စိမ်းစိမ်းစိုစို ကျွန်မရဲ့ တစ်နေ့တာ ...

တစ်နေ့ကပေါ့..

ကျွန်မနေတဲ့ မြို့ကလေးကနေ မိုင်၈ဝနီးပါးကွာဝေးတဲ့ တောင်ပေါ်မြို့တစ်ခုကို ကားနဲ့ အလည်သွားကြပါတယ်။ အဲဒီမြို့ကို သွားရင်းနဲ့ လမ်းတစ်ဝက်လောက်မှာ လမ်းမကြီးကနေ ဖဲ့ဆင်းပြီး လမ်းသွယ်လေးကနေ သွားရတဲ့ ကျောက်လှိုင်ဂူကြီး တစ်ခုကိုလည်း ရောက်အောင် သွားခဲ့ကြပါတယ်။ လှိုင်ဂူတစ်ခုလုံး ကျောက်ခက်ပန်းဆွဲတွေ၊ ကျောက်တိုင်ကြီးတွေနဲ့ သိပ်ကို လှပပါတယ်။ ဆန်းပြားစွာ ဖြစ်ပေါ်နေတဲ့ ကျောက်ခက်ပန်းဆွဲကြီးတွေနဲ့ လှပဝေဆာနေတဲ့ ကျောက်ဂူကြီးအကြောင်းတော့ ဓာတ်ပုံတွေနဲ့အတူ နောက်များမှ သီးသန့် ရေးပါဦးမယ်။ ခုပိုစ့်မှာတော့ အဲဒီကျောက်ဂူကြီးကို သွားတဲ့ တောင်ပေါ်လမ်းတစ်လျှောက် စိမ်းစိုလှပနေတဲ့ စိုက်ခင်းတွေ တောင်တန်းပေါ်က လက်ဖက်ခင်းနဲ့ လှေကားထစ်စိုက်ခင်းတွေရဲ့ ပုံတွေကို မျှဝေပေးချင်ပါတယ်။

စိမ်းလန်းစိုပြေတဲ့ မြင်ကွင်းဟာ လူတွေရဲ့ စိတ်ကို ချမ်းမြေ့ကြည်နူးစေနိုင်တယ်လို့ ဆိုရိုးရှိတယ် မဟုတ်လားလေ။ ဒီတော့ ကျွန်မမြင်တွေ့ခဲ့ရတဲ့ စိမ်းစိမ်းစိုစို မြင်ကွင်းလေးတွေကိုလည်း ချစ်စွာသော မိတ်ဆွေများကို ပြန်လည် မျှဝေခံစားကြည့်စေချင်တာပါ။ ခရီးထွက်ရတာကို နှစ်သက်သဘောကျတဲ့ ကျွန်မအတွက် ခုလို စိမ်းစိုနေတဲ့ တောတောင် သဘာဝအလှတွေရဲ့ မြင်ကွင်းတွေကိုကြည့်ရတာ ဘယ်ခါမှ မရိုးနိုင်တဲ့ မြင်ကွင်းတွေ ဖြစ်သလို၊ စိတ်ကိုလည်း ကြည်နူး ချမ်းမြေ့စွာနဲ့ ပီတိတွေ  ဖြာဖြာဝေရပါတယ်။

မြို့ပြမြင်ကွင်းတွေ ဘယ်လောက်တိုးတက် ခမ်းနားကြီးကျယ်နေပါစေ.. စိမ်းလန်းစိုပြေနေတဲ့ သဘာဝ ရေမြေတောတောင်ရဲ့ အလှလောက် လူတွေရဲ့ စိတ်နှလုံးကို ညွှတ်နူးပျော့ပြောင်းစွာ မဆွဲဆောင်နိုင်ပါဘူး။ လတ်ဆတ်တဲ့ လေပြေညင်း၊ စိမ်းလန်းတဲ့ ရှုမျှော်ခင်းနဲ့ ပြာပြာလွင်လွင်တောင်တန်းကြီးတွေကသာ လူတွေရဲ့ စိတ်နှလုံးကို အေးချမ်းကြည်လင်စေနိုင်တာ ဖြစ်ပါတယ်။ ဒါကြောင့်လည်း လူအများက သဘောဝပတ်ဝန်းကျင်ကို ချစ်ခင်မြတ်နိုးကြတာ ဖြစ်ပါတယ်။ သဘာဝပတ်ဝန်းကျင် ထိန်းသိမ်းဖို့ လှုံ့ဆော်ရေးတွေ၊ စီမံကိန်းတွေချပြီး စနစ်တကျ စီစဉ်ဆောင်ရွက်နေကြတာ ဖြစ်ပါတယ်။ အချို့သော သူတွေသာ သဘာဝပတ်ဝန်းကျင်ကို ထိန်းသိမ်းရကောင်းမှန်း မသိ ၊ တန်ဖိုးထားကြရကောင်းမှန်း နားမလည်သလို၊ သိရက်နဲ့ ကိုယ်ကျိုးအတ္တကို အလေးထားလို့ အသိခေါက်ခက် အဝင်နက်နေကြသူများလည်း ရှိနေကြပါတယ်။

