ကချင်ပြည်နယ် လက်ဆောင်

အားလုံးပဲ မင်္ဂလာပါရှင်..  

ကချင်ပြည်နယ်က ကျွန်မရဲ့ ဇာတိ ဖားကန့် ကျောက်စိမ်းတွင်းကို ပြန်သွားတဲ့ခရီးက ပြန်ရောက်ပါပြီ။  ကျွန်မ မရှိသော်လည်း ပုံမှန်အတိုင်း အလည်လာ စာဖတ်ကြသူများ၊ အိမ်ကလေးကို စောင့်ရှောက်ပေးကြသူများ အားလုံးကို ကျေးဇူး အထူးတင်ပါတယ်နော်။ ချစ်စွာသော သူငယ်ချင်း မိတ်ဆွေများ၊ စာဖတ်သူများအတွက် ကျွန်မကလည်း ကချင်ပြည်နယ်ထွက် လက်ဆောင်လေးတွေ ယူလာပါတယ်။  ဘာ လက်ဆောင်တွေများ ယူလာတာပါလိမ့်လို့ သိချင်သူများ အောက်မှာ ဆက်ပြီး ဖတ်ကြည့်ပါနော်။ အိမ်အပြန် လက်ဆောင်အဖြစ် ဖားကန့်က ကျောက်စိမ်းတွေများ လက်ဆောင်ယူလာတာလို့များ ထင်နေမလားဘဲ။ ဟုတ်ကဲ့ အားလုံးအတွက် ယူလာတဲ့ လက်ဆောင်တွေကတော့

 
အစိမ်းရောင်တော့ အစိမ်းရောင်ပါ။ ဒါပေမဲ့ ဖက်နဲ့ ထုပ်ထားတဲ့ အထုပ်တွေဖြစ်ပါတယ်။ ဘာတွေများလဲလို့ သိချင်ကြမယ်ဆိုရင် အထုပ်လေးတွေကို ဖြည်ကြည့်ကြပါစို့နော်။


ဖက်ထဲက ဟင်းပြင်းဖူးများ




ဟင်းပြင်းဖူး 


ဒါကတော့ ကျွန်မတို့ကချင်ပြည်နယ်ရဲ့  ဟင်းပြင်းဖူး ဖြစ်ပါတယ်။ ကချင်ပြည်နယ်သူ ပြည်နယ်သားမှန်ရင် မသိသူ မရှိသလောက်ပါဘဲ။ တောတောင်တွေ ပေါလှတဲ့ ကချင်ပြည်နယ်ရဲ့ ဘယ်တောထဲမှာမဆို တွေ့နိုင်ပြီး ယာခင်းတွေနဲ့ စိုက်ပျိုးတာမဟုတ်ဘဲ သဘာဝအလေ့ကျ ပေါက်ပင်ကနေ သီးပွင့်တာ ဖြစ်ပါတယ်။ ကြော်စားစား၊ ဟင်းပေါင်းလုပ်စားစား၊ လှော်စားစား ကြိုက်သလို လုပ်စားလို့ရပါတယ်။



 ဖက်ထဲက ဟင်းပြင်းရွက်


ဆေးကြောထားတဲ့ ဟင်းပြင်းရွက်
ဒါကတော့ အပေါ်က ဟင်းပြင်းသီးရဲ့ အပင်က အရွက်ဖြစ်တဲ့ ဟင်းပြင်းရွက်ဖြစ်ပါတယ်။ အရည်သောက်ချက်ချက်၊ ကြော်စားစား ၊ သုပ်စားစား စားလို့ကောင်းပါတယ်။ 


နောက် တစ်ထုပ်ဖြည်ကြည့်မယ်ဆိုရင် ထွက်လာတာက 

ကံဇင်းရွက် 

ကျွန်မအမြဲပြောလေ့ရှိတဲ့ ကချင်တိုင်းရင်းသားများ သိပ်ကြိုက်သောကံဇင်းရွက် ဖြစ်ပါတယ်။ဆူးကလေးများ ပါတတ်ပါတယ်။ ကြိုက်ရင် အနံ့မွှေးပြီး မကြိုက်ရင် နံတယ်လို့ထင်တတ်ကြပါတယ်။ အရည်သောက် ဟင်းတွေမှာ ဟင်းခတ်ရွက်အဖြစ် အသုံးပြုကြပါတယ်။ 



နောက်တစ်မျိုးက



ကြက်သားကချင်ချက်၊ ငါးပေါင်း ငါးကင် ငါးချက်တွေမှာ မပါမပြီးတဲ့ ဖက်ဖယ်ရွက်ဖြစ်ပါတယ်။ ကျွန်မကတော့ အပင်စိုက်ဖို့ ၀ယ်လာပါတယ်။ အပင်ဖြစ်ထွန်းလာရင် ၀မ်းသာစရာပေါ့နော်။ အရွက်တွေကို ဖက်နဲ့ထုပ်ထားရင် ပိုပြီး ကြာကြာခံတာမို့ ဖက်ကလေးတွေနဲ့ ထုပ်ပြီး ယူလာတာ ဖြစ်ပါတယ်ရှင်။            


ဒီပုံကြည့်ပြီးတော့  ကချင်ပြည်နယ် လက်ဆောင်လဲ ဆိုသေးရဲ့ Grand Royal Whisky တွေလို့ အထင်တော် မလွဲကြပါနဲ့။ :)




