တံတားကိုဖြတ်သွားတဲ့ မြီးရှည်..

ဒီတစ်ပတ်မှာ မိတ်ဆွေ သူငယ်ချင်းတို့ကို မိတ်ဆက်ပေးမဲ့ စားသောက်စရာတစ်မျိုးက တံတားကို ဖြတ်သွားတဲ့ မြီးရှည်တစ်မျိုးနဲ့ မိတ်ဆက်ပေးမှာပါနော်။ တံတားကိုဖြတ်သွားတဲ့ မြီးရှည်ဆိုလို့ မချောတစ်ယောက် ဘယ်နားက တံတားကိုဖြတ်ပြီး မြီးရှည်သွားစားပါလိမ့်လို့ မထင်ပါနဲ့ဦး။ မြီးရှည်နာမည်ကိုက တံတားကိုဖြတ်သွားတဲ့ မြီးရှည်ပါတဲ့ရှင်။ ခရီးသွားလာရင်း စားခဲ့မိတဲ့ မြီးရှည်ဖြစ်ပြီး ယူနန်ပြည်နယ်ဘက်မှာ နှစ်သက်စွာ စားကြတဲ့ မြီးရှည်တစ်မျိုး ဖြစ်ပါတယ်။ ယူနန်ပြည်နယ်ကို ရောက်လာတဲ့ ခရီးသွားဧည့်သည်တိုင်း နာမည်ကျော် တံတားကိုဖြတ်သွားတဲ့ မြီးရှည်ကို စားသောက်ကြတယ်လို့ ဆိုပါတယ်။ ဘာကြောင့်များ တံတားကိုဖြတ်သွားပြီးမှ မြီးရှည်ကို စားရတာလဲဆိုတော့ ဒီနာမည်ဖြစ်ပေါ်လာပုံကိုက ရာဇဝင်ရှိတယ်လို့ သိရပါတယ်။

 

တရုတ်လို  Guo qiao mi xian (ကော့ချောင်မီးရှန်) လို့ ခေါ်ပြီး မြန်မာလို တိုက်ရိုက်ဘာသာပြန်တဲ့အခါ တံတားကိုဖြတ်သွားတဲ့ မြီးရှည်လို့ အဓိပ္ပါယ်ရကြောင်း မြီးရှည်လိုက်ကျွေးတဲ့ တရုတ်မလေးက ရှင်းပြပါတယ်။ နိုင်ငံခြားသားများကပါ Crossing the Bridge noodles လို့ ခေါ်ဆိုကြတဲ့ ဒီမြီးရှည်ဖြစ်ပေါ်လာပုံရဲ့ ရာဇဝင်ကတော့ ဒီလိုပါ။ လွန်ခဲ့တဲ့ နှစ်ပေါင်း တစ်ရာကျော်ခန့်က မန်စီခရိုင်မှာ နေထိုင်တဲ့ လူငယ်လေးတစ်ယောက်ဟာ နေပြည်တော်မှာ အမှုထမ်းဖို့အတွက် စာမေးပွဲဖြေဖို့ရန် စာတွေ ကျက်မှတ်နေရပါတယ်တဲ့။ သူဟာ လူသူကင်းဝေးတဲ့ အေးချမ်းဆိတ်ငြိမ်ရာအရပ်မှာ  စာတွေကြိုးစားပန်းစား လေ့လာချင်တဲ့အတွက် သူတို့နေထိုင်ရာ မြို့ကလေးမှာရှိတဲ့ နန်ဟူရေကန်ကြီးရဲ့ အလယ်က ကျွန်းတစ်ကျွန်းကို သွားပြီး နေ့စဉ်နေ့တိုင်း စာကျက်လေ့ရှိပါတယ်။  

 

အစာစားဖို့ အချိန်ရောက်တဲ့အခါမှာတော့ သူ့ အမျိုးသမီးလေးက ရွာထဲကနေ ရေကန်လယ်က ကျွန်းကလေးဆီ တံတားကိုဖြတ်ကာ  စားစရာတွေ ယူလာပြီး စာကျက်နေတဲ့ လူငယ်ကို ကျွေးမွေးပါတယ်။ ဒါပေမဲ့ လူငယ်စာကျက်နေတဲ့ ရေကန်လယ်က ကျွန်းကလေးကို ရောက်ချိန်မှာတော့ ရွာထဲကနေ ချက်ပြုတ်ယူဆောင်လာတဲ့ စားစရာတွေဟာ အေးစက်ကုန်ပါတော့တယ်။ သူ့ကောင်လေး အစားအသောက် အေးစက်စက်တွေ စားနေရတာမြင်တော့ မိန်းခလေးက စိတ်မကောင်းဖြစ်ပြီး ဒီအစားအစာတွေ အေးမသွားဘဲ ပူပူနွေးနွေး ဘယ်လိုကျွေးနိုင်ရင်ကောင်းမလဲလို့ အမြဲတမ်းစဉ်းစား အကြံထုတ်နေခဲ့ပါတယ်။

 

တစ်နေ့မှာတော့ မိန်းခလေးဟာ ကြက်သားဆွပ်ပြုတ်ချက်နေရင်း ဆွပ်ပြုတ်ရဲ့အပေါ်ယံမှာ ခပ်ပါးပါးလေးဖုံးနေတဲ့ အဆီတစ်လွှာကိုတွေ့ရပြီး အဲဒီအဆီလွှာဟာ ဟင်းရည်ကို မြန်မြန်အေးမသွားစေဘဲ ခပ်ကြာကြာလေး ပူနွေးစေတာကို သတိထားလိုက်မိပါတယ်။ အဲဒီနောက် ဟင်းရည်ထဲကို အခြားသော အသားနဲ့ ငါးများ ခပ်ပါးပါးလှီးထားတာကို အမြန်ထည့်ပြီး စားကြည့်တဲ့အခါမှာ အလွန်ကောင်းမွန်တဲ့ အရသာကို ရရှိလိုက်ရပါတယ်။  အဲဒီနေ့ကစလို့ မိန်းခလေးဟာ အသားပြုတ်ထားတဲ့ အပေါ်ဆီဝေ့နေတဲ့ ဆွတ်ပြုတ်အရည် ကို မြေအိုးလေးနဲ့ထည့်ကာ ခပ်ပါးပါးလှီးထားတဲ့ အသားတွေရယ်၊ မြီးရှည်ခေါက်ဆွဲဖတ်တွေရယ်ကို ရေကန်အလယ်က ကျွန်းကလေးဆီ တံတားကိုဖြတ်ပြီး ကြိုးစားပြီး စာတွေလေ့လာနေတဲ့ သူ့ကောင်လေးဆီကို နေ့တိုင်း သွားပို့ပါတော့တယ်။  

 

ဟိုရောက်လို့ မြေအိုးကို အဖုံးဖွင့်လိုက်ပြီး ပူနွေးနေတဲ့ ဟင်းရည်ထဲကို အသားရယ်၊ မြီးရှည်ဖတ်ရည် ထည့်ပြီး မြီးရှည်ပူနွေးနွေးကို သူ့ကောင်လေးကို ကျွေးနိုင်ခဲ့ပါတယ်။ တံတားကိုကျော်ဖြတ်ပြီး မြီှးရှည်ခေါက်ဆွဲကို နေ့တိုင်းပို့ရတာကြောင့် အဲဒီမြီးရှည်ဟာလည်း တံတားကိုဖြတ်သွားတဲ့ မြီးရှည်ရယ်လို့ အမည်တွင်ခဲ့တယ်လို့ စိတ်ဝင်စားဖွယ် ရာဇဝင်ဇာတ်လမ်းလေး ရှိခဲ့တဲ့ အစားအစာဖြစ်ပါတယ်။ သို့သော်လည်း တံတားကိုဖြတ်သွားတဲ့ မြီးရှည်ဖြစ်ပေါ်လာပုံနဲ့ ပတ်သက်ပြီး အခြားသော အငြင်းပွားဖွယ်  ဆင်တူ ဇာတ်လမ်းလေးတွေလည်း ရှိနေပါသေးတယ်။

 

စာပေလေ့လာနေတဲ့ မင်းမှုထမ်းတစ်ယောက် တံတားရဲ့ အခြားတစ်ဖက်က ဆိုင်တစ်ဆိုင်မှာ သူ့အမျိုးသမီးကို စားစရာ သွားဝယ်ခိုင်းတဲ့အခါ သူ့အမျိုးသမီးဝယ်လာတဲ့ ခေါက်ဆွဲကို နာမည်မေးတဲ့အခါ အမျိုးသမီးလေးက တံတားကိုဖြတ်ပြီးသွားဝယ်တာကို စဉ်းစားမိပြီး တံတားကိုဖြတ်သွားတဲ့ မြီးရှည်လို့ ဖြေလိုက်တာကြောင့် ဒီနာမည်ဖြစ်လာရတယ်လို့လည်း ဆိုကြပြန်ပါသေးတယ်။ နောက်ထပ် ဇာတ်လမ်းတစ်ခုကလည်း တံတားရဲ့ တစ်ဖက်မှာ ရှိနေတဲ့ အမျိုးသားဖြစ်သူထံ စားသောက်ဖွယ်ရာ လာပို့တဲ့ မိန်းခလေးဟာ စားစရာတွေကို ခြင်းတစ်ခုနဲ့ ထည့်လာရင်း သူယူလာတဲ့ အသားတွေဟာ မတော်တဆဟင်းရည်အိုးထဲ ကျသွားခဲ့တယ်လို့ဆိုပါတယ်။ အဲဒီအိုးထဲက အရည်ကို စားကြည့်တဲ့အခါမှာ အလွန်မှ အရသာထူးခြား လှတာကြောင့် တံတားကိုဖြတ်ပြီး ယူလာရတဲ့ ဒီဟင်းရည်ကို တရုတ်လို  Guo qiao mi xian ရယ်လို့ အမည်တွင်လာတယ်လို့လည်း ဆိုကြပြန်ပါတယ်။