မြို့ကနေထွက်လာတဲ့ ပင်မ လမ်းမကြီးပါ။ လမ်းဘေးဝဲယာတစ်လျှောက်လုံး ဘယ်နေရာကြည့်ကြည့် တောင်တန်းနဲ့ စိုက်ခင်းတွေ ပြေးမလွတ်ပါဘူး

 မြို့ကနေထွက်ပြီး မကြာခင်မှာဘဲ အစိမ်းရောင်မြင်ကွင်းတွေ စပါပြီ။ ဒီနေရာမှာ ကားရပ်ပြီး ဓာတ်ပုံစရိုက်ပါတယ်

တောင်ထွတ်မှာ တိမ်တွေ ဆိုင်းနေပြီး ရစ်ခွေနေတဲ့ စမ်းချောင်းလေးက သိပ်ကိုလှပါတယ်

ဒီလမ်းလေးက ကျောက်လှိုင်ဂူကိုသွားဖို့ ပင်မလမ်းမကြီးကနေ ခွဲထွက်တဲ့ လမ်းပါ။ တောင်တွေ အများကြီးကို ကွေ့ကာ ဝိုက်ကာနဲ့ ဖြတ်ကျော်ရတဲ့ လမ်းဖြစ်ပါတယ်။ ဟိုးဝေးဝေးမှာတော့ မိုးကလေးဖွဲဖွဲ စွေနေလေရဲ့...

ဒီလို မြေပြန့်လမ်းလည်း ဖြတ်ရပါသေးတယ်

လမ်းဘေးဝဲယာက စိမ်းစိမ်းစိုစိုများ

စိုက်ခင်းများ

အပေါ်အောက် စပါးခင်းများနဲ့ ကားသွားလမ်း

ဒီလမ်းကလေးပေါ့

ခုလို ကျောက်တောင်ကြီးတွေကိုဖြိုပြီးလည်း လမ်းဖောက်ထားတာပါ။ အကွေ့အကောက် သိပ်များတယ်..

တောင်ခြေရွာကလေးများ

ဖျာချပ်ကလေးတွေ ခင်းထားသလို

လှေကားထစ်လေးတွေ

စိုက်ထားလိုက်ပုံများ

ဒီလို စီရီစိမ်းစိုနေတဲ့ ပြောင်းပင်လေးတွေကြည့်ပြီး ပြောင်းဖူးပင်ကလေးတွေ တန်းစီလို့ အော်ပစ်လိုက်ချင်စရား)

စမ်းချောင်းကလေးနဲ့ စိုက်ခင်းစိမ်းစိမ်း

စပါးခင်း စိုစို

လမ်းဘေးဝဲယာတစ်လျှောက်လုံး တောင်တန်းတွေပါမကျန် စိုက်ခင်းတွေကြီးပါဘဲ

ဒါက လက်ဖက်ခင်းတွေ

လှေကားထစ် လက်ဖက်ခင်းများ

ဟိုးတောင်ထပ်က အပင်တွေက ထင်းရူးပင်တွေဖြစ်ပြီး လှေကားထစ်နဲ့ စိုက်ထားတာက လက်ဖက်ခင်းတွေဖြစ်ပါတယ်...

တောင်တွေ တောင်တွေ ဘယ်လောက်များတယ် မမှတ်မိလောက်အောင် ဝိုင်းရံနေတာပါဘဲ 

ခပ်ဝေးဝေးက မှိုင်းပြပြ ရွာကလေးတွေကို ကြည့်ရတာကိုက လွမ်းစရာလိုလို

ပုံတွေမှာကြည့်ရင် တွေ့နိုင်တာတစ်ခုက ဘယ်ပုံမှာဘဲဖြစ်ဖြစ် ဘေးပတ်ဝန်းကျင်မှာ တောင်တွေမပါတဲ့ပုံ မရှိသလောက် ကျွန်မသွားတဲ့နေရာဟာ တောင်တန်းအထပ်ထပ်ကို ကျော်ဖြတ်သွားရတဲ့ ခရီးဖြစ်ပါတယ်။ သွားခဲ့ရတာက တစ်နေ့တာ ခရီးတိုလေးဖြစ်ပေမဲ့ အစိမ်းရောင် မြင်ကွင်းတွေကြောင့်  စိတ်ချမ်းမြေ့မှုကတော့ တိုင်းတာပြလို့မရအောင် ရရှိခဲ့ပြီး ဒီခရီးကို အမြဲတမ်း တသသ ဖြစ်နေဦးတော့မှာ သေချာပါတယ်။  စိမ်းစိုနေတဲ့ တောတောင်ရှုခင်း၊ စိုက်ခင်းများကြောင့် ကျွန်မ စိတ်ကြည်နူး ချမ်းမြေ့ခဲ့ရသလို ဒီခရီးကနေ ကျွန်မ ရိုက်ယူခဲ့တဲ့ စိမ်းစိမ်းစိုစို ရှုခင်း မြင်ကွင်း၊ စိုက်ခင်းတွေရဲ့ ဓာတ်ပုံလေးတွေက စာဖတ်သူတွေကို စိတ်နှလုံး ကြည်နူး ချမ်းမြေ့စေနိုင်တယ် ဆိုခဲ့ရင်ပဲ  ကျေနပ်ပီတိ ဖြစ်ရပါပြီရှင်...

