မသင်ဘဲရတဲ့ သင်ခန်းစာ




“ဆရာမ ဘယ်တုန်းက ရောက်လဲ..  အလည်လာတာလား.. ” 

ထွက်လာတဲ့ နှုတ်ဆက်သံကြောင့် ဆိုင်တစ်ဆိုင်ရှေ့မှာ ရပ်ပြီး ငေးနေသော ကျွန်မမှာ လှည့်ကြည့်လိုက်တော့ ဘေးနားမှာ လာရပ်သော အသက် ၁၉နှစ်လောက်အရွယ် ကောင်လေးတစ်ယောက်ကို တွေ့လိုက်ရသည်။

“ကျွန်တော့်ကို မှတ်မိလားမသိဘူး.”

သူ့မျက်နှာကိုကြည့်ပြီး မြင်ဖူးသလိုလို.. သိပ်တော့မမှတ်မိ..  ကျွန်မ ဇဝေဇ၀ါဖြစ်သွားရသည်… နှဖူးကြောကို ရှုံ့လိုက်ရင်း စဉ်းစားမိတော့လည်း ခပ်ရေးရေး.. သိသလိုလို ..  မသေချာပြန်..

“ကျွန်တော် အောင်အောင်လေ ဆရာမ.. ငယ်ငယ်တုန်းက ဆရာမတပည့် ဖြစ်ခဲ့ဖူးပါတယ် ”

အိုး.. ဟုတ်ပါရဲ့.. ကျွန်မ မှတ်မိပြီ..  ကျွန်မ အသက် ၁၇ ၁၈လောက်က ၁၀တန်းအောင်ခါစ တက္ကသိုလ်မတက်ခင် အချိန်အားတွေမှာ ကျွန်မရဲ့ ဇာတိရွာကလေးတွင် လုပ်အားပေး ကျောင်းဆရာမ လုပ်ခဲ့စဉ်က သူငယ်တန်းကို သင်ခဲ့ဖူးသည်.. သူကလေးက ကျွန်မအတန်းထဲက ကလေးလေးတစ်ယောက်... ခုချိန်မှာတော့ ငယ်စဉ်ကလို ၀၀ လုံးလုံးကလေး မဟုတ်တော့ သင့်တင့်ကြည့်ကောင်းသော ရုပ်ရည်ကလေးနှင့် အရွယ်ရောက်နေသော သူတစ်ယောက်ဖြစ်နေခဲ့ပြီ . သူသာ မနှုတ်ဆက်ခဲ့ရင် ကျွန်မအနေနဲ့ မှတ်မိစရာမရှိ..   အင်းလေ ဖြစ်စရာပါဘဲ.. ကျွန်မရဲ့ ဇာတိကလေးကို ခွဲခွာပြီး တစ်ရပ်တစ်နယ်မှာ ရောက်နေခဲ့တာဘဲ ၁၀စုနှစ် တစ်ခုစာ ရှိခဲ့ပြီ မဟုတ်ပါလား..  အိမ်ကိုပင် နှစ်စဉ်မှန်မှန် မပြန်ဖြစ်နိုင်အောင် အလုပ်သံသရာထဲ လည်ပတ်စီးမျှောလို့ နေခဲ့သည်။ ဆိုင်ရှေ့တွင်ချထားသော ခုံတန်းလေးပေါ် ထိုင်ရင်း ကျွန်မရဲ့ တပည့်ကလေး ဖြစ်ခဲ့ဖူးသော အောင်အောင်နှင့် ကျွန်မ စကားပြောဖြစ်ကြသည်..

“အောင်အောင်က တကယ့်လူကြီး ဖြစ်နေပြီလေ.. ဒါကြောင့်ဆရာမ မမှတ်မိတော့တာပေါ့ နေကောင်းတယ်မဟုတ်လား ကလေး.. တက္ကသိုလ်တက်နေပြီလား…”  ကျွန်မ အောင်အောင်ကို ပြန်မေးလိုက်တော့

“ဟုတ်ကဲ့ ဆရာမ ကျွန်တော် ကွန်ပျူတာတက္ကသိုလ်မှာ နောက်ဆုံးနှစ်ရောက်နေပါပြီ.. ”

“ဟုတ်လား.. ကြားရတာ ၀မ်းသာလိုက်တာ.. မင်းသူငယ်ချင်းတွေရော ”

အောင်အောင်က သူနဲ့ ငယ်စဉ်က တွဲခဲ့သော သူငယ်ချင်းများအကြောင်း ကျွန်မကို ပြန်ပြောပြသည်.. တော်တော်များများကတော့ တက္ကသိုလ်ကျောင်းသားများ ဖြစ်နေခဲ့ပြီ.. ထိုစဉ်က အတန်းထဲက ကလေးတစ်ချို့ နံမည်တွေကိုတော့ ခုချိန်ထိ မှတ်မိနေသေးသည်.. အချို့ကျတော့ ကျွန်မ မမှတ်မိတော့..  ကျွန်မ စာသင်ပေးခဲ့ဖူးသော ကလေးတွေပင် တက္ကသိုလ်ကျောင်းသားများ ဖြစ်နေခဲ့ပြီ... ကြားရတာ ၀မ်းသာစရာ... ပီတိဖြစ်စရာပါ.. ကိုယ်စိုက်ပျိုးခဲ့သော၊ ရေလောင်းပေါင်းသင် လုပ်ခဲ့ဖူးသော ပန်းကလေးများ ဖူးပွင့်လာလျှင် ကျေနပ်ပီတိ ဖြစ်ရသော ဥယျာဉ်မှူးတစ်ယောက်၏ ပီတိမျိုးဘဲ ဖြစ်ပါလိမ့်မည်။

စကားများစွာ ပြောဆိုပြီးလို့ သွားတော့မည်ဟု လေးလေးစားစား ပြောဆိုကာ နှုတ်ဆက်ထွက်ခွာသွားသော အောင်အောင်ကို ကြည့်ရင်း ကျွန်မ စိတ်တွေက ထိုစဉ် ငယ်ငယ်ရွယ်ရွယ်နှင့်  ကျောင်းဆရာမလေးတစ်ယောက် လုပ်ခဲ့စဉ်က အဖြစ်အပျက်များ၊ အတွေ့အကြုံများကို ပြန်ပြီး သတိရသွားမိသည်..  အောင်အောင်ကိုတော့ လူကိုသာ မမှတ်မိ ရှိရမည်.. သူနှင့် သက်ဆိုင်သော အဖြစ်အပျက်လေးကိုတော့ သင်ခန်းစာလေးတစ်ခုအဖြစ် ဘယ်နေရာ ဘယ်ဒေသရောက်ရောက် ကျွန်မ သတိတရနှင့် အမှတ်ရနေခဲ့ပါသည်..

အဲဒီချိန်တုန်းက ကျွန်မ စာသင်ရသော သူငယ်တန်း(A) သည် ကျောင်းသား ၆၀ကျော် ရှိသော အတန်းတစ်ခု ဖြစ်သည်.. အဲဒီနေ့က သူငယ်တန်း မြန်မာစာ သင်ခန်းစာရဲ့ နောက်ဆုံးအခန်းများကို သင်ကြားနေသော စာမေးပွဲကြီး သိပ်မလိုတော့သော တစ်နေ့လဲဖြစ်သည်.. စာမေးပွဲ နီးနေပြီဖြစ်၍ ကျွန်မက လက်ရှိ သင်ခန်းစာများကို အမြန်လက်စသပ်ကာ အစကနေ ပြန်ပြီး သင်ကြားလိုသော စိတ်စေတနာဇောနှင့် လောကြီးနေခဲ့သည်.. ပြီးတော့လဲ သင်ခန်းစာတွေက အနောက်နားရောက်လေ ကလေးတွေအတွက် ပိုပြီး ခက်ခဲလာလေ ဆိုတာကိုလည်း သဘောပေါက်မိသဖြင့် စိတ်ရှည်လက်ရှည် သင်ကြားဖို့ ကိုယ့်ကိုယ်ကိုလည်း သတိပေးနေရသည်.. ထို့ကြောင့် အဲဒီနေ့က သင်ကြားနေသော မြန်မာစာ ဖတ်စာလေးတစ်ခုကို သင်ပုန်းပေါ် ချရေးပြီး ကြိမ်လုံးကလေးနှင့် ထောက်ကာထောက်ကာ နှုတ်တိုက်အကြိမ်ပေါင်းများစွာ ချပေးနေခဲ့ရင်းက နှုတ်တိုက်ချပေးရသော အကြိမ်ပေါင်းများစွာကြောင့် လည်ချောင်းတွေပင်ခြောက်သွေ့လာပြီး ကျွန်မအသံတွေ ပြာအက်လာရသည်။

ဒီနေ့ သင်ခန်းစာသည် ကလေးတွေအတွက်  တကယ်လဲ ခက်ခဲပါသည်..  သူတို့လေးတွေကို လိုက်ဆိုခိုင်းတာလည်း အကြိမ်ပေါင်း များစွာ ရှိနေခဲ့ပြီ.. သို့သော် ကျွန်မအရှေ့က မဆိုပြတော့ဘဲ သူတို့ချည်း ဆိုခိုင်းလိုက်ရင် ကပေါက်တိကပေါက်ခြာနှင့် အလွဲလွဲ အချော်ချော်သာ ဖြစ်နေကြတုန်း.. မည်သူကမှ ကောင်းကောင်းဆိုနိုင်ခြင်းမရှိသေး.. ဒီတော့ ကြိမ်လုံးလေးကို ပြန်ကောက်ကိုင်ရင်း နောက်ထပ် အကြိမ်ပေါင်းများစွာ ပြန်လိုက်ဆို ခိုင်းပြန်သည်.. နာရီလက်တံတော်တော်များများ လည်ပတ်ပြီးချိန်မှာ သူတို့ချည်း ပြန်ဆိုခိုင်းတိုင်း ချောချောရှူရှူမဖြစ်.. အထစ်ထစ်နှင့် တစ်ယောက်တစ်ပေါက် ဖြစ်နေတုန်းသာ.. စိတ်ကို ဆွဲဆန့်ကာ နောက်တစ်ကြိမ် ရှေ့က တိုင်ပေးပြန်ရင်း ကျွန်မစိတ်ထဲမှာတော့ ဒီလောက်တောင် ညံ့ရပါ့မလား.. ဘာကြောင့် ခုချိန်ထိ မရကြသေးတာလဲ.. ဒီပုံနဲ့ ရှေ့ဆက် သင်ခန်းစာ ဘယ်လိုများ ဆက်သင်ရမလဲ စသည့်အတွေးများဖြင့် ဒေါသလဲ ထွက်လာရသည်..

