စတော်ဘယ်ရီ ထမင်းကြော်နဲ့ ပန်းပွင့်သုပ်



ဒီနေ့တော့ အစားအသောက် ကဏ္ဍအတွက် ခုလိုဆောင်းရာသီမှသာ စားနိုင်တဲ့ ရာသီစာ စတော်ဘယ်ရီ ထမင်းကြော်ကို လက်ဆောင်ပေးချင်ပါတယ်ရှင်။


စတော်ဘယ်ရီ ထမင်းကြော်


ပထမဦးဆုံး စတော်ဘယ်ရီ ထမင်းကြော်ဖို့အတွက် အသားတစ်မျိုးမျိုးနဲ့ အသီးအရွက်တွေကို ပြင်ဆင်ပါမယ်.. အသားနဲ့ မကြော်လိုသူများ အသီးအရွက်တွေချည်း သပ်သပ်လွတ်လည်း ကြော်နိုင်ပါတယ်။

အသီးအနှံများနှင့် ကြက်အူချောင်း

ပုံထဲမှာတော့ စတော်ဘယ်ရီထမင်းကြော်ဖို့ အတွက် ပြင်ဆင်ထားတဲ့ အသီးအနှံတွေပါ။ ကြက်သား၊ ၀က်သား ကြိုက်ရာသုံးနိုင်သလို ဒီမှာတော့  ကြက်အူချောင်းကိုသာ သုံးထားပါတယ်.. အသီးအရွက် တွေကတော့ မှို၊ ဘရိုကိုလီ (ပန်းမုန်လာစိမ်း)  ၊ စတော်ဘယ်ရီသီး၊ ပြောင်းဖူး၊ ပဲသီး၊ ငရုပ်ပွစိမ်း၊ ဥနီ၊ အညိုရောင်ကတော့ ရေညှိဖြစ်ပါတယ်.. မရှိရင်ဖြစ်ဖြစ် မကြိုက်ရင်ဖြစ်ဖြစ် မထည့်ဘဲလဲ ဖြစ်ပါတယ်.. အသီးအနှံကိုလည်း မိမိမှာ ရှိတဲ့ အသီးအနှံလေးတွေ နှစ်သက်သလို ထည့်နိုင်ပါတယ်.. ကြက်ဥထည့်ချင်ရင် ကြက်ဥ ၂လုံးလောက်ကို ဖောက်ပြီး ခွက်တစ်ခုထဲ ခလောက်လို့ အရင်ကြော်ထားပြီး ကြက်ဥကြော်ကို ပါးပါးလှီးထားပါတယ်.


ထမင်းကိုတော့ မကြော်ခင်မှာ ချေမွပြီး ဆား၊ ဟင်းခတ်မှုန့်၊ ပဲငံပြာရည်တို့နဲ့ နယ်ထားပါတယ်.. 


အသီးအရွက်တွေ ကြော်ပါတယ်.  

ပထမဦးဆုံး အသားပြားတွေကို အရင်ကြော်ပါတယ်.. ၀က်သား၊ ကြက်သားနဲ့ ကြော်မယ်ဆိုရင်လည်း အသားကို အရင်ကြော်ပါတယ်.. ကျက်ရင်ဆယ်ထားပြီး ကြက်သွန်ဖြူ၊ ဂျင်းတို့ကို အရင်ထည့် အသီးအရွက်ထည့်  ကြော်ပါတယ်.. အသားကို ပြန်ထည့်ကြော်ပါတယ်..


ကြက်ဥထည့်ကြော်ပြီ


 ပြီးတော့မှ အစောက ကြော်ပြီး ပါးပါးလှီးထားတဲ့ ကြက်ဥကိုထည့်ကြော်ပါတယ်.. ပြီးတော့ နယ်ထားတဲ့ ထမင်းတွေကို ထည့်ပြီး ကြော်ပါတယ်.. ငရုပ်ကောင်းလေး နည်းနည်းထည့်ပါတယ်.. အနံ့လေး မွှေးနေအောင်ပါ။


နောက်ဆုံးမှ သူလာတယ်..

ထမင်းထည့်ပြီးကြော်လို့ အပေါ့အငံမြည်းလို့ လိုတာထပ်ထည့်ပြီး မီးပေါ်က ချကာနီးမှာ မထူမပါး လှီးထားတဲ့ စတော်ဘယ်ရီတွေကို ထည့်မွှေပြီး ချလိုက်ပါတယ်.. ချပြီးတာနဲ့ ချက်ခြင်းစားမှ စတော်ဘယ်ရီလေးတွေ အရည်မပျော်ဘဲ ရှိနေမှာပါ။ ချကာနီးမှ မထည့်ဘဲ အစောကတည်းက ထည့်ရင် မီးတအားပြင်းပြင်းနဲ့ဆို အသီးတွေ အရည်ပျော်ကုန်ပါလိမ့်မယ်..


စတော်ဘယ်ရီ ထမင်းကြော်

ထုံးစံအတိုင်း ထမင်းကြော်ကို အလှဆင်ထားပါတယ်. ထမင်းကြော်ကို ပန်းကန်လုံးတစ်ခုထဲ ဖိထည့် လက်နဲ့ အသာသိပ်ပြီး ပန်းကန်ပြားပေါ် မှောက်ချလိုက်ပါတယ်.. ခုလို ခပ်လုံးလုံးလေး ဖြစ်အောင် ပေါ့နော်.. ပြီးတော့ ဥနီနဲ့ သခွားသီးနဲ့ အလှဆင်ပါတယ်။  ကြက်ဥကို မမဲအောင်၊ မညိုအောင် ဖြူဖြူဖွေးဖွေးလေး ကြော်ပြီး ဘေးနားမှာ နေရာချပါတယ်.. သီးသန့်ချန်ထားတဲ့ စတော်ဘယ်ရီသီးလေးတွေကို ခုလို ပါးပါးလှီးပြီး ထမင်းကြော်အပေါ်မှာ အလှဆင်လိုက်ပါတယ်.. ဒါဆို စတော်ဘယ်ရီသီးနဲ့ အခြားအသီးအနှံတွေ ပါဝင်တဲ့ စတော်ဘယ်ရီ ထမင်းကြော်ရပါတယ်..

ကြက်ဥကို မညိုသွားအောင်၊ အနားတွေ မတူးအောင်၊ မကျက်တကျက် ဖြူဖြူဖွေးဖွေးဖြစ်အောင် ကြော်နည်းကတော့ ဆီကိုပူအောင်တည်ပြီးတာနဲ့ နည်းနည်း အအေးပြန်ခံပါတယ်.. ပြီးတော့မှ ကြက်ဥကို ဖောက်ထည့်လိုက်ပါတယ်.. ဆီအေးနေရင် မီး မျှဉ်းမျှဉ်းလေးနဲ့ ဖြည်းဖြည်းအပူပေးပါ။ ပူနေသေးရင်တော့ မီးခလုပ် မဖွင့်တော့ဘဲ သူ့အပူချိန်လေးနဲ့သူ ဖြေးဖြေး  ထားလိုက်ရင် ကြက်ဥဟာ ဖြူဖြူဖွေးဖွေးနဲ့ လှလှလေး ကျက်သွားပါမယ်..

မ၀မှာစိုးလို့ နောက်တစ်ပွဲ


စတော်ဘယ်ရီထမင်းကြော်လိုဘဲ နာနတ်သီး ထမင်းကြော်ကိုလည်း ကြော်စားနိုင်ပါတယ်.

နာနတ်သီးထမင်းကြော်

နာနတ်သီးပေါ်ချိန်တုန်းက ကြော်စားခဲ့တဲ့ နာနတ်သီး ထမင်းကြော်ပါ။ အဲဒီတုန်းက မတင်ဖြစ်ဘဲ ခုမှပေါင်းပြီး တင်ပေးလိုက်ပါတယ်နော်.. အပေါ်မှာ ငရုပ်ကောင်းမှုန့်လေးတွေ ဖြူးထားပါတယ်..  ပြီးတော့ အဲဒီချိန်တုန်းက ဓာတ်ပုံရိုက်ထားလိုက်မိပေမဲ့ လှတပတ မပြင်လိုက်ရပါဘူး.. ဖြစ်သလိုပေါ့နော်။ နာနတ်သီး ထမင်းကြော်ဟာ ချိုချိုချဉ်ချဉ်လေးနဲ့ အရသာ တစ်မူထူးပြီး စားလို့ ကောင်းပါတယ်။။




************@**************
ပန်းပွင့်သုပ်


နောက်ထပ် ဟင်းတစ်မျိုးက ပန်းပွင့်လို့ ခေါ်ကြတဲ့ ပန်းမုံလာ( မုန်လာပန်းပွင့်) သုပ်ဖြစ်ပါတယ်.. ပန်းပွင့်သုပ်ဖို့ မုန်လာပန်းတွေကို အနေတော်အရွယ်လေးတွေ ဖဲ့ထားပါတယ်..