သကြား၊ ကြံသကာ စတဲ့ ဘာအရောအနှောမှ မပါသော ကချင်ပြည်နယ်ထွက် ပျားရည်စစ်စစ် ဖြစ်ပါတယ်။ တစ်စက်လောက် တို့ပြီး လျှာပေါ်တင်လိုက်တာနဲ့ ပန်းဝတ်မှုံပေါင်းစုံတို့ရဲ့ အနံ့လေးဟာ မွှေးလှတာမို့ ချိုချိုမွှေးမွှေး ပျားရည်စစ်စစ် လိုချင်သူများ အတွက်ပါနော်။ မွေးမြူရေးပျားရည်ထက် တောတောင်တွေက ပန်းပေါင်းစုံတို့ရဲ့ ပန်းဝတ်မှုံ၊ ပန်းဝတ်ရည်တွေကို စုဆောင်းလို့ ရလာတဲ့ သဘာဝပျားရည်ကို ကျွန်မက ပိုနှစ်သစ်တာမို့ တကူးတက သယ်လာဖြစ်ပါတယ်။ 


ချဉ်စော်ကားသီးဝိုင်


ပေ ၅၀၀၀ကျော် မြင့်မားကာ သစ်ပင်ကြီးများ ထူထပ်ပြီး၊ တောင်တန်းကြီးတွေ မြင့်မားလှတဲ့  ကချင်ပြည်နယ်ရဲ့ ဗန်းမော်၊ မိုးမောက်ဒေသ စိန်လုံတောင်တန်းပေါ်က ထွက်ရှိတဲ့ ချဉ်စော်ကားသီးဝိုင်ပါ။  ခရီးအမှတ်တရ ၀ယ်ဖြစ်ခဲ့ပါတယ်။( ဒီခရီးအကြောင်းကိုတော့ သီးသန့် ဖော်ပြပါဦးမယ်ရှင်) ဒီဝိုင်ကိုတော့ သောက်တတ်သူများ အလိုရှိရင် လက်ဆောင်ယူသွားပါနော်။ ဆေးဘက်လဲ ၀င်တယ်လို့ ဆိုပါတယ်။ :)



ဒါကလည်း ကချင်ပြည်နယ်နဲ့ အဲဒီ စိန်လုံတောင်တန်းပေါ်မှာ တစ်တောတစ်တောင်လုံး ရှိတတ်တဲ့ တည်သီးခြောက်ပါ။ 

 
တည်သီးပါ။ တည်သီးကို `တယ်သီး´လို့ အသံထွက်ပါတယ်။

တည်သီးကို မမြင်ဖူးသူများအတွက် ဖော်ပြပေးတာပါ။ ၄င်းအသီးတွေကို မှည့်တဲ့အခါ ဒီတိုင်းစားကြပြီး အရသာက ချိုပါတယ်။ အတွင်းသားက အပေါ်က ပုံအတိုင်းပါ။ အသီးတွေ သိပ်ပေါလို့ စားမနိုင်တဲ့အခါ အထက်က ပုံလို အခြောက်လှမ်းပြီး ချိန်ခါမရွေးစားနိုင်တဲ့ တည်သီးခြောက်လုပ်ရောင်းကြပါတယ်။ အသီးမှည့်အခြောက်က ပိုချိုပြီး အချို့က အသီးစိမ်းကို အခြောက်လှမ်းရင် အရသာက ဖန်တွတွမို့ စားလို့ မကောင်း ဖြစ်တတ်ပါတယ်။

ကျောက်ဂျင်း

ဒါလည်း စိန်လုံတောင်တန်းပေါ်က ၀ယ်လာတဲ့ ကျောက်ဂျင်းဆိုတာပါ။ ကျွန်မကိုယ်တိုင်တောင် ဒီကျောက်ဂျင်းကို တစ်ခါမှ မစားဖူးတာမို့ ဆိုင်ရှင်ကိုမေးတဲ့အခါ ပါးပါးမျှင်မျှင်လှီးပြီး ခရမ်းချဉ်သီးနဲ့ အစိမ်းသုပ်စားလို့ရသလို ငရုပ်သီးထောင်းစားစား၊ မြေပဲဆန်နဲ့လည်း သုပ်စားစားစား စားလို့ ရတယ်ပြောပါတယ်။ မစားဖူးတဲ့ အစားအသောက် အသစ်အဆန်းတွေကို စိတ်ဝင်စားတာမို့ ၀ယ်လာတာပါ။ အခြားတစ်ရက်မှ ဒီကျောက်ဂျင်းကို သုပ်ကျွေးပါမယ်နော်။


 ပိန်းဥ

ကျောက်ဂျင်းနဲ့ တူသလိုလို ရှိပေမဲ့ မဟုတ်ပါ။ ပိန်းဥပါ ။ ဒီပိန်းဥနဲ့ ကချင်ဟင်းရည် ချက်ကျွေးပါမယ်နော်။