လွန်ခဲ့တဲ့ နှစ်ပေါင်းတစ်ရာကျော်လောက်က စခဲ့တဲ့ မြီးရှည်ဇာတ်လမ်းဟာ ခုခေတ်မှာတော့ ဒေသခံတွေရော၊ နိုင်ငံခြားသားတွေပါ နှစ်သက်စွာ စားသုံးလာကြတာကြောင့် ယူနန်ပြည်နယ်တစ်ဝိုက်မှာတော့ Crossing the Bridge noodles  ခေါ် Guo qiao mi xian  ခေါ် တံတားကို ဖြတ်သွားတဲ့ မြီးရှည်ဟာ ထင်ရှားတဲ့ စားသောက်ဖွယ်ရာ တစ်မျိုး ဖြစ်နေခဲ့ပါပြီ။ Guo qiao mi xian ဟာ ချက်နည်း အလွန်လွယ်ကူတာကြောင့် ဝါသနာပါသူများအတွက် အိမ်မှာလည်း လုပ်စားဖို့ အဆင်ပြေနိုင်ပါတယ်. အဲဒီမြီးရှည်ဟာ ဘယ်လိုမျိုးလဲဆိုရင်



Image Hosted by PicturePush - Photo Sharing

Image Hosted by PicturePush - Photo Sharing




 

မြေအိုးတစ်လုံးထဲကို အရသာအပြည့်အဝပါဝင်တဲ့ ကြက်သား သို့မဟုတ် ဝက်သားပြုတ်ရည် ပူပူနွေးနွေးထည့်လာပါတယ်။ အပေါ်မှာတော့ ကြွေပန်းကန်ပြားတစ်ချပ်ကို ဖုံးအုပ်ထားပါတယ်။ အဲဒါပန်းကန်ပြားပေါ်မှာ ခပ်ပါးပါးလှီးထားတဲ့ ငါး၊ ဝက်သား၊ ကြက်သားပြား၊ ပဲပြား၊ ပဲပင်ပေါက်၊ ကျို့ဆိုင်၊ ကြက်သွန်မြိတ် တို့ပါဝင်ပါတယ်။ ဘေးက ပန်းကန်ထဲမှာတော့ ငုံးဥ အစိမ်းပါရှိပြီး မြီးရှည်ပြုတ်ပြီးသား တစ်ခွက်ပါပါတယ်။ ဒါက ကော့ချောင်မြီးရှည်ဆိုင်တစ်ဆိုင်ရဲ့ လက်ရာပါ။ တစ်ဆိုင်နဲ့တစ်ဆိုင် မြီးရှည်ထဲကို ထည့်ချက်တဲ့ အဆာပလာ အနည်းငယ်စီ ကွဲပြားကြပါတယ်။




Image Hosted by PicturePush - Photo Sharing



နောက်ဆိုင်တစ်ခုမှာတော့ ဝက်သား၊ငါး ပါးပါးလှီးထားတာအပြင် ကြက်သားပြုတ်ပြီးသားပါ ပါပါတယ်။ ပြီးတော့ မှို၊ ပဲပြား၊ ပဲပင်ပေါက်၊ ကျို့ဆိုင်၊ ကြက်သွန်မြိတ်၊ ငုံးဥအပြင် ဝက်စအုကြော်ပါ ပါဝင်ပါတယ်။



Image Hosted by PicturePush - Photo Sharing


အပေါ်က ပန်းကန်အသေးလေးနဲ့ နီညိုရောင်လေးက မြီးရှည်နဲ့ တွဲစားကြတဲ့ ငုံးကြော်ဖြစ်ပါတယ်။



Image Hosted by PicturePush - Photo Sharing



ဒီမယ်လေ ငုံးကြော်.. အနောက်က ပန်းကန်နှစ်ချပ်ထဲက မြီးရှည်နဲ့စားဖို့ ဂေါ်ဖီအချဉ်သုပ်နဲ့ မုန်ညင်းချဉ်ဖြစ်ပါတယ်။




Image Hosted by PicturePush - Photo Sharing


အချဉ် ပန်းကန် ၂ချပ်က လွဲလို့  ဝက်စအုကြော်အပါအဝင် အားလုံးကို မြေအိုးထဲက ပူနေတဲ့ အသားပြုတ်ရည်ထဲကို ရောထည့်လိုက်မှာဖြစ်ပါတယ်။



Image Hosted by PicturePush - Photo Sharing


အားလုံးရောထည့်လိုက်ပါပြီ။



Image Hosted by PicturePush - Photo Sharing



ပြီးရင် ခုလို ပန်းကန်ပြားနဲ့ ပြန်ဖုံးထားလိုက်ပါတယ်။ အချိန် ၅မိနစ်ခန့်သာ ထားရင်ရပါပြီ။ 




Image Hosted by PicturePush - Photo Sharing


ထို့နောက်မှာတော့ ခုလို ခွက်ကလေးတွေထဲ ခူးခပ်ထည့်ကာ စားနိုင်ပါပြီ။ တစ်ယောက်တည်း ကုန်နိုင်ပါကလည်း မြေအိုးထဲ နှိုက်စားလို့ ရပါတယ်။


Image Hosted by PicturePush - Photo Sharing


အချို့ဆိုင်တွေကတော့ အပေါ်ကလို အပူခံစတီးခွက် ချပေးတာရှိသလို ခုလို မြေခွက်ချပေးတဲ့ဆိုင်လည်း ရှိပါတယ်။ ဘယ်လိုပင်ဖြစ်စေ ပူပူနွေးနွေး မြီးရှည်လေးကတော့ စားနေကျ အရသာတွေနဲ့ မတူ တမူထူးခြားပြီး စားလို့ကောင်းနေခဲ့ပါတယ်။ အစပ်အရသာ မဟုတ်တာကြောင့်လည်း နလန်ထ လူမမာများနဲ့ပါ သင့်တော်မယ်လို့ ယူဆမိပါတယ်။ 




မတူကွဲပြားတဲ့ နေရာဒေသက စားသောက်ဖွယ်ရာအကြောင်း ဗဟုသုတအဖြစ် ပြန်လည်မျှဝေခြင်းဖြစ်ပါတယ်။




ပျော်ရွှင်ငြိမ်းချမ်း စိတ်ရွှင်လန်းကြပါစေရှင်..




Image Hosted by PicturePush - Photo Sharing

 

မြေပေါ်မြေအောက် ရတနာများ


“အောင်မော်.. မင်း အောင်မော်မဟုတ်လား”

သူ့နာမည်ကို ခေါ်သံကြားသဖြင့် ပန်းဆိုးတန်းလမ်းပေါ်ရှိ စာအုပ်ဆိုင်တစ်ဆိုင်တွင် စာအုပ်များ မွှေနှောက်နေသော ကိုအောင်မော် ခေါ်သံထွက်လာရာသို့လှည့်ကြည့်လိုက်သည်။

“ဟာ ကျော်စွာ.. မင်း.. ကျော်စွာမဟုတ်လား။ တွေ့ရတာ ဝမ်းသာလိုက်တာကွာ.. ရန်ကုန်လာသာလာပေမဲ့ မင်းနဲ့ တွေ့မယ်တောင် မထင်ဘူး။   မင်းကို စင်္ကာပူမှာဘဲလို့ ထင်နေတာ။ ပြန်ရောက်နေတာကိုး။ မင်း ဝလာလိုက်တာကွာ… မှတ်တောင် မမှတ်မိတော့ဘူး”
“အောင်မာ ဟေ့ကောင် မင်းကရော ဘယ်လောက်များ ပိန်နေလို့တုန်း။ မတွေ့တဲ့ နှစ်၂၀အတွင်းမှာ မင်းလဲ ပြောင်းလဲတာပါဘဲ။ ”

သူ့ဗိုက်ကို လက်သီးဖွဖွထိုးပြီး ကျော်စွာက ပြောလိုက်တော့ နှစ်ယောက်သား ရယ်မောကြရင်း တစ်ယောက်ပုခုံး တစ်ယောက် ဖက်လိုက်ကြသည်။ “အောင်မော် မင်းအခု ဖားကန့်မှာဘဲလား ၊ ဒါမှမဟုတ် ရန်ကုန်ပြောင်းလာတာလား”

“ငါလား ဖားကန့်မှာဘဲပေါ့။ ခုချိန်ထိ ကျောင်းဆရာဘဲ လုပ်နေတယ်လေ။ ရန်ကုန်ကို ကိစ္စနဲ့ ခဏလာတာပါကွာ။ အမြဲတမ်း နေပါဆိုရင်တောင် မင်းတို့ရန်ကုန်မှာ မနေနိုင်ပါဘူး။ ပြီးတော့ ငါ့အဖေနဲ့ အမေအကြောင်းလဲ မင်းအသိဘဲ သူတို့က ကိုယ့်ဇာတိက လွဲလို့ တစ်ခြားမှာ နေဖို့ဆိုတာ ဘယ်လိုမှ လက်မခံတဲ့သူတွေလေ၊ ငါလည်း အဖေနဲ့အမေတို့နဲ့အတူတူ ဟိုမှာပဲ ကလေးတွေကို စာသင်ရင်း နေနေတာပါဘဲ။ မင်းကရော စင်္ကာပူမှာ အလုပ်လုပ်နေတယ်ဆို။ အခု ရန်ကုန်ပြန်ရောက်နေတာလား ။ အိမ်ထောင်ရော ကျပြီးပြီ လား၊ ”