ရေဆေးပြီးပြီ


ပြုတ်ပါတယ်..

ပန်းပွင့်တွေကို ရေနွေးဆူဆူနဲ့ ပြုတ်ပါတယ်.. ကြာကြာ မပြုတ်ဘဲ မပျော့ခင်မှာ ဆယ်ယူပြီး ရေအေးနဲ့ စိမ်လိုက်ပါတယ်..  ပျော့သွားရင် စားမကောင်းပါ။ ခပ်မာမာ အနေအထားမှာ ဆယ်ယူပါ။


သုပ်ဖို့ပြင်


ရေအေးနဲ့စိမ်ထားတဲ့ ပန်းပွင့်ကို ရေစစ်ပြီး ဥနီ၊ သခွားသီး၊ ကြက်သွန်နီ၊ ခရမ်းချဉ်သီး၊ ငရုပ်သီးစိမ်း၊ နံနံ တို့ကို ထည့်ပါတယ်..

စုံအောင်ထည့်

နှမ်း၊ မြေပဲထောင်း၊ ပဲမှုန့်၊ ဆီကျက်၊ ပုဇွန်ခြောက်၊ ဆား၊ အချိုမှုန့် ( ဟင်းခတ်မှုန့်)၊ ပဲငံပြာရည်၊ သံပုရာသီး၊ နှမ်းဆီ( ရှိလျှင်) အနည်းငယ်ထည့်ပါတယ်.. အဆာပလာစုံလျှင် နယ်လို့ ရပါပြီ။

ချဉ်ချဉ်စပ်စပ် ပန်းပွင့်ခေါ် ပန်းမုန်လာသုပ်ပါ


လိုက်ပွဲ..


စတော်ဘယ်ရီ ထမင်းကြော်နဲ့ ပန်းပွင့်သုပ်က ဒီတစ်ပတ် Sunday Special ပါ။ နောက်အပတ် အစားအသောက် ကဏ္ဍမှာ အခြား ဟင်းလေးတွေနဲ့ ပြန်လည် ဆုံတွေ့ကြပါဦးစို့နော်.။


ပိတ်ရက်မှာ စားကောင်းသောက်ဖွယ်များဖြင့် ပျော်ရွှင်ချမ်းမြေ့ကြပါစေရှင်။


ပင်လယ်ရေအောက် စားသောက်ဆိုင်





ကမ္ဘာပေါ်မှာ စိတ်ဝင်စားစရာကောင်းအောင်  လူတွေရဲ့ ထူးခြားဆန်းပြားတဲ့ စိတ်ကူးတွေနဲ့ တည်ဆောက်ထားတဲ့ နောက်ထပ် အထူးအဆန်း နေရာတစ်ခုက အိန္ဒိယ သမုဒ္ဒရာရဲ့  ရေအောက် ၁၅ပေအနက်မှာ ဆောက်လုပ်ထားတဲ့ ရေအောက်စားသောက်ဆိုင် ဖြစ်ပါတယ်.. အဆောက်အဦးတစ်ခုလုံးကို ကြမ်းပြင်မှလွဲ၍ အကာရော အမိုးပါ ထူထဲပြီး ကြည်လင်နေတဲ့ မှန်သားကြီးတွေနဲ့ ကာရံထားကာ သန္တာကျောက်တန်းတွေ ၀ိုင်းရံနေတဲ့နေရာမှာ တည်ဆောက်ထားတာ ဖြစ်ပါတယ်..  စားသောက်နေရင်းနဲ့ ခေါင်းပေါ်မှာရော မိမိရဲ့ အနီးအနားက မှန်သားပြင်ရဲ့ အပြင်ဘက်မှာ ကူးခတ်သွားလာနေတဲ့ ငါး၊ လိပ်၊ ငါးမန်း၊ စတဲ့ ငါးရောင်စုံတွေနဲ့ မမြင်စဖူး ထူးဆန်းတဲ့ ပင်လယ် သတ္တ၀ါတွေကို ကြည့်ရတာ ဘယ်လောက်များ ရင်ခုန်စိတ်လှုပ်ရှားဖို့ ကောင်းလိုက်လေမလဲနော်။

 ပင်လယ်ရေအောက်က စားသောက်ဆိုင်



စားသောက်ရင်း ရေအောက်ရှုခင်းလဲကြည့်

under sea crazy restaurant4 World’s First Ever Undersea Restaurant   Ithaa

သူလေးလဲ


အပေါ်ကနေ စားသောက်ဆိုင်ကို ဆင်းလာတဲ့လမ်း






ပြင်ပ ကမ္ဘာကြီးနဲ့ အဆက်အသွယ်မရှိ၊ သီးခြားဆိတ်ငြိမ်တဲ့ နေရာတစ်ခုကို ရောက်သွားရသလို ကမ္ဘာမြေကြီးပေါ်က ဘယ်စားသောက်ဆိုင်တွေရဲ့ ရှုခင်းနဲ့မှ မတူအောင် ထူးခြားတဲ့ ရင်ခုန်ခြင်းတွေကို ပေးနိုင်တဲ့ Ithaa အမည်ရ ပင်လယ် ရေအောက်စားသောက်ဆိုင် ဖြစ်ပါတယ်.. Ithaa ဟာ မော်လ်ဒိုက်ဘာသာစကား ဖြစ်ပြီး ပုလဲလို့ အမည်ရတာကြောင့် ပင်လယ်ရေအောက်မှာ တည်ရှိနေတဲ့ ဒီစားသောက်ဆိုင်ဟာ နံမည်နဲ့ လိုက်ဖက်လှပါတယ်.. နယူးဇီလန်အခြေစိုက် M.J. Murphy ကုမ္ပဏီရဲ့ လက်ရာဖြစ်ပြီး အကျယ် ၅ပေနဲ့ အရှည် ၉ပေသာ ကျယ်ဝန်းပြီး တစ်ခါကို လူ၁၄ယောက် စားသောက်ရုံလောက်သာ ကျယ်ဝန်းသော်လည်း ကုန်ကျစရိတ်မှာ ဒေါ်လာ၅သန်း ရှိတယ်လို့ သိရပါတယ်.. နံမည်ကျော် သူဌေးသမီးလေး ပဲရစ်ဟီလ်တန် အမွေဆက်ခံမဲ့ ဟီလ်တန်ဟိုတယ်များ အုပ်စုပိုင် မော်လ်ဒိုက်မှာ ရှိတဲ့ ဟိုတယ်တစ်ခုဖြစ်တဲ့  Hilton Maldives Resort & Spa  ရဲ့ လုပ်ငန်းခွဲတစ်ခုဖြစ်တဲ့ ၄င်း ရေအောက်စားသောက်ဆိုင်ဟာ နိုင်ငံခြားသား ကမ္ဘာလှည့် ခရီးသွားများကို ဆွဲဆောင်ဖို့ ကမ္ဘာပေါ်မှာ ပထမဦးဆုံး တည်ဆောက်ထားတဲ့ ရေအောက်စားသောက်ဆိုင် ဖြစ်ကြောင်းသိရပါတယ်.. စားသောက်စရာတွေရဲ့ ဈေးနှုန်းဟာ တစ်ဦးလျှင် ဒေါ်လာ ၁၂၀မှ ၂၅၀တန် ထိ ရှိတာကြောင့် ဈေးကြီးတယ်လို့ ပြောရမှာပါ။

under sea crazy restaurant3 World’s First Ever Undersea Restaurant   Ithaa

အသည်းယားဖွယ်


under sea crazy restaurant44 World’s First Ever Undersea Restaurant   Ithaa

စားပါဦး



အိပ်မက်ကမ္ဘာ

under sea crazy restaurant2 World’s First Ever Undersea Restaurant   Ithaa
ပန်းကန်ခွက်ယောက်တွေက တစ်မျိုးလေး




