ထူးထူးဆန်းဆန်းရေကန်နဲ့ အပင်များ

Canada’s Spotted Lake



ရေကန်ကြီးထဲက ရေကန်ငယ်လေးများ

ရေကန်ငယ်လေးများစွာ ဖြစ်ပေါ်နေတဲ့ ဆားရေကန်ကြီးဟာ ကနေဒါနိုင်ငံ၊ ဘရစ်တစ်ကိုလံဘီယာနယ်ရဲ့ အနောက်မြောက်မှာရှိတဲ့ Osoyoos  မြို့အနီးမှာ တည်ရှိပါတယ်.. အဲဒီရေကန်ငယ်ကလေးတွေထဲက ရေဟာ ဓါတုပစ္စည်း ပျော်ဝင်မှု အလွန်များပြားပြီး အမျိုးပေါင်းစုံလင်စွာသော ဓါတ်သတ္တုများ ပျော်ဝင်နေပါတယ်.. နွေရာသီအခါမှာ ရေကန်ထဲမှာရှိတဲ့ရေတွေဟာ အငွေ့ပျံခြောက်ခမ်းသွားပြီးတဲ့နောက် ကန်ထဲမှာ ဓာတ်သတ္တုတွေသာ ကျန်ရစ်ခဲ့ပါတယ်.. ရေကန်ထဲမှာတော့ ဓါတုပစ္စည်းကျန်ရစ်ခဲ့တဲ့ နေရာအနေအထားပေါ် မူတည်ပြီး မတူညီတဲ့ အရောင်အသွေးနဲ့ ကန်ငယ်လေးပေါင်းများစွာ အကွက်အကွက်လိုက် ဖြစ်ပေါ်စေခဲ့ပါတယ်.. ကန်ကြီးတစ်ခုလုံးဟာ အရောင်မျိုးစုံလင်လှတဲ့ အကွက်အပျောက်ငယ် ကလေးတွေအဖြစ် ထူးဆန်းလှပစွာ ဖြစ်ပေါ်နေစေပါတော့တယ်..
ရေတွေခမ်းခြောက်ပြီး ဆားနဲ့ သတ္တုတွေသာကျန်ရစ်နေတဲ့ ရေကန်

ဆားတွေတင်ကျန်နေတဲ့ ရေကန်ကြီး

မဂ္ဂနီစီယမ် ဆာလ်ဖိတ်အများဆုံး ပါဝင်နေတဲ့ ရေကန်ငယ်လေးပေါင်းများစွာဟာ နွေရာသီအခါမှာတော့ ပုံဆောင်ခဲလေးတွေအဖြစ် ကျန်နေရစ်တတ်ပါတယ်… ရေတွေခမ်းခြောက်သွားပြီးတဲ့နောက် ရေကန်ငယ်လေးတွေ တစ်ခုနဲ့တစ်ခုကြားမှာ လူသွားလို့ရတဲ့ လမ်းသဖွယ် ဖြစ်ပေါ်လာစေခဲ့ပါတယ်.. အဲဒီရေကန်ငယ်လေးတွေထဲမှာ မဂ္ဂနီစီယမ် ၊ကယ်လ်စီယမ်နဲ့ ဆိုဒီယမ်ဆာလ်ဖိတ် ပါဝင်မှုနှုန်းဟာ ကမ္ဘာပေါ်မှာ အများဆုံးဖြစ်တယ်လို့ သိရပါတယ်… ငွေ နဲ့ တိုက်တေနီယမ် သတ္တုတွေပါ ပါဝင်နေပြီးတော့ ၄င်း သတ္တုတွေ၊ ဓါတုပစ္စည်းတွေကြောင့်ဘဲ အရောင်စုံ အကွက်ပေါင်း ၃၆၅ ကွက်ခန့် မြောက်များစွာ ဖြစ်ပေါ်နေတာကြောင့် အဲဒီရေကန်ကို Spotted Lake လူသိများပါတယ်.. အဖြူရောင်၊ အစိမ်းဖျော့ရောင်၊ အ၀ါရောင် စသဖြင့် အရောင်စုံအောင် ဖြစ်ပေါ်နေစေပါတယ်.