နောက်ထပ်အကြိမ်ပေါင်းများစွာ ရှေ့ကတိုင်ပြီး ကလေးတွေချည်း ပြန်ဆိုခိုင်းပြန်တော့လဲ အရင် အကြိမ်တွေ တုန်းကအတိုင်းသာ.. ထစ်ထစ်ငေါ့ပေါ့နှင့်..  မည်သူမှ စာတစ်ကြောင်းကို ကောင်းကောင်းမွန်မွန် မဆိုနိုင်ကြ.. ဒီလောက်အချိန်ပေးပြီး ရှေ့က တိုင်ပေးနေတာအောင် ဘာမှ ထူးခြားမလာ.. ကျွန်မရဲ့ ဒေါသများက အဆုံးထိ မြင့်တက်သွားခဲ့ပြီး ကြိမ်လုံးလေးကို ကိုင်ကာ သင်ပုန်းရှေ့ရပ်နေသောကျွန်မ.. လက်ထဲက ကြိမ်လုံးကို အားကုန် လွှင့်ပစ်လိုက်ကာ အတန်းထဲမှ ထွက်သွားတော့မိသည်။ အတန်းအပြင်ဘက် အခန်းနှင့် ခပ်ဝေးဝေးက ၀ရံတာလေးမှာရပ်ရင်း စိတ်ထဲတွင် ဆူဝေနေသော ဒေါသများ စိတ်မရှည်မှုများကို  တော်တော်လေးကြာအောင် ဖြေဖျောက်နေရသည်။ အချိန်အနည်းငယ် အကြာမှာတော့ ကိုယ့်စိတ်ကို ပြန်ဖြေသိမ့်နိုင်မှု ရသွားခဲ့ပြီး ဒေါသများလျှော့ပါးသွားသည့်အခါ ကျွန်မခြေလှမ်းများက အတန်းထဲသို့  ပြန်ဝင်ရောက်လာမိတော့သည်..
အတန်းထဲရောက်လို့ ကလေးတွေရဲ့ မျက်နှာကို ကြည့်မိတော့ နားလည်သိတတ်သော ကလေးများက မျက်နှာငယ်ကလေးနှင့် ကျွန်မကို ကြည့်လို့နေခဲ့သည်။ သူတို့လေးတွေကို ကြည့်လိုက်ရင်း ကရုဏာစိတ်တို့ဖြင့် ကြိမ်လုံးလေး ပြန်ကောက်ကိုင်ကာ သင်ခန်းစာကို ပြန်သင်ကြားမိပြန်တော့သည်.. အစောတုန်းကလို အကြိမ်ပေါင်းများစွာ ရှေ့မှ တိုင်ပြီးသောအခါ  ကလေးများကို ချိုချိုသာသာနှင့် စကားပြောကာ သူတို့ချည်းဆိုဖို့ တိုက်တွန်းလိုက်တော့ စာဆိုသံထွက်မလာခဲ့.. ကျွန်မက ကြိမ်လုံးလေး ၀င့်ကာ မျက်ခုံးလေး ပင့်လိုက်ရင်း  ဆိုကြလေ “ဘာလို့မဆိုကြတာလဲ” လို့ ကလေးတွေကို မေးလိုက်စဉ်တွင်တော့ အောင်အောင်ကလေး ကျွန်မကို ပြန်ပြောလိုက်တဲ့စကားလေးက ဘယ်တော့မှ မမေ့ချင်စရာ    “ သားတို့ မဆိုချင်ဘူးဆရာမ.. သားတို့ ဆိုတာ မှားရင် ဆရာမ စိတ်ဆိုးမှာ.. ဆရာမ နောက်တစ်ခေါက် စိတ်ဆိုးမှာ စိုးတယ်..  ဒါကြောင့် သားတို့ မဆိုချင်ဘူး..” ဟူ၍ ဖြစ်သည်။

အောင်အောင်လေးရဲ့ စကားအဆုံးမှာ ကျွန်မရဲ့ လက်ထဲမှာ ကိုင်ထားသော ကြိမ်လုံးက အောက်ကို ပြုတ်ကျသွားခဲ့သည်.. အိုး ကြည့်ပါဦး.. ၅နှစ်အရွယ် ကလေးတွေကတောင် ဆရာမကို ချစ်ခင်တဲ့စိတ်နဲ့ ဆရာမလုပ်သူ စိတ်ဆိုးဒေါသဖြစ်မှာကို စဉ်းစား တွေးတော ပေးတတ်သေးသည်.. သူတို့ထက် အသက်အရွယ် ကြီးနေပြီဖြစ်တဲ့ ကျွန်မကတော့ ကလေးတွေလောက်တောင် စဉ်းစားဆင်ခြင်စိတ် မရှိပါဘဲလား.. ရှက်ဖို့တောင် ကောင်းသေးသည်..  ဒီနေ့သင်ခန်းစာသည် သူတို့အတွက် ခက်ခဲလွန်းနေသောကြောင့် ခုချိန်ထိ မဆိုနိုင်သေးတာကို ကျွန်မက နားလည်မှု မပေးနိုင်ခဲ့ ကိုယ်ဖြစ်ချင်တာတစ်ခုတည်း၊ သင်ခန်းစာများ အမြန်ပြီးလိုသော စိတ်နှင့်သာ ကြည့်ခဲ့မိသည်ထင်သည်။

ထိုနောက်ပိုင်း ဆရာမသက်တမ်းကာလ တစ်လျှောက်လုံး   စိတ်ဆိုးပြီး စာသင်ခန်းထဲက ထွက်သွားသည့် အပြုအမူမျိုး ဘယ်သောအခါမှ ကျွန်မ မလုပ်ဖြစ်ခဲ့တော့ပါ.   ကလေးဆိုသည်မှာလည်း အသိဥာဏ် ၊အမှတ်သညာ ရှိတတ်သော သူများသာဖြစ်သည်မဟုတ်လား.. ကလေးတွေလောက်ပင် မရင့်ကျက်သော၊ စာနာနားလည်စိတ် နည်းပါးသော၊ မိမိကိုယ်ကိုလဲ အောင်အောင်ရဲ့ စကားသံလေးတွေ ပြန်ကြားမိတိုင်း၊  ပြန်တွေးမိတိုင်း သတိတရနှင့် ရှက်နေတတ်ခဲ့ပါသည်.. ကျွန်မအတွက်တော့ မှတ်မှတ်ရရ ၅နှစ်အရွယ် သူငယ်တန်း ကလေးတစ်ယောက်ဆီက မသင်ယူဘဲ ရရှိလိုက်သော သင်ခန်းစာလေးတစ်ခုလည်း ဖြစ်ပါသည်။


ကျွန်မရဲ့ ငယ်စဉ်က ဆရာမဘ၀ အတွေ့အကြုံလေးတစ်ခုကို ပြန်လည်ရေးဖွဲ့ဖြစ်ပါသည်။



ချော(အစိမ်းရောင်လွင်ပြင်)

ဖားကန့်သို့ အပြန်ခရီး



မိသားစုကိစ္စတစ်ခုကြောင့် မိုးတွင်းကြီး အိမ်ကို တစ်ပတ်လောက် ပြန်ဖြစ်သွားပါတယ်.. ကျွန်မ မွေးဖွားရာဇာတိ ကချင်ပြည်နယ်ဟာ မိုးများတဲ့ ဒေသဖြစ်တာကြောင့် မိုးရွာမိရင် တစ်နေကုန် မတိတ်နိုင်အောင် ရွာတတ်ပြီး ခုလိုချိန်မျိုးမှာ ခရီးထွက်ရတာ စိုစိုစွတ်စွတ်နဲ့မို့ ပျင်းစရာ အလွန်ကောင်းလှပါတယ်.. ပြီးတော့လဲ နံမည်ကျော် ဖားကန့်လမ်းတွေက မိုးအခါမှာ ရွံ့တွေဗွက်တွေနဲ့ စိတ်ညစ်စရာ ကောင်းလောက်အောင် ဆိုးဝါးလှပါတယ်.. နွေတုန်းက ဖုန်တစ်ထောင်းထောင်း ထခဲ့တဲ့ လမ်းတွေဟာ အခု မိုးရာသီလဲရောက်ရော ရွံ့ဗွက်အိုင်တွေ အပြည့်နဲ့ ချိုင့်တွေ၊ ကျင်းတွေ တစ်လမ်းလုံးပါဘဲ.. ဘယ်လိုမှ သက်သောင့်သက်သာ မရှိပါဘူး.. အိမ်ခန ပြန်သွားတဲ့ တစ်ပတ်လုံးလုံးဟာ မိုး ရက်ဆက်ရွာပါတယ်.. တစ်ရက်မှကို မပြတ်ခဲ့ပါဘူး…  မိုးရာသီဆိုရင် မြေပြို တတ်ခြင်းကြောင့် အန္တရာယ် များလွန်းတဲ့အတွက် ကျောက်တူးလုပ်ငန်းများ၊ ရွှေတူးခြင်းများ အားလုံးနီးပါး ရပ်နားထားရပါတယ်.. မိုးအခါမှာတော့ ဖားကန့်ဒေသမှာ လူဦးရေ လျှော့သွားတတ်ပါတယ်.. အလုပ်ပါးတဲ့ အတွက် မိမိနေရပ်ကို ပြန်ကြသူများပါတယ်.. စီးပွားရေး အရောင်းအ၀ယ် လုပ်ငန်းများလဲ နည်းပါးသွားပါတယ်..