“ငါစင်္ကာပူက ပြန်ရောက်တာ သိပ်တော့မကြာသေးဘူးကွ။ မိတ်ဆွေတွေနဲ့ စီးပွားရေးစပ်တူလုပ်ဖို့ဆိုပြီး ပြန်လာတာ။ ဟိုမှာနေတုန်းက အလုပ်ကိုဘဲ ဦးစားပေးပြီးလုပ်နေတာနဲ့ အိမ်ထောင်ပြုဖို့ကို မစဉ်းစားဖြစ်ဘူးကွာ။ ခုတော့လည်း   လွတ်လွတ်လပ်လပ်ဘဲ နေလာတာကြာတော့ ဒီလိုဘဲ နေချင်တော့တယ် ။ ငါအခု နိုင်ငံခြားကို ပဲတွေပို့နေတယ်လေ။ အလုပ်က စတာတော့ သိပ်မကြာသေးပါဘူး။ အခုကတော့ ပဲပေါ်ချိန်မဟုတ်တော့ နည်းနည်းတော့ အလုပ်ပါးတယ်ကွ။ ဒါပေမဲ့ ရာသီချိန်ဆိုရင်တော့ အတော်အလုပ်ဖြစ်သားကွ။  ”


“မင်းကလည်းကွာ ရွာကထွက်သွားကတည်းက တစ်ခါမှကို ပြန်မလာတော့ဘူးနော်။ ဒီလောက်တောင် စီးပွားရေးနောက်ပဲ လိုက်နေသလားကွာ။ ပြောင်းလဲနေတဲ့ ငါတို့ ဖားကန့်ရဲ့ အခြေအနေတွေ လာကြည့်ပါဦးလားကွ”

“အင်း အနှစ်၂၀တောင်ကြာပြီဆိုတော့ အစစအရာရာ ပြောင်းလဲကုန်ပြီထင်တယ်။ ဘယ်လိုတုန်းကွ ငါတို့ဖားကန့်က အရင် အနှစ်၂၀ထက် အများကြီး တိုးတက်ကုန်ပြီလား”

ကိုကျော်စွာအမေးကို ကိုအောင်မော် ပြန်မဖြေဘဲ ခပ်မဲ့မဲ့တစ်ချက်ပြုံးလိုက်ကာ “မင်းသိချင်တာတွေ ငါပြောပြမယ်လေ.. အေးဆေး စကားပြောရအောင်” ဟူ၍သာ ပြောလိုက်သည်။

ထို့နောက် သူတို့နှစ်ယောက စာအုပ်ဆိုင်မှ ထွက်လာကြပြီး  ပန်းဆိုးတန်းလမ်းပေါ်ရှိ လ္ဘက်ရည်ဆိုင်တစ်ဆိုင်တွင် ဝင်ကာ လ္ဘက်ရည်သောက်ရင်း စကားပြောကြတော့သည်။


သူတို့နှစ်ဦးသည် ကချင်ပြည်နယ်ရှိ ကျောက်စိမ်းထွက်ရာ ဖားကန့်မြို့နယ်က ရွာလေးတစ်ရွာတွင် မွေးဖွားခဲ့ကြကာ တက္ကသိုလ်အတူတူ တက်ခဲ့ကြသူသော တစ်ရွာတည်းသားများ ဖြစ်သည်။ ငယ်စဉ်ကတည်းက ကျောင်းအတူတက်ခဲ့ကြပြီး ထိုစဉ်တုန်းကတော့ စိတ်တူသဘောတူ ချစ်ခင်ရင်းနှီးခဲ့ကြသည်။ ကျောင်းပြီးသွားချိန်တွင် ကိုအောင်မော်က သူ၏ဇာတိ ဖားကန့်တွင် ကျောင်းဆရာ ပြန်လုပ်နေခဲ့သော်လည်း  ကျော်စွာတို့တစ်မိသားစုလုံးကတော့ ရန်ကုန်သို့ ပြောင်းရွေ့သွားခဲ့ပြီး ကိုကျော်စွာမှာ စင်္ကာပူတွင် အလုပ်လုပ်ဖို့ ထွက်သွားသည်ဟု ကြားလိုက်ရသည်က နောက်ဆုံးဖြစ်သည်။ ထိုစဉ်ကတည်းက ပြန်လည် မဆုံဖြစ်ကြတော့သည်မှာ အနှစ်၂၀မျှ ရှိခဲ့လေပြီ။ အခုတော့ ကိစ္စတစ်ခုနှင့် ကိုအောင်မော် ရန်ကုန်အလာ မမျှော်လင့်ဘဲ ပန်းဆိုးတန်းလမ်းပေါ်တွင် ဆုံမိကြလေသည်။ အနှစ် ၂၀အတွင်း အနည်းငယ် ဝဖြိုးလာသည်မှ အပ သူတို့ရုပ်များမှာ သိပ်ပြောင်းလဲခြင်း မရှိပေ။ ပြီးတော့လည်း ငယ်စဉ် တောက်လျှောက် အတူတူ နေခဲ့၍လည်း မတွေ့သည့်အနှစ် ၂၀ကျော်ကြာသည့်တိုင် မှတ်မိနေကြခြင်း ဖြစ်လေသည်။
နှစ်ယောက်သား လက်ရှိအခြေအနေအကြောင်း၊ ရှေးဟောင်းနှောင်းဖြစ် အကြောင်းများပြောရင်း စကားကောင်းနေကြသည်။ ထိုစဉ် လ္ဘက်ရည်ဆိုင်ထဲသို့ ဂျာနယ်ရောင်းသော ကောင်ကလေးတစ်ယောက် ဝင်လာရာ  ဂျာနယ်ဖတ်ချင်သဖြင့် သူက လှမ်းခေါ်လိုက်သည်။ ကောင်လေးလက်တွင် ပွေ့လာသော ဂျာနယ်များမှ သူစိတ်ဝင်စားမည့် သတင်းများ အကြောင်းအရာများ ပါသည့် စာစောင်ကို ရွေးချယ်နေရာ Eleven ဂျာနယ်တွင်ပါသည့် သတင်းတစ်ပုဒ်ကို တွေ့လိုက်ပြီး ထိုစာစောင်ကို ဝယ်ယူလိုက်လေသည်။

“အင်း ငါတို့ဖားကန့်မှာ လက်ရှိလုပ်နေတဲ့ ကျောက်စိမ်းလုပ်ကွက်တွေ လျှော့တော့မယ်ဆိုပါလား ဒီသတင်းမှန်လို့ကတော့ ဝမ်းသာစရာသတင်းဘဲ” ဟု ပြောလိုက်လေသည်။

“ဘယ်လို… လုပ်ကွက်တွေ လျှော့တာဝမ်းသာတယ် ဟုတ်လား… မင်း ရူးများနေလားကွာ၊ လုပ်ကွက်တွေ များရင် ကျောက်စိမ်းများများ ထုတ်နိုင်မယ်။  တိုင်းပြည်ရဲ့ နိုင်ငံခြားငွေလည်း အများကြီးရမယ်. ပြီးတော့ အဲဒီ ကျောက်စိမ်းတွင်းတွေမှာ မှီပြီး အလုပ်လုပ်တဲ့သူတွေလည်း ဝင်ငွေကောင်းမယ်၊ ပြီးတော့ ဒေသခံတွေလည်း စီးပွားရှာလို့ ပိုကောင်းတယ် ၊ မြို့ရွာလည်း ပိုပြီး တိုးတက်လာမယ် မဟုတ်လား၊ ဟိုတလောက ငါဖတ်လိုက်ရတဲ့ သတင်းတစ်ခုမှာ ကျောက်စိမ်းရောင်းချရငွေဟာ သဘာဝဓာတ်ငွေ့ကို ရောင်းချရငွေနဲ့ တန်းတူလောက်ကို ရှိလာပြီလို့ ဖတ်လိုက်ရတယ်။ ကျေက်စိမ်းထုတ်လုပ်မှုတွေ အဆမတန် တိုးတက်လာတယ်တဲ့။ ကျောက်စိမ်းရောင်းချရငွေကလည်း လွန်ခဲ့တဲ့ ၅နှစ်ကထက် ၆ဆလောက် ခုန်တက်သွားတယ် ဆိုတာလည်းပါတယ်။  ဒီလောက် ဝင်ငွေကောင်းတဲ့လုပ်ငန်းကို အခုလို လုပ်ကွက်တွေ လျှော့တယ်ဆိုတာ  မင်းက စိတ်မကောင်း ဖြစ်ရမဲ့အစား ဝမ်းသာတယ် ဆိုတော့ ငါတောင် နားမလည်နိုင်တော့ဘူးကွာ။ ” ဟု ကိုကျော်စွာ က အံ့သြစွာဖြင့် သူ့ကို ပြန်ပြောတော့သည်။

ကိုအောင်မော်က ကျော်စွာစကားကို ဆုံးအောင်နားထောင်ရင်း လ္ဘက်ရည်ခွက်ကို ကောက်ကိုင်ကာ တစ်ငုံသောက်လိုက်ပြီး “ အင်း...  မင်းကလည်း စီးပွားရေးသမားပီပီ ငွေရတာကိုဘဲ မြင်တာကိုးကွ။ ငွေရတာတစ်ခုတည်းကြည့်ပြီး ပြောမယ်ဆိုရင်တော့ ဟုတ်တာပေါ့ကွာ။ မင်းကို ငါ ဥပမာတစ်ခုပြောပြမယ်.. မင်းမိဘတွေဆီက ရွှေပိဿာချိန် ၁၀၀ အမွေရတယ် ဆိုပါတော့.”

