ဘ၀လမ်းပေါ်က အမှိုက်ကားများ



တစ်ရက်မှာ ကျွန်တော်ဟာ အရေးပေါ်ဧည့်သည်တစ်ယောက် ကြိုဖို့ရှိတာနဲ့  လေဆိပ်ကိုသွားဖို့ရာ အချိန်ကြာကြာ ကားမမောင်းချင်တာနဲ့  တက္ကစီတစ်စီး ငှားဖို့ စိတ်ကူးလိုက်ပါတယ်.... ဒါနဲ့ အိမ်ရှေ့အရောက်မှာ တက္ကစီတစ်စီး ကျွန်တော့်ရှေ့လာရပ်တာနဲ့ ကားပေါ် တက်လိုက်ပါတယ်.. ကျွန်တော်ငှားစီးလာတဲ့ ကားဆရာက ခပ်မှန်မှန်လေးနဲ့ ညာဘက်လမ်းကြောင်းအတိုင်း မောင်းလာပါတယ်.. လေဆိပ်သွားတဲ့ လမ်းဟာ လမ်းမကြီးဖြစ်တာကြောင့် ယဉ်ကြောတွေက သူ့လမ်းနဲ့သူ အရှိန်နဲ့ မောင်းနေကြပါတယ်။

အဲဒီအချိန်မှာ ညာဘက် လမ်းကွေ့တစ်ခုကနေ ကားအနက်တစ်စီးဟာ လမ်းရှင်းမရှင်း သေချာမကြည့်ဘဲ အရှိန်နဲ့ မောင်းထွက်လာပါတော့တယ်.. ကျွန်တော်တော့ တိုက်ပြီ လို့ပါးစပ်က အော်လိုက်မိပြီး မျက်စိကို စုံမှိတ်လိုက်မိပါတယ်.. ဒါပေမဲ့ ကျွန်တော်မျက်လုံးဖွင့်လိုက်ချိန်မှာတော့ ကျွန်တော်တို့ကားဟာ လမ်းဘေးမှာ ရပ်နေပါပြီ။ တက္ကစီမောင်းသူက ဘရိတ်ကိုဆောင့်နင်းပစ်လိုက်ပြီး ကားလက်ကိုင်ကို လမ်းဘေးဆွဲချလိုက်တာကြောင့် ကျွန်တော်တို့ကားဟာ တာရာပွတ်ဆွဲသံ အကျယ်ကြီးမြည်ပြီး လမ်းဘေးမှာ ထိုးရပ်သွားခဲ့ပါတယ်..  ကျွန်တော် စီးလာတဲ့ ကားဆရာရဲ့ ကျွန်းကျင်မှုနဲ့ သတိရှိမှုကြောင့်သာ ယဉ်တိုက်မှု ဖြစ်မသွားခဲ့ရတာပါ။ လမ်းကွေ့က ထွက်လာတဲ့ ကားရဲ့ ဘေးကနေ၀င်တိုက်ဖို့ရော အနောက်က အရှိန်နဲ့ မောင်းလာတဲ့ကားက ၀င်ဆောင့်တာကိုခံရဖို့ရော သီသီလေး လွတ်သွားခဲ့ရပါတယ်။

ကျွန်တော်ထင်တာက ကျွန်တော့်တက္ကစီဆရာတော့ ဟိုဘက်က ကားသမားကို အော်ဟစ်တော့မယ်လို့ ထင်လိုက်ပါတယ်.. တကယ်တမ်း လမ်းစည်းကမ်းအရဆို လမ်းမကြီးပေါ်ကမောင်းလာတဲ့ ကျွန်တော်တို့ကားက အမှန်ပါ။ လမ်းသွယ်က ထွက်လာတဲ့ ကားတွေဟာ လမ်းမကြီးပေါ်မှာ ကားရှင်းမရှင်း အရင်ကြည့်ပြီးမှ ထွက်ရမှာ ဖြစ်ပါတယ်. ဒါပေမဲ့ အခုကျတော့ ပြောင်းပြန်ဗျာ...  လမ်းသွယ်ကထွက်လာတဲ့ ကားမောင်းသူက သူမှားမှန်းသိသိကြီးနဲ့ ကားထဲကနေ ခေါင်းထွက်ပြီး ကျွန်တော့်စီးလာတဲ့ တက္ကစီးသမားကို အော်ဟစ် ကြိမ်းမောင်းပါတော့တယ်.. ကျွန်တော်လည်း ကြည့်နေရင်း အတော်ကို ဒေါသထွက်သွားမိတယ်.. ဒါပေမဲ့ အံ့သြစရာက တက္ကစီမောင်းသူက ဘာမှ ပြန်မပြောဘဲ ရင်းရင်းနှီးနှီး ပြုံးပြလိုက်ပြီး လက်ကလေးတစ်ဖက်တောင် ဝှေ့ရမ်းပြလိုက်ပါသေးတယ်.. ကြည့်ရတာ တကယ့်ကို မိတ်ဆွေတစ်ယောက်ကို နှုတ်ဆက်သလိုမျိုးပါဘဲ။

ဒါနဲ့ ကျွန်တော်လည်း ဘယ်လိုမှ မနေနိုင်တော့ဘဲ တက္ကစီသမားကို “ခင်ဗျားသူနဲ့ အရင်ကတည်းက သိနေတာလား” လို့ မေးလိုက်တော့ သူက “မသိပါဘူး .. တစ်ခါမှ မမြင်ဖူးခဲ့ဘူး” လို့ ပြန်ပြောပါတယ်။

“ဗျာ.. တစ်ခါမှလည်း မမြင်ဖူးဘူး ဟုတ်လား………  အံ့ရောဗျို့ ခင်ဗျားကိုတော့.. ကိုယ့်ကားကိုလည်း တိုက်မလိုဖြစ်အောင် သူ့ဘက်ကလည်း မှားသေးတယ် သူကလဲ ပြန်အော်သွားသေးတယ်.. ဒီလိုလူကို ခင်ဗျားက စိတ်မဆိုးတဲ့အပြင် မိတ်ဆွေတွေလိုတောင် နှုတ်ဆက်လက်ပြ လုပ်နိုင်သေးတယ်.. တကယ်ပါဘဲဗျာ.. ဟိုကားဆရာလုပ်ပုံက ကံကောင်းလို့ ကျုပ်တို့ ဆေးရုံမရောက်တာ”

ကျွန်တော့်စကားအဆုံးမှာ တက္ကစီမောင်းသူက အပြုံးလေးတစ်ချက်နဲ့ ကျွန်တော့်ဘက်ကိုလှည့်ကြည့်လိုက်ပြီး “ကျွန်တော်ကတော့ အမှိုက်ကားဥပဒေသ အတိုင်းဘဲ သဘောထား နေထိုင်တာပါဗျာ” လို့ ပြန်ပြောပါတယ်။

“ဗျာ…. အမှိုက်ကား ဥပဒေသ ဟုတ်လား………… ခင်ဗျားဟာက အဆန်းပါလားဗျို့.. ကျွန်တော်တော့ တစ်ခါမှကို မကြားဖူးပါဘူး.. လုပ်ပါဦး .. အဲဒီအမှိုက်ကား ဥပဒေသကို ကျွန်တော်သိအောင် ရှင်းပြပါဦးဗျ ”

ကျွန်တော်က မေးလိုက်တော့ တက္ကစီသမားဟာ သူခံယူထားပါတယ်ဆိုတဲ့ အမှိုက်ကား ဥပဒေသကို ကျွန်တော့်ကို ရှင်းပြပါတော့တယ်။

လူတွေတော်တော်များများဟာ အမှိုက်ကားတွေနဲ့ တူတယ်ဗျ.. သူတို့ဟာ အမှိုက်တွေအပြည့် တင်ဆောင်ပြီး လမ်းပေါ်မှာ မောင်းနှင်နေကြတယ်.. သူတို့ တင်ဆောင်ထားတဲ့ အမှိုက်တွေက မပြေလည်မှုတွေ၊ ဒေါသတွေ၊ စိတ်ပျက်တာတွေ၊ မာနတွေ၊ ဆိုတဲ့ အမှိုက်တွေဘဲ ဖြစ်တယ်.. အဲဒီလို စုံလင်လှတဲ့ အမှိုက်တွေကို ပြည့်လျှံနေအောင် တင်ဆောင်လာတဲ့ သူတို့ရဲ့ကားတွေဟာ ဒီအမှိုက်တွေကို သွန်ချဖို့ နေရာတစ်ခုခုတော့ လိုလိမ့်မယ်ဗျာ.. ဒီတော့ တစ်ခါတစ်လေမှာ အဲဒီအမှိုက်တွေကို လမ်းမှာ မတော်တဆတွေ့မိတဲ့ ခင်ဗျားအပေါ်လဲ လာသွန်ချမိတတ်တယ်.. အဲဒီလို အမှိုက်တွေကို ခင်ဗျားဆီ လာသွန်ချချိန်မှာ ခင်ဗျားက စိတ်တိုဒေါသထွက်ရင် သူတို့ဆီက အမှိုက်တွေကို လက်ခံယူသလိုမျိုး ဖြစ်သွားလိမ့်မယ်.. ပြီးတော့တစ်ခါ အဲဒီဒေါသအမှိုက်တွေကို ခင်ဗျားကသယ်ဆောင်သွားပြီး   ခင်ဗျားရဲ့ အလုပ်မှာ၊ အိမ်မှာ၊ လမ်းပေါ်မှာ စတဲ့ ကိုယ့်အနီးအနား ကိုယ့်ဝန်းကျင်က လူတွေကို ပြန်သွန်ချမိတတ်ပြန်ရော။ ဒီတော့ သူတစ်ပါးဆီက အမှိုက်တွေကို ခင်ဗျားက ပြန်ပြီး မသယ်ဆောင်သွားပါနဲ့။ မတော်တဆ လာသွန်ချမိတဲ့ သူတို့ကို အပြုံးလေးနဲ့သာ တုံ့ပြန်လိုက်ပါ။ လက်လေးသာ ပြလိုက်ပါ. ပြီးရင် ခင်ဗျားလမ်းကို ခင်ဗျား ဆက်သွားလိုက်ပါ…   ဘ၀ဟာ တိုတိုလေးပါဗျာ.. ကိုယ်အသက်ရှင်နေထိုင်တဲ့ အချိန်တွေမှာ အမှိုက်တွေနဲ့တူတဲ့ ဒေါသမာနတွေ၊ မကျေနပ် မုန်းတီးမှုတွေ၊ မနာလို ၀န်တိုမှုတွေနဲ့ ပူလောင်မနေဘဲ အေးချမ်းပျော်ရွှင်စွာနဲ့ ကိုယ့်ရဲ့ အချိန်တွေကို ကုန်ဆုံးတာက အကောင်းဆုံးပါဘဲ .. ဒါကြောင့် ကျွန်တော် ကျင့်သုံးခံယူတဲ့ အမှိုက်ကား ဥပဒေသက သူတစ်ပါးဆီက အမှိုက်တွေကို လက်မခံသလို၊ ကိုယ့်ဆီက အမှိုက်တွေကိုလည်း သူတစ်ပါးကို ပြန်ပြီး မသွန်ချမိပါနဲ့... ဆိုတာပါဘဲ”

တက္ကစီမောင်းသူရဲ့ စကားအဆုံး ကျွန်တော် ကိုယ့်ကိုယ်ကို တော်တော်ရှက်သွားခဲ့မိပါတယ်.. သူပြောတာ သိပ်မှန်ပါလား.. ကျွန်တော်တို့ဟာ ကိုယ်တိုင်လည်း ဒေါသ၊မောဟ အမှိုက်တွေအပြည့် တင်ဆောင်ပြီး ဘ၀လမ်းပေါ်မှာ မောင်းနှင်နေသလို တစ်ခါတစ်ရံ သူများဆီက အမှိုက်တွေပါ ကိုယ်က လက်ခံလိုက်မိသေးတယ်။ ခုနက ကားသမားကို မကျေမနပ် ဒေါသတွေနဲ့ တုံ့ပြန် ပြောဆိုလိုက်မိရင် ဟိုဘက်ကလူကလည်း ပြန်လှန်ပြောဆိုရင်း မပြီးနိုင် မစီးနိုင်ဘဲ ကိုယ့်မှာ ဒေါသတွေ ပိုပိုထွက်လာရဖို့သာ ရှိပါတယ်… အဲဒီဒေါသတွေဟာ အလွယ်တကူ မပြေပျောက်နိုင်တော့ဘဲ ကိုယ့်အိမ်၊ ကိုယ့်လုပ်ငန်းခွင်တွေဆီ သယ်ယူသွားခဲ့မိတဲ့ခါ တစ်နေ့တာ လုပ်ငန်းခွင်မှာရော အိမ်မှာပါ အဆင်မပြေနိုင်တော့ဘဲ ထစ်ခနဲဆို အစောက ဒေါသထွက်ထားတဲ့အရှိန်နဲ့ ဘယ်သူ့ကိုမှ အကောင်းမမြင်နိုင်တော့ဘဲ စိတ်တို ဒေါသထွက်ဖို့သာ အဆင်သင့် ဖြစ်နေတတ်ပါတယ်.. ဒါဟာ ကျွန်တော်တို့ တကယ်ကြုံတွေ့ရတတ်တဲ့ အမှန်တရားတစ်ခုပါ။ တက္ကစီသမားရဲ့ အမှိုက်ကား ဥပဒေသဟာ သိပ်ကောင်းမွန်တဲ့ ဥပဒေသလေးပါဘဲ။ လေးစားလိုက်နာသင့်တယ်လို့ ကျွန်တော် ယုံကြည်ပါတယ်..  ကိုယ့်ကိုဒေါသတွေနဲ့ ဆက်ဆံလာတဲ့သူကို တန်ပြန်ဒေါသတွေနဲ့ မတုံ့ပြန်ဘဲ အေးချမ်းတဲ့ အပြုံးလေးနဲ့ တုံ့ပြန်လိုက်မယ်ဆို တစ်ဖက်က ဒေါသတကြီးဖြစ်နေသူလည်း ဒေါသအရှိန်တွေ လျော့သွားမှာ ဖြစ်သလို ကိုယ်တိုင်လည်း သူ့ရဲ့ဒေါသတွေ ကူးစက်ခြင်း မခံရတော့ဘဲ အေးချမ်းတဲ့စိတ်ကလေးနဲ့ ဆက်ပြီး နေသွားနိုင်မှာ ဖြစ်ပါတယ်.. လူတိုင်းဒီလိုသာ နေနိုင်မယ်ဆိုရင် ကမ္ဘာကြီးပေါ်က ပူလောင်နေတဲ့ လူသားတွေရဲ့ ဒေါသတွေ လျော့ကျသွားနိုင်မယ်လို့ ယုံကြည်မိပါတယ်ဗျာ။


David J. Pollay ရဲ့ The Law of the Garbage Truck ကို နှစ်ခြိုက်မိသဖြင့် မိမိကိုယ်တိုင် ဆင်ခြင် ဖတ်ရှုနိုင်ဖို့ ဘာသာပြန်ပါသည်။