under sea crazy restaurant5 World’s First Ever Undersea Restaurant   Ithaa

ရေပြင်ပေါ်က ငုံ့ကြည့်ရင် မြင်ရတဲ့ မြင်ကွင်း


under sea crazy restaurant46 World’s First Ever Undersea Restaurant   Ithaa


ပျားပန်းခတ်မျှ သွားလာနေတဲ့ ငါးများ


ရေအောက်မင်္ဂလာပွဲ


Image Hosted by PicturePush - Photo Sharing 
ကြည်နူးနေတဲ့ မောင်နှံ


သို့ပေမဲ့လည်း မင်္ဂလာမောင်နှံများ မင်္ဂလာဆောင်ပြီးခါစ တစ်သက်မှာ တစ်ခါဖြစ်စေမဲ့ အမှတ်တရ နေ့လည်စာစားပွဲ၊ ညစာစားပွဲများကိုလည်း ဒီရေအောက် စားသောက်ဆိုင်လေးမှာ Romantic ဆန်ဆန် ကျင်းပ တတ်ကြတယ်လို့ သိရပါတယ်.. မော်လ်ဒိုက် တိုင်းရင်းသားတို့ရဲ့ အရသာ ရောနှောနေတဲ့ ဥရောပ အစားအစာနဲ့အတူ သောက်စရာ ၀ိုင်၊ ရှန်ပိန်တို့လို အဖျော်ယမကာများလည်း ရရှိနိုင်ပါတယ်.. ၀န်ဆောင်မှုလည်း ကောင်းတာမို့ အရသာရှိရှိ အစားအစာကို ဇိမ်ခံစားသောက်ရင်း ကူးသန်းသွားလာနေကြတဲ့ ပင်လယ်သတ္တ၀ါမျိုးစုံနဲ့ အဆုံးမရှိ မြင်တွေနေရပြီး လှပတဲ့ ပင်လယ်ရေအောက်ရှုခင်း တို့ကို ကြည့်ရှုရတာ အိပ်မက်ကမ္ဘာကို ရောက်နေတာနဲ့မခြား ခံစားရတာမို့ ဈေးကြီးပေမဲ့လည်း တစ်သက် မမေ့နိုင်တဲ့ အတွေ့အကြုံ အမှတ်တရ ဖြစ်ကြရတယ်လို့ ရောက်ဖူးသူများက ဆိုပါတယ်။


********************* @**********************

The Red Sea Star ပင်လယ်ရေအောက်စားသောက်ဆိုင်


ရေအောက်စားသောက်ဆိုင်သို့ သွားလာလမ်း




red sea restaurant
 
 သပ်ရပ်ခမ်းနား
 
နောက်ထပ် ရေအောက်စားသောက်ဆိုင်တစ်ခုက အစ္စရေးနိုင်ငံ ပင်လယ်နီရဲ့အောက်မှာ တည်ရှိတဲ့  The Red Sea Star စားသောက်ဆိုင်ဖြစ်ပါတယ်.. The Red Sea ‘s Coral Reef သန္တာကျောက်တန်းကြီးတွေရဲ့ အနီး ပင်လယ်ရေအောက် အနက် ၁၅ပေမှာ တည်ရှိပြီး အသက်ရှူမှားလောက်တဲ့ ရေအောက် ရှူခင်းတွေကို ကြည့်ရှူခံစားလို့ရပါတယ်.. စားသောက်ဆိုင်မှာ မှန်တံခါးပေါင်း ၆၂ခု ရှိပြီး ရေအောက်ကမ္ဘာရဲ့ လှပဆန်းကြယ်မှုနဲ့ ပင်လယ်သတ္တ၀ါ အမျိုးအစား ရာနဲ့ချီပြီး ဖြတ်သန်းသွားလာနေကြတာမို့ မြင်ကွင်းကျယ် ကြည့်ရှုခံစားနိုင်တယ် လို့ ဆိုပါတယ်.. ဒီစားသောက်ဆိုင်ကို အဏ္ဏ၀ါ ကျွမ်းကျင်သူများနဲ့ ရေငုပ်ကျွမ်းကျင်သူများက ခက်ခက်ခဲခဲ တည်ဆောက်ခဲ့တာ ဖြစ်ပါတယ်..

 
interior
ပြာလဲ့ရေပြင်
 




red sea
 ထူထဲလှတဲ့ မှန်ပြူတင်းများ


The Red Sea Star  ပင်လယ်ရေအောက် စားသောက်ဆိုင်ကြီးမှာ အမျိုးအစားစုံလင်လှတဲ့ ထူးထူးခြားခြား စားသောက်ဖွယ်ရာတွေကို မှာကြားနိုင်သလို ကမ္ဘာမြေရဲ့ ရှုခင်းနဲ့ မတူတဲ့ နေရာဒေသ ရေအောက် ကမ္ဘာရဲ့ လှပမှုတွေကို ခမ်းနားဆန်းပြားစွာခံစားရင်း စိတ်ကြည်လင်ငြိမ်းချမ်းမှုကို ရရှိနိုင်ပါတယ်.. စားပွဲတိုင်းအတွက် မှန်ပြူတင်း ပေါက်လေးတွေ ထားရှိတာကြောင့် ရေအောက်ကမ္ဘာကြီးကို မိမိနေရာကနေ လွတ်လပ်စွာ ကြည့်ရှုခွင့်ရနိုင်ပါတယ်..  ဒီရေအောက် စားသောက်ဆိုင်လေးမှာ ပင်လယ်ရဲ့ ည ရှုခင်းကိုလည်း ခံစားနိုင်အောင် ညအချိန်တွေပါ ဖွင့်လှစ်ထားတယ်လို့ သိရပါတယ်



ညရှုခင်း










eliat restaurant
ကျယ်ကျယ်ဝန်းဝန်း 
 

 ပြူတင်းတွေမှာ တပ်ဆင်ထားတဲ့ မှန်ချပ်တွေဟာ ထု ၈.၅ စင်တီမီတာ ကနေ ၁၃.၅ စင်တီမီတာအထိ ထူထဲပြီး အတွင်းရော အပြင်ဘက်မှာပါ နောက်ထပ် မှန်တစ်ထပ်စီ ပြန်ပြီး ခံထားပါတယ်.. အတွင်း မှန်တစ်ထပ်က စားသောက်ဆိုင်ကို လာရောက်စားသုံးသူတွေရဲ့ မတော်တဆ ထိခိုက်မှု၊ တမင်ထိခိုက်အောင်လုပ်မှု တို့ကနေ ကာကွယ်ရန်ဖြစ်ပြီး အပြင်ဘက်က မှန်တစ်ထပ်က ပင်လယ် သတ္တ၀ါနဲ့ ရေငုတ်သမားတို့ရဲ့ ရန်က ကာကွယ်ဖို့ဖြစ်ပါတယ်.. ဆိုင်တစ်ခုလုံးမှာ တတ်ဆင်ထားတဲ့ မှန်ချပ်တွေရဲ့ အလေးချိန်စုစုပေါင်းဟာ တန်ချိန် ၁၂ တန်ကျော် ရှိတယ်လို့ ဆိုပါတယ်..   စားသောက်ဆိုင်ဟာ လူပေါင်း ၁၀၅ယောက် တစ်ပြိုင်တည်း ထိုင်နိုင်လောက်အောင် ကျယ်ဝန်းပြီး သီးသန့်ဧည့်ခံပွဲ အသေးလေးတွေ ကျင်းပလို့ ရပါတယ်.. စားသောက်ဆိုင်ကို နေ့လည် ၁၂နာရီမှ ည ၁၂နာရီထိ နေ့စဉ် ပိတ်ရက်မရှိ ဖွင့်လှစ်ထားပါတယ်..  ခြေဖ၀ါးသော်မျှ ရေတစ်စက်လေးမှ မစိုစေရဘဲ ရေအောက် ကမ္ဘာကို အရောက်သွားလို့ နှစ်သက်ရာ အစားအစာများကို စားသောက်နိုင်ပါတယ်နော်။



ကမ္ဘာမြေပြင်ပေါ်မှာ နေ့စဉ် အစားအစာ စားသောက်ရတာ ရိုးအီနေလို့ နေရာဒေသ ကမ္ဘာအသစ်မှာ နေ့လည်စာ၊ ညစာ စားသောက်လိုသူများ ပင်လယ်ရေအောက်က စားသောက်ဆိုင်တွေကို သွားရောက်လို့ စားသောက်နိုင်ကြပါပြီ လို့…   ပိုက်ပိုက်တော့ များများ ထည့်သွားဖို့ လိုပါလိမ့်မယ်..    :) :)

အနှိုင်းမဲ့ တန်ဖိုး....