သူစကား မဆုံးသေးခင်ပင် ကိုကျော်စွာက ဖြတ်ပြီးပြောလိုက်သည်။

“အလဲ့ တယ်မိုက်တဲ့ ဥပမာပါလား။ မင်းပြောတဲ့အတိုင်း ရွှေပိဿာချိန် ၁၀၀ အမွေရရင် ဘယ်လောက်ကောင်းမလဲ ဟဲဟဲဟဲ”
“စကားဖြတ်မပြောနဲ့ကွာ. ငါပြောတာ အရင်နားထောင်ဦး” ကိုအောင်မော် ပြောလိုက်သဖြင့် ကိုကျော်စွာက မျက်နှာပိုးသတ်လိုက်ပြီး သူပြောတာကို ဆက်နားထောင်သည်။

“အဲဒီလို ရွှေပိဿာ ၁၀၀ အမွေရတဲ့အခါမှာ အိုးတစ်လုံးထဲထည့်ထားပြီး မင်း ဘာအလုပ်မှမလုပ်ဘဲ ဒီရွှေတွေကိုဘဲ အိုးထဲကနေ နှိုက်သုံးနေမယ်ဆိုရင်  မင်းရဲ့ ရွှေပိဿာ၁၀၀ဟာ တစ်ချိန်ချိန်မှာ ကုန်မသွားနိုင်ဘူးလား၊ ဒီရွှေပိဿာ၁၀၀ ဆိုတာ သုံးမကုန်နိုင်တဲ့ ပမာဏမဟုတ်ဘူးလေကွာ အကန့်အသတ်ရှိတဲ့ ပမာဏတွေဘဲ၊ အိုးထဲမှာရှိနေပေမဲ့ တိုးပွားလာတဲ့ အမျိုးလည်း မဟုတ်ဘူးလေကွာ၊ မင်းများများ သုံးပစ်ရင် မြန်မြန်ကုန်မယ်။ နည်းနည်းချင်းသုံးရင် နည်းနည်းစီ ဖြေးဖြေးချင်းကုန်မယ်။ သေချာတာ တစ်ခုခုကတော့ ဒီအတိုင်းသာဆို တစ်နေ့နေ့မှာ သေချာပေါက် ဒီရွှေတွေ ကုန်သွားမယ် ငါပြောတာ ဟုတ်တယ် မဟုတ်လား၊ မင်း ဒါကို လက်ခံရဲ့လား ”

သူပြောတာကို ကိုကျော်စွာက တစ်ချက် စဉ်းစားဟန်နှင့် တိတ်ဆိတ်သွားပြီးနောက် “အင်း.. ဟုတ်ပြီ မင်းပြောတာ ငါလက်ခံတယ်။ ဒီတိုင်းသာဆက်သုံးနေရင် ကုန်သွားမှာ သေချာတယ် မင်းက ကျောင်းဆရာလို့ မပြောရဘူး စကားပြောတာ ဥပမာတွေ ဘာတွေနဲ့ အတော်ကွန့်တဲ့ကောင်၊ ကဲ ဒီဥပမာက မင်း ဘာကိုဆိုလိုချင်တာလဲ ဆက်ပြော”

“ဟကောင်ရ.. အဲဒီဥပမာက ငါတို့တိုင်းပြည်ကထွက်တဲ့ သဘာဝဓာတ်ငွေတွေ၊ ငါတို့ဖားကန့်ဒေသက ကျောက်စိမ်းတွေနဲ့ အတူတူဘဲလေ။ လွန်ခဲ့တဲ့ နှစ်သန်းပေါင်း များစွာကတည်းက ကမ္ဘာမြေကြီးရဲ့အောက်မှာ မြေကြီးရဲ့ အပူချိန်တွေ၊ ဖိနှိပ်အားတွေ၊ သဘာဝတရားရဲ့ ဆန်းကျယ်မှုနဲ့ ဖြစ်တည်လာတဲ့ ရတနာတွေ လေကွာ၊ အခုချက်ခြင်း ဖြစ်လာတဲ့ အရာတွေ မဟုတ်ဘူး။ တစ်နှစ် နှစ်နှစ်နဲ့လည်း မဖြစ်ဘူး၊ နှစ်ပေါင်း ရာနဲ့ချီပြီးကြာရင်လည်း ဖြစ်လာနိုင်တာမျိုးမဟုတ်ဘူး ။ အဲဒီ ရတနာတွေကို အတားအဆီးမရှိ ထုတ်လုပ်နေရင် အချိန်ခဏတာအတွင်းမှာ ကုန်သွားမယ်။ အဲဒီရတနာတွေက မင်းရွှေအိုးထဲက ရွှေတွေ ကုန်သလိုဘဲ ကုန်သွားမယ်။ အဲလို ကုန်သွားရင် မင်းဘာဆက်လုပ်မလဲ ပြော”


ကိုအောင်မော်က စကာကို ခဏရပ်လိုက်ကာ ရေနွေးတစ်ငုံကို သောက်လိုက်ပြီးမှ ဆက်ပြောသည်။ “ ပြီးတော့ မင်းဖားကန့်ကနေ ထွက်သွားပြီး အနှစ် ၂၀အတွင်းမှာ ဟိုမှာ ဘာတွေဖြစ်ကုန်ပြီလဲဆိုတာ မင်းမသိသေးဘူး၊ ကျောက်စိမ်းလုပ်ကွက်တွေ များလွန်းလို့ ဖားကန့်က တောင်တွေ၊ တောတွေ ကုန်သလောက် ရှိနေပြီ။ ငွေတစ်ခုတည်းကြည့်ပြီး တောတောင်အနှံ့တူးပစ်လိုက်ကြတာ ဖားကန့်နယ်မြေကြီး ဘယ်လို ပြောင်းလဲသွားတယ်ဆိုတာ မင်းမသိသေးဘူးနဲ့တူတယ်။ မင်းနဲ့ငါ ငယ်ငယ်က အမြဲတမ်းရေချိုးနေတဲ့ ဥရုချောင်းလဲ ဒူးခေါင်းလောက်သာ ရှိတော့တယ် ပြီးတော့ အရင်ကလို ကြည်လင်နေတယ်များ မထင်နဲ့။ ရွံ့နှစ်ရေတွေနဲ့ နောက်ကျိနေတာ။ ချောင်းထဲမှာ ကျောက်စိမ်းတွေ၊ ရွှေတွေရှာကြပြီး ချောင်းကို မြေလှန်ပစ်ကြတယ်ကွာ၊ ချောင်းထဲမှာ မြေစာတွေ ပုံနေတာ မင်းမှမမြင်ဘဲ။ ပြီးတာ့ ငါ့တစ်သက် မိုးဘယ်လောက်ရွာရွာ ရေနှစ်တယ်ဆိုတာ မရှိခဲ့တဲ့ ငါတို့ တစ်မြို့လုံးလည်း မိုးတွင်းရောက်တိုင်း ရေနစ်နေတာတွေ မင်းမကြားမိဘူးလား”

“အဲဗျ.. မင်းပြောတာလည်း ဟုတ်တာဘဲ၊ ငါက ကျောက်စိမ်းတွေ များများရှာဖွေနိုင်လို့ နိုင်ငံခြားဝင်ငွေ များများ ရတယ်ဆိုတာတွေ ကြားလို့ဝမ်းသာနေတာ။ ငါ ဖားကန့်ကို မရောက်ဖြစ်ပေမဲ့ ဟိုကနေ ပြန်လာပြီးကတည်းက ဖားကန့်သတင်းတွေကိုတော့ အမြဲတမ်း နားစွင့်နေပါတယ်ကွာ၊ ရေကြီးပြီး ရွာတွေရေနစ်တယ်ဆိုတာ သတင်းမှာ ဖတ်လိုက်ရပါတယ်။ ဒါပေမဲ့ ရိုးရိုး ချောင်းရေကြီးလို့ နစ်တယ်ဘဲ ထင်တာလေ။ ဒီလိုကြောင့်ဆိုတာ ငါဘယ်သိပါ့မလဲ။ အေး ဟုတ်တယ် မင်းပြောတာ ဒီကျောက်စိမ်းတွေ ကုန်သွားရင် ဘယ်လိုများ လုပ်ကြမှာပါလိမ့်၊ ပြီးတော့ မြစ်ချောင်း ရှင်းလင်းရေးတွေ ဘာတွေရော မလုပ်ကြဘူးလားကွာ”

“အင်း မလုပ်ဘူးတော့ မဟုတ်ပါဘူး လုပ်ပါတယ်။ ဒါပေမဲ့ မထိရောက်ဘူးကွ. ဒီလောက်များတဲ့ ကုမ္ပဏီတွေ၊ လုပ်ကွက်တွေက ပစ်တဲ့ မြေစာတွေကြောင့် ချောင်းတွေကို တိမ်ကောပြီး ချောင်းရဲ့ အကျယ်ကလည်း ဘယ်လောက်မှ မရှိတော့ဘူး။ ဒီမိုးဦးတုန်းက  ငါတို့ဖားကန့်မှာ စံချိန်တင် ရေကြီးသွားတာ မင်းကြားလိုက်တယ် မဟုတ်လား၊ မင်းဖားကန့်မှာ နေခဲ့တဲ့ သက်တမ်းတစ်လျှောက် ဘယ်တုန်းက မြို့ထဲရေလျှံတာ ကြားဖူးလို့လဲ။ အေး အခုတော့  ငါတို့ ဖားကန့်ဒေသက မြို့တွေ ရွာတွေ အားလုံးကို ရေနှစ်တာ ခုနောက်ပိုင်း နှစ်တိုင်းလို ဖြစ်နေပြီကွ။ တကယ်လို့ မြစ်ချောင်းကို စံနစ်တကျ ရှင်းလင်းရင် ဘယ်ဒီလိုဖြစ်စရာ မရှိဘူးလေကွာ.. ကျောက်စိမ်းရတော့ ကုမ္မဏီတွေက ရကြတယ်၊ ဒုက္ခရောက်ကြတော့ ငါတို့ဒေသခံတွေလေ။”