( ဒီခရီးမှာ သွားကြည့်ခဲ့တယ်ဆိုတဲ့ ကျောက်လှိုင်ဂူအကြောင်းကို မကြာခင်မှာ ဆက်လက် ဖော်ပြပေးသွားပါ့မယ်ရှင်. )

ညလယ်ယံမှ အသက်ရှူသံ

နှစ်နှစ်ခြိုက်ခြိုက် အိပ်ပျော်နေသော သူမနားထဲသို့ တိုးညင်းသော အသက်ရှုသံ ဖွဖွလေးက အိပ်မက်ထဲမှာလိုလို ကြားနေရသည်။ သူမ အိပ်မက်မက်နေသည်လား။ ထိုအသက်ရှုသံကို အိပ်မက်ထဲမှာ ကြားနေရတာလား၊ အပြင်မှာ တကယ် ကြားနေတာလား ဝေခွဲမရ ဖြစ်နေမိသည်။ မိမိကိုယ်ကိုလည်း အိပ်ပျော်နေသည်လား နိုးနေသည်လား မသေချာ ။ အိပ်တစ်ဝက်နိုးတစ်ဝက် ဖြစ်နေတာဖြစ်မည်။ သို့သော် မျက်လုံးက ဖွင့်လို့ မရသလို၊ တစ်ကိုယ်လုံးလည်း လှုပ်ရှားလို့ မရ ဖြစ်နေခဲ့သည်။ သူမလက်က ဘေးနားက ဖက်လုံးကို တင်းတင်း ဆုပ်ကိုင်လိုက်ကာ မိမိကိုယ်ကိုယ် အိပ်ရာက နိုးလာအောင် ပြန်နိုးယူလိုက်ရသည်။ အိပ်မက်၏ အပြင်ဘက်ကမ္ဘာ လက်ရှိ သူမ အခန်းလေးထဲသို့ စိတ်၊ ခန္ဓာတစ်ခုလုံး ပြန်ရောက်ချိန်မှာ မျက်လုံးကို ဖွင့်ကြည့်လိုက်တော့ တစ်ခန်းလုံး မဲမှောင် တိတ်ဆိတ်လို့နေသည်။ မအိပ်ခင်က သူမ အခန်းမီးကို ပိတ်ထားခဲ့သည်ဘဲ။ သို့သော် အိပ်မက်ထဲမှာ ကြားရသည်ဟု ထင်နေခဲ့သော အသက်ရှုသံ တိုးဖွဖွက အပြင်မှာ တကယ်ကိုကြားနေတာ ဖြစ်ကြောင်း သူမ သိသွားသောအခါ ကြက်သီးမွေးညှင်းများ ထောင်ထသွားအောင် လူတစ်ကိုယ်လုံး ဖျင်းကနဲ ဖြစ်သွားတော့သည်။ ဟုတ်ပါ့မလား ဆိုသောစိတ်ဖြင့် သေချာ နားစိုက်ထောင်လေ ထိုအသက်ရှုသံတိုးတိုးလေးက ပိုသိသာလေ။ သူမနားထဲ သဲသဲကွဲကွဲ ပိုကြားရလေ ဖြစ်လာသည်။


“ဘုရားရေ” ဒါဟာ တကယ်ပါဘဲ… အိပ်မက်ထဲမှာ ကြားနေရတာ မဟုတ်ဘဲ၊ အပြင်မှာ တကယ်ကို ကြားနေရတာပါလား .. သူမ အခန်းထဲ ဘယ်နေရာကနေ အသက်ရှုသံ ထွက်ပေါ်နေတာပါလိမ့်။  တံခါးတွေကို အမြဲတမ်း သေသေချာချာ အလုံပိတ်ပြီးမှ တစ်ယောက်တည်း အိပ်တတ်သော သူမ အခန်းထဲသို့ သက်ရှိတစ်ကောင်တစ်လေမှ ၀င်ရောက်နိုင်ဖွယ် မရှိပါ။ သို့သော် သေချာတာက အသက်ရှုသံ တိုးတိုးလေးကို တကယ်ကြားနေရခြင်းဖြစ်သည်။ ထိုအသက်ရှုသံက ခြေရင်းဘက်ဆီမှ ထွက်ပေါ်လာနေတာ ဖြစ်ပြီး အမှောင်ထဲမှာ သူမ ခေါင်းလေးကို မသိမသာထောင်၍ အားစိုက်ကြည့်မိသော်လည်း ဘာကိုမှ မမြင်နိုင်လောက်အောင် မဲမှောင်လို့နေသည်။ သူမ ခြေဖျား၊ လက်ဖျားများလည်း အေးစက်လို့လာသည်။ အိမ်ကလူတွေ ကြားအောင် အော်ဟစ်လိုက်ရမည်လား စဉ်းစားမိသေးသည်။ သို့သော် ထိုသို့ အော်လိုက်တုန်း ယခုအသက်ရှုသံ ထွက်ပေါ်လာနေသော အရာဆီမှ သူမကို တစ်ခုခု လုပ်လိုက်လေမည်လား ဆိုတာကို စဉ်းစားမိပြန်တော့ အသံပင် မထွက်ရဲချေ။ ပြီးတော့ အော်လိုက်ရင်လည်း အိမ်ကလူတွေ ရုတ်တရက် ချက်ခြင်းနိုးဖို့က မသေချာပြန်။ ဒီချိန်ဆို အားလုံး အိပ်မောကျနေလောက်ပေပြီ။ ထိုအချိန်လေးမှာ တစ်ခုခုဖြစ်မသွားဘူးလို့ မပြောနိုင်ပါ။

