လက်ကိုင်ဖုန်းရဲ့ အန္တရာယ်များ

လက်ကိုင်ဖုန်းအသုံးပြုသူများအနေနဲ့ သိမှတ်ဖွယ် ဆောင်ရန်ရှောင်ရန် တစ်ချို့ကို ကျွန်မ ရှာဖွေ ဖတ်ရှုမိတာလေး ပြန်လည် ဝေမျှပေးချင်ပါတယ်..

 

၁. ကလေးများကို အရေးပေါ်ကိစ္စမှ တစ်ပါး အခြားကိစ္စများအတွက် လက်ကိုင်ဖုန်း အသုံးပြုခွင့် မပေးသင့်ပါ။  ကလေးများ၏ ဦးခေါင်းခွံသည် လူကြီးများနှင့်စာလျှင် အလွန်းပါးလွှာပြီး ဦးနှောက်တွင်လည်း လူကြီးထက်စာလျှင် အရည်ပါဝင်မှု ပိုမို များပြားသောကြောင့် လက်ကိုင်ဖုန်းမှ ထုတ်လွှင့်သော လျှပ်စစ်လှိုင်းများမှာ ကလေးများ၏ ဦးနှောက်အတွင်းသို့ အလွယ်တကူ လျှင်မြန်စွာ ဖြတ်သန်းသွားလာနိုင်ခြင်းကြောင့် ကင်ဆာဖြစ်နိုင်ခြေကို ပိုမိုမြင့်တက်စေနိုင်ပါသည်။ သင်၏ကလေးတွင် လက်ကိုင်ဖုန်း ရှိနေပါကလည်း ၄င်း လက်ကိုင်ဖုန်းကို ခေါင်းအုံးအောက်တွင် ထား၍ အိပ်စက်ခြင်းကို အထူးရှောင်ကျဉ်စေလိုပါသည်။

ဦးနှောက်ကင်ဆာဖြင့် သေဆုံးသူ ကလေးအရေအတွက်သည် အခြားကင်ဆာဖြင့် သေဆုံးသော အရေအတွက်ထက် ပိုမိုမြင့်မားလျှက် ရှိနေပါသည်။ ( Sydney TV News Report)

ဦးနှောက်ကင်ဆာသည် အသက်၁၅နှစ်အောက် ကလေးများနှင့် အသက် ၃၄နှစ်အောက် လူငယ်များအတွက် ဒုတိယ သေနှုန်းအများဆုံး ရောဂါတစ်ခု ဖြစ်လာနေပါသည်။ ( Neurologychannel.com)

 

၂.ကိုယ်ဝန်ဆောင် မိခင်လောင်းများ (သို့မဟုတ်) ကိုယ်ဝန်ရှိနေသည်ဟု သံသယ ဖြစ်သောသူများ လက်ကိုင်ဖုန်းဖြင့် ဖုန်းပြောခြင်းကို ရှောင်ကျဉ်သင့်သည်။ အဘယ်ကြောင့်ဆိုသော် မိခင်၏ ကိုယ်တွင်းရှိ ဖွံ့ဖြိုးဆဲ သန္ဓေသားလောင်းသည် အလွန်နူးညံ့ သိမ်မွေ့လွန်းသောကြောင့် လက်ကိုင်ဖုန်းမှ ဖြာထွက်လာသော လျှပ်စစ်သံလိုက်လှိုင်းများသည် ၄င်း ဖွံ့ဖြိုးစ သန္ဓေသားလောင်းအား ဆိုးကျိုးဖြစ်စေနိုင်ပါသည်။ ကလေးငယ်လေးများကို ပွေ့ပိုက်ထားရင်းဖြင့် သော်လည်းကောင်း၊ လွယ်ပိုးထားရင်းဖြင့်သော်လည်းကောင်း လက်ကိုင်ဖုန်းပြောခြင်းကိုလည်း ရှောင်ကျဉ်သင့်ပါသည်။ မလွှဲမရှောင်သာသော အရေးပေါ်ကိစ္စများတွင်သာ တိုတိုနှင့်လိုရင်းသာ ပြောဆိုသင့်ပါသည် ။



၃. လက်ကိုင်ဖုန်းကို အချိန်ကန့်သတ်ပြီးမှပြောပါ။ အချိန်ကြာကြာ ပြောခြင်းကို ရှောင်ကျဉ်ပါ။ အချိန်ကြာကြာပြောလေ ဦးနှောက်ကင်ဆာ၊ မျက်စိကင်ဆာ ဖြစ်နိုင်ခြေ ပိုများလေ ဖြစ်သည်ဟု သိရပါသည်။ လက်ကိုင်ဖုန်းဖြင့် စကားပြောလျှင် တိုတိုနှင့် လိုရင်းပြောကျင့် ပြုလုပ်ပါ ။ ဖုန်းပြောချိန် ကန့်သတ်ခြင်းသည် သင်၏ ငွေကြေးကိုသာ အကုန်အကျ သက်သာစေသည်မဟုတ်။ သင်၏ ကျန်းမာရေးကိုလည်း ကာကွယ်စောင့်ရှောက်ရာ ရောက်ပါသည်။

၎. သင်၏လုပ်ငန်းခွင်နှင့် အချိန်ကြာကြာ စကားပြောရသည့် နေရာများအတွက် ရိုးရိုးကြိုးဖုန်းကိုသာ အတတ်နိုင်ဆုံး အသုံးပြုပါ။ ကြိုးမဲ့ cordless ဖုန်းများသည်လည်း လျှပ်စစ်သံလိုက်လှိုင်း ဖြာထွက်မှု အလွန်မြင့်မားပြီး အသုံးမပြုချိန်မှာတွင်ပင် လှိုင်းများ ဖြာထွက်နေဆဲ ဖြစ်ပါသည်။

၅.လက်ကိုင်ဖုန်းကို ခန္ဓာကိုယ်နှင့် ဝေးနိုင်သမျှ ဝေးဝေးထားပါ။  ဖုန်းပြောလျှင်လည်း မိမိဦးခေါင်းနှင့် အနည်းဆုံး ၂လက်မခန့်ခွာ၍ ပြောခြင်းဖြင့် ဦးနှောက်သို့ လျှပ်စစ်သံလိုက်လှိုင်းများ ရောက်ရှိခြင်းကို ၇၅%နှုန့်ခန့် ကာကွယ်ပြီးသား ဖြစ်စေနိုင်ပါသည်။ ဒေါက်တာ ဂျော့ခ်ျကားလို၏ အကြံပေးချက်မှာ လက်ကိုင်ဖုန်းကို မည်သည့်အချိန်တွင်ဖြစ်စေ ကိုယ်ခန္ဓာနှင့် အနည်းဆုံး ၆လက်မ ၇လက်မခန့် ဝေးဝေးထားခြင်းသည် အကောင်းဆုံး ဖြစ်ပါသည်။

၆. အပြင်သွားလျှင် လက်ကိုင်ဖုန်းကို ခါးပတ်တွင် ချိတ်သွားခြင်း၊ လက်တွင်းကိုင်ဆောင်သွားခြင်း၊ အင်္ကျီအိတ်ထောင်များအတွင်း ထည့်သွားခြင်းတို့ကို ရှောင်ကျဉ်သင့်ပါသည်။ ၀မ်းဗိုက်ရှိ ခန္ဓာကိုယ်တစ်ရှူးများသည် ဦးခေါင်းထက်ပို၍ လျှပ်စစ်လှိုင်းများကို ပို၍လျှင်မြန်စွာ စုပ်ယူနိုင်စွမ်းရှိပါသည်။ ထို့ကြောင့် အမျိုးသားများတွင်လည်း  ကလေးရရှိရန် အခွင့်အရေး နည်းပါးခြင်းမျိုး ဖြစ်နိုင်ပါသည်။ မဖြစ်မနေ အိတ်အတွင်းထည့်ယူသွားဖို့ လိုအပ်လာလျှင် လက်ကိုင်ဖုန်း ကီးပက်( Key Pad) ကို ခန္ဓာကိုယ်နှင့် မျက်နှာချင်းဆိုင် အနေအထားတွင် ထား၍ သယ်ယူသွားခြင်းက ဖုန်းအဲန်တင်နာနှင့် မျက်နှာချင်းဆိုင် မဖြစ်စေနိုင်တော့ပါ။

၇. လက်ကိုင်ဖုန်းပြောလျှင် နားကြပ်များအသုံးပြုခြင်း၊ လက်ကိုင်ဖုန်းမှ သီချင်းများကို နားကြပ်ဖြင့် အချိန်ကြာမြင့်စွာ နားထောင်ခြင်းတို့သည်လည်း လက်ဖြင့်ကိုင်၍ ဖုန်းပြောခြင်းထက် သုံးဆပိုပြီး နားနှင့် ဦးနှောက်ကို လျှပ်စစ်သံလိုက်လှိုင်းများ ပြင်းထန်စွာ ထိခိုက်စေနိုင်ပါသည်။ အဘယ်ကြောင့်ဆိုသော် လက်ကိုင်ဖုန်းများအတွက် ထုတ်လုပ်ထားသော နားကြပ်များမှာ အဲန်တင်နာသဖွယ် ဖြစ်စေသောကြောင့်  လျှပ်စစ်လှိုင်းများမှာ နားအတွင်းသို့ တိုက်ရိုက် ၀င်ရောက်နိုင်သောကြောင့် ဖြစ်ပါသည်။ ထို့ကြောင့် လက်ကိုင်ဖုန်းဖြင့် နားကြပ်ကိုအသုံးပြု၍ သီချင်းနားထောင်ခြင်းကို ရှောင်ကျဉ်သင့်ပါသည်။

၈. ဖုန်းပြောလျှင် နားနှင့် တိုက်ရိုက်ကပ်ပြောခြင်းထက် စပီကာဖွင့်၍ ပြောခြင်းက သင့်အတွက် ပို၍ အန္တရာယ်ကင်းစေနိုင်ပါသည်။ ခန္ဓာကိုယ်နှင့် ဝေးနိုင်သမျှ ဝေးခြင်းသည် မိမိကျန်းမာရေးအတွက် စိတ်အချရဆုံး အနေအထား ဖြစ်ပါသည်။ ဘလူးတု(ခ်ျ)ကို အသုံးပြု၍ ဖုန်းပြောခြင်းသည် လျှပ်စစ်သံလိုက်လှိုင်း ဖြာထွက်ခြင်း အပုံတစ်ရာလျှင် တစ်ပုံသာ ရှိတော့သည်ဟု ဆိုသော်လည်း ဘလူးတုခ်ျကို အသုံးပြုခြင်းသည် အကောင်းဆုံးဖြစ်သည် ဟူ၍တော့ မပြောနိုင်ပေ။ အဘယ်ကြောင့်ဆိုသော် ဘလူးတုခ်ျကို အသုံးပြုလျှင် လျှပ်စစ်လှိုင်းများမှာ နားသို့တိုက်ရိုက် ၀င်ရောက်နိုင်သဖြင့် အသုံးပြုသူများ စဉ်းစားဖွယ် ဖြစ်ပါသည်။

.သတ္တုဖြင့် ပြုလုပ်ထားသော အလုံပိတ်အခန်းများ ဓာတ်လှေကား၊ လေယာဉ်ပျံ၊ မီးရထား၊ မြေအောက်ရထား၊ စက်ကိရိယာများ အတွင်းစသည်တို့နှင့် အခြား သတ္တုအဆောက်အဦးများတွင် လက်ကိုင်ဖုန်းပြောခြင်းကို ရှောင်ကျဉ်သင့်ပါသည်။ သတ္တုအဆောက်အဦး အလုံပိတ်များသည်  လျှပ်စစ်လှိုင်းများအား ၄င်းတို့ထဲတွင် လှောင်အိမ်သဖွယ် ပိတ်မိနေစေကာ သင်နှင့် အခြားသူများအား ထိခိုက်နိုင်ပါသည်။ ထို့ကြောင့် ၄င်းနေရာများတွင် ရောက်ရှိနေပါက လက်ကိုင်ဖုန်းကို ပိတ်ထားသင့်ပါသည်။

၁၀.ဆက်သွယ်မှုဧရိယာ ကောင်းမွန်စွာ မိသော နေရာတွင်သာ ဖုန်းပြောသင့်ပါသည်။ လိုင်းကောင်းစွာ မမိသောနေရာ၊ အရှိန်ဖြင့်သွားလာနေသော ကား၊ ရထား၊ လေယာဉ်ပျံ၊ မြေအောက်ရထား တို့ပေါ်တွင် ဖုန်းပြောခြင်းကို ရှောင်ကျဉ်သင့်ပါသည်။ ယင်းကဲ့သို့ အမြန်ပြေးလွှားနေသော နေရာများပေါ်မှ ဖုန်းပြောပါက အနီးဆုံး တယ်လီဖုန်းစတေရှင်သို့ ဆက်သွယ်နိုင်ရန် လက်ကိုင်ဖုန်းသည် ပါဝါပို၍ စိုက်ထုတ်ရသောကြောင့် လျှပ်စစ်သံလိုက်လှိုင်း ဖြာထွက်မှု ပိုမိုများပြားပါသည်။