“အေးကွာ အောင်မော်ရာ၊ ငါလဲ ဖားကန့်ကနေ ထွက်လာကတည်းက ပြန်မရောက်ဖြစ်တော့ဘူးဆိုတော့ ငါနေခဲ့တဲ့ ငါ့မွေးရပ်မြေဖားကန့်က ဘယ်လိုပြောင်းလဲသွားတယ်ဆိုတာ ငါလဲ သေချာ မသိဘူးပေါ့ကွာ။ အရင်လို တောတွေ တောင်တွေ စိမ်းစိမ်းစိုစို သာသာယာယာဘဲ မှတ်တာပေါ့ကွာ”

“မင်း ဒီသတင်းကို သေချာဖတ်ကြည့်”  သူက အစောတုန်းက သူဖတ်နေသော Eleven စာစောင်ထဲမှ ဖားကန့်အကြောင်းပါသည့် သတင်းကို လက်ညိုးထိုးပြကာ ကိုကျော်စွာကို ပြောလိုက်သည်။

“ဒီသတင်းမှာပါတဲ့ အတိုင်းဘဲလေ ငါတို့ဖားကန့်မှာ ကျောက်စိမ်းနဲ့ ရွှေ လာရှာတဲ့ ကုမ္ပဏီပေါင်း  ၄၁၅ ခုရှိတယ်လို့ ဖော်ပြထားတယ်။  လုပ်ကွက်ပေါင်းက ၇၅၃၅ ခုရှိတယ်တဲ့။ ပြီးတော့ မြေတူးစက်က ၂၄၇၄ စီး၊ မြေထိုးစက် ၃၇ စီး၊ မြေသယ်တဲ့ကား ၅၃၄၇ စီးတွေနဲ့ ငါတို့ဖားကန့်ကို မြေလှန်ရှာနေကြတယ်လေ။ ဒီလောက်များတဲ့ မြေထိုးစက်တွေ မြေသယ်စက်တွေနဲ့ တူးနေကြရင် ဘယ်လောက်ကြီးတဲ့ တောင်တွေဖြစ်ဖြစ် တောတွေဖြစ်ဖြစ် ဘယ်လိုလုပ် ကြာကြာခံနိုင်မလဲ၊ ပြောင်တော့တာပေါ့။ ဥရုချောင်းဆိုတာများ ဒီမြေတူးစက်တွေနဲ့ ဟိုဘက်ရွှေ့လိုက်၊ ဒီဘက်ရွှေ့လိုက် လုပ်နေတာ သိပ်ကြီးကျယ်တဲ့ ချောင်းလို့တောင် မထင်ရတော့ဘဲ ခပ်သေးသေး မြောင်းကလေးလား မှတ်ရတယ်။”

ကိုကျော်စွာက ခေါင်းတစ်ဆတ်ဆတ်ညိမ့်ရင်း ပြောလိုက်သည်။ “အင်း ဥရုချောင်းရေတွေ နောက်ကျိနေပြီ ဆိုတာတော့ ငါလဲ သိပါတယ်ကွာ၊ ဒါပေမဲ့ ဒီလောက်ဆိုးဆိုးဝါးဝါး ဖြစ်လိမ့်မယ်လို့တော့ မမျှော်လင့်ထားဘူးလေ”

“ကျောက်စိမ်းများများတူးတော့ ပိုက်ဆံတွေများများ ရတယ်ဆိုတာတော့ ဟုတ်ပါရဲ့ ဒါပေမဲ့ မင်းတစ်ခု စဉ်းစားကြည့်၊ ဈေးကွက်မှာ ပစ္စည်းတွေ သိပ်ပေါပြီး ဝယ်နိုင်အားနဲ့ ရောင်းလိုအား မမျှတော့တဲ့အခါ ဘာတွေဖြစ်လာမလဲ။ မင်းရောင်းချင်တဲ့ ပစ္စည်းက ဈေးကောင်းရနိုင်ပါဦးမလား၊ ပစ္စည်းတွေ ပေါနေတော့ ဝယ်တဲ့သူကလည်း ဈေးကိုင်တယ်၊ ဝယ်ပြန်တော့လဲ ဈေးနှိမ်ပြီးမှ ဝယ်တယ်။ အဲ ပစ္စည်းရှားနေပြီဆိုရင်တော့ မင်းကြိုက်ဈေးနဲ့ စိတ်ကြိုက်သာ ရောင်းပေတော့ ၊ ဝယ်သူတွေ အလုအယက် ဝယ်ကြလိမ့်မယ် ။ ဟုတ်တယ် မဟုတ်လား ငါပြောတာ။ ငါတို့ကျောက်စိမ်းလဲ ဒီလိုပါဘဲကွာ၊ အခုအချိန်မှာ ဖားကန့်မှာရှိသမျှ ကျောက်စိမ်းတွေကို အလုအယက် ထုတ်နေလိုက်ကြတာ မင်းမြင်စေ့ချင်တယ်။  တကယ်လို့ ဒီကျောက်စိမ်းတွေ ကုန်သွားတဲ့အခါ နောက်လူတွေ ဘယ်လိုများ...”

ကိုအောင်မော်က ဆက်မပြောတော့ဘဲ သက်ပြင်းတစ်ချက်ချကာ စကားကို ရပ်ထားလိုက်တော့သည်။ နှစ်ယောက်သား စကားမပြောဖြစ်ဘဲ အတွေးကိုယ်စီဖြင့် ငြိမ်သက်သွားတော့သည်။ ခဏကြာမှ

“ဒါနဲ့ ကျော်စွာ ငါပြန်ရင် ဖားကန့်ကိုလိုက်ခဲ့ပါလား ။ မင်းကို ငါတို့ငယ်ငယ်တုန်းကနဲ့ ဘယ်လိုမှ မတူတော့တဲ့ ဖားကန့်ကို ပြချင်တယ်၊ မင်းလဲ တစ်ခေါက်မှ ပြန်မရောက်ဖြစ်တော့တာနဲ့ အတော်ဘဲလေ၊ ငါ သန်ဘက်ခါ ပြန်မယ်။ ဘယ်လိုလဲ လိုက်ခဲ့မလား?”

ကိုအောင်မော်စကားက ကိုကျော်စွာကို စိတ်လှုပ်ရှားသွားစေခဲ့သည်။ မရောက်တာကြသည့် သူ့မွေးရပ်မြေကို တစ်ခေါက်လောက်တော့ ပြန်ကြည့်ချင်စိတ်တွေ ဖြစ်လာမိသည်။

“ဟေ့ကောင်.. မင်းတကယ်ပြောတာလား၊ ငါလဲ မရောက်တာကြာပြီဆိုတော့ လိုက်ကြည့်ချင်တယ်ကွာ၊ အင်း ရက်သိပ်မကြာရင်တော့ ငါ့အလုပ်တွေက သူငယ်ချင်းတွေနဲ့ လွဲထားခဲ့လို့ရပါတယ်။ မရောက်တာကြာတဲ့ ကိုယ့်မွေးရပ်မြေကို သွားဖို့ဆိုတာ တကယ်တော့ ရင်ခုန်စရာဘဲကွနော်။ အိုကေ ငါလိုက်မယ်”
သူတို့နှစ်ယောက် သဘောတူညီမှု ရကြပြီး ကိုအောင်မော်ပြန်မည့်နေ့တွင် သူပါ လိုက်ပါဖို့ Air Bagan တွင် ရန်ကုန် မြစ်ကြီးနား လေယာဉ်လက်မှတ် ၂စောင် ဝယ်ယူထားလိုက်တော့သည်။


**********@@@***********

ရန်ကုန်မှ မြစ်ကြီးနားသို့ လေယာဉ်ဖြင့် ထွက်လာကြရာ လေယာဉ်ပေါ်မှ မြေပြင်သို့ မြင်ရသည့် ရှုခင်းများကို  ငုံ့ကြည့်နေမိကြသည်။  ကောင်းကင်ပေါ်မှ မြင်ရသည့်ရှုခင်းများသည် မြေပြင်တွင် မြင်ရသည့် အနေအထားနှင့် လုံးလုံးမှ မတူညီပါ။ လေယာဉ်က တိမ်တွေ၏ အထက်တွင် ရောက်နေသဖြင့် ဟိုတစ်ကွက် ဒီတစ်ကွက် တိမ်မျှင်ဖြူများကြားမှ မြေပြင်ကို ကြည့်ရသည်မှာ စိတ်လှုပ်ရှားဖို့ ကောင်းနေသည်။


Image Hosted by PicturePush - Photo Sharing


Image Hosted by PicturePush - Photo Sharing

မြေပြင်ပေါ်မှ စိုက်ပျိုးမြေများ၊ လယ်ကွက်များသည် သင်ဖြူးဖျာချပ်ကလေးများ ခင်းထားသည့်နှယ် အကွက်လိုက် အချပ်လိုက် လှပနေကြသည်။
Image Hosted by PicturePush - Photo Sharing 