အကွက်လိုက်ကျန်



ရေကန်ရဲ့ ရှုခင်း တစ်မျိုး

အဲဒီရေကန်ကြီးဟာ ရောဂါဘယတွေကို ကုသပေးနိုင်စွမ်း ရှိတယ်လို့ ဒေသခံ တိုင်းရင်းသား မျိုးနွယ်စုတွေက ယုံကြည်ကြပြီးတော့ အစဉ်အဆက် တန်ဖိုးထားထိမ်းသိမ်းခဲ့ကြတယ်လို့ သိရပါတယ်.. မတူညီတဲ့ သတ္တုပါဝင်မှုနှုန်းတွေကြောင့်လည်း အဲဒီစက်ဝိုင်းပုံ ကန်ငယ်လေးတွေရဲ့ ရောဂါပျောက်ကင်းစေနိုင်တဲ့ အစွမ်းသတ္တိဟာလည်း မတူညီ ကွဲပြားတယ်လို့ ယုံကြည်လက်ခံကြပါတယ်.. ကန်ကြီးထဲကို အလည်အပတ်သွားရောက်ကြမဲ့ ဧည့်သည်တွေဟာလည်း ကန်ကြီးကို ထိန်းသိမ်းစောင့်ရှောက်နေတဲ့ သူတို့ဆီက ခွင့်ပြုချက်ယူရတယ်လို့ ဆိုပါတယ်.. အချိန်မရွေး သွားရောက် လည်ပတ်နိုင်ပေမဲ့ အကောင်းဆုံးကာလက ဇွန်ကနေ စက်တင်ဘာဆိုရင် ရေတွေခမ်းခြောက်ပြီး ရေကန်တစ်ခုလုံးဟာ အကွက်လေးတွေ ဖြစ်နေတာမို့ ရှုခင်းအလှဆုံး အချိန်လို့ သိရပါတယ်.. ရောဂါရှိတဲ့သူတွေ ကိုယ့်မှာ ရှိတဲ့ရောဂါတွေ ပျောက်အောင် ဒီရေကန်ကိုအလည်သွားသင့်ပါတယ်နော်။ သွားဖြစ်အောင် သွားပါလို့ တိုက်တွန်းလိုက်ပါတယ်..      :)  :)
~~~~~~~~~~~~~~~~~~~~~~~~~~~~~~~~~~~~~~~~~~~~~~

ထူးထူးခြားခြား အပင်များနဲ့ ဆိုဂိုထရာကျွန်း



ထူးဆန်းပင်များ

ရီမင်နိုင်ငံရဲ့ ကျွန်းတစ်ကျွန်းဖြစ်တဲ့ ဆိုဂိုထရာကျွန်းကလေးဟာ ကမ္ဘာပေါ်က ထူးဆန်းတဲ့ ဒေသတစ်ခုထဲမှာ အပါအ၀င်ဖြစ်ပါတယ်.. အိန္ဒိယ သမုဒ္ဒရာထဲက ကျွန်းစုလေးဖြစ်တဲ့ ဆိုဂိုထရာကျွန်းဟာ လူသူအရောက်အပါက်နည်းပြီးတော့ သီးခြားကမ္ဘာငယ်လေးတစ်ခုလို ဖြစ်နေတာကြောင့် လွန်ခဲ့တဲ့ ရှေးနှစ်သန်းပေါင်း ၂၀ ကတည်းက ရှိခဲ့ပြီး ယခုလက်ရှိ ဘယ်နိုင်ငံ ဘယ်ဒေသမှာမှ မတွေ့နိုင်တော့တဲ့ ထူးထူးဆန်းဆန်း ရှားပါးအပင်တွေ၊ သတ္တ၀ါမျိုးစိတ်ပေါင်း ၇၀၀ ကျော်ခန့်ကို တွေ့ရှိရတာကြောင့် ကမ္ဘာမြေပေါ်က ကျွန်းနဲ့မတူဘဲ ဂြိုလ်သားတွေရဲ့ နေရာဒေသတစ်ခုနဲ့ တူနေတာမို့ ထူးဆန်းတဲ့ဒေသတစ်ခုအဖြစ် ထင်ရှားလာတာ ဖြစ်ပါတယ်..

Dragon's Blood Tree
ဆိုဂိုထရာကျွန်းပေါ်က Dragon's Blood အပင်များ


ကန္တာရနှင်းဆီ
ကန္တာရ နှင်းဆီပင်
ဆင်ခြေထောက်ကြီးနဲ့ တူတဲ့ ကြီးမားတဲ့ ကန္တာရ နှင်းဆီပင်ကြီးတွေလဲ ရှိပါရဲ့။

အချို့ကတော့ အဲဒီ ဆိုဂိုထရာ ကျွန်းကလေးကို စိတ်ကူးယဉ်ကမ္ဘာထဲက နယ်မြေလေးလို့ တင်စား ခေါ်တတ်ကြပါတယ်.. လှပဖြူဖွေးတဲ့ သဲသောင်ပြင်နဲ့အတူ တာကွိုဇ် ကျောက်ဆောင်တွေနဲ့ ပြည့်နှက်နေတဲ့ ကမ်းခြေရှိပြီးတော့ ထုံးကျောက်တောင်ကြီးတွေဆီကို တဖြေးဖြေး မြင့်တက်သွားကာ ကျောက်ဆောင်တွေလည်း ပတ်လည်ဝန်းရံလို့နေပါတယ်.. အဲဒီကျောက်တောင်တွေမှာလည်း လိုဏ်ဂူတွေများစွာ ဖြစ်ပေါ်နေတယ်လို့ သိရပါတယ်..ကျွန်းပေါ်မှာတော့ ပူပြင်းခြောက်သွေ့တဲ့ ရာသီဥတု ရှိပါတယ်.. နီရဲနေတဲ့ ပင်စည်ကိုင်းတွေရှိပြီး ကောင်းကင်ပြင်ပေါ် ပြန့်ကားကာ ပျံတက်နေတဲ့ ပုံသဏ္ဍာန်ရှိ နဂါးသွေးပင် Dragon’s Blood ၊ ကန္တာရနှင်းဆီပင်ကြီးများနှင့် ထူးခြားဆန်းကျယ်တဲ့ အပင်များစွာ ကိုလည်း တွေ့ရှိနိုင်ပါတယ်.. ရေငုတ်ဝါသနာပါသူများအတွက်လည်း အာရေဘီယံ ပင်လယ်ပြင်ကြီးထဲမှာ လှပတဲ့ ရေအောက်ရှုခင်းတွေ သန္တာကျောက်တန်းကြီးတွေကို ကြည့်လို့ရနိုင်ပါတယ်..

ဆိုဂိုထရာကျွန်းရဲ့ လှပတဲ့ သဲသောင်ကမ်းခြေ

ကမ်းသာယာ
ကျွန်းပေါ်က ငှက်တစ်မျိုး
ကျွန်းပေါ်က ထုံးကျောက်လှိုင်ဂူ

ဂူအတွင်းမှာ လေ့လာစဉ်


ထုံးကျောက်ဆောင်တွေရဲ့ ဆန်းပြားတဲ့အလှ

ပညာရှင်တွေကတော့ ကျွန်းပေါ်မှာ ရှိတဲ့အပင်တွေ၊ ငှက်တွေ ထူးဆန်းရှားပါးသတ္တ၀ါတွေရဲ့ စာရင်းတွေကို လေ့လာမှတ်တမ်းတင်ခြင်းတွေ စတင်နေတယ်လို့ သိရပါတယ်.. စာရင်းမှတ်တမ်း မ၀င်သေးတဲ့ ထူးဆန်းအပင်တွေ သတ္တ၀ါမျိုးစိတ်တွေ အများကြီး ရှိနေသေးကြောင်း သိရှိရပါတယ်..



Sources and Photos from :

http://www.greenmuze.com/nature/water/1947-canadas-spotted-lake-.html and google

http://www.wayfaring.info/2008/10/04/socotra-island/

မနိုင်ဝန်ထမ်းခြင်း



ဒီတစ်ပတ် ဖတ်မိတဲ့ ပုံပြင်လေးတစ်ပုဒ်ကို ဒီနေရာလေးကနေ ပြန်လည်ပြောပြချင်ပါတယ်..

တစ်ခါတုန်းက  လူတစ်ယောက်မှာ မြည်းနှစ်ကောင်ရှိပါတယ်.. အဲဒီမြည်းနှစ်ကောင်ကို နံမည်ပေးရမယ်ဆိုရင် ပထမမြည်းကို မောင်နီလို့ နံမည်ပေးပြီး ဒုတိယမြည်းကိုတော့ မောင်ဖြူလို့ နံမည်ပေးလိုက်ပါမယ်။ မောင်နီဟာ အလုပ်ကို အလွန်ကြိုးစားပြီး သူ့စိတ်ထဲမှာ မောင်ဖြူဆိုတဲ့မြည်းထက် သာချင်တဲ့စိတ်၊ ယှဉ်ပြိုင်လိုတဲ့စိတ်၊ သူ့သခင်ဖြစ်သူရဲ့ ချီးကျူးတာကို ခံချင်တဲ့စိတ်တွေ အမြဲ ရှိပါတယ်.. ဒါကြောင့်လည်း ပိုင်ရှင်ဖြစ်သူ ခိုင်းစေသမျှ အလုပ်တွေကို မောင်နီဟာ မောင်ဖြူထက်ကို တက်တက်ကြွကြွ အားကြိုးမာန်တက် လုပ်သလို၊ ကုန်စည်စလှယ်တွေ သယ်ပိုးကြပြန်တော့လည်း ဘယ်လောက်လေးပင်တဲ့ ကုန်ပစ္စည်းတွေ သယ်ပိုးထားရသည်ဖြစ်စေ မောင်ဖြူထက်ကို ရှေ့ကို ခြေလှမ်းတွေ သာနေအောင် ကြိုးစားပြီး အမြန်ဆုံး နှုန်ထားတွေနဲ့ အရှေ့ကို လျှောက်လေ့ရှိပါတယ်။

