မူဆယ်မြို့အဝင် လွယ်တိန်ခမ်းတောင်ပေါ်သို့..

ဒီနေ့က တော်သလင်းလပြည့်နေ့ဖြစ်ပါတယ်။ အခါကြီး ရက်ကြီးဖြစ်လေတော့ ဗုဒ္ဓဘာသာဝင်များပီပီ ဘုရားဖူးကြရင် ကောင်းမှာဘဲလို့ စဉ်းစားမိပါတယ်။ ဒါကြောင့် ဒီနေ့တော့ခင်မင်ရပါသော မိတ်ဆွေ သူငယ်ချင်းတို့ကို ဘုရားဖူး လိုက်ပို့ပေးချင်ပါတယ်။ ဘယ်ဘုရားကို လိုက်ပို့ပေးရင် ကောင်းမလဲ စဉ်းစားကြည့်မိတော့ ခရီးဝေးလို့ သိပ်မရောက်ဖြစ်ကြတဲ့ ရှမ်းပြည်နယ် နယ်စပ်တစ်နေရာက ဘုရားဖူး ခရီးပို့ပေးချင်ပါတယ်။ ကျွန်မ ရွေးချယ်ထားတဲ့ ဘုရားဖူး ခရီးစဉ်က ရှမ်းပြည်နယ် မူဆယ်မြို့အဝင်က လွယ်တိန်းခမ်းတောင်ပေါ်က ဘုရားများ ဖြစ်ပါတယ်။



မူဆယ်မြို့ကိုရောက်ပေမဲ့ လွယ်တိန်ခမ်းတောင်ပေါ်မှ မရောက်ဖြစ်ခဲ့ရင် မူဆယ်ကို ရောက်တယ်လို့တောင် မခေါ်နိုင်ဘူးလို့ အဆိုရှိရလောက်အောင် ကြည်ညိုဖွယ်ရာ စေတီတော်များတည်ရှိပြီး အင်မတန်မှ ရှုခင်းလှပကာ တောရိပ်တောင်ရိပ်တို့နဲ့ ဆိတ်ငြိမ်အေးချမ်းလွန်းတဲ့ သာသနာ့နယ်မြေ ဖြစ်ပါတယ်။ မူဆယ်မြို့ကို သွားမယ်ဆိုရင် ၁၀၅မိုင်ကို ကျော်ဖြတ်လာပြီး မူဆယ်မြို့ အဝင်နားရောက်တဲ့အခါ ညာဘက်တောင်ထိပ်ကို လှမ်းကြည့်ရင် စေတီဘုရားများနဲ့ စိတ်ကြည်နူးဖွယ်ရာ လွယ်တိန်ခမ်းတောင်ကို တွေ့မြင်ရမှာဖြစ်ပါတယ်။


Image Hosted by PicturePush - Photo Sharing



Image Hosted by PicturePush - Photo Sharing 


Image Hosted by PicturePush - Photo Sharing

Image Hosted by PicturePush - Photo Sharing


မူဆယ်မြို့အဝင် ဆိုင်းဘုဒ်ဘေး လွယ်တိန်ခမ်းတောင်ပေါ်မှ ကြည်ညိုဖွယ် ရပ်တော်မူရပ်ပွားတော်မြတ်ကြီး

Image Hosted by PicturePush - Photo Sharing

Image Hosted by PicturePush - Photo Sharing 
ရှမ်းမောင်မယ်နှင့် ရွှေသမင်ရုပ်ထု

တောင်ပေါ်မရောက်သေးခင် လှမ်းပေါ်ကနေ ဖူးတွေ့ရတဲ့ မဟာသန္တိသုခ ရပ်တော်မူ ရုပ်ပွားတော် မြတ်ကြီးဟာ မူဆယ်မြို့ကို ရောက်လာတဲ့ ဧည့်သည်အပေါင်းတို့ကို စိတ်ကြည်နူး ချမ်းမြေ့စေမှာဖြစ်ပြီး ကြည်ညို သဒ္ဓါစိတ်လည်း ယိုဖိတ်စေမှာ ဖြစ်ပါတယ်။ မူဆယ်မြို့အဝင်ဆိုင်းဘုတ် နေရာလေးဟာ မူဆယ်မြို့မှာ အလွန်သာယာတဲ့ နေရာတစ်ခုဖြစ်ပါတယ်။ ဖူးပွင့်နေတဲ့ ပန်းမာလာ၊ စိမ်းစိုနေတဲ့ မြင်ခင်းပြင်၊ မလှမ်းမကမ်းက တောင်တန်းနဲ့ ရွှေရောင်ဝင်းနေတဲ့ စေတီတော်တို့ကို ဖူးတွေ့နေရတဲ့ သာယာလှသော နေရာလေးတစ်ခု ဖြစ်ပါတယ်။

Image Hosted by PicturePush - Photo Sharing

တောတောင်ရိပ်ကြောင့်လည်းကောင်း၊ ဘုရားရိပ်၊ တရားရိပ်ကြောင့်လည်းကောင်း အေးချမ်းသာယာ ကြည်နူးဖွယ်ရာသော လွယ်တိန်ခမ်းတောင်တော်ကို ကျွန်မနဲ့အတူ အလည်သွားကြည့်ကြရအောင်လားရှင်။

Image Hosted by PicturePush - Photo Sharing

Image Hosted by PicturePush - Photo Sharing 

မြို့အဝင်ဆိုင်းဘုတ်ကို ကျော်ခဲ့ပြီး ကိုက်အနည်းငယ်မှာဘဲ ညာဘက်ခြမ်းမှာ တောင်အတက်လမ်းကို ရောက်ပါပြီ။ အပေါ်ပုံမှာ တောင်အတက် လွယ်တိန်ခမ်းတောင် အဝင်ဝကိုမြင်တွေ့ရတဲ့ အနေအထားဖြစ်ပါတယ်။

Image Hosted by PicturePush - Photo Sharing 
လွယ်တိန်ခမ်းဘုရားကျောင်း အဝင်ဝ

Image Hosted by PicturePush - Photo Sharing


Image Hosted by PicturePush - Photo Sharing

မုဒ်ဦးဝက ရွှေသမင်မိသားစု

မူဆယ်မြို့အဝင် ဆိုင်းဘုတ်နားမှာရော၊ အခု တောင်ပေါ်အတက် မုဒ်ဦးဝမှာပါ ရွှေသမင်ရုပ်ပုံကို မြင်တွေ့ရပါတယ်။ မူဆယ်မြို့မှာ ရွှေသမင်ရုပ်ပုံများကို နေရာတာ တွေ့ရတာကြောင့် စုံစမ်းကြည့်တဲ့အခါမှာတော့  ဟိုးယခင် ကမ္ဘာပေါင်းများစွာက မြတ်စွာဘုရား နုစဉ်ခါက ရွှေသမင်ဘဝနဲ့ အခုတက်တော့မဲ့ လွယ်တိန်ခမ်း တောင်ပေါ်မှာ နေထိုင်ခဲ့ဖူးတယ်လို့ ဆိုပါတယ်။ တကယ်တမ်း အလွယ်တကူ လွယ်တိန်ခမ်းလို့ခေါ်ပေမဲ့ လွိုင်တိန်ခမ်း လို့ ခေါ်ရမှာဖြစ်ပါတယ်။ လွိုင်ဆိုတာ ရှမ်းဘာသာအားဖြင့် တောင်ကို ခေါ်ဆိုတာ ဖြစ်ပြီး တိန်ခမ်းဆိုတာ ရွှေသမင်ကို ခေါ်ဆိုတာဖြစ်ပါတယ်။ ဒါကြောင့် ရွှေသမင်တောင်လို့ မြန်မာလိုခေါ်ရင် မှားမယ် မထင်ပါဘူးရှင်။

Image Hosted by PicturePush - Photo Sharing 

တောင်ပေါ်စတက်တာနဲ့ လမ်းဘေးဝဲယာတစ်လျှောက်လုံး စိမ်းစိုနေတဲ့ ယူကလစ်တောကြီးကို တွေ့ရမှာဖြစ်ပါတယ်။