Image Hosted by PicturePush - Photo Sharing


Image Hosted by PicturePush - Photo Sharing

Image Hosted by PicturePush - Photo Sharing


မြောက်မှ တောင်သို့ မြန်မာပြည်တစ်နံတလျား  စီးဆင်းနေသည့် ဧရာဝတီမြစ်ကြီးကတော့ မြေပြင်ပေါ်တွင် မြွှေကြီးတစ်ကောင်နှယ်   ကွေ့ကွေ့ကောက်ကောက် တွန့်လိမ်ရစ်ခွေ စီးဆင်းနေသည်မှာ ကြည့်၍ မဝနိုင်အောင် လှပလွန်းနေသည်။ မြစ်ကြီးဧရာဝတီကို အပေါ်စီးမှ မြင်ရသည့်မြင်ကွင်းက သူတို့နှစ်ယောက်အတွက် တသိမ့်သိမ့်ဖြင့် ငြိမ့်ငြိမ့်လေး ခံစားမှုမျိုးကို ပေးနိုင်စွမ်းလေသည်။ ကိုယ့်တိုင်းပြည်ရေမြေကို အပေါ်စီးက မြင်တွေ့ရခြင်းသည် ကြည်နူးမှုလား၊ အံ့သြမှုလား ဘယ်လိုခံစားချက်မှန်း မသိနိုင်သည့် ထူးဆန်းသော ခံစားချက် ဖြစ်လေသည်။ ဧရာဝတီမြစ်ကြီးထဲတွင် သွားလာနေသော သင်္ဘောလေးများကို ပုရွက်ဆိတ် ကလေးများ သွားလာနေသည့်သဖွယ် မြင်တွေ့ရပြီး မြစ်ကမ်းဘေးရှိ မြို့ပြအိမ်ယာများကိုလည်း သာယာလှပစွာ တွေ့မြင်ရလေသည်။ ထိုမြစ်ကြီးကို အမှီပြုပြီး မြို့ပြနိုင်ငံထူထောင်ခဲ့သော သူတို့၏ မြန်မာပြည်ကြီးသည် နှစ်ပေါင်းများစွာ ရှည်ကြာခဲ့လေပြီ။ 
Image Hosted by PicturePush - Photo Sharing

Image Hosted by PicturePush - Photo Sharing 

Image Hosted by PicturePush - Photo Sharing



လေယာဉ်ပေါ်မှ ကြည့်မှပင် မြစ်ကမ်းဘေးမှာတစ်လျှောက် မြို့ရွာများစွာ၊ စိုက်ပျိုးမြေယာ များစွာ ရှိနေသည်ကို ကိုယ်တိုင်ကိုယ်ကျ မြင်တွေ့ရတော့သည်။ ထိုမြင်ကွင်းများကို ကိုအောင်မော်ရော၊ ကိုကျော်စွာပါ စကားပင် မပြောမိဘဲ ကြည့်နေမိကြသည်။ အကယ်၍များ ဧရာဝတီမြစ်ကြီး ခမ်းခြောက်သွားခဲ့လျှင်၊ တိမ်ကောသွားခဲ့လျှင် မြစ်ကြီးကို အမှီပြုကာ နေထိုင်ရသော လူသားများ၊ ဝမ်းစာ ရှာဖွေရသော သူများ၊ ကူးသန်း သွားလာရေးအတွက် မြစ်ကြောင်းကိုသာ အားကိုးရသူများမှာ ဘယ်ကဲ့သို့ ရှေ့ဆက်သွားမည်ကို တွေးမိတော့ ရင်ထဲ မွန်းကြပ်လာသလို ခံစားမိတော့သည်။ သူနှင့်ကိုကျော်စွာတို့ အတွေးတူညီသည့်အလား တစ်ယောက်မျက်နှာ တစ်ယောက်ကြည့်မိကာ သက်ပြင်းကို ပြိုင်တူ ချမိကြလေသည်။


ဖားကန့်ဒေသမှထွက်သော ကျောက်စိမ်းများသည် မြေအောက် ရတနာများဆိုလျှင်တော့ ညင်သာငြိမ့်ညောင်းစွာ စီးဆင်းနေသော ဧရာဝတီမြစ်ကြီးကတော့ မြေပေါ်မှ ရတနာတစ်ခုသာ ဖြစ်တော့သည်။ ထိုဧရာဝတီမြစ်ကြီးသည် သူတို့အတွက်တော့ သဘာဝတရားက ပေးသည့် တန်ဖိုးဖြတ်မရနိုင်သော လက်ဆောင်ရတနာ တစ်ခုသာ ဖြစ်လေသည်။ ရတနာဟူသည် တန်ဖိုးထား ထိန်းသိမ်းစောင့်ရှောက်ကြရမည့်အရာ ဖြစ်သည်။ မည်မျှပင်အဖိုးတန်သော ရတနာပင်ဖြစ်စေ တန်ဖိုးမထား မထိန်းသိမ်းတတ်သူများ လက်ထဲတွင်တော့ တန်ဖိုးမဲ့ဖြစ်ရတတ်လေသည်။


ကိုကျော်စွာ စိတ်ထဲတွင်လည်း  မရောက်တာကြာသည့် ဖားကန့်ကိုရောက်လျှင် မည်ကဲ့သို့သော မြင်ကွင်းမျိုးတွေက ဆီးကြိုလေမည်လဲဟု တွေးကာ ရောက်ချင်စိတ်က စောနေလေတော့သည်။



**********@@@***********


ကိုကျော်စွာတစ်ယောက် ဖားကန့်ရောက်သွားတဲ့အခါ သူနေခဲ့တဲ့ လွန်ခဲ့သော နှစ်များနဲ့မတူ ပြောင်းလဲနေတဲ့ ဖားကန့်မြင်ကွင်းက ဘယ်လိုများ ဆီးကြိုမလဲဆိုတာ စောင့်မျှော်ကြည့်ကြပါစို့လားရှင်။


Image Hosted by PicturePush - Photo Sharing




ပိုစ့်အတွင်းပါသတင်းများကို အနီရောင်စာသားများပေါ် ကလစ်နှိပ်၍ ဖတ်ရှုနိုင်ပါသည်။ သတင်းများအတွက် Eleven Media အား အထူးကျေးဇူးတင်ရှိပါသည်။

ဘလော်ဂါဆိုတာ..

စာရေးချင်စိတ်ကြောင့် ဘလောဂ့်တစ်ခုကိုတည်ဆောက်ထားပြီး  အွန်လိုင်းပေါ်မှာ စာတွေရေးနေခဲ့ပါတယ်။ အဲဒီလို စာတွေ ရေးနေခဲ့တာကြောင့် အွန်လိုင်းပေါ်က စာရေးသူတွေကို ဘလော်ဂါလို့ ခေါ်ကြတဲ့အတွက် ကျွန်မသည်လည်း ဘလော်ဂါတစ်ယောက် ဖြစ်လာရပါတယ်။  ဘယ်သို့ပင်ဖြစ်စေ ဘလော့တစ်ခု ပိုင်ဆိုင်ပြီး စာရေးနေပြီဆိုမှတော့ အများသုံးနှုန်းတဲ့အတိုင်း ဘလော်ဂါဘဲ ဆိုရမှာပေါ့နော်။ ဘလော်ဂါ တစ်ယောက် အဖြစ် စာရေးနေတဲ့အတွက် ဘလော့်အသိုင်းအဝိုင်းနဲ့လည်း ဆက်စပ် ပတ်သက်လာရပါပြီ။ ခုတစ်လော ဘလောဂ့်ရပ်ဝန်းမှာ တဂ်ပိုစ့်တွေနဲ့ တစ်ယောက်နဲ့တစ်ယောက် ချစ်ခင်ရင်းနှီးစွာ တဂ်လာကြတာရှိကြပါတယ်။ အဲဒီထဲက ကျွန်မရေးဖို့ တာဝန်ရှိနေသေးတဲ့တဂ်ပိုစ့်က “ဘလော်ဂါဆိုတာ ဘာလဲ” လို့ နတ်ဆိုးလေးနဲ့ ညီမငယ် အိန်ဂျယ်လှိုင်တို့က တဂ်ထားတဲ့ ပိုစ့်ဖြစ်ပါတယ်။

ဘလော်ဂါဆိုတာဘာလဲတဲ့ .. ကျွန်မသိထားတဲ့ ဘလော်ဂါဆိုတာကတော့ ရှင်းပါတယ် အင်တာနက် စာမျက်နှာတွေထက်မှာ စာရေးနေကြသူတွေဘဲပေါ့။ ဘလော်ဂါဆိုတဲ့ သတ်မှတ်ချက်က အွန်လိုင်းပေးမှာ စာရေးနေသူတွေဖြစ်ကြောင်းတော့ တူညီနိုင်ပါတယ်။ အဲဒီလို ရေးနေကြသူတွေတိုင်းက ဝေမျှနေကြသူတွေ ဖြစ်ပါတယ်။ တစ်ချို့က စာလာဖတ်သူတွေကို ဗဟုသုတတွေ ဝေမျှတယ်၊ နည်းပညာ၊ အသိပညာတွေ ဖြန့်ဝေတယ်။ ခံစားချက်တွေ ရသတွေ မျှဝေခံစားစေတယ်။ ဟင်းချက်နည်း၊ ခရီးသွားအတွေ့အကြုံ၊ ကိုယ်ပိုင်ခံစားချက် စတာတွေကို မိမိတစ်ယောက်တည်း မခံစားဘဲ ဝေမျှကြတယ်။ ဒါကြောင့် ဘလော်ဂါတွေဟာ ဝေမျှခံစားနေကြသူတွေပါ။ ဘလော်ဂါအများစုဟာ မိမိရေးတဲ့စာ၊ မိမိဝေမျှတဲ့ အကြောင်းအရာရဲ့ အမှားအမှန်ကို တာဝန်ယူကြသူတွေများပါတယ်။  သို့သော် ဘယ်လိုတာဝန်ယူတာလဲ ဆိုတာကိုတော့ ကျွန်မကိုယ်ကိုယ် ဥပမာပေးပြီး ပြောပြချင်ပါတယ်။

