်ရင်း ဖတ်ရင်းနဲ့ ပိုမို သဘောပေါက် နားလည်ခဲ့ရပါတယ်။


Image Hosted by PicturePush - Photo Sharing

စာအုပ်တွင် ပါဝင်သော လီဆူးမျိုးနွယ်တစ်စုတို့ရဲ့ နှစ်သစ်ကူးပွဲတော်ကျင်းပပုံ ပုံရိပ်တစ်ချို့

အီမောဘွမ်ဒေသဟာ ဆရာ့စာအုပ်ထဲမှာ ရေးသားဖော်ပြထားသလို စိတ်ဝင်စားဖွယ် အကြောင်းအရာတွေနဲ့ ပြည့်နှက်နေလိမ့်မယ်ဆိုတာလည်း ဘယ်တုန်းကမှ မတွေးခဲ့ မထင်ခဲ့မိတာကို ဝန်ခံမိပါတယ်။ စာအုပ်လေးကို ဖတ်မိတော့မှ ဒီတောင်တန်းဒေသတွေမှာ ဒီလိုစိတ်ဝင်စားဖွယ် သမိုင်းကြောင်းတွေ ၊ စိတ်ဝင်စားဖွယ် သစ်ပင်တွေ၊ လူနေမှု စရိုက်တွေ၊ သဘာဝ ပတ်ဝန်းကျင်တွေ ရှိနေပါလားဆိုတာ သိလာရပါတော့တယ်။ စာအုပ်ထဲမှာ ပါဝင်တဲ့ စိတ်ဝင်စားဖွယ် အကြောင်းအရာတစ်ချို့ကို ကောက်နှုတ်ဖော်ပြရမယ်ဆိုရင် စာအုပ်ထဲ ပါဝင်တဲ့ အီမောဘွမ်တောင် ဝန်းကျင်ဆိုတာ လော်ဝေါ်၊ လာချိဒ်၊ လီဆူ၊ ရဝမ် သတဲ့ ကချင်မျိုးနွယ်စုမှာပါဝင်တဲ့ တိုင်းရင်းသားတွေ နေထိုင်တဲ့ ဒေသ တစ်ခု ဖြစ်ပြီး ထူးခြားတဲ့ ယဉ်ကျေးမှု ဓလေ့ထုံးစံ၊ အယူအဆ ကိုးကွယ်ယုံကြည်မှုများနဲ့အတူ သက်တမ်းရှည်လှတဲ့ သမိုင်းကြောင်းများရှိပြီး ရှားပါး သစ်ပင်၊ သယံဇာတနဲ့ အင်းဆက်၊ သက်ရှိ ဇီဝမျိုးစိတ်များ ပေါကြွယ်ရာ ဒေသတစ်ခု ဖြစ်တယ်လို့ သိရပါတယ်။ တရုတ်ပြည်နယ်စပ်နဲ့ နီးကပ်နေပြီး ကချင်ပြည်နယ်ရဲ့ အရှေ့မြောက်ဖက်နားမှာ တည်ရှိတဲ့ အီမောဘွမ်တောင် ဒေသဟာ ဟိမဝန္တာတောင်စဉ် တောင်တန်းကြီးရဲ့ အစိတ်အပိုင်းတစ်ခုဖြစ်ပြီး လွန်ခဲ့တဲ့ နှစ်သန်းပေါင် ၁၀၀ကျော်က ပင်လယ်ရေအောက်ကနေ ကုန်းမြေအဖြစ် ပေါ်ထွန်းလာတဲ့ ဟိမဝန္တာ တောင်တန်းကြီး ပေါ်ပေါက် လာပြီးနောက်မှာ မြန်မာ့မြေလွှာအဖြစ် အစောဆုံးပေါ်ထွန်းလာတဲ့ ဒေသတစ်ခုလည်း ဖြစ်တယ်လို့ ဆရာက အကိုးအကားများနဲ့ ပြဆိုထားပါတယ်။ ထိုသို့သော အစောဆုံးပေါ်ထွန်းလာတဲ့ မြေလွှာများဖြစ်တဲ့အပြင် ကောင်းမွန်တဲ့ မြေသြဇာနဲ့ ဆင်းကဲဖြစ်စဉ် ပြောင်းလဲတိုးတက်မှုတို့ကြောင့် ကမ္ဘာပေါ်မှာ မည်သည့်နေရာတွင်မျှ မတွေ့နိုင်ရနိုင်တဲ့ အပင်များ ပေါက်ရောက်ရာ နေရာဖြစ်တယ်လို့ ဖတ်ရတဲ့အချိန်မှာတော့ ဆရာနဲ့ ထပ်တူထပ်မျှ ဝမ်းသာလှိုက်လှဲခြင်း ပီတိကို ခံစားခဲ့ရပါတယ်။ အဲဒီလို အဖိုးတန် ဒေသဖြစ်လို့လည်း သဘာဝ ပတ်ဝန်းကျင် ထိန်းသိမ်းရေး သမားတွေက သဘာဝတရားမပျက် ဆက်လက် ရှိနေစေချင်ကြပြီး ထိန်းသိမ်းတန်ဖိုးထားသင့်တဲ့ နေရာတစ်ခု ဖြစ်ကြောင်း အသိအမှတ်ပြုထားကြတယ်လို့ ဆိုပါတယ်။ 


Image Hosted by PicturePush - Photo Sharing

အီမောဘွမ်တောင်အနီးက ဖီမော်ဒေသကို ဒုတိယကမ္ဘာစစ် မဖြစ်မီကပင် အစောဆုံးရောက်ရှိခဲ့တဲ့ နိုင်ငံခြားသား သဘာဝသိပ္ပံပညာရှင် Frank Kingdon Ward ဟာ အီမောဘွမ်ဒေသက တောင်ဇလပ်ပန်း အပါအဝင် ပန်းမျိုးစိတ်ပေါင်း တစ်ထောင်ကျောက်ကို ခက်ခက်ခဲခဲ စုဆောင်းပြီး အင်္ဂလန် တောင်ဝင် ရုက္ခဗေဒဥယျာဉ်ကို ပေးပို့နိုင်ခဲ့ကာ နှစ်ပေါင်း ၆၀အတွင်းမှာ တောင်ဇလပ် မျိုးစပ်ပေါင်း ၁ဝဝဝ ကျော်နဲ့ အခြားသော ပန်းမျိုးစပ်ပေါင်း များစွာ ဖန်တီးနိုင်ခဲ့တဲ့အတွက် မြန်မာ့ရေမြေပေါ်က သယံဇာတ ပန်းမျိုးကလေးတွေဟာ မြန်မာ့မြေမှာ ကျော်ကြားခွင့်မရခဲ့ဘဲ တိုင်းတစ်ပါးမှာ ရှင်သန်ပြီး ကိုယ့်မြေကိုယ့်ရေပေါ်က ပန်းတွေနဲ့ သူတစ်ပါးက နာမည်ကြီးသွားတာ၊ ကျော်ကြားခွင့် ရသွားခဲ့တာကို ဆရာက ရင်ထုမနာ ရေးသားထားတာကို ဖတ်ရတော့ တကယ်ကို  နှမြောတသ ဖြစ်ရပါတယ်။ ပြီးတော့လည်း အီမောဘွမ်တောင် တစ်ဝိုက်က ရှားပါးလိပ်ပြာတွေ ထိုင်းနိုင်ငံ ချင်းမိုင်ဈေးထဲ ရောင်းနေတာကို တွေ့ခဲ့ရတယ်လို့ ပြန်လည်ပြောပြသူက ကိုယ့်အိမ်က အဖိုးတန်ရတနာတွေကို အခိုးခံသွားရတာကို မသိလိုက်တဲ့ အိမ်ရှင် လူနုံ လူအ တစ်ယောက်ကို ကြည့်နေတဲ့ သနားကြည့် လို့ ဆရာက ဆိုထားပြန်တော့ လူနုံလူအထဲမှာ ကျွန်မတို့တွေ အပါအဝင်ဖြစ်ပြီး မိမိတို့ကိုယ်တိုင်က တန်ဖိုးထားသင့်တာတွေကို တန်ဖိုးထားရကောင်းမှန်း မသိခဲ့တဲ့ နုံအခြင်းမျိုးနဲ့ ကြီးပြင်းလာရသူတွေပါလားလို့ တွေးမိရပါတယ်။