၁၁.ညအိပ်ချိန်တွက် လက်ကိုင်ဖုန်းကို ပိတ်ထားသင့်ပါသည်။ လက်ကိုင်ဖုန်း၊ လျှပ်စစ်နာရီ၊ နိုးစက်နှင့် လျှပ်စစ်ပစ္စည်း အသုံးအဆောင်များမှ ဖြာထွက်သော လျှပ်စစ်သံလိုက်လှိုင်းများသည် သင်၏ အိပ်စက်ခြင်းကို အနှောက်အယှက် ပေးနိုင်ပါသည်။ ထို့ကြောင့် အိပ်စက်ချိန်တွင် လက်ကိုင်ဖုန်းကို ပိတ်ထားခြင်း၊ အခြား လျှပ်စစ်ပစ္စည်းများအားလည်း မိမိနှင့်ဝေးရာနေရာ(အနည်းဆုံး ၆ပေခန့်အကွာ)တွင် ထားသင့်ပါသည်။

~~~~~~~~~~~~~~~~~~~~~~~~~~~~~~~~~~~~~~~~~~~~
လက်ကိုင်ဖုန်း အသုံးပြုခြင်းနဲ့ပတ်သက်ပြီး ဆိုးကျိုးသက်ရောက်မှု ရှိမရှိဆိုတာ နိုင်ငံအချို့မှာ အငြင်းပွားနေကြဆဲ ဖြစ်ပါတယ်.. တယ်လီဖုန်းထုတ်လုပ်တဲ့ ကုမ္ပဏီကြီးတွေကတော့ သူတို့ စီးပွားရေးကျဆင်းမှာ စိုးတဲ့အတွက် လက်ကိုင်ဖုန်းဟာ ဘာအန္တရာယ်မှ မရှိကြောင်း ခုခံပြောဆိုနေကြပေမဲ့ အသက်ကို ဥာဏ်စောင့်၍ မိမိကျန်းမာရေးကို ကာကွယ် စောင့်ရှောက်နိုင်ကြပါစေရှင်။


(Important Tips for Cell Phone Users) Source from Funzug.com

ဆန်းဆန်းပြားပြား ကျောက်တုံးကျောက်ဆောင်များ

ကမ္ဘာတစ်လွှားမှာ ထူးထူးခြားခြား ပုံသဏ္ဍာန်တွေကြောင့် ထင်ရှားကျော်ကြားတဲ့ ကျောက်တုံးတွေ အကြောင်း ပြောပြချင်ပါတယ်ရှင်။ လူတွေရဲ့ ပြုပြင်ဖန်တီးမှုကြောင့် မဟုတ်ဘဲ သဘာဝရဲ့ စွမ်းအားများကြောင့်း စိတ်ဝင်စားဖွယ် ဆန်းဆန်းပြားပြား ဖြစ်ပေါ်နေတဲ့ ကမ္ဘာ့နေရာ အနှံ့အပြား ၁၀ နေရာက ဆွဲဆောင်မှုအား အကောင်းဆုံး ကျောက်တုံး ကျောက်ဆောင်များ အကြောင်းဖြစ်ပါတယ်.. အဲဒီ ကမ္ဘာတစ်လွှားက ထူးထူးခြားခြားအဖြစ် သတ်မှတ်ထားခြင်းခံရတဲ့ ကျောက်တုံးတွေထဲမှာ ကျွန်မတို့ မြန်မာနိုင်ငံက ကျိုက်ထီးရိုးစေတီတည်ထားတဲ့ ကျောက်တုံးဟာ ထိပ်ဆုံးက ပါဝင်ပါတယ်။

Golden Rock ( Myanmar)



ကြည်ညိုဖွယ်ရာ အဆင်းဖြင့် ကမ္ဘာ့အံ့ဖွယ် ကျိုက်ထီးရိုးစေတီတော်

ခပ်စောင်းစောင် အနေအထားဖြင့် မည်သည့် အထောက်အကူမှ မပါဘဲ သဘာဝရဲ့ ဆန်းကျယ်မှုဖြင့် ရပ်တည်နေသော စေတီတော်ကြီး

အဝေးက ကြည့်လျှင် လွမ်းမောဖွယ် တွေ့မြင်ရတဲ့ စေတီတော်

မွန်ပြည်နယ် ကျိုက်ထိုအနီးတွင် တည်ရှိပြီး နိုင်ငံခြားသားများက Golden Rock လို့ခေါ်ဆိုကြတဲ့ ကျိုက်ထီးရိုးစေတီဟာ တွေ့မြင်ရသူတိုင်း မအံ့သြဘဲ မနေနိုင်လောက်အောင် ထူးခြားတဲ့ ကျောက်တုံးစေတီတော် ဖြစ်ပါတယ်။ စေတီတော် တည်ရှိရာ ကျောက်တုံးဟာ လုံးပတ် ပေ ၅၀ ကျယ်ဝန်းပြီး ဂရင်းနိုက်ကျောက် အမျိုးအစားဖြစ်ကာ စေတနာအလှူရှင်များက လှူဒါန်းတဲ့ ရွှေဆိုင်းများကြောင့် ကြည်ညိုဖွယ်ရာ ရွှေရောင်အဆင်းဖြင့် ၀င်းဝါနေပြီး စေတီတော်တစ်ဆူလုံးဟာ ဥာဏ်တော်အမြင့် ၁၈ပေ ရှိပါတယ်… ဗုဒ္ဓဘာသာဝင်တို့အတွက် အထွတ်အမြတ်ထားရာ စေတီဖြစ်ပြီး အံ့မခန်းဖွယ် ထူးခြားမှုတွေကြောင့်  ပြည်တွင်း ဘုရားဖူးသူများနဲ့ နိုင်ငံခြားသားများအတွက် ဆွဲဆောင်မှု ကောင်းလှပါတယ်။ ကျိုက်ထီးရိုးစေတီဟာ ကြီးမားသော ကျောက်အစွန်းဖျားပေါ်မှာ ပြုတ်ကျလုတဲတဲ တည်ရှိနေပြီး ကမ္ဘာမြေကြီးရဲ့ ဆွဲငင်အားကို ကြံ့ကြံ့ခံနိုင်သည့်နှယ် တည့်မတ်စွာ တည်ရှိနေတာ ဖြစ်ပါတယ်.. အဝေးက လှမ်းကြည့်လျှင် အောက်ကို ပြုတ်ကျသွားတော့မည်ဟုပင် ထင်ရလောက်အောင် ထူးဆန်းဖွယ် ရှိနေပြီး အင်အား အနည်းငယ်လေးဖြင့် တွန်းလိုက်ရုံမျှနဲ့ လှုပ်လှုပ်ရှားရှား ဖြစ်နေသော်လည်း ရာသီဥတုဒဏ်၊ လေဒဏ်၊မိုးဒဏ် မည်မျှပင် ပြင်းထန်သော်လည်း မည်သည့် ထောက်ကူထိန်းမထားခြင်းမှ မပါဘဲ သဘာဝအတိုင်း ထိုကျောက်ဆောင် အစွန်းပေါ်မှာ ခိုင်ခိုင်မတ်မတ် တည်ရှိနေနိုင်တာကြောင့် ထူးခြားဆန်းပြားပြီး ကမ္ဘာကျော်ရခြင်းဖြစ်ပါတယ်။

~~~~~~~~~~~~~~~~~~~~~~~~~~~~~~~~

The Wave (Arizona, USA)



တွန့်ကာ ကွေးကာ

လှိုင်းများ

ဒီလို ကပ်သီးကပ်သပ် လျှောက်ရပါတယ်.

အထပ်ထပ် အလွှာလွှာ


Coyote Buttes သဲကျောက်လွှာတွေဟာ  အမေရိက၊ အရီဇိုးနားပြည်နယ်ရှိ ကော်ရိုရာဒို ကုန်းပြင်မြင့်ဒေသမှာ သဘာဝအတိုင်း ဖြစ်ပေါ်နေတဲ့ ရေလှိုင်းပုံ ကျောက်လွှာများဖြစ်ပြီး လှပဆန်းကျယ်သော အရောင်အသွေးများနဲ့ ထူးထူးဆန်းဆန်း လှိုင်းတွန့်များလို အလွှာလွှာ အထပ်ထပ်နဲ့ ဖြစ်ပေါ်နေတာမို့ The Wave လို့ခေါ်ဆိုကြပါတယ်..  ခြေလျှင် တောင်တက် ခရီးဖြင့်သာ အဲဒီ ကျောက်လွှာတွေကို လှည့်ပတ်ကြည့်ရှုနိုင်ပြီး လှိုင်းတွန့်ကျောက်လွှာများဟာ ပတ်ပတ်လည် အနည်းဆုံး ၆မိုင်နီးပါး ကျယ်ဝန်းပြီး အမြင့်ဆုံးနေရာတွေဟာ ပေ ၃၅၀ ခန့် ရှိတယ်လို့ သိရပါတယ်.. တောင်တက်ဝါသနာပါသူများနဲ့ စွန့်စားခရီးသွားချင်သူများအတွက် စိတ်ဝင်စားဖို့ကောင်းလှတဲ့ နေရာတစ်ခု ဖြစ်သော်လည်း ၄င်းဒေသမှာ မည်သူမျှ ညအိပ်ခွင့် မရှိဘဲ တောင်တက်အတွေ့အကြုံ မရှိသူများအနေနဲ့လည်း သွားဖို့ မသင့်တော်ဘူးလို့ ဆိုပါတယ်။ ကျွမ်းကျင်တဲ့ လမ်းပြတွေ ငှားပြီးမှ သွားရောက်သင့်တဲ့ ဒေသဖြစ်ပြီး  ဆိုးဆိုးဝါးဝါး ခြောက်သွေ့လှတဲ့ ကန္တာရ ဒေသဖြစ်တာကြောင့် အစားအသောက်နဲ့ သောက်ရေကို ကိုယ်တိုင် သယ်ပိုးယူဆောင်သွားရတာ ဖြစ်ပါတယ်.. ဒါကြောင့် အဲဒီနေရာကို သွားဖို့အတွက် ခွင့်ပြုချက်ရဖို့ လပေါင်းများစွာ ကြိုတင်ပြီး လုပ်ထားဖို့လိုပြီးတော့ ၀င်ကြေးမှာ လူတစ်ဦးကို ၇ဒေါ်လာသာ ဖြစ်သော်လည်း တစ်ရက်ကို လူ၂၀ဦးသာ ၀င်ခွင့်ရသော သွားလာခွင့် ကန့်သတ်ထားတဲ့ နေရာဒေသ ဖြစ်ပါတယ်.. စိတ်ဝင်စားသူ များပြားလှသော်လည်း  ကန့်သတ်နယ်မြေ ဖြစ်တာကြောင့် သွားရောက်ဖူးသူ အရေအတွက်မှာ နည်းပါးလှပါတယ်။

~~~~~~~~~~~~~~~~~~~~~~~~~~~~~~

Ayers Rock (Australia)




အဝေးက မြင်ရတဲ့ ကျောက်ကြီး ဧရာ



ဇလုံတစ်လုံး မှောက်ထားသလို

ကျောက်တောင်ကြီးကို ကိုးကွယ်ကြတဲ့ Anangu ခေါ် ဌာနေ ဒေသခံတိုင်းရင်းသား မျိုးနွယ်စု


ကျောက်တောင်ကြီးကို အပေါ်စီးက မြင်ရပုံ


Ayers Rock  ခေါ် Uluru  ဧရာမ ကျောက်ဆောင်ကြီးဟာ သြစတျေးလျနိုင်ငံရှိ လွင်ပြင်ကြီးပေါ်မှာ အမြင့်ပေ ၁၁၄၂ ရှိပြီး လွင်ပြင်ကြီးထဲမှာ သူတစ်ခုတည်း ထီးထီးမားမား တည်ရှိနေတဲ့ ကမ္ဘာ့အကြီးဆုံး ကျောက်တောင်ကြီးအဖြစ် ထင်ရှားကျော်ကြားပါတယ်.. ကျောက်တောင်ကြီးရဲ့ လုံးပတ်ဟာ ၆မိုင်ခန့် ရှိပြီး ကြီးမားကျယ်ဝန်းတဲ့ ကျောက်ဆောင်ကြီး ဖြစ်တာကြောင့် ဘေးပတ်ဝန်းကျင်ရှိ အရာဝတ္ထုများ အားလုံးဟာ ၄င်းကျောက်ဆောင်ကြီးနဲ့ နှိုင်းယှဉ်လိုက်တဲ့အခါ အလွန် သေးငယ်သွားတယ်လို့ ထင်ရပါတယ်.. အာရုံဦးအချိန်ကနေ ညနေဆည်းဆာချိန်ထိ နေအလင်းရောင်ပေါ်မူတည်ပြီး ကျောက်တောင်ကြီးဟာ အနီရောင်ကနေ အညိုရောင်ထိ အရောင်မျိုးစုံ ပြောင်းလဲမြင်တွေ့နိုင်ပါတယ်.. ၄င်းဒေသမှာ ရှေးဦးမဆွကတည်းက နေထိုင်ခဲ့ကြတဲ့ Anangu လို့ခေါ်တဲ့ တိုင်းရင်းသား မျိုးနွယ်စု တို့ရဲ့ အထွတ်အမြတ်ထား ကိုးကွယ်ကြတဲ့ ကျောက်တောင်ကြီးလဲ ဖြစ်ပါတယ်။ ဒါကြောင့် အဲဒီလူမျိုးစုတွေက သူတို့ အထွတ်အမြတ်ထားတဲ့ ဒီကျောက်တောင်ကြီးပေါ်က ခရီးသွားလေ့လာသူများ တက်ရောက် ကြည့်ရှုသွားလာကြတာကို ကန့်ကွက်ကြတယ်လို့ ဆိုပါတယ်။