ဘာမှ မသိရှာတဲ့ မောင်ဖြူကတော့ ခြေလှမ်းတွေကို သာမန်နှုန်းအတိုင်းဘဲ ပုံမှန်လှမ်းသလို သူသယ်ပိုးနိုင်တဲ့ အတိုင်းအတာအတွင်းမှာဘဲ ကုန်တွေကို သယ်ဆောင်လေ့ရှိပါတယ်.. စိတ်ထဲမှာ သူ့သခင်ဆီက မျက်နှာသာရဖို့ ဘယ်လိုလုပ်မယ်လို့ မစဉ်းစားမိသလို၊ အတွေးများများလည်း တွေးလေ့မရှိဘဲ ပုံမှန်အတိုင်းသာ သူလုပ်စရာရှိတာကို လုပ်နေတတ်သူက မောင်ဖြူပါ။ မောင်နီကတော့ ကုန်ပစ္စည်းတွေကိုလည်း အများကြီးသယ်သလို ခြေလှမ်းကိုလည်း အပြေးတစ်ပိုင်း သွက်လက်စွာ လှမ်းလေ့ရှိပါတယ်.. ဒီလိုနဲ့ သူတို့မြည်းနှစ်ကောင်ရဲ့ မတူညီတဲ့ အလုပ်လုပ်ပုံကို အချိန်အနည်းငယ်ကြာတော့ သခင်ဖြစ်သူက သတိထားမိလာပါတယ်.. အဲဒီတော့ အလုပ်ကို ပုံမှန်သာ လုပ်လေ့ရှိတဲ့ မြည်း မောင်ဖြူကို ပိုင်ရှင်ဖြစ်သူက အပြစ်မြင်လာပါတယ်.. မောင်နီလိုဘဲ အလုပ်ကို တက်တက်ကြွကြွလုပ်ဖို့၊ ကုန်တွေသယ်ပိုးပြီး ခြေလှမ်းမြန်မြန်လျှောက်ဖို့ အော်ဟစ် ဆူပူတတ်လာတယ်.. ပုံမှန်ခြေလှမ်း လှမ်းနေတဲ့ မောင်ဖြူကို နှေးတယ်၊ မောင်နီက ပိုပြီး အလုပ်လုပ်တယ် ဆိုပြီး ကြိမ်လုံးတွေနဲ့ ရိုက်နှက် အပြစ်ပေးပြီး ခြေလှမ်းမြန်လာဖို့၊ အလုပ်ပိုကြိုးစားဖို့ သူ့သခင်က ဖိအားပေးပါတယ်။ ဒီလိုနဲ့ မောင်ဖြူဟာ ကြိမ်လုံးနဲ့ အမြဲတမ်း အရိုက်ခံ၊ အော်ဟစ်ခံနေရပါတော့တယ်..

တစ်ရက်တော့ အလုပ်နားကြတဲ့ည မောင်နီနဲ့ နှစ်ကောင်သား အေးအေးဆေးဆေး တွေ့ရချိန်မှာ မောင်ဖြူဟာ မျက်ရည်တွေကျပြီး “ သူငယ်ချင်းမောင်နီရေ ဒီအလုပ်မှာ ငါတို့နှစ်ယောက်တည်း ရှိတာ၊ ဘာဖြစ်လို့ တစ်ယောက်နဲ့တစ်ယောက် ယှဉ်ပြိုင်နေမလဲ၊ ဘာဖြစ်လို့ တစ်ယောက်ထက် တစ်ယောက် သာချင်တဲ့စိတ်တွေ မွေးနေမလဲကွာ။ သယ်စရာရှိတဲ့ကုန်တွေကို ငါတို့နှစ်ယောက်သား ညီညီမျှမျှ သယ်ယူကြပြီး ငါတို့လုပ်နိုင်တဲ့ အတိုင်းအတာအတွင်းကနေ ငါတို့လှမ်းနိုင်တဲ့ ခြေလှမ်းတွေနဲ့လျှောက်ကြပြီး  တာဝန်ကျေအောင် လုပ်ကြရအောင်လေ၊ ကိုယ်တတ်နိုင်တာထက် ပိုပြီးလုပ်ပေးလို့ရော ငါတို့သခင်က ငါတို့ကို ဘာမှ ပိုပြီး သိတတ်မှာမဟုတ်ဘူး.. ငါတို့အတွက် ဘာအကျိုးခံစားခွင့်မှ ရမှာမဟုတ်ဘူးလေ။ ငါတို့သာ မတန်တဆ ပင်ပန်းကြဖို့သာ ရှိတယ်.”  လို့  ပြောဆိုတိုင်ပင်ပါတယ်.. မောင်နီကတော့ မောင်ဖြူပြောတာကို နားထောင်နေပေမဲ့ ဘာမှ တုံ့ပြန်ပြောဆိုခြင်း မရှိပါဘူး။

နောက်တစ်နေ့ရောက်လို့ ကုန်ပစ္စည်းတွေ သယ်ကြတဲ့အခါ မောင်နီဟာ အခါတိုင်းသယ်တဲ့နှုန်းထက် ပိုပြီး ပစ္စည်းတွေကို သယ်တဲ့အပြင် ပိုပြီး သယ်နိုင်ကြောင်း ပြတဲ့အနေနဲ့ ခါတိုင်းထက်တောင် အပြေးကလေး လျှောက်သွားပါသေးတယ်.. ဒီတော့ ပိုင်ရှင်ဖြစ်သူက  ပုံမှန်သာ သွားနေတဲ့မောင်ဖြူကို ပိုပြီး စိတ်ဆိုး ဒေါသတွေထွက်ပြန်ပါတယ်.. ရိုက်နှက်ပြန်ပါတယ်.. နောက်တစ်နေ့ရောက်ပြန်တော့ မောင်နီရော မောင်ဖြူရဲ့ ကျောပေါ်ကိုရော  ပစ္စည်းတွေ ခါတိုင်းထက် ပိုပြီး ထပ်တင်ပေးပြန်ပါတယ်.. မောင်နီကတော့ ထုံးစံအတိုင်း အရှေ့ကနေ မြန်သထက်မြန်အောင် လျှောက်နေပေမဲ့ မောင်ဖြူကတော့ များလွန်းလှတဲ့ ကုန်စည်စလှယ်တွေကြောင့် အရင်ကလောက်တောင်  မလျှောက်နိုင်တော့ဘဲ ဖြစ်နေပါတယ်.. ဒါကိုကြည့်ပြီး မြည်းပိုင်ရှင်ဟာ မောင်ဖြူ့ကို ဒေါသထွက်လွန်းတဲ့အတွက် ရက်ရက်စက်စက် ရိုက်နှက်ပြီး မြန်မြန်လျှောက်ဖို့ အော်ဟစ်ဆဲဆို ကြိမ်းမောင်းပါတယ်.. ဒါပေမဲ့ မောင်ဖြူက ဘယ်လိုမှ မြန်မြန်မလျှောက်နိုင်သလို သယ်ရတဲ့ပစ္စည်းတွေ များလွန်းလေးလွန်းလို့ ခြေလှမ်းတောင် အနိုင်နိုင်ဖြစ်နေရပါတယ်.. ပိုပိုပြီး ဒေါသထွက်လာတဲ့ မြည်းပိုင်ရှင်ဟာ မောင်ဖြူမြန်မြန်လျှောက်ဖို့ နည်းမျိုးစုံနဲ့ ရိုက်နှက် ကန်ကျောက်ပါတော့တယ်..  နောက်ဆုံးတော့ မြည်းပိုင်ရှင်ရဲ့ နှိပ်စက်မှုကိုဘယ်လိုမှ မခံနိုင်တော့တဲ့ မောင်ဖြူဟာ မြေပြင်ပေါ်မှာ လဲကျ သေဆုံးသွားပါတော့တယ်..

ယခုအခါမှာ ပြိုင်ဘက်မရှိတော့ပြီဖြစ်တဲ့ မောင်နီဟာ သူ့သခင်တော့ သူကို ပိုပြီး အားထားတော့မှာဘဲ ဆိုတဲ့စိတ်နဲ့ ပျော်ရွှင်ဝမ်းမြောက်စွာ ကုန်စည်တွေကို သယ်ပိုးပါတယ်.. မြန်သထက်မြန်အောင်လည်း ကြိုးစားလျှောက်သလို ကုန်တွေကိုလည်း များနိုင်သမျှ များများသယ်ပေးပါတယ်.. ဒါပေမဲ့ သူ့သခင်က သေသွားတဲ့ မောင်ဖြူအစားပါ ပစ္စည်းတွေကို နှစ်ကောင်စာ သယ်ယူခိုင်းပါတယ်.. နေ့စဉ် မတန်တဆ ကုန်ပစ္စည်းတွေ သယ်ယူရတဲ့အပြင် ကုန်တွေများလို့ ပင်ပန်းလွန်းတာကြောင့် အပြေးသွားနေတဲ့ ခြေလှမ်းလေးတွေက မလှမ်းနိုင်တော့ဘဲ ပုံမှန်အတိုင်း လှမ်းလိုက်ရင်တောင် မြည်းပိုင်ရှင်က မောင်နီ့ကို အလုပ်မှာ ခိုကပ်တယ်… အရင်လို အလုပ်ကို မကြိုးစားဘူးဆိုပြီး မြည်တွန်တောက်တီးကာ ရိုက်နှက်ကန်ကျောက်ပါတယ်.. ဒီလိုနဲ့ ကုန်တွေကို  နေ့စဉ် မတန်တဆ သယ်ပိုးလာရတဲ့ မောင်နီဟာ မြည်းပိုင်ရှင် စိတ်ကျေနပ်လောက်တဲ့ အတိုင်းအတာကိုရောက်အောင် မသယ်ပိုးနိုင်ဘူးဆိုပြီး ပိုင်ရှင်နှိပ်စက်သမျှကိုလည်း ခံရရှာပါတယ်..

အချိန်တွေကြာလာတော့ မြည်းပိုင်ရှင် ရိုက်နှက် နှိပ်စက် ကန်ကျောက်တာတွေကြောင့် တစ်ကိုယ်လုံးမှာ ဒဏ်ရာတွေ ဗရပွနဲ့ ဖြစ်လာတဲ့အပြင် ကုန်တွေအများအပြား သယ်ရလို့ ပင်ပန်းလွန်းတဲ့ ဒဏ်တွေဖိစီးပြီး အားနည်းပိန်ချုံးကာ ချိနဲ့လာတော့တယ်.. သူတတ်နိုင်တဲ့ အင်အားနဲ့ ကုန်တွေကို သယ်ပိုးပေမဲ့ လိုချင်လောဘကြီးလှတဲ့ မြည်းပိုင်ရှင်ရဲ့ စိတ်ကျေနပ်မှုရအောင် ဘယ်လိုမှ မစွမ်းဆောင်နိုင်တော့တာကြောင့် မြည်းပိုင်ရှင်က ဒေါသတွေထွက်ပြီး မောင်နီရဲ့အမြီးကိုမီးနဲ့ရှို့၊ အရေပြားကို လှီးဆွ၊ အသားကို ဓါးနဲ့ထိုး စသဖြင့် နည်းမျိုးစုံနဲ့ မြည်းကို မြန်မြန်သွားအောင် ကြိုးစားပြန်ပါတယ်.. ပိုင်ရှင်က ဘယ်လိုဘဲ နှိပ်စက်ခိုင်းစေပေမဲ့ ဒဏ်ရာတွေနဲ့ ချိနဲ့နေပြီဖြစ်တဲ့ မောင်နီမှာ အရင်နှုန်းထားအတိုင်း ဘယ်လိုမှ အလုပ်လုပ်နိုင်စွမ်း မရှိတော့ပါဘူး။ နောက်ဆုံးတော့ ဒေါသရော လောဘပါကြီးလွန်းတဲ့ မြည်းပိုင်ရှင်ဟာ မောင်နီ့ကို သတ်ပစ်လိုက်ပြီး တစ်ခြား မြည်းအသစ်တစ်ကောင် ၀ယ်ယူဖို့ လိုက်ရှာပါတော့တယ်။