Image Hosted by PicturePush - Photo Sharing 

Image Hosted by PicturePush - Photo Sharing 
လွယ်တိန်ခမ်း ဓမ္မာရုံ

Image Hosted by PicturePush - Photo Sharing 
ဓမ္မာရုံရှေ့မှာ ကဗျည်းကျောက်စာ


ဧက ၆၀နီးပါးကျယ်ဝန်းလှတဲ့ လွယ်တိန်ခမ်း သာသနာ့နယ်မြေဟာ ဘုရားဖူးဖို့သာမက မြို့ခံလူငယ်များ လေညင်းခံရင်း၊ ရှုခင်းများကြည့်ရင်း ဆိုင်ကယ်များဖြင့် လာရောက်တတ်ကြတဲ့နေရာလည်း ဖြစ်ပါတယ်။ တောတောင် ရှုခင်းများ၊ ရွှေလီမြစ်ဝှမ်းရဲ့ အလှများကို တောင်ထိပ်ပေါ်မှ တွှေမြင်နိုင်ပြီး၊ ကျေးငှက်တို့ရဲ့ အော်မြည်သံကို သာယာနာပျော်ဖွယ် နားဆင်နိုင်ပါတယ်။ တောပန်းတောင်ပန်းလေးများ လှပဝေဆာ ဖူးပွင့်နေတဲ့ အေးချမ်းလှသော လွယ်တိန်ခမ်းတောင်ဟာ အေးရိပ်ဆာယာတစ်ခုလည်း ဖြစ်ပါတယ်။


Image Hosted by PicturePush - Photo Sharing

တောင်တက်လမ်းတစ်နေရာက လမ်းဘေးအောက်ဖက်မှာ ရှင်ဥပဂုတ်နဲ့ ရေကန်ကြီးရှိပါတယ်.


Image Hosted by PicturePush - Photo Sharing



Image Hosted by PicturePush - Photo Sharing 
ရေကန်ဘေးမှာ ခုလို အမိုးချွန်ဆိုင်ကလေးတွေမှာ ရှမ်းအစားအစာများ၊ အသုပ်စုံများ ရနိုင်ပြီး ရေကန်ကြီးထဲမှာတော့ ခြေနင်းလှေများ စီးနိုင်ပါတယ်။



Image Hosted by PicturePush - Photo Sharing 

Image Hosted by PicturePush - Photo Sharing

လမ်းဘေးတစ်လျှောက် ပန်းဝါလေးတွေ လှလှပပ ပွင့်နေတာ သိပ်ကို သဘောကျဖို့ကောင်းပါတယ်။

Image Hosted by PicturePush - Photo Sharing 
ဒီလိုပန်းဝါလေးတွေ

Image Hosted by PicturePush - Photo Sharing 

သဗ္ဗညု စုမ့်မိုင်း စေတီတော်

Image Hosted by PicturePush - Photo Sharing 
စေတီပေါ်သို့ တက်ရောက်ရာ လှေကားထစ်တွင် နဂါး နှစ်ကောင်ရှိသောကြောင့် နဂါးနှစ်ကောင်စေတီဟုလည်း ခေါ်ကြပါတယ်

Image Hosted by PicturePush - Photo Sharing 

ဒီစေတီရဲ့ အနောက်ဖက်မှာ အင်မတန်လှပတဲ့ ရှုခင်းများကို တွေ့မြင်နိုင်ပါတယ်။


Image Hosted by PicturePush - Photo Sharing 

Image Hosted by PicturePush - Photo Sharing

ရွှေလီမြစ်ဝှမ်းတစ်လျှောက် မြစ်ဟိုဘက်ဒီဘက် တည်ရှိနေတဲ့ တရုတ်ပြည်ရဲ့ ကျယ်ခေါင် ရွှေလီရှုခင်းများ


Image Hosted by PicturePush - Photo Sharing 

Image Hosted by PicturePush - Photo Sharing 

တရုတ်ပြည်ဘက်သို့ ရောက်ပြီးကာမှ မူဆယ်မြို့သို့ ပြန်ကြွလာတော်မူသည့် ပြည်တော်ပြန်ဘုရား စံမြန်းရာ ကျောင်းဆောင်


Image Hosted by PicturePush - Photo Sharing 
ဒီကျောင်းဆောင်ကို ဘယ်နေရာက ဓာတ်ပုံရိုက်ရိုက် အတော်ကို သပ္ပါယ်ပါတယ်။

Image Hosted by PicturePush - Photo Sharing

ပြည်တော်ပြန်ဘုရားကို အတွင်းထဲ ဝင်ဖူးရအောင်နော်

Image Hosted by PicturePush - Photo Sharing 
နဂါးပလ္လင်ပေါ်တွင် စံပယ်တော်မူနေသည့် ပြည်တော်ပြန်ဘုရား

Image Hosted by PicturePush - Photo Sharing

Image Hosted by PicturePush - Photo Sharing 



Image Hosted by PicturePush - Photo Sharing 


Image Hosted by PicturePush - Photo Sharing 
ဆွမ်းခံကြွနေသည့် မြတ်စွာဘုရားနှင့် သံဃာတော်များ ရုပ်ပုံတော်

ထိုနေရာမှ တောင်ကြား လျှိုတစ်ခုကို ကျော်ဖြတ်ပြီး တောင်တစ်လုံးကို ပြန်တက်ရပါတယ်။ တောင်ထိပ်ကို ရောက်တာနဲ့ ကြည်ညိုဖွယ်ကောင်းလှတဲ့ မဟာသန္တိသုခ ရပ်တော်မူရုပ်ပွားတော်မြတ်ကြီးကို သပ္ပါယ်လှစွာ ဖူးမြင်ရမှာ ဖြစ်ပါတယ်။

Image Hosted by PicturePush - Photo Sharing 
တောင်ရဲ့ အခြားတစ်ဖက် နောက်ထပ် တောင်တစ်လုံးရဲ့ ထိပ်ပေါ်မှာ တည်ထားတော်မူတဲ့ မဟာသန္တိသုခရပ်တော်မူဘုရား ကိုရောက်ပါပြီ။

Image Hosted by PicturePush - Photo Sharing

ကြည်ညိုဖွယ်ကောင်းလှသည့် ရပ်တော်မူ ရုပ်ပွားတော်

ရပ်တော်မူဘုရားကြီးဟာ ဥာဏ်တော်၈၂ပေ အမြင့်ရှိပြီး မြန်မာနိုင်ငံမှာ ဒုတိယအမြင့်ဆုံးဖြစ်ကြောင်း သိရပါတယ်။ တည်ထားပြီးသည့်ချိန်ကနေ ခုချိန်ထိ သုံးကြိမ်တိုင်တိုင် မျက်နှာတော်နဲ့ ညာလက် ဖဝါးမှာ ပျားစွဲခဲ့တာကြောင့် ပျားစွဲဘုရားလို့လည်း လူသိများပါတယ်။


Image Hosted by PicturePush - Photo Sharing 

ရုပ်ပွားတော်ရဲ့ အောက်ခြေမှာ လှိုဏ်ဂူသဖွယ် အခေါင်းပေါက်ဖြစ်ပါတယ်။ အဝင်ဝဘေးဘက်မှာ မြေကပ်ပန်းအဝါရောင်လေးတွေ လှပစွာစိုက်ပျိုးထားပါတယ်။

Image Hosted by PicturePush - Photo Sharing


ရုပ်ပွားတော် အောက်ခြေအတွင်းမှာ စကျင်ကျောက် ရုပ်ပွားတော်တစ်ဆူနဲ့ ရပ်တော်မူဘုရား ပုံစံတူ တစ်ဆူရှိပါတယ်.။။


Image Hosted by PicturePush - Photo Sharing

Image Hosted by PicturePush - Photo Sharing 
အတွင်းနံရံပေါ်မှာ ဗုဒ္ဓဝင်ရုပ်ကြွများ

Image Hosted by PicturePush - Photo Sharing 


Image Hosted by PicturePush - Photo Sharing

 ချယ်ရီပင်တွေအောက်က ခုံတန်းလျားမှာထိုင်ပြီး ကြည့်မယ်ဆိုရင် အင်မတန်လှပတဲ့ ရွှေလီမြစ်ဝှမ်းနဲ့ တရုတ်မြန်မာ နယ်စပ်တစ်လျှောက်ကို တွေ့ရမှာဖြစ်ပါတယ်။ ဒါကြောင့် ဒီနေရာကနေ ထိုင်ပြီး ရှုခင်းများ ကြည့်ကြစို့လားနော်။

Image Hosted by PicturePush - Photo Sharing


Image Hosted by PicturePush - Photo Sharing 
တော်ပေါ်ကနေ လှမ်းမြင်နေရတဲ့ ကတ္တရာလမ်းမကြီးဟာ မူဆယ် မြို့တွင်းသို့ ဝင်ရောက်ရာ ဒုတိယလမ်းမဖြစ်ပါတယ်.