ရှေ့က ရွံ့ဗွက် ဘယ်လောက်နက်.. သိနိုင်ပါ့မလား..




ရုန်းလိုက်စမ်းကွယ်.. အဲ နွားမှ မဟုတ်တာနော်.. ဟိဟိ    မွှားသွားလို့း)





ဒီလို လမ်းမျိုးကို ဖားကန့် လမ်းလို့ခေါ်ပါသည်...





ရွံ့တွေ ရွံ့တွေ




မိုးကရွာ လမ်းကဆိုး



ရွံ့စင်မှာစိုး.......



နွေတုန်းက ကျွန်မစီးနေကျ မြစ်ကြီးနား - ဖားကန့် ဗင်ကားခဟာ ၂၅၀၀၀ လောက်သာ ရှိပေမဲ့ ယခု မိုးရာသီမှာတော့ ၅၀၀၀၀ ထိ ၂ဆ ဈေးတက်သွားခဲ့ပါတယ်.. ဖားကန့်အသွားကိုတော့ ဈေးဒီလာက်မရှိပါဘူး.. ၃၀၀၀၀ လောက်ဘဲ ရှိပါတယ်.. အပြန်က ဈေးပိုကြီးပါတယ်.. ကြည့်ရတာ မိုးအခါဆို ဖားကန့်ကနေ ပြန်တဲ့သူတွေ ပိုများလို့ ဖြစ်ပါလိမ့်မယ်.. လမ်းခရီးဆိုးတဲ့အတွက် ကားစီးရတဲ့ အချိန်လဲ ပိုပြီး ကြာပါတယ်. ခါတိုင်း ၆နာရီ ခရီးကို ၈နာရီ လောက်ထိ ကြာမြင့်တတ်ပါတယ်.. နွေအခါတုန်းက တည်ဆောက်ထားခဲ့တဲ့ ချောင်းကူးတံတား တစ်ချို့ ချောင်းရေထဲ မျှောပါသွားလို့ စက်လှေ၃စီးနဲ့ ပြုလုပ်ထားတဲ့ ကူးတို့ဖောင်နဲ့ ကားတွေ ဆိုင်ကယ်တွေ ကူးခဲ့ရပါတယ်..







ဥရုချောင်းလဲ ရေတွေကြီးလို့



လမ်းမှာတော့ တံတားမရှိတဲ့ မြစ်ပြင်ကို ကားရော ဆိုင်ကယ်ရော ကူးတို့ဖောင်နဲ့ ကျော်ကြရတယ်..







ဖြေးဖြေးဆင်းကြပါ....



ကူးတို့ဖောင်ပေါ်က ကား



ဒီလိုစက်လှေ ၃စီးပေါ် တင်ထားတဲ့ကုတို့ဖောင်ပါ..


ယခုဆိုးတယ်ဆိုတဲ့ မြစ်ကြီးနား ဖားကန့်လမ်းဟာ လွန်ခဲ့တဲ့ ၁၀နှစ်လောက်က လမ်းကိုတော့ လုံးလုံး မမီပါဘူးရှင်.. ယခင်တုန်းခါကတော့ ခါးလောက်ထိ နှစ်တဲ့ ရွံဗွက်တွေနဲ့ ကားသွားလို့မရဘဲ လူနဲ့ နွားလှည်းတို့သာ သွားလို့ရပါတယ်… အဲဒီတုန်းက ဒီလမ်းဒီခရီးကို ၂ရက်၃ရက် လမ်းလျှောက်ပြီး သွားခဲ့ရတာပေါ့...  ခုလောက်ဆိုးတာကတော့ ပျင်းတောင် ပျင်းသေး...  :)




ရွံ့အိုင်ကို ကားအဖြတ်မှာ စင်လာတဲ့ ရွံ့ရေတွေကို မိမိရရရိုက်လိုက်သေး

ဒီလို ရွံ့တွေစင်တတ်လို့ တစ်ဖက်က ကားနဲ့ ကားချင်းယှဉ်ဖြတ်ကြတဲ့အခါ ကားမှန် မပိတ်ထားမိရင် ရွံ့တွေဟာ လူနဲ့ မျက်နှာကိုပါလာစင်ပါတယ်.. အင်္ကျီတွေရော အကုန်ပေတော့တာပါဘဲ.. ကားမှန်တွေကလည်း တင်ရခက် ချရခက်တဲ့ ရှေးဟောင်းကားတွေများတော့ ဒီတိုင်း ထားလိုက်ရတာ များပါတယ်။ မိုးရွာရင်တောင် မှန်တင်ရ ချရခက်လို့ အစိုခံရတဲ့ အခြေအနေတွေတောင် ရှိသေးတာကိုး။



နန့်ယားရွာကလေး


ဒီရွာကလေးကတော့ ကျောက်နီ( ပတ္တမြား) ထွက်တယ်လို့ နံမည်ကျော်တဲ့ နန့်ယားဆိပ်( နန့်ယားကျေးရွာ)ဘဲ ဖြစ်ပါတယ်.. မြစ်ကြီးနား - ဖားကန့် အသွား ကားနဲ့ ဆိုင်ကယ်များ ခရီးတစ်ထောက် နားကြတဲ့ နေရာလဲ ဖြစ်ပါတယ်.. စားသောက်ဆိုင် အများအပြားရှိပြီး ကျယ်ပြန့်တဲ့ လမ်းမ ရှိတာကြောင့် သာသာယာယာ ရှိသလို ကျောက်နီတူးဖော်တဲ့ ကုမ္ပဏီတွေလည်း ရှိတာကြောင့် စည်ကားပါတယ်။









 







မလိုင်အပြည့်နဲ့ နွားနို့



ဒီတစ်ခါတော့  နန့်ယားရွာမှာ ထမင်းစားခဲ့ပြီးလို့ ဗိုက်မဆာပေမဲ့ အရင်တစ်ခေါက် ပြန်တုန်းက ထမင်းစားနားတဲ့ လ၀ါးဆိုတဲ့ ကချင်ရွာကလေးမှာ ရှိတဲ့ ကချင်စားသောက်ဆိုင်ကလေးမှာ ကားပြင်ဖို့ ခနနားတော့ နွားနို့ သောက်ဖြစ်အောင် သောက်ခဲ့ပါတယ်....  ဒီရွာက နွားနို့သိပ်ကောင်းတယ်လို့ နံမည်ကြီးပြီး ကားမိုင်းမြို့နဲ့ မနီးမဝေးမှာ ရှိပါတယ်.. ဒီက နွားနို့ဟာ မြို့တွေမှာလို အဆီထုတ်ထားတဲ့ နွားနို့မဟုတ်ပါဘူး.. အဆီတွေအပေါ်မှာ ဝေ့နေပြီး မလိုင်ဖတ်တွေနဲ့ ပျစ်နှစ်နေတာမို့ နံမည်ကြီးမယ်ဆိုလဲ ကြီးလောက်ပါတယ်.. အဆီမထုတ်ထားတာကြောင့် ကျန်းမာရေးအရတော့ မပြောတတ်ပေမဲ့ ပင်ကိုယ်သဘာဝအတိုင်းမို့ အရသာကတော့ ကောင်းမှ ကောင်းပါဘဲ... မြို့က နွားနို့အရသာနဲ့ ဘာဆိုဘာမှမဆိုင်   ဟိဟိ :) တကယ်ပြောတာပါ.. မယုံဘူးလား...  ရောက်တဲ့အခါ သွားသောက်ကြည့်ပါလားနော်..





ရှောက်ပန်းသီးများ






အောက်အရပ်မှာ ကျွဲကောသီးခေါ်ပေမဲ့ ကျွန်မတို့ဆီမှာ ရှောက်ပန်းသီးလို့ခေါ်မှ သိကြပါတယ်..  .. အဲဒီကချင်ရွာကလေးမှာ အပင်တွေများကြီးမို့  စိတ်ယားစရာကောင်းအောင် သီးနေတာနဲ့ ဓာတ်ပုံရိုက်ခဲ့တာပါ..



အောက်က အပင်က ကျွန်မတို့အရပ်မှာ အိမ်မိုးတဲ့ ရုန်းပင်တွေပါ..


ရုန်းပင်များ





ဒါကတော့ ရုန်းကို အမိုးမိုးထားတဲ့ အိမ်ကလေးတစ်လုံးပါ..






ဒါကတော့ တံမြက်စည်း လုပ်တဲ့အပင်ပါ.. ဟိုမှာတော့ သိပ်ပေါပါတယ်...






တောတောင်တစ်ခုလုံးတော့ ဒီလို တောငှက်ပျောပင်တွေ အပြည့် ပါဘဲ..




မြစ်ကြီးနား မိုးကောင်းလမ်း ကတ္တရာ လမ်းမကြီးလဲ ရေကျော်နေပါတယ်..




ဖြေးဖြေးမောင်းနော်

မိုးတွင်းခရီးသွားရတာ လမ်းခရီး ကြမ်းတမ်းခက်ခဲပေမဲ့လို့ တစ်ခုတော့ စိတ်ချမ်းသာမိတယ်.. ကြည့်လေရာရာ မြင်လေရာရာဟာ စိမ်းစိမ်းစိုစိုနဲ့ပါဘဲ.. ရေတွေဖွေးနေတဲ့ လယ်ကွင်းပြင်တွေ၊  စိမ်းစိုနေတဲ့ စိုက်ခင်းတွေ၊  မြူခိုးဝေနေတဲ့ တောင်ပြာတန်းတွေ၊ ကြည့်လေရာ စိမ်းလန်း သာယာ နေတော့တာပါဘဲ..