အမှိုက်ကင်းတဲ့နေ့ရက်များကို လူတိုင်းပိုင်ဆိုင်နိုင်ကြပါစေရှင်။



သတိရနေတဲ့ မီးထွန်းပွဲတော်

သီတင်းကျွတ်ပြီ။


ဆီမီးဝါ၀ါထိန်ထိန်ဖြာ

သီတင်းကျွတ်ချိန်ခါ ရောက်ပြီဆိုရင် ဟိုးအရင်ကတော့ မိုးလေကင်းလွတ် သီတင်းကျွတ်ရယ်လို့ တင်စား ပြောဆိုတတ်ကြပါတယ်.. မိုးရာသီလဲကုန်လို့ လေတွေလဲ မတိုက်တော့ဘဲ ဆောင်းရာသီဘက်ကို ခြေလှမ်းစတင် ၀င်ရောက်ကာ အေးချမ်းတော့မဲ့ အနေအထားပါ။ ဒါပေမဲ့ ရာသီဥတုတွေကလည်း အစိုးမရတတ်တဲ့ သဘောအရ မိုးလေကင်းလွတ်ဆိုတဲ့ သီတင်းကျွတ်ချိန်ခါ ရောက်တော့မှဘဲ ဒီနှစ် သီတင်းကျွတ်ရက်မှာတော့ မြန်မာပြည်ရဲ့ တစ်ခုသော ကမ်းရိုးတန်းဘက်ကို မုန်တိုင်းက ၀င်ရောက်လို့ လာပါတော့တယ်.. မုန်တိုင်းအရှိန်နဲ့ ကျန်ပြည်နယ်တစ်ချို့တွေလဲ မိုးဒဏ်ကို ခံနေကြရပါပြီ။ ကြားရတာ စိတ်မကောင်းစရာပါ။ သူတို့တွေမှာတော့ သီတင်းကျွတ်ပွဲတော်ကို ဆင်နွဲနိုင်တော့မယ် မထင်ပါဘူး။ ဒီသီတင်းကျွတ် ချိန်ခါကိုတော့ လူတိုင်းက ပျော်ပျော်ရွှင်ရွှင်နဲ့ နွဲချင်ကြမှာပါဘဲနော်။ ကိုယ်တွေမှာလည်း မွေးရပ်မြေရဲ့ အဝေးမှာ ရောက်နေပေမဲ့ သီတင်းကျွတ်ဆိုတဲ့ အသံလေးကြားတာနဲ့ ကိုယ့်မွေးရပ်မြေရဲ့ ပျော်စရာ ဓလေ့စရိုက်များ၊ ပျော်ပွဲရွှင်ပွဲများကို မှတ်မှတ်ထင်ထင် သတိရမိတတ်ပါတယ်.. ဘယ်နေရာ ဘယ်အရပ်ကို ရောက်နေပါစေ.. ငယ်စဉ်ကတည်းက ဆင်နွဲခဲ့ရတဲ့ ကျွန်မတို့ဒေသရဲ့ သီတင်းကျွတ် မီးထွန်းပွဲတော်ကို  မမေ့နိုင်ခဲ့တာ သေချာပါတယ်။ ကျွန်မတို့ဒေသမှာ ကျင်းပလေ့ရှိတဲ့ သီတင်းကျွတ်ပွဲတော်အကြောင်းကို  ဒီနေရာကနေ အမှတ်တရလေး ပြောပြချင်ပါသေးတယ်ရှင်။

ကျွန်မတို့ဒေသမှာ သီတင်းကျွတ်မရောက်ခင် ၂ပတ်လောက်အလိုကတည်းက သီတင်းကျွတ် ပွဲတော်အတွက် အသက်အရွယ်အလိုက် အလုပ်စပြီး ရှုပ်ကြပြီ ဖြစ်ပါတယ်.. ပထမဦးဆုံး အပျိုလူပျိုအဖွဲ့၊ မယ်ခိင်လို့ ရှမ်းလိုခေါ်ကြတဲ့ အိမ်ထောင်သည်တွေအဖွဲ့၊ အဖိုးအဖွားတွေအဖွဲ့ စသဖြင့် အဖွဲ့လိုက် သူ့အဖွဲ့နဲ့သူ အဖွဲ့ခေါင်းဆောင် လုပ်သူတွေက အစည်းအဝေးတွေ ခေါ်ယူကြပါတယ်.. အစည်းအဝေးမှာတော့ အုပ်စု တွေခွဲပြီး သီတင်းကျွတ်ပွဲတော်အတွက် သူ့ကဏ္ဍအလိုက် တာဝန်ထမ်းဆောင်ကြဖို့ လုပ်ငန်းများ ခွဲဝေသတ်မှတ်ကြပါတယ်.. အပျိုလူပျိုအဖွဲ့က လာသမျှ ဧည့်သည်တွေကို ဧည့်ခံကျွေးမွေးဖို့ တာဝန်ယူရပြီး အိမ်ထောင်သည် အဖွဲ့က ချက်ပြုတ်ရေးနဲ့ သံဃာတော်များ ဆွမ်းကွမ်းကိစ္စ တာဝန်ယူရကာ အဖိုးအဖွားတွေကတော့ လပြည့်နေ့ညမှာ ကျွန်မတို့ဒေသရဲ့ ဥရုချောင်းအတွင်း ဆီမီးတစ်ထောင် မျှောနိုင်ဖို့ ဆီမီးခွက် လုပ်ဖို့ ကိစ္စတွေမှာ တာဝန်ယူရပါတယ်.. အပျိုလူပျိုအုပ်စုရဲ့ ဧည့်ခံရေးမှာမှ ဟင်းခွက်ဖြည့်တဲ့သူ၊ သောက်ရေနဲ့ လက်သုပ်ပုဝါ တာဝန်ယူတဲ့သူ၊ စားသောက်ပြီး ပန်းကန်များကို လိုက်လံသိမ်းဆည်းသူ၊ ပန်းကန်ဆေးသူ စသဖြင့် အုပ်စုငယ်များ ထပ်မံခွဲရပြန်ပါတယ်။ အဲဒီရက်တွေမှာ အနီးတစ်ဝိုက်က တောတောင်တွေမှာ မုဆိုးမလက်ဘက်ရွက် အခူးထွက်သူက ထွက်ကြရပါတယ်.... ကျွန်မတို့ဘက်မှာ လက်ဘက်ပင် ရှားပါးတဲ့အတွက် ပေါပေါများများ ရှိတတ်တဲ့ မုဆိုးမလက်ဘက်လို့ခေါ်တဲ့ အရွက်ကို အသုံးပြုကြပါတယ်..

တာဝန်ခွဲဝေထားတဲ့အတိုင်း အသက်ကြီးတဲ့ အဖိုးအဖွားတွေ၊ အန်တီတွေအရွယ်တို့က ရောင်စုံစက္ကူလေးတွေ ဖြတ်ညှပ်ပြီး မီးခွက်လေးတွေ လုပ်ကြပါတယ်.. ဆီမီးတစ်ထောင်လို့ အလွယ်တကူခေါ်ကြပေမဲ့ တကယ်တမ်းတော့ ဆီမီးခွက်ကလေးတွေဟာ တစ်ထောင်မကအောင် များပြားပါတယ်.. အနီ၊ အပြာ၊ အ၀ါ၊ အစိမ်း အိုး.. အရောင်လေးတွေမှ စုံနေတာပါဘဲ ချစ်စရာ ရောင်စုံ ဆီမီးခွက်ကလေးတွေပေါ့နော်။ ပြီးတော့ အပ်ချည်ကြိုး ခပ်တုတ်တုတ်တွေကို မီးစာအဖြစ် ကျစ်ရပါတယ်..  ပြီးတော့မှ အဲဒီမီးစာလေးတွေကို ဆီမီးခွက်အတွင်းမှာ ကော်လေးတွေနဲ့ လိုက်ကပ်ရပါတယ်.. ဒီလိုဆိုရင် စက္ကူခွက်ကလေးထဲ ဆီဖြည့်ပြီး မီးစာမှာ မီးညှိလိုက်တာနဲ့ ဆီမီးခွက်အဖြစ် ရေထဲမျှောလို့ ရပါပြီ။ ဆီမီးခွက်လုပ်တဲ့ ပညာကိုတော့ အသက်ကြီးတဲ့အဖွားတွေက ရပ်ရွာဓလေ့ထုံးစံမို့ အစဉ်အဆက်လုပ်လာကြတော့ သူတို့က လုပ်တတ်ကြပြီး အန်တီအရွယ်တွေကို ပြန်လည်သင်ကြား လက်ဆင့်ကမ်းပေးကြပါတယ်… မီးခွက်လေးတွေ ပြုလုပ်နေတဲ့ ဘုရားကျောင်းဆောင် ထဲမှာတော့ ပျော်စရာကောင်းလောက်အောင် စကားသံတွေ ဝေေ၀ဆာဆာ အကျွေးအမွေးတွေ အဖြာဖြာနဲ့ပါဘဲ။ လက်ဘက်သုပ်လို စားဖွယ်ရာတွေကလဲ အလျှံပယ်ပါဘဲ။ မုဆိုးမ လက်ဘက်ရွက်ကို ပြုတ်ပြီး အုန်းသီးကိုခြစ်ကာ မြေပဲဆန်၊ နှမ်းတို့နဲ့ အဆိမ့်သုပ်လို့ အလှူအတန်းတွေမှာ ကျွေးလေ့ရှိပါတယ်။



ဒီမီးခွက်လေးတွေက ကျွန်မတို့ ဒေသမှာ ပြုလုပ်လေ့ရှိတဲ့ ဆီမီးခွက်လေးတွေနဲ့ ဆင်ဆင်တူပါတယ်..

ရွာထဲက လူကြီးတစ်ချို့နဲ့ အရွယ်ရောက် ယောက်ျားတစ်ချို့ကျတော့ တောတောင်ထဲကို ၀ါးခုတ်ဖို့လူစုပြီး စီးစဉ်တိုင်ပင်ကြပါတယ်.. ခုတ်မဲ့ ၀ါးက ဖယောင်းတိုင်လေးတွေ ထည့်ပြီးမီးထွန်းလို့ရမဲ့ လက်တစ်လုံး သာသာ ထီးရိုးဝါးလို့ခေါ်တဲ့ ၀ါးလုံးသေးသေးလေးတွေ ဖြစ်ပါတယ်. အဲဒီဝါးလုံးတွေကို ခုတ်ယူလာကြပြီး ဘုန်းကြီးကျောင်းဝင်းထဲမှာ စုပုံထားကာ လူတစ်ရပ် မရှိတဲ့အမြင့်၊ ကလေးလူကြီး လူတိုင်းမီနိုင်တဲ့ အနေတော် အရွယ်လေးတွေ ပိုင်းဖြတ်ပြီး ကျယ်ဝန်းလှတဲ့ ကျောင်းဝင်းကြီးတစ်ခုလုံး အပြည့် လူသွားလမ်းကလေး ချန်ထားပြီး ၀ါးတိုင်လေးတွေကို စိုက်ကြပါတယ်.. တစ်ချို့နှစ်တွေဆို ၀င်္ကဘာတွေလုပ်ကာ ကျောင်းဝင်းထဲ လျှောက်ကြည့်တဲ့ သူတွေ မျက်စိလည်ပြီး ၀ါးတိုင်တွေကြား ခြာခြာလည်နေအောင်လည်း လုပ်ကြပါသေးတယ်..  ၀ါးခုတ်ကြတဲ့ ဓလေ့က ကျွန်မတို့ ငယ်စဉ်က ပြုလုပ်ခဲ့ကြတာပါ။ အဲဒီချိန်တုန်းက ကျွန်မတို့ အရပ်ဒေသမှာ တောတောင်တွေ ထူထပ်ပြီး သစ်ဝါးတွေလဲ အလွန် အင်မတန်မှ ပေါလှပါတယ်..  အခုနောက်ပိုင်းတော့ ကျောက်မျက်ရတနာ တူးဖော်တဲ့သူတွေကြောင့် တောတောင်တွေ ပြုန်းတီးပြီး ၀ါးတွေလဲ ရှားပါးလာတာကြောင့် ၀ါးခုတ်တဲ့ ဓလေ့ မရှိတော့ဘဲ ၁လက်မအကျယ် သစ်သားတန်းလေးတွေ ကျောင်းဝင်းပတ်ပတ်လည် ရိုက်ပြီး အဲဒီတန်းလေးတွေပေါ် မီးထွန်းဖို့ ပြင်ဆင်ထားတာ ဖြစ်ပါတယ်..

နောက် ရပ်ရွာရဲ့ တာဝန်ရှိသူ ခေါင်းဆောင်များ၊ အလှူအတန်း ရက်ရောသူများနဲ့ ဘာသာရေး အလှူအတန်းတွေ၊ ပွဲလမ်းသဘင်တွေမှာ ကမကထ ပြုလုပ်ကြတဲ့ လူကြီးတွေက အလှူငွေတွေ ကောက်ခံ စုဆောင်းပြီး  သီတင်းကျွတ်ပွဲမှာ ဘုရားဖူး၊ ဘုန်းကြီး ကန်တော့ လာရောက်ကြတဲ့ ရပ်ဝေးရပ်နီး အများသူငှာ အယုတ်အလတ်၊ အမြတ်မရွေးကို ကျွေးမွေးဖို့ စီစဉ်ပြင်ဆင်ကြပါတယ်.. ကျောင်းဝင်းကြီး ထဲက ချက်ပြုတ်ဆောင်ကြီးမှာ ဆန်အိတ်တွေ မြောက်များစွာ ၀ယ်ယူစုဆောင်းကြပါတယ်.. အချို့အလှူရှင်တွေလည်း ဆန်တွေကို အိတ်လိုက် လာလှူကြပါတယ်.. ဟင်းအဖြစ်ကျွေးမွေးဖို့ အသီးအရွက်၊ အခြောက်အခြမ်းတွေကို ၀ယ်ယူစုဆောင်းပါတယ်..  ( ဖရုံသီး၊ ပိန်းဥ၊ ခရမ်းသီး၊ ခရမ်းချဉ်သီး ၊ ပဲသီး၊ ငါးချဉ်) စသဖြင့် အများအပြားပါဘဲ။ ထင်း၊မီးသွေးတွေလဲ တောင်ပုံရာပုံ ကြိုတင် စုဆောင်းထားရပါတယ်.. ချက်ပြုတ်ရာမှာ ပါဝင်မဲ့သူများကလည်း အိုးကြီးခွက်ကြီးတွေ သယ်ယူကြ၊ ညအိပ်ထမင်းချက်ဖို့ နေရာတွေဦးကြနဲ့ ပျော်ရွှင် တက်ကြွနေကြတာပါဘဲ။