ကျောင်းပိတ်ရက်ဖြစ်၍ ခပ်ဟောင်းဟောင်း တိုက်အိုလေးတစ်ခု၏ရှေ့ သစ်ပင်ရိပ် မြေကွက်လပ်တွင် အသက် ၁၂ နှစ်နှင့် ၁၀နှစ် အရွယ် ဂျွန်နှင့် ဆမ် ညီအစ်ကို နှစ်ယောက် ဆော့ကစားနေကြသည်။ သူတို့နှင့် မလှမ်း မကမ်းတွင်တော့ ကလေးတို့၏ မိခင် မေရီက  တံမြက်စည်းလှည်းရင်း နေအိမ်ဝန်းကျင်တစ်ဝိုက်ကို သန့်ရှင်းရေး လုပ်နေသည်။ ပူပြင်းသော နေရောင်ကြောင့် မိခင်၏မျက်နှာတွင် ချွေးဥတို့က ယိုစီးကျလျှက်. ခပ်နွမ်းနွမ်း အင်္ကျီမှာလည်း နောက်ကျောတွင် ချွေးများ စိုရွဲလို့ နေခဲ့သည်။ ထိုစဉ် တိုက်ခန်းရှေ့သို့ တောက်ပ ပြောင်လက်နေသော ဇိမ်ခံကားကြီးတစ်စီးက ထိုးရပ်လာပြီး ကားပေါ်မှ ၀တ်ကောင်းစားလှများဖြင့် သပ်ရပ် ကြော့ရှင်းနေသော အမျိုးသမီးတစ်ဦး ဆင်းလာသည်။ ကလေးတို့၏ မိခင် မေရီက အမျိုသမီးကို နှုတ်ဆက်စကားဖြင့် ဆီးကြိုသည်။ ကားရပ်လိုက်ကတည်းက ကစားခြင်းကို ရပ်လိုက်ကာ စောင့်ကြည့်နေသော ကလေး နှစ်ယောက်မှာ သူတို့၏ မိခင်နှင့် စကားပြောနေသော အမျိုးသမီးကို စိတ်ဝင်စားစွာ ကြည့်နေမိကြသည်။ ထိုအမျိုးသမီးသည် အိမ်သို့ မကြာခဏ လာလည်တတ်သော မေမေ့သူငယ်ချင်း အန်တီရှယ်လီ ဖြစ်သည်။

ထိုစဉ် အစ်ကိုဖြစ်သူ ဂျွန်က  “  ဆမ်.. အန်တီ ရှယ်လီ့ကားကြီးက အကောင်းစားကြီးနော်.. စီးကြည့်ချင်လိုက်တာ ငါတို့ဘ၀မှာ ဒီလိုကားမျိုး တစ်ခါမှ မစီးဖူးဘူး.. အန်တီရှယ်လီကလည်း ချောလိုက်တာ.. အ၀တ်အစားတွေကလည်း အကောင်းစားတွေ.. ကြည့်လို့ကောင်းလိုက်တာ.. ငါတို့မေမေကို ကြည့်ပါဦး.. ၀တ်ထားတဲ့ အင်္ကျီက ဟောင်းလို့၊ ရုပ်ကလည်း ဟိုအန်တီ့လိုလဲ မချောဘူး.. ပြီးတော့ ငါတို့မေမေမှာ ကားလည်း မရှိဘူး.. ပိုက်ဆံလည်း အများကြီး မရှိဘူး။ အန်တီရှယ်လီကို ကြည့်ရတာ ပိုက်ဆံတွေလည်း အများကြီး ရှိမှာနော်.. သူသာ ငါတို့မေမေ ဖြစ်မယ် ဆိုရင် ဘယ်လောက်ကောင်းမလဲ ” ဟု ပြောလိုက်တော့ “ ဟုတ်တယ်နော် ကိုကို  ကားလည်းရှိ ပိုက်ဆံလည်း ချမ်းသာတဲ့ အန်တီရှယ်လီကို ဆမ်လည်း  မေမေတော်ချင်တယ်..” ဟု ပြန်ပြောလေသည်။

ကလေးနှစ်ယောက် ပြောနေသည်ကို မေရီနဲ့ ကားပိုင်ရှင် အမျိုးသမီးတို့က မကြားလိုက်ကြပါ.. နှစ်ယောက်သား စကားပြောကြရင်း တိုက်အိမ်အိုလေးထဲသို့ ၀င်သွားကြလေသည်။ ကလေးနှစ်ယောက်မှာ ဆက်ပြီး ကစားနေကြသော်လည်း စိတ်ပါလက်ပါ မရှိကြတော့.. သူတို့ အာရုံက ကားကောင်းကြီးနှင့် ရောက်လာသော ၀တ်ကောင်းစားလှနှင့် ရှယ်လီ့ထံသို့ ရောက်နေလေသည်။ အငယ်ဖြစ်သူ ဆမ် “ကိုကို အန်တီရှယ်လီ ဘာလာလုပ်လဲ သွားကြည့်ရအောင်….  ဆမ်တို့လည်း အိမ်ထဲ ၀င်ကြစို့” ဟု ပြောလိုက်ရာ ဂျွန်ကလည်း ထရပ်လိုက်ပြီး နှစ်ဦးသား တိုက်အိမ်လေးထဲသို့ ၀င်လာခဲ့ကြသည်။ ထို့နောက် သူတို့၏ မိခင်နှင့် ဧည့်သည်အမျိုးသမီးတို့ ထိုင်နေသော ဧည့်ခန်းရှိ သစ်သားဆက်တီ ခပ်ဟောင်းဟောင်းလေးနားတွင် မယောင်မလည်နှင့် သွားရပ်နေကြရင်း ၄င်းတို့၏ ပြောစကားများကို နားထောင်ကြသည်။

ရှယ်လီက သူတို့အိမ်အကြောင်း၊ နံမည်ကြီးကျောင်းတွင်ထားသော သူ၏သားသမီးများ အကြောင်း၊ မကြာခင်က ၀ယ်လိုက်သော ရေခဲသေတ္တာကြီးအကြောင်း၊ အိမ်တွင်မွေးထားသော ခွေးများက အမဲသားနှင့် နို့ တစ်ရက်ကို ဘယ်နှစ်ပေါင် စားကြောင်း၊ အိမ်တွင်ကားဘယ်နှစ်စီး ထပ်ဝယ်ထားကြောင်း စသည်စသည် များပြားလှသော  အကြောင်းအရာများကို ဟန်နှင့်ပန်နှင့် ရေပက်မ၀င်အောင် ပြောနေလေသည်။ သူတို့မိခင်ကတော့ တစ်ချက်တစ်ချက် “အင်း..” “ဟုတ်လား” စသည် စကားထောက် ၀င်ပြောခြင်း ကလွဲလို့ တစ်ခြားဘာမှ မပြောပါ။ ငြိမ်ပြီး နားထောင်နေသည်က များလေသည်။ ကလေးနှစ်ယောက်ကတော့ ရှယ်လီပြောသမျှကို အံ့သြစိတ်ဝင်စားစွာ နားထောင်နေရင်း သူတို့၏ စိတ်ထဲတွင် ရှယ်လီ့ကို အထင်ကြီးစိတ်များ၊ ရှယ်လီတို့၏ အိမ်ကြီးတွင် နေချင်စိတ်များ၊ တဖွားဖွား ဖြစ်ပေါ်လို့ နေသည်။ ပြီးတော့လည်း သူတို့မေမေ၏ ဘာမှ ပြန်မပြောသော အနေအထားကိုလည်း စိတ်ထဲက အားမလို အားမရ ဖြစ်နေမိသည်။

ကလေးနှစ်ယောက်၏ အတွေးတွင် “မေမေဟာ ဘာလို့များ ဘာမှ ပြန်မပြောတာပါလိမ့်.. သူတို့ညီအစ်ကို အကြောင်းတွေ ပြောပြလိုက်ပါတော့လား..   သူတို့ကို မချစ်ဘူးလား.. အန်တီရှယ်လီကတော့ သူ့သားတွေ သမီးတွေ တော်တာ၊ အစားအသောက် ကောင်းကောင်း ကြိုက်တာ၊ အ၀တ်အစားဆိုလည်း ကောင်းတာမှ ၀တ်ချင်တာတွေ ပြောနေတာ ရွှန်းရွှန်းကိုဝေလို့.. မေမေကတော့ နှုတ်ပိတ်ပြီး ထိုင်နေတယ်..  မေမေ့မှာ ဘာလို့များ ဘာမှကို ပြောစရာ မရှိတာပါလိမ့်…”  ဟူ၍ တွေးနေမိကြသည်။