မျှစ်တို့ခြောက် 

အိမ်က သယ်လာတဲ့ မျှစ်တို့ခြောက်ပါ။ မျှစ်ချဉ်ကို ပါးပါးမျှင်မျှင်လေးတွေ လုပ်ပြီး အခြောက်လှမ်းထားတာပါ
။ ငါးချဉ်လဲပါလာပေမဲ့ ဟင်းမချက်ခင် ဓာတ်ပုံမရိုက်ဖြစ်လိုက်မိပါဘူး။


~~~~~~@@@~~~~~~

ဒါတွေကို ချစ်စွာသော မိတ်ဆွေ၊ သူငယ်ချင်းများအတွက် ကချင်ပြည်နယ်ရဲ့ လက်ဆောင်အဖြစ် ယူလာတာပါ။ ကြိုက်သလောက် ယူသွားကြပါနော်။ ဒီစားသောက်စရာတွေကို ဘယ်လို လုပ်စားရမယ်မှန်း မသိသူများအတွက်တော့ ကျွန်မကိုယ်တိုင် ချက်ကျွေးပါမယ်နော်။


ကချင်ပြည်နယ်ထွက် အသီးအရွက်များနဲ့ ချက်ထားပါပြီ။ ဟင်းတစ်မျိုးချင်းစီကို မိတ်ဆက်ပြောပြရမယ်ဆိုရင်


ဟင်းပြင်းဖူးကြော်


Image Hosted by PicturePush - Photo Sharing


ဟင်းပြင်းဖူးကို ဆူးပုတ်ရွက်လေးရောပြီး ကြော်ထားတာပါ။ ကြက်သွန်ဖြူ ဓားပြားရိုက်၊ ကြက်သွန်နီ စိတ်ပြီး ကြော် ပုဇွန်ခြောက်ထည့်၊ ဟင်းပြင်းဖူးထည့်၊ ကျက်ခါနီးမှ ဆူးပုတ်ရွက်နဲ့ ခရမ်းချဉ်သီး ငရုပ်သီးတို့ကိုထည့်ပြီး ဆားအရသာမှုန့်ထည့်ပြီး ကြော်ထားတာပါ။ ဆိမ့်ဆိမ့်လေးနဲ့ သိပ်စားကောင်းတာပါ။ 



Image Hosted by PicturePush - Photo Sharing

မျှစ်ချဉ်

အဲဒီမျှစ်ချဉ်နဲ့ ဟင်းပြင်းရွက်ကို လှော်ပါတယ်။ 

Image Hosted by PicturePush - Photo Sharing

မျှစ်ချဉ်ကို ရေနဲ့ အရင်ပြုတ်ပါတယ်။ ပြီးတော့မှ ဆီ အနည်းငယ်ထည့် ကြက်သွန်ဖြူနီထည့် ပုဇွန်ခြောက်၊ ငပိထည့်ပြီး မျှစ်ချဉ်ကို လှော်ပါတယ်။ မျှစ်ချဉ်ကျက်တော့ ဟင်းပြင်းရွက်၊ ကံဇင်းရွက်လည်း ထည့်ပါတယ်။ ခရမ်းချဉ်သီး၊ ငရုပ်သီး ဆား၊အရသာမှုန့်၊ ငံပြာရည်( ကြိုက်တတ်လျှင်) တို့ထည့်ပါတယ်။ ဟင်းပြင်းရွက် အနေတော် နူးပြီဆို စားလို့ရပါပြီ။ 


Image Hosted by PicturePush - Photo Sharing

မျှစ်ချဉ်နဲ့ ဟင်းပြင်းရွက် လှော်ပါ။


Image Hosted by PicturePush - Photo Sharing


 အရည်သောက်အတွက် ချက်ဖို့က

ကျောက်ဖရုံသီးပါ။

ပိန်းဥကို ကျောက်ဖရုံသီးနဲ့ မျှစ်တို့ခြောက်ထည့်ပြီး ကံဇင်းရွက်ခတ်တဲ့ ဟင်းရည် ချက်ထားပါတယ်။  



Image Hosted by PicturePush - Photo Sharing

ပိန်းဥ၊ ကျောက်ဖရုံသီး၊ မျှစ်တို့ခြောက်၊ ကံဇင်းများနဲ့ ငရုပ်သီးစပ်စပ် ဟင်းရည်
ဒီဟင်းရည်ချက်နည်းကတော့ ရေအိုးတည် ဆား၊ ငပိ၊ ပုဇွန်ခြောက်ခတ်ပြီး ပိန်းဥနဲ့ ကျောက်ဖရုံသီးကို အတုံးများလုပ်ပြီး ထည့်ပါတယ်။ ငရုပ်သီး ၄တောင့် ၅တောင့် ထည့်ပါတယ်။ ၄င်းပိန်းဥနဲ့ ကျောက်ဖရုံသီး၊ ငရုပ်သီးတို့ နူးပြီဆို အရည်မပါဘဲ ခွက်တစ်ခုထဲ ခူးထည့်ပြီး  အတုံးများကို အနည်းငယ်ကြေအောင် ဇွန်းဖြင့် ခြေပါတယ်။ ပြီးနောက် အိုးထဲပြန်ထည့်ပြီး မျှစ်တို့ခြောက် ခတ်ပါတယ်။ ထိုသို့ ခြေမှ ဟင်းရည် ခပ်ပြစ်ပြစ်လေးကို ရပါတယ်။ အချိန်အနည်းငယ်ထားပြီး ဆား၊ အရသာများ အပေါ့အငံများ အရသာစိတ်ကြိုက်ဖြစ်ပါက ကံဇင်းရွက်ကို ခတ်ပြီး ချလို့ရပြီ။ အရသာကတော့ အချဉ်အရသာလဲပါ၊ စပ်လဲစပ်၊ ကံဇင်းနံ့လေး မွှေးလှတဲ့ ကချင်ဟင်းရည် ရပါတယ်။

Image Hosted by PicturePush - Photo Sharing

ဒါကတော့ ကချင်ပြည်နယ် အင်းတော်ကြီးငါးချဉ်ပါ။ အဲဒီငါးချဉ်ကို ကြော်ပါတယ်။

Image Hosted by PicturePush - Photo Sharing


အဲဒီဟင်းတွေကို ငရုပ်သီးလေးထောင်းလေးနဲ့ စားလိုက်ရင် ရှူးရှူးရှဲရှဲ အရသာလေးနဲ့ လျှာလည်သွားမယ်ဆိုတာ သေချာပါတယ်နော် :)


~~~~~~~~~~~~~~~@@@~~~~~~~~~~~~~~~~


ကျွန်မရဲ့ ကချင်ပြည်နယ် လက်ဆောင်လေးများဖြင့် အားလုံးပဲ ပျော်ရွှင်ချမ်းမြေ့ကြပါစေရှင်.. ခရီးသွားရာက ရရှိလာတဲ့ အတွေ့အကြုံလေးတွေလည်း ရေးစရာတွေ ပါလာတာမို့ ဖြေးဖြေးချင်း ရေးပါဦးမယ်လို့...
 