ကျွန်မတို့အရပ်မှာ လပြည့်နေ့မရောက်ခင် အဖိတ်နေ့ညကနေကစလို့ အိမ်တိုင်း လမ်းတိုင်းမှာ မီးစထွန်းပါတယ်.. ဆီမီးခွက်တွေ၊ လျှပ်စစ်မီးတွေ၊ ဖယောင်းတိုင်မီးတွေနဲ့ တစ်မြို့လုံး တစ်ရွာလုံး တစ်လမ်းလုံးဟာ ထိန်ထိန်ညီးနေပါတော့တယ်.. စေတီပုထိုးတွေရှိရာ အရပ်တိုင်းဟာလည်း လျှပ်စစ်မီး ဖယောင်းတိုင်မီး အလင်းတွေနဲ့ ဘုရားဖူးသွားကြတဲ့ လူတွေနဲ့ စည်ကားနေတာပါဘဲ။ စေတီရှိရာ တောင်ပေါ်မှာလည်း မီးထွန်းလာကြသူတွေ၊ ဘုရားဖူးသူတွေ၊ လမ်းလျှောက်လာကြသူတွေနဲ့ ကြိတ်ကြိတ်တိုးရှိနေပြီး နေရာတိုင်းမှာ လူတိုင်းလူတိုင်းဟာ သူ့အုပ်စုနဲ့သူ လမ်းလျှောက်ကြ၊ ထွန်းထားတဲ့ မီးအလှတွေ လိုက်ကြည့်ကြနဲ့ အုန်းအုန်းကျက်ကျက် ရှိလှပါတယ်.. ၀ါးတိုင်တွေ၊ သစ်သားတန်းတွေ စိုက်ထားတဲ့ ဘုန်းတော်ကြီး ကျောင်းဝင်းထဲမှာတော့ အများသူငါ လှူထားကြတဲ့ ဖယောင်းတိုင် ထုပ်ကြီးတွေကို ခြင်းကြီးခြင်းငယ်တွေနဲ့ သယ်ချလာပြီး ပျိုပျိုအိုအို လူကြီးလူငယ်အားလုံးက တိုင်တွေပေါ် လိုက်လံထွန်းညှိကြပါတယ်.. မီးထွန်းလို့ အားလုံး ပြီးတဲ့အချိန်မှာတော့ ဘုန်းကြီးကျောင်းဝင်းကြီး တစ်ခုလုံးဟာ ရွှေရောင်မီးလျှံတွေနဲ့ ၀င်းဝါထိန်လင်းပြီး ရှုမငြီးအောင် ဖြစ်စေပါတော့တယ်.. ကျောင်းဝင်းထဲက ဓမ္မာရုံကြီးမှာတော့ ပွဲကတဲ့ ဇာတ်တွေ အငြိမ်တွေ ရှိနေပြီး ဈေးသည်တွေရဲ့ ဆိုင်ခန်းတွေကလည်း ဓမ္မာရုံကြီးအနီးတစ်ဝိုက်နဲ့ လမ်းမကြီးပေါ်မှာ စည်ကားစွာ ရောင်းချနေကြပါပြီ။ ပွဲဈေးတန်းလျှောက်နေသူလည်း ကြိတ်ကြိတ်တိုးနေကြပါပြီ။ သီတင်းကျွတ် မီးထွန်းပွဲတော်မှာ အထူးတလည် ပြင်ဆင်ထားတဲ့ လျှပ်စစ်မီးလှလှတွေ၊ ရောင်စုံမီးလုံးတွေ၊ ဘုန်းကြီးကျောင်းဝင်းထဲ ထွန်းညှိထားတဲ့ ဖယောင်းတိုင်မီးတွေနဲ့ အမှတ်တရ ဓာတ်ပုံရိုက်ချင်သူများအတွက် ဓာတ်ပုံဆိုင်တွေကလည်း လှသထက်လှအောင် ဆိုင်တွေကို ပြင်ဆင်ပြီး သူ့ထက်ငါ အပြိုင်အဆိုင် ရှိနေကြသလို  ဓာတ်ပုံရိုက်နေသူတွေကလည်း မနည်းမနောပါဘဲ။

လပြည့်နေ့ညမှာတော့ ညနေကတည်းက လူတွေအားလုံးဟာ ခါတိုင်းထက်ပိုပြီး လှုပ်လှုပ်ရှားရှား ရှိနေကြပါတယ်.. အားလုံးမျှော်လင့်နေတဲ့ ဆီမီးခွက်မျှောပွဲ ပြုလုပ်မှာမို့ပါ။ ဘုန်းကြီးကျောင်းရေဆိပ်မှာတော့ ၀ါးဖောင်( ငှက်ပျောတုံးဖောင်) ပေါ်တင်ပြီး ပြသာဒ်တွေ မီးတွေထွန်းညှိ ပူဇော်ထားတဲ့ ရှင်ဥပဂုတ်ပုံတော်ကလည်း တင့်တယ်စွာ ရှိနေပါပြီ။ မီးခွက်တွေ မျှောတာနဲ့ ရှင်ဥပဂုတ်ဖောင်တော်ကိုလည်း မျှောချလိုက်မှာ ဖြစ်ပါတယ်.. ရေချောင်းဆိပ်ကမ်းတွေမှာ လူတွေအားလုံး ရောက်ရှိနေကြပြီး အိုးစည်ဒိုးပတ်အဖွဲ့ကလည်း ဆူညံစွာတီးမှုတ်အော်ဟစ်ရင်း အသံပေးနေကြပါပြီ။ အမှောင်ထုလေး သန်းလာတာနဲ့ ကောင်းကင်ယံမှာ တိမ်ကင်းစင်ဝင်းပနေတဲ့ လမင်းကြီးကလည်း တဖြေးဖြေး လင်းထိန်စပြုလာချိန်မှာတော့ ဆီတွေထည့်ထားတဲ့ အိုးတွေ၊ ဆီမီးခွက်ရောင်စုံထည့်ထားတဲ့ ခြင်းကြီးတွေကို လူအချို့က သယ်လာကြပြီးတာနဲ့ ဆီမီးခွက်ထဲ ဆီဖြည့်သူဖြည့်၊ မီးခွက်တွေကို မီးထွန်းညှိသူညှိနဲ့ အားလုံး လှုပ်လှုပ်ရှားရှား ဖြစ်ကုန်ကြပြီး ချောင်းရေထဲမှာလည်း မီးခွက်ရောင်စုံလေးတွေ စတင်မျှောပါစ ပြုလာနေပါပြီ။ ညအမှောင်က စိုးမိုးလာပြီး လမင်းကြီးကလည်း ရွှန်းရွှန်းမြမြ ၀င်းဝင်းပပ သာချိန်မှာတော့ ဆီမီးခွက်တွေအားလုံး မီးညှိပြီးဖြစ်လို့ ချောင်းရေထဲ ရောက်ကုန်ပါပြီ။ အဲဒီချိန်မှာတော့ ဥရုချောင်းထဲမှာ တစ်လက်လက် စီးမျှောနေတဲ့ အရောင်စုံ ဆီမီးခွက်ကလေးတွေ တစ်လုံးချင်းစီ သော်လည်းကောင်း အစုလိုက်သော်လည်းကောင်း လှပစွာ တွေ့ရပါပြီ။ မီးခွက်ရောင်စုံလေးတွေ ကြားမှာမှ ရှင်ဥပဂုတ် ဖောင်တော်က တအိအိနဲ့ ခန့်ထည်စွာ မျှောလာပါတော့တယ်.. ရွာအောက်ဘက် တံတားပေါ်ကနေ အဲဒီမီးခွက်ရောင်စုံ မျှောလာတဲ့ ရှုခင်းကို စောင့်ပြီးကြည့်သူတွေကလည်း တံတားတစ်ခုလုံး အပြည့်ပါဘဲ။  ချောင်းရေပြင်ကျယ်တစ်လျှောက်လုံး မီးရောင်စုံလေးတွေ စီကာတန်းကာ ဝေ့ကာဝိုက်ကာ စီးမျှောနေပုံက သီတင်းကျွတ်ရဲ့ အလှဆုံး ညသာ ဖြစ်ပါတော့တယ်. ကျွန်မ ဘယ်ဒေသ ဘယ်အရပ်ဘဲ ရောက်ရောက် မမေ့နိုင်တဲ့ မြင်ကွင်းလေးလည်း  ဖြစ်ပါတယ်..

ဒီလပြည့်ညမှာဘဲ ကျွန်မတို့ အရပ်ဒေသရဲ့ ဓလေ့စရိုက်က လူကြီးမိဘတွေကို ကန်တော့ကြခြင်းဘဲ ဖြစ်ပါတယ်.. ဦးဆုံး အိမ်က အဖေအမေ၊ အဖိုးအဖွားတွေကို ငွေကြေးဖြစ်စေ၊ မုန့်၊ ချိုချဉ်၊ သီးနှံစတဲ့ နှစ်သက်ရာတွေနဲ့ အရင် ကန်တော့ကြပြီး အမျိုးအဆွေတွေဖြစ်တဲ့ သက်ကြီးရွယ်ကြီးတွေ၊ ဦးလေးအဒေါ်တွေကိုလည်း သူတို့အိမ်တွေကို သွားရောက်လို့  ကန်တော့ကြရပါတယ်.. ကျွန်မတို့မိသားစုဆို မောင်နှမတွေများတော့ အားလုံး စုစုစည်းစည်းနဲ့ ပျော်ပျော်ပါးပါး လူကြီးတွေကို လိုက်ကန်တော့ရတာ ပျော်စရာ၊ စိတ်ချမ်းမြေ့စရာ ကောင်းလှပြီး နှစ်စဉ်နှစ်တိုင်း မပျက်ကွက်တဲ့ ဓလေ့ထုံးစံလေးလဲ ဖြစ်ပါတယ်.. ကန်တော့သူတွေရဲ့ မျက်နှာမှာလည်း ပီတိအပြုံးတွေ ခြုံလွှမ်းနေသလို၊ ကန်တော့ခံရသူတွေရဲ့ မျက်နှာပေါ်မှာလည်း အပြုံးပီတိတွေက ဂွမ်းဆီထိသလို ပြုံးပျော်နေတတ်ကြပါတယ်.. ကျွန်မတို့မိသားစုမှာ တစ်ယောက်ယောက်က အဝေးမှာ ရောက်နေရင်တောင် မိခင်ဖခင်တို့ကို ကိုယ်ထိလက်ရောက် မကန်တော့နိုင်ပေမဲ့ သီတင်းကျွတ် ကန်တော့ငွေများ ပေးပို့ပြီး ကျန်တဲ့မောင်နှမတွေက မိဘတွေကို စုစုရုံးရုံး ကန်တော့တဲ့အလေ့ကို ဆက်လက် ပြုလုပ်ကြပါတယ်.. ဒီအလေ့အထလေးကိုလည်း အဝေးမှာ ရောက်နေတဲ့ မိသားစုတစ်ယောက် အနေနဲ့ လွမ်းဆွတ်လှပါတယ်.. ချစ်ခင်ရပါသော မိခင်ဖခင်တို့ကိုလည်း အဝေးကနေ ရည်မှန်းလို့ ဦးချ ကန်တော့ပန်း ဆင်လိုက်ပါတယ်ရှင်။

သီတင်းကျွတ် လပြည့်ကျော်တစ်ရက်ကစလို့ ဟိုဘက်ရွာ၊ ဒီဘက်ရွာ အပြန်အလှန် ဘုန်းကြီးကန်တော့ လာရောက်ကြတာမို့ အကျွေးအမွေး ဧည့်ခံကြိုဆိုရေးတွေနဲ့ နောက် သုံးရက် လေးရက်ကြာအထိ ချက်ကြပြုတ်ကြ၊ ကျွေးမွေးကြနဲ့ မအားလပ်ကြတော့ပါဘူး။ ကျွန်မတို့ဆီမှာ အလှည့်ကျ ဘုန်းကြီးကန်တော့တဲ့ ရက်ကို သတ်မှတ်ပါတယ်.. ဒီနေ့ကိုယ့်မြို့ကိုယ့်ရွာကို တစ်ခြားရွာက လာရင် အိမ်ရှင် မြို့ခံက ထမင်းကျွေးရပါတယ်.. စက်လှေတွေ၊ ကားတွေနဲ့ ရောက်လာကြတဲ့ မြို့ရွာအသီးသီးက ဘုန်းကြီးကန်တော့ လာကြသူများ လူပေါင်း ထောင်သောင်းအုပ်ကြီးကို မလစ်ဟင်းရအောင် တစ်ရွာလုံးက ထောင့်စေ့အောင် ကျွေးမွေးဧည့်ခံရတာ ဖြစ်ပါတယ်။ အများအားဖြင့် ကျွေးမွေးကြတဲ့ ဟင်းတွေက အရည်သောက်ကတော့ မယ်ဇလီဆန်လှော်ချက်တာ များပါတယ်.. တောအုန်းဆန်လှော် ဟင်းချိုလည်း ကျွေးတတ်ပါသေးတယ်..  အခြားဟင်းတွေကတော့ ငါးချဉ်နဲ့ ရောနှယ်ကာ ညသိပ်ပြီး နှပ်ထားတဲ့ ငှက်ပျောအူသုပ်၊ ငါးပိချက်အတို့အမြုပ်၊ တစ်ခါတစ်ရံ ၀က်သားနဲ့ ကျောက်ဖရုံသီး၊ ကျွန်မတို့ဒေသမှာ စားလေ့ရှိတဲ့ ဟင်းပေါင်းဟင်းလှော်၊ မျှစ်ချဉ်လှော်၊ ငရုပ်သီးထောင်း၊ ဘာလချောင်ကြော် စသဖြင့် ဟင်းတွေကို ဘယ်လောက်များတဲ့ လူတွေဖြစ်ပါစေ။ နိုင်အောင် ကျွေးမွေးဧည့်ခံကြရပါတယ်.. ဆန်အိတ်ပေါင်း ၄၀လောက်အထိ ကျွေးရတဲ့ နှစ်တွေ ရှိခဲ့ပါတယ်.. ထမင်းကျွေးတဲ့ နေရာတွေကလည်း ဘုန်းကြီးကျောင်းရဲ့ ၇နေရာ ၈နေရာမှာ အုပ်စုတွေခွဲပြီး ပြင်ဆင်ကျွေးမွေးကြတာပါ။ ကျွေးမွေးတဲ့ နေရာတိုင်းမှာလည်း လက်မလည်အောင် လူတွေ စည်ကားနေတတ်ပါတယ်။
နောက်ရက်တွေမှာ အခြားမြို့ရွာကို ကျွန်မတို့မြို့က ဘုန်းကြီးကန်တော့ သွားကြရပါတယ်.. ဘုန်းကြီးကန်တော့ သွားရောက်ကြမဲ့ လူများအတွက် ရပ်ရွာက ကားစက်လှေ စတာတွေ စီစဉ်ပေးပါတယ်.. အဲဒီမှာလည်း လာသမျှ ပရိတ်သတ်ကို ထမင်းနဲ့ ဧည့်ခံကျွေးမွေးကြပါတယ်.. ထမင်းစားသောက်ပြီး မြို့ထဲ လျှောက်လည်ကြပတ်ကြ၊ အမျိုးတွေအိမ် သွားကြနဲ့ နေ့လည်တစ်နာရီလောက်မှာမှ ဘုန်းကြီးကျောင်းကို ပြန်လာကြပြီး ဘုန်းတော်ကြီးများကို ကန်တော့ကြပါတယ်.. လူများလွန်းတဲ့အတွက် အလွန်ကြီးမားတဲ့ ကျောင်းကြီးဟာ ပြည့်ကျပ်နေတာမို့ တစ်သုတ်ပြီးတစ်သုတ် ကန်တော့ကြရပါတယ်.. ဘုန်းကြီးတွေကလဲ အလှည့်ကျ တရားပေး၊ သီလပေးရပါတယ်.. ကျောင်းပေါ်မှာလည်း လှူတန်းထားကြတဲ့ လှူဖွယ်ပစ္စည်းတွေ တောင်ပုံရာပုံဖြစ်နေတာ မြင်ရတာ ကြည်နူးဖို့ ကောင်းလှပါတယ်.. မြန်မာလူမျိုးတွေရဲ့ အလှူအတန်းရက်ရောပုံကို အထင်းသားမြင်နိုင်တဲ့ ချိန်ခါလည်း ဖြစ်ပါတယ်.. ကန်တော့ပြီးတဲ့လူတွေက စောင့်ဆိုင်းနေတဲ့ စက်လှေများ၊ ကားများနဲ့ တစ်စီးပြည့်တိုင်း တစ်စီးပြည့်တိုင်း အလှည့်ကျ ထွက်ခွာလို့ ကိုယ့်မြို့ရွာကို ပြန်ကြပါတော့တယ်.. ညရောက်ချိန်မှာတော့ ဘုန်းတော်ကြီးကျောင်းမှာ မီးထွန်းသွားကြသူတွေက သွားကြသလို  အိမ်တိုင်းကလည်း မီးထွန်းကြပါတော့တယ်.. မီးအလှကြည့်ဖို့ လမ်းလျှောက်သူတွေ၊ ဗျောက်အိုးဖောက်သူနဲ့ မီးရှူးမီးပန်းလွှတ်ကြသူတွေ၊  ပွဲကြည့်သူတွေ၊ မီးအလှကြည့်သူတွေနဲ့ စည်ကားဆူညံနေတဲ့ သီတင်းကျွတ်ညတွေ ဖြစ်ပါတယ်..