ဒီပုံပြင်လေးဖတ်ပြီး စဉ်းစားမိတာက ကျွန်မတို့တွေရဲ့ လုပ်ငန်းခွင်တွေမှာ မောင်နီလို လူမျိုးတွေနဲ့ မကြာခဏ ကြုံတွေ့ဖူးကြမှာပါနော်။ သူဌေးလို အလုပ်ရှင်ရဲ့ မျက်နှာသာရဖို့အရေး သူဌေးရှေ့မှာမှ အလုပ်ကို ကြိုးစားလုပ်ပြသူတွေ၊ အချင်းချင်း ခြေခံထိုးတတ်သူမျိုးတွေ၊ သူဌေးကိုဖားပြီး အောက်က ၀န်ထမ်းတွေကို ဖိနင်းတတ်သူတွေ၊ ကိုယ်သိတာ ကိုယ်တတ်တာတွေကို သိုဝှက်သိမ်းဆည်းပြီး လက်တွဲခေါ်ဖို့စိတ်ကူးမရှိဘဲ တစ်ကိုယ်ကောင်းဆန်စွာ တစ်ယောက်တည်း နာမည်ကောင်း ရလိုသူတွေ၊ အခြားသူကို မကောင်းမြင်စေဖို့အတွက် အလုပ်ပိုကြိုးစား လုပ်ပြတတ်သူတွေအများကြီး ရှိတတ်ကြပါတယ်.. မြည်းပိုင်ရှင်နဲ့တူသော သူဌေးတွေကတော့ ၀န်ထမ်းတွေ ဘယ်လောက်ကောင်းအောင် လုပ်ပေးပေမဲ့ အသိအမှတ်မပြုတတ်သူတွေ၊ တန်ဖိုးထားရကောင်းမှန်း မသိနိုင်တာမျိုးတွေလည်း ရှိတတ်ကြပါတယ်.. ဘယ်လိုဘဲဖြစ်စေ ဒီလို လူမျိုးတွေနဲ့ ကြုံတဲ့အချိန်မှာ အရာရာကို သင်ခန်းစာယူပြီး သူတို့နေရာမှာ ကိုယ်သာရောက်လာခဲ့မယ်ဆိုရင် သူတို့လို စိတ်ဓာတ်မျိုး မထားမိအောင် သင်ခန်းစာ ယူထားတတ်ဖို့လိုတယ်လို့ အတွေးတွေနဲ့ စဉ်းစားမိပါတယ်..

တစ်ခါတစ်လေမှာတော့ အခြားသူနဲ့ ယှဉ်ပြိုင်တာမျိုးမဟုတ်ဘဲ ငြင်းပယ်လို့ခက်တာကြောင့်သော်လည်းကောင်း၊ အားနာလို့သော်လည်းကောင်း မတန်တဆအလုပ်ကို လက်ခံပြီး လုပ်ရတဲ့အခါမျိုးတွေ၊  ကိုယ် မနိုင်မနင်း ဖြစ်တဲ့အထိ အလုပ်ကို လုပ်ပေးရတဲ့ အခြေအနေမျိုးတွေ ကြုံတွေ့လာနိုင်ပါသေးတယ်.. အဲဒီအခါမျိုးမှာ ကိုယ်မနိုင်တဲ့ဝန်ကို အားနာစိတ်နဲ့ သော်လည်းကောင်း၊ မနိုင်မှန်းသိရက်နဲ့ သူဌေးငြိုငြင်မှာ စိုး၍သော်လည်းကောင်း အကြောင်းကြောင်းကြောင့် လုပ်ပေးနေရပေမဲ့ ကိုယ့်အတွက် ၀န်ထုပ်ဝန်ပိုးကြီးမားပြီး စိတ်သောက များရသလို၊ ပူပန်မှုတွေ၊ ဖိအားတွေလည်း ကြုံတွေ့လာရတတ်ပါတယ်.. အဲဒီချိန်မှာ မိမိကိုယ်ကို သေချာပြန်စဉ်းစားဖို့ လိုတာက ဒီအလုပ်ကို လုပ်ပေးရခြင်းအတွက် စိတ်ပျော်ရွှင်မှု ရပါရဲ့လား၊ ကိုယ့်အတွက်ရော ပညာသော်လည်းကောင်း၊ ဥစ္စာသော်လည်းကောင်း ကျန်ပါရဲ့လား။  သင့်သူဌေးကရော သင်လုပ်ပေးတဲ့ အကောင်းဆုံး စွမ်းဆောင်ချက်တွေကို အသိအမှတ်ပြုပါရဲ့လား။ မြည်းနှစ်ကောင်ရဲ့ ပိုင်ရှင်လို အလိုလောဘကြီးစွာနဲ့ လုပ်ပေးသမျှကို အကောင်းမမြင် မကျေနပ်နိုင်သူများ ဖြစ်နေခဲ့ပြီလား။ ဒီလိုမှမဟုတ်ဘဲ ဒီမတန်တဆအလုပ်ကို ငြင်းဖို့အားနာပြီး လုပ်ပေးရခြင်းအတွက် ကိုယ့်မှာ ၀န်ထုပ်ဝန်ပိုးကြီး သက်သက် တစ်ခုလို မနိုင်မနင်းဖြစ်စေခဲ့တယ်၊ ဒါမှမဟုတ် သူတစ်ပါးကို တိုက်ခိုက်ဖို့ ၊ သူတစ်ပါးနစ်နာစေဖို့ သက်သက်ကြောင့် မတန်တဆ မနိုင်ဝန်ဖြစ်စေနိုင်တဲ့ အလုပ်တစ်ခုကို လက်ခံခဲ့ခြင်းသာ ဆိုခဲ့ရင် ဒီအလုပ်ကို လုပ်ဖို့ ပြန်စဉ်းစားဖို့တော့ လိုနေပြီလို့ ထင်ပါတယ်နော်။

Don't overload oneself ( Unknown Author) ကို နှစ်ခြိုက်မိသောကြောင့် ဘာသာပြန်ပါသည်။


ပုဇွန်လ္ဘက်မွှေးကြော်

တစ်ရက်တော့ ချောကလက် ဆိုဒ်မှာ တင်ထားတဲ့ ဟင်းချက်နည်းလေးတစ်မျိုးကို ကျွန်မ တော်တော်လေး စိတ်ဝင်စားသွားမိပါတယ်.. နံမည်လေးကလည်း လှသလို အရသာလည်း ကောင်းမဲ့ပုံရတာမို့ ချက်ခြင်းကို လုပ်စားကြည့်ဖို့ စိတ်ကူးလိုက်မိပါတယ်. နံမည်လေးကိုက ချစ်ဖို့ကောင်းပါတယ်.. လက်ဖက်ခြောက် ပုဇွန် ကောင်လုံးမွှေးကြော် ပါတဲ့။ ဘယ်လိုလဲ  စိတ်ဝင်စားသွားပြီလား .. ကျွန်မလုပ်စားဖြစ်တဲ့ ချက်နည်းလေး ပြန်လည်ဝေမျှပါမယ်နော်။


Image Hosted by PicturePush - Photo Sharing

လက်ဖက်ခြောက်

ပထမဦးဆုံး လက်ဖက်ခြောက် ပုဇွန်ကောင်လုံးမွှေးကြော်ဖို့က လက်ဘက်ခြောက် လက်တစ်ဆုပ် စာလောက်ကို ပန်းကန် တစ်ခုထဲထည့်ပြီး ပွလာအောင် ရေနွေးနဲ့ အချိန်ကြာကြာ စိမ်ထားရအောင်နော်။ ပြီးရင်  ရေနွေးနဲ့ စိမ်ထားလို့ ပွနေတဲ့ လက်ဖက်ခြောက်တွေကို ရေ၂ခါ ၃ခါ ပြန်ဆေးပြီး စစ်ထားလိုက် ပါမယ်။


Image Hosted by PicturePush - Photo Sharing

အရသာဝင်အောင် နယ်ထားတဲ့ပုဇွန်များ

ပုဇွန်တွေကို ခေါင်းဖြတ် ရေစင်အောင်ဆေးကြောပြီး ဆား၊ အသားမှုန့်၊ အချိုမှုန့်၊ အရက်အနည်းငယ်တို့နဲ့ နယ်ထားပြီး အရသာများ အသားထဲသို့ဝင်သွားအောင် အချိန်အနည်းငယ် ထားလိုက်ပါတယ်..


Image Hosted by PicturePush - Photo Sharing

 ပုဇွန်ကောင်လုံးကြော်

နှပ်ထားတဲ့ပုဇွန်တွေကို ဆီနဲ့ ကျက်အောင် ကြော်ထားလိုက်ပါတယ်.. ဆားအချိုမှုန့် အရသာဟာ အသားထဲဝင်အောင် နှယ်ပြီး နှပ်ထားတာမို့ ခုတိုင်းတောင် အတော်စားကောင်းနေပြီ ဖြစ်ပါတယ်.. ကြော်ထားတဲ့ ပုဇွန်တွေ ကုန်အောင် မနှိုက်စားမိဖို့တော့ တော်တော့ကို သတိထားလိုက်ရပါတယ်.. :)



Image Hosted by PicturePush - Photo Sharing

လ္ဘက်ခြောက်ကြော်

Image Hosted by PicturePush - Photo Sharing

ကြော်ထားတဲ့လက်ဖက်ခြောက်

ရေစစ်ထားတဲ့ လက်ဘက်ခြောက်တွေကို ခြောက်ပြီး ကျွတ်လာအောင် ဆီနဲ့ကြော်ပါမယ်.. ကျွတ်လာရင် ပန်းကန်တစ်ခုထဲကို ထည့်ထားလိုက်ရအောင်နော်။

Image Hosted by PicturePush - Photo Sharing

ခရမ်းချဉ်သီး၊ ကြက်သွန်ဖြူနီ

ကြက်သွန်ဖြူ၊နီ၊ ခရမ်းချဉ်သီးတောက်တောက်စင်းတို့ကို နှမ်းဆီ၊ အရက်၊ ပဲငံပြာရည်အကြည် (အနည်းငယ်စီ) တို့ကို ရောနှယ်ထားပြီး ဆီသတ်ဖို့ အသင့်ပြင်ဆင်ထားပါတယ်..


ခရမ်းချဉ်သီးကြက်သွန် ဆီသတ်

ပြီးတော့ ခရမ်းချဉ်သီး၊ ကြက်သွန်ဖြူနီတို့ကို ဆီသတ်ပြီး ခရမ်းချဉ်သီးတွေလိပ်အောင် ကြော်ပါတယ်..

Image Hosted by PicturePush - Photo Sharing

ပုဇွန်ကြော်ကို ထည့်မွှေပါတယ်

Image Hosted by PicturePush - Photo Sharing