Image Hosted by PicturePush - Photo Sharing 
မူဆယ်မြို့နဲ့ တရုတ်နယ်စပ်ကို လှမ်းမြင်နေရပုံ

Image Hosted by PicturePush - Photo Sharing

မူဆယ် စက်မှုမြို့သစ်


Image Hosted by PicturePush - Photo Sharing 
ဘယ်ဘက်မြင်ကွင်းမှ တောင်တန်းများ

Image Hosted by PicturePush - Photo Sharing 
စေတီတော်မှ တောင်အဆင်းလမ်း

Image Hosted by PicturePush - Photo Sharing


Image Hosted by PicturePush - Photo Sharing 
လွယ်တိန်ခမ်းတောင်တော်ကို စောင့်ရှောက်တဲ့ ရှမ်းဘိုးဘိုးကြီး ဟော်နန်း



Image Hosted by PicturePush - Photo Sharing 
တောင်ပေါ်မှာ ယခုလို ချစ်စရာဆိုင်တဲကလေးတွေ နေရာအနှံ့ရှိတာကြောင့် အေးအေးလူလူ အနားယူအပန်းဖြေ စားသောက်နိုင်ပါတယ်။


မူဆယ်မြို့ရဲ့ ကျက်သရေဆောင် လွယ်တိန်ခမ်းတောင်တော်မြတ်မှာ တောင်တန်းသာသနာပြုဆရာတော် ဦးသုခမိန္ဒ တက္ကသီလမဟာဓမ္မာစရိယ M.A (Buddhism)., M.A Sri Lanka ( ဆရာတော် စဝ်ဆုခမ်း) သီတင်းသုံး ကျောင်းထိုင်တော်မူပါတယ်။ သာသနာတော်အကျိုးကို သယ်ပိုးဆောင်ရွက်နေတဲ့ ဆရာတော်ကို မူဆယ်တစ်မြို့လုံးသာမက ရှမ်းပြည်နယ်တစ်လွှား ပြည်သူများနဲ့ မြန်မာပြည်အနှံ့ ပြည်သူများက လေးမြတ်ကြည်ညိုကြပါတယ်။ ဆရာတော်ဘုရားရဲ့ ဝက်ဆိုဒ်ကို ကျွန်မဘလောဂ့်၏ ဆိုဒ်ဘားတွင် လည်းကောင်း ဤနေရာတွင် လည်းကောင်း ဝင်ရောက်ကြည့်ရှုနိုင်ပါတယ်ရှင်။


မူဆယ်မြို့ကို ရောက်ခဲ့လျှင်ဖြင့် လွယ်တိန်ခမ်းတော်ပေါ်ကိုပါ ခါတစ်ခေါက်တော့ ရောက်အောင်သွားကြဖို့ တိုက်တွန်းနှိုးဆော်ရင်း မရောက်နိုင်သေးသူများလည်း တော်သလင်းလပြည့် ဤယနေ့မှာ လွယ်တိန်ခမ်း တောင်တော် ဘုရားစေတီများကို ဤနေရာမှာ ဖူးရင်းဖြင့် ကုသိုလ်ရယူနိုင်ကြ ပါစေကြောင်းပါရှင်။ 



Image Hosted by PicturePush - Photo Sharing

ကျွန်မတို့ရဲ့ ဒေသအစားအစာ ငါးကောဟင်း

ခင်မင်ရပါသော စာဖတ်သူများကို ဒီတစ်ပတ် မိတ်ဆက်ပေးမဲ့ ဟင်းလျာတစ်မျိုးက ကျွန်မတို့ ကချင်ပြည်နယ်မှာ နေထိုင်ကြတဲ့ ရှမ်းနီ၊ ခန္တီးရှမ်း စတဲ့ ရှမ်းတိုင်းရင်းသားတွေ စားသောက်လေ့ရှိတဲ့ ဟင်းလျာတစ်မျိုးနဲ့ ဖြစ်ပါတယ်ရှင်။ ရှမ်းရိုးရာဟင်းလို့ဆိုပေမဲ့ ရှမ်းပြည်မှာ နေထိုင်ကြတဲ့ ရှမ်းလူမျိုးတွေတော့ ဒီငါးကောဟင်းကို လုပ်စားတာ မကြားခဲ့ဖူးပေမဲ့ ကျွန်မတို့ ကချင်ပြည်နယ်က ရှမ်းတွေဖြစ်တဲ့ ရှမ်းနီ၊ ခန္တီးရှမ်း တို့တွေကတော့ ဒီဟင်းကို လုပ်စားလေ့ရှိပါတယ်။ ဒီဟင်းဟာ ကျွန်မရဲ့ မိဘများ အလွန်နှစ်သက်သော ဟင်းတစ်မယ်လည်း ဖြစ်ပါတယ်။

ကျွန်မ အွန်လိုင်းပေါ်မှာ စာတွေစရေးတော့ ကျွန်မတို့ဒေသမှာ စားလေ့ရှိတဲ့ အစားအသောက်တွေ အကြောင်းလည်း ရေးတယ်လို့ ကျွန်မရဲ့ အမေက သိသွားတဲ့အချိန်မှာ ဒီဟင်းအကြောင်းလည်း ရေးပါလားလို့ သတိတရ တိုက်တွန်းခဲ့ဖူးတဲ့ ဟင်းလည်းဖြစ်ပါတယ်။ ပြီးတော့လည်း မြန်မာပြည် တစ်နံတစ်လျား ကျွန်မရောက်ခဲ့ဖူးတဲ့ ဘယ်ဒေသမှာမဆို အခုဟင်းမျိုး လုပ်စားကြတာ မတွေ့ခဲ့ရဖူးပါဘူး။ ကျွန်မထင်တာ ကျွန်မတို့ဒေသတစ်ဝိုက်မှာ နေထိုင်ကြတဲ့ ရှမ်းလူမျိုးအချို့သာ လုပ်စားကြတဲ့ဟင်း ဖြစ်မယ် ထင်ပါတယ်။ တကယ်လို့ စာဖတ်သူတို့ထဲကနေ ဒီဟင်းကို အခြားဒေသမှာ စားကြတယ်လို့ သိဖူး၊ တွေ့ထားဖူးခဲ့ရင်လည်း ကော်မန့်မှာ ရေးသွားခဲ့ပါလို့ တောင်းဆိုပါတယ်ရှင်။

အခြားသော ဟင်းလျာများအကြောင်း စာဖတ်သူတို့ကို မိတ်ဆက်ပေးခဲ့ဖူးပေမဲ့ ဒီဟင်းကိုတစ်ခါမှ မိတ်မဆက်ပေးရသေးပါဘူး။ ဒီဟင်းဟာ ဘာမှ မထူးဆန်းတဲ့ ဟင်းလည်း ဖြစ်ကောင်းဖြစ်ပါလိမ့်မယ်၊ အရသာလည်း ထူးထူးခြားခြား မကောင်းလှတဲ့ ဟင်းတစ်မယ် ဖြစ်ကောင်းဖြစ်ပါလိမ့်မယ်။ သို့သော်လည်း ကျွန်မတို့ မိသားတစ်စုလုံး ကြိုက်နှစ်သက်တဲ့ဟင်း ဖြစ်သလို၊ ကျွန်မတို့ဒေသကလူတွေ အားလုံးနီးပါးလည်း ကြိုက်နှစ်သက်ပြီး ရိုးရာအစားအစာရယ်လို့တောင် ပြောလို့ရတဲ့ ဟင်းတစ်မယ်ဖြစ်ပါတယ်။