ကျွန်မ ဘလော့်ပေါ်မှာ စာရေးတဲ့အခါ ထူးဆန်းတဲ့ အကြောင်းအရာတစ်ခုကို အင်တာနက်ကနေ ဖတ်မိပြီး စိတ်ဝင်စားလို့ ဘာသာပြန်တော့မယ်ဆိုရင် အဲဒီအကြောင်းအရာဟာ တကယ်ရှိတာဟုတ်မဟုတ်၊ ဓာတ်ပုံတွေဟာလည်း ဖန်တီးထားတဲ့ ပုံတွေ မဖြစ်ရလေအောင် ဝက်ဆိုဒ်ပေါင်းများစွာကို ဖွင့်ပြီး ရှာဖွေ မွှေနှောက်ပါတယ်။ အဲဒီအကြောင်းအရာကို စစ်စစ်ပေါက်ပေါက် ရှာဖွေလို့ သေချာပြီဆိုတော့မှ ဘာသာပြန်ပါတယ်။ တခါတလေမှာတော့ လွှဲချော်သွားခဲ့တာမျိုးလည်း ရှိကောင်းရှိခဲ့မှာပါ။ သို့သော် ကျွန်မပြောချင်တာက မရေးခင်မှာတော့ အချက်အလက်တွေကို တစ်နေရာတည်းက မဟုတ်ဘဲ နေရာအနှံ့က ရှာဖွေပြီးမှ ရေးတယ်ဆိုတာကို ပြောချင်တာပါ။

ကျွန်မရေးမဲ့ အကြောင်းအရာထဲမှာ ဆေးပညာနဲ့ပတ်သက်တဲ့ အချက်အလက် ပါခဲ့ရင်လည်း ကျွန်မနဲ့ ခင်မင်ရင်းနှီးတဲ့ ဆရာဝန်သူငယ်ချင်းတွေကို မေးမြန်း လေ့လာပြီးမှသာ ပိုစ့်ထဲကို ထည့်သွင်း ရေးသားပါတယ်။ ဒေသန္တရ ဗဟုသုတဖြစ်စေမဲ့ ခရီးသွားမှတ်တမ်းလို အကြောင်းအရာတွေ ရေးဖို့ဆိုရင်လည်း မြို့တစ်မြို့ရောက်ရင် အဲဒီမြို့ရဲ့ ဖြစ်စဉ်၊ ထူးခြားချက်၊ မြို့သမိုင်းနဲ့ပတ်သက်တဲ့ စာအုပ်စာတမ်းများ စတာတွေကို အရင်ဆုံး ရှာဖွေစုဆောင်း လေ့လာပါတယ်။ ပြီးရင် မြို့အနှံ့ ဓာတ်ပုံလိုက်ရိုက်ပါတယ်။ ဒေသခံများနဲ့ပါ စကားစမြည်ပြောဆိုပြီး မြို့အကြောင်းကို ပြည့်ပြည့်စုံစုံ သိရအောင် ရှာဖွေလေ့ရှိပါတယ်။ လိုအပ်ရင် ဖုန်းဆက်ပြီး မေးမြန်းရတာမျိုးတွေ လုပ်ဖြစ်ပါတယ်။
ဒီနေရာမှာ ကျွန်မရဲ့ အတွေ့အကြုံတစ်ခုကို ပြောရရင် မြို့တစ်မြို့ကို ရောက်တဲ့အခါတုန်းက တောင်ပေါ် ရေကန်ကြီးတစ်ခုကို သွားလည်ကြပါတယ်။ ရေကန်ကြီးက တောင်ပေါ်မှာ တည်ဆောက်ထားတာပါ။ တောင်တွေ ဝိုင်းရံနေပြီး ဘေးဝန်းကျင်မှာလည်း သစ်ပင်တောအုပ်တွေနဲ့ စိမ်းစိုနေခဲ့ပါတယ်။ သန့်ရှင်းသပ်ရပ်နေပြီးတော့ အင်မတန်မှလည်း သာသာယာယာ ရှိပါတယ်။ အဲဒီရေကန်ကြီးကနေ မြို့နေလူထုကို သောက်သုံးရေတွေ မျှဝေနေတာဖြစ်ပါတယ်။ အဲဒီရေကန်ဟာ ချောင်းတစ်ခုကို ဖြတ်ပြီး ပိတ်ထားတဲ့ ဆည်ကြီးတစ်ခုနဲ့ တူပါတယ်။ ဆည်ကြီးရဲ့ အောက်ဘက်မှာတော့ မြောင်းငယ်လေးတစ်ခု စီးဆင်းနေပါတယ်။ ဆည်ကနေ ဖွင့်ထုတ်ထားတဲ့ ရေအချို့ စီးဆင်းနေတာ ဖြစ်ပါတယ်။ မြောင်းဘေး ဝန်းကျင်တစ်လျှောက်မှာတော့ လူနေအိမ်ခြေတွေ အများကြီးရှိနေပါတယ်။


Image Hosted by PicturePush - Photo Sharing 

Image Hosted by PicturePush - Photo Sharing 
တောင်တွေဝိုင်းရံနေတဲ့ တောင်ပေါ်ရေကန်

Image Hosted by PicturePush - Photo Sharing

Image Hosted by PicturePush - Photo Sharing


အဲဒါကိုကြည့်ပြီး ကျွန်မစိတ်ထဲမှာ အဲဒီရေကန်ကြီးဟာ ယခင်က ချောင်းကြီးတစ်ခု ဖြစ်လိမ့်မယ် အဲဒီချောင်းကို ဆည်ပိတ်ပြီး ရေတွေကို သိုလှောင်လိုက်တာ ဖြစ်နိုင်တယ်။ အဲဒီလို ဆည်ပိတ်လိုက်လို့ ချောင်းရေတွေနည်းသွားပြီး မြောင်းကလေးဖြစ်သွားတဲ့အခါ ဘေးပတ်ဝန်းကျင် လူထု ဘယ်လိုများ ခံစားရလဲ၊ ဘယ်လိုဆိုးကျိုးတွေ ရှိသွားသလဲဆိုတာ သိချင်လာပါတယ်။ တကယ်လို့ အဲဒီဆိုးကျိုးတွေ သိလာတဲ့အခါ ဆည်တစ်ခုတည်ဆောက်လိုက်ရင် လူတွေအတွက် ဘယ်လိုဆိုးကျိုးရှိတယ်၊ ဘယ်လို ကောင်းကျိုးရှိတယ်ဆိုတာ စာတစ်ပုဒ်ရေးဖို့ပါ စိတ်ကူးရှိခဲ့ပါတယ်။

Image Hosted by PicturePush - Photo Sharing


Image Hosted by PicturePush - Photo Sharing
ဒီနေရာမှာ ဆည်ပိတ်ထားတာပါ။

Image Hosted by PicturePush - Photo Sharing 
အပေါ်က ငုံ့ကြည့်ရင်


Image Hosted by PicturePush - Photo Sharing

အောက်ကနေ မြင်ရတဲ့ အနေအထား



အဲဒီစိတ်ကူးတွေနဲ့  ကျွန်မဟာ တစ်ရက်လောက် အချိန်ယူပြီး သူတို့ဘာသာစကား တတ်ကျွမ်းတဲ့ ဒေသခံ မိန်းခလေးတစ်ယောက်ကို အဖော်ခေါ်ကာ အဲဒီဆည်ကြီးရဲ့ အောက်ဖက် မြောင်းကလေး ဘေးတစ်လျှောက်က လူနေအိမ်ခြေတွေကို သွားရောက်ပါတယ်။ ဆည်ကြီးကိုလည်း ဓာတ်ပုံတွေ အများကြီးရိုက်ပြီး၊ ဆည်အောက်က မြောင်းကိုလည်း ဓါတ်ပုံတွေ ရိုက်ပါတယ်။ ပြီးတော့ ဒေသခံ ရွာသူရွာသားတွေနဲ့ သေချာစကားပြောကြည့်တဲ့အခါမှာ သူတို့တွေက “ဒီဆည်ကြီးဟာ ချောင်းကို ပိတ်ပြီး ဆောက်ထားတာ မဟုတ်ပါဘူး၊ နဂိုက ဒီနေရာဟာ တောင်ကြားကြီးတစ်ခုပါ အဲဒီမှာ မိုးအခါ တောင်ပေါ်က စီးကျလာတဲ့ရေတွေကို ပိတ်ပြီး ဆည်ဆောက်ထားတာပါ။ ဒီမြောင်းကလည်း ဆည်ဆောက်ပြီးမှ ဖောက်ထားပေးတဲ့ မြောင်းပါ” လို့ အားလုံးက ပြောကြပါတယ်။ ကျွန်မ ဒီသတင်းကို သေချာဖို့ လူတစ်ယောက်တည်းကို မဟုတ်ဘဲ လူအတော်များများကို မေးခဲ့တာပါ။ အားလုံးကလည်း ချောင်းကို ပိတ်တဲ့ဆည် မဟုတ်ပါဘူးလို့ ပြောကြပါတယ်။