နောက်ရက်မှာတော့ အရင်ရက်က ဘုန်းကြီးကန်တော့ မလာရသေးတဲ့ ရွာတွေမြို့တွေက ကျွန်မတို့ရဲ့ ရွာကလေးဆီ ထပ်ရောက်လာကြပြန်ပါတယ်.. ဒီတော့လည်း မမောနိုင် မပန်းနိုင် အကျွေးအမွေးနဲ့ ပြန်ဧည့်ခံကြရပြန်ပါတယ်..  ဘုန်းကြီးကန်တော့ လာရောက်ကြသူတွေကလည်း အတီးအမှုတ်တွေ အိုးစည်ဒိုးပတ်တွေ၊ ရှမ်းအိုးစည်တွေ၊ ဦးရွှေရိုး ဒေါ်မိုး စတဲ့ အကအလှတွေ ရှမ်းသိုင်းကသူတွေ စသဖြင့် စုံလင်လှပါတယ်.. လာတဲ့သူတွေလဲ ပျော်၊ ဧည့်ခံသူတွေမှာလည်း မောပေမဲ့ ပျော်ကြရပါတယ်.. ဘုန်းကြီးကျောင်းဝင်းထဲမှာလည်း လူတွေ ပြည့်ကြပ်ညှပ်နေအောင်ကို စည်ကားလှပါတယ်.. သီတင်းကျွတ်ပွဲတော်ရက် ဘယ်လောက်ကြာကြာ တစ်ရွာလုံးက ပျော်ပျော်ပါးပါးဆင်နွဲရင်း ဓလေ့ထုံးစံအလိုက် ကျင်းပကြတဲ့ ကျွန်မတို့ဒေသရဲ့ ချစ်စရာ မီးထွန်းပွဲတော် ရက်များဘဲ ဖြစ်ပါတယ်..



ဒါတွေဟာ ကျွန်မရဲ့ မွေးဖွားရာ ဇာတိဒေသဖြစ်တဲ့ ကချင်ပြည်နယ် ဖားကန့်ဒေသအနီးတစ်ဝိုက်က ကျေးရွာတွေရဲ့ သီတင်းကျွတ်ပွဲတော် အကြောင်းလေးပါ။ ကျွန်မကိုယ်တိုင်က သတိရနေတာဖြစ်သလို အခြားသူများကိုလည်း ပြန်လည် မျှဝေချင်တာကြောင့် အမှတ်တရ ရေးတင်ဖြစ်တာပါ။ အားလုံးလည်း သီတင်းကျွတ်မှာ ပျော်ရွှင်ကြပါစေ။ မိဘဆရာ ဘိုးဘွား လူကြီးသူမများကို ကန်တော့ပန်းဆင်နိုင်ကြပါစေရှင်။


ပုံတွေက ရိုက်ထားတာ မရှိလို့ Google ကနေ ရှာတင်ထားတာ ဖြစ်ပါတယ်.

လက်ကိုင်ဖုန်းရဲ့ အန္တရာယ်များ

လက်ကိုင်ဖုန်းအသုံးပြုသူများအနေနဲ့ သိမှတ်ဖွယ် ဆောင်ရန်ရှောင်ရန် တစ်ချို့ကို ကျွန်မ ရှာဖွေ ဖတ်ရှုမိတာလေး ပြန်လည် ဝေမျှပေးချင်ပါတယ်..

 

၁. ကလေးများကို အရေးပေါ်ကိစ္စမှ တစ်ပါး အခြားကိစ္စများအတွက် လက်ကိုင်ဖုန်း အသုံးပြုခွင့် မပေးသင့်ပါ။  ကလေးများ၏ ဦးခေါင်းခွံသည် လူကြီးများနှင့်စာလျှင် အလွန်းပါးလွှာပြီး ဦးနှောက်တွင်လည်း လူကြီးထက်စာလျှင် အရည်ပါဝင်မှု ပိုမို များပြားသောကြောင့် လက်ကိုင်ဖုန်းမှ ထုတ်လွှင့်သော လျှပ်စစ်လှိုင်းများမှာ ကလေးများ၏ ဦးနှောက်အတွင်းသို့ အလွယ်တကူ လျှင်မြန်စွာ ဖြတ်သန်းသွားလာနိုင်ခြင်းကြောင့် ကင်ဆာဖြစ်နိုင်ခြေကို ပိုမိုမြင့်တက်စေနိုင်ပါသည်။ သင်၏ကလေးတွင် လက်ကိုင်ဖုန်း ရှိနေပါကလည်း ၄င်း လက်ကိုင်ဖုန်းကို ခေါင်းအုံးအောက်တွင် ထား၍ အိပ်စက်ခြင်းကို အထူးရှောင်ကျဉ်စေလိုပါသည်။

ဦးနှောက်ကင်ဆာဖြင့် သေဆုံးသူ ကလေးအရေအတွက်သည် အခြားကင်ဆာဖြင့် သေဆုံးသော အရေအတွက်ထက် ပိုမိုမြင့်မားလျှက် ရှိနေပါသည်။ ( Sydney TV News Report)

ဦးနှောက်ကင်ဆာသည် အသက်၁၅နှစ်အောက် ကလေးများနှင့် အသက် ၃၄နှစ်အောက် လူငယ်များအတွက် ဒုတိယ သေနှုန်းအများဆုံး ရောဂါတစ်ခု ဖြစ်လာနေပါသည်။ ( Neurologychannel.com)

 

၂.ကိုယ်ဝန်ဆောင် မိခင်လောင်းများ (သို့မဟုတ်) ကိုယ်ဝန်ရှိနေသည်ဟု သံသယ ဖြစ်သောသူများ လက်ကိုင်ဖုန်းဖြင့် ဖုန်းပြောခြင်းကို ရှောင်ကျဉ်သင့်သည်။ အဘယ်ကြောင့်ဆိုသော် မိခင်၏ ကိုယ်တွင်းရှိ ဖွံ့ဖြိုးဆဲ သန္ဓေသားလောင်းသည် အလွန်နူးညံ့ သိမ်မွေ့လွန်းသောကြောင့် လက်ကိုင်ဖုန်းမှ ဖြာထွက်လာသော လျှပ်စစ်သံလိုက်လှိုင်းများသည် ၄င်း ဖွံ့ဖြိုးစ သန္ဓေသားလောင်းအား ဆိုးကျိုးဖြစ်စေနိုင်ပါသည်။ ကလေးငယ်လေးများကို ပွေ့ပိုက်ထားရင်းဖြင့် သော်လည်းကောင်း၊ လွယ်ပိုးထားရင်းဖြင့်သော်လည်းကောင်း လက်ကိုင်ဖုန်းပြောခြင်းကိုလည်း ရှောင်ကျဉ်သင့်ပါသည်။ မလွှဲမရှောင်သာသော အရေးပေါ်ကိစ္စများတွင်သာ တိုတိုနှင့်လိုရင်းသာ ပြောဆိုသင့်ပါသည် ။



၃. လက်ကိုင်ဖုန်းကို အချိန်ကန့်သတ်ပြီးမှပြောပါ။ အချိန်ကြာကြာ ပြောခြင်းကို ရှောင်ကျဉ်ပါ။ အချိန်ကြာကြာပြောလေ ဦးနှောက်ကင်ဆာ၊ မျက်စိကင်ဆာ ဖြစ်နိုင်ခြေ ပိုများလေ ဖြစ်သည်ဟု သိရပါသည်။ လက်ကိုင်ဖုန်းဖြင့် စကားပြောလျှင် တိုတိုနှင့် လိုရင်းပြောကျင့် ပြုလုပ်ပါ ။ ဖုန်းပြောချိန် ကန့်သတ်ခြင်းသည် သင်၏ ငွေကြေးကိုသာ အကုန်အကျ သက်သာစေသည်မဟုတ်။ သင်၏ ကျန်းမာရေးကိုလည်း ကာကွယ်စောင့်ရှောက်ရာ ရောက်ပါသည်။

၎. သင်၏လုပ်ငန်းခွင်နှင့် အချိန်ကြာကြာ စကားပြောရသည့် နေရာများအတွက် ရိုးရိုးကြိုးဖုန်းကိုသာ အတတ်နိုင်ဆုံး အသုံးပြုပါ။ ကြိုးမဲ့ cordless ဖုန်းများသည်လည်း လျှပ်စစ်သံလိုက်လှိုင်း ဖြာထွက်မှု အလွန်မြင့်မားပြီး အသုံးမပြုချိန်မှာတွင်ပင် လှိုင်းများ ဖြာထွက်နေဆဲ ဖြစ်ပါသည်။

၅.လက်ကိုင်ဖုန်းကို ခန္ဓာကိုယ်နှင့် ဝေးနိုင်သမျှ ဝေးဝေးထားပါ။  ဖုန်းပြောလျှင်လည်း မိမိဦးခေါင်းနှင့် အနည်းဆုံး ၂လက်မခန့်ခွာ၍ ပြောခြင်းဖြင့် ဦးနှောက်သို့ လျှပ်စစ်သံလိုက်လှိုင်းများ ရောက်ရှိခြင်းကို ၇၅%နှုန့်ခန့် ကာကွယ်ပြီးသား ဖြစ်စေနိုင်ပါသည်။ ဒေါက်တာ ဂျော့ခ်ျကားလို၏ အကြံပေးချက်မှာ လက်ကိုင်ဖုန်းကို မည်သည့်အချိန်တွင်ဖြစ်စေ ကိုယ်ခန္ဓာနှင့် အနည်းဆုံး ၆လက်မ ၇လက်မခန့် ဝေးဝေးထားခြင်းသည် အကောင်းဆုံး ဖြစ်ပါသည်။

၆. အပြင်သွားလျှင် လက်ကိုင်ဖုန်းကို ခါးပတ်တွင် ချိတ်သွားခြင်း၊ လက်တွင်းကိုင်ဆောင်သွားခြင်း၊ အင်္ကျီအိတ်ထောင်များအတွင်း ထည့်သွားခြင်းတို့ကို ရှောင်ကျဉ်သင့်ပါသည်။ ၀မ်းဗိုက်ရှိ ခန္ဓာကိုယ်တစ်ရှူးများသည် ဦးခေါင်းထက်ပို၍ လျှပ်စစ်လှိုင်းများကို ပို၍လျှင်မြန်စွာ စုပ်ယူနိုင်စွမ်းရှိပါသည်။ ထို့ကြောင့် အမျိုးသားများတွင်လည်း  ကလေးရရှိရန် အခွင့်အရေး နည်းပါးခြင်းမျိုး ဖြစ်နိုင်ပါသည်။ မဖြစ်မနေ အိတ်အတွင်းထည့်ယူသွားဖို့ လိုအပ်လာလျှင် လက်ကိုင်ဖုန်း ကီးပက်( Key Pad) ကို ခန္ဓာကိုယ်နှင့် မျက်နှာချင်းဆိုင် အနေအထားတွင် ထား၍ သယ်ယူသွားခြင်းက ဖုန်းအဲန်တင်နာနှင့် မျက်နှာချင်းဆိုင် မဖြစ်စေနိုင်တော့ပါ။

၇. လက်ကိုင်ဖုန်းပြောလျှင် နားကြပ်များအသုံးပြုခြင်း၊ လက်ကိုင်ဖုန်းမှ သီချင်းများကို နားကြပ်ဖြင့် အချိန်ကြာမြင့်စွာ နားထောင်ခြင်းတို့သည်လည်း လက်ဖြင့်ကိုင်၍ ဖုန်းပြောခြင်းထက် သုံးဆပိုပြီး နားနှင့် ဦးနှောက်ကို လျှပ်စစ်သံလိုက်လှိုင်းများ ပြင်းထန်စွာ ထိခိုက်စေနိုင်ပါသည်။ အဘယ်ကြောင့်ဆိုသော် လက်ကိုင်ဖုန်းများအတွက် ထုတ်လုပ်ထားသော နားကြပ်များမှာ အဲန်တင်နာသဖွယ် ဖြစ်စေသောကြောင့်  လျှပ်စစ်လှိုင်းများမှာ နားအတွင်းသို့ တိုက်ရိုက် ၀င်ရောက်နိုင်သောကြောင့် ဖြစ်ပါသည်။ ထို့ကြောင့် လက်ကိုင်ဖုန်းဖြင့် နားကြပ်ကိုအသုံးပြု၍ သီချင်းနားထောင်ခြင်းကို ရှောင်ကျဉ်သင့်ပါသည်။