ကျွန်မရဲ့ မွေးရပ်မြေမှာတော့ ကျွန်မတို့အိမ်ဟာ ဘုန်းကြီးကျောင်းနဲ့ သိပ်မဝေးတဲ့ နေရာမှာရှိတာမို့ ဆွမ်းအိုးကြီးလို့ခေါ်တဲ့ တစ်လတစ်ကြိမ်(သို့) နှစ်ကြိမ် တစ်အိမ်ကျစီ ဘုန်းကြီးကျောင်းတစ်ကျောင်းလုံးစာ ဆွမ်းဟင်းများ ချက်ပြီးပို့ရတဲ့အခါ ကျောင်းက ဘုန်းဘုန်းတွေ အထူးတောင်းဆိုတဲ့ဟင်းဟာ ဒီဟင်းဖြစ်ပါတယ်။ ကျွန်မတို့အဖေဟာ ဒီဟင်းကိုလုပ်ရမယ်ဆိုရင် မမောနိုင်မပန်းနိုင် သူကိုယ်တိုင် ဦးဆောင်ပြီး လုပ်လေ့ရှိပါတယ်။ ဒါကြောင့် ဒီဟင်းကို ကျွန်မက မိသားစုကို စည်းလုံးစေတဲ့ဟင်းလို့လည်း တင်စားချင်ပါတယ်။ ဘာဖြစ်လို့လည်းဆိုတော့ ဒီငါးကောဟင်းလုပ်တော့မယ်ဆိုရင် လူတစ်ဦးတစ်ယောက်တည်းနဲ့ လုပ်လို့မရဘဲ မိသားစုတစ်ခုလုံး ပါဝင်မှသာ အဆင်ပြေပြေ လုပ်နိုင်မှာဖြစ်ပါတယ်။ တစ်ယောက်က အဖန်ခေါက်ရှာ၊ တစ်ယောက်က ငါးကင်၊ တစ်ယောက်က ငါးအသားနွာ၊ တောက်တောက်စင်း၊ တစ်ယောက်က ငရုပ်သီးကြက်သွန်ထောင်း၊ ဟင်းခတ်အရွက်ရှာ၊ စသဖြင့် လက်လည်းဝင်ပါတယ်။

အဲဒီ ဟင်းက ငါးကော လို့ ခေါ်ပြီး ငါးကိုကင်ပြီး အသားများကို အရည်ဖျော်တဲ့ဟင်းဖြစ်ပါတယ်။ ဒီငါးကောကို ပြုလုပ်ဖို့အတွက် လိုအပ်တဲ့ အရာတစ်ခုက အဖန်ဓာတ်ရှိတဲ့ သစ်ခေါက် ဖြစ်ပါတယ်။ ကျွန်မတို့နေထိုင်ရာ ဥရုချောင်းရိုးမှာတော့ ဒီလိုအဖန်ဓာတ်ရှိတဲ့ ရင်းရဲပင်လို့ခေါ်တဲ့ အပင်တွေဟာ ယခင်က အလွန်ပေါများခဲ့ပါတယ်။ သို့သော်လည်း အခုခေတ်မှာတော့ ဥရုချောင်းကို မြေလှန်ရှာနေကြတဲ့သူတွေကြောင့် ရင်းရဲပင်တွေလည်း မတွေ့ရသလောက် ဖြစ်သွားခဲ့ပါပြီ။ အဲဒီ ရင်းရဲပင်မရှိတဲ့အခါမှာတော့ ဇီးပင်၊ မန်ကျည်းပင်၊ စတဲ့ ဖန်တဲ့ အရသာရှိတဲ့ သစ်ခေါက်တွေကို အသုံးပြုရပါတယ်. ကျွန်မ အခုရောက်နေတဲ့မြို့ကလေးမှာတော့ အဖန်ဓာတ်ရှိတဲ့ သစ်ခေါက်မျိုးရဖို့ရန် ခက်ခဲပါတယ်။ ဒါကြောင့်လည်း ရှိတာလေးနဲ့ ကျွန်မတို့ဒေသရဲ့ အစားအစာတစ်ခုဖြစ်တဲ့ ငါးကော လုပ်နည်းကို ဒီနေ့မိတ်ဆက်ပေးမှာ ဖြစ်ပါတယ်။ ဟင်းကောင်းမဟုတ်ပေမဲ့ လူသိနည်းသေးတဲ့ ကျွန်မတို့ရဲ့ ဒေသ အစားအစာတစ်မျိုးကို မသိသေးတဲ့သူတွေ သိသွားရအောင် မိတ်ဆက်ပေးတဲ့သဘောသာ ဖြစ်ပါတယ်ရှင်။

ပထမဦးစွာ ငါးကောလုပ်ဖို့အတွက် ငါးကို အကောင်လိုက် ကင်ရမှာဖြစ်ပါတယ်။

Image Hosted by PicturePush - Photo Sharing 
ငါးကင်ရန်ပြင်ဆင်

ကြေးခွံပါတဲ့ ငါးကြင်းကဲ့သို့ငါးမျိုးကို ကြေးခွံထိုး၊ ဗိုက်ဗောက် အညစ်အကြေးများ ဖယ်ပစ်ပြီး ရေစင်အောင်ဆေးကာ ငါးတစ်ကောင်လုံးကို ကင်ပါတယ်။ လူဦးရေပေါ်မူတည်ပြီး ငါးကို တစ်ကောင်၊ ၂ကောင် ၊၃ကောင် စသဖြင့် ကင်ပါတယ်။ လူ၎ယောက်လောက်ဆို တစ်ကောင်နဲ့လုံလောက်ပါတယ်။ ငါးကျက်ပြီဆိုပါက အရိုးဖယ်ပစ်ပြီး အသားချည်း နွာလိုက်ပါတယ်။


Image Hosted by PicturePush - Photo Sharing
ငါးကင်မှ အသားများ

Image Hosted by PicturePush - Photo Sharing

ထိုငါးအသားများကို တောက်တောက်စင်းပါတယ်။ အရိုးများတွေ့ပါက လက်ဖြင့်ဖယ်ရှားရပါတယ်။

Image Hosted by PicturePush - Photo Sharing 
ပိန်းဥ သို့မဟုတ် အာလူးကို ပြုတ်ပါတယ်။ ငါးအရေအတွက်ပေါ်မူတည်ပြီး အာလူး(သို့) ပိန်းဥကိုထည့်နိုင်ပါတယ်။ ငါးတစ်ကောင်အတွက်အာလူး ၂လုံးခန့် ပြုတ်ပါတယ်။

Image Hosted by PicturePush - Photo Sharing

ပြုတ်ပြီးအာလူးများကို ခြေမွကာ တောက်တောက်စင်းပါတယ်

Image Hosted by PicturePush - Photo Sharing

မပါမဖြစ် ထည့်ရမဲ့ ဟင်းခတ်အမွှေးအကြိုင်ရွက်တွေက ပင်စိမ်း၊ ရှမ်းနံနံ၊ ဖက်ဖယ် ရွက်တို့ဖြစ်ပါတယ်။

Image Hosted by PicturePush - Photo Sharing 
၎င်းအရွက်များကို နှုတ်နှုတ်စင်းပါတယ်။


Image Hosted by PicturePush - Photo Sharing 
ကြက်သွန်ဖြူ၊ ငရုပ်သီးစိမ်းများကို ညက်အောင်ထောင်းပါတယ်။ အစပ်မကြိုက်သူများ ငရုပ်သီးလျှော့ထည့်နိုင်ပါတယ်။


Image Hosted by PicturePush - Photo Sharing 

ဆားကို မိမိထည့်မည့် ပမဏကို အရည်ဖျော်ထားပါတယ်.။ ငပိအနည်းငယ်ကို မီးဖုတ်ပြီး အရည်ဖျော်ထားပါတယ်။



Image Hosted by PicturePush - Photo Sharing 
အိုးတစ်လုံးထဲမှာ ငါးကင်၊ အာလူး၊ ကြက်သွန်ဖြူ၊ ငရုပ်သီး၊ ဖက်ဖယ် ပင်စိမ်းရွက်များ စင်းထားတာ အားလုံးကို ထည့်လိုက်ပါတယ်။

Image Hosted by PicturePush - Photo Sharing 

၎င်းအိုးထဲသို့ ရေကျက်အေး၊ ဆားရည်၊ ငပိရည်၊ အရသာမှုန့်တို့ကို ထည့်ပြီး ရောမွှေလိုက်ပါတယ်. မိမိနှစ်သက်သည့် အရသာဖြစ်အောင် ဆား၊ အရသာမှုန့်တို့ကို ထည့်နိုင်ပါတယ်။ အာလူး (သို့) ပိန်းဥ ပါဝင်တဲ့အတွက် အရည်ကျဲမနေဘဲ ခပ်ပျစ်ပျစ်လေးဖြစ်ကာ ဆိမ့်တဲ့အရသာလည်း ရှိပါတယ်။ ပူပူစပ်စပ်နဲ့ ရှူးရှူးရှဲရှဲ ကြိုက်တတ်သူ ကျွန်မကတော့ ငရုပ်သီးများများထည့်ပြီး ငါးကောရဲ့ ပူစပ်ပူလောင် အရသာကို ခံစားလိုက်ပါတယ်း)
Image Hosted by PicturePush - Photo Sharing 