~~~~~~~~~~~~~~~~~~~~~~~~~~~~~~~~~~~~

Stone Tree (Bolivia)




သစ်ပင်သဏ္ဍာန် ကျောက်တုံး



လေပြင်း မုန်တိုင်းဒဏ်ကို ကြံ့ကြံ့ခံကာ


ဒီကျောက်ဆောင်ကြီးကတော့ လူတွေရဲ့ ပယောဂကြောင့် မဟုတ်ဘဲ လေနဲ့ သဲတို့ရဲ့ အင်အားပြင်း တိုက်စားမှုကြောင့် သစ်ပင်ပုံသဏ္ဍာန် ဖြစ်ပေါ်လာတာမို့ Stone Tree ရယ်လို့ လူသိများပါတယ်.. ဘိုလီးဘီးယားနိုင်ငံနယ်စပ် အက်ကွေဒေါ ကုန်းပြင်မြင့်အနီး Siloli   ကန္တာရထဲမှာ  တည်ရှိပြီး ကမ္ဘာပေါ်က အလှဆုံး သဘာဝ ရှုခင်းတစ်ခုထဲမှာ ပါဝင်တယ်လို့ သိရပါတယ်။ ကွင်းပြင်ကြီးထဲမှာ ထီးထီးမားမား တည်ရှိနေတဲ့ ကျောက်ဆောင်ကြီးရဲ့အလှက အံ့မခန်း ဖြစ်ပါတယ်။

~~~~~~~~~~~~~~~~~~~~~~~~~~~~~~~~~~

Mushroom Rock (Egypt)




မှိုပွင့်သဏ္ဍာန် ကျောက်ဆောင်



မနက်ခင်းရဲ့ အောက်မှာ


ကမ္ဘာပေါ်ရှိ ထင်ရှားတဲ့ ကျောက်ဆောင်တွေထဲက တစ်ခုအပါအ၀င်ဖြစ်တဲ့ အီဂျစ်နိုင်ငံက မှိုပွင့်သဏ္ဍာန် ကျာက်တုံးဖြစ်ပါတယ်.. rock pedestals လို့လည်း ခေါ်ကြပြီး ၄င်းကျောက်ဆောင်ဟာ ရာသီဥတု အချိန်ကာလတို့ရဲ့ တိုက်စားမှုကြောင့် ဖြစ်ပေါ်လာရတဲ့ သဘာဝတရားရဲ့ အလှပဆုံး ပုံသဏ္ဍာန်တစ်ခု ဖြစ်ပါတယ်.. ကန္တာရကြီးအတွင်းမှာ နှစ်ထောင်ပေါင်းများစွာကတည်းက တည်ရှိနေခဲ့တဲ့ ကျောက်ဆောင်တွေဟာ အထက်အောင် မတူညီတဲ့ လေပြင်းမုန်တိုင်းတို့ရဲ့ ပွတ်တိုက်မှုတွေကြောင့် ကျောက်ဆောင်အောင်ခြေက ပိုတိုက်စားခံရပြီး အပေါ်မှာ တော့ ကျယ်ပြန့်တဲ့ အခုလို မှိုပွင့်သဏ္ဍာန်များ ဖြစ်ပေါ်လာရတယ်လို့ သိရပါတယ်။

~~~~~~~~~~~~~~~~~~~~~~~~~~~~~~~~~~~~

Melting Shadows (Utah, USA)






လွန်ခဲ့သော နှစ်သန်းပေါင်း ၂၀၀လောက်က အနယ်ကျပြီး ဖြစ်ပေါ်တည်ရှိခဲ့တဲ့ ပေပေါင်း ရာချီမြင့်မားတဲ့ သဲကျောက်လွှာတွေဟာ ရာသီဥတုဒဏ်ကြောင့် ပုံသဏ္ဍာန် အမျိုးမျိုးဖြစ်ပေါ်လာကာ လူတွေရဲ့ စိတ်ဝင်စားမှုကို ခံရတဲ့ နေရာဒေသများ ဖြစ်ပေါ်လာစေပါတယ်..အဲဒီထဲမှာမှ Melting Shadows လို့ခေါ်တဲ့ ကျောက်ဆောင်ကြီးဟာ နံမည်ကျော်ထင်ရှား လူသိများပါတယ်..  ၄င်းဟာအမေရိကား (Utah) ယူတားပြည်နယ် အမျိုးသား ဥယျာဉ်တွင်းမှာ တည်ရှိပြီး ကမ္ဘာပေါ်မှာ အကြမ်းတမ်းဆုံး မြေမျက်နှာသွင်ပြင်တွေ ရှိတဲ့ ဒေသတစ်ခုဖြစ်ပါတယ်.. စတုရန်းမိုင်ပေါင်း ၁၃၀၀၀၀ ခန့် ကျယ်ပြန့်ပြီး ပုံသဏ္ဍာန်များစွာသော ကျောက်ဆောင်များ၊ တောင်ကုန်းများ၊ အပေါက်များကို တွေ့ရှိရနိုင်ပါတယ်..

~~~~~~~~~~~~~~~~~~~~~~~~~~~~~~

Split Apple Rock (New Zealand)




ပန်းသီးထက်ခြမ်းခွဲ



ဘယ်သူကများ ခွဲထားတာပါလိမ့်


ဒီကျောက်ဆောင်ကိုတော့ ထက်ခြမ်းကွဲ နေတဲ့  ပန်းသီးသဏ္ဍာန် ဖြစ်နေတာမို့ Split Apple Rock လို့ခေါ်ကြပါတယ်။ တစ်စုံတစ်ယောက်က ပန်းသီးတစ်လုံးကို ဓားနဲ့ ထက်ပိုင်းပိုင်းထားသလို ထူးထူးခြားခြား ဖြစ်ပေါ်နေတဲ့ ဒီ ပန်းသီးကွဲ ကျောက်ဆောင်ဟာ နယူးဇီလန်နိုင်ငံရဲ့ တောင်ဘက် Abel Tasman အမျိုးသား ဥယျာဉ်ကြီးမှာ တည်ရှိပြီး စိမ်းမြတဲ့ ခြုံပုတ်တွေ၊ ရွှေရောင်လွှမ်းနေတဲ့ သဲသောင်ကမ်းခြေ၊ ပြာလဲ့လွင်လွင် တည်ငြိမ်နေတဲ့ ရေပြင် တို့ကြောင့် လှပတဲ့ နေရာဒေသ ရှုခင်းတစ်ခုဖြစ်ပြီး လှေလှော်ကြသူများ၊ ငါးဖမ်း ၀ါသနာပါသူများ အတွက် အထူးကောင်းမွန်တဲ့ နေရာဖြစ်တာကြောင့် ကမ္ဘာလှည့်ခရီးသွားများ အများအပြား စိတ်ဝင်တစား လာရောက် လည်ပတ်ကြတဲ့နေရာ ဖြစ်ပါတယ်။

~~~~~~~~~~~~~~~~~~~~~~~~~~~~~~~~~~

The Pinnacles (Australia)




ထိုးထိုးထောင်ထောင် ထုံးကျောက်ဆောင်



ရှည်လိုက်တိုလိုက်



သြစတျေးလျနိုင်ငံ အရှေ့ပိုင်း  Namburg အမျိုးသားဥယျာဉ် သဲကန္တာရထဲမှာ တည်ရှိတဲ့ ထုံးကျောက်လွှာတွေဟာ မိုးရေနဲ့ လေတို့ရဲ့ တိုက်စားမှုကြောင့် လှပတဲ့ ပုံသဏ္ဍာန်များ ဖြစ်ပေါ်လာရတာ ဖြစ်ပါတယ်.. ဒီနေရာဒေသကို ၁၉၆၀ခုနှစ်အထိ ဘယ်သူကမှ မသိရှိတဲ့ သီးခြားနယ်မြေအဖြစ် တည်ရှိခဲ့သော်လည်း ယခုအခါမှာတော့ ခရီးသွားဝါသနာပါသူ ကမ္ဘာလှည့် တိုးရစ်များအတွက် စိတ်ဝင်စားဖွယ် ဆွဲဆောင်မှုအားကောင်းတဲ့ နေရာတစ်ခုအဖြစ် နံမည်ကျော် ထင်ရှားလာပြီ ဖြစ်ပါတယ်.. ကမ္ဘာတစ်ဝှမ်းမှ ခရီးသွားများ တစ်နှစ်ကို ၂၅၀၀၀၀ ခန့် လာရောက်ကြပြီး ကမ္ဘာပေါ်ရှိ ခရီးသွားလေ့လာစရာ နေရာများထဲမှာ အဓိကနေရာတစ်ခုအဖြစ် ပါဝင်လာပြီ ဖြစ်ပါတယ်.. နံမည်ကျော် ဟောလီးဝုဒ်မှ ရုပ်ရှင်ရိုက်ကူးသူများဟာလည်း ၄င်းဒေသသို့ ရုပ်ရှင်ဇာတ်ကားများ လာရောက်ရိုက်ကူးကြတယ်လို့ သိရပါတယ်။

~~~~~~~~~~~~~~~~~~~~~~~~~~~~~~~~~~

Perce Rock (Canada)




သဘာဝအတိုင်းဖြစ်နေတဲ့ စက်ခုံးပေါက်ကြီး



ညာဘက်ထိပ်မှာ ရှိနေတဲ့ ကျောက်ဆောင်က ယခင်အခါက တစ်ဆက်တည်းဖြစ်ပြီး နောက်ပိုင်းမှ ကွဲထွက်သွားတဲ့ ကျောက်ဆောင်ဖြစ်ပါတယ်



ကမ်းစပ်သို့ ဦးတည်နေသော ကျောက်ဆောင်တန်းကြီး


အခြား ထူးခြားထင်ရှားတဲ့ ကျောက်ဆောင် တစ်ခုက ကနေဒါနိုင်ငံ ကွီးဘက်ပြည်နယ် ကမ်းရိုးတန်းမှာ တည်ရှိနေတဲ့ Perce Rock  ဖြစ်ပါတယ်.. ကမ်းခြေကို ဦးတည်ပြီး တည်ရှိနေတဲ့ အလွန်ကြီးမားသော ကျောက်ဆောင်ကြီးတစ်ခု ဖြစ်ပြီး ကျောက်ဆောင်ထဲမှာလည်း သဘာဝအတိုင်း ဖြစ်ပေါ်နေတဲ့ အမြင့်ပေ ၅၀ရှိ စက်ဝိုင်းခုံး သဏ္ဍာန်အပေါက်ကြီး ပါရှိပါတယ်.. ယခင်အခါက ၄င်း ကျောက်ဆောင်ကြီးမှာ စက်ဝိုင်းပုံ အပေါက်ကြီး ၂ခု ရှိခဲ့သော်လည်း ၁၈၄၅ခု ဇွန်လ ၁၇ရက်နေ့မှာ စက်ဝိုင်းခုံး အပေါက်ကြီးတစ်ခုဟာ ပင်မကျောက်ဆောင်ကနေ ကွဲအက်သွားခဲ့ကာ ယခုအခါမှာတော့ ကျန်ရှိနေတဲ့ စက်ခုံးပေါက်ကြီးဟာ ဒီရေတက်ချိန်များမှာ ရွက်လှေတစ်စီး ဖြတ်သန်း သွားနိုင်လောက်အောင် ကျယ်ဝန်းတယ်လို့ ဆိုပါတယ်။ ဒီရေကျချိန်များမှာတော့ ၄င်း ကျောက်ဆောင်ကြီးသို့ ခြေလျင်သွားရောက်နိုင်တယ်ကြောင်း သိရပါတယ်.. ကမ္ဘာ့အကြီးဆုံး သဘာဝ စက်ဝိုင်းခုံးကြီးတစ်ခု အဖြစ်ထင်ရှားပြီး Perce Rock  ကနေဒါနိုင်ငံရဲ့ အံ့ဖွယ် ခုနှစ်သွယ်ထဲမှာ တစ်ခုအပါအ၀င် ဖြစ်ပါတယ်။

~~~~~~~~~~~~~~~~~~~~~~~~~~~~~~~~~~~~~~

Delicate Arch (Utah, USA)




စက်ခုံးပုံသဏ္ဍာန် ကျောက်ဆောင်



ရှေ့က လူအုပ်နဲ့ နှိုင်းကြည့်လိုက်ရင် ဘယ်လောက် မြင့်တယ်ဆိုတာ သိသာနိုင်ပါတယ်..