စကားတွေ အများကြီးပြောနေသော ရှယ်လီက “ ဟယ် ခုမှ သတိရတယ်.. တို့ ဒီကိုလာရင်း လမ်းမှာ ရတနာဆိုင်တစ်ခုကို ၀င်လာခဲ့တယ်.. အဲဒီဆိုင်မှာ စိန်ထည်လေးတွေ လှတာတွေ့တာနဲ့ သံအမတ်ကြီး ဧည့်ခံပွဲမှာ ၀တ်ဖို့ ၀ယ်လာခဲ့တယ်.. မေရီ့ကို ပြရဦးမယ် သိလား” ဟု ဆိုကာ သူမ၏ လက်ကိုင်အိတ် ခပ်ကြီးကြီး အကောင်းစားကို ဖွင့်လိုက်သည်။ ပြီးနောက် အထဲမှ လူကြီးလက်ဝါးသာသာအရွယ် ဗူးလေးတစ်ခုကို ထုတ်ကာ ဖွင့်လိုက်သည်။ ဗူးထဲတွင်တော့ နေ့ခင်း အလင်းရောင်အောက်တွင် ပြိုးပြိုးပြက်ပြက် တောက်ပနေသော စိန်ထည်လေးများက လင်းပ လက်ဖြာနေသည်။ ထိုဗူးလေးကို မေရီ့ကို ကမ်းပေးလိုက်သော မေရီက ၀တ်ကျေ တန်းကျေ တစ်ချက်တော့ ယူကြည့်ပြီး ချက်ခြင်းဘဲ ရှယ်လီ့ကို ပြန်ပေးလိုက်သည်။ ကလေးတို့၏ မိခင်ဖြစ်သူ မေရီ့မျက်လုံးများထဲတွင်မူ လှပပြိုးပြက်နေသော စိန်ထည်များပေါ်တွင် တပ်မက်မှု၊ လိုချင်မှု၊ စိတ်ဝင်စားမှု အရိပ်အယောင်များ ရှိမနေခဲ့..  ပကတိ အဖြူထည်..

“မေရီ.. နင်က ဒီလိုစိန်ထည်တွေကို စိတ်မ၀င်စားဘူးလား.. နင့်ဘ၀မှာ ဒီလို တန်ဖိုးကြီး ရတနာပစ္စည်းတွေ တစ်ခါမှ မ၀တ်ဖူးဘူး မဟုတ်လား.. တန်ဖိုးကြီးကြီး အရည်အသွေးကောင်းတဲ့ စိန်ထည်တွေကို ၀တ်ချင်တဲ့စိတ်၊ လိုချင်တဲ့စိတ် မရှိဘူးလား.. ကျောက်မျက်ရတနာ ကောင်းကောင်းဆိုတာ ကိုယ့်ဆီမှာ ရှိရင် ဘယ်လောက်ဂုဏ်တက်တယ် ဆိုတာ နင်သိမှာ မဟုတ်ပါဘူး မေရီ” ရှယ်လီက မေရီ့ကို ပြောလိုက်တော့ မေရီက တစ်ချက် ပြုံးလိုက်ရင်း

မေရီ ဒီလို စိန်တွေ၊ ရွှေတွေ၊ ကျောက်မျက်ရတနာတွေကို ဒီလောက် မမက်မောပါဘူး ရှယ်လီ.. မေရီ့မှာ အဖိုးတန်ဆုံး ရတနာတွေ ရှိနေပြီးသားဖြစ်တဲ့အတွက် ကျန်တာတွေ မရှိလဲ ဖြစ်ပါတယ်.. ဒီ စိန်တွေဟာ မေရီ့ရဲ့ ရတနာတွေလောက် တန်ဖိုးထားစရာလဲ မရှိဘူး.. မက်မောစရာလဲ မရှိဘူး.. မေရီ့မှာ ရှိတဲ့ အဖိုးတန်ဆုံး ရတနာတွေနဲ့တင် လုံလောက်ပါတယ်.. အဲဒီရတနာတွေကသာ မေရီ့အတွက် တန်ဖိုးထားရာ အလိုအပ်ဆုံးအရာတွေပါ

မေရီ့စကားကို ကြားတော့ ရှယ်လီရော ကလေးနှစ်ယောက်ပါ ထူးဆန်း အံ့သြသွားခဲ့သည်။ မေရီတွင်  ဘယ်လို အဖိုးတန်ရတနာတွေ ရှိနေခဲ့ပါလိမ့်… သူတို့တွေလည်း မသိလိုက်ရပါလား.. ဟူသည့် အံ့သြခြင်းတွေက သူတို့တွေ၏ မျက်နှာမှာ ယှက်ဖြာလို့ နေသည်။ ချက်ခြင်းဘဲ ရှယ့်လီထံမှ အသံထွက်လာသည်.. “ အမယ် မေရီက ရတနာတွေ ရှိတယ်ပေါ့.. တို့လဲ မသိရပါလား.. ပြောပါဦး ဘယ်လို ရတနာတွေလဲ.. ပတ္တမြားလား.. မြတွေလား”  မယုံသလို၊ ခနဲ့သလို မေးလိုက်ခြင်းသာ ဖြစ်သော်လည်း မေရီက ခပ်ဖွဖွလေး အပြုံးတစ်ခုနဲ့ အတူ


Image Hosted by PicturePush - Photo Sharing  “ ရှယ်လီပြောတဲ့ ရတနာတွေ တစ်ခုမှ မဟုတ်ပါဘူး.. ရှယ်လီ.. မေရီ့အတွက် အဖိုးတန်ရတနာဆိုတာ မေရီရဲ့ သားလေးနှစ်ယောက်ပါ။ မေရီ သူတို့ကို ဘယ်လို ရတနာတွေနဲ့မှ မနှိုင်းယှဉ်လောက်အောင် တန်ဖိုးထားပြီး ချစ်တယ်.. သူတို့ဟာ မေရီ့အတွက် အကောင်းဆုံး၊ အဖိုးတန်ဆုံး ရတနာတွေ ဖြစ်တဲ့အတွက် တစ်ခြား ဘယ်လို ရတနာမျိုးမှ မေရီ့အတွက် တန်ဖိုးထားစရာ မက်မောစရာ မဖြစ်တော့ပါဘူး.. ဒီရတနာတွေနဲ့လည်း ဘာနဲ့မှ မလဲနိုင်ပါဘူး။

 ခိုင်မာ တည်ကြည်သော လေသံဖြင့် ပြတ်ပြတ် သားသား ပြောလိုက်သော မေရီရဲ့ စကားသံက ဧည့်ခန်းကလေးကို တဒင်္ဂ တိတ်ဆိတ်ခြင်းများ ဖြစ်ထွန်းသွားစေခဲ့တော့သည်။

စက္ကန့် အနည်းငယ် ကြာပြီးနောက်မှာတော့ ဂျွန်နဲ့ ဆမ်တို့က သူတို့၏ မိခင် မေရီကို “မေမေ ” ဟု ခေါ်ကာပြေးပြီး ဖက်လိုက်ကြသည်။ သူတို့မေမေ ရင်ထဲတွင် သူတို့အပေါ် ဘယ်လောက်တောင် ချစ်ခင်မြတ်နိုး တန်ဖိုးထားသည် ဆိုတာ ခုတော့ ရှင်းရှင်းလင်းလင်း သိလိုက်ရလေပြီ။ ကားကောင်းကြီး စီးနိုင်ပြီး ချမ်းသာသော၊ ၀တ်ကောင်းစားလှ ၀တ်နိုင်သော၊ ဟိတ်ဟန်ကြီးသော အန်တီရှယ်လီကို အမေတော်ချင်သည် ဟု အစောတုန်းက နှစ်ယောက်သား ပြောခဲ့မိသော စကားများအတွက် ရှက်ခြင်း၊ ၀မ်းနည်းခြင်းများ ခံစားနေရသလို သူတို့မေမေ၏ သူတို့အပေါ် ချစ်ခင်မြတ်နိုး တန်ဖိုးထားခြင်းကို သိလိုက်ရ၍ ၀မ်းသာကြည်နူးခြင်း၊ ပျော်ရွှင်ခြင်း စသည်ခံစားချက် မျိုးစုံတို့ဖြင့် သူတို့လေးတွေ၏ ပါးပြင်ပေါ်တွင် မျက်ရည်စများ လိမ့်စီးကျလာလေသည်။ မေရီက မိခင်မေတ္တာအပြည့်ဖြင့်  ကလေးနှစ်ယောက်၏ ပါးပြင်ပေါ်က မျက်ရည်များကို ချစ်ခင်ကြင်နာခြင်း ယုယခြင်းတို့ ပေါင်းစပ်ကာ တို့သုတ်ပေးနေလေတော့သည်။ ကလေးတွေကလည်း မေရီကို တင်းကြပ်စွာ ပြန်လည်ဖက်ထားလို့နေခဲ့ရာ နှုတ်မဆက်ဘဲ ဧည့်ခန်းထဲမှ တိတ်ဆိတ်စွာ ထထွက်သွားသော ရှယ်လီ့ကို သူတို့ မိသားစု ဂရုမထားမိ လိုက်ကြတော့ပေ။ ကျန်ရစ်ခဲ့သော ဧည့်ခန်းထဲမှာတော့ ကြွားဝါခြင်းတို့ ကင်းပသည့် ဖြူစင်မွှေးပျံ့သော မေတ္တာချစ်ခြင်း ရနံ့တို့က သင်းပျံ့လို့ နေလေခဲ့ပြီ။