အားလုံးပြီးသွားချိန်မှာတော့ ပူပူစပ်စပ်နဲ့ ဆိမ့်သောအရသာ ရှိတဲ့ ငါးကောဟင်းတစ်ခွက် ရပါပြီ။

ဒီနေရာမှာ ငါးကောပြုလုပ်ပုံမှာ ကျွန်မတို့အိမ်မှာ လုပ်တဲ့နည်းထဲက အဆင့်တစ်ဆင့်ကို ချန်လှပ်ထားခဲ့ပါတယ်။ အဲဒါက ရင်းရဲပင်လို့ခေါ်တဲ့ အဖန်ဓာတ်ရှိတဲ့ သစ်ပင်ရဲ့ အခေါက်ကို ခွာပြီး ရေစိမ်ထားတဲ့ အဆင့်ပါ။ အဲဒီအဆင့်က နေရာဒေသအတော်များများအတွက် လုပ်ဖို့ခက်ခဲနိုင်တာကြောင့်ရော ကျွန်မကိုယ်တိုင်လည်း ဒီနေ့ ငါးကောပြုလုပ်ရာမှာ ကျွန်မနေတဲ့မြို့ကလေးမှာ အဖန်ခေါက်ကို ရှာဖို့ခက်တာကြောင့်ပါ ချန်ခဲ့တာဖြစ်ပါတယ်။  တကယ်တမ်းမှာ ငါးများကို အရည်ဖျော်ရာမှာ ကျွန်မတို့ဒေသမှာတော့ ရိုးရိုး ရေကျက်အေးအစား အဖန်ခေါက် စိမ်ရည်ဖြင့်သာ ဖျော်ကြပါတယ်။ အဖန်ခေါက် စိမ်ရည်ပြုလုပ်ပုံကို ဗဟုသုတအဖြစ် ပြောပြရရင်

ရင်းရဲပင် မရှိက ဇီး၊ မကျည်း၊ သရက် စသော ဖန်သည့်အရသာရှိသော သစ်ခေါက်များကို သစ်ပင်ကနေ ခွာရပါတယ်။ ၄င်းသစ်ခေါက်များကို အပေါ်က အမဲရောင် အညိုရောင် စသည့် အကာများကို ဖယ်ထုပ်ပစ်ပြီး ရေစင်အောင် ဆေးရပါတယ်။ ပြီးနောက် သစ်ခေါက်အသားများကို ပါးပါးလေး ရအောင်ခြစ်ပြီး ရေကျက်အေးဖြင့် စိမ်ထားလိုက်တာပါ။ ငါးကို အရည်ဖျော်တဲ့အခါမှ ၄င်း သစ်ခေါက် အဖန်ရည်ဖြင့်ဖျော်တာ ဖြစ်ပါတယ်။

ပူပူစပ်စပ် ငါးကောဟင်း
  
ဒီမှာတော့ အဖန်ရည်အစား ရိုးရိုးရေကျက်အေး (ရေနွးကိုကြိုပြီး အအေးခံထားတဲ့ရေ) နဲ့ ဖျော်ထားတာဖြစ်ပါတယ်။ ငါးကောဟင်း အကြောင်း ရေးပြီး တင်ထားတယ်လို့ အိမ်ကို ဖုန်းဆက်ပြီး ပြောပြလိုက်မယ်ဆိုခဲ့ရင် ဒီဟင်းကို နှစ်သက်တဲ့ ကျွန်မ အဖေနဲ့ အမေရဲ့ မျက်နှာဟာ ပီတိတွေနဲ့ ပြုံးနေဦးတော့မှာကို မြင်ယောင် မိပါသေးတယ်။  

ပျော်ရွှင်ဖွယ် အားလပ်ရက်များကို ပိုင်ဆိုင်ကြပါစေရှင်။


Image Hosted by PicturePush - Photo Sharing

မေတ္တာလေလံ


လွန်ခဲ့တဲ့နှစ်ပေါင်းများစွာက သိပ်ကိုချမ်းသာတဲ့ သူဌေးကြီးတစ်ဦးရှိခဲ့ပါတယ်။ အသက်ကြီးပြီဖြစ်တဲ့ သူဌေးကြီးဟာ ဇနီးကလည်း ဆုံးသွားတာကြာခဲ့ပြီဖြစ်တော့ တစ်ဦးတည်းကျန်ခဲ့တဲ့ သူရဲ့သားကို သိပ်ကို ချစ်မြတ်နိုးပါတယ်။ သူဌေးကြီးရဲ့သားဟာ အနုပညာကို အလွန်ဝါသနာပါပြီး ပန်းချီကားတွေ စုဆောင်းတာ သိပ်ကို နှစ်သက် သဘောကျပါတယ်။ သားကို သိပ်ချစ်တဲ့ ဖခင်သူဌေးကြီးကလည်း သားနဲ့အတူ ကမ္ဘာတစ်ခွင် လှည့်လှည်ပြီးတော့ နာမည်ကျော် တန်ဖိုးကြီးပန်းချီကားတွေကို သားစိတ်တိုင်းကျ ဝယ်ယူ စုဆောင်းပါတယ်။ သူဌေးကြီးရဲ့သား ဝယ်ယူစုဆောင်းထားတဲ့ ပန်းချီကားတွေထဲမှာ ပီကာဆို၊ မိုးနေး၊ ဗင်ဂိုး တို့လို နာမည်ကျော် ပန်းချီဆရာများရဲ့ လက်ရာတွေတောင် ပါဝင်ပါတယ်။  တန်ဖိုးကြီး ပန်းချီကားတွေကို ကျွမ်းကျင်စွာ စုဆောင်းနိုင်သူဖြစ်လာတဲ့ သူ့သားလေးကို ကြည့်ပြီး သူဌေးကြီးဟာ ကျေနပ်အားရ ဖြစ်နေခဲ့ပါတယ်။ သားဖြစ်သူဟာ အလွန်ထူးချွန်ထက်မြက်တဲ့ အမြင်အာရုံမျိုးရှိပြီး ကမ္ဘာတစ်ဝှန်းက ပန်းချီကား စုဆောင်းထားသူတွေဆီကနေ တန်ဖိုးကြီးပန်းချီကားတွေကို ရအောင် ဝယ်ယူနိုင်တဲ့ သူ့သားရဲ့ ဆက်ဆံရေး ကောင်းမွန်ပုံ၊ အမြင်အာရုံ စူးရှထက်မြက်ပုံ၊ ပန်းချီကားတွေကို အကဲဖြတ်ရာမှာ ကျွမ်းကျင်ပုံတို့အတွက်လည်း သူဌေးကြီးက အလွန်ဂုဏ်ယူနေခဲ့ပါတယ်။


Image Hosted by PicturePush - Photo Sharing




တစ်ခုသော ဆောင်းရာသီရောက်ခါနီးမှာတော့ တိုင်းပြည်ကြီးမှာ စစ်ဖြစ်လာပါတော့တယ်။ အဲဒီတော့ တိုင်းပြည်ကို ကာကွယ်ဖို့အတွက် လူငယ်တိုင်းစစ်ထဲဝင်ကြတဲ့ နည်းတူ သူဌေးကြီးရဲ့သား လူငယ်လေးမှာလည်း ဘယ်လိုမှ တားမရဘဲ စစ်ထဲဝင်ဖို့ အိမ်ကနေ ထွက်ခွာသွားခဲ့ပါတယ်။ လူငယ်လေး စစ်ထဲဝင်သွားပြီး အချိန်အနည်းငယ်ကြာတဲ့အခါမှာ သူဌေးကြီးဟာ ကြေးနန်းတစ်စောင်ကို လက်ခံရရှိပါတယ်။ ကြေးနန်းစာထဲမှာ သူဌေးကြီးရဲ့သားဟာ စစ်မြေပြင်တစ်ခုမှာ ပျောက်ဆုံးနေကြောင်း၊ တာဝန်ရှိသူများက ကြိုးစား ရှာဖွေနေကြကြောင်း ပါဝင်ပါတယ်။ သူဌေးကြီးဟာ စိုးရိမ်ပူပန်စိတ်တွေနဲ့ မအိပ်နိုင်၊ မစားနိုင်ဖြစ်ပြီး သူ့သားလေးရဲ့ နောက်ထပ်သတင်းတွေကို စောင့်မျှော်နေခဲ့ပါတယ်။ သူ့စိတ်ထဲမှာလည်း သူ့သားလေးကို ဘယ်တော့မှ ပြန်မတွေ့ရတော့မှာကို ထိတ်လန့် ကြောက်ရွံ့လို့နေပါတယ်။ သိပ်မကြာခင်မှာတော့ သူစိုးရိမ်မိတဲ့အတိုင်း ဖြစ်လာခဲ့ပါပြီ။ သူ့သားသေဆုံးကြောင်း အတည်ပြုတဲ့ကြေးနန်းကို လက်ခံရရှိလိုက်ပါတယ်။ ချမ်းသာတဲ့ သူဌေးကြီးဟာ သူ့အမွေတွေကို ဆက်ခံမဲ့ တစ်ဦးတည်းသော သူ့သားလေးအတွက် မချိတင်ကဲ ကြေကွဲဝမ်းနည်းစွာနဲ့ စိတ်နှလုံးထိခိုက်ပြီး အိပ်ရာထဲမှာ လဲပါတော့တယ်။ 