ထူးခြားတင်ရှားတဲ့ Delicate Arch ဟာ ကမ္ဘာ့အကျော်ကြားဆုံး Arches National Park တွင် တည်ရှိပြီး ၄င်း အမျိုးသားဥယျာဉ်သည်၇၃၀၀၀ ဧကအတွင်း သဘာဝအလျှောက် ဖြစ်ပေါ်နေသည့် ထူးခြားသော ကျောက်ဆောင်ပုံစံ၊ ပေါင်းကူးတံတားသဏ္ဍာန် ဖွဲ့တည်ပုံပေါင်း ၁၅၀၀ ကျော်ရှိကာ အရေအတွက်များပြားစွာ ဖြစ်ပေါ်တည်ရှိနေသောကြောင့် ကမ္ဘာ့အံ့ဖွယ်တစ်ပါးတွင် ပါဝင်နေခြင်းဖြစ်ပါတယ်…  Park အတွင်း အထင်ကရ နေရာများဖြစ်ကြတဲ့  Balabce rock, Skyline Arch, Double Arch နှင့် Fiery Furnace သို့ စုစုပေါင်း ၄၁ မိုင်ရှိ ကတ္တရာလမ်းဖြင့် အလွယ်တကူ သွားလာနိုင်သော်လည်း Delicate Arch မှ Delicate Arch Viewpoint သို့ မြေပြင်လမ်းသာ ရှိပါတယ်..  ၄င်းအမျိုးအသား ဥယျာဉ်တွင်းရှိ Delicate Arch  သည် သဘာဝ၏ ဆန်းကြယ်သော အကြောင်းတရားဖြင့် ဖြစ်ပေါ်တည်ရှိနေသော ပြယုဒ်တစ်ခုလည်း အဖြစ်တွေ့နိုင်ပါတယ်။ ယူတားပြည်နယ်ရဲ့ အမှတ်အသား (Land Mark)  တစ်ခုလည်းဖြစ်ပြီး ခရီးသွားများအတွက် အထူးဆွဲဆာင်မှု ကောင်းလှသော ကျောက်ဆောင်ကြီး ဖြစ်ပါတယ်.. ခရီးသွားလာ လည်ပတ်သူ အများအပြား လာရောက်လေ့ရှိသောကြောင့် Arches National Park ဟာ တနှစ်ပတ်လုံး ပိတ်ရက်မရှိ၊ တရက် ၂၄နာရီ ၀င်ခွင့်ရှိပြီး visitor center တစ်ခုသာ ခရစ်စ်မတ်နေ့ တစ်ရက်မှလွဲကာ ကျန်သောရက်များမှာ နံနက် ၈ နာရီမှ ညနေ ၄:၃၀ အတွင်း သိလိုတဲ့ အချက်အလက်များကို မေးမြန်းစုံစမ်းနိုင်ကြောင်း သိရပါတယ်။ နွေရာသီ၌ လာရောက်လည်ပတ်သူ များပြားချိန်တွင် ၀န်ထမ်းများက guide အဖြစ် နေ့အခါတွင် အဖွဲ့ငယ်များကို ဦးဆောင်၍ ဗဟုသုတအဖြစ် ရှင်းပြပြီး ညအခါတွင် မီးပုံပွဲများ ကျင်းပပေးလေ့ရှိကြပါတယ်။

စိတ်နှလုံး ငြိမ်းချမ်းကြပါစေရှင်။


အချက်အလက်များကို ကူညီရှာဖွေပေးသော သူငယ်ချင်း SSY အား ကျေးဇူးအထူး တင်ရှိပါသည်။

Source and photos from http://www.funonthenet.in and Google

တန်ဖိုးအထားဆုံး အရာ



ဂျက်သည် ဘ၀ရဲ့အောင်မြင်မှုအတွက် လှုပ်ရှားရုန်းကန်ရင်း အလုပ်ထဲမှာဘဲ အချိန်တွေကို မြုပ်နှံထားသူတစ်ယောက် ဖြစ်နေခဲ့သည်။ မွေးရပ်မြေသို့ပင် မရောက်နိုင်တာ အတော်ကြာခဲ့ပြီ။ သူ့ဘ၀တွင် အတိတ်အကြောင်း စဉ်းစားဖို့ အချိန်အနည်းငယ်မျှ မရှိသလို သားနှင့် ဇနီးအတွက်ပင် အချိန် မပေးနိုင်လောက်အောင် အလုပ်အာရုံထဲ ဇောကပ်လို့ နေခဲ့သည်။ ယခုထက် ပိုမိုမြင့်မားသော ဘ၀အခြေအနေ၊ ယခုထက် ပိုမိုအောင်မြင်သော သူတစ်ယောက်ဖြစ်ရန် စသည့် မျှော်မှန်းချက်များဖြင့်သာ သူ့ဘ၀ကို ရှေ့ဆက်သွားနေခဲ့သည်။ ကျန်သည့်အရာများအတွက် အချိန်ပေးဖို့ကို သတိမရသလို မပေးနိုင်အောင်လည်း အလုပ်သံသရာမှာ ၀ဲလည်နေခဲ့သည်။

တစ်ရက် သူ့မွေးရပ်မြေတွင် နေထိုင်သူ မိခင်ထံမှ သူ့ဆီ ဖုန်းဝင်လာခဲ့သည်။ “သားရေ.. ဘေးအိမ်က အန်ကယ် ဘယ်လ်ဆာ တော့ မနေ့ညက ဆုံးသွားတယ်ကွယ်.. ဗုဒ္ဓဟူးနေ့မှာ သူ့အသုဘချလိမ့်မယ်.. ” မေမေ ပြောမှ သူ့ငယ်ဘ၀တစ်ချို့အကြောင်း အတွေးထဲ ဖြတ်ခနဲ ၀င်ရောက်လာရင်း တစ်ချို့အဖြစ်ပျက်တွေကို ဆက်တိုက် သတိရမိသွားတော့ သူတဒင်္ဂ တိတ်ဆိတ်သွားမိတော့သည်။ အန်ကယ် ဘယ်လ်ဆာ.. သူ့အပေါ်မှာ အမြဲတမ်း စိတ်ရှည်လက်ရှည် သင်ကြားပြသဖို့ ၀န်မလေးတတ်ခဲ့သူ။ သူ့တွင် ငယ်ငယ်ကတည်းက ဖခင်မရှိသဖြင့် ဘေးအိမ်က အန်ကယ်ဘယ်လ်ဆာ အိမ်တွင်သာ သူငယ်ဘ၀အချိန်တွေ ကုန်လွန်ခဲ့သည်က များသည်။ အန်ကယ်က သူ့ကို ချစ်ခင်လှသလို ဘ၀အတွက် သင်ခန်းစာ ယူစရာများ ၊ လေ့လာစရာများ အတွက် ညွှန်ပြရာတွင်လည်းကောင်း၊ လမ်းကြောင်းပေး ဆုံးမရာတွင်လည်းကောင်း အလွန်တော်ပါသည်။

“သား… ဂျက် မေမေပြောတာ ကြားရဲ့လား” ဖုန်းထဲမှ မေမေ့အသံ ခပ်ကျယ်ကျယ်ကို ပြန်ကြားရမှ လက်ရှိပစ္စုပ္ပန် အချိန်ကို သူ့အသိစိတ်က ပြန်ရောက်လာရတော့သည်။ “အိုး ဆောရီး မေမေ .. ကျွန်တော် ကြားပါတယ်.. ကျွန်တော် သူ့ကို သတိမရတာ တော်တော်ကြာပြီ မေမေရယ်.. ၀န်ခံရရင် သူဆုံးသွားတာကြာပြီလို့တောင် ကျွန်တော် ထင်ခဲ့မိတာ ” သူပြန်ပြောမိတော့ မေမေက “ သားက သတိမရပေမဲ့ အန်ကယ် ဘယ်လ်ဆာက သားကို ဘယ်တော့မှ မမေ့ဘူးသား… မေမေ့ကို တွေ့တိုင်း သူက သားဘာတွေလုပ်နေလဲ၊ အဆင်ပြေရဲ့လား နေကောင်းရဲ့လား အမြဲတမ်းမေးလေ့ရှိတယ်။ ပြီးတော့ သားငယ်ငယ်တုန်းက သူ့ခြံထဲမှာ သူနဲ့အမြဲတမ်း အချိန်ကုန်ခဲ့တဲ့ အကြောင်းတွေ တသသနဲ့ ပြောတတ်တယ် ” ဟု သူ့ကို ပြန်ပြောပါသည်။

“ကျွန်တော် သူနေတဲ့ အိမ်အိုကြီးနဲ့ ခြံဝင်းကြီးကို ငယ်ကတည်းက သဘောကျတယ် မေမေ”

“သားသိတဲ့အတိုင်း သားဖေဖေဆုံးပြီးနောက်  အန်ကယ် ဘယ်လ်ဆာဟာ သားကို သူရဲ့ တကယ့်သားအရင်းလို စောင့်ရှောက်ခဲ့တာပါ။ သားငယ်ငယ်ကတည်းက သူက သားနဲ့အဖော်လုပ်ပေးပြီး သားကို အသိအမြင်တွေ တိုးတက်အောင် သင်ကြားပေးခဲ့တာပါ။ သားဟာ သူ့ရဲ့ ပဲ့ပြင်ထိန်းကျောင်းမှုနဲ့ လုံးဝ မကင်းခဲ့တာမို့ သားဘ၀မှာ သူ့ရဲ့ လွှမ်းမိုးမှုက တော်တော် အရေးပါခဲ့တာပါ သားရယ်..”

“ဟုတ်ပါတယ်. မေမေ အန်ကယ် ဘယ်လ်ဆာဟာ သားရဲ့ လက်ဦးဆရာဆို မမှားပါဘူး။ ကျွန်တော် အခုလို စီးပွားရေးနယ်ပယ်မှာ လူတစ်လုံး သူတစ်လုံးအဖြစ် ရပ်တည်နိုင်တာဟာလည်း အန်ကယ်ရဲ့ သင်ပြမှုတွေကြောင့် ဆိုတာ ၀န်ခံပါတယ်.. သူဟာ အချိန်များစွာ အကုန်ခံပြီး ကျွန်တော့်ကို ဘ၀အတွက် အရေးကြီးတဲ့ အချက်တွေ၊ သိသင့်တာတွေ၊ လေ့လာစရာတွေကို သင်ကြားပေးခဲ့တာပါ။ ခုနောက်ပိုင်းတော့ ကျွန်တော်လည်း အလုပ်တွေများလွန်းပြီး အဝေးမှာလည်း ဖြစ်နေတော့ သူ့ကို မေ့နေခဲ့မိတာပါ။ ဘာဘဲဖြစ်ဖြစ် မေမေရယ် သား သူ့ရဲ့ အသုဘကို မရောက်ရောက်အောင် လာခဲ့ပါမယ်.. ” ဂျက် မိခင်ဖြစ်သူကို ကတိပေးလိုက်ပြီး တယ်လီဖုန်းကို ပြန်ချလိုက်ကာ အလုပ်လုပ်ဖို့ အာရုံစုစည်းလိုက်သော်လည်း အာရုံတွင် အန်ကယ်ဘယ်လ်ဆာ၏ ပုံရိပ်တို့ကသာ စိုးမိုးလို့နေခဲ့သည်။ သူဘာလို့များ ဟိုယခင်အချိန်တွေတုန်းက အန်ကယ့်ကို သတိမရမိခဲ့ တာပါလိမ့်။

ထိုရက်များတွင် သူ့အလုပ်တွေက မပြီးနိုင် မစီးနိုင်အောင် များလွန်းလှသော်လည်း မေမေကို ပေးခဲ့သော ကတိအတိုင်း နောက်နေ့ လေယာဉ်ဖြင့် သူ့ဇာတိ မွေးရပ်မြေသို့ ထွက်ခွာလာခဲ့သည်။ အန်ကယ် ဘယ်လ်ဆာ၏ အသုဘ အခမ်းအနားမှာ လူအနည်းငယ်သာရှိပြီး တိတ်ဆိတ်ခြောက်ကပ်စွာဖြင့် ပြီးဆုံးသွားခဲ့လေပြီ်။ အန်ကယ်သည် သားထောက် သမီးခံလည်းမရှိ၊ ဆွေမျိုး အနည်းငယ်မှာလည်း ဆုံးပါးသွားခဲ့ကြသည်မှာ ကြာပြီ ဖြစ်သော အထီးကျန်လူသားတစ်ဦးဖြစ်လေသည်။ ဒါကြောင့်မို့လည်း သူ့ကို ခင်တွယ်ခဲ့တာဘဲ ဖြစ်မည် ထင်ပါသည်။ အသုဘချပြီး နောက်တစ်ရက်တွင် လေယာဉ်ဖြင့် သူပြန်မည်ဖြစ်သောကြောင့် သူငယ်စဉ်က သွားလာ ဆော့ကစားခဲ့သော၊ အချိန်များစွာကုန်ဆုံးခဲ့သော အန်ကယ် ဘယ်လ်ဆာ အိမ်ကို နောက်ဆုံးအနေဖြင့် ၀င်ကြည့်ဖို့ စိတ်ကူးရမိကာ သူမပြန်ခင် တစ်ညနေမှာ သူ့မေမေနှင့်အတူ တစ်ဘက်ခြံရှိ အန်ကယ် ဘယ်လ်ဆာ့အိမ်ဘက်သို့ ကူးလာခဲ့ကြသည်။