ခရမ်းချဉ်သီး လိပ်သွားပြီဆိုတာနဲ့ အစော ကြော်ထားတဲ့ လက်ဖက်ကြော်ထားတာနဲ့ ပုဇွန် ကြော်ထား တာတွေကို ရောမွှေပြီး ထည့်ကြော်လိုက်ရင် အင်မတန်မှ မွှေးပြီး ဆိမ့်သက်သက်လေးနဲ့ အရသာထူးသော ပုဇွန်လက်ဖက် ကောင်လုံးမွှေးကြော်ကို ရပါတယ်.. လက်ဖက်ကို ကြော်ထားတဲ့ အရသာလေးက ခါးသက်သက်လေးပေမဲ့ အတော်ကို မွှေးပါတယ်.. ပုံထဲမှာ အမဲရောင်လေးတွေက လက်ဖက်ကြော်ပါ။  ၀ါသနာပါသူများ လုပ်စားကြည့်ပါနော်.. လျှာလည်သွားမှာ သေချာပါတယ်။


Image Hosted by PicturePush - Photo Sharing

လက်ဖက်ခြောက် ပုဇွန်ကောင်လုံးမွှေးကြော်ပါ

ကျွန်မက အဲဒီလို နည်းနည်းထူးခြားတဲ့ ဟင်းချက်နည်းလေးတွေကို စိတ်ဝင်စားပြီး ချက်နည်းလေးကို သိရရင် ကိုယ်တိုင် ပြန်ချက်စားချင်သူပါ။ ချက်ကြည့်တော့လည်း စားလို့ကောင်းတာမို့ မိတ်ဆွေများကိုလည်း ပြန်လည်မျှဝေလိုက်ပါတယ်နော်..


Image Hosted by PicturePush - Photo Sharing

ခါးသက်သက် ဆိမ့်တိမ့်တိမ့် ပုဇွန်လ္ဘက်မွှေးကြော်


Image Hosted by PicturePush - Photo Sharing


မလောက်ရင် နောက်တစ်ခွက် ယူစားနော်

ချက်နည်းလေးကို  မျှဝေပြီး  (ချောကလက်မြို့တော်)  မှာ တင်ပေးထားတဲ့ တောင်ပေါ်သူလေးကို ကျေးဇူးတင်ပါတယ်.. ကန်တော်ကြီးထဲက White Rice Restaurant ရဲ့ ချက်နည်းလို့ သိရပါတယ်.. သူတို့ကတော့ လက်ဖက်ခြောက်တွေ များကြီးဘဲ ထည့်ထားပါတယ်.. ကျွန်မကတော့ အများကြီးမထည့်ဘူး.. တော်ကြာ လက်ဖက်ခြောက်ရဲ့ ခါးတဲ့ အရသာက ပုဇွန်ထဲဝင်ကုန်လို့ ပုဇွန်ပါ ခါးကုန်ရင် နှမြောလှချည်ရဲ့လို့ စဉ်းစားမိပြီး လက်ဖက်ခြောက်ကို လက်တစ်ဆုပ်စာလောက်သာ ထည့်လိုက်တာပါ။  ဘာဘဲဖြစ်ဖြစ် တကယ်ကို စားလို့ကောင်းပါတယ်။ တကယ်ပြောတာပါ :) :)


က်ဖက်ခြောက် ပုဇွန် ကောင်လုံးမွှေးကြော်နည်းလေးကတော့ ဒီတစ်ပတ် စားစရာလက်ဆောင်ပါ။ ပျော်ရွှင်စွာ စားသောက်နိုင်ကြပါစေရှင်......


လူသားဆန်သော... သူ


နန့်စမ်းကျေးရွာကလေးတွင် ဦးနှောက်ကျပ်မပြည့်သော သူတစ်ဦးရှိသည်။ သူ့နံမည်က အောင်ထွန်း……

အောင်ထွန်းကို မွေးတော့ အချင်းစလွယ်ဆိုင်းပြီး မွေးသည်ဟု ပြောကြသည်။ ထိုသို့ အချင်းစလွယ်ဆိုင်း၍ မွေးလာသောသူသည် တစ်ခုခု ထူးထူးခြားခြား ဖြစ်ထွန်းတတ်သည်၊ အကြီးအကဲဖြစ်တတ်သည်ဟု ဆိုရိုးရှိသောကြောင့် လူအများက “ဒီကလေးက ထူးခြားမဲ့ကလေး”ဟု ၀ိုင်းပြီး မှတ်ချက်ပေးကြသောအခါ အနီးနားရှိ လူကြီးတစ်ဦးက “အင်း ထူးရင်ထူး၊ မထူးရင်တော့ အရူးဘဲ ဖြစ်မယ်” ဟု ပြောလိုက်ကြောင်းကို  အောင်ထွန်းမွေးလာသော ဇာတ်ကြောင်းအဖြစ် လူအချို့က ပြန်ပြောတတ်ကြလေသည်။ တကယ်တမ်း ကျောင်းနေသည့်အရွယ် ရောက်လာချိန်တွင် အောင်ထွန်းမှာ ဦးနှောက်ကျပ်မပြည့်သူ ဖြစ်သောကြောင့် အခြားကလေးများလို ကျောင်းတက်ဖို့ အခွင့်မရရှာပါ။ သို့သော် အံ့သြဖို့ကောင်းသည်မှာ အောင်ထွန်းက ဦးနှောက်မပြည့်သော်လည်း မှတ် ဉာဏ်တော့ အလွန်ကောင်းသည်။ နန့်စမ်းရွာ တစ်ရွာလုံးက လူတွေကို နံမည်နှင့်တွဲရက် သူမသိသူမရှိ။ မမှတ်မိဘဲမနေ။ ထို့ပြင် လူတိုင်းကို နံမည်မှန်အောင် ခေါ်နိုင်သလို လူတိုင်း၏ နံမည်ကိုလည်း အင်္ဂလိပ်လို စာလုံးပေါင်းတတ်သည်။ ကျောင်းပင်မနေခဲ့ဖူးသော အောင်ထွန်းသည် ထိုစာလုံးပေါင်းများကို မည်ကဲ့သို့တတ်လာသည်ကိုလည်း မည်သူကမျှ မပြောနိုင်ချေ။ ရွာထဲကလူတစ်ချို့က “အောင်ထွန်းရေ.. ငါ့နာမည် အင်္ဂလိပ်လို ပေါင်းပြစမ်းပါကွာ” ဟု မေးလိုက်လျှင် ရွှန်းရွှန်းဝေအောင် ပေါင်းပြလေတော့သည်။

အောင်ထွန်းသည် ထင်းခွေ၊ ရေခပ် ၊ တောတောင်ထဲတွင် သပြေပန်းများခူး၍ လိုအပ်သည့်အိမ်များကို ရောင်းချပေးခြင်းဖြင့် မိခင်အိုကြီးကို လုပ်ကျွေးနေသူဖြစ်သည်။ ယောက်ျားသား မရှိသောအိမ်များ၊ အလုပ်မအားလပ်သော အိမ်များကလည်း အောင်ထွန်းကိုခေါ်၍ ထင်းခွဲခိုင်းခြင်း၊ ရေခပ်ခိုင်းခြင်းတို့ကို အခကြေးငွေ ပေး၍ ခိုင်းစေတတ်ကြသည်။ ဘယ်၍ ဘယ်မျှဟု သတ်မှတ်ခြင်းမရှိဘဲ ပေးသလောက်သာ ယူတတ်၍ အလုပ်ကိုလည်း စေတနာပါပါ လုပ်ပေးတတ်သည်။ ဓားများတုံးနေသည်ကို မြင်ပါက မနေနိုင်ဘဲ သွေးသွားပေးခြင်း၊ ခြင်းများ စုတ်ပြဲနေလျှင် နှီးရက်ပြီး ဖာထေးသွားပေးခြင်း၊ ခြံထဲတွင် ရှုပ်ပွနေလျှင် ရှင်းသွားပေးခြင်း၊ ၀ါးလုံးတို အစများတွေ့လျှင် နှီးဖြာပေးသွားခြင်း စသည်ဖြင့် သူ့မျက်စိထဲ မြင်သမျှ တောက်တိုမယ်ရ အလုပ်တို့ကိုလည်း ၀င်လုပ်ပေးတတ်သောကြောင့် ရွာထဲမှ လူအများက အောင်ထွန်းကို သဘောကျ၊ ခင်မင်ကြသည်။

လူကြီးပိုင်းက အောင်ထွန်းနှင့် အဆင်ပြေသလောက် သူနှင့်အစေးမကပ်သော ရန်ဘက်များမှာ ကလေးများအုပ်စု ဖြစ်လေသည်။ အောင်ထွန်းတွင် မည်သို့သော အကြောင်းကြောင့်မှန်းမသိရဘဲ သူ့ရှေ့တွင် ချောင်းဆိုးလျှင် စိတ်ဖောက်ပြန်သလိုဖြစ်လာပြီး ချောင်းဆိုးသူကို တွေ့ရာဒုတ်ချောင်းများ ခဲလုံးများ စသည်ဖြင့် လိုက်ရိုက်ခြင်း၊ ပေါက်ခြင်းကို လုပ်တတ်သည်။ ပြီးလျှင်လည်း သူ၏ရှေ့တွင် ငပိဆိုသော စကားလုံးကို သုံးလျှင်လည်း အလွန်စိတ်ဆိုးတတ်သည်။ စိတ်ဆိုးပြီး လိုက်ရိုက်တတ်သော အကျင့်ရှိသည်။ ကလေးများအုပ်စုကလည်း အောင်ထွန်းကိုမြင်လျှင် သူ့ရှေ့တွင် တမင်တကာ ချောင်းဆိုးခြင်း သော်လည်းကောင်း၊ အောင်ထွန်း ငပိ ဟု အော်ဟစ်စနောက်ခြင်း သော်လည်းကောင်း ပြုလုပ်ကာ ထွက်ပြေးတတ်ကြသည်။ ထို့ကြောင့် ကလေးများက အောင်ထွန်းကိုမြင်တိုင်း စတတ်၊ နောက်တတ်သလို အောင်ထွန်းကလည်း သူ့ကို စနောက်တတ်သော ကလေးများကို မုန်းသူ၊ ရန်လိုသူ ဖြစ်လာသည်။ အချို့ကလေးများမှာ အောင်ထွန်း ရှိနေသည်ကို မတွေ့မိဘဲဖြစ်စေ၊ အောင်ထွန်းအကြောင်း မသိ၍ဘဲ ဖြစ်စေ ချောင်းဆိုးမိခြင်း ပြုခဲ့မိလျှင် ထိုကလေးကို အောင်ထွန်းက လိုက်ရိုက်တတ်လေသည်။ လူကြီး မိဘ တစ်ဦးဦးက မြင်တွေ့သွားပြီး အော်ဟစ်ခြောက်လှန့်ကာ အောင်ထွန်းကို ပြန်ရိုက်နှက်မည့်ပုံစံ လုပ်ပြမှ ထွက်ပြေးသွားတတ်သည်။