Image Hosted by PicturePush - Photo Sharing


ငါ့ချန်းခ ထင်းရှူးပင် (ဒီပုံကိုတော့ အင်တာနက်က ရှာဖွေထည့်သွင်းထားတာပါ)

ညှို့ငင်တောင် စာအုပ်ထဲက နောက်ထပ် သိခွင့်ရလိုက်တဲ့ အပင်အကြောင်းကတော့ အမြင့်ပေ ၇ဝဝဝ ကနေ ၁၂ဝဝဝ ကျော်၊ အီမောဘွမ်တောင်ခြေက ခေါင်လန်ဖူး နဲ့ ထော့ဂေါ် ဒေသတို့မှာသာ ပေါက်ရောက်တဲ့ ငေါ့ချန်းခ ထင်းရှူးမျိုးနွယ် အကြောင်းပါ။ ( Taiwania Cryptomerioides) လို့ခေါ်တဲ့ ၄င်းထင်းရှူးမျိုးဟာ ထိုင်ဝမ် ( ဖော်မိုဆာ ကျွန်းမှာ) ပေါက်ရောက်ခဲ့ဖူးပေမဲ့ မျိုးတုန်းသွားခဲ့ပြီး ခုနေခါမှာတော့ တစ်ကမ္ဘာလုံးမှာမှ မြန်မာပြည် အီမောဘွမ်တောင်ခြေက ငေါ့ချန်းခ မြစ်ဝှမ်းတစ်လျှောက်မှာသာ ရှိတော့တယ်လို့ ဂုဏ်ယူဖွယ် သိရပါတယ်။ သို့ပေမဲ့လည်း အဲဒီထင်းရှူးတွေကို Coffin Tree လို့လည်းခေါ်ပြီး တရုတ်လူမျိုးတွေက  လူသေရင် ထည့်သွင်း မြှုပ်နှံဖို့ အခေါင်း ပြုလုပ်ရန်အတွက် ၁၈၉၀ ခန့် လမ်းဟူ၍ လုံးဝမရှိခင်ကတည်းက ပေတစ်သောင်းကျော်မြင့်ပြီး ခက်ခဲကြမ်းတမ်းလှတဲ့ တောင်ပေါ်ခရီးလမ်းကနေ သူတို့ရဲ့ တစ်ဖက်နိုင်ငံကို ထုတ်ယူနေခဲ့ကြတာဟာ ခုချိန်မှာတော့ အလွန်ရှားပါးနေပြီ ဖြစ်တယ်လို့ ဖတ်ရပါတယ်။ တရုတ် လူမျိုးတွေအတွက် လူသေခေါင်းတွေကို ဒီလို အဖိုးတန် ထင်းရှူးသားတွေနဲ့ ပြုလုပ်ကြကြောင်းနဲ့ ၄င်း ထင်းရှူးသား နဲ့ ပြုလုပ်တဲ့ ခေါင်းတွေဟာလည်း ဈေးအလွန် ကြီးကြောင်း စိတ်ဝင်စားဖွယ် ဖတ်ရသော်လည်း ဒီပိုစ့်မှာ အဲဒီထင်းရှူးပင်တွေရဲ့ အကြောင်းများကိုလည်း ဆက်ရေးမယ်ဆိုရင် ပိုစ့်က သိပ်ရှည်သွားမှာစိုးပါတယ်။ ဒါကြောင့် အဲဒီ အကြောင်းတွေကို စိတ်ဝင်စားတယ်ဆိုရင် ဒီ ညှို့ငင်တောင် စာအုပ်ထဲမှာ အသေးစိတ် ရေးထားတာကို ဆက်လက် ဖတ်ရှူနိုင်ပါတယ်။ တရုတ်လူမျိုးတွေရဲ့ အသုဘအတွက် အလွန် အဖိုးတန်ပါတယ် ဆိုတဲ့ အဲဒီ ထင်းရှူးပင် တွေဟာ ငေါ့ချန်းခ ဒေသမှာ ဘယ်နှစ်ပင်လောက်သာ ကျန်ရှိတော့မလဲ ဆိုတာကိုတော့ ကျွန်မ သိချင်စမ်းလှပါတယ်။


Image Hosted by PicturePush - Photo Sharing


Yew Tree ခေါ် ကျောက်ထင်းရှူး 

အဲဒီဒေသက နောက်ထပ် အဖိုးတန် အပင်တစ်မျိုးကတော့ Yew Tree လို့ခေါ်တဲ့ ကျောက်ထင်းရှူးပင်ပါ။ တရုတ်နဲ့ တိဘက်တိုင်းရင်းဆေးအရ ကင်ဆာရောဂါများ အထူးပျောက်ကင်းတယ်လို့ ဆိုပါတယ်။ အဲဒီ ကျောက်ထင်းရှူးနဲ့ လုပ်တဲ့ အိုးခွက်ပန်းကန်ခွက်ယောက်တွေကို သုံးစွဲခြင်းအားဖြင့် ခန္ဓာကိုယ်တွင်းက ရောဂါ ဘယတွေ ပျောက်ကင်းစေနိုင်လို့ ဆိုပါတယ်တဲ့။ ကျွန်မတို့ မြန်မာနိုင်ငံကြီးရဲ့ နယ်နမိတ်ထဲမှာ ပေါက်ရောက်ပေမဲ့ အဲဒီအိုးခွက်ပန်းကန် အသုံးအဆောင်တွေကို မြင်ဖူးသူ မရှိသလောက် ရှားမယ် ထင်ပါရဲ့။ သို့သော်လည်း တရုတ်ပြည်တွင်းက လူတွေကတော့ ၄င်းထင်းရှူးများကို ဈေးကြီးပေး ဝယ်သုံးကြတဲ့ ဈေးကွက်တစ်ခု ဖြစ်နေခဲ့ပါတယ်တဲ့။ ကိုယ့်မြေက ထွက်တဲ့ တန်ဖိုးကြီးရှားပါး အပင်တွေကို ထိမ်းသိမ်းဖို့မပြောနဲ့ သိတောင် မသိလိုက်၊ မြင်တောင် မမြင်ဖူးလိုက်ရဘဲ မကြာခင်မှာ မျိုးတုန်း ပျောက်ကွယ်သွားရတော့မှာကိုတော့ တကယ်ကို နှမြော သတ နောင်တ ရချင်စရာပါ။ စာအုပ်ထဲက စိတ်ဝင်စားဖွယ် နောက်ထပ် အကြောင်းအရာတစ်ခုက သစ်ခွပင်ကနေရတဲ့ အမျှင်တွေနဲ့ ရိုးရာဝတ်စုံတွေ၊ လွယ်အိတ်တွေ၊ ခေါင်းပေါင်း စတဲ့ အသုံးအဆောင်တွေမှာ အလှဆင်တဲ့ အတတ်ပညာအကြောင်းပါ။ ပြီးတော့လည်း မြို့ပြနဲ့ ဝေးလှတဲ့ နေရာဒေသမှာ နေထိုင်ကြတဲ့ တောင်ပေါ် တိုင်းရင်းသားတွေရဲ့ ဝတ်စုံတွေအတွက် အရောင်မျိုးစုံ ရအောင်လုပ်တဲ့ အပင်တွေ အကြောင်းကလည်း တကယ်ကို ဗဟုသုတရခဲ့ပါတယ်။ တောင်ပေါ်ဒေသသားတွေဟာ ဆန်းစပါးကို အဓိက စိုက်ပျိုးစားသုံးကြတာကြောင့် တောင်ပေါ်က မြေနေရာ ကျဉ်းကျဉ်းလေးတွေမှာဘဲ လှေကားထစ်လေးတွေ ခက်ခက်ခဲခဲ ပြုလုပ်ပြီး စိုက်ပျိုးကြပုံဟာ အခြားသူတွေ ကြည့်ရုံသာကြည့်ရင် မျက်စိ ပသာဒဖြစ်စရာရှုခင်း ဖြစ်နေနိုင်ပေမဲ့ ဒီလို လှေကားထစ် စပါးစိုက်ခင်းမျိုးဖြစ်လာဖို့ ဒေသခံတွေမှာ ဘယ်လောက်တောင် ကြိုးပမ်းအားထုတ်ခဲ့ရမယ်ဆိုတာ စဉ်းစားကြည့်ချင်စရာပါ။  လော်ဝေါ်တိုင်းရင်းသားတို့ဟာ ရာသီအလိုက်အော်မြည်တတ်တဲ့ ငှက်အော်သံကို နားထောင်ပြီး စပါးစိုက်ပျိုးခြင်း၊ တောင်ယာခုတ်ထွင်ခြင်း၊ တောင်ယာမီးရှို့ခြင်း စသည်တို့ကို လုပ်ကိုင်တတ်ကြကြောင်း ဖတ်ရတဲ့အခါမှာ တောတောင်ကျေးလက်နေ လူသားတွေရဲ့ ပတ်ဝန်းကျင် သဘာဝနဲ့ လိုက်လျောညီထွေ နေထိုင်တတ်ကြပုံကလည်း နှစ်သက်စဖွယ်ဖြစ်ရပြန်ပါတယ်။ 