အိမ်တံခါးရှိရာဆီသို့ လျှောက်လာရင်း သူ့စိတ်ထဲတွင် လက်ရှိကမ္ဘာမှနေပြီး အခြား ကမ္ဘာတစ်ခုခုကို ရောက်သွားမိသလို ခံစားလိုက်ရသည်။ သူ့အာရုံထဲတွင် သူငယ်က ပုံရိပ်များက တစ်ခုချင်းစီ ရုပ်ရှင် အနှေးပြကွက်ဖြင့် ပြနေသလို တစ်ကွက်ခြင်း မြင်ယောင်နေမိသည်။ အိမ်တံခါးကို ဖွင့်ဝင်လိုက်သည်တွင် သူငယ်စဉ် ရောက်နေကျ ပုံစံအတိုင်း အိမ်အပြင်အဆင်က ဘာတစ်ခုမှ ပြောင်းလဲမှုမရှိ။ နံရံပေါ်က ပန်းချီကားများ၊ ဧည့်ခန်းထဲရှိ ပရိဘောဂများ အရာရာအားလုံးသည် နှစ်ကာလများစွာ ကြာသည့်တိုင် ယခင်အတိုင်းသာ ရှိနေခဲ့သည်။ ထိုနေရာများသည် ယခင်က သူ ခြေရာချင်းထပ်အောင် သွားလာ ဆော့ကစားခဲ့သော နေရာများ ဖြစ်ခဲ့လေသည်။ ထိုစဉ် တစ်စုံတစ်ရာ ထူးခြားမှုကို မြင်လိုက်ရသဖြင့် သူ့ခြေလှမ်းတွေ ချက်ခြင်းရပ်တန့်သွားတော့ မေမေက “ ဘာဖြစ်လို့လဲ သား ” ဟု သူ့ကို မေးလိုက်သည်။

“သေတ္တာလေး တစ်လုံး မေမေ”  သူပြောလိုက်တော့ “ဘာသေတ္တာလဲ သားရဲ့ ” မေမေက နားမလည်နိုင်စွာ သူ့ကို ပြန်မေးနေလေသည်။ “မဟုတ်ဘူးမေမေ .. ဒီဘီဒိုလေးပေါ်မှာ ဟိုးအရင်ကတည်းက သေတ္တာ အသေးလေးတစ်လုံး ရှိခဲ့တယ် မေမေ.. အဲဒီသေတ္တာလေးကို အန်ကယ်က သော့လေး အမြဲတမ်း ခတ်ထားခဲ့တာ.. အထဲမှာ ဘာတွေရှိလဲလို့ အန်ကယ့်ကို ကျွန်တော် အကြိမ်ပေါင်းများစွာ မေးခဲ့ဖူးတယ်.. မေးတိုင်းလည်း အန်ကယ်က သူတန်ဖိုးအထားဆုံး အရာတွေ ရှိတယ်လို့ ကျွန်တော့်ကို ပြန်ဖြေခဲ့တယ်.. အန်ကယ်က သေတ္တာလေးကို ဒီအပေါ်လေးမှာဘဲ အမြဲတမ်းထားနေကျ… အခု အဲဒီသေတ္တာလေး မတွေ့တော့ဘူး..”

ရှိနေကျ နေရာတွင် သေတ္တာလေးကို မတွေ့တော့သည်ကလွဲ၍ တစ်အိမ်လုံး ရှိသမျှပစ္စည်းများအားလုံးမှာ နေရာပင် မရွေ့ဘဲ ယခင်ကအတိုင်း ဖြစ်သော်လည်း သူ့စိတ်ထဲတွင် တစ်စုံတစ်ရာ လှစ်ဟာနေသလို ခံစားရသည်။ သေတ္တာလေးကို အန်ကယ့်အမျိုးနီးစပ် တစ်ယောက်ယောက်က လာယူသွားသည်ဟုသာ သူ တွေးလိုက်မိတော့သည်။ “အန်ကယ် ဘယ်လ်ဆာရဲ့ ဘ၀မှာ တန်ဖိုးအထားဆုံး အရာဟာ ဘာလဲဆိုတာ သိပ်သိချင်ခဲ့ပေမဲ့ ခုတော့ ကျွန်တော် သိခွင့်မရလိုက်တော့ဘူးပေါ့ မေမေ.. ဘယ်တော့မှလည်း သိခွင့်ရတော့မှာ မဟုတ်ပါဘူး”  သူစိတ်ပျက်စွာ ပြောလိုက်ရင်း “ပြန်ကြစို့ မေမေ ကျွန်တော် မနက်အစောကြီး လယာဉ်တက်ရမှာမို့ စောစောအိပ်တော့မယ်”ဟု တစ်ဆက်တည်း ပြောလိုက်ကာ အန်ကယ်ဘယ်လ်ဆာ့ အိမ်ထဲမှ သူတို့သားအမိ ပြန်ထွက်လာခဲ့ကြလေသည်။

သူ မွေးရပ်မြေမှ ပြန်လာပြီး နှစ်ပတ်အကြာတွင် အလုပ်မှ အိမ်သို့ပြန်အလာ သူတို့အိမ်၏ စာတိုက်ပုံးထဲတွင် စာလေးတစ်စောင်ကို တွေ့လိုက်ရပြီး ၄င်းတွင် “လက်မှတ်ထိုးပြီးထုတ်ယူရမည့် ပါဆယ်တစ်ထုတ် လာပို့ကြောင်း၊ အိမ်တွင် လူတစ်ဦးမှ မတွေ့သည့်အတွက် ဗဟိုစာတိုက်ကြီးတွင် နောက်သုံးရက်အတွင်း လာရောက် ထုတ်ယူပါရန်” ဟူ၍ ရေးသားထားသော စာလေးတစ်စောင် ဖြစ်နေလေသည်။ နောက်ရက်တွင် သူ အလုပ်သို့အသွား စာတိုက်ကြီးကို ၀င်ကာ သူ့နံမည်ဖြင့် ရောက်နေသည်ဆိုသော ပါဆယ်ထုတ်ကို လက်မှတ်ထိုး၍ ထုတ်ယူလာခဲ့လေသည်။ ပါဆယ်ထုတ်မှာ အလွန်ပင်ဟောင်းနွမ်းနေပြီး လွန်ခဲ့သော နှစ်ပေါင်း ရာချီကတည်းက ပို့ထားလေသလားဟူ၍ပင် တွေးမိလေသည်။ ပါဆယ်ထုတ်ပေါ်မှ လက်ရေးမှာလည်း မပီမသဖြစ်နေပြီး ဖတ်ဖို့ပင် ခက်ခဲလွန်းလှလေသည်။ သို့သော် ပေးပို့သူလိပ်စာ နေရာပေါ်တွင် ရေးထိုးထားသော နံမည်လေးသည် ဂျက်၏ အာရုံအလုံးစုံကို ဖမ်းစားထားလေတော့သည်။

ပေးပို့သူက “မစ္စတာ ဟားရိုးလ် ဘယ်လ်ဆာ

သူ ကားပေါ်အရောက်မှာတော့ အချိန်မဆိုင်းဘဲ ပါကင်လေးကို ဆွဲဖြည်လိုက်တော့ အတွင်းမှ ရွှေရောင်သေတ္တာလေး တစ်လုံးကို တွေ့လိုက်ရသည်။ သူမှတ်မိပါပြီ။ ဒီသေတ္တာလေးသည် အန်ကယ့်အိမ်က ဘီဒိုလေးပေါ် အမြဲရှိနေကျ သေတ္တာလေး ဖြစ်ပါသည်။ သေတ္တာနှင့်အတူ စာအိတ်လေးတစ်လုံးကိုလည်း တွေ့ရှိရသောကြောင့် သူ  တုန်ရီသော လက်အစုံဖြင့် စာအိတ်ကလေးအား ဖောက်ထုတ်လိုက်ကာ အတွင်းမှ စာရွက်ကို ဆွဲထုတ်ကာ ဖတ်လိုက်သည့် အခါတွင်တော့ ကျွန်ုပ်သေဆုံးသွားတဲ့တစ်နေ့မှာ ဒီသေတ္တာလေးကို အပေါ်မှာ ရေးထားတဲ့ လိပ်စာရှင် ဂျက် ဘဲန်းနက်ထံသို့ ဆက်ဆက်ပို့ပေးပါ။ ဒီသေတ္တာလေးထဲမှာ ကျွန်ုပ်ဘ၀ တစ်လျှောက်လုံးအတွက် တန်ဖိုး အထားဆုံး အရာတစ်ခု ရှိနေပါတယ်..”   ဟု ရေးထားပြီး သော့လေးတစ်ချောင်းကိုလည်း စာအိတ်ထဲတွင် တွေ့ရလေသည်။ သော့လေးကို ကိုင်ပြီး သိချင်စိတ်ပြင်းပြမှုဖြင့် သူ့ရင်ခုန်သံတွေ တစ်ထိတ်ထိတ်နဲ့ မြန်ဆန်လာတော့သည်။

အထဲမှာ ဘာတွေ ရှိနေမှာပါလိမ့်… သူတစ်သက်လုံး သိချင်ခဲ့တဲ့ အန်ကယ်ဘယ်လ်ဆာရဲ့ တန်ဖိုး အထားဆုံး အရာဟာ ဘာများ ဖြစ်နေမလဲ” စိတ်ထဲ တွေးမိရင်းမှပင် သူ့မျက်ဝန်းမှာ မျက်ရည်များက ရစ်ဖွဲ့လာသည်။  “ အာ် တစ်ချိန်တုန်းက အန်ကယ်ဘယ်လ်ဆာဟာ သူ့အတွက် အကောင်းဆုံး ပြုစုပျိုးထောင်ပေးသူ အဖော်ကောင်း တစ်ဦး ဖြစ်ခဲ့သော်လည်း သူအရွယ်ရောက်လာချိန်မှာတော့ အန်ကယ်အတွက် သူဘာတစ်ခုမှ ပြန်လုပ်မပေးဖြစ်ခဲ့ပါ။ အဖော်ကောင်းတစ်ယောက် မဖြစ်နိုင်ခဲ့ပါဘဲလားသူ့ရင်ထဲမှာ တီးတိုး ပြောနေမိရင်းမှာ ၀မ်းနည်းစိတ်ဖြင့် ရင်ထဲ လှိုက်တက်လာခဲ့သည်။

သူ ဂရုတစိုက်ဖြင့် သေတ္တာလေးကို သေ့ာတံလေးနှင့် ဖွင့်အပြီးတွင် အထဲမှ ထွက်လာသည့်အရာက ရွှေအစစ်ဖြင့် ပြုလုပ်ထားသော အိတ်ဆောင်နာရီလေးတစ်လုံး ဖြစ်လေသည်။ တုန်ယင်နေသော သူ့လက်အစုံက ရွှေရောင်နာရီလေးကို ဖွဖွ ထိတွေ့ကိုင်တွယ် ပွတ်သပ်နေမိရင်း သူ့ရဲ့စိတ်အစဉ်မှာ အတိတ်လွင်ပြင်ဆီသို့ တစ်ရိပ်ရိပ် ခရီးနှင်လျှက် ရှိပေပြီ။ “ ငယ်စဉ်ဘ၀က သူနဲ့အန်ကယ်တို့ အတူတူ ကုန်ဆုံးခဲ့သော အချိန်များစွာ အတွက် ခုချိန်မှာ ပြန်လိုချင်သည် ဆိုလျင်ဖြင့်တောင် သူပြန်မရနိုင်တော့ပြီ။ အန်ကယ်ဘယ်လ်ဆာဟာ သူ့အပေါ် ဘယ်လောက်ချစ်ခင် တန်ဖိုးထားတယ် ဆိုတာ ဒီနာရီလေးက သက်သေဘဲ ထင်ပါရဲ့။”

နာရီလေးကို အမြတ်တနိုး ကိုင်တွယ်ထားရင်းက အဖုံးလေးကို ဖြေးညင်းစွာ ဖွင့်ဟလိုက်သောအခါ နာရီအပေါ်ဖုံး၏ အတွင်းမျက်နှာပြင်တွင် ရေးထွင်းထားသော စာသားလေးများမှာ “ ဂျက်.. မင်းရဲ့ အချိန်တွေအတွက် ကျေးဇူး အများကြီးတင်ပါတယ်..  ဟားရိုးလ် ဘယ်လ်ဆာ ” ဆိုသည့် စာလုံးလေးတွေသာ ဖြစ်လေသည်။

အိုး.. အန်ကယ် ဘယ်လ်ဆာ တန်ဖိုးအထားဆုံး အရာက ကျွန်တော်ရဲ့ အချိန်တွေတဲ့လား  သူတန်ဖိုးထားခဲ့ရတဲ့ ကျွန်တော့်အချိန်တွေအတွက် ကျွန်တော် ဘာတွေများ ပြန်ပေးဆပ်ခဲ့ဖူးပါလိမ့်” တကယ်တမ်းမှာ သူ့အတွက်သာ အန်ကယ်က အချိန်တွေကို အများကြီး ပေးပြီး သူ့ကို ပဲ့ပြင်လမ်းပြခဲ့ခြင်းသာ။ သို့သော် သူကတော့ အန်ကယ်အတွက် သူ့ရဲ့ အချိန်တစ်ချို့ကို ပြန်ပေးခဲ့ရကောင်းမှန်း မသိခဲ့။ ယုတ်စွအဆုံး သူ့ မိသားစုအတွက်ပင် အချိန်မပေးနိုင်ခဲ့မိပါ။ အန်ကယ်ဘယ်လ်ဆာ၏ နာရေးကို သွားခဲ့သည့် အချိန်တွင်ပင်လျင် အိမ်မှာ တစ်ညဘဲအိပ်ခဲ့ပြီး သူ့မိခင်နှင့်ပင် နွေးနွေးထွေးထွေး မနေဖြစ်ခဲ့ပဲ စီးပွားရေးကိစ္စကို ဦးစားပေးကာ  အမြန်ဆုံး ပြန်လာခဲ့မိသည်။ တကယ်တမ်းတော့ ကိုယ့်အတွက် အချိန်ပေးခဲ့ကြသူတွေကို ကိုယ်အရွယ်ရောက်လာချိန်မှာ ကိုယ်ပိုင်ဆိုင်တဲ့ အချိန်တစ်ချို့ကို ပြန်ပြီးပေးသင့်ကြပါသည်. ဒါကို သူတို့တွေသည် သိသိရက်နဲ့ အလုပ်တွေမအားလို့၊ အချိန်မရှိလို့ဆိုသော အကြောင်းပြချက်တွေ တစ်ပုံကြီးနှင့် တမင်အချိန်မပေးဖြစ်ခဲ့သလို၊ အချိန်ပေးဖို့ မေ့လျော့နေခဲ့ကြတာမျိုးလည်း ဖြစ်နိုင်ကြပါသည်။