တစ်ရက် အောင်ထွန်းမှာ တောထဲ ပန်းခူးထွက်ဖို့ နန့်စမ်းကျေးရွာ၏ စာသင်ကျောင်းအနီးမှ ဖြတ်သွားရသောအခါ ကျောင်းခေတ္တအားလပ်ချိန်နှင့် တိုက်ဆိုင်နေသောကြောင့် ကျောင်းသားများအားလုံး ကျောင်းခန်းပြင်ပ ကျောင်းဝင်းထဲတွင် ဆော့ကစားနေချိန် ဖြစ်လေသည်။ ကျောင်းအနီးမှ  အောင်ထွန်းဖြတ်သွားသည်ကို တွေ့မြင်ကြသော ကျောင်းသားများ အားလုံးက “အောင်ထွန်း ငပိ ၊ အဟမ်းအဟမ်း”  စသော အသံများ ဆူညံစွာဖြင့် အော်ဟစ် စနောက် ကြလေသောအခါ ဒေါသအိုး ပေါက်ကွဲလေသော အောင်ထွန်းသည် ကျောင်းကို ခဲဖြင့် အညှိုးတကြီး ထုလေတော့သည်။ ဆရာ၊ဆရာမများက ကျောင်းသားများကိုမစကြ၊ မနောက်ကြဖို့၊ အသံတိတ်ဖို့ အော်ဟစ်တားမြစ်သောကြောင့် ကျောင်းသားများဆီက အသံ တိတ်သွားတော့မှသာ အောင်ထွန်းမှာ တောထဲသို့ ထွက်ခွာသွားလေသည်။ ထိုသို့ဖြင့် ကလေးများမှာလည်း အောင်ထွန်းကိုတွေ့တိုင်း အော်ဟစ် နောက်ပြောင်ကာ ထွက်ပြေးတတ်သလို  အောင်ထွန်းကလည်း ကလေးများကိုတွေ့လျှင် မျက်စောင်းတခဲခဲ ဖြစ်နေတတ်သည်။ ဘယ်သူက သူ့ရှေ့တွင် ချောင်းဆိုးလိုက်လေမည်လဲ၊ ဘယ်သူက ငပိဟု အော်ဟစ်မည်လဲဟူ၍ သတိကြီးကြီးနှင့် စောင့်ကြည့်နေတတ်သည်။ ရွာထဲမှ အစ အနောက် သန်လွန်းသော အချို့ကလေးများ၊ အောင်ထွန်းအကြောင်း မသိ၍ ချောင်းဆိုးမိသော ကလေးများမှာ သူ့လက်ချက်ဖြင့် ထိပ်ပေါက်ခေါင်းကွဲခြင်းမှာ မကြာခန ဖြစ်တတ်လာသည်။ သို့ဖြင့် အောင်ထွန်းနှင့် ကလေးများမှာမူ ကမ္ဘာ့ရန်များသဖွယ် ဖြစ်လာကြလေတော့သည်။

နန့်စမ်းရွာ၏ စာသင်ကျောင်းသည် ရွာအ၀င် လမ်းမကြီးဘေးတွင်ရှိပြီး ရွာထဲမှ ကျောင်းသို့လာလျှင် ချောင်းကူး တံတားကြီးတစ်ခုကို ဖြတ်ပြီးမှ ကျောင်းသို့ရောက်သည်။ တံတားမှာ ခပ်ကျဲကျဲ ပျဉ်ချပ်များဖြင့် ခင်းထားလေသည်။ ကျေးလက်တောရွာဖြစ်ပြီး လယ်ယာအလုပ်၊ တောတောင်ထဲတွင် ထင်းခွေ၊ ဟင်းရှာ၊ မီးသွေးဖုတ် စသဖြင့် အလုပ်မအားလပ်ကြသော မိဘများမှာ မြို့ကျောင်းများမှ မိဘများကဲ့သို့ မိမိတို့သားသမီးများကို ကျောင်းပို့၊ ကျောင်းကြို လုပ်လေ့လုပ်ထ မရှိသလို လုပ်နိုင်အောင်လည်း အချိန်မပေးနိုင်ကြသောကြောင့် ကျောင်းသားများ၊ ကလေးသူငယ်များမှာ မိမိတို့ဖာသာ ကျောင်းသို့ သွားကြရသည်။ ကျောင်းတက်စ သူငယ်တန်း  ကလေးများကိုလည်း နီးစပ်ရာ ကျောင်းသားကြီးများနှင့် ထည့်ပေးလိုက်ကြသော်လည်း ကျောင်းတက်ရက် ကြာလာလျှင်တော့ သူတစ်ဦးတည်းဖြစ်စေ သူငယ်ချင်းများနှင့်ဖြစ်စေ ကျောင်းသွားကျင့် ရသွားတတ်ကြသည်သာ ဖြစ်လေသည်။

တစ်ရက်တွင် ၄တန်းကျောင်းသားလေး အိုက်ဦးမှာ မိခင်ဖြစ်သူ ထမင်းချက် နောက်ကျနေသဖြင့် မနက်စာ စားနောက်ကျသောကြောင့် ကျောင်းချိန် အနည်းငယ် နောက်ကျသွားလေသည်။ ကျောင်းနှင့် မဝေးလှသောကြောင့် ခေါင်းလောင်းထိုးသံကိုပင် ကြားလိုက်ရသေးသည်။ ကျောင်းနောက်ကျနေသဖြင့် ကပျာကယာ အပြေးအလွှား ကျောင်းသို့ထွက်အလာတွင် ချောင်းကူးတံတားပေါ်အရောက်တွင်  ပျဉ်ပြားခင်းသော တံတား၏ တစ်နေရာတွင် သစ်သားတစ်ချောင်းမှာ ကျိုးနေသောကြောင့် အပေါက်အနည်းငယ်ကျယ်နေရာ အမြန်လျှောက်လာသော အိုက်ဦးမှာ ထိုအပေါက်တွင် ခြေတစ်ဖက် ကျွံသွားပြီး သူစီးလာသော ဖိနပ်တစ်ဖက်မှာ တံတားအောက်သို့ ကျသွားတော့သည်။ ဖိနပ်မှာ မိခင်ဖြစ်သူ ဒီမနက်မှ ဈေးက၀ယ်လာသော ဖိနပ်အသစ်ဖြစ်သည့်အတွက် အရိုက်ခံ ထိတော့မည်ကို တွေးမိပြီး ထိတ်လန့်သွားမိလေသည်။ တံတားပေါက်မှ အောက်ဘက်သို့ ငုံ့ကြည့်လိုက်သောအခါ ချောင်းအစပ်မြေပြင်ပေါ်တွင် ရေပြင်ပေါ်တစ်ပိုင်း ကမ်းစပ်ပေါ် တစ်ပိုင်း  ကျလုကျခင် တင်နေသော သူ၏ ဖိနပ်လေးကို တွေ့လိုက်ရသောကြောင့် အမြန်ဆင်းကောက်မည်ဟု ဆုံးဖြတ်ကာ တံတားထိပ်ဖက်သို့ ပြန်လျှောက်လာပြီး ဖိနပ်ကျသွားရာ တံတားအောက်ဖက်ရှိ ချောင်းကမ်းစပ်သို့ ဆင်းသွားလေသည်။

ထိုအချိန်တွင် အောင်ထွန်းမှာ တောထဲမှ သပြေပန်းများ ခူးပြီး  တံတားဟိုဘက်ထိပ်ဆီမှ ရွာဘက်သို့ ပြန်လာရာ အိုက်ဦးလေး ချောင်းစပ်သို့ ပြေးဆင်းသွားသည်ကို သူက တွေ့လိုက်ရလေသည်။ သို့နှင့် တံတားပေါ်မှ အောက်ဘက်သို့ ငုံ့ကြည့်လိုက်ရာ ချောင်းစပ်သို့ ပြေးဆင်းနေသော အိုက်ဦးကိုတွေ့လိုက်၍ ပြန်လာခဲ့ရန် အော်ခေါ်လိုက်သော်လည်း အိုက်ဦးမှာ ကြားဟန်မတူဘဲကမ်းစပ်ဆီသို့ ပြေးမြဲပြေးဆင်းနေသဖြင့် အောင်ထွန်းလည်း တံတားထိပ်ဘက်သို့ ရောက်အောင် အမြန်ပြေးကာ အိုက်ဦးနောက်သို့ လိုက်လေတော့သည်။ အိုက်ဦးလေး ချောင်းစပ်သို့ ရောက်ချိန်တွင် ညက ပြင်းပြင်းထန်ထန် ရွာခဲ့သော မိုးကြောင့် တရိပ်ရိပ် တက်နေသော ချောင်းရေက သူ့ဖိနပ်လေးကို ကမ်းစပ်မှ မျှောပါသွားအောင် ဆွဲချသွားလေတော့သည်။ ဖိနပ်အသစ်လေးလဲဖြစ်၊ အိမ်ရောက်၍ ဖိနပ်မပါလာသည်ကို တွေ့ပါက လူကြီးများ ရိုက်မည်ကိုလည်း စိုးသောကြောင့် အိုက်ဦးလေးမှာ ဘာမှ မစဉ်းစားတော့ဘဲ ရေကြီးနေသောချောင်းထဲ ဆင်းလိုက်ပြီး မျှောပါစ ပြုနေသော ဖိနပ်ကို ဆင်းဆယ်ပါတော့သည်။