တစ်ခုသော ခရစ္စမတ်ရဲ့ မနက်ခင်းမှာတော့  ဝမ်းနည်းကြေကွဲမှုတွေကိုသာ အဖော်လုပ်လို့ နေရတဲ့ သူဌေးကြီးအိမ်တံခါးကို တစ်စုံတစ်ဦးက လာခေါက်ပါတယ်။ စိတ်နှလုံး ညှိုးချုံးပင်ပန်းစွာ အိပ်ရာထဲလဲနေတဲ့ သူဌေးကြီးဟာ ချိနှဲ့လေးကန်တဲ့ ခြေလှမ်းတွေနဲ့ တံခါးရှိရာကို လျှောက်လှမ်းသွားခဲ့ပါတယ်။ အိမ်တံခါးကို ဖွင့်လိုက်တဲ့အခါမှာတော့ စစ်ဝတ်စုံပြည့်နဲ့ လူငယ်လေးတစ်ယောက်က အဖိုးအိုကို နှုတ်ခွန်းဆက်စကား ဆိုလာပါတယ်။ လူငယ်စစ်သားလေးရဲ့ လက်ထဲမှာတော့  အထုတ်ကြီးတစ်ခုကို ပွေ့ပိုက်ထားပါတယ်။ လူငယ်လေးဟာ “ကျွန်တော်ဟာ ဦးလေးရဲ့ သားနဲ့ အလွန်ခင်မင်ရင်းနှီးတဲ့ သူငယ်ချင်းပါ.. ကျွန်တော် ဦးလေးကို ပြစရာရှိလို့ အိမ်ထဲခဏ ဝင်ခွင့်ပြုနိုင်မလားခင်ဗျာ” သူ့ကိုယ်သူ မိတ်ဆက်ရင်း ယဉ်ကျေးစွာ ဝင်ခွင့်တောင်းပါတယ်။

ဧည့်ခန်းမှာ ထိုင်ပြီးတဲ့အချိန်မှာ စစ်သားလေးက စကားစပြောပါတယ်။ “သူဌေးကြီးရဲ့သားဟာ လူတိုင်းကို သူနဲ့ သူ့အဖေတို့ အနုပညာကို ဘယ်လောက်တောင် ချစ်မြတ်နိုးကြပုံ၊ ကမ္ဘာလှည့်ပြီး အနုပညာနဲ့ ပတ်သက်တဲ့ ပန်းချီကားတွေ စုဆောင်းကြပုံတို့ကို အမြဲပြောပြလေ့ရှိပါတယ်။ ပြီးတော့  ကျွန်တော်ဟာ ဒဏ်ရာရပြီး စစ်မြေပြင်မှာ လဲနေတဲ့အချိန်မှာ ဦးလေးရဲ့သားက ကျွန်တော့်ကို လာကယ်ခဲ့တာပါ။ သူကယ်တဲ့အသက်ဘဲ ကျွန်တော့်မှာ ရှိတော့တာပါ။ သူ့ကျေးဇူးကြောင့် အသက်ရှင်ခွင့်ရခဲ့တာပါ။ ကျွန်တော်လည်း ပန်းချီကို ဝါသနာပါတဲ့သူတစ်ယောက်ပါ။ ကျွန်တော်ဒီကိုလာတာက ကျွန်တော့်အသက်ကို ကယ်ခဲ့တဲ့ ဦးလေးရဲ့ သားကိုယ်စား ဦးလေးကို လက်ဆောင်တစ်ခု ပေးချင်လို့ ရောက်လာတာပါ ” လို့ ပြောပြီး အဖိုးကြီးလက်ထဲကို ထုပ်ပိုးထားတဲ့ အထုပ်တစ်ခုကို ထည့်ပေးလိုက်ပါတယ်။ သူဌေးကြီးက အထုပ်ပေါ်က စက္ကူတွေကို ဖယ်ရှားလိုက်တဲ့အခါမှာတော့ သူ့ရဲ့ ချစ်လှစွာသော သားဖြစ်သူရဲ့ ပုံတူပန်းချီကား ဖြစ်နေပါတယ်။ ပန်းချီကားထဲမှာ သူ့သားလေးရဲ့ မျက်နှာပေါ်က အသေးစိတ် အချက်အလက်လေးတွေကိုပါ အနုစိတ် ထည့်သွင်းရေးဆွဲထားခဲ့တာကြောင့် သူဌေးကြီး စိတ်ထဲမှာတော့ ဖခင်တစ်ယောက်ရဲ့ ချစ်ခြင်းမေတ္တာတွေကြောင့် သူ့သားရဲ့ မျက်နှာကို အပြင်မှာတကယ် တွေ့လိုက်ရတဲ့ ခံစားချက်မျိုးပင် ဖြစ်ပေါ်လို့လာပါတယ်။

စိတ်လှုပ်ရှားခြင်း၊ ဝမ်းသာခြင်း၊ ဝမ်းနည်းကြေကွဲခြင်းများစွာကို တစ်ပြိုင်တည်း ခံစားလိုက်ရပြီးတဲ့နောက် သူဌေးကြီးဟာ လူငယ်လေးကို ပန်းချီကားလက်ဆောင်အတွက် ကျေးဇူးစကားဆိုပါတယ်။ ပြီးတော့လည်း သူ့သားရဲ့ ပုံတူပန်းချီကားကို ဧည့်ခန်းကနံရံပေါ်မှာ အမြဲတမ်းချိတ်ဆွဲထားမဲ့အကြောင်း ကတိပေးပါတယ်။ အချိန်အနည်းငယ်ကြာ စကားပြောကြပြီး လူငယ်စစ်သားလေးက သူဌေးကြီးကို နှုတ်ဆက်ကာ ပြန်သွားပါတယ်။ လူငယ်လေးပြန်သွားပြီးတဲ့နောက်မှာ သူဌေးကြီးက သူ့ကတိအတိုင်း သူ့သားလေးရဲ့ ပုံတူပန်းချီကားလေးကို အခြားသော နာမည်ကျော် ပန်းချီဆရာကြီးတွေရဲ့ ဒေါ်လာများစွာ တန်ဖိုးရှိတဲ့ ပန်းချီကားတွေနဲ့ တစ်တန်းတည်း နံရံပေါ်မှာ ချိတ်ဆွဲထားလိုက်ပါတော့တယ်။ ပြီးတော့ ဧည့်ခန်းကြီးထဲက ထိုင်ခုံလေးတစ်ခုပေါ်မှာထိုင်ပြီး ထူးထူးခြားခြား ခရစ္စမတ်လက်ဆောင်ရလိုက်တဲ့ သူ့သားပုံတူ ပန်းချီကားလေးကို တစ်စိမ့်စိမ့်ကြည့်နေပါတယ်။ သူ့သားရဲ့ ပုံတူပန်းချီကားချပ်ကြီးက ဖခင်ဖြစ်သူကို ပြုံးပြလို့နေသလိုပါဘဲ။ ဘယ်သောခါမှ အိမ်ပြန်မလာနိုင်တော့မဲ့ သားတစ်ယောက်ကို လွမ်းဆွတ်သတိရခြင်းများစွာနဲ့ အဖိုးအိုပါးပြင်ပေါ် မျက်ရည်တွေ စီးကျလို့ လာပါတော့တယ်။