ရေတွေဖွေးလို့

ရေဖွေးဖွေး လယ်ကွင်းလေး



အထီးကျန်သစ်ပင်







စိမ်းတစိုစို



စိမ်းစိမ်းစိုစိုရာဘာစိုက်ခင်းများ


ကချင်ပြည်နယ်မှာ မြေဧက တော်တော်များများကို ကုမ္ပဏီတွေက ရာဘာတွေ သစ်မွှေးတွေ စိုက်ပျိုးနေကြပြီ ဖြစ်ပါတယ်.. လမ်းတလျှောက် စိုက်ခင်းတွေ စိမ်းစိုနေတာကို ခြံကျယ်ကြီးတွေနဲ့ တွေ့ရပါတယ်



ကားပေါ်ကနေ ရိုက်လိုက်မိတဲ့  မြူခိုးတွေ ဆိုင်းနေတဲ့ တောင်တန်းအလှ




ကြည့်ပါဦးတော့ လှလိုက်တဲ့ အလှ



ခရီးထွက်ရတာ နှစ်သက်သဘောကျမိသူမို့ ပင်ပန်းပေမဲ့ စိမ်းလန်းစိုပြေနေတဲ့ ရှုခင်းတွေက အမောအပန်း ပြေပြီး စိတ်ကို ရွှင်လန်းစေတာမို့ အိမ်အပြန် ဒီခရီးကို ပျော်ပါတယ်လို့ဘဲ  မှတ်ချက်ချရမှာပါ.. ကချင်ပြည်နယ်အကြောင်း ဆက်ရန်ရှိပါသေးတယ်..  စောင့်မျှော်အားပေးကြပါဦးနော်..