Image Hosted by PicturePush - Photo Sharing


Image Hosted by PicturePush - Photo Sharing


အီမောဘွမ်တောင် အနောက်တောင်အရပ်က ချီဖွေမြို့အနီး မေခမြစ်ကမ်းအနီးမှာရှိတဲ့ လာဗျူချောင် လိုဏ်ဂူ အကြောင်းကလည်း စာအုပ်အပေါ် ကျွန်မရဲ့ စိတ်ဝင်စားမှုကို ပိုပြီး မြှင့်တက် လာစေခဲ့ပါတယ်။ ၄င်း လာဗျူချောင်လိုဏ်ဂူဟာ မြန်မာနိုင်ငံမှာ တွေ့ရှိရတဲ့ ရှေးဟောင်းဂူတွေထဲမှာ အကြီးဆုံးဖြစ်နိုင်ပြီး အဲဒီဂူသွားလမ်းတစ်လျှောက်မှာတော့ နွား၊ လား၊ မြင်း၊ ဝက် စတဲ့ အကောင်ပုံသဏ္ဍန် ထွင်းထုထားတဲ့ ကျောက်တုံးမှာ ၊ ရူအတွင်း နံရံတွေပေါ်မှာ ရှေးဟောင်းလူသားတွေ ရေးဆွဲထားခဲ့တဲ့ တိရိစ္ဆာန်ရုပ်ပုံများနဲ့ ဂူအတွင်း မှာတော့  ကျောက်ဆုံ၊ ကျောက် ဒယ်အိုး၊ ဖိုခနောက်များနဲ့ ရှေးဟောင်း ရုပ်ကြွင်းများ တွေ့ရှိခဲ့ရဖူးတယ်လို့ သိရပါတယ်။ အထူးစိတ်ဝင်စားဖွယ် အချက်ကတော့ အဲဒီဂူထဲမှာ တွေ့ခဲ့ရတဲ့ စပါးစေ့တွေရဲ့ သက်တမ်းဟာ ကျောက်ခေတ်နှောင်းပိုင်း ကာလဖြစ်တယ်လို့ ခန်းမှန်းတွက်ချက်ထားတာကြောင့် မြန်မာပြည်မှာ အစောဆုံး စပါးစိုက်ပျိုးခဲ့တဲ့ နေရာဟာ ၄င်းနေရာ ဒေသ တစ်ဝိုက် ဖြစ်နိုင်ပြီးတော့ ရှေးခေတ်လူတွေအနေနဲ့ စပါးပင်အရိုင်းကနေ စားနိုင်တဲ့ စပါးစေ့ရရှိတဲ့ အပင်အဖြစ် ယဉ်ပါးလာအောင် စိုက်ပျိုးခဲ့တဲ့ ကမ္ဘာ့စပါး ပထမဦးဆုံး စပါးစိုက်ပျိုးရာနေရာလည်း ဖြစ်နိုင်တယ်လို့ အကိုးအကား အထောက်အထားများနဲ့ ဖော်ပြထားတာကြောင့် လာဗျူချောင် လိုဏ်ဂူထဲက တွေ့ရှိရတဲ့ ရှေးဟောင်းလူတွေရဲ့ အသုံးအဆောင်တွေနဲ့ ကျောက်ခေတ် စပါးစေ့တွေဟာ စပါးနဲ့ပတ်သက်တဲ့ စိတ်ဝင်စားဖွယ်၊ ဂုဏ်ယူဖွယ်သမိုင်းကြောင်းတစ်ခု အဲဒီနေရာမှာ ရှိခဲ့တယ်လို့ ဖော်ပြနိုင်ခဲ့တာဟာလည်း ဝမ်းမြောက်စရာ ဖြစ်ရပါတယ်။ အဲဒါကြောင့်လည်း အီမောဘွမ်အနီးက လာဗျူချောင် ဂူဟာ လူသိနည်းပြီး မထင်ရှားသေးသော်လည်း သမိုင်းတန်ဖိုး အထောက်အထား ကြီးမားလှတယ်ဆိုတာ ထင်ရှားလှပါတယ်။ သို့သော်လည်း ယခုအခါ  ချီဖွေ ရေအားလျှပ်စစ် စက်ရုံတည်ဆောက်ရေး စီမံကိန်းအတွက် လုပ်ငန်းခွင် ဝင်နေသော စက်ယန္တရားများ၊ လူများ၊ လမ်းများကတော့ လဗျူချောင်ရှိရာ ဝန်းကျင်တစ်ဝိုက်တွင် တိုးတိုးလှုပ်လှုပ် ရှိနေကြသည်။  ခေတ်သည် မြန်ဆန်သော အဟုန်ဖြင့် ကမူးရှူးထိုး ပြေးလွှားပြောင်းလဲနေ၏။ သမိုင်းတန်ဖိုး မသိသော၊ ဥာဏ်ပညာနည်းသောသူတို့ မောင်းနှင်ကြမည့် ယန္တရားကြီးသည် ထိုဂူကို ဖောက်ထွင်း ဖြတ်မောင်းဝင်ချသွားမည်ကို စိုးရိမ်နေမိသည် လို့ ရေးသား ဖော်ပြထားတဲ့ အရေးအသားပေါ်မှာ ဆရာ့ရဲ့ အဲဒီဒေသကို တန်ဖိုးထား စိုးရိမ်စိတ်တွေကို အထင်းသား တွေ့မိရပါတယ်။ လာဗျူချောင်လိုဏ်ဂူနည်းတူ စိတ်ဝင်စားဖွယ် အခြားဂူတစ်ခုလည်း ရှိသေးတယ်လို့ဆိုပါတယ်။ ချီဖွေမြို့ အနီးက လင်းနို့ဂူလို့ခေါ်တဲ့ ရှေးဟောင်းဂူကြီးတစ်ခုထဲက ဂူနံရံမှာလည်း ရှေးခေတ်လူသားတွေ ရေးဆွဲခဲ့တဲ့ နံရံပန်းချီများစွာ ရှိနေတယ်လို့ ဖတ်ရပါတယ်။ အဲဒီရှေးဟောင်းလက်ရာတွေကို တာဝန်ရှိသူများက လေ့လာဖော်ထုတ်မှုပြုနေပြီလား၊ သိပင်မသိကြသေးဘူးလား ဆိုတာကတော့ ကျွန်မတို့ မသိနိုင်ခဲ့ပါ။ လေ့လာ မှတ်တမ်းတင်ခြင်း မပြုနိုင်ခင်မှာဘဲ ပျောက်ပျက်သွားခဲ့ရင်တော့ အလွန်ကို နှမြောစရာပါ။