Image Hosted by PicturePush - Photo Sharing

စိတ်ရဲ့ ပြူတင်းပေါက်



အိမ်ထောင်ကျကာစ လင်မယားအသစ်ကလေး တစ်စုံဟာ  နေရာသစ်က တိုက်ခန်းအသစ်လေး တစ်ခုကို ပြောင်းရွေ့လာကြပါတယ်။ သူတို့နေရတဲ့တိုက်ခန်းအသစ်ဟာ ပြင်ပ ၀န်းကျင်ကို ကောင်းကောင်း ကြည့်မြင်နိုင်တဲ့  မှန်ပြူတင်းပေါက်တွေ ရှိနေခဲ့ပါတယ်။



နောက်တစ်နေ့မနက် သူတို့နှစ်ယောက် မနက်စာ စားနေချိန်မှာ ထမင်းစားခန်းရဲ့ ပြူတင်းပေါက်ကနေ အပြင်ကို လှမ်းကြည့်လိုက်တော့ တစ်ဖက် အိမ်က ခြံဝင်းထဲမှာ အ၀တ်တွေ အများကြီးကို လျှော်ဖွတ်ပြီး လှမ်းထားတာ တွေ့လိုက်ရပါတယ်။

အဲဒီအ၀တ်တွေကိုကြည့်ပြီး အမျိုးသမီးလေးက “အ၀တ်တွေကြည့်ရတာ စင်တဲ့ပုံလည်းမရဘူး။ အဲဒီအ၀တ်တွေကို လျှော်တဲ့ မိန်းမဟာ အ၀တ်လည်း ကောင်းကောင်း မလျှော်တတ်ဘူးထင်တယ်။ ဒါမှမဟုတ် သူတို့သုံးတဲ့ ဆပ်ပြာမကောင်းလို့လား မသိဘူး” ဆိုတဲ့ မှတ်ချက် ချပါတယ်။
Image Hosted by PicturePush - Photo Sharing


တစ်ဖက် အိမ်ကလည်း နေ့စဉ်နေ့တိုင်း အ၀တ်တွေ အများကြီးကို လျှော်ဖွတ်ပြီး လှမ်းထားသလို မိန်းခလေးဟာလည်း  အဲဒီပြူတင်းပေါက်ကနေ ကြည့်မိတိုင်း သူတို့လျှော်တဲ့ အ၀တ်တွေ မစင်တဲ့အကြောင်း၊ အ၀တ် မလျှော်တတ်ကြောင်း၊ ဆပ်ပြာမကောင်းကြောင်း စတဲ့မှတ်ချက်တွေကို ချတတ်ပါတယ်။
နောက်တစ်နေ့ မနက်စားစားချိန်မှာတော့ ထုံးစံအတိုင်း မိန်းခလေးဟာ တစ်ဖက် ခြံဝင်းထဲကို ကြည့်လိုက်ပြန်ပါတယ်။

Image Hosted by PicturePush - Photo Sharing

“ဟယ်..  ကိုယ်ရေ ဒီနေ့တော့ ထူးထူးခြားခြားတော်..  ဟိုဖက်တိုက်ခန်းက အ၀တ်တွေ လျှော်ထားတာ ပြောင်စင်နေပါလား။ ဆပ်ပြာကောင်းကောင်းသုံးပြီထင်တယ်.. ကိုယ်ရော မြင်ရလား အ၀တ်တွေ ပြောင်အောင် လျှော်ထားတာကိုလေ..” လို့ အံ့သြတကြီး ပြောလိုက်ရင်းက  သူ့ အမျိုးသားကို လှမ်းမေးလိုက်ပါတယ်။