သို့သော်လည်း ရေတက်နေသောကြောင့် ဖိနပ်မှာ ရေစီးဖြင့် အလျှင်အမြန်မျှောပါနေသလို ရေထဲဆင်းလိုက်သော အိုက်ဦးကိုလည်း ချောင်းရေက အရှိန်ဖြင့် ဆွဲခေါ်သွားလေရာ ရေကူးတတ်သော်လည်း ရေစီးပြင်းသဖြင့် အိုက်ဦးမှာ ချောင်းရေထဲ မျှောပါလေတော့သည်။ အိုက်ဦးနောက် လိုက်လာသော အောင်ထွန်းမှာ ချောင်းရေထဲ မျှောပါနေသော အောင်ထွန်းကိုတွေ့သည်တွင် ဘာမှ စဉ်းစားမနေတော့ဘဲ သူ့ထဲကိုင်လာသော သပြေပန်းနှင့် ခါးတွင်ထိုးထားသော ဓားကို ကမ်းစပ်တွင် ပစ်ချလိုက်ပြီး အောင်ထွန်းမျှောပါသွားရာ ချောင်းရေထဲသို့ အမြန် ဆင်းလိုက်လေတော့သည်။ ရေစီးသန်နေသဖြင့် အောင်ထွန်းကိုယ်တိုင်မှာလည်း မျှောပါသွားတော့သည်။ မကြာခင်တွင် ရေစီးနှင့်မျှောပါနေသော အိုက်ဦးလေးမှာ ရေကူးတတ်သောကြောင့် ရေစီးဖြင့် မျှောရုံသာမျှောပါနေသော်လည်း  အောင်ထွန်းမှာ ရေထဲတွင် မြုပ်ချည်ပေါ်ချည် ဖြစ်နေတော့သည်။ ထိုအချိန်တွင် ကံကောင်းထောက်မစွာဖြင့် စက်လှေတစ်စီး ဖြတ်အသွား ရေနစ်စပြုနေသော အောင်ထွန်းနှင့် ရေစီးဖြင့် မျှောနေသော အိုက်ဦးတို့ကို စက်လှေပေါ်မှ လူများက ကယ်လိုက်ကြလေသည်။

သူတို့၂ယောက်ကို စက်လှေက ကမ်းစပ်သို့ ပြန်ပို့ချိန်တွင် ရေနစ်သည်ဟု အသံကြားသဖြင့် ကမ်းစပ်တွင် လူအများက ရောက်ရှိနေကြပြီဖြစ်သည်။  တစ်ယောက်တစ်ပေါက် ၀ိုင်းမေးကြရင်း အိုက်ဦးကို ဆင်းကယ်သဖြင့် အောင်ထွန်းရေနစ်သည် ဟု သိလိုက်ကြလေသည်။ တကယ်တမ်းတွင် အောင်ထွန်းမှာ ရေလုံးဝ မကူးတတ်ပါ။ သို့သော် သူ့ရှေ့တွင် ရေထဲမျှောပါနေသော ကလေးကိုတွေ့သဖြင့် ဘာကိုမှ မစဉ်းစားဘဲ ရေထဲဆင်းကယ်ဖို့ ကြိုးစားခြင်း ဖြစ်လေသည်။  ကလေးများကို မုန်းတီးသူ၊ ရန်လိုတတ်သူ အောင်ထွန်းမှာ ယခု သူ၏ ရန်ဘက်ဖြစ်သော အိုက်ဦးကဲ့သို့ ကလေးတစ်ယောက်ကို ရေပင်မကူးတတ်ဘဲ ကယ်ဖို့ ကြိုးစားသည်ကို ၀ိုင်းကြည့်နေသူများက နားမလည်နိုင်အောင်ဖြစ်ကာ အံ့သြကြလေသည်။ ဘာကြောင့်ရေမကူးတတ်ဘဲ ကလေးတစ်ယောက်ကို ကယ်ဖို့ ကြိုးစားသည်ကို နားမလည်နိုင်ဖြစ်ရသလို အံ့သြခြင်းလည်း ဖြစ်ကြရလေသည်။ သို့ဖြင့် အောင်ထွန်းအား လူအများက “ရေမကူးတတ်ဘဲ ဘာကြောင့် ရေထဲဆင်းသလဲ”  ဟု ၀ိုင်းမေးကြလေတော့သည်။ ထိုသူများ၏ မေးခွန်းကို အောင်ထွန်းပြန်ဖြေလိုက်သည်က “ လူတစ်ယောက် ရေနစ်နေတာ မြင်တော့ ကျုပ် ရေမကူးတတ်တာ သတိမရတော့ဘူး။ ရေနစ်မှာကိုလည်း သတိမထားမိတော့ဘူး.. ကျုပ်ကို ရွာဦးဆရာတော်က ပြောဖူးတယ်.. လူတစ်ယောက်ရဲ့ အသက်တစ်ချောင်းဟာ ရခဲတယ်.. တန်ဖိုးရှိတယ်လို့ ပြောထားဖူးတယ်.. ကျုပ်အဲဒါကို ဘယ်တော့မှ မမေ့ဘူး.. ဒါကြောင့်လည်း ဒီကလေး ရေနစ်မှာစိုးလို့ ကျုပ် ဆင်းပြီးကယ်တာ..” ဟူ၍ ဖြစ်သည်။
လူအုပ်ထဲတွင် ၀ိုင်းကြည့်နေသောသူများထဲမှာ လူတော်တော်များများ၏ စိတ်ထဲတွင် “ကျပ်မပြည့်သော အောင်ထွန်းလို လူတစ်ယောက်ကပင် သူနှင့် လုံးဝ မတည့်သော သူ၏ရန်ဘက် ကလေးတစ်ယောက်အား လူ့အသက်တစ်ချောင်းသည် တန်ဖိုးရှိမှန်း၊ ကယ်တင်ရကောင်းမှန်းကို လူသားဆန်စွာ သိနားလည်နေခဲ့ပါလျှင် အောင်ထွန်းထက်  ဦးနှောက်အသိဉာဏ် ပြည့်စုံသောသူတွေကရော လူအများကို တန်ဖိုးထားရကောင်းမှန်း၊ အသက်တစ်ချောင်းကို ကယ်တင်ရကောင်းမှန်း သိကြပါရဲ့လား ” ဟူ၍ အတွေးနက်မိကြတော့သည်။

လူအချင်းချင်း တန်ဖိုးထားတတ်သော စိတ်နှလုံးကောင်းဟူသည် ရာထူးအဆင့်အတန်း၊ အသက်အရွယ်၊ ဆင်းရဲချမ်းသာ၊  ပညာတတ်ခြင်း၊ မတတ်ခြင်းပေါ်တွင် ခွဲခြမ်းစိတ်ဖြာ ကြည့်ရှု၍ မရနိုင်ဘဲ လူတစ်ယောက်၏ ပင်ကိုယ်နှလုံးသားထဲမှ စိမ့်ထွက် ယိုစီးကျလာသော စစ်မှန်သည့် အသံကို နားထောင်မှသာ မြင်နိုင်သည့်အရာ  ဖြစ်လေသည်။


မြေအောက်ကြယ်နှင့် တွင်းပြာကြီး

မြေပြင်အောက်က ကြယ်ပွင့်များ

ကောင်းကင်ပေါ်မှာ လင်းလက်တောက်ပနေတဲ့ ကြယ်ကလေးများကို လူတိုင်းက တွေ့ဖူးကြမှာပါနော်… ဒါပေမဲ့ ကမ္ဘာမြေကြီးရဲ့ အနက်တစ်နေရာမှာ လင်းလက်နေတဲ့ ကြယ်ကလေးတွေ ရှိတယ်ဆိုရင် ယုံကြည်နိုင်ပါ့မလား .. မယုံဘူးဆိုရင် အောက်မှာဆက်ပြီးဖတ်ကြည့်ပါနော်။
လင်းလက်နေသောကြယ်လေးများ

မျက်နှာကျက်ပေါ်မှာ ရောင်စဉ်ဖြာ

မြေအောက်မှာ လင်းလက်တောက်ပနေတဲ့ ကြယ်တွေကို ကြည့်ဖို့အတွက် ပထမဆုံး နယူးဇီလန်နိုင်ငံရဲ့ မြောက်ကျွန်းစုကို သွားဖို့လိုအပ်ပါတယ်.. အဲဒီကျွန်းမှာရှိတဲ့ Waitomo Glowworm လို့ခေါ်တဲ့ မြေအောက်ဂူကြီးတစ်ခုမှာ လင်းနေတဲ့ကြယ်တွေကို မြင်ရပါလိမ့်မယ်.. ဒါပေမဲ့ တကယ့်ကြယ်အစစ်တော့ မဟုတ်ပါဘူး။ အဲဒီလိုလင်းလက်နေတဲ့အရာတွေက မြေအောက်ဂူကြီးရဲ့ မျက်နှာကျက်မှာ တွဲလောင်းချိတ်ဆွဲနေတဲ့ ပိုးကောင်တွေကနေ အရောင်တွေဖြာထွက်ပြီး လင်းလက်တောက်ပနေတာ ဖြစ်ပါတယ်.. မှောင်မဲနေတဲ့ ဂူကြီးထဲမှာ တစ်လက်လက် တောက်ပနေပုံက ကောင်းကင်ယံမှာ ကြယ်ပွင့်လေးတွေ လင်းလက်နေပုံမျိုးနဲ့ ဆင်ဆင်တူတယ်လို့ ပြောပါတယ်..
လှေကလေးနှင့် သွားကြမည်


အနီးကပ်လေ့လာနေသူတစ်ဦး
အသည်းယားစရာ တွဲလောင်းများ

အဲဒီပိုးကောင်တွေဟာ ကမ္ဘာပေါ်မှာ ဘယ်မှာမှ မတွေ့နိုင်ဘဲ နယူးဇီလန်တစ်နိုင်ငံတည်းမှာသာ ရှိတယ်လို့ သိရပါတယ်.. ပိုးကောင်လေးတွေဟာ အလွန်သေးငယ်ပြီး အရွယ်အစားအားဖြင့် ခြင်တစ်ကောင်ရဲ့ ပမာဏလောက်သာ ရှိပါတယ်.. ၄င်း ထူးဆန်းတဲ့  ပိုးကောင်လေးတွေကို ကြည့်ဖို့အတွက် လှိုင်ဂူထဲကို ဖြတ်စီးနေတဲ့ Waitomo မြေအောက်မြစ်ပြင်ကနေ အပျော်စီး လှေကလေးကိုစီးကာ ၀င်ရောက်ရပြီး မျက်နှာကျက်ကို မော့ကြည့်ရတာ ဖြစ်ပါတယ်.. လေ့လာစောင့်ကြည့်သူများအဖွဲ့က လှိုင်ဂူကြီးရဲ့ အပူချိန်၊ လေထုသန့်ရှင်းမှု စတာတွေကို လေ့လာမှတ်တမ်းပြုစုပြီး တစ်ကြိမ်လျှင် လေ့လာသူခရီးသွားများဦးရေ ဘယ်နှစ်ယောက်ဝင်ခွင့်ပြုလျှင် အဆင်ပြေ သင့်တော်နိုင်မလဲဆိုတာ အမြဲတမ်းလေ့လာ စောင့်ကြပ်နေကြပါတယ်..

ကဲ……. မြေအောက်မှာ လင်းလက်နေတဲ့ ကြယ်ပွင့်ကလေးတွေကို ကြည့်ချင်တယ်ဆိုရင် နယူးဇီလန်ကို သွားကြပါစို့နော်။။