ကိုယ်စိတ်နှစ်ဖြာ ရွှင်လန်းကြပါစေ



အစိမ်းရောင်လွင်ပြင် အသစ်






ဘလော့အသစ်လေးအကြောင်း


~~~~~~~~~~~~~~~~~~~~~~~~~~~~~~~~~













ဘယ်အကြောင်းကြောင့်မှန်းမသိရဘဲ ကျွန်မတို့ အသုံးပြုနေတဲ့ ကော်ဖီဆိုင်လေး Mylovecafe ဟာ မမျှော်လင့်ဘဲ လုံးဝကို ဖွင့်မရအောင် ဖြစ်သွားခဲ့ရပါတယ်.. ဒီကော်ဖီဆိုင်လေးကို အမှီပြုပြီး ဘလော့ရေးနေကြတဲ့ ၀ါသနာရှင်များ အားလုံးလည်း ဒုက္ခရောက်ကြပါတော့တယ်.. တစ်နေ့ပြန်ကောင်းနိုး ပြန်ကောင်းနိုးနဲ့ မျှော်လင့်ချက်ကြီးစွာ စောင့်စားနေကြသော်လည်း တစ်လနီးပါးရှိလာသည်အထိ ပြန်ကောင်းမလာခဲ့ပါဘူး.. ကိုယ့်လိုဘဲ  ဘလော့လေးဖွင့်မရကြတော့တဲ့ စာရေးဖော်အားလုံးကို ကိုယ်ချင်းစာစိတ်နဲ့ အားနာမိရပါတယ်.. ကျွန်မကိုယ်တိုင်လည်း စာပြန်ရေးနိုင်ဖို့ နည်းလမ်းမျိုးစုံစဉ်းစားပြီး၊ မိတ်ဆွေတွေဆီက အကူအညီပေါင်းစုံနဲ့ အမျိုးမျိုး ကြိုးစားပြီးတဲ့နောက်မှာ ဒီဘလော့လေးကို ယခင်အဟောင်းအတိုင်း ဒီဇိုင်းလေးကအစ တစ်ထပ်တည်းပြန်ဖြစ်အောင် အကောင်းအထည် ဖော်မိပြန်ပါပြီ.. တကယ်တော့ ဒီဘလော့ဟာ ယခင်က အစိမ်းရောင်လွင်ပြင်မဟုတ်ပါဘူး.. မနေ့တနေ့ကမှ အသစ်ပြန်လုပ်ထားတဲ့ အစိမ်းရောင်လွင်ပြင်သာ ဖြစ်ပါတယ်..





ကျွန်မအတွက် ဘလော့အခုလိုပြောင်းရတာ ဒီတစ်ကြိမ်ဟာ ဒုတိယအကြိမ် ပြောင်းရခြင်း ဖြစ်ပါတယ်.. ယခင်ကလဲ ရေးလက်စ Wordpress က ၀င်မရဖြစ်ပြီး စာတွေဆက်ရေးလို့ မရတော့တာကြောင့် Mylovecafe မှာ ပြန်ပြောင်းရေးရပါတယ်.. အဲဒီချိန်တုန်းကလဲ ပိုစ့်တွေကို တစ်ပုဒ်ချင်း ရွေ့ခဲ့ရပါတယ်.. ဘလော့ စရေးခါစလဲဖြစ်တော့ ပိုစ့်တွေကို Import လုပ်လို့ရတယ် ဆိုတာကို နားမလည်ခဲ့မိလို့ပါ. ခုတစ်ခါတော့ ကံကောင်းတာက အရင်ဘလော့လေး မပျက်သွားခင်မှာ သူငယ်ချင်းတစ်ယောက်ရဲ့ တိုက်တွန်းချက်နဲ့ Back Up လုပ်ထားလိုက်မိပါတယ်.. Back up လေး လုပ်ထားလိုက်မိတော့ အရင်ကရေးခဲ့တဲ့ပိုစ့်တွေ အားလုံးနီးပါး ပြန်ရပါတယ်.. ဒီအတွက် အတိုင်းမသိ ၀မ်းသာ မိရပါတယ်. ဒါကြောင့် Back up လုပ်ထားဖို့ တိုက်တွန်းပေးတဲ့ သူငယ်ချင်းကိုလည်း ကျေးဇူးတင်ပါကြောင်း ဒီနေရာကနေ ပြောကြားခွင့်ပြုပါရှင်.. Mylovecafe မှာ ရေးနေသူ အားလုံးနီးပါး ဘယ်သူမှ Back up လုပ်ထားကြမှာ မဟုတ်လို့ သူတို့တွေရဲ့ ရေးပြီးသားစာတွေအားလုံး ပျောက်ဆုံးကုန်တဲ့အတွက်တော့ အားလုံးနဲ့ထပ်တူ စိတ်မကောင်းဖြစ်မိပါတယ်.. ဒါကြောင့် စာရေးဖော်များကို တိုက်တွန်းချင်တာက ကိုယ့်ဘလော့လေးကို မကြာခန Back Up လုပ်ပေးကြပါဆိုတာပါဘဲ.. မဟုတ်ရင် ကိုယ်ကြိုးစားရေးခဲ့သမျှ မမျှော်လင့်တဲ့ အကြောင်းတွေနဲ့ ဆုံးရှုံးသွားတတ်ပါတယ်..





ကျွန်မတို့မှာ စာရေးချင်တဲ့စိတ်နဲ့၊ ၀ါသနာက နက်နက်ရှိုင်းရှိုင်း အမြစ်တွယ်နေပြီ ဖြစ်တဲ့အတွက် ဘယ်လိုနည်းလမ်းမျိုးတွေနဲ့ ရေးနိုင်မလဲဆိုတာကို ဘလော့ဖွင့်မရတဲ့ ရက်တွေမှာ နေ့စဉ် စဉ်းစားကြံဆရင်း နည်းလမ်းတွေရှာမိပါတယ်.. စာအမြဲ လာဖတ်သူများကိုလည်း အားနာမိပါတယ်.. အများတကာ ရေးနေတဲ့ Blogspot မှာလဲ ကျွန်မတို့အနေနဲ့ ရေးလို့ အဆင်မပြေတာကြောင့် ကျွန်မနဲ့ ကျွန်မရဲ့ အစ်မတစ်ယောက်ကဲ့သို့ ချစ်ခင်ရပါသော  မမြသွေးနီ နဲ့ တိုင်ပင်ပြီးကာမှ Hosting တစ်ခု ၀ယ်လိုက်ပြီး ယခင်ကအတိုင်း အရှိန်မပျက် စာတွေ ပြန်ရေးနိုင်ဖို့ ကြိုးစားကြပြန်ပါပြီ.. လဲပြိုသွားပေမဲ့ ပြန်ထဖို့ ကြိုးစားကြခြင်း ဖြစ်ပါတယ်.. ကျွန်မတို့ ရေးတဲ့ စာတွေကို အမြဲလာဖတ်ကြသူများ စာရေးဖော် မိတ်ဆွေ သူငယ်ချင်းများ၊ ဘလော့လေးအတွက် အားတက်သရော အကူအညီပေးကြသူများ၊ အကြံပေးမေးမြန်းကြသူများ အားလုံးကို ကျေးဇူးတင်ပါတယ်ရှင်.. ပြီးခဲ့တဲ့ရက်တွေက အိမ်ကို မမျှော်လင့်ဘဲ ပြန်ဖြစ်သွားတဲ့အတွက် ကချင်ပြည်နယ် ဖားကန့်ဒေသရဲ့ ဆိုးဝါးတဲ့ မိုးရာသီ လမ်းခရီး အတွေ့အကြုံများကို မကြာခင်မှာ ဓာတ်ပုံများနဲ့ ဖော်ပြပေးပါဦးမယ်..





ယခင်ကလိုဘဲ စာတွေကို အဆင်ပြေပြေ ဖတ်ရှုနိုင်အောင် အတတ်နိုင်ဆုံး ကြိုးစားထားပါတယ်.  စာတွေကိုလဲ ယခင်ကလို အတတ်နိုင်ဆုံး ပြန်ရေးပါမယ်လို့ အားလုံးကို အသိပေးရင်း အစိမ်းရောင်လွင်ပြင်အသစ်ကို အားမာန်အပြည့်ဖြင့် ပြန်လည် မွေးဖွားလိုက်ပါကြောင်းရှင်..







အားလုံးကို လေးစားချစ်ခင်စွာဖြင့်




ချော(အစိမ်းရောင်လွင်ပြင်)

အားမာန်ပေးတဲ့ ဟင်းတစ်ခွက်


သရုပ်ဖော်ပုံ လူထုအသံအွန်လိုင်းဂျာနယ် မှကူညီပါသည်။








“မေမေ.. ဒီနေ့ ဘာဟင်းချက်ရမလဲဟင်”




မီးဖိုလေးထဲမှာ ထမင်းအိုးတည်နေသော အသက် ၁၂နှစ်အရွယ် ၇တန်းကျောင်းသူ သမီး အကြီး ငွေနှင်း ကလှမ်းမေးသည်.. စနေနေ့ ရုံးပိတ်ရက်မို့ ရုံးသွားစရာ မလိုသဖြင့် အိမ်က ရေတွင်းမှာ အ၀တ်လျှော်နေသော ဒေါ်ရွှေကြည် သမီးဖြစ်သူအမေးကို ပြန်ဖြေရန် အဖြေမဲ့သွားသည်.. လကုန်ရက်ရောက်ဖို့ကလဲ အဝေးကြီး လိုသေးသည်.. ပြီးတော့ သူမယောက်ျား ကိုထွန်းအေး ကလဲ အရင်ကတော့ ရုံးတစ်ခုမှာ ၀န်ထမ်း၊ ညပိုင်းတွင် ဆိုက်ကား နင်းရင်း အပိုဝင်ငွေ ရှာတတ်သည်.. လွန်ခဲ့သော ၅လခန့်က ကိုထွန်းအေး နင်းသော ဆိုက်ကားကို ကားတစ်စီးက ၀င်တိုက်ပြီး ကိုထွန်းအေး ခြေထောက် သွင်သွင် ကျိုးလေသည်.. ရုံးအလုပ်မှ နားလိုက်ရပြီး အိမ်မှာ အငြိမ်းစားဘ၀ ရောက်သွားတော့သည်. ဒေါ်ရွှေကြည်တို့မှာ သားသမီးလေးယောက် ရှိပြီး အကြီးဆုံးက ငွေနှင်း၊ အလတ်မ ငွေမှုန်၊ သားငယ် အောင်ထွန်း.. အငယ်ဆုံးလေး ငွေရည် အားလုံးက ကျောင်းသားတွေချည်း..





လောလောဆည် မိသားစု ၆ယောက်မှာ ၀င်ငွေရှိသူက ဒေါ်ရွှေကြည် တစ်ယောက်တည်းသာ.. သူမလစာနဲ့ မိသားစု ၆ယောက်ရဲ့ စားဝတ်နေရေးက ဘယ်လိုမှ လောက်ငှသည်မရှိ.. ဒေါ်ရွှေကြည်မှာလည်း ရုံးဝန်ထမ်းမို့ တစ်ခြား အပိုဝင်ငွေလဲ ရစရာမရှိ.. ရှာလဲ မရှာဖွေတတ်ပါ.. ဒီတော့ တစ်လလုံး သူမ၀င်ငွေလစာနဲ့ ဒီမိသားစု စားစရိတ် ကျောင်းစရိတ်က ခေါင်းခြောက်စရာ.. စဉ်းစားတိုင်း အိပ်မရတဲ့ ညပေါင်းလဲ မနည်းတော့.. ယခင်က စုဆောင်းထားသမျှလည်း ကိုထွန်းအေး ဆေးကုစဉ်က ကုန်ခဲ့ပြီ..





“မေမေ .. သမီးမေးတာလဲ မဖြေဘူး.. ဘာဟင်းချက်ရမလဲလို့”