Image Hosted by PicturePush - Photo Sharing

အီမောဘွမ်တောင်ဒေသမှာ နေထိုင်ကြတဲ့ လာချိဒ်၊ လော်ဝေါ်၊ လီဆူ စတဲ့လူမျိုးတွေရဲ့ ရှေးနှစ်ပေါင်းများစွာက ဆင်းသက်လာတဲ့ သမိုင်းကြောင်းများ၊ နေထိုင်စားသောက်မှု ဘဝများ၊ ရုန်းကန်လှုပ်ရှားမှုများ၊ ကိုးကွယ်ယုံကြည်မှု၊ ဓလေ့ထုံးစံများ ၊ ဘာသာစကား၊  ရိုးရာပွဲတော်များ၊ အမဲလိုက်ခြင်း၊ စိုက်ပျိုးခြင်း အတတ်ပညာများ၊ နွားနောက်စတဲ့ ဒေသတွင်း တိရိစ္ဆာန်များနဲ့ ရှားပါးပန်ဒါနီ၊ တိဘက်နွား စသည်တို့နဲ့၊ ထိုဒေသမှာဖြစ်ပွားခဲ့သော စစ်ပွဲများ၊ အင်္ဂလိပ်ခေတ်မှာ အီမောဘွန်လို မြန်မာပြည်ရဲ့ နယ်နမိတ် အစွန်အဖျား ဝေးလံခေါင်ဖျား တောင်ပေါ်ဒေသအထိ ရောက်အောင် သွားရောက်ခဲ့တဲ့ ဗြိတိသျှစစ်တပ်များ၊ တရုတ်နဲ့ နယ်မြေကိစ္စ အချင်းများရပုံများ ၊ ဒေသခံ တိုင်းရင်းသားများမှ နယ်ချဲ့တို့ကို တွန်းလှန်တိုက်ခိုက်ခဲ့ပုံများ၊ KIA အဖွဲ့အစည်း စတင်ပေါ်ပေါက်လာပြီး ၄င်းဒေသကိုဖြတ်သန်းကာ တစ်ဖက်နိုင်ငံသို့ ရောက်ရှိသွားပုံများ၊ အင်အားကောင်းလာပုံများ စသည့် အကြောင်းအရာကိုလည်း ဓာတ်ပုံများ၊ အထောက်အထား အကိုးအကားများနဲ့ ထည့်သွင်းဖော်ပြထားတာဟာ မပျင်းမရိ ဖတ်ချင်စဖွယ် စိတ်ဝင်စားစဖွယ် ဖြစ်ရပါတယ်။ လာချိဒ်လူမျိုးတွေရဲ့ နာမည်ပေးပုံနဲ့ ရှေး ပုဂံခေတ်က ဘုရင်တွေရဲ့ နာမည် နောက်ဆုံးစာလုံးကို အဆင့်အဆင့် ယူဆောင် ထည့်သွင်းသွားကြပုံတို့ရဲ့ ( ဥပမာ- ပျူစောထီး၊ ထီးမင်းယဉ်၊ ယဉ်မင်းပိုက်၊ ပိုက်သေလည်၊ သေလည်ကြောင်၊ ကြောင်ဒူရစ် စသဖြင့်) တူညီ ဆက်စပ်မှုကိုလည်း ဗဟုသုတ ရလိုက်ရပြန်ပါတယ်။ 


Image Hosted by PicturePush - Photo Sharing

နှင်းဖုံးတောင်ကို တစ်စွန်းတစ် လှမ်မြင်ရတဲ့ ဂိတ်စခန်းတစ်နေရာ

နယ်ချင်းဆက်စပ်နေတဲ့ တရုတ်ပြည်နဲ့  ခေတ်အဆက်ဆက် အငြင်းပွားခဲ့ရတဲ့ နယ်နမိတ်သတ်မှတ်ရေး ပြဿနာဟာလည်း အီမောဘွမ်ဒေသလေးကို သက်ရောက်မှု ရှိခဲ့ရပြန်ပါတယ်။  မြန်မာပြည် လွတ်လပ်ရေး ရပြီးနောက် ဦးနုခေတ်မှာ တရုတ်ပြည်နဲ့ နယ်နမိတ် အခိုင်အမာ ခွဲဝေ သတ်မှတ်ကြရာမှာ မြန်မာပြည်ရဲ့ အီမောဘွမ်ဒေသက ကချင်ရွာ သုံးရွာကို တရုတ်ဘက် ပေးလိုက်ရတယ်လို့ ပြောဆိုနေကြတဲ့ အကြောင်းရင်း အမှန်ကိုလည်း ဆရာရဲ့ စာအုပ်ထဲမှာ သေချာ အသေးစိတ် မြေပုံများနဲ့တကွ ရှင်းပြထားတာကြောင့် တော်တန်ရုံ မသိခဲ့တဲ့ ၊ လူအများ ဝေဝေဝါးဝါး သိထားခဲ့တဲ့ အကြောင်းအရာတွေကို သိလိုက်ရပြန်တာဟာ ဒီစာအုပ်ထဲက ရလိုက်တဲ့ တန်ဖိုးရှိ အကြောင်းအရာ တစ်ခု ဖြစ်ခဲ့ရပါသေးတယ်။  ရှေးကဖြစ်ပွားခဲ့တဲ့ ဒီအကြောင်းအရာတွေကို မသိမမီခဲ့တဲ့ နှောင်းခေတ် ကျွန်မတို့လို လူတွေနဲ့ အခြားသူတွေကို သိစေ၊ ဖတ်စေချင်မိပါတယ်။ မြန်မာ့ရေမြေ၊ မြန်မာ့သမိုင်းကြောင်းနဲ့တကွ အီမောဘွမ်ဆိုတဲ့ ဒေသဟာ ဝေးလံခေါင်ဖျား လူသူ အရောက်အပေါက်နည်းတဲ့ နေရာဖြစ်ပေမဲ့ ကျွန်မတို့ရဲ့ သွေးချင်း မြန်မာပြည် သားတွေ နေထိုင်တဲ့ နေရာ ဖြစ်တာကြောင့် သိထားသင့်တဲ့ အကြောင်းအရာတွေ ဆိုရင်လည်း မမှားပါဘူး။ ဒါကတော့ စာအုပ်ရဲ့ ပထမပိုင်းမှာ ပါဝင်တဲ့ အကြောင်းအရာများ ဖြစ်ပါတယ်။


Image Hosted by PicturePush - Photo Sharing

အပိုင်း (၂)မှာတော့ ဆရာက ဂျပန်နိုင်ငံသူ သူငယ်ချင်းတစ်ယောက်ရဲ့ အီမောဘွမ်တောင်ကို ဘယ်လိုလာရမလဲ ဆိုတဲ့ မေးတဲ့အီးမေလ်းကို ပြန်ဖြေတဲ့သဘောမျိုး၊ အသေးစိတ် အကြောင်းပြန်တဲ့ လမ်းညွှန်စာ သဘောမျိုးနဲ့ ရန်ကုန်ကနေ မြစ်ကြီးနား မြစ်ကြီးနားကနေမှတစ်ဆင့် အီမောဘွမ်တောင်ကို ဘယ်လိုလာရမယ်၊ လမ်းမှာ ဘာတွေ တွေ့ကြုံရမယ်၊ ဘာတွေရှိတယ်၊ အဲဒီဒေသခံတွေဟာ ဘယ်လိုရုန်းကန် လှုပ်ရှား သွားလာကြတယ်၊ ဘယ်လိုနေထိုင်အသက်မွေးကြတယ် ဆိုတာတွေကို ဒေသခံလူတွေရဲ့ ခံစားမှု တစ်စိတ်တစ်ပိုင်း ရောစွက်လို့ ရေးသားထားပုံကလည်း ကောင်းမွန်တဲ့ ဆရာ့ရဲ့ အရေးအသား ၊ စိတ်ဝင်စားဖွယ် အချက်များရဲ့ ဆွဲခေါ်မှုကြောင့် ကိုယ်တိုင်ကိုယ်ကျ ဒီခရီး ဒီလမ်းကို သွားလိုက်ရသလို ခံစားရစေပါတယ်။ 
 