၈. ဖုန်းပြောလျှင် နားနှင့် တိုက်ရိုက်ကပ်ပြောခြင်းထက် စပီကာဖွင့်၍ ပြောခြင်းက သင့်အတွက် ပို၍ အန္တရာယ်ကင်းစေနိုင်ပါသည်။ ခန္ဓာကိုယ်နှင့် ဝေးနိုင်သမျှ ဝေးခြင်းသည် မိမိကျန်းမာရေးအတွက် စိတ်အချရဆုံး အနေအထား ဖြစ်ပါသည်။ ဘလူးတု(ခ်ျ)ကို အသုံးပြု၍ ဖုန်းပြောခြင်းသည် လျှပ်စစ်သံလိုက်လှိုင်း ဖြာထွက်ခြင်း အပုံတစ်ရာလျှင် တစ်ပုံသာ ရှိတော့သည်ဟု ဆိုသော်လည်း ဘလူးတုခ်ျကို အသုံးပြုခြင်းသည် အကောင်းဆုံးဖြစ်သည် ဟူ၍တော့ မပြောနိုင်ပေ။ အဘယ်ကြောင့်ဆိုသော် ဘလူးတုခ်ျကို အသုံးပြုလျှင် လျှပ်စစ်လှိုင်းများမှာ နားသို့တိုက်ရိုက် ၀င်ရောက်နိုင်သဖြင့် အသုံးပြုသူများ စဉ်းစားဖွယ် ဖြစ်ပါသည်။

.သတ္တုဖြင့် ပြုလုပ်ထားသော အလုံပိတ်အခန်းများ ဓာတ်လှေကား၊ လေယာဉ်ပျံ၊ မီးရထား၊ မြေအောက်ရထား၊ စက်ကိရိယာများ အတွင်းစသည်တို့နှင့် အခြား သတ္တုအဆောက်အဦးများတွင် လက်ကိုင်ဖုန်းပြောခြင်းကို ရှောင်ကျဉ်သင့်ပါသည်။ သတ္တုအဆောက်အဦး အလုံပိတ်များသည်  လျှပ်စစ်လှိုင်းများအား ၄င်းတို့ထဲတွင် လှောင်အိမ်သဖွယ် ပိတ်မိနေစေကာ သင်နှင့် အခြားသူများအား ထိခိုက်နိုင်ပါသည်။ ထို့ကြောင့် ၄င်းနေရာများတွင် ရောက်ရှိနေပါက လက်ကိုင်ဖုန်းကို ပိတ်ထားသင့်ပါသည်။

၁၀.ဆက်သွယ်မှုဧရိယာ ကောင်းမွန်စွာ မိသော နေရာတွင်သာ ဖုန်းပြောသင့်ပါသည်။ လိုင်းကောင်းစွာ မမိသောနေရာ၊ အရှိန်ဖြင့်သွားလာနေသော ကား၊ ရထား၊ လေယာဉ်ပျံ၊ မြေအောက်ရထား တို့ပေါ်တွင် ဖုန်းပြောခြင်းကို ရှောင်ကျဉ်သင့်ပါသည်။ ယင်းကဲ့သို့ အမြန်ပြေးလွှားနေသော နေရာများပေါ်မှ ဖုန်းပြောပါက အနီးဆုံး တယ်လီဖုန်းစတေရှင်သို့ ဆက်သွယ်နိုင်ရန် လက်ကိုင်ဖုန်းသည် ပါဝါပို၍ စိုက်ထုတ်ရသောကြောင့် လျှပ်စစ်သံလိုက်လှိုင်း ဖြာထွက်မှု ပိုမိုများပြားပါသည်။

၁၁.ညအိပ်ချိန်တွက် လက်ကိုင်ဖုန်းကို ပိတ်ထားသင့်ပါသည်။ လက်ကိုင်ဖုန်း၊ လျှပ်စစ်နာရီ၊ နိုးစက်နှင့် လျှပ်စစ်ပစ္စည်း အသုံးအဆောင်များမှ ဖြာထွက်သော လျှပ်စစ်သံလိုက်လှိုင်းများသည် သင်၏ အိပ်စက်ခြင်းကို အနှောက်အယှက် ပေးနိုင်ပါသည်။ ထို့ကြောင့် အိပ်စက်ချိန်တွင် လက်ကိုင်ဖုန်းကို ပိတ်ထားခြင်း၊ အခြား လျှပ်စစ်ပစ္စည်းများအားလည်း မိမိနှင့်ဝေးရာနေရာ(အနည်းဆုံး ၆ပေခန့်အကွာ)တွင် ထားသင့်ပါသည်။

~~~~~~~~~~~~~~~~~~~~~~~~~~~~~~~~~~~~~~~~~~~~
လက်ကိုင်ဖုန်း အသုံးပြုခြင်းနဲ့ပတ်သက်ပြီး ဆိုးကျိုးသက်ရောက်မှု ရှိမရှိဆိုတာ နိုင်ငံအချို့မှာ အငြင်းပွားနေကြဆဲ ဖြစ်ပါတယ်.. တယ်လီဖုန်းထုတ်လုပ်တဲ့ ကုမ္ပဏီကြီးတွေကတော့ သူတို့ စီးပွားရေးကျဆင်းမှာ စိုးတဲ့အတွက် လက်ကိုင်ဖုန်းဟာ ဘာအန္တရာယ်မှ မရှိကြောင်း ခုခံပြောဆိုနေကြပေမဲ့ အသက်ကို ဥာဏ်စောင့်၍ မိမိကျန်းမာရေးကို ကာကွယ် စောင့်ရှောက်နိုင်ကြပါစေရှင်။


(Important Tips for Cell Phone Users) Source from Funzug.com

ဆန်းဆန်းပြားပြား ကျောက်တုံးကျောက်ဆောင်များ

ကမ္ဘာတစ်လွှားမှာ ထူးထူးခြားခြား ပုံသဏ္ဍာန်တွေကြောင့် ထင်ရှားကျော်ကြားတဲ့ ကျောက်တုံးတွေ အကြောင်း ပြောပြချင်ပါတယ်ရှင်။ လူတွေရဲ့ ပြုပြင်ဖန်တီးမှုကြောင့် မဟုတ်ဘဲ သဘာဝရဲ့ စွမ်းအားများကြောင့်း စိတ်ဝင်စားဖွယ် ဆန်းဆန်းပြားပြား ဖြစ်ပေါ်နေတဲ့ ကမ္ဘာ့နေရာ အနှံ့အပြား ၁၀ နေရာက ဆွဲဆောင်မှုအား အကောင်းဆုံး ကျောက်တုံး ကျောက်ဆောင်များ အကြောင်းဖြစ်ပါတယ်.. အဲဒီ ကမ္ဘာတစ်လွှားက ထူးထူးခြားခြားအဖြစ် သတ်မှတ်ထားခြင်းခံရတဲ့ ကျောက်တုံးတွေထဲမှာ ကျွန်မတို့ မြန်မာနိုင်ငံက ကျိုက်ထီးရိုးစေတီတည်ထားတဲ့ ကျောက်တုံးဟာ ထိပ်ဆုံးက ပါဝင်ပါတယ်။

Golden Rock ( Myanmar)



ကြည်ညိုဖွယ်ရာ အဆင်းဖြင့် ကမ္ဘာ့အံ့ဖွယ် ကျိုက်ထီးရိုးစေတီတော်

ခပ်စောင်းစောင် အနေအထားဖြင့် မည်သည့် အထောက်အကူမှ မပါဘဲ သဘာဝရဲ့ ဆန်းကျယ်မှုဖြင့် ရပ်တည်နေသော စေတီတော်ကြီး

အဝေးက ကြည့်လျှင် လွမ်းမောဖွယ် တွေ့မြင်ရတဲ့ စေတီတော်

မွန်ပြည်နယ် ကျိုက်ထိုအနီးတွင် တည်ရှိပြီး နိုင်ငံခြားသားများက Golden Rock လို့ခေါ်ဆိုကြတဲ့ ကျိုက်ထီးရိုးစေတီဟာ တွေ့မြင်ရသူတိုင်း မအံ့သြဘဲ မနေနိုင်လောက်အောင် ထူးခြားတဲ့ ကျောက်တုံးစေတီတော် ဖြစ်ပါတယ်။ စေတီတော် တည်ရှိရာ ကျောက်တုံးဟာ လုံးပတ် ပေ ၅၀ ကျယ်ဝန်းပြီး ဂရင်းနိုက်ကျောက် အမျိုးအစားဖြစ်ကာ စေတနာအလှူရှင်များက လှူဒါန်းတဲ့ ရွှေဆိုင်းများကြောင့် ကြည်ညိုဖွယ်ရာ ရွှေရောင်အဆင်းဖြင့် ၀င်းဝါနေပြီး စေတီတော်တစ်ဆူလုံးဟာ ဥာဏ်တော်အမြင့် ၁၈ပေ ရှိပါတယ်… ဗုဒ္ဓဘာသာဝင်တို့အတွက် အထွတ်အမြတ်ထားရာ စေတီဖြစ်ပြီး အံ့မခန်းဖွယ် ထူးခြားမှုတွေကြောင့်  ပြည်တွင်း ဘုရားဖူးသူများနဲ့ နိုင်ငံခြားသားများအတွက် ဆွဲဆောင်မှု ကောင်းလှပါတယ်။ ကျိုက်ထီးရိုးစေတီဟာ ကြီးမားသော ကျောက်အစွန်းဖျားပေါ်မှာ ပြုတ်ကျလုတဲတဲ တည်ရှိနေပြီး ကမ္ဘာမြေကြီးရဲ့ ဆွဲငင်အားကို ကြံ့ကြံ့ခံနိုင်သည့်နှယ် တည့်မတ်စွာ တည်ရှိနေတာ ဖြစ်ပါတယ်.. အဝေးက လှမ်းကြည့်လျှင် အောက်ကို ပြုတ်ကျသွားတော့မည်ဟုပင် ထင်ရလောက်အောင် ထူးဆန်းဖွယ် ရှိနေပြီး အင်အား အနည်းငယ်လေးဖြင့် တွန်းလိုက်ရုံမျှနဲ့ လှုပ်လှုပ်ရှားရှား ဖြစ်နေသော်လည်း ရာသီဥတုဒဏ်၊ လေဒဏ်၊မိုးဒဏ် မည်မျှပင် ပြင်းထန်သော်လည်း မည်သည့် ထောက်ကူထိန်းမထားခြင်းမှ မပါဘဲ သဘာဝအတိုင်း ထိုကျောက်ဆောင် အစွန်းပေါ်မှာ ခိုင်ခိုင်မတ်မတ် တည်ရှိနေနိုင်တာကြောင့် ထူးခြားဆန်းပြားပြီး ကမ္ဘာကျော်ရခြင်းဖြစ်ပါတယ်။

~~~~~~~~~~~~~~~~~~~~~~~~~~~~~~~~

The Wave (Arizona, USA)



တွန့်ကာ ကွေးကာ

လှိုင်းများ

ဒီလို ကပ်သီးကပ်သပ် လျှောက်ရပါတယ်.

အထပ်ထပ် အလွှာလွှာ


Coyote Buttes သဲကျောက်လွှာတွေဟာ  အမေရိက၊ အရီဇိုးနားပြည်နယ်ရှိ ကော်ရိုရာဒို ကုန်းပြင်မြင့်ဒေသမှာ သဘာဝအတိုင်း ဖြစ်ပေါ်နေတဲ့ ရေလှိုင်းပုံ ကျောက်လွှာများဖြစ်ပြီး လှပဆန်းကျယ်သော အရောင်အသွေးများနဲ့ ထူးထူးဆန်းဆန်း လှိုင်းတွန့်များလို အလွှာလွှာ အထပ်ထပ်နဲ့ ဖြစ်ပေါ်နေတာမို့ The Wave လို့ခေါ်ဆိုကြပါတယ်..  ခြေလျှင် တောင်တက် ခရီးဖြင့်သာ အဲဒီ ကျောက်လွှာတွေကို လှည့်ပတ်ကြည့်ရှုနိုင်ပြီး လှိုင်းတွန့်ကျောက်လွှာများဟာ ပတ်ပတ်လည် အနည်းဆုံး ၆မိုင်နီးပါး ကျယ်ဝန်းပြီး အမြင့်ဆုံးနေရာတွေဟာ ပေ ၃၅၀ ခန့် ရှိတယ်လို့ သိရပါတယ်.. တောင်တက်ဝါသနာပါသူများနဲ့ စွန့်စားခရီးသွားချင်သူများအတွက် စိတ်ဝင်စားဖို့ကောင်းလှတဲ့ နေရာတစ်ခု ဖြစ်သော်လည်း ၄င်းဒေသမှာ မည်သူမျှ ညအိပ်ခွင့် မရှိဘဲ တောင်တက်အတွေ့အကြုံ မရှိသူများအနေနဲ့လည်း သွားဖို့ မသင့်တော်ဘူးလို့ ဆိုပါတယ်။ ကျွမ်းကျင်တဲ့ လမ်းပြတွေ ငှားပြီးမှ သွားရောက်သင့်တဲ့ ဒေသဖြစ်ပြီး  ဆိုးဆိုးဝါးဝါး ခြောက်သွေ့လှတဲ့ ကန္တာရ ဒေသဖြစ်တာကြောင့် အစားအသောက်နဲ့ သောက်ရေကို ကိုယ်တိုင် သယ်ပိုးယူဆောင်သွားရတာ ဖြစ်ပါတယ်.. ဒါကြောင့် အဲဒီနေရာကို သွားဖို့အတွက် ခွင့်ပြုချက်ရဖို့ လပေါင်းများစွာ ကြိုတင်ပြီး လုပ်ထားဖို့လိုပြီးတော့ ၀င်ကြေးမှာ လူတစ်ဦးကို ၇ဒေါ်လာသာ ဖြစ်သော်လည်း တစ်ရက်ကို လူ၂၀ဦးသာ ၀င်ခွင့်ရသော သွားလာခွင့် ကန့်သတ်ထားတဲ့ နေရာဒေသ ဖြစ်ပါတယ်.. စိတ်ဝင်စားသူ များပြားလှသော်လည်း  ကန့်သတ်နယ်မြေ ဖြစ်တာကြောင့် သွားရောက်ဖူးသူ အရေအတွက်မှာ နည်းပါးလှပါတယ်။

~~~~~~~~~~~~~~~~~~~~~~~~~~~~~~

Ayers Rock (Australia)




အဝေးက မြင်ရတဲ့ ကျောက်ကြီး ဧရာ



ဇလုံတစ်လုံး မှောက်ထားသလို

ကျောက်တောင်ကြီးကို ကိုးကွယ်ကြတဲ့ Anangu ခေါ် ဌာနေ ဒေသခံတိုင်းရင်းသား မျိုးနွယ်စု


ကျောက်တောင်ကြီးကို အပေါ်စီးက မြင်ရပုံ


Ayers Rock  ခေါ် Uluru  ဧရာမ ကျောက်ဆောင်ကြီးဟာ သြစတျေးလျနိုင်ငံရှိ လွင်ပြင်ကြီးပေါ်မှာ အမြင့်ပေ ၁၁၄၂ ရှိပြီး လွင်ပြင်ကြီးထဲမှာ သူတစ်ခုတည်း ထီးထီးမားမား တည်ရှိနေတဲ့ ကမ္ဘာ့အကြီးဆုံး ကျောက်တောင်ကြီးအဖြစ် ထင်ရှားကျော်ကြားပါတယ်.. ကျောက်တောင်ကြီးရဲ့ လုံးပတ်ဟာ ၆မိုင်ခန့် ရှိပြီး ကြီးမားကျယ်ဝန်းတဲ့ ကျောက်ဆောင်ကြီး ဖြစ်တာကြောင့် ဘေးပတ်ဝန်းကျင်ရှိ အရာဝတ္ထုများ အားလုံးဟာ ၄င်းကျောက်ဆောင်ကြီးနဲ့ နှိုင်းယှဉ်လိုက်တဲ့အခါ အလွန် သေးငယ်သွားတယ်လို့ ထင်ရပါတယ်.. အာရုံဦးအချိန်ကနေ ညနေဆည်းဆာချိန်ထိ နေအလင်းရောင်ပေါ်မူတည်ပြီး ကျောက်တောင်ကြီးဟာ အနီရောင်ကနေ အညိုရောင်ထိ အရောင်မျိုးစုံ ပြောင်းလဲမြင်တွေ့နိုင်ပါတယ်.. ၄င်းဒေသမှာ ရှေးဦးမဆွကတည်းက နေထိုင်ခဲ့ကြတဲ့ Anangu လို့ခေါ်တဲ့ တိုင်းရင်းသား မျိုးနွယ်စု တို့ရဲ့ အထွတ်အမြတ်ထား ကိုးကွယ်ကြတဲ့ ကျောက်တောင်ကြီးလဲ ဖြစ်ပါတယ်။ ဒါကြောင့် အဲဒီလူမျိုးစုတွေက သူတို့ အထွတ်အမြတ်ထားတဲ့ ဒီကျောက်တောင်ကြီးပေါ်က ခရီးသွားလေ့လာသူများ တက်ရောက် ကြည့်ရှုသွားလာကြတာကို ကန့်ကွက်ကြတယ်လို့ ဆိုပါတယ်။