သူမအခန်းထဲ လူတစ်ယောက်ယောက်များ ၀င်နေတာလား။ တွေးမိပြန်တော့ တုန်လှုပ်စိတ်ဖြင့် ချွေးစေးများပင် ပြန်စပြုလာသည်။ အခန်းထဲမှ ထိုသူသည် သူမ အသက်အန္တရာယ်ကို ရန်ရှာဖို့လား။ ပစ္စည်းလိုချင်တဲ့သူလား။ ကယ်တော်မူပါ။ သူမ ဘာလုပ်ရမှာပါလိမ့်။ ဒီပုံအတိုင်း မိုးလင်းအောင် ထိုင်စောင့်နေရမည်လား။ အိုး.. ဒီအသက်ရှုသံ ထွက်ပေါ်နေသော တစ်စုံတစ်ယောက်ရှိနေတာ သေချာသည့် ဒီအခန်းထဲ ဘယ်လိုနည်းနဲ့ မနက်မိုးလင်းချိန်ထိ သူမ စောင့်နေနိုင်ပါ့မလဲ။ အခန်းမီးကို ဖွင့်လိုက်ချင်သော်လည်း မီးခလုပ်က ကုတင်နှင့် ခပ်လှမ်းလှမ်းမှာမို့ ထိုနေရာထိ ရောက်အောင် သွားဖို့က ကုတင်ပေါ်မှ ဆင်းရမည်။ ထိုသို့ ကုတင်ပေါ်မှ ဆင်းလိုက်လို့ သူမဆီက လှုပ်လှုပ်ရှားရှား အသံကြားလျှင် ထိုအသက်ရှုသံ ထွက်နေသော အရာက သူမကို တစ်ခုခု မလုပ်ဘူးလို့ ဘယ်သူက ပြောနိုင်ပါ့မလဲ။ သူမ ကုတင်နားတစ်ဝိုက်တွင် မီးခြစ်လို၊ အင်မာဂျင်စီလိုက်လို အရာမျိုးလည်း တစ်ခုမှ ယူမထားမိ။ သူမဆီက တစ်စုံတစ်ရာ အသံထွက်သွားမည်စိုး၍ အိပ်ပျော်ရာမှ နိုးထလာသော ပက်လက် အနေအထားအတိုင်း တစ်လက်မမျှပင် မလှုပ်ရှားရဲတော့ဘဲ ငြိမ်နေရသဖြင့် တစ်ကိုယ်လုံးပင် တောင့်တင်းလာသည်။

ထူးဆန်းတာက အသက်ရှုသံ ထွက်ပေါ်နေသော အရာမှာ လှုပ်ရှားမှု ရှိဟန်မတူ။ အသက်ရှုသံ မှန်မှန်သာ ထွက်ပေါ်နေသော်လည်း အခြားဘာသံမှ မကြားရသည့်ပြင် ၄င်းအသံမှာ သူမကုတင်ခြေရင်း တစ်နေရာတည်းမှ ငြိမ်သက်စွာ ထွက်ပေါ်နေခြင်းဖြစ်သည်။ ကြည့်ရသည်မှာ သူမ နိုးနေမှန်းသိသောကြောင့် ငြိမ်သက်စွာ ပုန်းနေခြင်းလား.။ သို့တည်းမဟုတ် သူမ လှုပ်ရှားမှုကို တိတ်ဆိတ်စွာ စောင့်ကြည့်နေခြင်းလား မသိနိုင်ပြန်။ ကြောက်ရွံ့မှုက လူတစ်ကိုယ်လုံးကို အေးခဲစေမတတ် ဖြစ်စေကာ အာခေါင်များပင် ခြောက်သွေ့ အက်ကွဲလာသည်ဟု သူမ ထင်သည်။ အိုး ဘာဘဲဖြစ်ဖြစ် ဒီအတိုင်း ငြိမ်နေမည်ဆိုလျှင် ကြောက်တာနှင့် အသက်ပါသွားလိမ့်မည်။ တစ်ခုခုလုပ်မှ ဖြစ်တော့မည်။ ဘာလုပ်ရမည်လဲ။ မီးခလုတ် ပြေးဖွင့်ရမည်လား၊ အော်ဟစ်လိုက်ရမည်လား။ စဉ်းစားရင်းမှ သူမ ဘာလုပ်ရမည် ဆိုတာကို သိသွားတော့သည်။