Image Hosted by PicturePush - Photo Sharing

ဒီတော့ မိန်းခလေးရဲ့ အမျိုးသားက “ အော်.. အဲဒါ ပြောဖို့ မေ့နေတာ။ ကိုယ် ဒီမနက် စောစောနိုးတာနဲ့ အိမ်ရဲ့ ပြူတင်းပေါက်မှန်တွေကို သေချာဆေးကြော သန့်စင်ထားလိုက်တယ်။ တကယ်က ဟိုဖက်အိမ်က မိန်းမ အ၀တ်လျှော်တာ မစင်လို့ မဟုတ်ပါဘူး။ ကိုယ်တို့ပြူတင်းပေါက်မှန်က ညစ်ပေနေလို့ပါ” လို့ ပြန်ပြောလိုက်ပါတယ်။


 ~~~~~~~~~~~~@@@~~~~~~~~~~~~~~~


တကယ်တော့ တစ်ဖက်သားကို ကြည့်တဲ့အခါ ကြည်ကြည်လင်လင် မြင်နိုင်ဖို့ဆိုရင် မိမိရဲ့ အတွင်းစိတ်ဖြစ်တဲ့ ပြူတင်းပေါက်လေးဟာလည်း သန့်ရှင်းကြည်လင်နေမှသာ ကြည်ကြည် လင်လင် မြင်ရမှာ ဖြစ်ပါတယ်။ မကြည်လင်နေတဲ့ စိတ်အခံနဲ့ လူတစ်ယောက်ကို ကြည့်တဲ့အခါ အမြင်မှန်ကို မြင်နိုင်ဖို့ မလွယ်ကူပါဘူး။ ကျွန်မတို့တွေ မိမိရဲ့ အတွင်းစိတ် ပြူတင်းပေါက်တွေ ညစ်နွမ်းနေတာကို သတိမထားမိဘဲ သူတစ်ပါးကို  မှတ်ချက်အမှားတွေ ကောက်ချက်အလွှဲတွေ ဘယ်နှကြိမ်များ ချနေမိခဲ့ပြီလဲ မသိနော်.. ဒါကြောင့် အရာရာကို ကြည်လင်ပီသစွာ မြင်နိုင်ဖို့ မိမိရဲ့ စိတ်ပြူတင်းပေါက်တွေကိုလည်း သန့်ရှင်းရေး လုပ်သင့်တယ်ဆိုတာကို  ကျွန်မကိုယ်တိုင်လည်း မိမိကိုယ်ကို သတိပေးတဲ့အနေနဲ့ ဒီပိုစ့်လေးကို တင်ဖြစ်ပါတယ်ရှင်။




Inspiration from; A window from open visit ( Funzug.com)
Photo from : google

မင်္ဂလာ နှစ်ဆန်းတစ်ရက်နေ့


မြတ်ရွှေတိဂုံ

ချစ်ခင်ရပါသော သူငယ်ချင်း မိတ်ဆွေများ၊ စာဖတ်သူများ အားလုံးအတွက် ကျက်သရေမင်္ဂလာနဲ့ ပြည့်ဝတဲ့ မြန်မာ့နှစ်သစ်ကူးနေ့ ဖြစ်ပါစေလို့ ဆုမွန်ကောင်း တောင်းလိုက်ပါရစေရှင်။

ဒီနေ့ဟာကျွန်မတို့ မြန်မာလူမျိုးတွေရဲ့ နှစ်ဟောင်းကုန်လို့ နှစ်သစ်ကို ကူးပြောင်းတဲ့ နှစ်ဆန်းတစ်ရက်နေ့ ဖြစ်တာနဲ့အညီ မြန်မာပြည်မှာတော့ ဘုရားကျောင်းကန်သွားပြီး ကုသိုလ်ကောင်းမှု လုပ်ကြတဲ့ နေ့လည်း ဖြစ်ပါတယ်။ ငါး၊ ငှက် ၊နွား စတဲ့ သတ္တ၀ါတွေကို ဘေးမဲ့ လွတ်ကြသလို လူကြီးသူမ၊ မိဘဘိုးဘွား ဆရာသမားတို့ကိုလည်း ကန်တော့ကြတဲ့နေ့လည်း ဖြစ်ပါတယ်။

ဒီအချိန်ဆိုရင် ဘုရားကျောင်းကန် စေတီပုထိုးတွေမှာ လူတွေ ကြိတ်ကြိတ်တိုးအောင် ကုသိုလ်ဒါန လုပ်နေကြပြီ ဖြစ်ပါတယ်.. ပြည်ပရောက်နေလို့ ဘုရားကျောင်းကန် မရောက်နိုင်သူမျာ အားလုံးလည်း ကျက်သရေမင်္ဂလာနဲ့ ပြည့်စုံတဲ့ ဒီနှစ်ဆန်းတစ်ရက်နေ့မှာ ကုသိုလ်ယူကြဖို့ ကျွန်မရိုက်ဖြစ်ခဲ့တဲ့ စေတီပုထိုးပုံများကို တင်ပေးလိုက်ပါတယ်.. ကြည်လင်ရွှင်လန်းသော စိတ်အစဉ်ဖြင့် ကြည်ညိုသဒ္ဓါ ပွားများနိုင်ကြပါစေရှင်။

Image Hosted by PicturePush - Photo Sharing


Image Hosted by PicturePush - Photo Sharing 


Image Hosted by PicturePush - Photo Sharing 

Image Hosted by PicturePush - Photo Sharing 

ရွှေတိဂုံစေတီတော်ကို ဓာတ်ပုံရိုက်တဲ့အခါ ဘယ်နေရာကနေရိုက်ရိုက် သပ္ပါယ်ကြည်ညိုဖို့ သိပ်ကောင်းလွန်းပါတယ်။

Image Hosted by PicturePush - Photo Sharing 
ရွှေတိဂုံစေတီပေါ်မှ ကျောက်စိမ်းဆင်းတုတော်



Image Hosted by PicturePush - Photo Sharing

Image Hosted by PicturePush - Photo Sharing 