~~~~~~~~~~~~~~~~~~~~~~~~~~~~~~~~~~~~

Stone Tree (Bolivia)




သစ်ပင်သဏ္ဍာန် ကျောက်တုံး



လေပြင်း မုန်တိုင်းဒဏ်ကို ကြံ့ကြံ့ခံကာ


ဒီကျောက်ဆောင်ကြီးကတော့ လူတွေရဲ့ ပယောဂကြောင့် မဟုတ်ဘဲ လေနဲ့ သဲတို့ရဲ့ အင်အားပြင်း တိုက်စားမှုကြောင့် သစ်ပင်ပုံသဏ္ဍာန် ဖြစ်ပေါ်လာတာမို့ Stone Tree ရယ်လို့ လူသိများပါတယ်.. ဘိုလီးဘီးယားနိုင်ငံနယ်စပ် အက်ကွေဒေါ ကုန်းပြင်မြင့်အနီး Siloli   ကန္တာရထဲမှာ  တည်ရှိပြီး ကမ္ဘာပေါ်က အလှဆုံး သဘာဝ ရှုခင်းတစ်ခုထဲမှာ ပါဝင်တယ်လို့ သိရပါတယ်။ ကွင်းပြင်ကြီးထဲမှာ ထီးထီးမားမား တည်ရှိနေတဲ့ ကျောက်ဆောင်ကြီးရဲ့အလှက အံ့မခန်း ဖြစ်ပါတယ်။

~~~~~~~~~~~~~~~~~~~~~~~~~~~~~~~~~~

Mushroom Rock (Egypt)




မှိုပွင့်သဏ္ဍာန် ကျောက်ဆောင်



မနက်ခင်းရဲ့ အောက်မှာ


ကမ္ဘာပေါ်ရှိ ထင်ရှားတဲ့ ကျောက်ဆောင်တွေထဲက တစ်ခုအပါအ၀င်ဖြစ်တဲ့ အီဂျစ်နိုင်ငံက မှိုပွင့်သဏ္ဍာန် ကျာက်တုံးဖြစ်ပါတယ်.. rock pedestals လို့လည်း ခေါ်ကြပြီး ၄င်းကျောက်ဆောင်ဟာ ရာသီဥတု အချိန်ကာလတို့ရဲ့ တိုက်စားမှုကြောင့် ဖြစ်ပေါ်လာရတဲ့ သဘာဝတရားရဲ့ အလှပဆုံး ပုံသဏ္ဍာန်တစ်ခု ဖြစ်ပါတယ်.. ကန္တာရကြီးအတွင်းမှာ နှစ်ထောင်ပေါင်းများစွာကတည်းက တည်ရှိနေခဲ့တဲ့ ကျောက်ဆောင်တွေဟာ အထက်အောင် မတူညီတဲ့ လေပြင်းမုန်တိုင်းတို့ရဲ့ ပွတ်တိုက်မှုတွေကြောင့် ကျောက်ဆောင်အောင်ခြေက ပိုတိုက်စားခံရပြီး အပေါ်မှာ တော့ ကျယ်ပြန့်တဲ့ အခုလို မှိုပွင့်သဏ္ဍာန်များ ဖြစ်ပေါ်လာရတယ်လို့ သိရပါတယ်။

~~~~~~~~~~~~~~~~~~~~~~~~~~~~~~~~~~~~

Melting Shadows (Utah, USA)






လွန်ခဲ့သော နှစ်သန်းပေါင်း ၂၀၀လောက်က အနယ်ကျပြီး ဖြစ်ပေါ်တည်ရှိခဲ့တဲ့ ပေပေါင်း ရာချီမြင့်မားတဲ့ သဲကျောက်လွှာတွေဟာ ရာသီဥတုဒဏ်ကြောင့် ပုံသဏ္ဍာန် အမျိုးမျိုးဖြစ်ပေါ်လာကာ လူတွေရဲ့ စိတ်ဝင်စားမှုကို ခံရတဲ့ နေရာဒေသများ ဖြစ်ပေါ်လာစေပါတယ်..အဲဒီထဲမှာမှ Melting Shadows လို့ခေါ်တဲ့ ကျောက်ဆောင်ကြီးဟာ နံမည်ကျော်ထင်ရှား လူသိများပါတယ်..  ၄င်းဟာအမေရိကား (Utah) ယူတားပြည်နယ် အမျိုးသား ဥယျာဉ်တွင်းမှာ တည်ရှိပြီး ကမ္ဘာပေါ်မှာ အကြမ်းတမ်းဆုံး မြေမျက်နှာသွင်ပြင်တွေ ရှိတဲ့ ဒေသတစ်ခုဖြစ်ပါတယ်.. စတုရန်းမိုင်ပေါင်း ၁၃၀၀၀၀ ခန့် ကျယ်ပြန့်ပြီး ပုံသဏ္ဍာန်များစွာသော ကျောက်ဆောင်များ၊ တောင်ကုန်းများ၊ အပေါက်များကို တွေ့ရှိရနိုင်ပါတယ်..

~~~~~~~~~~~~~~~~~~~~~~~~~~~~~~

Split Apple Rock (New Zealand)




ပန်းသီးထက်ခြမ်းခွဲ



ဘယ်သူကများ ခွဲထားတာပါလိမ့်


ဒီကျောက်ဆောင်ကိုတော့ ထက်ခြမ်းကွဲ နေတဲ့  ပန်းသီးသဏ္ဍာန် ဖြစ်နေတာမို့ Split Apple Rock လို့ခေါ်ကြပါတယ်။ တစ်စုံတစ်ယောက်က ပန်းသီးတစ်လုံးကို ဓားနဲ့ ထက်ပိုင်းပိုင်းထားသလို ထူးထူးခြားခြား ဖြစ်ပေါ်နေတဲ့ ဒီ ပန်းသီးကွဲ ကျောက်ဆောင်ဟာ နယူးဇီလန်နိုင်ငံရဲ့ တောင်ဘက် Abel Tasman အမျိုးသား ဥယျာဉ်ကြီးမှာ တည်ရှိပြီး စိမ်းမြတဲ့ ခြုံပုတ်တွေ၊ ရွှေရောင်လွှမ်းနေတဲ့ သဲသောင်ကမ်းခြေ၊ ပြာလဲ့လွင်လွင် တည်ငြိမ်နေတဲ့ ရေပြင် တို့ကြောင့် လှပတဲ့ နေရာဒေသ ရှုခင်းတစ်ခုဖြစ်ပြီး လှေလှော်ကြသူများ၊ ငါးဖမ်း ၀ါသနာပါသူများ အတွက် အထူးကောင်းမွန်တဲ့ နေရာဖြစ်တာကြောင့် ကမ္ဘာလှည့်ခရီးသွားများ အများအပြား စိတ်ဝင်တစား လာရောက် လည်ပတ်ကြတဲ့နေရာ ဖြစ်ပါတယ်။

~~~~~~~~~~~~~~~~~~~~~~~~~~~~~~~~~~

The Pinnacles (Australia)




ထိုးထိုးထောင်ထောင် ထုံးကျောက်ဆောင်



ရှည်လိုက်တိုလိုက်



သြစတျေးလျနိုင်ငံ အရှေ့ပိုင်း  Namburg အမျိုးသားဥယျာဉ် သဲကန္တာရထဲမှာ တည်ရှိတဲ့ ထုံးကျောက်လွှာတွေဟာ မိုးရေနဲ့ လေတို့ရဲ့ တိုက်စားမှုကြောင့် လှပတဲ့ ပုံသဏ္ဍာန်များ ဖြစ်ပေါ်လာရတာ ဖြစ်ပါတယ်.. ဒီနေရာဒေသကို ၁၉၆၀ခုနှစ်အထိ ဘယ်သူကမှ မသိရှိတဲ့ သီးခြားနယ်မြေအဖြစ် တည်ရှိခဲ့သော်လည်း ယခုအခါမှာတော့ ခရီးသွားဝါသနာပါသူ ကမ္ဘာလှည့် တိုးရစ်များအတွက် စိတ်ဝင်စားဖွယ် ဆွဲဆောင်မှုအားကောင်းတဲ့ နေရာတစ်ခုအဖြစ် နံမည်ကျော် ထင်ရှားလာပြီ ဖြစ်ပါတယ်.. ကမ္ဘာတစ်ဝှမ်းမှ ခရီးသွားများ တစ်နှစ်ကို ၂၅၀၀၀၀ ခန့် လာရောက်ကြပြီး ကမ္ဘာပေါ်ရှိ ခရီးသွားလေ့လာစရာ နေရာများထဲမှာ အဓိကနေရာတစ်ခုအဖြစ် ပါဝင်လာပြီ ဖြစ်ပါတယ်.. နံမည်ကျော် ဟောလီးဝုဒ်မှ ရုပ်ရှင်ရိုက်ကူးသူများဟာလည်း ၄င်းဒေသသို့ ရုပ်ရှင်ဇာတ်ကားများ လာရောက်ရိုက်ကူးကြတယ်လို့ သိရပါတယ်။

~~~~~~~~~~~~~~~~~~~~~~~~~~~~~~~~~~

Perce Rock (Canada)




သဘာဝအတိုင်းဖြစ်နေတဲ့ စက်ခုံးပေါက်ကြီး



ညာဘက်ထိပ်မှာ ရှိနေတဲ့ ကျောက်ဆောင်က ယခင်အခါက တစ်ဆက်တည်းဖြစ်ပြီး နောက်ပိုင်းမှ ကွဲထွက်သွားတဲ့ ကျောက်ဆောင်ဖြစ်ပါတယ်



ကမ်းစပ်သို့ ဦးတည်နေသော ကျောက်ဆောင်တန်းကြီး


အခြား ထူးခြားထင်ရှားတဲ့ ကျောက်ဆောင် တစ်ခုက ကနေဒါနိုင်ငံ ကွီးဘက်ပြည်နယ် ကမ်းရိုးတန်းမှာ တည်ရှိနေတဲ့ Perce Rock  ဖြစ်ပါတယ်.. ကမ်းခြေကို ဦးတည်ပြီး တည်ရှိနေတဲ့ အလွန်ကြီးမားသော ကျောက်ဆောင်ကြီးတစ်ခု ဖြစ်ပြီး ကျောက်ဆောင်ထဲမှာလည်း သဘာဝအတိုင်း ဖြစ်ပေါ်နေတဲ့ အမြင့်ပေ ၅၀ရှိ စက်ဝိုင်းခုံး သဏ္ဍာန်အပေါက်ကြီး ပါရှိပါတယ်.. ယခင်အခါက ၄င်း ကျောက်ဆောင်ကြီးမှာ စက်ဝိုင်းပုံ အပေါက်ကြီး ၂ခု ရှိခဲ့သော်လည်း ၁၈၄၅ခု ဇွန်လ ၁၇ရက်နေ့မှာ စက်ဝိုင်းခုံး အပေါက်ကြီးတစ်ခုဟာ ပင်မကျောက်ဆောင်ကနေ ကွဲအက်သွားခဲ့ကာ ယခုအခါမှာတော့ ကျန်ရှိနေတဲ့ စက်ခုံးပေါက်ကြီးဟာ ဒီရေတက်ချိန်များမှာ ရွက်လှေတစ်စီး ဖြတ်သန်း သွားနိုင်လောက်အောင် ကျယ်ဝန်းတယ်လို့ ဆိုပါတယ်။ ဒီရေကျချိန်များမှာတော့ ၄င်း ကျောက်ဆောင်ကြီးသို့ ခြေလျင်သွားရောက်နိုင်တယ်ကြောင်း သိရပါတယ်.. ကမ္ဘာ့အကြီးဆုံး သဘာဝ စက်ဝိုင်းခုံးကြီးတစ်ခု အဖြစ်ထင်ရှားပြီး Perce Rock  ကနေဒါနိုင်ငံရဲ့ အံ့ဖွယ် ခုနှစ်သွယ်ထဲမှာ တစ်ခုအပါအ၀င် ဖြစ်ပါတယ်။

~~~~~~~~~~~~~~~~~~~~~~~~~~~~~~~~~~~~~~

Delicate Arch (Utah, USA)




စက်ခုံးပုံသဏ္ဍာန် ကျောက်ဆောင်



ရှေ့က လူအုပ်နဲ့ နှိုင်းကြည့်လိုက်ရင် ဘယ်လောက် မြင့်တယ်ဆိုတာ သိသာနိုင်ပါတယ်..