ဆရာငြိမ်းအေးအိမ်ဟာ ဒီစာအုပ်ကို ရေးသားရာမှာ သေချာအချိန်ယူပြီး လေ့လာဆည်းပူးခဲ့တဲ့ အချက်အလက်များစွာ ၊ကိုယ်တိုင်ကိုယ်ကျ သွားရောက်ခဲ့တဲ့ အတွေ့အကြုံများစွာ၊ ဆရာကိုယ်တိုင် ရိုက်ယူခဲ့တဲ့ ဓာတ်ပုံများစွာတို့နဲ့အတူ သမိုင်း အထောက်အထား၊ စာရွက်စာတမ်းများစွာတို့ကို ကိုးကားပြီး ရေးသားထားတယ်ဆိုတာ စာအုပ်ကို ဖတ်ကြည့်ရင် သိသာထင်ရှားလှပါတယ်။ ဒီစာအုပ်ကို ဖတ်ပြီးတာနဲ့ မကြာခဏ ပြန်ဖတ်ဖြစ်မဲ့ စာအုပ်၊ အခြားသူတွေကိုလည်း ဖတ်စေချင်တဲ့ စာအုပ်၊ ကိုယ့်ရဲ့စာအုပ်စင်လေးထဲမှာ သိမ်းဆည်းထားရမဲ့ စာအုပ်လို့ ကျွန်မအနေနဲ့ ခံစားမိပါတယ်။ ညှို့ငင်တောင် စာအုပ်အကြောင်း ဒီထက် ဆက်ရေးမယ်ဆိုရင် မူရင်းရသ ပျက်သွားမှာလည်း စိုးတာရယ်၊ စာအုပ်ဖတ်မဲ့သူတွေ အရှိန်ပျက်သွားမှာရယ် စိုးတာကြောင့် ဒီလောက်နဲ့ ရပ်ပါမယ်။ ကျွန်မ တတ်အားသလောက် ရေးထားတဲ့ ဒီစာအုပ်အညွှန်းလေးဟာ ဆရာ့စာအုပ်ထဲမှာပါဝင်တဲ့ အကြောင်းအရာတွေရဲ့ တန်ဖိုးနဲ့ စိတ်ဝင်စားဖွယ်ရာတွေကို ကုန်စင်အောင် ညွှန်မပြနိုင်ပေမဲ့ တစ်စိတ် တစ်ပိုင်းကိုတော့ အနည်းငယ်မျှလောက်ဖြစ်ဖြစ် ပေါ်လွင်စေလိမ့်မယ်လို့ ယုံကြည် မျှော်လင့်ပါတယ်။ စာအုပ်လေးကို ဖတ်ပြီးပေမဲ့ စာအုပ်ထဲက အကြောင်းအရာတွေက ကျွန်မရဲ့ အတွေးမျှင်တန်းကြီးက မပြတ်အောင် ဆွဲဆန့်ထားနိုင်ခဲ့ပါတယ်။ စာအုပ်ထဲက အကြောင်းတွေပေါ်မှာ တွေးစရာတွေ အများကြီး ကျန်ခဲ့ ရခဲ့ပါတယ်။  ဒီမြေဒီရေ ဒီတောင်တန်းပေါ်က ရှားပါးအကြောင်းအရာ၊ မသိသေးတဲ့ အကြောင်းအရာ၊ စိတ်ဝင်စားဖွယ် အကြောင်းအရာတွေကို ရေးသားခဲ့သူ ဆရာငြိမ်းအေးအိမ်ကိုလည်း ကျေးဇူးအထူး တင်ပါကြောင်း ချစ်ခင်စွာ ပြောကြားရင်း  စိတ်ဝင်စားဖွယ် အကြောင်းအရာတွေနဲ့ ပြည့်နှက်နေတဲ့ အီမောဘွမ်တောင်ခြေရဲ့ ရင်ခွင်ကို ခိုဝင်ရင်း တောင်ဇလပ်ပန်းတွေ ထင်းရှူးရနံ့တွေကို ရှူရှိုက်ဖို့၊ ဧရာဝတီမြစ်ကြီးထဲ စီးဝင်တဲ့ မေခမြစ်ရေ၊ မေခမြစ်ထဲ စီးဝင်တဲ့ ငေါ့ချမ်းခမြစ်ရေတွေကို သောက်သုံးဖို့ ၊ လော်ဝေါ်၊ လာချိဒ် တိုင်းရင်းသားတို့နဲ့ ထမင်းလက်ဆုံ စားနိုင်ဖို့ တစ်နေ့နေ့မှာတော့ ကျွန်မသည် အရောက်သွားနိုင်လိမ့်မယ်လို့ ယုံကြည်မိပါတယ်။

လေးစားချစ်ခင်စွာ

  

နှင်းလွှာခြုံသည့် မြောက်ဦးမြို့မနက်ခင်း



မြောက်ဦးမြို့အကြောင်း ဆက်ရေးရမယ်ဆိုရင် ကျွန်မ ရောက်သွားခဲ့တဲ့ ၂လပိုင်းအချိန်ဟာ ဆောင်းရာသီသာ ရှိသေးတာမို့ တောင်တန်းတွေ ပတ်လည်ဝိုင်းနေတဲ့ မြောက်ဦးမြို့ရဲ့ ဆောင်းမနက်ခင်းဟာ စိမ့်စိမ့်လေးနဲ့ အေးချမ်းလှပါတယ်။ မြောက်ဦးမြို့ မသွားခင်မှာ အင်တာနက်ပေါ်ကနေ သူများတွေ ရိုက်ထားတဲ့ ဓာတ်ပုံတွေကို မြင်ပြီး မြောက်ဦးရောက်ဖြစ်ခဲ့ရင် ကျွန်မလည်း အဲဒီလို ဓာတ်ပုံတွေ ရိုက်ဖြစ်အောင် ရိုက်မယ်လို့ ဆုံးဖြတ်မိပါတယ်။ မနက်ခင်း နှင်းမြူတွေအောက်မှာ မြောက်ဦးမြို့ရဲ့ ပတ်ဝန်းကျင်အလှနဲ့ အေးချမ်းမှုတို့ဟာ တကယ်ကို ရင်သပ်ရှုမော ဖြစ်ရလောက်ပါတယ်။ အဲဒီလို နှင်းမြူတွေနဲ့ ရှုခင်းကို ဓာတ်ပုံရိုက်ချင်တဲ့အတွက် ကျွန်မတို့ကို ကားမောင်းလိုက်ပို့တဲ့ ကားဆရာလေးကို ဘယ်နေရာက မနက်စောစော ရှုခင်းလှသလဲ၊ ဘယ်အချိန် အကောင်းဆုံးလဲ စသဖြင့် မေးလိုက်တာနဲ့ နိုင်ငံခြားသားတွေကို လိုက်ပို့နေကျ ကားဆရာက ဘယ်တောင်ပေါ်ကနေ ကြည့်ရင် အလှဆုံးရှုခင်းတွေကို မြင်ရတယ်၊ ဘယ်အချိန်ကောင်းတယ် စသဖြင့် ပြောပြပါတော့တယ်။ အဲဒါနဲ့ ကျွန်မတို့လည်း မနက်စောစော လာနိုးဖို့ ကားဆရာကို မှာထားလိုက်တော့ ကားဆရာက ကျွန်မတို့ တည်းခိုရာ ဟိုတယ်ကို မနက် ၅နာရီလောက်မှာ ဝိရိယကောင်းစွာ ရောက်လာပါတယ်။ ဟိုတယ်ကနေ ထွက်လာတဲ့အချိန်က မနက် ၅နာရီခွဲလောက် ရှိပါပြီ။ ခုတက်မဲ့ တောင်က ဦးမြဝါ တောင်ဖြစ်ပြီးတော့ ဟိုတယ်နဲ့ နီးတယ်ဆိုလို့ ကင်မရာလေး ယူပြီး လမ်းလျှောက်ဘဲ ထွက်လာခဲ့ကြပါတယ်။