သူချက်ခြင်းဘဲ ရုံးကို ဖုန်းကောက်ဆက်လိုက်ပြီး “ ဒီတစ်ပတ်အတွင်း ရှိသမျှ အပွိုင့်မဲန့်တွေအားလုံး ဖျက်သိမ်းလိုက်ပါ” ဟု အမိန့်ပေးလိုက်ပါတော့သည်။ “ ဘာဖြစ်လို့လဲ ဆရာ ” တစ်ဘက်က ဖုန်းနားထောင်သော သူ့ရဲ့ အတွင်းရေးမှူးမလေးက နားမလည်နိုင်စွာနှင့် ပြန်မေးသောအခါ “ ငါ ငါ့မိသားစုအတွက် အချိန်ပေးမလို့။ ငါသူတို့ကို ပစ်ထားခဲ့မိတာကြာပြီ။ တကယ်လို့များ သူတို့အထဲက တစ်ယောက်ယောက်ဖြစ်စေ၊ ငါဖြစ်စေ ရုတ်တရက် ကွယ်ပျောက်သွားခဲ့မယ်ဆိုရင် သူတို့ကို အချိန်မပေးလိုက်ရတဲ့အတွက် ငါနောင်တ မရချင်ဘူး”  ထိုစကားကို ပြောလိုက်မိတော့ ရင်ထဲတွင် တင်းကြပ်နေမှုတစ်ချို့ ပြောလျော့သွားခဲ့ရတော့သည်။ ဘ၀ တိုတိုလေးအတွင်းတွင် မိမိချစ်ခင်ရသူတွေကို အချိန်ပေးနိုင်ဖို့လည်း ကြိုးစားသင့်ကြပါသည်။ ထိုသူတို့နဲ့အတူ ပျော်ပျော်ရွှင်ရွှင် နေထိုင်ခွင့်ရသည့် အချိန်များသည် သူတို့အတွက်ဖြစ်စေ၊ မိမိတို့ အတွက်ဖြစ်စေ တန်ဖိုး မဖြတ်နိုင်သည့် အချိန်တွေသာ ဖြစ်သည် မဟုတ်ပါလားလေ။


What he valued most (Unknown Author) ကို ဘာသာပြန် ခံစားရေးဖွဲ့ပါသည်။




ထူးခြားဆန်းပြားတဲ့ မော်တော်ဆိုင်ကယ်များ



ထူးထူးဆန်းဆန်း စိတ်ကူးစိတ်သန်းများနဲ့ ကြံဆတီထွင်ထားတဲ့ ကမ္ဘာတစ်လွှားက မော်တော်ဆိုင်ကယ်များနဲ့ မိတ်ဆက်ပေးပါဦးမယ်..


ကြောက်စရာ သားရဲတိရိစ္ဆာန်ဒီဇိုင်းနဲ့ မော်တော် ဆိုင်ကယ်

ပထမဦးဆုံး မိတ်ဆက်ပေးမဲ့ဆိုင်ကယ်က သားရဲတိရိစ္ဆာန်ပုံတွေနဲ့ ကြီးကြီးမားမား ဆိုင်ကယ်ကြီးဖြစ်ပါတယ်..  ဆိုင်ကယ်ဘေးတစ်ဘက် တစ်ချက်မှာ ဦးခေါင်းခွံ ပုံသဏ္ဍာန်များနဲ့ တန်ဆာဆင်ထားပါတယ်.. နယူးဂျာစီ မှာရှိတဲ့ Pitstop Motors အရောင်းပြခန်းမှာ ရောင်းချထားတဲ့ ဆိုင်ကယ်ဒီဇိုင်းဖြစ်ပါတယ်.. ဒီဆိုင်ကယ်မျိုးကတော့ အရပ်ရှည်ရှည် ထောင်ထောင်မောင်းမောင်း ဗလတောင့်တောင့် ပုရိသများနဲ့ လိုက်ဖက်ပါတယ်လို့ ဆိုပါတယ်.. ဒီဆိုင်ကယ်စီးပြီး လမ်းမပေါ်မှာ မောင်းမယ်ဆိုလို့ကတော့ စိတ်ဝင်တစား မကြည့်ဘဲ ဘယ်သူကမှ နေနိုင်မှာ မဟုတ်ပါဘူးတဲ့။


ဂျာဂွာ ကျားသစ်ဒီဇိုင်းပုံ မော်တော်ဆိုင်ကယ်

ဂျာဂွာ ကျားသစ်ပုံသဏ္ဍာန် မော်တော်ဆိုင်ကယ်ကို အင်္ဂလန် Barend Massow Hemmes က ကွန်ပျူတာနဲ့ ဒီဇိုင်းရေးဆွဲသူနဲ့ ပူးပေါင်းပြီး တီထွင်ထားတာဖြစ်ပါတယ်။



ကမ္ဘာ့အရှည်ဆုံး မော်တော်ဆိုင်ကယ်

ဒီဆိုင်ကယ်ကတော့ ကမ္ဘာ့အရှည်ဆုံး မော်တော်ဆိုင်ကယ်ပါ။ Greg Dunham  ဆိုသူက တီထွင်ထားတာဖြစ်ပြီး အလေးချိန်ပေါင်း ၆၅၀၀ ပေါင်လေးပြီး ၁၅ပေမြင့်ကာ ပေ၂၀ ရှည်တယ်လို့ သိရပါတယ်.. ကမ္ဘာ့စံချိန် ဂင်းနက်စ်စာအုပ်မှာ စာရင်းထည့်သွင်းထားခြင်းခံရတဲ့ ကမ္ဘာ့အရှည်ဆုံး ဆိုင်ကယ်ဖြစ်ပါတယ်.. ဘေးမှာ သာမန်ဆိုင်ကယ်လေးတစ်စင်းကို ရပ်ထားပါတယ်. အရွယ်အစားကို ယှဉ်ကြည့်ခြင်းအားဖြင့် ဘယ်လောက်ကြီးပြီး ရှည်တယ်ဆိုတာ ခန့်မှန်းနိုင်ပါတယ်.. အချိန်၃နှစ်ကြာအောင် တည်ဆောက်ခဲ့ရတာဖြစ်ပြီး တန်ဖိုးအားဖြင့် ဒေါ်လာ၃သိန်း တန်ကြေးရှိပါတယ်တဲ့။

Suzuki Biplane မော်တော်ဆိုင်ကယ်

ဒီဆိုင်ကယ်ကတော့ ၂၀၀၇ခုနှစ် တိုကျိုမှာ ကျင်းပတဲ့ ဆိုင်ကယ်ပြပွဲမှာ ဆူဇူကီးက ပြပွဲတင်သွင်းတဲ့ တောင်ပံနှစ်ထပ်လေယာဉ်ဒီဇိုင်းနဲ့ ဆိုင်ကယ်ဖြစ်ပါတယ်.. နှစ်ထပ် လေယာဉ်ရဲ့ ဒီဇိုင်းအတိုင်း တည်ဆောက်ထားတာမို့ ဒီဆိုင်ကယ်ကို စီးနင်းတဲ့သူတွေဟာလည်း နှစ်ထပ်လေယာဉ်ကို စီးနင်းရတဲ့ ခံစားချက်အတိုင်း ထပ်တူခံစားရနိုင်တယ်လို့ သိရပါတယ်။


ကမ္ဘာ့အကြီးဆုံး Single Cylinder မော်တော်ဆိုင်ကယ်

ဒီ ကြီးမားထူးခြားတဲ့ ဆိုင်ကယ်ကတော့ အငြိမ်းစား ဂျာမန်အင်ဂျင်နီယာ Franz Langer  ရဲ့လက်ရာ ဖြစ်ပါတယ်.. ကမ္ဘာ့အကြီးဆုံး Single Cylinder မော်တော်ဆိုင်ကယ်အဖြစ် ကမ္ဘာ့စံချိန်စာအုပ်မှာ ရေးသွင်းမှတ်တမ်းတင်ခြင်း ခံထားရတဲ့ ဆိုင်ကယ်ဒီဇိုင်း ဖြစ်ပါတယ်..


Flying Motorcycle

သင်ဟာ သည်းထိတ်ရင်ဖို ခံစားချက်ကို နှစ်သက်သူဆိုရင်တော့ ဒီမော်တော်ဆိုင်ကယ်က သင့်ခံစားချက်ကို ပြည့်စုံအောင် ဖန်တီးပေးနိုင်ပါတယ်.. မြေပြင်ပေါ်မှာသာမက ဝေဟင်မှာပါ ပျံသန်းနိုင်တဲ့ ဆိုင်ကယ်ဖြစ်ပါတယ်.. လေယာဉ်မှူးဟောင်း Larry Neal of Boyd ရဲ့ လက်ရာဖြစ်ပြီး ဆိုင်ကယ်မှာ တတ်ဆင်ထားတဲ့ အင်ဂျင်ဟာ လေထဲမှာ တစ်နာရီကို မိုင် ၇၀ ပျံသန်းနိုင်ပြီး မြေပြင်ပေါ်မှာတော့ တစ်နာရီကို မိုင်၆၀နှုန်းနဲ့ မောင်းနှင်နိုင်တယ်လို့ သိရပါတယ်.. ဈေးနှုန်းက ဒေါ်လာ ၂၅၀၀၀ ဖြစ်ပါတယ်။


ဘီးနှစ်လုံး ပူးတွဲ ထားတဲ့ Uno မော်တော်ဆိုင်ကယ်

ဆိုင်ကယ်ဆိုရင် ရှေ့နောက် ဘီးနှစ်လုံး တတ်ဆင်ထားတယ် လို့သာ သိသူများအတွက်တော့ အနည်းငယ်ထူးဆန်းဖွယ်ရာဖြစ်နေပါလိမ့်မယ်.. Uno လို့အမည်ပေးထားတဲ့ ဒီဆိုင်ကယ်ကတော့ ဘီး၂လုံးစလုံးကို တစ်နေရာတည်းမှာ ပူးတွဲတတ်ဆင်ထားတာ ဖြစ်ပါတယ်.. ၂၀၀၈ခုနှစ် ကနေဒါ တိုရန်တိုမြို့မှာ ကျင်းပတဲ့ မော်တော်ဆိုင်ကယ်ပြပွဲတစ်ခုမှာ ပြသထားတဲ့ ဆိုင်ကယ်ဖြစ်ပါတယ်.. ဒီဆိုင်ကယ်ကို တီထွင်တဲ့သူက အသက် ၁၈နှစ်သာရှိသေးတဲ့ Ben J. Poss Gulak  ဆိုသူဖြစ်ပါတယ်..

Honda Goldwing မော်တော်ဆိုင်ကယ်

ဟွန်ဒါက တီထွင်ထားတဲ့ Honda Goldwing မော်တော်ဆိုင်ကယ်ဖြစ်ပြီး ကြည့်လိုက်ရင်  ဆိုင်ကယ်လို့ မထင်ရဘဲ F15 ဖိုက်တာ ဂျက်လေယာဉ်နဲ့သာ တူတယ်လို့ ဆိုပါတယ်..




ကမ္ဘာ့ပထမဦးဆုံး ဆိုင်ကယ်

၈၈၅ခုနှစ် ဂျာမဏီမှာ ပညာရှင် Gottlieb Daimler နဲ့ Wilhelm Maybach  တို့ စတင် တီထွင်ထားတဲ့ ကမ္ဘာ့ပထမဦးဆုံး မော်တော် ဆိုင်ကယ်ဖြစ်သလို  လောင်စာဆီသုံး ပထမဆုံး ဆိုင်ကယ်လဲ ဖြစ်ပါတယ်..