ထူးခြားတင်ရှားတဲ့ Delicate Arch ဟာ ကမ္ဘာ့အကျော်ကြားဆုံး Arches National Park တွင် တည်ရှိပြီး ၄င်း အမျိုးသားဥယျာဉ်သည်၇၃၀၀၀ ဧကအတွင်း သဘာဝအလျှောက် ဖြစ်ပေါ်နေသည့် ထူးခြားသော ကျောက်ဆောင်ပုံစံ၊ ပေါင်းကူးတံတားသဏ္ဍာန် ဖွဲ့တည်ပုံပေါင်း ၁၅၀၀ ကျော်ရှိကာ အရေအတွက်များပြားစွာ ဖြစ်ပေါ်တည်ရှိနေသောကြောင့် ကမ္ဘာ့အံ့ဖွယ်တစ်ပါးတွင် ပါဝင်နေခြင်းဖြစ်ပါတယ်…  Park အတွင်း အထင်ကရ နေရာများဖြစ်ကြတဲ့  Balabce rock, Skyline Arch, Double Arch နှင့် Fiery Furnace သို့ စုစုပေါင်း ၄၁ မိုင်ရှိ ကတ္တရာလမ်းဖြင့် အလွယ်တကူ သွားလာနိုင်သော်လည်း Delicate Arch မှ Delicate Arch Viewpoint သို့ မြေပြင်လမ်းသာ ရှိပါတယ်..  ၄င်းအမျိုးအသား ဥယျာဉ်တွင်းရှိ Delicate Arch  သည် သဘာဝ၏ ဆန်းကြယ်သော အကြောင်းတရားဖြင့် ဖြစ်ပေါ်တည်ရှိနေသော ပြယုဒ်တစ်ခုလည်း အဖြစ်တွေ့နိုင်ပါတယ်။ ယူတားပြည်နယ်ရဲ့ အမှတ်အသား (Land Mark)  တစ်ခုလည်းဖြစ်ပြီး ခရီးသွားများအတွက် အထူးဆွဲဆာင်မှု ကောင်းလှသော ကျောက်ဆောင်ကြီး ဖြစ်ပါတယ်.. ခရီးသွားလာ လည်ပတ်သူ အများအပြား လာရောက်လေ့ရှိသောကြောင့် Arches National Park ဟာ တနှစ်ပတ်လုံး ပိတ်ရက်မရှိ၊ တရက် ၂၄နာရီ ၀င်ခွင့်ရှိပြီး visitor center တစ်ခုသာ ခရစ်စ်မတ်နေ့ တစ်ရက်မှလွဲကာ ကျန်သောရက်များမှာ နံနက် ၈ နာရီမှ ညနေ ၄:၃၀ အတွင်း သိလိုတဲ့ အချက်အလက်များကို မေးမြန်းစုံစမ်းနိုင်ကြောင်း သိရပါတယ်။ နွေရာသီ၌ လာရောက်လည်ပတ်သူ များပြားချိန်တွင် ၀န်ထမ်းများက guide အဖြစ် နေ့အခါတွင် အဖွဲ့ငယ်များကို ဦးဆောင်၍ ဗဟုသုတအဖြစ် ရှင်းပြပြီး ညအခါတွင် မီးပုံပွဲများ ကျင်းပပေးလေ့ရှိကြပါတယ်။

စိတ်နှလုံး ငြိမ်းချမ်းကြပါစေရှင်။


အချက်အလက်များကို ကူညီရှာဖွေပေးသော သူငယ်ချင်း SSY အား ကျေးဇူးအထူး တင်ရှိပါသည်။

Source and photos from http://www.funonthenet.in and Google

တန်ဖိုးအထားဆုံး အရာ



ဂျက်သည် ဘ၀ရဲ့အောင်မြင်မှုအတွက် လှုပ်ရှားရုန်းကန်ရင်း အလုပ်ထဲမှာဘဲ အချိန်တွေကို မြုပ်နှံထားသူတစ်ယောက် ဖြစ်နေခဲ့သည်။ မွေးရပ်မြေသို့ပင် မရောက်နိုင်တာ အတော်ကြာခဲ့ပြီ။ သူ့ဘ၀တွင် အတိတ်အကြောင်း စဉ်းစားဖို့ အချိန်အနည်းငယ်မျှ မရှိသလို သားနှင့် ဇနီးအတွက်ပင် အချိန် မပေးနိုင်လောက်အောင် အလုပ်အာရုံထဲ ဇောကပ်လို့ နေခဲ့သည်။ ယခုထက် ပိုမိုမြင့်မားသော ဘ၀အခြေအနေ၊ ယခုထက် ပိုမိုအောင်မြင်သော သူတစ်ယောက်ဖြစ်ရန် စသည့် မျှော်မှန်းချက်များဖြင့်သာ သူ့ဘ၀ကို ရှေ့ဆက်သွားနေခဲ့သည်။ ကျန်သည့်အရာများအတွက် အချိန်ပေးဖို့ကို သတိမရသလို မပေးနိုင်အောင်လည်း အလုပ်သံသရာမှာ ၀ဲလည်နေခဲ့သည်။

တစ်ရက် သူ့မွေးရပ်မြေတွင် နေထိုင်သူ မိခင်ထံမှ သူ့ဆီ ဖုန်းဝင်လာခဲ့သည်။ “သားရေ.. ဘေးအိမ်က အန်ကယ် ဘယ်လ်ဆာ တော့ မနေ့ညက ဆုံးသွားတယ်ကွယ်.. ဗုဒ္ဓဟူးနေ့မှာ သူ့အသုဘချလိမ့်မယ်.. ” မေမေ ပြောမှ သူ့ငယ်ဘ၀တစ်ချို့အကြောင်း အတွေးထဲ ဖြတ်ခနဲ ၀င်ရောက်လာရင်း တစ်ချို့အဖြစ်ပျက်တွေကို ဆက်တိုက် သတိရမိသွားတော့ သူတဒင်္ဂ တိတ်ဆိတ်သွားမိတော့သည်။ အန်ကယ် ဘယ်လ်ဆာ.. သူ့အပေါ်မှာ အမြဲတမ်း စိတ်ရှည်လက်ရှည် သင်ကြားပြသဖို့ ၀န်မလေးတတ်ခဲ့သူ။ သူ့တွင် ငယ်ငယ်ကတည်းက ဖခင်မရှိသဖြင့် ဘေးအိမ်က အန်ကယ်ဘယ်လ်ဆာ အိမ်တွင်သာ သူငယ်ဘ၀အချိန်တွေ ကုန်လွန်ခဲ့သည်က များသည်။ အန်ကယ်က သူ့ကို ချစ်ခင်လှသလို ဘ၀အတွက် သင်ခန်းစာ ယူစရာများ ၊ လေ့လာစရာများ အတွက် ညွှန်ပြရာတွင်လည်းကောင်း၊ လမ်းကြောင်းပေး ဆုံးမရာတွင်လည်းကောင်း အလွန်တော်ပါသည်။

“သား… ဂျက် မေမေပြောတာ ကြားရဲ့လား” ဖုန်းထဲမှ မေမေ့အသံ ခပ်ကျယ်ကျယ်ကို ပြန်ကြားရမှ လက်ရှိပစ္စုပ္ပန် အချိန်ကို သူ့အသိစိတ်က ပြန်ရောက်လာရတော့သည်။ “အိုး ဆောရီး မေမေ .. ကျွန်တော် ကြားပါတယ်.. ကျွန်တော် သူ့ကို သတိမရတာ တော်တော်ကြာပြီ မေမေရယ်.. ၀န်ခံရရင် သူဆုံးသွားတာကြာပြီလို့တောင် ကျွန်တော် ထင်ခဲ့မိတာ ” သူပြန်ပြောမိတော့ မေမေက “ သားက သတိမရပေမဲ့ အန်ကယ် ဘယ်လ်ဆာက သားကို ဘယ်တော့မှ မမေ့ဘူးသား… မေမေ့ကို တွေ့တိုင်း သူက သားဘာတွေလုပ်နေလဲ၊ အဆင်ပြေရဲ့လား နေကောင်းရဲ့လား အမြဲတမ်းမေးလေ့ရှိတယ်။ ပြီးတော့ သားငယ်ငယ်တုန်းက သူ့ခြံထဲမှာ သူနဲ့အမြဲတမ်း အချိန်ကုန်ခဲ့တဲ့ အကြောင်းတွေ တသသနဲ့ ပြောတတ်တယ် ” ဟု သူ့ကို ပြန်ပြောပါသည်။

“ကျွန်တော် သူနေတဲ့ အိမ်အိုကြီးနဲ့ ခြံဝင်းကြီးကို ငယ်ကတည်းက သဘောကျတယ် မေမေ”

“သားသိတဲ့အတိုင်း သားဖေဖေဆုံးပြီးနောက်  အန်ကယ် ဘယ်လ်ဆာဟာ သားကို သူရဲ့ တကယ့်သားအရင်းလို စောင့်ရှောက်ခဲ့တာပါ။ သားငယ်ငယ်ကတည်းက သူက သားနဲ့အဖော်လုပ်ပေးပြီး သားကို အသိအမြင်တွေ တိုးတက်အောင် သင်ကြားပေးခဲ့တာပါ။ သားဟာ သူ့ရဲ့ ပဲ့ပြင်ထိန်းကျောင်းမှုနဲ့ လုံးဝ မကင်းခဲ့တာမို့ သားဘ၀မှာ သူ့ရဲ့ လွှမ်းမိုးမှုက တော်တော် အရေးပါခဲ့တာပါ သားရယ်..”

“ဟုတ်ပါတယ်. မေမေ အန်ကယ် ဘယ်လ်ဆာဟာ သားရဲ့ လက်ဦးဆရာဆို မမှားပါဘူး။ ကျွန်တော် အခုလို စီးပွားရေးနယ်ပယ်မှာ လူတစ်လုံး သူတစ်လုံးအဖြစ် ရပ်တည်နိုင်တာဟာလည်း အန်ကယ်ရဲ့ သင်ပြမှုတွေကြောင့် ဆိုတာ ၀န်ခံပါတယ်.. သူဟာ အချိန်များစွာ အကုန်ခံပြီး ကျွန်တော့်ကို ဘ၀အတွက် အရေးကြီးတဲ့ အချက်တွေ၊ သိသင့်တာတွေ၊ လေ့လာစရာတွေကို သင်ကြားပေးခဲ့တာပါ။ ခုနောက်ပိုင်းတော့ ကျွန်တော်လည်း အလုပ်တွေများလွန်းပြီး အဝေးမှာလည်း ဖြစ်နေတော့ သူ့ကို မေ့နေခဲ့မိတာပါ။ ဘာဘဲဖြစ်ဖြစ် မေမေရယ် သား သူ့ရဲ့ အသုဘကို မရောက်ရောက်အောင် လာခဲ့ပါမယ်.. ” ဂျက် မိခင်ဖြစ်သူကို ကတိပေးလိုက်ပြီး တယ်လီဖုန်းကို ပြန်ချလိုက်ကာ အလုပ်လုပ်ဖို့ အာရုံစုစည်းလိုက်သော်လည်း အာရုံတွင် အန်ကယ်ဘယ်လ်ဆာ၏ ပုံရိပ်တို့ကသာ စိုးမိုးလို့နေခဲ့သည်။ သူဘာလို့များ ဟိုယခင်အချိန်တွေတုန်းက အန်ကယ့်ကို သတိမရမိခဲ့ တာပါလိမ့်။

ထိုရက်များတွင် သူ့အလုပ်တွေက မပြီးနိုင် မစီးနိုင်အောင် များလွန်းလှသော်လည်း မေမေကို ပေးခဲ့သော ကတိအတိုင်း နောက်နေ့ လေယာဉ်ဖြင့် သူ့ဇာတိ မွေးရပ်မြေသို့ ထွက်ခွာလာခဲ့သည်။ အန်ကယ် ဘယ်လ်ဆာ၏ အသုဘ အခမ်းအနားမှာ လူအနည်းငယ်သာရှိပြီး တိတ်ဆိတ်ခြောက်ကပ်စွာဖြင့် ပြီးဆုံးသွားခဲ့လေပြီ်။ အန်ကယ်သည် သားထောက် သမီးခံလည်းမရှိ၊ ဆွေမျိုး အနည်းငယ်မှာလည်း ဆုံးပါးသွားခဲ့ကြသည်မှာ ကြာပြီ ဖြစ်သော အထီးကျန်လူသားတစ်ဦးဖြစ်လေသည်။ ဒါကြောင့်မို့လည်း သူ့ကို ခင်တွယ်ခဲ့တာဘဲ ဖြစ်မည် ထင်ပါသည်။ အသုဘချပြီး နောက်တစ်ရက်တွင် လေယာဉ်ဖြင့် သူပြန်မည်ဖြစ်သောကြောင့် သူငယ်စဉ်က သွားလာ ဆော့ကစားခဲ့သော၊ အချိန်များစွာကုန်ဆုံးခဲ့သော အန်ကယ် ဘယ်လ်ဆာ အိမ်ကို နောက်ဆုံးအနေဖြင့် ၀င်ကြည့်ဖို့ စိတ်ကူးရမိကာ သူမပြန်ခင် တစ်ညနေမှာ သူ့မေမေနှင့်အတူ တစ်ဘက်ခြံရှိ အန်ကယ် ဘယ်လ်ဆာ့အိမ်ဘက်သို့ ကူးလာခဲ့ကြသည်။

အိမ်တံခါးရှိရာဆီသို့ လျှောက်လာရင်း သူ့စိတ်ထဲတွင် လက်ရှိကမ္ဘာမှနေပြီး အခြား ကမ္ဘာတစ်ခုခုကို ရောက်သွားမိသလို ခံစားလိုက်ရသည်။ သူ့အာရုံထဲတွင် သူငယ်က ပုံရိပ်များက တစ်ခုချင်းစီ ရုပ်ရှင် အနှေးပြကွက်ဖြင့် ပြနေသလို တစ်ကွက်ခြင်း မြင်ယောင်နေမိသည်။ အိမ်တံခါးကို ဖွင့်ဝင်လိုက်သည်တွင် သူငယ်စဉ် ရောက်နေကျ ပုံစံအတိုင်း အိမ်အပြင်အဆင်က ဘာတစ်ခုမှ ပြောင်းလဲမှုမရှိ။ နံရံပေါ်က ပန်းချီကားများ၊ ဧည့်ခန်းထဲရှိ ပရိဘောဂများ အရာရာအားလုံးသည် နှစ်ကာလများစွာ ကြာသည့်တိုင် ယခင်အတိုင်းသာ ရှိနေခဲ့သည်။ ထိုနေရာများသည် ယခင်က သူ ခြေရာချင်းထပ်အောင် သွားလာ ဆော့ကစားခဲ့သော နေရာများ ဖြစ်ခဲ့လေသည်။ ထိုစဉ် တစ်စုံတစ်ရာ ထူးခြားမှုကို မြင်လိုက်ရသဖြင့် သူ့ခြေလှမ်းတွေ ချက်ခြင်းရပ်တန့်သွားတော့ မေမေက “ ဘာဖြစ်လို့လဲ သား ” ဟု သူ့ကို မေးလိုက်သည်။

“သေတ္တာလေး တစ်လုံး မေမေ”  သူပြောလိုက်တော့ “ဘာသေတ္တာလဲ သားရဲ့ ” မေမေက နားမလည်နိုင်စွာ သူ့ကို ပြန်မေးနေလေသည်။ “မဟုတ်ဘူးမေမေ .. ဒီဘီဒိုလေးပေါ်မှာ ဟိုးအရင်ကတည်းက သေတ္တာ အသေးလေးတစ်လုံး ရှိခဲ့တယ် မေမေ.. အဲဒီသေတ္တာလေးကို အန်ကယ်က သော့လေး အမြဲတမ်း ခတ်ထားခဲ့တာ.. အထဲမှာ ဘာတွေရှိလဲလို့ အန်ကယ့်ကို ကျွန်တော် အကြိမ်ပေါင်းများစွာ မေးခဲ့ဖူးတယ်.. မေးတိုင်းလည်း အန်ကယ်က သူတန်ဖိုးအထားဆုံး အရာတွေ ရှိတယ်လို့ ကျွန်တော့်ကို ပြန်ဖြေခဲ့တယ်.. အန်ကယ်က သေတ္တာလေးကို ဒီအပေါ်လေးမှာဘဲ အမြဲတမ်းထားနေကျ… အခု အဲဒီသေတ္တာလေး မတွေ့တော့ဘူး..”