သူမ ခန္ဓာကိုယ်ကို အသံမမြည်အောင် ဖြေးဖြေးလေး ကြွလိုက်ပြီး ခြေထောက်၂ဖက်ကို ကုတင်အောက်သို့ အသာအယာ ချလိုက်သည်။ ခြေထောက် ၂ဖက်လုံး ကုတင်အောက် ရောက်ပြီး၊ တစ်ကိုယ်လုံး ခြေထောက်ပေါ် အားပြုလို့ရတာနှင့် အခန်းတံခါးရှိရာကို တန်းပြီးပြေးတော့သည်။ မမြင်ရအောင် မဲမှောင်နေသော်လည်း သူမ အမြဲ နေလာသော အိပ်ခန်း၏ နေရာ အနေအထား အားလုံး သူမ အလွတ်ရနေပြီးသား ဖြစ်သည်။ အခန်းတံခါးပေါက် ရောက်တာနှင့် လက်ကိုင်ကို ဆွဲဖွင့်ကာ တံခါးကို ပြန်ဆောင့်ပိတ်ခဲ့ပြီး သူမ မောင်လေး၂ယောက် အိပ်သောအခန်းသို့ ပြေးကာ တံခါးကို အားကုန်ထုတော့သည်။ သူမ မိဘများ အခန်းတံခါးကိုလည်း သွားထုပြန်သည်။ အသံအကျယ်ကြီးဖြင့်လည်း အော်နိုးသည်။ သူမ တံခါးထုသံ၊ အော်သံများကြောင့် တစ်အိမ်လုံး အထိတ်တလန့် နိုးလာကြရလေသည်။ အိမ်က ထမင်းချက် ဒေါ်ကြီးအေးနှင့် အိမ်အကူ မိလုံးတို့ပါမကျန် အားလုံး အိပ်မှုန်စုန်မွားဖြင့် နိုးထလာကြကာ သူမကို ဘာဖြစ်တာလဲ ဟု ၀ိုင်းမေးကြလေသည်။ အဖြစ်အပျက်ကို မောကြီးပန်းကြီး သူမ ရှင်းပြသောအခါ အားလုံးက ထိတ်လန့် အံ့အားသင့်စွာ စဉ်းစားကြလေသည်။ အပြင်လူ မ၀င်နိုင်အောင် လုံခြုံလှသော သူတို့အိမ်ထဲသို့ ဘယ်လိုသူစိမ်း၊ သို့မဟုတ် သူခိုးက ၀င်ရောက် နေနိုင်ပါနည်း။

မောင်နှစ်ယောက်က ဧည့်ခန်းနံရံမှာ အလှချိတ်ထားသော ငွေဓါးနှစ်လက်ကို သွားဆွဲယူလာကြသလို ဖေဖေကတော့ အင်မာဂျင်စီလိုက်နှင့်အတူ သူ့လက်ကိုင်ဖုန်းကို ယူလာသည်။ တစ်ခုခုဆို ချက်ခြင်း ဖုန်းကောက်ဆက်ဖို့ ဖြစ်နိုင်သည်။ ဒေါ်ကြီးအေးက အ၀တ်လျှော်တုတ်ကို သွားယူလာကာ မိလုံးကတော့ ကြက်သွန်လှီးသည့် ဓါးအသေးလေးကို ယောင်ယောင်ကန်းကန်း ဆွဲယူလာခဲ့သည်။ လူအစုကြီးဖြင့် သူမ အခန်းရှိရာကို ချီတက်ကြပြီး အခန်းတံခါးကို ဆွဲဖွင့်လိုက်ကာ မီးခလုပ်ကို မောင်လေးအငယ်မှ သွားဖွင့်လိုက်ပြီး သူမအခန်းထဲကို လှည့်ပတ် ရှာဖွေကြတော့သည်။ ကုတင်ခြေရင်းဘက် ရောက်သွားတော့ မောင်လေး ဆီမှ “ဒီမှာ ဒီမှာ လာကြည့်စမ်းပါဦး” ဟု အသံထွက်လာသောအခါ ထိုနေရာသို့ အားလုံး အပြေးအလွှားရောက်သွားပြီး ကြည့်လိုက်သော အခါတွင်တော့ သူမ ကုတင်ပေါ်မှ ပြုတ်ကျနေသော စောင်ပေါ်တွင် အကျအန တက်အိပ်ကာ အသက်မှန်မှန်ရှုရင်း အိပ်ပျော်နေသော “ကြောင်တစ်ကောင်”။