Electric Motorcycle

လောင်စာဆီနဲ့ မောင်းနှင်တာ မဟုတ်ဘဲ လျှပ်စစ်အား( ဘက်ထရီကို ချာဂျင်သွင်းပြီး ) မောင်းနှင်တဲ့ ဆိုင်ကယ်ဖြစ်ပါတယ်.. သဘာဝပတ်ဝန်းကျင် ထိန်းသိမ်းရေးနဲ့  လောင်စာဆီသုံးစွဲမှုကို လျှော့ချရေး စတဲ့ ရည်ရွယ်ချက်နဲ့ ထုတ်လုပ်ထားတဲ့ ဆိုင်ကယ်ဖြစ်ပါတယ်..ဆီမကုန်တဲ့ ဒီဆိုင်ကယ်တော့ လိုချင်သားနော်။


ရှူးဖိနပ်ဒီဇိုင်းနဲ့ ဆိုင်ကယ်

ဒီဆိုင်ကယ်ကတော့ ဖိနပ် အရောင်မြှင့်တင်ရေးအတွက် ကြော်ငြာအနေနဲ့ ထုတ်လုပ်ထားတဲ့ Dale Murray ရဲ့ လက်ရာ ရှူးဖိနပ်ပုံ ဆိုင်ကယ် ဒီဇိုင်းဖြစ်ပါတယ်.. ချီကာဂို မြို့တွင်းမှာ လှည့်လှည် မောင်းနှင်ရင်း ဖိနပ် ကြော်ငြာနေတာ ဖြစ်ပါတယ်။

ကာတွန်းဒီဇိုင်းနဲ့ ဆိုင်ကယ်

သင်ဟာ လူတွေရဲ့ စိတ်ဝင်တစား ကြည့်ရှုတာ အာရုံစိုက်တာကို ခံယူလိုတဲ့သူ ဖြစ်တယ်ဆိုလို့ရှိရင် ဒီထူးထူးဆန်းဆန်း ကာတွန်းဒီဇိုင်းတွေနဲ့ ဆိုင်ကယ်ကို စီးကြည့်ပါလို့ တိုက်တွန်းချင်ပါတယ်တဲ့..  ဒီဆိုင်ကယ်နဲ့  ဟိုင်းဝေးလမ်းတွေပေါ်မှာ စတိုင်ကျကျလေး မောင်းဖို့ စိတ်ကူးရှိသူများ စောစောစီးစီး ကြိုတင်စာရင်းပေးလို့ ၀ယ်ယူနိုင်ပါပြီတဲ့။ လူကိုကြည့်မကြည့်တော့ မသိဘူး.. ဆိုင်ကယ်ကိုတော့ လူတိုင်းက စိတ်ဝင်တစား ကြည့်ကြမှာ သေချာတယ်နော် :)    :)
ဆိုင်ကယ်ဒီဇိုင်း အလန်းများနဲ့ ကမ္ဘာပတ်နိုင်ကြပါစေရှင်။




Source from http://www.funonthenet.in


ရွေးချယ်စရာ လမ်းနှစ်သွယ်



ဂျယ်ရီဆိုတဲ့သူဟာ အရာရာကို အကောင်းမြင်တတ်ပြီး သူတစ်ပါးကိုလည်း ကူညီတတ်တဲ့သူဖြစ်ကာ စိတ်ထားကောင်းတဲ့ လူငယ်လေးတစ်ယောက် ဖြစ်ပါတယ်.. သူဟာ ပြဿနာတိုင်းကိုလည်း အကောင်းမြင်တဲ့ ရှုဒေါင့်ကနေကြည့်ပြီး ပြောဆို ဖြေရှင်းတတ်သူ တစ်ယောက်လည်း ဖြစ်ပါတယ်.. ဒါကြောင့်လည်း သူဟာ သူအလုပ်လုပ်နေတဲ့ စားသောက်ဆိုင်မှာ ပြိုင်ဘက်ကင်းအောင်တော်တဲ့ မန်နေဂျာကောင်းတစ်ယောက်အဖြစ် အားလုံးက သတ်မှတ်လက်ခံထားရသူ ဖြစ်နေပါတယ်.. ဆိုင်မှာအလုပ်လုပ်နေတဲ့ သူ့လက်အောက်က ၀န်ထမ်းတွေအားလုံး၊ ကျွန်တော်အပါအ၀င် အားလုံးက ဂျယ်ရီကို ချစ်ခင်လေးစားကြပြီး ဂျယ်ရီ့ညွှန်ကြားမှု၊ အုပ်ချုပ်မှုတွေကို စိတ်ပါလက်ပါ လိုက်နာဆောင်ရွက်တတ်ကြတယ်.. ဘာကြောင့်လဲ? မေးချင်စရာပါ.. တစ်ခြားကြောင့် မဟုတ်ပါဘူး.. ဂျယ်ရီရဲ့ အကောင်းမြင်တတ်တဲ့ စိတ်နေ သဘောထားကြောင့်ပါဘဲ။ ဒီအကောင်းမြင်စိတ်ကြောင့်ဘဲ သူဟာ အခြားသူတွေရဲ့ စိတ်ခွန်အားကို မြှင့်တင်ပေးနိုင်တဲ့ သူတစ်ယောက် ဖြစ်မှန်းမသိ ဖြစ်နေတာပါဘဲ။




အလုပ်မှာ တစ်ယောက်ယောက်ဟာ ပြဿနာတစ်ခုခုနဲ့ ကြုံတွေ့ပြီ၊ စိတ်ဆိုးစရာတစ်ခုခုနဲ့ ဒေါသတကြီးဖြစ်နေပြီ ဆိုရင် ဂျယ်ရီက အကောင်းဘက်ကနေ ကြည့်ပြီး ဘယ်လို သဘောထားသင့်တယ်၊ ဘယ်လိုဖြေရှင်းရမယ်  ဆိုတာကို ဖြောင်းဖြပြောဆို အကြံပေးတတ်ပါတယ်.. သူပေးတဲ့အကြံ၊ သူပြောပြတဲ့ သဘောထား တွေကြောင့်လည်း ပြဿနာဟာ ပြေလည်သွားတတ်သလို ဒေါသတကြီး ဖြစ်နေသူတွေ ဆိုရင်လည်း စိတ်ပြေငြိမ်းအေး သွားတတ်ကြပါတယ်… ဒီလိုအရည်အချင်းတွေ ရှိနေတဲ့ ဂျယ်ရီဟာ ကျွန်တော့အတွက်တော့ စိတ်ဝင်တစား စပ်စုမေးမြန်းချင်စိတ်တွေ ဖြစ်ပေါ်နေမိတော့တာပါဘဲ။ ဒါကြောင့်လည်း တစ်နေ့မှာ အလုပ်အားချိန် ခဏရတုန်း ကျွန်တော်ဟာ ဂျယ်ရီ့ဆီသွားပြီး မေးခွန်းတွေမေးမိပါတယ်။




“ဂျယ်ရီ လူတစ်ယောက်ဟာ အချိန်တိုင်းတော့ အကောင်းမြင်နိုင်ဖို့ဆိုတာ မလွယ်ဘူးလို့ ကျွန်တော် နားလည်မိတယ်.. ဒါပေမဲ့ ခင်ဗျားကတော့ ဘယ်အရာမဆို အကောင်းမြင်တတ်လွန်းတယ်ဗျာ… ခင်ဗျား ဘယ်လိုများ ဒီလို အကောင်းမြင်နိုင်အောင် ကြိုးစားသလဲဆိုတာ ကျွန်တော် သိပ်သိချင်ပါတယ်.. ”




ကျွန်တော့်အမေးကို ဂျယ်ရီက “ မနက်ခင်းတိုင်း ကျွန်တော် အိပ်ရာက နိုးတဲ့အချိန်မှာ ကျွန်တော့်ကိုယ် ကျွန်တော် မေးပါတယ်.. ဂျယ်ရီ မင်းမှာ ရွေးချယ်စရာ လမ်းနှစ်လမ်းရှိတယ်.. ကောင်းတဲ့စိတ်နေစိတ်ထားကို ရွေးမလား၊ မကောင်းတဲ့စိတ်နေစိတ်ထားကို ရွေးမလားလို့ မေးပြီး  ကျွန်တော် ကောင်းတဲ့စိတ်နေစိတ်ထားကို ရွေးချယ်ဖို့ ကိုယ့်ကိုယ်ကို သတိပေးပါတယ်.. ကျွန်တော့်ဘ၀မှာ မကောင်းတဲ့ အဖြစ်အပျက် ပြဿနာ တစ်ခုခုနဲ့ကြုံတွေ့ရတိုင်း အဲဒီပြဿနာရဲ့ ဖိစီးနှိပ်စက်မှု၊ ဒုက္ခပေးမှုကို ခံယူပြီး စိတ်ဆင်းရဲနေမလားး၊ အဲဒီပြဿနာကို ပြေလည်အောင်ဖြေရှင်းဖို့ အကောင်းဘက်ကနေ ရှုမြင်ပြီး ဖြေရှင်းမလား ဒီလိုမေးပြီး အဲဒီ လမ်းနှစ်သွယ်ထဲကမှ ကျွန်တော်က အကောင်းဘက်ကနေကြည့်ပြီး ဖြေရှင်းနိုင်အောင် ပြေလည်အောင် ကြိုးစားပါတယ်.. ကျွန်တော့်လိုဘဲ တစ်ခြားသူတွေကို ကိစ္စတစ်ရပ်ကို လမ်းနှစ်သွယ်ရှိကြောင်း ပြောပြပြီး ဘယ်လမ်းက ကောင်းတယ်၊ ဘယ်လမ်းကို ရွေးချယ်သင့်တယ်ဆိုတာ သူတို့သိလာအောင်  ပြောဆို လမ်းကြောင်းပေးပါတယ်.. ”




“ခင်ဗျားပြောတာ မှန်ပါတယ် ဂျယ်ရီ.. ဒါပေမဲ့ တကယ်တော့ အရာရာတိုင်းကို အကောင်းမြင်နိုင်ဖို့ လိုက်လုပ်နိုင်ဖို့ဆိုတာ တကယ်တော့ မလွယ်လှဘူးနော်. ” ကျွန်တော်က ထပ်ပြီး အထွန့်တက်လိုက်ပါတယ်..




“ဟုတ်ပါတယ်.. မလွယ်ဘူးဆိုတာ ကျွန်တော် လက်ခံပါတယ်.. ဒါပေမဲ့ ကျွန်တော်တို့တွေ ကြုံတွေ့နေရတဲ့ ပြဿနာတိုင်းမှာ ဘယ်လိုရှုမြင်သုံးသပ်မလဲ ဆိုတာ ရွေးချယ်စရာရှိပါတယ်.. ကောင်းတဲ့စိတ်နဲ့ ရှုမြင်သုံးသပ်မလား၊ မကောင်းတဲ့စိတ်နဲ့ သုံးသပ်မလား.. သင်ဘာကို ရွေးရွေး၊ သင်ပြန်ရလာမဲ့ ရလဒ်ကတော့ သင်ရွေးချယ်တဲ့အတိုင်း ဖြစ်မှာပါဘဲ… ကောင်းတဲ့စိတ်နဲ့ အရာရာကို ကြည့်နိုင်လာရင် သင့်မှာ ပူပင်သောကနည်းပြီး စိတ်ချမ်းသာရမယ်.. မကောင်းတဲ့စိတ်နဲ့ ရှုမြင်သုံးသပ်ရင် သင့်စိတ်ဟာ ပူလောင်ဆင်းရဲနေမှာ သေချာပါတယ်.. နောက်ဆုံးတော့ သင်ရွေးချယ်တဲ့လမ်းဟာ သင်ရဲ့ ဘ၀နေနည်း ဖြစ်ပါတယ်.. ”




ဂျယ်ရီရဲ့ စကားက ကျွန်တော့်ရဲ့ စိတ်တံခါးတွေကို ပွင့်သွားစေသလိုပါဘဲ.. လင်းခနဲ ခံစားလိုက်ရတယ်.. သူပြောတဲ့  ရွေးချယ်ပုံကို ကျွန်တော်ကိုယ်တိုင်လည်း သဘောကျ လက်ခံမိပါတယ်.. ဂျယ်ရီ့ကို ကျေးဇူးတင်စကားပြောပြီး သူ့ကိုနှုတ်ဆက်လို့ လုပ်ငန်းခွင်ကို ပြန်ဝင်လာခဲ့ပေမဲ့ သူပြောလိုက်တဲ့ စကားတွေက ကျွန်တော့်နားထဲ ကြားယောင်နေမိတုန်းပါဘဲ။





ဒီလိုနဲ့ မကြာခင်မှာ စားသောက်ဆိုင်ဝန်ထမ်း ဘ၀ကနေ ကျွန်တော် အလုပ်ထွက်ပြီး ကိုယ်ပိုင်စီးပွားရေးတစ်ခုခုကို ဇောက်ချလုပ်ဖို့ ဆုံးဖြတ်လိုက်ပါတယ်… ကိုယ်ပိုင်အလုပ်လုပ်ဖြစ်တော့ ဂျယ်ရီနဲ့လည်း အတွေ့နည်းသွားခဲ့ပေမဲ့  ကျွန်တော် သူ့ကို မကြာခဏ သတိရနေမိပါတယ်.. အထူးသဖြင့်တော့ ကျွန်တော့်ဘ၀မှာ ရွေးချယ်စရာတွေနဲ့ ကြုံတွေ့လာတဲ့ အခြေအနေမျိုးမှာ ပိုပြီး သတိရတတ်ပါတယ်.. ဂျယ်ရီပြောခဲ့တဲ့ စကားတွေကြောင့်လည်း ကျွန်တော်ဟာ အချို့သော စိတ်ပျက်ဖွယ် အခြေအနေတွေကို အကောင်းမြင်စိတ်နဲ့ကြည့်ပြီး နေထိုင်တတ်လာပါတယ်. ဖြေရှင်းတတ်လာတယ်.. ဒီလိုနဲ့ ကျွန်တော့်ရဲ့ ဘ၀လမ်းကြောင်းတွေမှာ ဘယ်လမ်းကို ရွေးသင့်တယ်ဆိုတာ စဉ်းစားတတ်ခဲ့ပါတယ်။