သမီးကြီး ငွေနှင်းထံမှ အသံထပ်ပေါ်လာပြန်သဖြင့် ဒေါ်ရွှေကြည် အ၀တ်လျှော်နေရာမှ မီးဖိုဘက်ကို ရောက်သွားရသည်… ဆန်အိုး ထဲတွင် ဆန်လဲအတော် နည်းနေပြီ.. ကြက်သွန်ဖြူနီ၊ ဆီ ဘာမှ မကျန်တော့.. ချက်စရာ ဟင်းဖြစ်မဲ့ အရာတစ်ခုမှ မီးဖိုထဲတွင် ဒေါ်ရွှေကြည် မတွေ့မိပါ.. ဒီလ လကုန်ထိအောင် ဘယ်လိုများ စခန်းသွားရပါ့.. တွေးပြီး တော်တော်ကို စိတ်ဆင်းရဲမိတော့သည်.. ငွေနှင်းက ငပိရည်ကျိုတစ်ခွက်တော့ ကျိုထားပုံရသည်.. ထမင်းစားစားပွဲပေါ်တွင် ငပိရည်တစ်ခွက်တော့ တွေ့မိသည်။





နောက်ထပ် ဘာအရွက်လေး ချက်ရင်ကောင်းမလဲ …. မီးဖို ပြူတင်းပေါက်နားမှာ ရပ်ရင်း ဒေါ်ရွှေကြည် စဉ်းစားခန်း ၀င်နေမိပြန်သည်.. စဉ်းစားရင်း ခြံဝင်းထဲမှာ ချက်စရာ တစ်ခုခုတွေ့လို တွေ့ငြား လိုက်ကြည့်နေမိသည်.. ခြံထဲတွင် စိုက်ထားသော အသီးအရွက်မှာလည်း နေ့စဉ်နေ့တိုင်း ခူးစား၍ ကုန်သလောက်ဖြစ်နေပြီ.. ချဉ်ပေါင်ပင်လေးများဆို ငုတ်တိုလေးသာ ရှိတော့သည်.. ရွက်သစ်ပင် မထွက်နိုင်ရှာတော့.. ဆူးပုတ်ပင်ဆိုလျှင်လည်း ထိုနည်းအတိုင်း .. အရွက်ကြမ်းကြမ်းများသာ အပင်ပေါ်မှာ ဝေေ၀ဆာဆာ… ချက်စားစရာ ဘာမှကို မမြင်မိတော့.. လက်ထဲမှာလည်း ဈေးဝယ်ဖို့လည်း ငွေက မရှိသလောက်၊ ထိုစဉ် ဒေါ်ရွှေကြည် တစ်ဘက်ခြံထဲသို့ မျက်လုံးအကြည့်က ရောက်သွားမိသည်.. ဒေါ်လှအေး တို့ခြံတွင်းရှိ ဘူးစင်ကြီးက အသီးနဲ့ အရွက်ဝေေ၀ဆာဆာ.. စိမ်းစိမ်းစိုစို.. ဘူးရွက်ဟင်းချိုလေး ချက်လိုက်ရရင် သိပ်ကောင်းမှာဘဲ… ရလာသော စိတ်ကူးကို သမီးငွေနှင်းကို ပြောပြလိုက်ရင်း ဒေါ်လှအေးတို့ခြံမှာ ဘူးရွက်နည်းနည်း သွားတောင်းဖို့ ငွေနှင်းကို ပြောလိုက်မိသည်.. ဒေါ်ရွှေကြည်တို့ နယ်ဘက်တွင် တစ်ခြံနှင့်တစ်ခြံ ကိုယ့်ရှိအရွက် သူခူး.. သူ့ရှိအရွက် ကိုယ်ခူးသည့် အလေ့အထ ရှိသည်..





“အာ.. မေမေကလည်း ဒေါ်လှအေးက ပါးစပ်ဒီလောက်ဆိုးတာ .. သမီး မတောင်းချင်ဘူး မေမေရာ..”




“သွားလိုက်ပါ သမီးရယ်.. ငါးပိရည်ကျိုလေးနဲ့ ဘူးရွက်ဟင်းရည်လေး ချက်လိုက်ရင် စားလို့ဖြစ်ပြီဘဲ.. ဘူးရွက်လေးကို ငါးပိရည်လေးနဲ့ တို့စားလို့လဲ ကောင်းတယ်လေ.. လိမ္မာတယ် .. သွားတောင်းလိုက်နော်.. ”




ငွေနှင်း မသွားချင် သွားချင်နှင့် ထွက်သွားသည်.. သိပ်မကြာပါ… ၁၀ မိနစ်ခန့်တွင် မျက်နှာနီရဲလျှက် မျက်ဝန်းတွင် မျက်ရည်စများ စို့လျှက် ဘူးရွက်လေး လက်က ကိုင်ပြီး ပြန်ရောက်လာသည်.. ဒေါ်ရွှေကြည် အလန့်တကြား မေးလိုက်မိသည်။





“သမီး ငွေနှင်း ဘာဖြစ်လို့လဲဟင်.. ဘာလို့ ငိုလာတာလဲ”



ငွေနှင်းက ဘူးရွက်များကို ရေဇလုံထဲ ပစ်ချပြီး




“သမီးသွားတော့ ဒေါ်လှအေးက မရှိဘူး.. ဒါနဲ့ သူ့သမီး လဲ့လဲ့ဝင်း ဆီမှာ ဘူးရွက်ခူးမလို့လို့ပြောလိုက်တယ်.. လဲ့လဲ့ဝင်းက ခူးပါလို့ ပြောတာနဲ့ ခူးပြီးတော့ သမီးလဲ ပြန်ထွက်လာတယ်.. အိမ်အထွက်မှာ ဒေါ်လှအေးနဲ့ တွေ့တယ်.. သူက သမီးတို့ကို ရစရာမရှိဘူး ပြောလိုက်တာ  ဘူးရွက်လေးတောင် မ၀ယ်စားနိုင်ရ ကောင်းလား… သူများခြံမှာ လာခူးစားတာ မရှက်ဘူးလားနဲ့ စုံနေတာဘဲ… သမီးရှက်လိုက်တာ မေမေရယ်…” ပြောပြီး မျက်ရည်များ စီးကျလာပြန်သည်..




ဒေါ်ရွှေကြည် ရင်ထဲမှာ နင့်ကနဲ ခံစားလိုက်ရသည်.. ဘူးရွက်ကလေး သွားခူးမိတဲ့အတွက် အရှက်မရှိသူများ ဖြစ်ရပြီ.. သို့သော် ကြာကြာစိတ်မကောင်းမဖြစ်အား. မနက်စာအမှီ ချက်ရဦးမည်.. အငယ်နှစ်ကောင်က ဗိုက်ဆာသည် အော်နေပြီ.. သူတို့မှာ မနက်စာကိုလည်း အများတကာလို ကောင်းကောင်းမွန်မွန် စားရရှာသည်မဟုတ်.. ထမင်းကြမ်း တစ်ယောက်နည်းနည်းစီသာ ကျွေးထားရသည်.. ခုဘဲ မနက် ၁၁နာရီ ရှိနေပြီဆိုတော့ မနက် ၆နာရီလောက်က ထမင်းကြမ်းသည် ဗိုက်ထဲမှာ ဘာမှကျန်တော့မည်မဟုတ်..





အိုးတစ်လုံးထဲ ရေထည့် ဆားအချိုမှုန့်၊ ငပိလေးအနည်းငယ်ထည့် တစ်လုံးတည်းကျန်နေသော ခရမ်းချဉ်သီး ကိုဖဲ့ရွဲ့ပြီး ထည့်လိုက်သည်.. ပွက်ပွက်ဆူလာသောအခါ ရေဆေးပြီး သင်ထားသော ဘူးရွက်ကို ဟင်းအိုးထဲထည့်ပြီး ခနအကြာ အိုးပေါ်မှ ချလိုက်ရင် မိသားစုအားလုံးစားဖို့ ထမင်းခူးခပ်ပြင်ဆင်လိုက်သည်.. အားလုံးပြင်ဆင်ပြီး ကိုထွန်းအေးကို ထမင်းစားခေါ်သည်.. သားသမီး ၄ယောက်ကိုလည်း အော်ခေါ်သည်.. ကိုထွန်းအေးက အိမ်ရှေ့ သစ်ပင်အောက်ရှိ ကုလားထိုင်လေးပေါ်မှာ စာဖတ်နေရာမှ တုတ်ကောက်လေးကို အားပြုကာ အိမ်တွင်းသို့ ထမင်းစားရန် ၀င်လာသည်.. ကလေးအငယ် ၃ယောက်လည်း ပြေးပြေးလွှားလွှား ထမင်းစားပွဲကို လာထိုင်ကြသည်.. အကြီးမ ငွေနှင်းမှာ ထမင်းဝိုင်းသို့ရောက်မလာ..



ကိုထွန်းအေးက မေးသည်..



“သမီးကြီးရော ထမင်းမစားဘူးလား”




ဒေါ်ရွှေကြည် ဘာဖြေရမှန်းမသိ… သူသိပါသည်.. သမီးကြီးငွေနှင်းက အသက်ကလေးကလည်း သိတတ်သည့် အရွယ်ရောက်လာပြီ ရှက်ရကောင်းမှန်းသိလာပြီ.. ဟိုဘက်အိမ်က ဒေါ်လှအေးစကားက သမီးရဲ့ နှလုံးသားနုနုကို ထိခိုက်စေခဲ့ပြီ.. သူမ ထမင်းဝိုင်းမှ အသာထလိုက်ရင်း သမီးကို ထမင်းစားဖို့ သွားခေါ်တော့ သမီးက အခန်းထဲမှာ တရှုံ့ရှုံ့ငိုကောင်းတုန်း..



“သမီး.. သမီးအဖေ မေးနေတယ်.. မငိုနဲ့တော့ .. လာထ ထမင်းစားရအောင်နော်.. ”


“သမီးမစားချင်ဘူး မေမေရာ.. ”




“မစားချင်လို့ မရဘူးသမီး သမီးအဖေ စိတ်မကောင်းဖြစ်လိမ့်မယ်.. လာပါ ထပါသမီးရယ်.”




ငွေနှင်း မျက်ရည်စကို အသာသုတ်၍ ထမင်းဝိုင်းသို့ လိုက်လာသည်.. ကိုထွန်းအေးက သူ့သမီးကို မြင်တာနှင့် ငိုထားမှန်း သိလေပြီ..



“သမီးငွေနှင်း ဘာဖြစ်တာလဲ အဖေ့ကို ပြောစမ်းပါဦး.. ဘာလို့ငိုထားတာလဲ..”




မေးလိုက်မှ ငွေနှင်းမျက်ရည် ဆည်ကျိုးသလို ပိုးပိုးပေါက်ပေါက် သွန်ကျလာလေသည်.. ပြီးတော့ ဘူးရွက် သွားတောင်းတုန်းက ဒေါ်လှအေး ပြောလိုက်တဲ့စကားတွေအကုန် ငိုရှိုက်ရင်းက လုံးစေ့ပတ်စေ့ ပြောလေတော့သည်.. ငွေနှင်းစကားကို နားထောင်ရင်း ကိုထွန်းအေးမျက်နှာ နီရဲလာသည်..



“မိန်းမ မင်းက ဘာလို့ သွားတောင်းခိုင်းရတာလဲကွာ ..မရှိရင် ရှိတဲ့ဟင်းနဲ့စားပေါ့.. နောက်ဘယ်တော့မှ ဒီလို မဖြစ်စေနဲ့… အင်း ငါတို့ကလဲ ဟုတ်တော့ ဟုတ်ပါတယ်.. မိသားစု ၆ယောက်မှာ ပိုက်ဆံရှာနိုင်တဲ့သူက မရှိတော့ ဒီလိုအပြောခံဖို့ ဖြစ်လာတာဘဲပေါ့.. ငါတို့လဲ ဒီအတိုင်းနေလို့တော့ မဖြစ်တော့ဘူး တစ်ခုခု လုပ်မှ ဖြစ်တော့မယ်… ”