ညအချိန် အဝေးက လှမ်းပြီး ဖူးတွေ့ရတဲ့ ရွှေတိဂုံစေတီတော်နဲ့ ကရ၀ိတ်


Image Hosted by PicturePush - Photo Sharing 
မန္တလေး ဘုရားကြီး

Image Hosted by PicturePush - Photo Sharing

သိပ်ဝေးလွန်းတော့ ခပ်ဝါးဝါးသာဖူးတွေ့ရတဲ့ မဟာမြတ်မုနိရုပ်ပွားတော်

Image Hosted by PicturePush - Photo Sharing 
နေပြည်တော် ဥပ္ပါတ သန္တိစေတီတော်

Image Hosted by PicturePush - Photo Sharing 
စေတီအတွင်း


Image Hosted by PicturePush - Photo Sharing 

Image Hosted by PicturePush - Photo Sharing 
မန္တလေးတောင်ပေါ်မှ ရုပ်ပွားတော်များ

Image Hosted by PicturePush - Photo Sharing

မန္တလေး စွယ်တော်စေတီ

Image Hosted by PicturePush - Photo Sharing 
စွယ်တော်စေတီတွင်းမှ ရုပ်ပွားတော်

Image Hosted by PicturePush - Photo Sharing 

Image Hosted by PicturePush - Photo Sharing 
မန္တလေး ပုလိပ်မြွေဘုရား

Image Hosted by PicturePush - Photo Sharing

အားလုံးလည်း နှစ်သစ်မှာ ရွှင်လန်းချမ်းမြေ့ပါစေ။ ဘေးဘယာ ဝေးကွာပြီး ဆန္ဒများ ပြည့်ဝပါစေ။ ကုသိုလ်ကောင်းမှု ထင်တိုင်းပြုနိုင်ကြပါစေ လို့ ဆုတောင်းပေးလိုက်ပါတယ်ရှင်။ 





ဓာတ်ပုံများကို ဖုန်းကင်မရာဖြင့်သာ ရိုက်ထားတာ ဖြစ်တာကြောင့် အနေအထား အရောင်အဆင်း မပီမသ ဖြစ်နေပါက ခွင့်လွှတ်ကြပါရှင်။

ကျွန်မတို့ ဒေသရဲ့ ရိုးရာဓလေ့ သင်္ကြန်နေ့

မင်္ဂလာပါရှင်..

ဒီနေ့တွေမှာတော့ ကျွန်မတို့ မြန်မာပြည်မှာ သင်္ကြန်ပွဲအတွက် တစ်ပြည်လုံးက ခြိမ့်ခြိမ့်သည်းသည်း ဆင်နွဲနေကြပြီ ဖြစ်ပါတယ်။ သူ့ရပ် သူ့ဒေသအလိုက်၊ ရိုးရာ ထုံးတမ်းစဉ်လာများနဲ့  သင်္ကြန်ကို ဆင်နွဲပျော်ရွှင်ကြလေ့ ရှိပါတယ်။ သင်္ကြန်မှာ ပြုလုပ်လေ့ ရှိတဲ့ ရိုးရာ ထုံးတမ်းစဉ်လာ တစ်ရပ်အနေနဲ့ ကချင်ပြည်နယ် ဖားကန့်မြို့နယ်ရှိ ကျွန်မရဲ့ မွေးဖွားရာ ဇာတိဒေသလေးမှာ အတာသင်္ကြန် ကြိုဆိုကျင်းပကြပုံ အကြောင်းလေးကို ဗဟုသုတအနေနဲ့ ပြောပြချင်ပါသေးတယ်ရှင်။ ဒီအလေ့အထဟာ ကျွန်မတို့ မမွေးဖွားခင်ကတည်းက ကျင်းပခဲ့ကြသလို ယခုအချိန်ထိလည်း အစဉ်အလာမပျက် ကျင်းပနေဆဲ ဖြစ်ပါတယ်။


Image Hosted by PicturePush - Photo Sharing 

Image Hosted by PicturePush - Photo Sharing

မြတ်စွာဘုရားဆင်းတုတော်အား ပင့်ဆောင်မည့် လမ်း


မဟာသင်္ကြန်အကျနေ့လို့ သတ်မှတ်ကြတဲ့ ဧပြီလ ၁၄ရက်နေ့မှာ နှစ်စဉ်နှစ်တိုင်း အတာသင်္ကြန်ကျချိန်လို့ သတ်မှတ်ထားတဲ့ စံတော်ချိန် အတိအကျအတိုင်း ကျွန်မတို့ ရွာကလေးရဲ့ ဘုန်းတော်ကြီးကျောင်းမှာ ဘုရားဆင်းတုတော်များကို မူလစံပယ်ရာ ကျောင်းတိုက်ကြီးမှ ရေသပ္ပါယ်ဆောင်ကို မဟာသင်္ကြန်ကာလအတွင်း ရေသပ္ပါယ်ခံဖို့ ပြင်ဆင်ကြပါတယ်။ သင်္ကြန်အကျနေ့မတိုင်မီကတည်းက ဘုရားဆင်းတုတော်ကို ပင့်ချီလာမဲ့ လမ်းတစ်လျှောက်  ရာဇမတ်ကွက်များ ကာရံပြီး ငှက်ပျောပင် ကြံပင်များစိုက်ကာ တံခွန်ကုက္ကားများနဲ့ ပြင်ဆင်ထားပါတယ်။



Image Hosted by PicturePush - Photo Sharing 
မြတ်စွာဘုရား ဆင်းတုတော်များ ရေသပ္ပါယ်ခံယူမည့်ကျောင်းဆောင်