သားသမီးတို့သည် မိခင်များအတွက် တန်ဖိုးအထားရဆုံး ရတနာများ ဖြစ်ကြသကဲ့သို့ သားသမီးတိုင်းသည်လည်း မိဘများအား အနှိုင်းမဲ့သော အဖိုးတန် ရတနာများအဖြစ် ပြန်လည်မြတ်နိုး တန်ဖိုးထားကြမည်ဆိုလျှင် ကမ္ဘာကြီး တစ်ခုလုံး ဖြူစင်သော မေတ္တာရနံ့တို့ မွှေးမြပျံ့လွှင့်နေမည်မှာ အသေအချာပင်။

~~~~~~~~~~~~~~~~~~~~~~~~


လွန်ခဲ့သော တစ်နှစ်ကျော်လောက်က အင်တာနက်တွင် ဖတ်ခဲ့မိသော အင်္ဂလိပ်ဘာသာဖြင့် ရေးထားသည့် ၀တ္ထုတိုလေး တစ်ပုဒ်ကို ယနေ့ ပြာသိုလပြည့်နေ့တွင် ကျရောက်သော အမေများနေ့အတွက် မိခင်များအားလုံးကို ဦးညွှတ်ရင်း အမှတ်ရစွာ  ပြန်လည်ခံစား ရေးဖွဲ့ပါသည်။ ရေးသူအမည်နှင့် ခေါင်းစဉ်ကို မမှတ်မိတော့သည်မို့ မဖော်ပြနိုင်တာ နားလည်ခွင့်လွတ်ပေးပါလို့ ပန်ကြားချင်ပါတယ်။ ကျွန်မရဲ့ ချစ်လှစွာသောအမေနှင့် တကွ ကမ္ဘာပေါ်ရှိ မိခင်များအားလုံးကို ကိုယ်စိတ်နှစ်ဖြာ ကျန်းမာချမ်းသာ ရှိကြပါစေရှင်။



ကမ္ဘာ့ဈေးအကြီးဆုံး ဖောင်တိန် ဘောလ်ပင်များ














ဒီနေ့တော့ ရှာဖွေဖတ်မိတာလေးတွေထဲကမှ ကမ္ဘာပေါ်မှာ ဈေးအကြီးဆုံးလို့ သတ်မှတ်ထားတဲ့ ဖောင်တိန် နဲ့ ဘောလ်ပင်တွေအကြောင်း ပြောပြချင်ပါတယ်..


1. Aurora Diamante fountain pen  Price: $1,470,600


Top 10 Most Expensive Pens in The World


(၁) ကမ္ဘာပေါ်ရှိသမျှ ဘောလ်ပင်တွေ၊ ဖောင်တိန်တွေ၊ ရေးစရာပစ္စည်းတွေ အားလုံးထဲမှာ နံပါတ်၁ ဈေးအကြီးဆုံး ဖြစ်တဲ့ ဖောင်တိန်အမျိုးအစား မှင်အစိုထည့်  Aurora Diamante ဆိုတဲ့ ဖောင်တိန်ပဲန် ဖြစ်ပြီး  တစ်နှစ်ကိုမှ တစ်ချောင်းတည်းသာ ထုတ်လုပ်ရောင်းချပါတယ်.. ကိုယ်ထည်တစ်ခုလုံးကို ပလက်တီနမ်နဲ့ ပြုလုပ်ထားပြီး စုစုပေါင်း ၃၀ ကာရက်ကျော် ရှိတဲ့ De Beers စိန်ပွင့်လေးများ စီခြယ်ထားပါတယ်.. ဖောင်တိန်ရဲ့ ထိပ်ဖျား နစ်အသွားလေးကိုတော့ ရှားပါးတဲ့ ရွှေဖြူသတ္တု တစ်မျိုးဖြစ်သော ရိုဒီယမ် ဖုံးအုပ်ထားတဲ့ ၁၈ကာရက် ရွှေနဲ့ ပြုလုပ်ထားတာ ဖြစ်ပါတယ်.. ဘောလ်ပင်ထုတ်လုပ်တဲ့ Aurora Diamante  ကုမ္ပဏီက သူတို့ဘောလ်ပင်ဟာ ၃၀ကာရက် အလေးချိန်ရှိ စိန်ပွင့်တွေစီထားတဲ့ ကမ္ဘာပေါ်က တစ်ခုတည်းသော ဘောလ်ပင်ဖြစ်တယ်လို့ ဆိုပါတယ်.. ဘောလ်ပင်အဖုံးထိပ်မှာ ကုမ္ပဏီနံမည်နဲ့ နစ်အသွားမှာတော့ သပ်ရပ်လှပတဲ့ ကနှုတ်ပန်းခက်များနဲ့အတူ ၁၈ ကာရက် ဆိုတဲ့ စာလုံးကို ရေးထွင်းထားပြီး ဈေးနှုန်းက  ဒေါ်လာ ၁၄,၇၀,၆၀၀ (တစ်သန်း လေးသိန်း ခုနှစ်သောင်း ခြောက်ရာ)  ဖြစ်ပါတယ်..  

2. Mystery Masterpiece – Mont Blanc and Van Cleef & Arpels Limited Edition
Price: $730,000


Top 10 Most 
Expensive Pens in The World



(၂) နံမည်ကျော် Montblanc  နဲ့ Van Cleef & Arpels ကုမ္ပဏီ ၂ခု တို့ရဲ့ ရာစုနှစ်ရှည်ကြာ ရပ်တည်နိုင်ခဲ့တဲ့ အထိမ်းအမှတ်အဖြစ် ပူးပေါင်းတီထွင်ပြုလုပ်တဲ့  Mystery Master piece ဖောင်တိန်ပဲန်ဟာ ပတ္တမြား၊ နီလာ၊ မြ စတဲ့ ရတနာသုံးမျိုးကို ပေါင်းစပ်ပြီး ပြုလုပ်ထားတာ ဖြစ်ပါတယ်.. ဆန်းပြားလှပတဲ့ ဘောလ်ပင်ဒီဇိုင်းပေါ်မှာမှ ရတနာတွေကို အသီးသီးစီခြယ်ထားပုံက အနုစိတ်လှပြီး လက်ရာမြောက် လှပလွန်းတာကြောင့် ဒေါ်လာ ၇၃၀,၀၀၀ (ခုနှစ်သိန်း သုံးသောင်း) ဖြစ်တဲ့ တန်ဖိုးနဲ့ ထိုက်တန်ကိုက်ညီ ပါတယ်လို့ ဆိုပါတယ်... ဂုဏ်သိက္ခာကြီးမားစွာနဲ့ နှစ်ပေါင်း ရာချီတိုင်အောင် ခိုင်ခိုင်မာမာ ရပ်တည်နိုင်ခဲ့တဲ့ ကုမ္ပဏီကြီး နှစ်ခုရဲ့ သမိုင်းကြောင်းကို ဒီ ဖောင်တိန်က ပြောကြားနေသလို ရှိပါတယ်....




Top 10 Most Expensive Pens in The World