~~~~~~~~~~~~~~~~~~~~~~~~~~~~~~~~~~~~~~~~~~~~
ကမ္ဘာ့အကြီးဆုံး အပြာရောင် ပင်လယ်ရေအောက်တွင်းနက်ကြီး

ပင်လယ်ကြမ်းပြင်ပေါ်က တွင်းပြာကြီး

တကယ်လို့ စာဖတ်သူဟာ ဘီလိဇ်နိုင်ငံရဲ့ ကမ်းခြေမှာ ရောက်နေတယ်ဆိုရင် ပင်လယ်ထဲမှာ ဖြစ်တည်နေတဲ့ အကြီးဆုံးအပြာရောင် တွင်းနက်ကြီးကို အလည်သွားဖို့ အခွင့်အရေးကို ရရှိနိုင်ပါတယ်… အဲဒီအပြာရောင်တွင်းနက်ကြီးဟာ ကမ္ဘာပေါ်က အလှဆုံးနဲ့ သဘာဝတရားရဲ့ ထူးဆန်းအံ့သြဖွယ် တစ်ခုထဲမှာ အပါအ၀င်ဖြစ်ပါတယ်.. အဲဒီ အပြာရောင် တွင်းပေါက်ကြီးဟာ ဘီလိဇ်ကျောက်တန်းကြီးတွေ ၀ိုင်းရံနေပြီး ဘီလိဇ်မြို့တော်နဲ့ မိုင် ၆၀အကွာမှာ တည်ရှိပါတယ်.. ကမ္ဘာ့အကြီးဆုံး ပင်လယ်တွင်းနက်ကြီး တစ်ခုလို့ ယုံကြည်ကြပြီး ၁၂၅မီတာ ( ၄၁၀ ပေ)  နက်ပြီးတော့ အကျယ်အားဖြင့် မီတာ ၃၀၀ ( ၉၈၀ပေ) ကျယ်ဝန်းပါတယ်..


ကျောက်တန်းကြီးတွေက ဘေးပတ်လည်မှာ ၀ိုင်းရံကာ



စက်ဝိုင်းပုံ တွင်းပြာကြီး

တွင်းနက်ကြီးဟာ စက်ဝိုင်းပုံသဏ္ဍာန်ဖြစ်ပေါ်နေပြီး ကောင်းကင်ပေါ်ကနေကြည့်ရင် ပင်လယ်ကြမ်းပြင်မှာ ဖြစ်ပေါ်နေတဲ့ ၀ိုင်းဝိုင်းစက်စက် အပြာရောင် တွင်းကြီးရဲ့ အလှကို ထင်ထင်ရှားရှား ရင်သပ်ရှုမောဖွယ် မြင်တွေ့ရမှာ ဖြစ်ပါတယ်.. ကမ္ဘာလှည့်ခရီးသွားတွေအတွက် ဆွဲဆောင်မှု အကောင်းဆုံး နေရာတစ်ခုထဲမှာ ပါဝင်ပြီး ရေငုတ်ဝါသနာပါသူများ ပင်လယ်ရေအောက်လေ့လာရေးသမားများအတွက် တွင်းနက်ကြီးထဲကို ရေငုတ်ကာ ၀င်ရောက်လေ့လာဖို့ အကောင်းဆုံး နေရာတစ်ခုလည်း ဖြစ်ပါတယ်.. ၄င်းတွင်းနက်ကြီးထဲမှာ ရေအောက် ကျောက်လှိုင်ဂူတွေ အများအပြား ရှိနေပြီးတော့ ရှားပါး ပင်လယ်သတ္တ၀ါများလည်း ရှိနေပါတယ်.. အချို့သော ရေအောက် သတ္တ၀ါများဆိုလျှင် ၄င်းတွင်းနက်ကြီးမှာသာ တွေ့ရနိုင်တယ်လို့ သိရပါတယ်။

တွင်းပြာကြီးထဲသို့ ကူးခတ်လေ့လာနေကြသူများ


ရေအောက်မှာ
~~~~~~~~~~~~~~~~~~~~~~~~~~~~

ဒီတစ်ပတ် အထူးအဆန်းလေးတွေ ရှာဖွေတာ ဒီလောက်ဘဲ ရပ်ပါမယ်နော်.. နောက်တစ်ကြိမ်မှာ ထူးဆန်းတာလေးတွေ ထပ်ပြီး ရှာဖွေ ဝေမျှပါဦးမယ်... အားလုံးဘဲ ပျော်ရွှင်စရာ နိုဝင်ဘာလ ဖြစ်ကြပါစေရှင်။


Source and photos from http://planetoddity.com/