ကျွန်မတို့ငယ်စဉ်ကတော့ အပျို လူပျိုတို့က ပန်းမျိုစုံတို့ကို တောတွင်းမှ ခူးကာ မြတ်စွာဘုရား ရုပ်ပွားတော်များ စံပယ်တော်မူမဲ့ ကျောင်းဆောင်လေးကိုလည်း လှပစွာ ပြင်ဆင်ကြပေမဲ့ ယခုခေတ်မှာတော့ တောတောင်များ ပြုန်းတီးကုန်ပြီဖြစ်၍ တောပန်းများ ရှားပါးပြီဖြစ်သောကြောင့် ယခုကဲ့သို့ ရောင်စုံ ပူပေါင်းများဖြင့်သာ ပြင်ဆင်ထားပါတယ်။ ကျောင်းဆောင်ကြမ်းပြင်ပေါ်တွင် အနေကထိုင်များ ခင်းထားကာ ပန်းပွင့်လေးများ ကြဲဖြန့်ပူဇော်ထားပါတယ်။



Image Hosted by PicturePush - Photo Sharing 
သာသနာ့အလံကိုင်


Image Hosted by PicturePush - Photo Sharing 
တံခွန်ကုက္ကားကိုင်ဆောင်သူများ

Image Hosted by PicturePush - Photo Sharing 
ဗြောအဖွဲ့

ထို့နောက် မဟာသင်္ကြန်စာတော်အရ မြန်မာတို့၏အတာသင်္ကြန်ကျချိန်ဟု သတ်မှတ်သော အချိန်ကျရောက်သည့်အခါ မြတ်စွာဘုရား ဆင်းတုတော်များအား မူလစံပ္ပါယ်ရာ ကျောင်းတိုက်ကြီးပေါ်မှ ရပ်ရွာလူကြီး၊ သာသနာ့အကျိုးတော်ဆောင် လူကြီးများက ပင့်ဆောင် လာကြပါတော့တယ်။ သာသနာ့ အလံကို ကိုင်ဆောင် ထားသူက  အရှေ့ဆုံးကနေ ဦးဆောင်လာပါပြီး နောက်မှာ တံခွန်ကုက္ကား ကိုင်ဆောင်လာသူများ ဖြစ်ပါတယ်။ ၄င်းတို့ နောက်မှာတော့ ကျက်သရေခေါင်းပေါင်း၊ တိုက်ပုံများ ဆင်ယင်ကာ စည်းချက်ကျကျ တီးမှုတ်လာတဲ့ ဗြောအဖွဲ့ ဖြစ်ပါတယ်။ 

Image Hosted by PicturePush - Photo Sharing 

Image Hosted by PicturePush - Photo Sharing 

Image Hosted by PicturePush - Photo Sharing 
ရုပ်ပွားတော်များအား ရေသပ္ပါယ် လောင်းလှူကြစဉ်

ထို့နောက်မှာတော့ ရုပ်ပွားတော် တစ်ဆူစီကို ပွေ့ပိုက်ထားကြတဲ့ အမျိုးသားများ ဖြစ်ကြပါတယ်။ မြတ်စွာဘုရား ရုပ်ထုတော်များကို လူတစ်ဦးကျစီ ထီးဖြူမိုးက ဘေးကနေ ခြံရံ လိုက်ပါလာကြပါတယ်။ အနောက်မှာတော့ ဓမ္မစင်္ကြာ ရွတ်ဖတ်ကြတဲ့ ယောဂီများ ဖြစ်ပါတယ်။ နောက်ဆုံးတွင်တော့ အိုးစည်ဒိုးပတ်အဖွဲ့ ဖြစ်ပါတယ်။ ရေသပ္ပါယ်ခံမဲ့ ကျောင်းဆောင်ကို မရောက်မီကတည်းက အမျိုးသမီးများက ရုပ်ပွားတော်များအား မိမိတို့အိမ်မှ ယူဆောင်လာသော ရေမွှေး ၊နံ့သာ၊ ကရမက်တို့ ပေါင်းစပ်ထားတဲ့ အမွှေးနံ့သာရေဖြင့် ဦးဦးဖျားဖျား ရေသပ္ပါယ် လောင်းလှူကြပါတယ်။ ကျွန်မတို့ ငယ်စဉ်ကတော့ ခုလို ရုပ်ပွားတော်များ ကျောင်းတိုက်ကြီးများမှ ပင့်ဆောင်ခြင်းကို “ဘုရားဆင်းသည်”  ဟု အတိုကောက် ခေါ်ဆိုကြပြီး အဓိပ္ပါယ်မှာ မြတ်စွာဘုရားရုပ်ပွားတော်များ ကျောင်းတိုက်များမှ ဆင်းကြွလာကာ ရေသပ္ပါယ်ခံသည်ဟု ဆိုလိုခြင်း ဖြစ်ပါတယ်။ ထိုစဉ်ကတော့ ဘုရားဆင်းသည့်အချိန်တိုင်း စစ်သားများကလည်း သေနတ်ပစ်ဖောက်ကာ ကြိုဆိုခဲ့ကြပါတယ်။ ယခုတော့ ထိုဓလေ့မှာ မရှိတော့ဘဲ အိုးစည် ဒိုးပတ် ဗြောတို့ဖြင့်သာ ဘုရားကို ကြိုဆိုကြပါတော့တယ်။


ထို့နောက်တော့  ရုပ်ပွားတော်များကို ရေသပ္ပါယ်ဆောင်မှာ ယခုကဲ့သို့ နေရာချ စံပါယ်ကိန်းဝပ်တော်မူစေပါတယ်။



Image Hosted by PicturePush - Photo Sharing 

ရုပ်ပွားတော်များအားလုံး နေရာတကျဖြစ်ပြီဆိုတဲ့နောက် ခုလို အပေါ်က ရေဒလက်ကနေ ရေများပန်းထွက်လာကာ ရုပ်ပွားတော်များကို ရေသပ္ပါယ် ပူဇော်ပါတော့တယ်။


Image Hosted by PicturePush - Photo Sharing 