ရှိနေကျ နေရာတွင် သေတ္တာလေးကို မတွေ့တော့သည်ကလွဲ၍ တစ်အိမ်လုံး ရှိသမျှပစ္စည်းများအားလုံးမှာ နေရာပင် မရွေ့ဘဲ ယခင်ကအတိုင်း ဖြစ်သော်လည်း သူ့စိတ်ထဲတွင် တစ်စုံတစ်ရာ လှစ်ဟာနေသလို ခံစားရသည်။ သေတ္တာလေးကို အန်ကယ့်အမျိုးနီးစပ် တစ်ယောက်ယောက်က လာယူသွားသည်ဟုသာ သူ တွေးလိုက်မိတော့သည်။ “အန်ကယ် ဘယ်လ်ဆာရဲ့ ဘ၀မှာ တန်ဖိုးအထားဆုံး အရာဟာ ဘာလဲဆိုတာ သိပ်သိချင်ခဲ့ပေမဲ့ ခုတော့ ကျွန်တော် သိခွင့်မရလိုက်တော့ဘူးပေါ့ မေမေ.. ဘယ်တော့မှလည်း သိခွင့်ရတော့မှာ မဟုတ်ပါဘူး”  သူစိတ်ပျက်စွာ ပြောလိုက်ရင်း “ပြန်ကြစို့ မေမေ ကျွန်တော် မနက်အစောကြီး လယာဉ်တက်ရမှာမို့ စောစောအိပ်တော့မယ်”ဟု တစ်ဆက်တည်း ပြောလိုက်ကာ အန်ကယ်ဘယ်လ်ဆာ့ အိမ်ထဲမှ သူတို့သားအမိ ပြန်ထွက်လာခဲ့ကြလေသည်။

သူ မွေးရပ်မြေမှ ပြန်လာပြီး နှစ်ပတ်အကြာတွင် အလုပ်မှ အိမ်သို့ပြန်အလာ သူတို့အိမ်၏ စာတိုက်ပုံးထဲတွင် စာလေးတစ်စောင်ကို တွေ့လိုက်ရပြီး ၄င်းတွင် “လက်မှတ်ထိုးပြီးထုတ်ယူရမည့် ပါဆယ်တစ်ထုတ် လာပို့ကြောင်း၊ အိမ်တွင် လူတစ်ဦးမှ မတွေ့သည့်အတွက် ဗဟိုစာတိုက်ကြီးတွင် နောက်သုံးရက်အတွင်း လာရောက် ထုတ်ယူပါရန်” ဟူ၍ ရေးသားထားသော စာလေးတစ်စောင် ဖြစ်နေလေသည်။ နောက်ရက်တွင် သူ အလုပ်သို့အသွား စာတိုက်ကြီးကို ၀င်ကာ သူ့နံမည်ဖြင့် ရောက်နေသည်ဆိုသော ပါဆယ်ထုတ်ကို လက်မှတ်ထိုး၍ ထုတ်ယူလာခဲ့လေသည်။ ပါဆယ်ထုတ်မှာ အလွန်ပင်ဟောင်းနွမ်းနေပြီး လွန်ခဲ့သော နှစ်ပေါင်း ရာချီကတည်းက ပို့ထားလေသလားဟူ၍ပင် တွေးမိလေသည်။ ပါဆယ်ထုတ်ပေါ်မှ လက်ရေးမှာလည်း မပီမသဖြစ်နေပြီး ဖတ်ဖို့ပင် ခက်ခဲလွန်းလှလေသည်။ သို့သော် ပေးပို့သူလိပ်စာ နေရာပေါ်တွင် ရေးထိုးထားသော နံမည်လေးသည် ဂျက်၏ အာရုံအလုံးစုံကို ဖမ်းစားထားလေတော့သည်။

ပေးပို့သူက “မစ္စတာ ဟားရိုးလ် ဘယ်လ်ဆာ

သူ ကားပေါ်အရောက်မှာတော့ အချိန်မဆိုင်းဘဲ ပါကင်လေးကို ဆွဲဖြည်လိုက်တော့ အတွင်းမှ ရွှေရောင်သေတ္တာလေး တစ်လုံးကို တွေ့လိုက်ရသည်။ သူမှတ်မိပါပြီ။ ဒီသေတ္တာလေးသည် အန်ကယ့်အိမ်က ဘီဒိုလေးပေါ် အမြဲရှိနေကျ သေတ္တာလေး ဖြစ်ပါသည်။ သေတ္တာနှင့်အတူ စာအိတ်လေးတစ်လုံးကိုလည်း တွေ့ရှိရသောကြောင့် သူ  တုန်ရီသော လက်အစုံဖြင့် စာအိတ်ကလေးအား ဖောက်ထုတ်လိုက်ကာ အတွင်းမှ စာရွက်ကို ဆွဲထုတ်ကာ ဖတ်လိုက်သည့် အခါတွင်တော့ ကျွန်ုပ်သေဆုံးသွားတဲ့တစ်နေ့မှာ ဒီသေတ္တာလေးကို အပေါ်မှာ ရေးထားတဲ့ လိပ်စာရှင် ဂျက် ဘဲန်းနက်ထံသို့ ဆက်ဆက်ပို့ပေးပါ။ ဒီသေတ္တာလေးထဲမှာ ကျွန်ုပ်ဘ၀ တစ်လျှောက်လုံးအတွက် တန်ဖိုး အထားဆုံး အရာတစ်ခု ရှိနေပါတယ်..”   ဟု ရေးထားပြီး သော့လေးတစ်ချောင်းကိုလည်း စာအိတ်ထဲတွင် တွေ့ရလေသည်။ သော့လေးကို ကိုင်ပြီး သိချင်စိတ်ပြင်းပြမှုဖြင့် သူ့ရင်ခုန်သံတွေ တစ်ထိတ်ထိတ်နဲ့ မြန်ဆန်လာတော့သည်။

အထဲမှာ ဘာတွေ ရှိနေမှာပါလိမ့်… သူတစ်သက်လုံး သိချင်ခဲ့တဲ့ အန်ကယ်ဘယ်လ်ဆာရဲ့ တန်ဖိုး အထားဆုံး အရာဟာ ဘာများ ဖြစ်နေမလဲ” စိတ်ထဲ တွေးမိရင်းမှပင် သူ့မျက်ဝန်းမှာ မျက်ရည်များက ရစ်ဖွဲ့လာသည်။  “ အာ် တစ်ချိန်တုန်းက အန်ကယ်ဘယ်လ်ဆာဟာ သူ့အတွက် အကောင်းဆုံး ပြုစုပျိုးထောင်ပေးသူ အဖော်ကောင်း တစ်ဦး ဖြစ်ခဲ့သော်လည်း သူအရွယ်ရောက်လာချိန်မှာတော့ အန်ကယ်အတွက် သူဘာတစ်ခုမှ ပြန်လုပ်မပေးဖြစ်ခဲ့ပါ။ အဖော်ကောင်းတစ်ယောက် မဖြစ်နိုင်ခဲ့ပါဘဲလားသူ့ရင်ထဲမှာ တီးတိုး ပြောနေမိရင်းမှာ ၀မ်းနည်းစိတ်ဖြင့် ရင်ထဲ လှိုက်တက်လာခဲ့သည်။

သူ ဂရုတစိုက်ဖြင့် သေတ္တာလေးကို သေ့ာတံလေးနှင့် ဖွင့်အပြီးတွင် အထဲမှ ထွက်လာသည့်အရာက ရွှေအစစ်ဖြင့် ပြုလုပ်ထားသော အိတ်ဆောင်နာရီလေးတစ်လုံး ဖြစ်လေသည်။ တုန်ယင်နေသော သူ့လက်အစုံက ရွှေရောင်နာရီလေးကို ဖွဖွ ထိတွေ့ကိုင်တွယ် ပွတ်သပ်နေမိရင်း သူ့ရဲ့စိတ်အစဉ်မှာ အတိတ်လွင်ပြင်ဆီသို့ တစ်ရိပ်ရိပ် ခရီးနှင်လျှက် ရှိပေပြီ။ “ ငယ်စဉ်ဘ၀က သူနဲ့အန်ကယ်တို့ အတူတူ ကုန်ဆုံးခဲ့သော အချိန်များစွာ အတွက် ခုချိန်မှာ ပြန်လိုချင်သည် ဆိုလျင်ဖြင့်တောင် သူပြန်မရနိုင်တော့ပြီ။ အန်ကယ်ဘယ်လ်ဆာဟာ သူ့အပေါ် ဘယ်လောက်ချစ်ခင် တန်ဖိုးထားတယ် ဆိုတာ ဒီနာရီလေးက သက်သေဘဲ ထင်ပါရဲ့။”

နာရီလေးကို အမြတ်တနိုး ကိုင်တွယ်ထားရင်းက အဖုံးလေးကို ဖြေးညင်းစွာ ဖွင့်ဟလိုက်သောအခါ နာရီအပေါ်ဖုံး၏ အတွင်းမျက်နှာပြင်တွင် ရေးထွင်းထားသော စာသားလေးများမှာ “ ဂျက်.. မင်းရဲ့ အချိန်တွေအတွက် ကျေးဇူး အများကြီးတင်ပါတယ်..  ဟားရိုးလ် ဘယ်လ်ဆာ ” ဆိုသည့် စာလုံးလေးတွေသာ ဖြစ်လေသည်။

အိုး.. အန်ကယ် ဘယ်လ်ဆာ တန်ဖိုးအထားဆုံး အရာက ကျွန်တော်ရဲ့ အချိန်တွေတဲ့လား  သူတန်ဖိုးထားခဲ့ရတဲ့ ကျွန်တော့်အချိန်တွေအတွက် ကျွန်တော် ဘာတွေများ ပြန်ပေးဆပ်ခဲ့ဖူးပါလိမ့်” တကယ်တမ်းမှာ သူ့အတွက်သာ အန်ကယ်က အချိန်တွေကို အများကြီး ပေးပြီး သူ့ကို ပဲ့ပြင်လမ်းပြခဲ့ခြင်းသာ။ သို့သော် သူကတော့ အန်ကယ်အတွက် သူ့ရဲ့ အချိန်တစ်ချို့ကို ပြန်ပေးခဲ့ရကောင်းမှန်း မသိခဲ့။ ယုတ်စွအဆုံး သူ့ မိသားစုအတွက်ပင် အချိန်မပေးနိုင်ခဲ့မိပါ။ အန်ကယ်ဘယ်လ်ဆာ၏ နာရေးကို သွားခဲ့သည့် အချိန်တွင်ပင်လျင် အိမ်မှာ တစ်ညဘဲအိပ်ခဲ့ပြီး သူ့မိခင်နှင့်ပင် နွေးနွေးထွေးထွေး မနေဖြစ်ခဲ့ပဲ စီးပွားရေးကိစ္စကို ဦးစားပေးကာ  အမြန်ဆုံး ပြန်လာခဲ့မိသည်။ တကယ်တမ်းတော့ ကိုယ့်အတွက် အချိန်ပေးခဲ့ကြသူတွေကို ကိုယ်အရွယ်ရောက်လာချိန်မှာ ကိုယ်ပိုင်ဆိုင်တဲ့ အချိန်တစ်ချို့ကို ပြန်ပြီးပေးသင့်ကြပါသည်. ဒါကို သူတို့တွေသည် သိသိရက်နဲ့ အလုပ်တွေမအားလို့၊ အချိန်မရှိလို့ဆိုသော အကြောင်းပြချက်တွေ တစ်ပုံကြီးနှင့် တမင်အချိန်မပေးဖြစ်ခဲ့သလို၊ အချိန်ပေးဖို့ မေ့လျော့နေခဲ့ကြတာမျိုးလည်း ဖြစ်နိုင်ကြပါသည်။

သူချက်ခြင်းဘဲ ရုံးကို ဖုန်းကောက်ဆက်လိုက်ပြီး “ ဒီတစ်ပတ်အတွင်း ရှိသမျှ အပွိုင့်မဲန့်တွေအားလုံး ဖျက်သိမ်းလိုက်ပါ” ဟု အမိန့်ပေးလိုက်ပါတော့သည်။ “ ဘာဖြစ်လို့လဲ ဆရာ ” တစ်ဘက်က ဖုန်းနားထောင်သော သူ့ရဲ့ အတွင်းရေးမှူးမလေးက နားမလည်နိုင်စွာနှင့် ပြန်မေးသောအခါ “ ငါ ငါ့မိသားစုအတွက် အချိန်ပေးမလို့။ ငါသူတို့ကို ပစ်ထားခဲ့မိတာကြာပြီ။ တကယ်လို့များ သူတို့အထဲက တစ်ယောက်ယောက်ဖြစ်စေ၊ ငါဖြစ်စေ ရုတ်တရက် ကွယ်ပျောက်သွားခဲ့မယ်ဆိုရင် သူတို့ကို အချိန်မပေးလိုက်ရတဲ့အတွက် ငါနောင်တ မရချင်ဘူး”  ထိုစကားကို ပြောလိုက်မိတော့ ရင်ထဲတွင် တင်းကြပ်နေမှုတစ်ချို့ ပြောလျော့သွားခဲ့ရတော့သည်။ ဘ၀ တိုတိုလေးအတွင်းတွင် မိမိချစ်ခင်ရသူတွေကို အချိန်ပေးနိုင်ဖို့လည်း ကြိုးစားသင့်ကြပါသည်။ ထိုသူတို့နဲ့အတူ ပျော်ပျော်ရွှင်ရွှင် နေထိုင်ခွင့်ရသည့် အချိန်များသည် သူတို့အတွက်ဖြစ်စေ၊ မိမိတို့ အတွက်ဖြစ်စေ တန်ဖိုး မဖြတ်နိုင်သည့် အချိန်တွေသာ ဖြစ်သည် မဟုတ်ပါလားလေ။


What he valued most (Unknown Author) ကို ဘာသာပြန် ခံစားရေးဖွဲ့ပါသည်။