“ ဟင်. ဒါ ဟိုဘက်အိမ်က ကြောင်မ ရွှေဝါလေးပါလား ” ဒေါ်ကြီးအေးထံမှ အသံထွက်လာသည်။ “ဟိုဘက်အိမ်က ကြောင်က ဘယ်လိုလုပ် သမီးအခန်းထဲ ရောက်နေတာလဲ” သူမက မကျေမနပ် မေးတော့ “ညနေက ထမင်းစားခန်းရှေ့ကနေ သူ ဖြတ်သွားတာတော့ တွေ့လိုက်တယ် .. ဒေါ်ကြီးလဲ သူ့အိမ်သူ ပြန်သွားပြီ ထင်နေတာ လက်စသပ်တော့ သမီးအခန်းထဲ ရောက်နေတာကိုး.. ” ထိုအခါမှ အားလုံးလည်း သက်ပြင်းချနိုင်ပြီး ရယ်ရယ်မောမောဖြစ်ကာ သူမကို စနောက်ကြတော့သည်။ သူမကြောင့် တစ်အိမ်လုံးလည်း အိပ်ပျက်သွားရပြီ မဟုတ်ပါလား။ အစောတုန်းကတော့ ကြောက်လွန်း၍ အသက်ပင် မရှုမိအောင် ဖြစ်ခဲ့ရသော သူမမှာ ခုတော့ ဘယ်သူ့ဒေါသထွက်ရမှန်းမသိ ဖြစ်လာကာ နောက်ဆုံး အိပ်ပျော်နေသော ကြောင်ကို ဂုတ်ကနေ ကိုင်ဆွဲကာ ခပ်ဆတ်ဆတ် တစ်ချက် ရိုက်ထည့်လိုက်ပြီး မိလုံးလက်ထဲ ထိုးထည့်လိုက်ကာ ဟက်ဟက်ပက်ပက် ရယ်မောမိတော့သည်။

( ဒီဝတ္ထုတိုလေးက တစ်ခြားဆိုဒ်တစ်ခုမှာ အရင်က ရေးခဲ့ဖူးတဲ့ဝတ္ထုလေး ဖြစ်ပါတယ်။)

ချစ်သော ဧရာဝတီ

ကျွန်မတို့ကချင်ပြည်နယ်မှာ သိပ်ကို ဂန္တဝင်ဆန် လှပတဲ့ သူမ ရှိပါတယ်။ ရှေးနှစ်ပေါင်းများစွာကတည်းက ရှိနေတဲ့ သူမပါ။ သူမဆိုတာ တစ်ခြားတော့ မဟုတ်ပါ။ သိပ်လှတဲ့ ဧရာဝတီမြစ်ဖြစ်ပါတယ်။ ကချင်ပြည်နယ်က စလို့ မြစ်ဖျားခံစီးဆင်းပြီး မြန်မာနိုင်ငံအလယ်ပိုင်း အောက်ပိုင်း တို့ကို ဖြတ်သန်းကာ နောက်ဆုံးမှာ ပင်လယ်ကြီးထဲ စီးဝင်ပျောက်ကွယ်သွားတဲ့ မြန်မာပြည်သူစစ်စစ် သူမဟာ ခမ်းနားတဲ့ မြစ်တစ်စင်းဖြစ်ပါတယ်။ ကျွန်မ ဧရာဝတီမြစ်ကို သိပ်သဘောကျမိပါတယ်။

ဧရာဝတီမြစ်ကြီး ဖြတ်သန်းစီးဆင်းတဲ့ မြို့တွေ ရောက်လေတိုင်းမြစ်ပြင်ကို ပြက်ပြက်ထင်ထင် မြင်ရတဲ့ ရှုခင်းကောင်းကောင်း နေရာမျိုးကို ရောက်အောင် သွားတတ်ခဲ့ပါတယ်။ အားမာန်အပြည့်နဲ့ တည်ငြိမ်စွာ စီးဆင်းနေတဲ့ မြစ်ရေကိုမြင်ရတိုင်း ခွန်အားတွေ တိုးပွားလာတယ်လို့ ကျွန်မ စိတ်ထဲ ခံစားမိပါတယ်။ မေခ မေလိခမြစ်နှစ်စင်းဆုံလို့ ဖြစ်ပေါ်လာတဲ့ မြစ်ဧရာအကြောင်း ဟိုယခင်က အက်ဆေးလေးတစ်ပုဒ်အနေနဲ့ ရေးခဲ့ဖူးပါသေးတယ်။ ခုချိန်မှာ ဧရာဝတီမြစ် အကြောင်း ပြန်ရေးချင်စိတ်ပေါ်လာရတာက ပြီးခဲ့တဲ့ လပိုင်းက အိမ်အပြန်မှာ မြစ်ကြီးနား၊ ဗန်းမော်စတဲ့ မြို့တွေအရောက်မှာ ဧရာဝတီမြစ်ရဲ့ ရှုခင်းပေါင်းစုံက အလှတွေနဲ့အတူ မြစ်ဆုံအထိ သွားရောက်လို့ ဓာတ်ပုံတွေ များစွာ ရိုက်ယူခဲ့ပါတယ်။ သို့ပေမဲ့ ကံဆိုးစွာဘဲ မြစ်ကြီးနား၊ မြစ်ဆုံ ၊ ကရိန်နော်နဲ့ ကျွန်မရဲ့ ဇာတိဒေသက ဓာတ်ပုံတွေအားလုံး ၈၀%နီးပါးဟာ ကင်မရာထဲကနေ မင်မိုရီစတစ်ထဲ အကူးမှာ ပျက်စီး ဆုံးရှုံးသွားခဲ့ရပါတယ်။ ဒါကြောင့် ကျန်နေတဲ့ ၂၀%ထဲက ပုံတွေနဲ့ ပိုစ့်တွေတင်ဖြစ်ခဲ့ပါတယ်။ အခုလည်း ဧရာဝတီမြစ်ရဲ့ ဓာတ်ပုံတစ်ချို့ကို ကျွန်မထံမှာ ကျန်ရှိထားသလောက်လေး ဖော်ပြချင်ပါတယ်။