(၃) ဆွဇ်ကုမ္ပဏီ တစ်ခုဖြစ်တဲ့ Caran d’Ache  ရဲ့ အကျော်ကြားဆုံး ခေတ်သစ် ဗိသုကာပညာရှင်ကြီး  Antonio Gaudi  ရဲ့ လက်ရာ La Modernista Diamonds  ဖောင်တိန်ပဲန်ဟာ လန်ဒန်ရဲ့ နံမည်ကျော် ဟားရောဒ့် ကုန်တိုက်ကြီးမှာ ဒေါ်လာ ၂၆၅,၀၀၀ (နှစ်သိန်းခြောက်သောင်းငါးထောင်) နဲ့ ရောင်းချခဲ့တာဖြစ်ပြီး ၂၀၀၁ ခုနှစ်အထိ ကမ္ဘာ့စံချိန်တင် ဈေးအကြီးဆုံး ဘောလ်ပင်ဖြစ်ခဲ့ပေမဲ့ အပေါ်က ဖောင်တိန်တွေ ပေါ်လာပြီး နောက်မှာတော့ တတိယအဆင့်နေရာကို လျှောကျသွားခဲ့ပါတယ်.. အဲဒီ ဘောလ်ပင်ဟာ ရိုဒီယမ် သုတ်ထားတဲ့ ငွေသားစစ်စစ်နဲ့ ပြုလုပ်ထားပြီး ဘောလ်ပင်ရဲ့ နစ် အသွားကိုလည်း ရိုဒီယမ် မှုတ်ထားတဲ့ ၁၈ကာရက်ရွှေဖြင့် ပြုလုပ်ထားတာာ ဖြစ်ပါတယ်.. ၂၀ ကာရက်အလေးချိန် စိန်ပွင့်လေးပေါင်း ၅၀၇၂ လုံးဖြင့် လှပဆန်းကျယ်စွာ တန်ဆာဆင်ထားပြီး.  ၃၂ကာရက်ရှိတဲ့ အနီရောင်ပတ္တမြား ၉၆လုံးလည်းပါဝင်ပါတယ်.. ကျောက်မျက်ပညာရှင် Robert Perron  က ၆လခန့် အချိန်ယူပြီး ( Hand Made) လက်ဖြင့် ပြုလုပ်ခဲ့တာ ဖြစ်တာကြောင့် အလွန်လက်ရာမြောက် ဆန်းကျယ်တဲ့ ဖောင်တိန်တစ်ချောင်း အဖြစ် တန်ဖိုးထား အသိအမှတ် ပြုကြပါတယ်..


4. Omas Phoenix Platinum – Fountain Pen Luxury Limited Edition with Diamonds Price: $60,000Top 10 Most Expensive Pens in The World

(၄) ၄ခုမြောက် တန်ဖိုးအကြီးဆုံး ဖောင်တိန်လေးက Omas Phoenix Platinum လို့ခေါ်တဲ့ ဒေါ်လာ ၆၀,၀၀၀ (ခြောက်သောင်းတန်) ဖောင်တိန် ဖြစ်ပြီး  ၉၅၀ ပလက်တီနမ်နဲ့ ကြေးဝါရောင် သတ္တုတစ်မျိုးဖြင့် လိုက်ဖက်စွာ ပေါင်းစပ် ပြုလုပ်ထားကာ ကိုယ်ထည်ကို လှပတဲ့ ချစ်စဖွယ် အရောင်စုံ ပုံလေးများ ခြယ်သထားပါတယ်.. ဖောင်တိန် နစ်ဖျားကိုတော့ ရိုဒီယမ်မှုတ်ထားတဲ့ ၁၈ကာရက် ရွှေနဲ့ ပြုလုပ်ထားပြီး နစ်ပေါ်မှာလည်း ဖောင်တိန်ရဲ့ အမှတ်တံဆိပ် Omas နဲ့ ရုပ်ပုံကို ရေးထွင်းထားပါတယ်.


5. Visconti – Ripple H.R.H. Fountain Pen  Price: $ 57,000


 













(၅) နံပါတ် ၅မြောက် ဖောင်တိန်ဖြစ်တဲ့  Visconti တံဆိပ် Ripple H.R.H ဖောင်တိန် ဖြစ်ပြီး ၁၈ကာရက် ရွှေဖြူနဲ့အတူ စိန်ပွင့်လေးများဖြင့် တစ်ရစ်စီ စီခြယ်ထားပါတယ်.. အရောင်နှစ်မျိုးစပ် ၁၈ကာရက် ရွေနဲ့ ဖောင်တိန်နစ်ကို ပြုလုပ်ထားတာ ဖြစ်ပါတယ်.. ဖောင်တိန်မှင်ကို နှစ်ဆင့်ဖြည့်တဲ့ စနစ်နဲ့ ပြုလုပ်ထားပြီုး ကိုယ်ထည်ကို ရွှေဖြူနဲ့ အနက်ရောင်စပ် နှစ်ရောင်တွဲ ဖြင့် ထုတ်လုပ်ထားပြီး တစ်ချောင်းလျှင် တန်ဖိုးအားဖြင့် ဒေါ်လာ ၅၇,၀၀၀ (ငါးသောင်းခုနှစ်ထောင်) တန်ကြေးရှိပါတယ်..


6. Visconti – Alchemy H.R.H. Fountain Pens Price: $ 57,000


(၆) စက်ဖန်တီးမှုမဟုတ်ဘဲ လူကိုယ်တိုင် လှပသေသပ်စွာ လက်နဲ့ ပြုလုပ်ထားတဲ့ ဒီဇိုင်နာ Visconti  ရဲ့ Alchemy HRH ရဲ့ ဖောင်တိန်ဟာ HRH ကုမ္ပဏီရဲ့ ဒီဇိုင်း နောက်တစ်မျိုး ဖြစ်ပါတယ်.. အခြားသော ဖောင်တိန်များနဲ့ မတူတဲ့အချက်က တစ်ဖက်က ဖောင်တိန် အမျိုးအစားဖြစ်ပြီး တစ်ဖက်မှာ ဘောလ်ပင် ဖြစ်ပါတယ်.. တစ်ဖက်ကို နစ် တစ်ချောင်းစီပါရှိပြီး မှင်ထည့်ဖို့လည်း နေရာ ၂ခု တစ်ပိုင်းစီ သီးသန့်ပါရှိပြီး မတူညီတဲ့ သတ္တုတွေနဲ့  ကိုယ်ထည် တစ်ဖက်စီကို ရွှေ တစ်ပိုင်း ငွေတစ်ပိုင်းဖြင့် လက်ရာမြောက်အောင် သေသပ်လှပစွာ ပြုလုပ်ထားပါတယ်..  နစ် ၂ခုလုံးကိုတော့ အကောင်းဆုံး ၁၈ကာရက် ရွှေနဲ့ ပြုလုပ်ထားပြီး အရွယ်အစားမတူတဲ့ ဖောင်တိန်နဲ့ ဘောလ်ပင်နစ်များကြောင့်  ဖောင်တိန်အမျိုးအစားကို မနှစ်သက်သူများအနေနဲ့ တစ်ဖက်မှာ ဘောလ်ပင် ဖြစ်တာကြောင့် နှစ်သက်သဘောကျစွာ အသုံးပြုနိုင်ပါတယ်.. ဘယ်လို လက်ရေး စတိုင်နဲ့ဖြစ်ဖြစ် သင့်တော်အောင် ပြုလုပ်ထားကြောင်း သိရှိရပါတယ်.. ကိုယ်ထည်ကို ဂန္တ၀င်ဆန်ဆန်၊ အနီရောင်ဖြင့် လှပစွာ ပြုလုပ်ထားပြီး အဖုံး၂ခုရဲ့ ရွှေနဲ့ ငွေသတ္တုပေါ်မှာလည်း ဈေးကြီးသော စိန်နဲ့ ပတ္တမြား အလေးချိန် ၄ ကာရက်ကို ထည့်သွင်း ပြုလုပ်ကာ မတူညီတဲ့ ဒီဇိုင်းများနဲ့ ပုံဖော်အလှဆင်ထားပါတယ်..၄င်း ဖောင်တိန်ဘောလ်ပင်ရဲ့ တန်ဖိုးမှာ ဒေါ်လာ ၅၇,၀၀၀ (ငါးသောင်းခုနှစ်ထောင် ) ဖြစ်ပါတယ်


7. Visconti – The Forbidden City H.R.H. Fountain Pen  Price: $50,500.00



(၇) Visconti တံဆိပ် ဖောင်တိန်တွေဟာ အရည်အသွေးကောင်းမွန်ပြီး တီထွင်ဆန်းသစ်မှုလည်း ရှိတာကြောင့် ၇ခုမြောက် တန်ဖိုးအကြီးဆုံး The Forbidden City H.R.H အမည်ရ ဆန်းသစ် တီထွင်မှုရှိသော မှင်ဖြည့်စနစ်ဖြင့် ပါဝင်တဲ့ ဖောင်တိန်မှာလည်း  ဒီဇိုင်နာ Visconti ရဲ့လက်ရာ  ဖောင်တိန်ဖြစ်ပါတယ်… ၁၈ကာရက်ရွှေနှင့် ယှက်ဖောက်ကာ စိန်ပွင့်လေးများဖြင့် ထူးခြားဆန်းပြားတဲ့ ဒီဇိုင်းကို ပုံဖော် ပြုလုပ်ထားတာဖြစ်ပြီး ရောင်းဈေးမှာ ဒေါ်လာ ၅၀,၅၀၀ (ငါးသောင်းနဲ့ ငါးရာ ) ဖြစ်ကြောင်း သိရပါတယ်.