တကယ်လဲ နီးနီးလေးပါဘဲ။ နဝရတ်ဟိုတယ်ကနေ လမ်းလျှောက်သွားတာ ၅မိနစ်တောင် မကြာဘူး ထင်ပါတယ်။ သျှင်မြဝါတောင် ခေါ် ဦးမြဝါတောင်ရှိရာနေရာကို ရောက်ပါတယ်။ နေထွက်တာ မမှီလိုက်မှာစိုးတဲ့အတွက် ကျွန်မက အရှေ့ဆုံးကနေ မောရမှန်း မသိအောင် အားစိုက်ပြီး လမ်းလျှောက် တက်ခဲ့ပါတယ်။ တောင်ထိပ်ရောက်တော့မှ အသက်ကို ဝအောင်ရှုရင်း မြင်လိုက်ရတဲ့ မြင်ကွင်းတွေက အသက်ရှုမှားချင်စရာ အေးချမ်းလှပပြီး မှိုင်းမှုန်ပြာရီလို့ နေပါတော့တယ်။ မြောက်ဦးမှာ ရှိနေတဲ့ ရက်တွေမှာ ကျွန်မဟာ ညနေတိုင်း၊ မနက်တိုင်း တောင်ပေါ်တက်ပြီး နေဝင်ချိန်နဲ့ နေထွက်ချိန် မြောက်ဦးမြို့ရဲ့ ရှုခင်းအလှအပများကို ဓာတ်ပုံရိုက်ဖြစ်ပါတယ်။ နေ့လည်နေ့ခင်းမြင်ရတဲ့ ရှုခင်းတွေနဲ့ မနက်ခင်း မြင်ရတဲ့ ရှုခင်းတွေဟာ မတူကွဲပြားကြောင်းကိုတော့ မနက်စောစောထကြည့်တဲ့ အခါ သိသာပါလိမ့်မယ်။ ပထမ မနက်မှာတော့ ဦးမြဝါ တောင်ပေါ်ကနေ ရိုက်တာပါ။ တောင်ပေါ်မှာ စေတီတစ်ဆူလည်း ရှိပါတယ်။ အဲဒီစေတီကိုလည်း သျှင်မြဝါ စေတီလို့ခေါ်ပါတယ်။ 

တောင်ပေါ်မှာ တည်ရှိနေတဲ့ သျှင်မြဝါ စေတီဆိုတာ တစ်ဦးတစ်ယောက်ကို ရည်စူးပြီး တည်ထားတဲ့ စေတီဖြစ်ပါတယ်။ အဲဒီပုဂ္ဂိုလ်ကတော့ သျှင်မြဝါဆိုတဲ့ ရသေ့ကြီးဖြစ်ပါတယ်။ သျှင်မြဝါဆိုတာ မြောက်ဦးမြို့ရဲ့ သမိုင်းမှာ ထင်ပေါ်သူ မင်းဆရာတစ်ဦးလို့လည်း ဆိုကြပါသေးတယ်။ မြောက်ဦးမြို့ရဲ့ နာမည်ကျော် ပုထိုးတော်ကြီးဖြစ်တဲ့ သျှစ်သောင်းပုထိုးတော်ကြီးရဲ့ ဒါယကာမင်းဗာကြီးနဲ့ဆို အမေ ညီအစ်မ ဖြစ်သောကြောင့် ညီအစ်ကိုတော်စပ်ကြတယ်လို့ ဆိုပါတယ်။ သက္ကရာဇ် ၈၇၀ခန့် အသက် ၁၆နှစ်မှာ အိန္ဒိယကို သွားရောက်ပြီး မိဂဒါဝုန်တောရှိ သီရိဗိဿနိုး ရသေ့ထံမှာပါ ၂၃နှစ်တိုင်တိုင် ပညာသင်ကြားပြီး  ရခိုင်ပြည်ကို ပြန်ရောက်တဲ့အခါ တောင်ညိုတောင်တိုက်မှာ ရသေ့ဝတ်ဖြင့် နမန္တာခေါ် ဓာတ်ကျမ်းကို ပြုစုပါတယ်။ ဘုရင်မင်းဗာကြီးအားလည်း ယခင်က ရခိုင်ပိုင်နက် ဖြစ်ခဲ့တဲ့ ဘင်္ဂလား၁၂နယ်ကို ပြန်လည်သိမ်းပိုက်ရန် အကြံပေးရာ ပြောသည့်အတိုင်း စစ်ချီခဲ့သဖြင့် ဘင်္ဂလား ၁၂မြို့ကို ရခိုင်တို့ ပြန်လည် သိမ်းပိုက်နိုင်ခဲ့ပါတယ်။   အစီအမံများကို တတ်ကျွမ်းတဲ့ သျှင်မြဝါဟာ မြောက်ဦးမြို့သက် အစဉ်သဖြင့် ရှည်ကြာစေရန် တွက်ချက်ရာ ကြာသပတေးသားကို စတေးပါက မြို့သက်ရှည်မယ်လို့ တွက်ကိန်းများက ပြဆိုရာ ကြာသာပတေးသား ဖြစ်သော သျှင်မြဝါက သူ့အသက်ကို သူ စတေးဖို့ ဆုံးဖြတ်လိုက်ပြီး မိမိဝမ်းဗိုက်ကို ဓါးနဲ့ထိုးကာ ထွက်လာသော အူများကို တိုင်တစ်တိုင်တွင်ချည်ကာ ခြေလှမ်းစလှမ်းပြီးနောက် သူသေဆုံးတဲ့နေရာမှာ မြုပ်နှံဖို့ မှာကြားခဲ့ပါတယ်။ သို့သော်လည်း ဘုရင်မင်းဗာကြီးက ပညာရှိတစ်ဦးကိုဖြစ်သလို သင်္ဂြိုလ်မြုပ်နှံခြင်း မပြုလိုတဲ့အတွက် အခမ်းအနားဖြင့် သဂြိုလ်ပြီးနောက် သျှစ်သောင်းဘုရား တောင်ဘက် ဘုရားပေါင်းတောင် တောင်စွယ်မှာ  အရိုးပြာကို ဂူသွင်းထားခဲ့ရာ ယခုတိုင် အရိုးဂူပေါ် ထပ်ဆင့်တည်ထားသော ဘုရားကို မြင်တွေ့ရမှာ ဖြစ်ပါတယ်။ 

သျှင်မြဝါ သေဆုံးပြီးနောက်မှာ ခရစ်က္ကရာဇ် ၁၅၈၇ခုနှစ်မှာ သျှင်မြဝါအတွက် ရည်စူးပြီး ဘုရင်မင်းဗာကြီးက သျှင်မြဝါအား အများသူငှာက လှူဒါန်းထားခဲ့သော ပစ္စည်းများနှင့် သျှင်မြဝါ၏ ကိုယ်ပိုင်ပစ္စည်းများကို ဌာပနာပြီး  စေတီကို တည်ထားခဲ့တယ်လို့ သိရပါတယ်။ သျှင်မြဝါအားရည်စူးပြီး တည်ထားခြင်းဖြစ်တဲ့အတွက် သျှင်မြဝါစေတီလို့ ခေါ်ပြီး စေတီရှိရာ တောင်ကိုလည်း သျှင်မြဝါတောင်လို့ ခေါ်တွင်ကြပါတယ်။ အချို့ကလည်း ဦးမြဝါတောင်လို့လည်း ခေါ်ကြပါတယ်။

Image Hosted by PicturePush - Photo Sharing

သျှင်မြဝါတောင်ပေါ်ရှိ သျှင်မြဝါ စေတီပါ။  
မနက်စောစောနေမထွက်ခင်  ဒီတောင်နဲ့ မြောက်ဦးမြို့မှာ အမြင်ဆုံးလို့ ဆိုကြတဲ့ ရွှေတောင် တောင်ပေါ်တွေကနေ ရိုက်ခဲ့တဲ့  မြောက်ဦးမြို့ရဲ့ မနက်ခင်းပုံများကို ဖော်ပြချင်ပါတယ်။