“ကျွန်မကတော့ ရုံးဆင်းချိန်နဲ့ ရုံးပိတ်ရက်တွေမှာ အိမ်တွေလိုက်ပြီး အ၀တ်လျှော်မယ်လို့ စိတ်ကူးတယ်.. ဒါဆို အရင်းအနှီးလဲ မလိုဘူး.. အပိုဝင်ငွေလဲ ရလာမယ်လေ.. ”




“မိန်းမ မင်းက ရုံးသမားနော်.. သေချာစဉ်းစားဦး.. ဒီလို အ၀တ်လိုက်လျှော်ရင် မင်းရုံးက လူတွေသိရင် မင်းအတွက် ရှက်စရာဖြစ်မယ်..”




“အိုး ဘာလို့ ရှက်ရမှာလဲ ကိုထွန်းအေး.. ပိုက်ဆံမရှိလို့ သူများဆီမှာ ဘူးရွက်ကလေး သွားတောင်းမိတာ ဘယ်လောက်အပြောခံလိုက်ရသလဲ.. ဒါကသာ ရှက်စရာကောင်းတာ… အ၀တ်လျှော်တာ တောင်းစားတာလဲ မဟုတ်ဘူး.. မရှက်ဘူး.. ကျွန်မ လုပ်ကိုလုပ်မယ်…”




“အေး .. ငါကတော့ ငါငယ်ငယ်က ဘကြီးဆီက သင်ခဲ့ဘူးတဲ့ ကြိမ်ခြင်းတွေယက်တဲ့ အလုပ်ကို အိမ်မှာ ယူလုပ်ဖို့ စိတ်ကူးရတယ်.. အိုးမကွာအိမ်မကွာပေါ့ကွာ.. ပင်ပန်းတာလဲ မဟုတ်တော့ ငါ့ခြေထောက်လဲ သုံးစရာမလိုဘူး.. ဒီလိုဆို ငါလဲ အိမ်အတွက် ၀င်ငွေရှာပေးနိုင်မယ်လေ..”




သမီးသမီးအကြီးငွေနှင်းက ၀င်ပြောသည်.. “အဖေနဲ့အမေ သမီးလဲ ကျောင်းအားတဲ့အချိန်တွေမှာ ဒေါ်တင်မာ့ဆီက အကြော်တို့ မုန့်ဖက်ထုပ်တို့ကို ယူပြီး ရပ်ကွက်တွေမှာ လိုက်ပြီးရောင်းမယ်လေ.. ”




“ဖြစ်မလားသမီးရယ်.. စာကျက်ချိန်တွေ လျှော့သွားမှာပေါ့”




ဒေါ်ရွှေကြည်က သမီးကို စိတ်ပူစွာ ၀င်ပြောလိုက်သည်။




“ဖြစ်ပါတယ်မေမေရယ်.. ညကျရင် အချိန်ယူပြီး စာပိုကျက်မှာပေါ့..”




“မေမေ သမီးလဲ မမနဲ့အတူ ဈေးလိုက်ရောင်းကူမယ်လေ.. ” ၁၀နှစ်သမီး ငွေမှုန်လေးကပါ ၀င်ပြောသည်။




“သားလဲ မမတို့နဲ့ လိုက်မယ်..”




၃တန်းကျောင်းသားလေး အောင်ထွန်းကပါ စိတ်ဝင်တစား ၀င်ပြောလေသည်။ ထိုနေ့က ထမင်းဝိုင်းမှာ မည်သူမှ ထမင်း ဟုတ်တိပတ်တိ မစားဖြစ်လိုက်.. မိသားစု ၀င်ငွေရရှိရေးအတွက် ၀ိုင်းစဉ်းစားကြရင်း အားလုံးက တက်ကြွနေကြသည်.. ဒီနေ့တော့ ဒေါ်ရွှေကြည်တို့ မိသားစုကို ဒီလို ကိုယ်စီကိုယ်ငှ အလုပ်လုပ်ကြဖို့ ခွန်အားပေးလိုက်တာက စားပွဲပေါ်က ဘူးရွက်ဟင်းလေး တစ်ခွက်ဘဲ ဖြစ်ပါလိမ့်မည်.. ပိုက်ဆံမရှိ၍ သူများထံမှာ အောက်ကျ နောက်ကျခံရခြင်းထက် မိမိလုပ်အားနဲ့ ပင်ပင်ပန်းပန်း လုပ်ကိုင်ပြီး စားရသော ထမင်းက ပိုချိုကြောင်း၊ လိပ်ပြာသန့်ကြောင်းကို သိလိုက်ရပါပြီ..





နောက်နေ့မှစ၍ သူတို့မိသားစု အလုပ်ကိုယ်စီ လုပ်ကြသည်.. ဖခင်ဖြစ်သူက အိမ်မှာ ချက်ပြုတ်ရင်း ခြင်းတောင်းများကို ယက်သည်။ မိခင် ဒေါ်ရွှေကြည်က ရုံးတစ်ဘက်နှင့် အားချိန်တွင် အိမ်တကာလည်၍ အ၀တ်လျှော်သည်။ သားသမီးများက ကျောင်းအားချိန်တွင် ရပ်ကွက်များတွင် ဈေးလိုက်ရောင်းသည်။ ထိုနည်းဖြင့် အိမ်စားရိတ်၊ ကျောင်းစားရိတ် လုံလောက်စွာ ရလာသည့်အပြင် အပိုဝင်ငွေ လေးများ စုမိဆောင်းမိအောင် မိသားစုတစ်ခုလုံး တက်ညီလက်ညီ ကြိုးစားကြလေသည်။ သိပ်မကြာခင်ကာလတွင် အိမ်ဆိုင်ကလေး တည်လာနိုင်ပြီး ကလေးများလည်း ရပ်ကွက်တွင်း ဈေးလိုက်ရောင်းစရာ မလိုတော့ဘဲ တည်တည်ငြိမ်ငြိမ်နှင့် အိုးမကွာ အိမ်မကွာ စာကျက်ရင်း ဈေးရောင်းလာနိုင်ကြသည်။





ထိုချိန်မှစ၍ နှစ်ပေါင်း ၁၅ နှစ်ကြာတဲ့အချိန်မှာတော့ ဒေါ်ရွှေကြည်ဟာ သူမရဲ့ရုံးမှာ လက်ထောက် ညွှန်ကြား ရေးမှူး ဖြစ်နေခဲ့ပါပြီ… ဒေါ်ငွေနှင်းကတော့ တက္ကသိုလ်တစ်ခုမှာ တွဲဘက်ပါမောက္ခ ဖြစ်နေခဲ့ပြီး အလတ်မလေး ငွေမှုန်ကတော့ ဆေးရုံတစ်ခုမှာ ဆရာဝန်မလေးပါ.. သားအငယ်ဖြစ်သူ အောင်ထွန်းမှာ နိုင်ငံရပ်ခြား တစ်နိုင်ငံမှာ အလုပ်လုပ်နေခဲ့ပါပြီ.. အငယ်ဆုံးလေး ငွေရည်က နည်းပညာတက္ကသိုလ်မှာ တက်ရောက်လို့နေခဲ့ပါပြီ..





------------------------------------------------------------------------------------------




ဒီဇာတ်လမ်းလေးကို နိုင်ငံရပ်ခြားမှာ အလုပ်လုပ်နေတဲ့ ကောင်လေးတစ်ယောက်ရဲ့ ပြောပြချက်အရ ရေးဖွဲ့ဖြစ်ပါတယ်… နံမည်မှ လွဲ၍ ကျန်တဲ့အချက်အလက်များသည် တကယ့် အဖြစ်မှန်ပေါ်တွင် ရေးဖွဲ့ထားခြင်း ဖြစ်ပါသည်။ ဘ၀တွင် သင်ခန်းစာယူ၍ ကြိုစားမည် ဆိုလျှင်ဖြင့် မအောင်မြင်လာစရာအကြောင်း ဘာမှမရှိပါဆိုတာ သက်သေပြနေသလို အလုပ်ဟူသမျှ ဂုဏ်ရှိစွဟု သဘောထား၍ ကြိုးစားခဲ့သော ထိုမိသားစုလေးကို အတုယူအားကျဖို့ ဒီဝတ္ထုလေးကို ရေးဖွဲ့ဖြစ်ပါသည်။






ချော(အစိမ်းရောင်လွင်ပြင်)

အမှားလေးတစ်ခု


အမှားလေးတစ်ခု


---------------------------------------------

တစ်ခါက တောင်ခြေတစ်ခုမှာ သာယာလှပပြီး နေချင်စဖွယ် ရွာလေးတစ်ရွာ တည်ရှိပါတယ်.. ရွာနဲ့ မလှမ်းမကမ်း တောင်ပေါ်မှာတော့ ရေခဲတောင်တွေဆီကနေ ရေခဲတွေ အရည်ပျော်ပြီး စီးဆင်းလာတဲ့ ရေတွေဟာ ရေကန်ကြီးတစ်ကန် ဖြစ်ပေါ်စေခဲ့ပါတယ်..။ အဲဒီကန်ထဲကမှ တဆင့် ရေတွေဟာ ရေတံခွန်ငယ်ကလေးအဖြစ် တောင်အောက်ကို စီးကျလာပြီး အောက်ရောက်တဲ့အခါမှာတော့ စမ်းချောင်းလေးအဖြစ်နဲ့ ရွာကလေးကို ကွေ့ကာ ၀ိုက်ကာနဲ့ ဖြတ်ပြီး စီးဆင်းလာပါတယ်.. ရေကန်ကြီးရဲ့ ပတ်ပတ်လည်မှာတော့ ထူထပ်တဲ့ တောအုပ်ကြီး ရှိနေပါတယ်..





ဒါကြောင့် ကျေးရွာ အုပ်ချုပ်ရေး ကောင်စီအဖွဲ့က ကန်ကြီးထဲက ရေတွေ စမ်းချောင်းလေးထဲကို ကြည်ကြည်လင်လင် သန့်သန့်ရှင်းရှင်းနဲ့ စီးဆင်းလာနိုင်ဖို့အတွက် ရေကန်ကြီးရဲ့ ပန်ဝန်းကျင်ကို သန့်ရှင်းရေး လုပ်ဖို့နဲ့ ရေကန်ပတ်လည်ကို အမြဲတမ်း ကြည့်ရှုနိုင်စေဖို့ဆိုပြီး အဖိုးအို တစ်ယောက်ကို ငှားရမ်းလိုက်ပါတယ်.. အဖိုးအိုဟာ ရေကန်ကြီးတစ်လျှောက် အမြဲတမ်း လှည့်ပတ်ကြည့်ရှုပါတယ်.. ရေကန်ထဲကို ကျရောက်မဲ့ သစ်ရွက်သစ်ခက်များ၊ သစ်ကိုင်း သစ်ဆွေးခြောက်များ စတာတွေကို ဂရုတစိုက်နဲ့ အမြဲတမ်း ဖယ်ရှားပေးပါတယ်..