 

မြစ်ကြီးနားမှာ ကျွန်မကျောင်းတက်ခဲ့စဉ်က ကျွန်မတို့ သူငယ်ချင်းတစ်စုတွေ မြစ်ဆိပ်မှာ အမြဲတမ်း သွားသွားထိုင်တဲ့အကျင့် ရှိပါတယ်။ ဧရာဝတီဟာ တစ်ခါတစ်ရံ စိမ်းလဲ့ကြည်လင် နေတတ်သလို နေရောင်ဖြာကျချိန်မှာတော့ ငွေရောင်ဖိတ်လက်နေတတ်ပြန်တဲ့အခါ မြစ်ပြင်ကြီးက သိပ်ကိုလှပတဲ့ မြင်ကွင်းတစ်ခုဖြစ်ပါတယ်. တစ်ဖက်ကမ်းက ညိုမှိုင်းမှိုင်း တောင်တန်းကြီးတွေကလည်း ဆွေးရိပ်သန်းစရာ လွမ်းစရာ ရှုခင်း ဖြစ်နေတတ်ခဲ့သလို မြစ်ပြင်က ကျွန်းလယ်မှာ ကူးခတ်ပျော်ပါး ဆော့ကစားနေတဲ့ အနီရောင် ဟင်္သာငှက်လေးတွေကို တွေ့ရတာကျပြန်တော့ ကြည်နူးစရာ ကောင်းနေပြန်ပါတယ်။ သိပ်လှတဲ့ မြစ်ဧရာရဲ့ အလှဟာ ကျွန်မအတွက်တော့ ဘယ်တော့မှ ကြည့်မဝတဲ့ ရှုခင်းတွေ ဖြစ်ပါတယ်။

အခြားမြို့တွေမှာ ကျောင်းဆက်တက်ဖြစ်လို့ မြစ်ကြီးနားမြို့နဲ့ ဝေးသွားတဲ့အခါမှာလည်း အမြဲမြင်ခဲ့ရတဲ့ ဧရာဝတီမြစ်ရဲ့ အလှဟာ ကျွန်မရဲ့ အတွေးထဲမှာ အမြဲတမ်း စိုးမိုးထားခဲ့ဖူးပါတယ်။ မြစ်ဆိပ်မှာထိုင်ခဲ့ချိန်တွေ မြစ်ပြင်ရဲ့ ငွေရောင်ဖိတ်လက်နေချိန်တွေ ညနေဆည်းဆာချိန်ရဲ့ တစ်ဖက်ကမ်းက မှုန်ပြပြတောင်တန်းကြီးတွေ၊ သဲသောင်အပြန့် ကျယ်ကျယ်ကြီးတွေ၊ တစ်ဖက်ကမ်းက စိုက်ခင်း စိမ်းစိမ်းတွေ၊ ဆောင်းမနက်ခင်း နှင်းမှုန်တွေအောက်က အဖြူရောင်အငွေ့တွေ ဝေနေတတ်တဲ့  မြစ်ပြင်စိမ်းစိမ်း၊ လှပစီရီနေတတ်တဲ့ ကမ်းစပ်က ကျောက်တုံးတွေ စသဖြင့် မြင်ကွင်းတွေအားလုံးကို ပြန်မြင်ယောင်နေတတ်ခဲ့ပါတယ်။ မန္တလေးမှာ ကျောင်းတက်ချိန်ကျတော့ မြစ်ဆိပ်နဲ့ သိပ်ဝေးလွန်းတဲ့အတွက် စစ်ကိုင်းတံတားကြီးကိုဖြတ်ချိန်ရယ် မင်းကွန်းသွားချိန်ရယ်ကလွဲလို့ ဧရာဝတီမြစ်ဆီကို ကျွန်မ မရောက်ဖြစ်တော့ပါဘူး။

ဒီလိုနဲ့ ကျွန်မ  မြစ်ဧရာကို မတွေ့ရတာ အတော် ကြာသွားခဲ့ပါတယ်။ ဟိုတစ်လောက အိမ်ပြန်မှာ ဗန်းမော်မြို့ကို အလည်ရောက်ချိန်မှာ သူငယ်ချင်းကို ဧရာဝတီမြစ်ကို ကောင်းကောင်းမြင်ရတဲ့ နေရာကို လိုက်ပို့ပေးပါလို့ တောင်းဆိုပြီး လိုက်ပို့ခိုင်းမိပါတယ်။ သူငယ်ချင်းက ကျွန်မကို ဗန်းမော်မြို့ရဲ့ သဘောင်္ဆိပ်ကို လိုက်ပို့ပါတယ်။ အဲဒီမှာတော့ စက်လှေဆိပ်၊ သင်္ဘောဆိပ်ဆိုတဲ့အတိုင်း သင်္ဘောတွေ၊ စက်လှေတွေ၊ လူတွေ ၊ ဈေးဆိုင်တွေနဲ့ ရှုပ်ရှက်ခတ်နေတဲ့ မြစ်ဆိပ် မြင်ကွင်းကို မြင်ရတာကြောင့် ဓာတ်ပုံ နည်းနည်းသာ ရိုက်ယူခဲ့ပါတယ်။