Image Hosted by PicturePush - Photo Sharing
Image Hosted by PicturePush - Photo Sharing

တောင်ပေါ်ရောက်ချိန်ဟာ မြို့ရဲ့ လျှပ်စစ်မီးတစ်ချို့တောင် မငြိမ်းသေးပါဘူး။ 
နမထွက်ခင် နှင်းမြူတွေကြားက ပုံရိပ်များပါ။ 






Image Hosted by PicturePush - Photo Sharing


Image Hosted by PicturePush - Photo Sharing

Image Hosted by PicturePush - Photo Sharing

အချမ်းဒဏ်ကို အံတုဖို့ သစ်ကိုင်းလေးတွေမီးရှို့ပြီး မီးလှုံနေတဲ့ ကိုရင်လေးတွေကိုတွေ့တာနဲ့ လိုက်ဖက်လှတဲ့မြင်ကွင်းလေးအတွက် ဓာတ်ပုံရိုက်ယူဖြစ်ခဲ့ပါတယ်၊

Image Hosted by PicturePush - Photo Sharing


Image Hosted by PicturePush - Photo Sharing

ကိုရင်လေး ဒီလိုလေး နေပေးပါနော်ဆိုပြီး  နှင်းမြူတွေဆိုင်းနေတဲ့ ရှေးဟောင်းစေတီပုထိုးနောက်ခံနဲ့အတူ ကိုရင်လေးတွေကိုဓာတ်ပုံထပ်ရိုက်ဖြစ်ပါတယ်။ 

Image Hosted by PicturePush - Photo Sharing

Image Hosted by PicturePush - Photo Sharing

မြို့ဦးခေါင်းတောင်နဲ့ မြို့ဦးခေါင်းဘုရားဘက်ဆီသို့... 

Image Hosted by PicturePush - Photo Sharing

နေထွက်တော့မယ် ရောင်နီပျို့လာပြီ..


Image Hosted by PicturePush - Photo Sharing


Image Hosted by PicturePush - Photo Sharing

ဟော.. နေထွက်လာပြီ.. 

Image Hosted by PicturePush - Photo Sharing


Image Hosted by PicturePush - Photo Sharing

ရင်သပ်ရှုမော နေအထွက် ရှုခင်း


Image Hosted by PicturePush - Photo Sharing

ရွှေစေတီကိုလှမ်းမြင်နေရတဲ့ တောင်ထိပ်ကတော့ ရွှေတောင်လို့ခေါ်တဲ့ တောင်ပါ။ နောက်တစ်နေ့ မနက်မှာတော့ အဲဒီတောင်ပေါ် မိုးမလင်းခင် ရောက်အောင် သွားပြီး ဓာတ်ပုံရိုက်ဖြစ်ပါတယ်။ တောင်က တော်တော်လေးကိုမြင့်ပါတယ်။  တောင်ခြေထိ ဂျစ်ကားနဲ့သွားပေမဲ့ လူသွားလမ်းကလေးသာရှိတာကြောင့် ကားနဲ့ မတက်နိုင်ဘဲ ခြေလျှင်သာ တက်ရပါတယ်။ အေးစိမ့်နေတဲ့ မနက်ခင်းမှာ တောင်တက်ရတာကလည်း အရသာတစ်မျိုးလေး ထူးခြားလို့ နေပါတယ်။ အောက်က ပုံတွေကတော့ ရွှေတောင် တောင်ပေါ်ကနေ ရိုက်တဲ့ မြောက်ဦးဝန်းကျင်တစ်ဝိုက်ရဲ့ မနက်ခင်းပုံရိပ်များ ဖြစ်ပါတယ်။ 

Image Hosted by PicturePush - Photo Sharing

တောင်အောက်မှာ ဂျစ်ကားကို ရပ်ထားခဲ့ရ

ပြီးခဲ့တဲ့ မြောက်ဦးအကြောင်းမှာ ရွှေတောင်အကြောင်းကိုလည်း ထည့်သွင်းဖော်ပြခဲ့ပါသေးတယ်။ ရွှေတောင်ဆိုတာဟာ မြတ်စွာဘုရားရှင် နုစဉ်အခါက ဥဒေါင်းမင်းဘဝနဲ့ နေထိုင်ခဲ့တဲ့ တောင်ဖြစ်တယ်လို့ ဆိုပါတယ်။ ဓညဝတီခေတ် သူရိယစက္ကမင်းကြီးက မြတ်စွာဘုရားရှင် ဗျာဒိတ်ပေးခဲ့သည့်အတိုင်း ဦးခေါင်းတောင်ဓာတ်ကို ဌာပနာပြီး စေတီ တည်ထားခဲ့ပါတယ်။ မြောက်ဦးမြို့မှာတော့ အမြင့်ဆုံးတောင် တစ်ခုဖြစ်တယ်လို့ သိရပါတယ်။  မြောက်ဦးမြို့တည် ဘုရင်မင်းစောမွန်က ၁၄၃၀ခုနှစ်မှာ တည်ထားကိုးကွယ်ခဲ့ပါတယ်။ ရှေးဟောင်းမြေကတုတ်ကျင်းများကို တွေ့နိုင်ပြီး ၄င်းရွှေတောင်အနီးမှာ ပုဏ္ဍားတောင်ခံတပ်နှင့် မြတောင်ခံတပ်များရှိပြီး အင်္ဂလိပ်တို့ကို ၄င်းနေရာများမှ ခုခံတိုက်ခဲ့ကြတယ်လို့ သိရပါတယ်။

Image Hosted by PicturePush - Photo Sharing

Image Hosted by PicturePush - Photo Sharing

တောင်ထိပ်တိုင်းမှာ စေတီပုထိုး အမျိုးအမျိုးတည်ရှိနေပုံက စိတ်ကြည်နူးဖွယ်ရာ..


Image Hosted by PicturePush - Photo Sharing

Image Hosted by PicturePush - Photo Sharing


Image Hosted by PicturePush - Photo Sharing
Image Hosted by PicturePush - Photo Sharing

Image Hosted by PicturePush - Photo Sharing

Image Hosted by PicturePush - Photo Sharing

Image Hosted by PicturePush - Photo Sharing

Image Hosted by PicturePush - Photo Sharing

ဘာကိုလွမ်းလို့လွမ်းရမယ် မသိ.. 

Image Hosted by PicturePush - Photo Sharing

နှစ်ရက်ပေါင်း ရိုက်ခဲ့တဲ့ ဓာတ်ပုံတွေ တော်တော်လေးကို များပါတယ်။ ဒါပေမဲ့ ဒီလောက်ဘဲ တင်ပါတော့မယ်နော်။ 


မြောက်ဦးမြို့ရဲ့ မနက်ခင်း ပုံရိပ်များဟာ နှင်းငွေ့ နှင်းမှုန် နှင်းလွှာတွေ သိုင်းခြုံပြီး အေးချမ်းလှပ သာယာလှတာမို့ အားလုံးလည်း စိတ်ကြည်နူး အေးချမ်းကြမယ်လို့ မျှော်လင့်ပါတယ်ရှင်။ ချစ်ခင်ရပါသော မိတ်ဆွေများလည်း မြောက်ဦးမြို့ကို ရောက်ဖြစ်တယ်ဆိုရင်မြင့် မနက်ခင်း စောစောမှာ တောင်ပေါ်တွေကနေ တွေ့မြင်ရတဲ့ နှင်းမြူဆိုင်းနေတဲ့ သဘာဝ အလှတွေကို ခံစားဖြစ်အောင် ခံစားခဲ့ကြပါလို့..