ဂျယ်ရီနဲ့မတွေ့တာ နှစ်အတော်လေး ကြာပြီးနောက်မှ မထင်မှတ်ဘဲ ဂျယ်ရီ့အကြောင်း ကျွန်တော်ကြားလိုက်ရပါတယ်.. တစ်ခုသောရက်ရဲ့  မနက်စောစောမှာ ဂျယ်ရီဟာ ထုံးစံအတိုင်း စားသောက်ဆိုင်ကို ကြည့်ရှုကွပ်ကဲဖို့ ဘယ်သူမှ မရောက်ခင် အရင်ဆုံးရောက်တတ်တဲ့ အကျင့်အတိုင်း နောက်ဖေးတံခါးကနေ ဆိုင်အတွင်းကို သော့ဖွင့် ၀င်ရောက်သွားခဲ့ပါတယ်..  တံခါးကိုတော့ အခြားဝန်ထမ်းတွေ ၀င်လာနိုင်ဖို့ ဖွင့်ထားခဲ့ပါတယ်.. ဆိုင်ထဲမှာ ရောက်သွားပြီးတဲ့နောက် သူဖွင့်ထားခဲ့တဲ့ နောက်ဖေးတံခါးကနေ သေနတ်တွေ ကိုင်ဆောင်ထားတဲ့ ဓားပြသုံးယောက်ဟာ တိတ်တဆိတ် ၀င်ရောက်လာခဲ့ပါတယ်.. ဓားပြတွေဟာ မီးခံသေတ္တာကို ဖွင့်ဖို့ ကြိုးစားနေတုန်း ဂျယ်ရီက အပေါ်ထပ်က ဆင်းအလာ ဓားပြတွေကို အတွေ့မှာ ရုတ်တရက် ထိတ်လန့်ပြီး သူ့လက်ထဲက ကိုင်လာတဲ့ ပစ္စည်းတွေ ပြုတ်ကျသွားတော့ ဓါးပြတွေလဲ လန့်ဖြတ်ပြီး သူ့ကို သေနတ်နဲ့ပစ်ချလိုက်ကာ ထွက်ပြေးသွားခဲ့ကြတယ်တဲ့။ အဲဒီမှာ ဂျယ်ရီဟာ ဒဏ်ရာအပြင်းအထန် ရသွားခဲ့ပါတယ်.. ဒါပေမဲ့ ကံကောင်းစွာနဲ့  အခြားသူတွေရဲ့ ကူညီမှုနဲ့ သူ့ကို ဆေးရုံကို အမြန်ဆုံး ရောက်အောင် ပို့ပေးခဲ့ကြပါတယ်။




၁၈နာရီကြာ ခွဲစိတ်ကုသမှုခံယူခဲ့ရပြီး သီတင်းပတ်ပေါင်းများစွာ ဆရာဝန်တွေရဲ့ စောင့်ရှောက် ကုသမှု ခံယူရပြီးတဲ့နောက် ဆေးရုံကနေ ဆင်းခွင့်ရခဲ့ပါတယ်..  သူဆေးရုံကဆင်းပြီး ၆လလောက်ကြာမှ အဲဒီသတင်းကို ကြားပြီး ကျွန်တော် ဂျယ်ရီ့ဆီ ရောက်သွားခဲ့ပါတယ်.. ဂျယ်ရီ့ကိုတွေ့တော့ ဘယ်လိုနေလဲ.. နေလို့ကောင်းရဲ့လား” ဆိုပြီး နှုတ်ဆက်စကား စပြောတော့ ဂျယ်ရီက ပြုးပြုံးရယ်ရယ်နဲ့ ကျွန်တော့်ကို နေကောင်းကြောင်း တုံ့ပြန်ပြီး သူရဲ့ အမာရွတ်ကို ကြည့်မလား လို့ မေးပါတယ်.. ကျွန်တော်က မကြည့်တော့ပါဘူးလို့ ပြန်ပြောလိုက်ပေမဲ့ အဲဒီ ဓားပြတွေကို တွေ့တဲ့အချိန်မှာ စိတ်ထဲ ဘယ်လိုခံစားရသလဲလို့ ထူးထူးဆန်းဆန်း မေးမိပါတယ်။ ဂျယ်ရီ ကျွန်တော့်ကို ပြန်ပြောတာက “အဲဒီအချိန်မှာ ကျွန်တော့်အတွေးထဲဝင်လာတာက ကျွန်တော်ဟာ နောက်ဖေးတံခါးကို ပိတ်ခဲ့ဖို့သင့်တယ် ဆိုတာရယ် ပြီးတော့ ကျွန်တော် သေနတ်ပစ်ခံရပြီး ကြမ်းပြင်ပေါ်လှဲကျနေချိန် ကျွန်တော် တွေးမိတာက ငါ့မှာ ရွေးစရာ လမ်းနှစ်ခု ရှိတယ်.. ငါ် သေချင်သလား ဆက်ပြီး အသက်ရှင်ချင်သေးသလား ဆိုတာကိုပါဘဲ။ ဒီတော့ ကျွန်တော့်ကိုယ်ကျွန်တော် ပြောမိတယ်.. ငါမသေချင်သေးဘူး ငါအသက်ရှင်ချင်သေးတယ် လို့ ကျွန်တော့်စိတ်ထဲကနေ ထပ်ခါထပ်ခါ ပြောနေမိတယ်..” လို့ ဂျယ်ရီက ကျွန်တော့်ကို ရှင်းပြနေပါတယ်။




“ခင်ဗျား အဲဒီအချိန်လေးမှာ ကြောက်တဲ့စိတ်တွေ မဖြစ်မိဘူးလား… ပြီးတော့ ခင်ဗျား ဒီလောက်ဒဏ်ရာပြင်းတာ သတိမေ့မသွားခဲ့ဘူးလားဗျာ” ကျွန်တော်သူ့ကို မေးလိုက်မိပြန်ပါတယ်..




“ကျွန်တော် အဲဒီအချိန်တွေမှာ သတိ မရတစ်ချက် ရတစ်ချက် ဖြစ်နေခဲ့တာပါ။ ကျွန်တော့်မိတ်ဆွေတွေဟာ ကျွန်တော့်ကို ဆေးရုံပို့တော့ ဘေးကနေ တောက်လျှောက် အားပေးလာကြတယ်.. အဲဒီအသံတွေလည်း ကျွန်တော် နားထဲမှာ ကြားလိုက် ပျောက်သွားလိုက် ဖြစ်နေခဲ့တယ်.. ဒါပေမဲ့ ဆေးရုံထဲရောက်လို့ အရေးပေါ်အခန်းထဲကို တွန်းဝင်သွားကြတဲ့အချိန်မှာ ဆရာဝန်တွေနဲ့ သူနာပြုတွေရဲ့ မျက်နှာပေါ်က အရိပ်အယောင်တွေကို ကျွန်တော် လှမ်းမြင်လိုက်ရတဲ့ အချိန်မှာတော့ ကျွန်တော် အရမ်းကို ကြောက်ရွံ့သွားခဲ့မိတယ်.. .. ခင်ဗျားသိလား.. ကျွန်တော် သူတို့ မျက်နှာပေါ်မှာ တွေ့လိုက်တာက ကျွန်တော့်ကို သေလူ တစ်ယောက်အနေနဲ့ သဘောထားနေကြပြီ ဆိုတာပါဘဲ.. ကျွန်တော်ရလိုက်တဲ့ ဒဏ်ရာက သိပ်ပြင်းထန်လွန်းတော့ ကျွန်တော်အသက်ရှင်မယ်လို့ သူတို့က မထင်တော့ဘူးလေ…  ”




“ခင်ဗျား ဘယ်လိုလုပ်ခဲ့သလဲ” ကျွန်တော် စိတ်ဝင်တစား မေးလိုက်မိပါတယ်။




“ဒီတော့ ကျွန်တော် အသက်ရှင်ချင်စိတ် ရှိသေးတယ်၊ ကျွန်တော် သတိရှိနေသေးတယ်ဆိုတာ သူတို့သိအောင် လုပ်ရတော့မယ်လို့ ကျွန်တော် တွေးလိုက်မိတယ်.. အဲဒီအချိန်မှာ တစ်ယောက်ယောက်က ကျွန်တော့်ကို  ကျွန်တော်နဲ့ ဓာတ်မတည့်တဲ့ ပစ္စည်းတစ်ခုခုများ ရှိသလားလို့ အသံကျယ်ကျယ်နဲ့ အော်မေးပါတယ်.. ကျွန်တော် တုံ့ပြန်မှုရှိမရှိကို ဆရာဝန်တွေရော၊ သူနာပြုတွေပါ စောင့်ကြည့်နေခဲ့ကြပုံရပါတယ်..  ကျွန်တော် တစ်ခုခု တုံ့ပြန်မှ ဖြစ်မယ်ဆိုတာ သဘောပေါက်တယ်.. အားလုံးက ကျွန်တော်ရဲ့ တုံ့ပြန်မှုကို စောင့်ကြည့်နေကြတယ်လို့ ကျွန်တော်စိတ်ထဲက ထင်နေတယ်လေ.. အဲဒီအချိန်မှာ ကျွန်တော့်အနေအထားကလည်း တစ်ခုခု တုံ့ပြန်ဖို့မပြောနဲ့ ကျွန်တော့်မှာ အသိအာရုံက လွတ်ထွက်သွားတော့မတတ်တောင် ဖြစ်နေခဲ့တယ်..  ဒါပေမဲ့ ကျွန်တော် အတွေးထဲ ရောက်လာတာက ငါ ဆက်ပြီး အသက်ရှင်မလား၊ အသေခံလိုက်တော့မလား ဆိုတာပါဘဲ… ကျွန်တော် မသေချင်သေးဘူးလေ.. အသက်ရှင်ချင်သေးတယ်.. ကျွန်တော် အသက်ရှင်ကို ရှင်ရဦးမယ်.. ဒီလို အတွေးနဲ့ ကျွန်တော်ဟာ ရှိသမျှအားကို ညှစ်ထုတ်လိုက်ပြီး “ရှိတယ်.. ကျည်ဆန် ” လို့ ကျုံးအော်ပစ်လိုက်ပါတယ်..”





ကျွန်တော့်စိတ်ထဲမှာလည်း ဒီတစ်ကြိမ်မှာလည်း ရွေးစရာ လမ်း၂ခုထဲက အသက်ရှင်ဖို့လမ်းကို ငါရွေးမယ်.. ငါ့ကို မင်းတို့ ခွဲစိတ်ကုသရမယ်.. ငါမှ မသေသေးတာ.. ငါအသက်ရှင်ရဦးမယ်လို့ ဆက်ခါဆက်ခါ ပြောနေခဲ့ပါတယ်.. ဒါနဲ့ဘဲ ဆရာဝန်တွေရဲ့ ကျွမ်းကျင်စွာ ခွဲစိတ်ကုသမှုနဲ့ ကျွန်တော် အသက်ပြန်ရှင်လာခဲ့ပါတယ်.. ကျွန်တော့်ကို ကုသပေးလိုက်တဲ့ ဆရာဝန်ကြီးတွေရဲ့ ကျွမ်းကျင်မှုက တကယ်ကို အံ့သြစရာပါဗျာ.. တကယ့်ကို ကျေးဇူးတင်စရာပါ။ သူတို့ရဲ့ ကုသမှုကြောင့် ကျွန်တော် အသက်ပြန်ရှင်လာရသလို ကျွန်တော့်ရဲ့ မသေချင်သေးတဲ့ စိတ်အင်အားကြီးမားမှုကလည်း ကျွန်တော်အသက်ပြန်ရှင်လာအောင် တွန်းအားပေးလိုက်တဲ့ အရာဘဲ ဖြစ်ပါတယ်.. ” လို့ ပြောပြီး ဂျယ်ရီက သူ့အဖြစ်အပျက် အကြောင်းကို အဆုံးသတ်လိုက်ပါတယ်။




ဟုတ်ပါတယ်.. ဆရာဝန်တွေရဲ့ ကျွမ်းကျင်တဲ့ ခွဲစိတ်ကုသမှုအပြင် ဂျယ်ရီရဲ့ အသက်ရှင်သန်ဖို့ကို လိုလားတဲ့ စိတ်အားထက်သန်မှု၊ သူရဲ့ ရွေးချယ်မှုကသာ သူ့အသက်ကို ကယ်လိုက်တယ်ဆိုတာ ကျွန်တော်ကိုယ်တိုင်လည်း တကယ်ကို နားလည် သဘောပေါက်လိုက်မိတာပါဘဲဗျာ။ လူတစ်ယောက်ရဲ့ စိတ်အားထက်သန်မှုဟာ သေခြင်းတရားကိုတောင် ကျော်လွန်သွားနိုင်ခဲ့တယ်ဆိုတာ အံ့သြစရာဘဲ မဟုတ်ပါလား။ ကျွန်တော်တို့ရဲ့ဘ၀မှာ ကြုံလာတဲ့ အခြေအနေတွေမှာ ရွေးချယ်စရာတွေ ရှိနေပါတယ်.. ဘယ်လမ်းကို ရွေးမလဲ။ သင်ဘယ်လို ရှင်သန်နေထိုင်မလဲ… အကောင်းမြင်စိတ်နဲ့လား၊ အဆိုးမြင်စိတ်နဲ့လား… သင်ရွေးချယ်တဲ့အတိုင်း၊ သင့်သဘောထား အတိုင်း သင်နေထိုင်တဲ့ဘ၀မှာ အကျိုးသက်ရောက်မှု ရှိနေမှာဘဲ ဖြစ်ပါတယ်။





WE HAVE TWO CHOICES ( UNKNOWN AUTHOR) ကို ဆီလျှော်အောင် ဘာသာပြန်ပါသည်။





စိတ်အင်အားဖြင့် အရာရာကို အောင်မြင်စွာ ကျော်လွှားနိုင်ကြပါစေရှင်။