ရက်သတ္တပတ် အနည်းငယ်ကြာတဲ့အခါမှာတော့ သူ့သားလေး သေဆုံးရတဲ့အကြောင်းရင်းကို သူဌေးကြီးက တိတိကျကျ ကြားသိလာရပါတော့တယ်။ သူ့သားဟာ စစ်မြေပြင်မှာ ဒဏ်ရာရထားတဲ့ လူနာများစွာကို ရဲရဲရင့်ရင့် ကယ်တင်ရင်း ကျည်ဆန်ထိမှန်ပြီး သေဆုံးရတယ်ဆိုတာရယ် သူမသေခင်လေးမှာ အသက်ပေါင်းများစွာကိုလည်း ကယ်တင်သွားနိုင်ခဲ့တယ် ဆိုတဲ့အကြောင်းတွေကို သိရပါတယ်။ သူ့သားရဲ့ ဂုဏ်ယူဖွယ်ရာ ကြီးကျယ်မြင့်မြတ်တဲ့ လုပ်ရပ်အတွက် ဖခင်သူဌေးကြီးဟာ အင်မတန်မှာ ဂုဏ်ယူမိပါတယ်။ ပြီးတော့လည်း သူ့သားသေဆုံးသွားရတဲ့အတွက် ပူဆွေးဝမ်းနည်း ဖြစ်ရခြင်းကနေလည်း စိတ်ဖြေသာရာ ရသွားခဲ့ပါတယ်။ သူ့သားရဲ့ သူရဲကောင်းဆန်တဲ့ လုပ်ရပ်အတွက် လူတိုင်းကို ဂုဏ်ယူစွာ ပြောပြတတ်သလို၊ သူ့သားလေးရဲ့ ပုံတူပန်းချီကားဟာလည်း သူ့အတွက် တန်ဖိုးမဖြတ်နိုင်တဲ့ အရာတစ်ခု ဖြစ်ကြောင်း၊ သူ့ဘဝမှာ ရခဲ့သမျှ လက်ဆောင်တွေထဲမှာ အဲဒီပန်းချီကားလောက် ဘယ်အရာကမှ တန်ဖိုးမရှိကြောင်းကို  အမြဲတမ်း အားမာန်အပြည့်နဲ့ ပြောဆိုတတ်ပါတယ်။ သူ့သားဟာ သေဆုံးသွားပေမဲ့ သူ့အတွက်တော့ ဂုဏ်သိက္ခာရှိရှိ ရှင်သန်နေတဲ့သူဖြစ်တယ်လို့ သူကိုယ်တိုင် ခံယူထားပါတယ်။ သူဌေးကြီးဟာ သူ့သားရဲ့ ပုံတူပန်းချီကိုလည်း သူကိုယ်တိုင် တယုတယ ဖုန်သုတ်ခြင်း၊ သန့်ရှင်းရေးခြင်းတို့ လုပ်တတ်ပါတယ်။

နွေဦးရာသီတစ်ခုမှာတော့ သူဌေးကြီးဟာ  အပြင်းအထန် နာမကျန်းဖြစ်လာပါတယ်။ နာမကျန်းဖြစ်ပြီး မကြာခင်မှာဘဲ သူဌေးကြီးဟာ ဆုံးပါးသွားခဲ့ပါတယ်။ အဖိုးကြီး ဆုံးပါးသွားတဲ့သတင်းဟာ  ပန်းချီကား စုဆောင်းသူတွေရဲ့လောကမှာ အပြင်းအထန် ဂယက်ရိုက်ခတ်ပါတော့တယ်။ သူဌေးကြီးမှာ အမွေဆက်ခံသူ တစ်ဦးတည်းသော သားဟာလည်း ဆုံးပါးသွားပြီဖြစ်လို့ သူစုဆောင်းထားတဲ့ ကမ္ဘာကျော် ပန်းချီကားတွေကို ဘယ်လိုဆက်လုပ်မှာပါလိမ့် ဆိုပြီး လူတိုင်းက စိတ်ဝင်စားနေကြပါတယ်။ နာမည်ကျော် ပန်းချီကားတွေဖြစ်လို့ လူတိုင်းကလည်း ဒီပန်းချီကားတွေကို လိုချင်နေကြသူတွေ ဖြစ်ပါတယ်။ မကြာခင်မှာဘဲ သတင်းတစ်ခု ထွက်လာပါတယ်။ သူဌေးကြီးရဲ့ သေတမ်းစာအရ သူစုဆောင်းထားတဲ့ အဖိုးတန်ပန်းချီကားအားလုံးကို လေလံတင် ရောင်းချမှာဖြစ်ပြီး အဲဒီလေလံတင်မဲ့ရက်ဟာ ခရစ္စမတ်နေ့ဖြစ်ကြောင်း ပန်းချီကားစုဆောင်းသူ၊ ပန်းချီချစ်မြတ်နိုးသူတွေ သိအောင် ကြေငြာပါတယ်။ သူဌေးကြီးဟာ သူ့သားရဲ့ ပန်းချီကားကို အမှတ်တရ လက်ဆောင်အဖြစ် ရခဲ့တဲ့ ခရစ္စမတ်နေ့ကို လေလံပွဲ ကျင်းပပေးဖို့ သေတမ်းစာမှာ ထည့်သွင်းရေးထားခဲ့တာ ဖြစ်ပါတယ်။
လေလံပွဲကျင်းပမဲ့ ခရစ္စမတ်နေ့ကို ရောက်ပါပြီ။ တစ်ကမ္ဘာလုံးမှာရှိတဲ့ ပန်းချီမြတ်နိုးသူတွေ၊ ပန်းချီကား စုဆောင်းသူတွေဟာ လေလံပွဲကျင်းပရာ နေရာကို အသီးသီး ရောက်ရှိလို့လာပါတယ်။ သူတို့တွေရဲ့ စိတ်ထဲမှာလည်း အဖိုးတန်ပန်းချီကားတွေကို မရရအောင် ဈေးပြိုင်ပေးပြီး လေလံဆွဲဝယ်ယူကြဖို့ စိတ်ကူးကိုယ်စီ ရှိနေခဲ့ကြပါတယ်။ ဒီနေ့မှာတော့ သူတို့ရဲ့ စိတ်ကူးအိပ်မက်တွေ ပြည့်ဝအောင် အကောင်အထည် ဖော်နိုင်ကြတော့မှာပါ။ ခန်းမထဲမှာရောက်ရှိနေကြသော လေလံပွဲကို တက်ရောက်လာကြသူတိုင်း သူဌေးကြီးရဲ့ ပန်းချီကား အကြောင်းတွေကိုသာ စိတ်ဝင်စားစွာ ပြောဆိုနေခဲ့ကြပါတယ်။
လေလံပွဲ စချိန်မှာတော့ အစီအစဉ်ကျင်းပတဲ့သူက ပထမဦးစွာ ပန်းချီကားတစ်ချပ်ကို ယူလာပါတယ်။ လေလံပွဲကို ရောက်လာကြတဲ့သူတွေ တစ်ဦးကမှ အဲဒီပန်းချီကားကို မမြင်ဖူးကြသလို၊ ပန်းချီကားဟာလည်း နာမည်ကျော် ပန်းချီဆရာတစ်ဦးဦးက ရေးဆွဲထားတဲ့ ပန်းချီကား မဟုတ်ဘူးဆိုတာ သိကြပါတယ်။ ပြိုင်ပွဲကျင်းပသူက ထိုပန်းချီကားဟာ သူဌေးကြီးသားရဲ့ ပုံတူပန်းချီကားဖြစ်ကြောင်း လေလံပွဲကို ၄င်းပန်းချီကားနဲ့ စပြီး ဖွင့်လှစ်မှာဖြစ်ကြောင်း ကြေငြာပါတယ်။ ကြော်ငြာပြီးတာနဲ့ လေလံပွဲ ကြွရောက်လာသူများထဲမှ စတင်ပြီး ဈေးဖွင့်လှစ်ပေးဖို့ ကမ်းလှမ်းပါတယ်။ သို့သော်လည်း ခန်းမကြီးတစ်ခုလုံး ဘယ်သူကမှ ဈေးမဖွင့်ကြဘဲ တိတ်ဆိတ် ငြိမ်သက်လို့ နေကြပါတယ်။

Image Hosted by PicturePush - Photo Sharing
အချိန်အတန်ကြာတဲ့အထိ ဘယ်သူကမှ ဈေးဖွင့်ခြင်းမရှိတာနဲ့ အစီအစဉ်ကျင်းပသူက စတင် ကြေငြာပါတယ်။  
“ဒီပန်းချီကားကို ဒေါ်လာတစ်ရာနဲ့ ကြမ်းခင်းဈေး သတ်မှတ်ပါတယ်။ ဘယ်သူက ဒီဈေးကို စပြီးပေးပါမလဲခင်ဗျာ”  