အိုးတွေ ရောင်းနေတဲ့ မြစ်ဆိပ်ကမ်းက ဆိုင်

ပြီးတာနဲ့ သူငယ်ချင်းကို " ဧရာဝတီ မြစ်ပြင်ရဲ့ အလှကို လူတွေ စက်လှေတွေ၊ သင်္ဘောတွေ စတဲ့ အတားအဆီး၊ အမှိုက်သရိုက်မရှိဘဲ လွတ်လပ်ကျယ်ပြောစွာ မြင်ရတဲ့ ရှုခင်းမျိုး ကြည့်ချင်တာ " လို့ ထပ်မံတောင်းဆိုမိပါတယ်။ ဒီတော့ သူငယ်ချင်းဖြစ်သူက နေရာတစ်ခုကို လိုက်ပို့ပါတယ်။ အဲဒီမှာ သိပ်လှတဲ့ ဧရာဝတီမြစ်ကို ကျွန်မ တစ်ဖန် ပြန်မြင်ခွင့်ရခဲ့ပြန်ပါတယ်။ အဲဒီမှာတော့ ကျွန်မ ချစ်တဲ့ ဧရာဝတီမြစ်ကို ဓာတ်ပုံတွေ အားရပါးရ ရိုက်ယူခဲ့မိပါတယ်။

ချဉ်စပ်မြေအိုးမြီးရှည်...

ကျွန်မမှာ ဝယ်ထားတာ ကြာပြီဖြစ်တဲ့ မြေအိုးလေးတစ်လုံး ရှိပါတယ်။ မြေအိုးဆိုပေမဲ့ စဉ့်အဝါရောင်လေး သုတ်ထားပါတယ်။ ဝယ်ထားပြီး အသုံးမပြုရသေးတဲ့ အသစ်စက်စက်လေးပါ။

ဒီအိုးလေးပေါ့

အဲဒီအိုးလေးကို အသုံးချချင်တော့ မြေအိုးမြီးရှည်လုပ်စားဖို့ အကြံဖြစ်ပါတယ်။ ဒါနဲ့ အိုးထဲကို ဝက်သားကို ပါးပါးလှီးပြီး ကျွန်မရဲ့ မြေအိုးလေးနဲ့ ရေထည့်၊ အသားပါးပါးလှီးထားတာထည့်၊ ဆား၊ အသားမှုန့်တို့ကိုထည့်ပြီး ပွက်ပွက်ဆူစေပါတယ်။

ပွက်ပွက်ဆူနေတဲ့ အသားပြုတ်ရည်

မြေအိုးထဲထည့်ဖို့ အပေါ်က ပဲငပိနှစ်မျိုးကို ဇွန်း၂နှစ်ဇွန်းခန့်  ဟင်းအိုးထဲထည့်ပါတယ်။ အစပ်ကြိုက်သူများ များများထည့်နိုင်ပါတယ်။ နောက် ဆီတိုဟူး (အချို့ တိုဟူးချဉ် ခေါ်သည်) ကို အရည်ဖျော်ထည့်ပါတယ်။

ဒါကတော့ မြေအိုးမြီးရှည်ထဲ ထည့်မဲ့ အဆာပလာ ဘာညာကွိကွတွေပါ။  စာရင်းချရေးရရင်
အဖြူရောင်တွန့်တွန်းလေးတွေက ကျောက်ပွင့်၊ မှို၊ ကြွက်နားရွက်မှိုခြောက်၊ပန်းခြောက်၊ ငုံးဥ၊ ပန်းဂေါ်ဖီ၊ မုန်ညှင်း၊ ပဲပင်ပေါက်၊ ဥနီ၊ ငုံးဥ၊ ပြောင်းဖူး၊ ကြက်အူချောင်း၊ ပဲပြား (တိုဟူးဖြူ) စတဲ့ အရာများဖြစ်ပါတယ်။ အသီးအရွက်ကို အဆင်ပြေတာ ထည့်နိုင်ပါတယ်နော်။

ချဉ်တဲ့ အရသာရဖို့အတွက် မုန်ညှင်းချဉ်ကိုလည်း ပြင်ဆင်ထားပါတယ်။

မုန့်ဖတ် (မြီးရှည်) ကို ပြုတ်ထားပါတယ်. မြီးရှည်အလုံးကြီးအစား အသေးကိုသာ ကျွန်မက ရွေးချယ်လိုက်ပါတယ်