သူဟာ အလုပ်အပေါ် တာဝန်ကျေတာထက်ပိုပြီး စေတနာနဲ့ ကြိုးကြိုးစားစား လုပ်လေ့ရှိပါတယ်.. ဒါကြောင့်လဲ ကန်ထဲကရေတွေဟာ အချိန်တိုင်း သန့်ရှင်းစိမ်းမြနေပြီး ရေတံခွန်လေးကနေ တစ်ဆင့် စမ်းချောင်းလေးအဖြစ်နဲ့ ရွာထဲကို အဟန့်အတားမရှိ ကြည်လင်စွာ အမြဲတမ်း စီးဆင်းခွင့် ရနေခဲ့ပါတယ်။ သာယာလှပတဲ့ ရွာကလေးဟာ အခြားမြို့ရွာကနေ အလည်လာသူများ ပျော်ပွဲစား ထွက်လာသူများနဲ့ အမြဲတမ်း စည်ကားနေတတ်ပါတယ်.. ဖန်သားပြင်လို ကြည်လဲ့နေတဲ့ စမ်းချောင်းလေးထဲမှာ ငွေငန်းဖြူတို့ကလဲ ပျော်ရွှင်ချမ်းမြေ့စွာ လူးလာခေါက်တုံ ကူးခတ်ပျော်ပါး ဆော့ကစားနေကြပါတယ်။ စက်ရုံအလုပ်ရုံ များစွာဟာလည်း စမ်းချောင်းလေးက ရေကို အားပြုပြီး နေ့ရောညပါ လှည်ပတ်နေကြပါတယ်. လယ်မြေဧကပေါင်းများစွာကိုလည်း စမ်းချောင်းကလေးဆီက ရေကို သွယ်ယူလို့ လယ်မြေတွေကို စိမ်းလန်းနေစေတော့တာပါဘဲ..




လှပလွန်းတဲ့ ရွာကလေးရဲ့ ရှုခင်းတွေကြောင့်လဲ အနားယူအပန်းဖြေသူများနဲ့ တစ်ဖြေးဖြေး စည်ကားလို့ လာနေပါတယ်.. လာလည်ကြတဲ့ ဧည့်သည်တွေဟာ တည်းခိုရာ ဘန်ဂလိုတွေ၊ စားသောက်ဆိုင်တွေမှာ အနားယူ အပန်းဖြေပြီး ရွာကလေးရဲ့ ရှုခင်း အလှအပတွေကို တစ်မေ့တစ်မော ကြည့်ရှုခံစားကြပါတယ်..




ဒီလိုနဲ့ နှစ်အနည်းငယ်ကြာတဲ့ အခါ တစ်ညနေမှာတော့ ရွာကလေးရဲ့ အုပ်ချုပ်သူအဖွဲ့ဝင်တွေဟာ နှစ်ပတ်လည် အစည်းအဝေး ပြုလုပ်ကျင်းပကြပါတယ်.. ရွာကလေးရဲ့ သာရေး၊ နာရေးတွေမှာ အသုံးပြုတဲ့ ငွေစာရင်းတွေကို ညှိနိုင်းစည်းဝေးကြပါတယ်.. တစ်ယောက်သော ရွာလူကြီးက ရေကန်ကြီးကို ကြည့်ရှု စောင့်ရှောက်ဖို့ ငှားထားတဲ့ အဖိုးအိုအတွက် ပေးထားတဲ့ လစာ စာရင်းကိုထောက်ပြပြီး




“ဒီလစာငွေတွေဟာ အလကား သက်သက် ကုန်ကျနေတာဖြစ်တယ်.. ဒီလူကို မလိုအပ်ဘဲနဲ့ ဘာကြောင့်များ တစ်နှစ်ပြီးတစ်နှစ် လစာငွေတွေ ပေးပြီး ငှားထားရတာလဲ.. သူတောင်ပေါ်မှာ နေပြီး အလုပ်လုပ်တယ် မလုပ်ဖူး ဆိုတာလည်း ဘယ်သူကမှလည်း မြင်ရတာမဟုတ်ဘူး.. သူမရှိလည်း ရေကန်ထဲက ရေတွေက စီးမြဲစီးဆင်းနေမှာဘဲ.. ကြည်လင်မြဲ ကြည်လင်နေမှာဘဲ.. ဒီတော့ မလိုအပ်ဘဲ ပိုက်ဆံအကုန်အကျ မခံသင့်ဘူး..” လို့ ပြောပါတယ်.. အဲဒီလူကြီးရဲ့ စကားကြောင့် ရွာအုပ်ချုပ်သူတွေကြားမှာ အဖိုးကြီးကို ဆက်ငှားသင့်မငှားသင့် မဲခွဲပြီး ဆုံးဖြတ်ကြတဲ့အခါမှာ မငှားဖို့က မဲအရေအတွက် များတဲ့အတွက် သန့်ရှင်းရေးလုပ်သူ အဖိုးကြီးကို နောက်လက စလို့ ဆက်ပြီး မငှားကြတော့ပါဘူး..




ရက်သတ္တပတ် အနည်းငယ် အတွင်းမှာတော့ တစ်စုံတစ်ရာ အပြောင်းအလဲ မရှိပေမဲ့ ဆောင်းဦးပေါက်ရာသီ ရောက်လာချိန်မှာတော့ ရေကန်ပတ်လည်မှာရှိတဲ့ သစ်တောအုပ်ကြီးထဲက သစ်ပင်တွေဟာ သစ်ရွက်တွေ ၀ါရော်ခြောက်သွေ့လာပြီး လေပြေအဝေ့မှာ ကန်ရေပြင်ထဲကို ကြွေကျလာပါတော့တယ်.. သစ်ကိုင်းတစ်ချို့ တွေဟာလည်း ခြောက်သွေ့ပြီး ရေကန်ထဲကို ကျိုးကျကုန်ပါတယ်.. အဲလို ရေကန်ထဲကို ပြုတ်ကျတဲ့ သစ်ကိုင်းခြောက်တွေ၊ ညိုးနွမ်းကြွေကျတဲ့ သစ်ရွက်ခြောက် တွေဟာ ပုတ်သိုးဆွေးမြေ့ပြီး ကြည်လင်သန့်ရှင်းစွာ စီးဆင်းနေတဲ့ ရေတွေကို တစ်ဖြေးဖြေး အရောင်ပြောင်းစေလာသလို ရေစီးဆင်းရာမှာလည်း အဟန့်အတား ဖြစ်လာစေပါတော့တယ်..




တစ်နေ့မှာတော့ ခုလိုအပြောင်းအလဲကို ဖြစ်လာတာကို လူတစ်ယောက်က အရင်ဆုံး သတိပြုမိလိုက်ပါတယ်.. သူဟာ စမ်းချောင်းလေးရဲ့ ရေစီးကြောင်းထဲမှာ ခပ်ညိုညိုအရောင်တွေ ရောပါလာတာကို တွေ့လိုက်မိပါတယ်. ဒါပေမဲ့ အမှုမဲ့ အမှတ်မဲ့ထားလိုက်ပြီး အရေးတယူ မပြုလိုက်မိပါဘူးတဲ့.. နောက် ရက်အနည်းငယ် ထပ်ကြာ ချိန်မှာတော့ စမ်းချောင်းလေးရဲ့ ရေဟာ ပိုပြီး ညိုမှောင်လို့ လာနေပါပြီ… ရေထဲမှာလည်း သစ်ရွက်ဆွေး ပုတ်တွေဟာ စမ်းချောင်းလေးထဲ မျှောပါလာနေပြီး မကောင်းတဲ့ အနံ့တွေဟာလည်း ထွက်စ ပြုလာပါတော့တယ်.. ရေအားနဲ့ လည်ပတ်ရတဲ့ စက်ရုံတွေဟာလည်း ရေထဲမှာ ပါလာတဲ့ သစ်ကိုင်းသစ်ခက်တို့ကြောင့် လည်ပတ်နှုန်းတွေနှေးလာပါတယ်..




ရေထဲမှာ မြူးတူး ပျော်ပါးဆော့ကစားနေကြတဲ့ ငွေငန်းဖြူ အုပ်စုဟာလည်း မဲမှောင်နံစော်လာတဲ့ ချောင်းရေကိုစွန့်ခွာလို့ အဝေးကို ထွက်သွားကြပါပြီ.. အခြားမြို့က ခရီးသွားတို့ဟာလည်း တစ်ဖြေးဖြေးနဲ့ အလည်အပတ် လာရောက်ခြင်း နည်းပါးလာနေပါပြီ။ ညစ်ပတ်နံစော်တဲ့ ချောင်းရေကို သောက်သုံးနေရတဲ့အတွက် ရွာသူရွာသားတွေမှာလည်း အဖျားအနာ၊ ၀မ်းရောဂါ စတာတွေ စွဲကပ်လို့ လာနေပြီဖြစ်ပါတယ်..




ဒီတော့မှ ရွာကို အုပ်ချုပ်သူ လူကြီးတွေဟာ အရေးပေါ် အထူးအစည်းအဝေးကို ခေါ်ယူကျင်းပရပါတော့တယ်.. ခုချိန်မှာ သူတို့ရဲ့ မမြင်သင့်တဲ့ ငွေကြေးကလေးကို နှမြောမိတဲ့အတွက်၊ ဆုံးဖြတ်ချက်မှားခဲ့မိတဲ့အတွက် မဖြစ်သင့်တာတွေ ဖြစ်လာခဲ့ရတာကို သဘောပေါက်ကြပါတော့တယ်.. ဒါကြောင့် ရေကန်ကို သန့်ရှင်းရေး လုပ်ဖို့အတွက် အရင်က ငှားခဲ့တဲ့ တောင်ပေါ်က အဖိုးကြီးကို ပြန်ပြီး ငှားရမ်းလိုက်ကြပါတယ်.. အဖိုးကြီးကို ပြန်ငှားလိုက်ပြီး တစ်လခန့် ကြာတဲ့အခါမှာတော့ သစ်ရွက်သစ်ခက်တွေ၊ သစ်ကိုင်းဆွေးတွေ ဖယ်ရှားသန့်ရှင်းပြီးလို့ ကန်ရေပြန်ဟာ ပြန်ပြီး ကြည်လင်လာပါတော့တယ်..




စမ်းချောင်းထဲကိုလည်း အေးမြကြည်လင်တဲ့ရေတွေ ပြန်ပြီးစီးဆင်းလာတာမို့ ငွေငန်းဖြူတို့ကို မြူးတူးဆော့ကစားနေတာ ပြန်တွေ့ရပြီ ဖြစ်သလို ဧည့်သည်တွေလဲ ပြန်လည်ရောက်ရှိလာကြပါပြီ.. ရေအားနဲ့လှည်ပတ်ရတဲ့ စက်ရုံတွေလည်း ဘီးတွေ တစ်ဝှီးဝှီး လည်ပတ်လို့ပေါ့.. ခုတော့လည်း ရွာကလေးက အေးချမ်းသာယာပြီး ရွာသားတွေလည်း ပျော်ရွှင်ကြည်နူးလို့ နေပါတော့တယ်..။





——————————————————————————————————————-။




တစ်ခါတစ်လေမှာတော့ ကျွန်မတို့ရဲ့ ဘ၀မှာ အသေးအမွှားလေးရယ်လို့ ယူဆပြီး ဂရုမစိုက်မိတတ်ကြတဲ့ ကိစ္စလေးတွေဟာ အင်မတန်မှ ကြီးကျယ်သော ဆုံးရှုံးနစ်နာမှုများကို ကြုံတွေ့လာရတတ်ကြောင်းနဲ့ ဂရုမစိုက်မိတဲ့ အမှားလေးများကိုလည်း အချိန်မှီလေး ပြုပြင်လိုက်မယ် ဆိုရင် ဆုံးရှုံးနစ်နာမှု နည်းပါးနိုင်ကြောင်း ဒီဇာတ်လမ်းဖတ်ပြီး အသိရလိုက်မိတာကြောင့် ဘယ်အရာကိုဘဲ ဖြစ်ဖြစ် ဂရုတစိုက် အလေးအနက်ထားပြီး လုပ်ဆောင်ဖို့ ကိုယ့်ကိုယ်ကို သတိပေးရင်း စာဖတ်သူများကိုလည်း ပြန်လည်ဝေငှပါတယ်ရှင်..








(Charles R. Swindoll ရဲ့ Keeper Of The Spring ကို ဘာသာပြန် ရေးဖွဲ့ပါသည်။)




ပျော်ရွှင်ငြိမ်းချမ်းကြပါစေ။




ချော(အစိမ်းရောင်လွင်ပြင်)