ထိုပန်းချီကားကို ဘယ်သူကမှလည်း ဒေါ်လာတစ်ရာတန်တယ်လို့ မထင်ကြတဲ့အတွက် တစ်ဦးတစ်ယောက်ဆီကမှ အသံထွက်မလာခဲ့ပါ။
ထိုစဉ်မှာ ထောင့်တစ်နေရာကနေ အသံထွက်လာပါတယ်။ “ဘယ်သူက သူ့သားရဲ့ ပုံတူကို စိတ်ဝင်စားမှာလဲ။ အဲဒီ ပန်းချီကားကြီးကို ထားလိုက်စမ်းပါ။ အဖိုးတန်တဲ့အချိန်တွေ အလကားဖြစ်တယ်။ တစ်ခြား နာမည်ကျော် ပန်းချီဆရာကြီးတွေရဲ့ ပန်းချီကားကို လေလံစဖွင့်ပါ။” လို့ အော်လိုက်တဲ့အသံ ဖြစ်ပါတယ်။ အဲဒီလူရဲ့ စကားသံဆုံးတာနဲ့ အခြားသော လူအသီးသီးတွေဆီကလည်း သူ့လေသံအတိုင်း အဲဒီပန်းချီကားကို ထားလိုက်ဖို့ အသံတွေ ကြွက်စီကြွက်စီ ထွက်လာပါတော့တယ်။ ဘယ်သူကမှ သူဌေးကြီးသားရဲ့ ပုံတူကို စိတ်ဝင်စားပုံမရသလို၊ ဝယ်ကြမဲ့ပုံလည်း မရပါဘူး။ သို့သော်လည်း လေလံကျင်းပသူက အခိုင်အမာပြောပါတယ်။ “ ဝမ်းနည်း ပါတယ်ခင်ဗျာ၊ ကျွန်တော်တို့မှာ ဒီပန်းချီကားကို အရင်ဆုံးရောင်းရမဲ့တာဝန် ရှိပါတယ်။ ဒါကြောင့် ဒီပန်းချီ ကားကိုသာ အရင်ဆုံး လေလံဆွဲကြဖို့ အသိပေးလိုပါတယ်ခင်ဗျာ”
အရင်ကအတိုင်းပါဘဲ .. ဘယ်သူ့ဆီကမှ အသံထွက်မလာခဲ့ပါဘူး။ နောက်ဆုံးမှာတော့ လေလံပွဲကို ပွဲကြည့်ပရိတ်သတ်အဖြစ်သာ ရောက်လာတဲ့ အဖိုးအိုတစ်ဦးက

 “ ကျုပ်မှာ ဒေါ်လာတစ်ဆယ် ရှိပါတယ်။ ဒီပန်းချီကားကို ၁၀ဒေါ်လာနဲ့ ရောင်းမယ်ဆိုရင် ကျုပ်ဝယ်ပါ့မယ်၊ ကျုပ်မှာလဲ ဒီထက်ပိုပြီး မရှိတော့လို့ပါ။ ”  ဆိုတဲ့စကားသံ ထွက်လာပါတယ်။
“တစ်ယောက်ယောက်က ဒေါ်လာတစ်ဆယ်ထက် ပိုပေးနိုင်ပါသေးလား ” လေလံပွဲကျင်းပသူက အသံမြှင့်ပြီး အော်လိုက်ပါတယ်။ သို့သော် မည်သည့်အသံမှ ထွက်မလာပါ။ သူ သုံးကြိမ် သုံးခါ အော်မေးပါတယ်။ အသံထွက်မလာပါ။
လေလံပွဲကျင်းပသူက စပြီး အမှတ်စဉ် ရေတွက်ပါပြီ…
“၁…….       ၂……..    ၃……… ”
“အမှတ်စဉ် သုံးထိ ရေတွက်ပြီးပေမဲ့ ဒေါ်လာတစ်ဆယ်ထက် ဘယ်သူကမှ ပိုပေးနိုင်သူ ထွက်မလာတော့တဲ့အတွက် ဒီပန်းချီကားကို ဒေါ်လာတစ်ဆယ်ပေးတဲ့ အဖိုးက ပိုင်သွားပါပြီခင်ဗျား”

အားလုံးဆီက လက်ခုပ်သြဘာသံတွေ ထွက်လာပါတယ်။ တကယ်တမ်း သူတို့လက်ခုပ်တီးတာက ဒီပန်းချီကားကြီး ရောင်းထွက်သွားတဲ့အတွက် နောက်လေလံပွဲ မြန်မြန်ကျင်းပတော့မှာမို့ ဝမ်းသာတဲ့အတွက် တီးကြတဲ့ လက်ခုပ်သံတွေ ဖြစ်ပါတယ်။
“ကဲ.. အခု နာမည်ကျော်ပန်းချီကားတွေ စပြီး လေလံတင်တော့ဟေ့၊ စောင့်ရတာကြာနေပြီ” တစ်စုံတစ်ယောက်က အသံကျယ်ကြီးနဲ့ အော်လိုက်ပါတယ်။ ကျန်တဲ့သူတွေကလည်း လေလံပွဲ မြန်မြန်စဖို့ လိုက်အော်ကြပါတယ်

လေလံပွဲကျင်းပသူက ဧည့်ခန်းထဲမှာ ရှိနေတဲ့ ပရိတ်သတ်တွေကို တည်ငြိမ်စွာကြည့်လိုက်ပြီးတဲ့နောက် “ လေလံပွဲ ပြီးဆုံးပါပြီခင်ဗျား” လို့ ကြေငြာလိုက်ချိန်မှာတော့ အံ့သြနေတဲ့  ပရိတ်သတ်အတွင်းက မကျေမနပ် ဆူပူသံများ ထွက်လာပေါတော့တယ်။ “ ဘာပြောတယ်ကွ… ငါတို့ဒီလေလံပွဲကိုလာတာ ဘာမဟုတ်တဲ့ လူတစ်ယောက်ရဲ့ ပန်းချီကားကို လေလံဆွဲဖို့မဟုတ်ဘူး. တစ်ခြား ပန်းချီကားတွေ ဘယ်မလဲကွ၊ အဲဒါတွေကို လေလံမတင်တော့ဘူးလား၊ မင်းတို့ဒီလိုလုပ်လို့ရမလား” စသဖြင့် တစ်ယောက်တစ်ပေါက် အော်ဟစ်သံများက ခန်းမကြီးတစ်ခုလုံး ဖုံးလွှမ်းသွားပါတယ်။

လေလံပွဲကျင်းပသူက အောင်မြင်ခန့်ညားတဲ့ အသံနဲ့ “အားလုံးမျှော်လင့်နေတဲ့ ဒေါ်လာများစွာ တန်ဖိုးရှိတဲ့ ပန်းချီကားတွေက ဒီမှာဘဲ ရှိပါတယ်ခင်ဗျာ၊ ခင်ဗျားတို့ကို ကျွန်တော်ရှင်းပြပါ့မယ်။ ရိုးရိုးလေးပါဘဲဗျာ. သားကို သိပ်ချစ်တဲ့ ဖခင်တစ်ယောက်ရဲ့ သေတမ်းစာအရ သူ့သားရဲ့ ပန်းချီကားကို တန်ဖိုးထားပြီး ဝယ်ယူတဲ့သူဟာ ဟောဒီက အဖိုးတန် ပန်းချီကားတွေကိုလည်း အလိုလို ပိုင်ဆိုင်ခွင့်ရသွားပြီ ဖြစ်ပါတယ်” လို့ ကြေငြာလိုက်ပါတယ်။
အဲဒီနေ့က လေလံပွဲကို တက်ရောက်ကြသူတွေအားလုံးဟာ ဒီလေလံပွဲမှာ တူညီစွာ ရှာဖွေတွေ့ရှိလိုက်ရတာက စစ်ပွဲမှာ အခြားသူတွေရဲ့ အသက်ကိုကယ်တင်ရင်း သူရဲကောင်းပီသစွာ ကျဆုံးသွားသော သားတစ်ယောက်အပေါ် ထားရှိတဲ့ ဖခင်တစ်ယောက်ရဲ့ တန်ဖိုးထားခြင်း၊ ချစ်ခြင်းမေတ္တာကြီးမားခြင်းတို့ပဲ ဖြစ်ပါတော့တယ်။   


The Devoted Son ( Author Unknown) ကို ဆီလျှော်အောင် ဘာသာပြန်ပါသည်။




Image Hosted by PicturePush - Photo Sharing