8. MARTE – Omas Fountain Pen Price: $43,000

Top 10 Most Expensive Pens in The World
 

(၈) MARTE ဖောင်တိန်ပဲန်ဟာ ဖောင်တိန်ချစ်သူတွေ အကြိုက်တွေ့တဲ့ လက်ရာဆန်းတစ်ခု ဖြစ်ပါတယ်.. ဖောင်တိန်ရဲ့ ကိုယ်ထည်ပေါ်မှာ မားစ်ဂြိုလ်ရဲ့ တည်ရှိရာအရပ်ကို ရေးဆွဲထားပြီး နှင်းဆီရောင် အဆင်းရှိသော ရွှေဖြင့် ပြုလုပ်ထားခြင်းဟာ မားစ်ဂြိုလ်ကြီးရဲ့ ပန်းဆီရောင်ကို ကိုယ်စားပြုတယ် လို့ဆိုပါတယ်.. ကိုယ်ထည်ပေါ်တွင် ကန္တာရ၊ တောင်တန်း၊ စသည် ကမ္ဘာမြေပြင်ပေါ်ရှိ အရာဝတ္ထုများ ပါဝင်ပြီး ဖောင်တိန်မှာ ပတ္တမြားလေးလုံးကို ထည့်သွင်းထားပါတယ်.. အဖုံးထိပ်မှာ ၂ကာရက် အလေးချိန်ရှိ စိန်ပွင့်ငယ်လေးများ ပါရှိပြီး နှင်းဆီရောင် ရွှေဖြင့်ပြုလုပ်ထားတဲ့ နစ်ဖျားပေါ်မှာတော့ ဂရိနတ်ဘုရား မားစ်ရဲ့ ပုံတူကို ရေးထွင်းထားပါတယ်.. ၄င်း ဒီဇိုင်းနဲ့ ဖောင်တိန်ကို အရေအတွက် အချောင်း ၃၀ သာ ထုတ်လုပ် ရောင်းချခဲ့တာကြောင့် ကမ္ဘာပေါ်မှာ များများစားစား မရှိတဲ့ ဒီဇိုင်းဖြစ်တဲ့အတွက် ဖောင်တိန် နှစ်သက် စုဆောင်းသူများကြား ရှားပါးပစ္စည်းအဖြစ် ထင်ရှားပါတယ်... ၄င်းသည်လည်း ဒေါ်လာ ၄၃,၀၀၀ (လေးသောင်းသုံးထောင်) ပေးရတဲ့ အဖိုးတန် ဖောင်တိန် တစ်ချောင်း ဖြစ်လာပါတယ်။


9. Gaia High Luxury – Omas Fountain Pens  Price: $43,000

Top 10 Most Expensive Pens in The World

 

(၉) Gaia High ဖောင်တိန်ဟာလည်း Omas ရဲ့လက်ရာ တစ်ခုဖြစ်ပြီး ဘောလ်ပင်ရော ဖောင်တိန်ပါ နှစ်မျိုးလုံး ရှိပြီး နက်ရှိုင်းနေတဲ့ အမဲရောင်က ကမ္ဘာမြေပြင်ကို ဖော်ဆောင်ပြီး ၁၈ကာရက် ရွှေဖြူနဲ့ ရွှေဝါ ၊ မဟူရာကျောက်၊ သလင်းကျောက်အပြင် အခြားသော သတ္တုများတို့နဲ့ ပေါင်းစပ်ပြုလုပ်ထားတာ ဖြစ်ပါတယ်.. ကိုယ်ထည်တစ်ခုလုံးကို ကြီးမားလှတဲ့ ပင့်ကူ၊ အသားစားအပင်များ၊ ရေနေသတ္တ၀ါတို့ရဲ့ ပုံများကို ရေးထွင်းထားပါတယ်.. ခြုံကြည့်ရင် ကမ္ဘာမြေပြင်ပေါ်က ထိတ်လန့်ကြောက်ရွံ့စရာနဲ့ အံ့သြစရာ  ပုံရိပ်များကို ရောစပ်ကာ ရေးထွင်းထားတာကြောင့် အခြားသော ဖောင်တိန်ဒီဇိုင်းများနဲ့ မတူ ကွဲပြား ခြားနားစေတဲ့အချက် ဖြစ်လာပါတယ်.. ရောင်းဈေးကတော့ ဒေါ်လာ ၄၃,၀၀၀ ( လေးသောင်းသုံးထောင်) အပေါ်ကအတိုင်း  ဖြစ်ပါတယ်..


10. CREW 60TH White Gold – Tebaldi fountain pens Price: $43,000

Top 10 Most Expensive Pens in The World



အဖိုးတန် ဖောင်တိန်ကို ဂုဏ်သိက္ခာတစ်ရပ်အနေနဲ့ ကိုင်ဆောင်ချင်သူများ၊ စုဆောင်းချင်သူ ငွေကြေး ချမ်းသာသူများ အတွက်တော့ တန်ဖိုးကြီး ဖောင်တိန်တွေဟာ စွဲမက်စရာ ဖြစ်နေမည် ဖြစ်သော်လည်း သာမန်လူတန်းစားများ အတွက်တော့ ဝေးကွာနေပေဦးမည်။
(၁၀) ကမ္ဘာ့အကောင်းဆုံး ဖောင်တိန် ပြုလုပ်သူ အီတလီ ဒီဇိုင်နာ Tebaldi ရဲ့လက်ရာ Tebaldi CREW 60TH ဖောင်တိန်ဟာ ဘန်တလေ ကုမ္ပဏီကြီးရဲ့ သမိုင်းကြောင်းကို ပြန်ပြောင်းသတိရစေဖို့နဲ့ အထိမ်းအမှတ် တစ်ခုအဖြစ် စက်ဖြင့် ပြုလုပ်တာမဟုတ်ဘဲ လက်နဲ့ ပြုလုပ်ထားတဲ့ ဖောင်တိန်ဖြစ်ပါတယ်.. ဖောင်တိန်ရဲ့  နစ်ဟာ ၁၈ကာရက် ရွှေဖြစ်ပြီး ရိုဒီယမ်နဲ့ ရူသီနီယမ် သတ္တု နှစ်မျိုးစပ်ပြီး ဖုံးအုပ်ထားပါတယ်.. အဖုံးဝထိပ်မှာတော့ ဘန်တလေတံဆိပ်နဲ့ အမှတ်အသားကို တွေ့ရပြီး ကိုယ်ထည်ကို ဘန်တလေရဲ့ ခေတ်ဦးက ထုတ်ထုပ်ခဲ့တဲ့ ကား ဒက်ရ်ှဘုတ်နဲ့ တူအောင် ပြုလုပ်ထားပါတယ်.. လက်ကိုင်တဲ့နေရာနဲ့  အဖုံးထိပ်ကိုတော့ အကွက်လေးများ ဖော်ထားပြီး အထဲက မှင်အနေအထားကိုပါ ထုတ်ချင်းပေါက် တွေ့မြင်နိုင်အောင် စီစဉ်ထားတဲ့ နေရာလေးပါ ပါရှိပါတယ်..  




အားလုံးဘဲ မိမိနှစ်သက်ရာ ဒီဇိုင်းကို ရွေးချယ်ပြီး စိတ်ကူးအိပ်မက်များ ဖန်တီးကြည့်ကြပါစို့နော်...  :)



Source from : Top 10 Most Expensive Pens in The World ( Funzug)

3. La Modernista Diamonds – Caran d’Ache  Price: $265,000