ဝက်သားကီဝီသီးကြော်


ဆေးဘက်ဝင်တဲ့ အသီးတွေထဲမှာ ကီဝီသီးဟာလည်း အပါအဝင်ဖြစ်ပါတယ်။ အစိမ်းရောင် ကီဝီသီးဟာ သေးငယ်ပေမဲ့ အကျိုးလည်းများပါတယ်။ ကီဝီသီးမှာ  ပိုတက်ဆီယမ်၊ မဂ္ဂနီစီယမ်၊ ဗီတာမင် အီး နဲ့ အမျှင်ဓာတ်တွေ ကြွယ်ဝစွာ ပါရှိတဲ့အပြင် လိမ္မော်သီးထက်ပင်  ဗီတာမင် စီ မှာ၂ဆ ပိုမို ပါဝင်မှု များပြားတယ်လို့ သိရပါတယ်။ ကီဝီသီးဟာ အသက်ရှူ အင်္ဂါအဖွဲ့အစည်းကို အားကောင်းစေတဲ့အတွက် ပန်းနာရင်ကြပ် ရောဂါရှိသူများ စားသုံးသင့်တဲ့ အသီးဖြစ်ပါတယ်.. သွေးထဲမှ အဆီများ ပိတ်ဆို့ခြင်းကို လျော့ချပေးနိုင်စွမ်း ရှိပါတယ်.. ပိုတက်စီယမ်၊ မဂ္ဂနီစီယမ်၊ ကော့ပါး စသည့် သတ္တုဓာတ်များ ကြွယ်ဝစွာ ပါရှိခြင်းကြောင့် သွေးအားနည်းရောဂါ ဖြစ်ပွားခြင်းကိုလည်း ကာကွယ်ပေးနိုင်စွမ်း ရှိပြီး ခန္ဓာကိုယ်အတွင်း စီးဆင်း နေသော သွေးအပြစ်အကျဲကထိန်းညှိပေးနိုင်စွမ်း ရှိကြောင်း သိရပါတယ်.. အရေပြားကိုလည်း တင်းရင်းစေပြီး အရေးအကြောင်းများကို လျော့နည်းစေတာကြောင့် နုပျိုလှပလိုတဲ့ အမျိုးသမီးများလည်း စားသုံးသင့်ကြောင်း အကြံပေးထားပါတယ်။ ခန္ဓာကိုယ်အတွင်း ဇီဝရုပ်ဖြစ်ပျက်ခြင်းနဲ့ အာရုံကြောအဖွဲ့အစည်းများကို အားကောင်းစေနိုင်တယ်လို့ သိရပါတယ်။ သို့ပေမဲ့ ကီဝီသီးဟာ ဒီအတိုင်း စားသုံးမယ်ဆိုရင် သူ့အရသာက အနည်းငယ်တော့ ကသိကအောက်နိုင်ပါတယ်။ သူ့အနံ့ အရသာကို မကြိုက်တဲ့သူဆိုရင် လုံးဝကို မကြိုက်ပါဘူး။ 

Image Hosted by PicturePush - Photo Sharing

အချို့ကတော့ ကီဝီသီးကို ဖျော်ရည်အဖြစ်လည်း လုပ်သောက်ကြပါသေးတယ်။ ကီဝီသီး အစိမ်းကိုစားရတဲ့ အရသာဟာ သိပ်ပြီး နှစ်သက်ဖို့ မကောင်းပေမဲ့ ဟင်းအဖြစ် ချက်စားတဲ့အခါမှာတော့ ချဉ်ဖြုံးဖြုံးလေးနဲ့ အရသာ မဆိုးလှတာကြောင့် ကီဝီသီးတွေ လက်ဆောင်ရတိုင်း အလဟသ မဖြစ်စေအောင် မကြာခဏ ဟင်းချက်စားဖြစ်ပါတယ်။ ပြီးခဲ့တဲ့ အပတ်က ကီဝီသီးရယ် စတော်ဘယ်ရီသီးရယ်ကို ပုဇွန်လေးနဲ့ ချက်တဲ့နည်း ဖော်ပြခဲ့ပါတယ်။ ခုတစ်ပတ်မှာ ကီဝီသီးကို  ဝက်သားနဲ့ ကြော်တဲ့နည်း နောက်တစ်မျိုး ဖော်ပြချင်ပါသေးတယ်။ ဒီချက်နည်းကတော့ ညီမလေးတစ်ယောက်က လက်ဆောင်ပေးတဲ့ တရုတ် ဟင်းချက်နည်း စာအုပ်ထဲက ဖြစ်ပါတယ်။


Image Hosted by PicturePush - Photo Sharing

ကီဝီသီး ဝက်သားကြော်ဖို့အတွက် ဝက်သားကို ပါးပါးရှည်ရှည်လေး အချောင်းလေးတွေ လှီးပြီး ဆား၊ အရသာမှုန့်၊ ဟင်းချက်ဝိုင် အနည်းငယ်၊ ပဲငံပြာရည်တို့နဲ့ နယ်ပြီး ထားထားပါတယ်။ 


Image Hosted by PicturePush - Photo Sharing 


မမှည့်သေးတဲ့  ကီဝီသီး ခပ်မာမာ အစိမ်း၂လုံးကို အခွံနွာပြီး ပါးပါးလှီးပါတယ်။ အစေ့ပါတဲ့ အတွင်းသားဟာ ဟင်းချက်ရင် ပျော့အိသွားတတ်တာကြောင့် ၄င်းအပိုင်းကို ဖယ်ပြီး အစေမပါတဲ့ အသားတွေကို အချောင်းကလေးများ ဖြစ်အောင် လှီးပါတယ်။

Image Hosted by PicturePush - Photo Sharing

ငရုပ်ပွ အနီ ၁ခု (သို့) ၂ခုကိုလည်း ပါးပါးလှီးပြီး အချောင်းကလေးများ ဖြစ်အောင် လှီးထားပါတယ်။ အစိမ်းနဲ့ အနီရဲ့ တွဲဖက်မှုက ဟင်းခွက်ကို ပိုပြီး ဆွဲဆောင်မှု ရှိအောင် ငရုပ်ပွ အနီကို ရွေးချယ်ထားတာပါ။



Image Hosted by PicturePush - Photo Sharing

ကြက်သွန်ဖြူ ဓါးပြားရိုက်ပြီး အနည်းငယ် စင်းထားတာရယ်၊ ဂျင်းရယ်ကို အရင်ဆီသတ်ပါတယ်။ 


Image Hosted by PicturePush - Photo Sharing

ထို့နောက် ဝက်သားကို ထည့်ပြီး ကြော်လိုက်ပါတယ်။ 

Image Hosted by PicturePush - Photo Sharing

ဝက်သားကျက်ပြီဆိုရင် ကော်မှုန့် အနည်းငယ်ကို ရေဖျော်ပြီး ထည့်လိုက်ပါတယ်။ 

Image Hosted by PicturePush - Photo Sharing

ကော်ရည်စေးပျစ်သွားရင် ငရုပ်ပွထည့်ပါတယ်။

Image Hosted by PicturePush - Photo Sharing

ကီဝီသီး ထည့်ပါတယ်။ ဆား၊ အရသာ လိုတာထပ်ထည့်ပါမယ်။ ပြီးတာနဲ့ကီဝီသီးတွေ အိသွားမှာ စိုးတာကြောင့် မီးပေါ်ကြာကြာမထားဘဲ ချက်ခြင်းချဖို့ ပြင်ပါတယ်။ 

Image Hosted by PicturePush - Photo Sharing

အစိမ်း အနီ စတဲ့ အရောင်များနဲ့ ဆွဲဆောင်မှုရှိတဲ့ ဟင်းတစ်ခွက်ရပါပြီ။ 

Image Hosted by PicturePush - Photo Sharing

အစာလည်း ဆေး၊ ဆေးလည်း အစာဆိုသလို ဆေးဘက်လည်းဝင် ဟင်းအဖြစ်လည်း အရသာရှိရှိ သုံးဆောင်နိုင်မဲ့ ဝက်သားကီဝီသီးကြော် ဖြစ်ပါတယ်။



အားလုံးအတွက် စိတ်ချမ်းသာ ပျော်ရွှင်သော နေ့ရက်များကို ဖြတ်သန်းနိုင်ကြပါစေရှင်....