ဒါကတော့ ရေဒလက်ကနေ ရေတွေ ပန်းထွက်လာအောင် ဆက်သွယ်ထားတဲ့ ရေပိုက်ရဲ့ လမ်းကြောင်းပါ။ အပေါ်မှာ ရေကန်ကြီး ရှိပါတယ်။ အဲဒီရေကန်က ရေတွေရဲ့ ဖိအားကြောင့် ပိုက်ကနေ ရေတွေစီးကျလာပြီး ရေဒလက်ကို လည်ပတ်စေကာ ဖောက်ထားတဲ့ အပေါက်ငယ်လေးများကနေ ရေတွေ ပန်းထွက်လာပါတယ်။


Image Hosted by PicturePush - Photo Sharing

ထူးခြားချက်မှာ အပေါ်ရေကန်ထဲသို့ ရေတင်ရန်အတွက် ရေစုပ်စက်များ ရှိသော်လည်း ၄င်းစက်တို့ဖြင့် ရေတင်ခြင်း မပြုလုပ်ဘဲ ရပ်ရွာမှ ကုသိုလ် ယူလိုကြသော လူကြီးလူငယ်များက ခုလို ရေပုံးများ ရေထမ်းများဖြင့် ချောင်းထဲမှ ပင်ပင်ပန်းပန်း ထမ်းပိုးလာကြကာ ရေကန်ထဲသို့ ရေကို ဖြည့်တင်းကြပါတယ်။ အောက်ခြေ လှေကားရင်းထိ အမျိုးသမီးများ ရေပုံးဖြင့် ရေသယ်လာကြပြီး အမျိုးသားများ၊ ကျောင်းသားများ ၊ ကိုရင်များက ရေကန်အပေါ်ကို လက်ဆင့်ကမ်း သယ်ဆောင်ကြပါတယ်။ ညနေစောင်းပြီ ဆိုပါက ရပ်ရွာထဲမှ အမျိုးသမီးလေးများက သနပ်ခါး နံ့သာ လိမ်းကျံ၍ ၀တ်ကောင်းစားလှများဝတ်ကာ  ဘုရားသို့ ရေသပ္ပါယ်ရန် ရေပုံးများကိုယ်စီဖြင့် ရေခပ်လာကြသလို သက်ကြီးရွယ်အိုများလည်း ကုသိုလ်ယူ ရေခပ်ကြပါတယ်။ အမျိုးသား ယောက်ျားလေးများ ကလည်း အမျိုးသမီးများထံမှ ရေပုံးများကို အပေါ်သို့ လက်ဆင့်ကမ်းတင်ဆောင်ဖို့ ရောက်လာကြရင်းဖြင့် ညနေပိုင်း နေအေးချိန်မှာတော့ မေဓိကာရာမ ကျောင်းတိုက်ကြီးအတွင်းမှာ ရပ်သူရွာသားများဖြင့် စည်ကားပြည့်လျှံနေပါတော့တယ်။ အိမ်တိုင်းမှာလည်း သပြေ၊ မြေဇာ၊ ဆီးခက်၊ အုန်းလက် ၊ ဒန်းရွက် စသည့်အရွက်မျိုးစုံတို့ဖြင့် မြေအိုးလေးမှာ ရေထည့်ပြီး ပန်းများကို ထိုးစိုက်ကာ အတာအိုးအဖြစ် သင်္ကြန်ကို ကြိုဆိုကြပါတယ်။


Image Hosted by PicturePush - Photo Sharing



ရုပ်ပွားတော်များဟာ ၃ရက်တိတိ ခုလို ရေသပ္ပါယ်ခံပြီးတဲ့နောက် မဟာသင်္ကြန်အတက်နေ့ ရောက်ချိန်မှာတော့ အတာသင်္ကြန်အတက်ချိန်ဟု သတ်မှတ်ထားသည့် ချိန်ခါတွင်း အကျနေ့က ရုပ်ပွားတော်များကို ပင့်ဆောင်လာကြသည့်အတိုင်း မူလစံမြန်း ကိန်းဝပ်တော်မူရာ ကျောင်းတိုက်ကြီးသို့ ပြန်လည် ပို့ဆောင်ကြပါတော့တယ်။ သင်္ကြန် အတက်နေ့မှာ ရပ်ရွာတွင်းရှိ ၄င်းနေ့တွင်မွေးသော သူများက အတာစားကျသည်ဟုဆိုကာ မုန့်တစ်မျိုးမျိုးလုပ်ကာ ကျွေးလေ့ ရှိကြပါတယ်။ ထိုနေ့တွင် အိမ်တိုင်းက ကျွေးသော မုန့်များကို လိုက်စားရသည်မှာ စား၍ပင်မနိုင်အောင် ရှိလှသလို၊ မုန့်လည်း စားရင်း ရေလည်း ပက်ကြရင်းဖြင့် ရပ်ရွာဓလေ့ကို ပီပီပြင်ပြင် မြင်တွေ့ရပါတယ်။ သင်္ကြန်ရက်အတွင်း ကျွန်မတို့ ဒေသလေးကို ရောက်လာခဲ့ရင်ဖြင့် မုန့်လာပါဦးလို့ ဖိတ်ခေါ် လိုက်ပါတယ်ရှင်။ :)

ဘယ်သို့ပင်ဆိုစေ ကျွန်မတို့ ဒေသရဲ့ သင်္ကြန်ကာလ မြတ်စွာဘုရားရုပ်ပွားတော်များ ရေသပ္ပါယ်တဲ့ ထုံးတမ်း စဉ်လာဟာ မကြီးကျယ် မခမ်းနားသလို ၊ ထူးထူးဆန်းဆန်း မဟုတ်သော်ငြားလည်း အစဉ်အလာမပျက် ကျင်းပလေ့ရှိတာမို့ ကျွန်မအနေနဲ့တော့ ဒေသကို ချစ်ခင်စိတ်ဖြင့် နှစ်သက် သဘောကျမိပါတယ်။ ဒီဓလေ့ ထုံးစံလေးကိုလည်း စာဖတ်သူများ မတွေ့ဖူး မမြင်ဖူးခဲ့သည်ရှိသော် ဗဟုသုတအတွက် ကြည်လင်ရွှင်လန်းစွာဖြင့် မျှဝေလိုက်ခြင်းသာ ဖြစ်ပါတယ်။


အားလုံးသော စာဖတ်သူ မိတ်ဆွေများ အတာရေလို အေးချမ်းကြပါစေရှင်..