Image Hosted by PicturePush - Photo Sharing 

Image Hosted by PicturePush - Photo Sharing 

Image Hosted by PicturePush - Photo Sharing 
ကန်ထဲက စီးလာတဲ့ ရေမြောင်း 


အဲဒီစကားတွေကြောင့် ကျွန်မက ဒီရေကန်ကြီးနဲ့ ပတ်သက်ပြီး ချောင်းကိုဖြတ်ကာ ဆည်ပိတ်လိုက်တဲ့အတွက် ဆိုးကျိုး ကောင်းကျိုးကို ဘယ်လိုရှိတယ်ဆိုတာ ရေးဖို့ အစီအစဉ်ကို ဖျက်လိုက်ပါတယ်။ ကျွန်မစိတ်ထဲမှာ ချောင်းကိုပိတ်တဲ့ဆည်လို့  ခုချိန်ထိကိုထင်နေခဲ့ပေမဲ့ ခိုင်မာတဲ့အထောက်အထား မရတာကြောင့် ဒီအကြောင်းကို မရေးဖြစ်တော့ပါဘူး။ အဲဒီတော့ ကျွန်မနဲ့ ခင်မင်တဲ့ ညီမငယ် တစ်ယောက်က “အစ်မက ဆည်တစ်ခု ဆောက်လိုက်လို့ ဖြစ်လာတဲ့ ကောင်းကျိုးဆိုးကျိုးကို ရေးမှာဘဲဟာ။ ဘာဖြစ်လဲ အခုလဲ ဒီရေကန်ကြီးဟာ ချောင်းကိုပိတ်ပြီး ဆည်ဆောက်ထားတာလို့ ပုံတွေနဲ့ ရေးလိုက်ပေါ့။ ပုံတွေလည်း ပါနေတာဘဲ မဟုတ်ဘူးလို့ ဘယ်သူက သိမှာလဲ ” လို့ ပြောပါတယ်။ ဒါပေမဲ့ ကျွန်မ အဲဒီလို မလုပ်ချင်ပါဘူး၊ မဟုတ်ဘဲ ရေးလိုက်တဲ့အခါ ဘယ်သူကမှ မသိခဲ့ရင်တောင် မိမိကိုယ်တိုင်က သိနေတဲ့အတွက် ဘယ်လိုမှ လိပ်ပြာမသန့်ပါဘူး။ မဟုတ်တာကို ဟုတ်ပါတယ်လို့ လီဆယ်ပြီး မရေးချင်တာက ကျွန်မဘလောဂ့်ကို လာဖတ်ကြသူတွေကို လေးစားသောအားဖြင့် မရေးချင်တဲ့ ကျွန်မရဲ့ စိတ်ရင်း အမှန်ပါ။

ကိုယ်ရေးမဲ့ စာတစ်ပုဒ်ဟာ မှန်ကန်မှုရှိမရှိ၊ စာဖတ်သူကို လိမ်ညာထားတဲ့စာ မဖြစ်စေဖို့ ၊ လေ့လာရပါတယ်။ ရှာဖွေရပါတယ်။ ကိုယ့်ဘလော့လေးမှာ ရေးတယ်ဆိုပေမဲ့ အယ်ဒီတာမရှိ၊ တည်းဖြတ်သူမရှိတဲ့ ကိုယ်ရေးတဲ့စာတွေရဲ့ ကောင်းကျိုး၊ ဆိုးကျိုး ကိုယ်တိုင်သာ တာဝန်ယူရတာ ဖြစ်ပါတယ်။ သတင်းဆိုရင်လည်း သတင်းဟာ မှန်ကန်ဖို့ လိုသလို၊ အကြောင်းအရာဆိုရင်လည်း ကိုယ်ရေးတဲ့ အကြောင်းအရာဟာ မှန်ကန်ဖို့ လိုပါတယ်။ ကိုယ်ရေးတဲ့ အကြောင်းအရာတွေဟာ မှားနေတာမျိုး၊ ကိုယ်ရေးလိုက်တဲ့အမှားကြောင့် သူတစ်ပါး နစ်နာရတာမျိုး မဖြစ်အောင် ဘလော်ဂါတွေက မိမိစာကို မိမိတာဝန်ယူကြရတာ ဖြစ်ပါတယ်။ အဲဒီလို ဆိုတော့ ကျွန်မရေးတဲ့စာတွေ၊ အကြောင်းအရာ တွေဟာ အမှားလုံးဝမရှိဘူးလား၊ မမှားတော့ဘူးလားလို့ မေးလာရင်တော့ ရှိပါတယ်လို့ ပြန်ဖြေမှာပါ။ ဘယ်လောက်ဘဲ တိကျတဲ့ အကြောင်းအရာဖြစ်စေ မှားရင်လည်း မှားနိုင်ပါတယ်။ ကျွန်မရဲ့ နားလည်မှု အမှားလည်း ဖြစ်နိုင်ပါတယ်။ မသိလိုက်လို့ မှားတာလည်း ဖြစ်နိုင်ပါတယ်။ အမှားလုံးဝမပါဘူးလို့ မပြောနိုင်ပေမဲ့ အမှားနည်းအောင်တော့ ကျွန်မတို့ကြိုးစားရမှာပါ။ မသိလို့ မှားတဲ့အမှားမျိုးတွေ ရှိတတ်ကြပေမဲ့ သိသိကြီးနဲ့ မှားတာမျိုး၊ အမှားကို အမှားမှန်းသိရက်နဲ့ အမှန်လို့ ပြောတာ၊ရေးတာမျိုးကတော့ မဖြစ်သင့်ဘူးလို့ ယုံကြည်ပါတယ်။


အွန်လိုင်းပေါ်မှာ စာရေးနေတဲ့ ဘာမှ မဟုတ်တဲ့ ကျွန်မတို့လို ဘလော်ဂါတွေကတောင် ကိုယ်ရေးမဲ့စာဟာ အမှန်တရား မဟုတ်ခဲ့ရင် ရေးသားဖို့ လက်တွန့်ပါတယ်။ ကျွန်မတို့ ဘလော့ရေးသူတွေရဲ့ ဘလောဂ့်က စာတွေကို ဖတ်တဲ့သူတွေဟာ လူနည်းစုဖြစ်ပါတယ်။ ရေတွက်ကြည့်ရင် ရာဂဏန်းမျှသာ ဖြစ်ပါတယ်။ သို့သော် ဘလောဂ့်ကို လာဖတ်ကြတဲ့ ရာဂဏန်းမျှသော သူတွေကိုပင် မှန်ကန်တဲ့ အကြောင်းအရာ တွေကိုသာ ဘလော်ဂါ အများစုက ပေးချင်ကြပါတယ်။ ကျွန်မတို့ ဘလော်ဂါတွေတင်မှ မဟုတ်ပါဘူး လူတိုင်းလူတိုင်းဟာ မိမိရေးမဲ့အကြောင်းအရာ၊ မိမိပြောမဲ့စကားတွေဟာ မှန်ကန်မှု ရှိဖို့ အရေးကြီးပါတယ်။  အွန်လိုင်းပေါ်က သာမာန် စာရေးသူတွေ မဟုတ်တဲ့ လူအများဖတ်ရှုကြသော စာအုပ်ပေါ်မှာ ရေးနေကြတဲ့ စာရေးဆရာကြီး တွေဟာလည်း မှန်ကန်တိကျတဲ့ အကြောင်းအရာတွေကိုသာ သူတို့ရဲ့ စာဖတ်သူတို့ကို ပေးဝေကြမှာ သေချာပါတယ်။ 


လူသိန်းပေါင်း၊ သန်းပေါင်းများစွာက စောင့်ဖတ်ကြရတဲ့ နာမည်ကြီး စာရေးသူတွေ၊ ပြည်သူလူထုအပေါ် တာဝန်ရှိကြသူ လူကြီးမင်းဖြစ်သူတွေရဲ့စကားတွေ၊ စာတွေ ဆိုရင် ပိုပြီး မှန်ကန်တိကျဖို့ လိုပါတယ်။ မိမိပြောမဲ့စကား၊ မိမိရေးမဲ့အကြောင်းအရာကို နားထောင်နေသူတွေ၊ စောင့်ဖတ်နေကြသူတွေဟာ စဉ်းစားဆင်ခြင် တတ်ကြသူတွေ ချည်းပါ။ အမှားအမှန်ကို သိမြင်နိုင်ကြသူတွေ ဖြစ်ကြပါတယ်။ ပြောတဲ့စကားမှာ အမှားပါရင်၊ ကျိုးကြောင်းဆီလျှော်မှု မရှိရင် နားထောင်တာနဲ့ သိကြမှာဖြစ်သလို၊ ရေးတဲ့စာမှာလည်း အမှားပါရင် တွေ့မြင်ကြမှာ ဖြစ်ပါတယ်။ လူတွေအားလုံးရှေ့ ချပြတဲ့ စကားလုံးများ၊ စာအရေးအသားများဟာ မမှန်မကန် လုပ်ကြံဖန်တီးထားတဲ့ အချက်အလက်တွေသာ ဖြစ်နေခဲ့မယ်ဆိုရင် အဲဒီစကားလုံးတွေ အတွက်တော့ ပြောတဲ့သူမှာ တာဝန်အပြည့်အဝ ရှိပါတယ်။ စာတစ်ပုဒ်ကို ပြီးစလွယ်မရေးသင့်သလို  စကားတစ်ခွန်းကို ပြီးစလွယ် မပြောသင့်ဘူး မဟုတ်လားရှင်။

အမှန်အမှားရဲ့ ကောင်းကျိုးဆိုးကျိုးကို ပြောတဲ့သူ၊ သို့မဟုတ် ရေးတဲ့သူက တာဝန်ယူရမှာပါ။ ဒါကြောင့် မိမိပြောမဲ့စကား ၊ မိမိရေးမဲ့စာဟာ အမှားအမှန် သေချာအောင်တော့ မပြောခင်၊  မရေးခင်မှာ ဖြစ်နိုင်ချေ ရှိရဲ့လား ၊ မှန်ကန်မှုရှိရဲ့လား ဆိုတာကို ကြိုတင်စီစစ်မှု ရှိထားသင့်တယ်၊ လိုအပ်ရင် ကိုယ်တိုင် ကိုယ်ကျ လေ့လာ အားထုတ်သင့်တယ် မဟုတ်ပါလားရှင်။


Image Hosted by PicturePush - Photo Sharing


နတ်ဆိုးလေး နဲ့ အိန်ဂျယ်လှိုင်လေး တဂ်တဲ့ပိုစ့် “ဘလော်ဂါဆိုတာ ဘာလဲ” ဆိုတာကနေ ခုတလော စိတ်ခံစားမိတာ၊ တွေးမိတာတွေ ဆင့်ပွားပြီး ရေးလိုက်တာဖြစ်ပါတယ်။ ဒီပိုစ့်လေးအတွက် ကျေနပ်မယ်လို့ မျှော်လင့်ပါတယ်နော်။

မူဆယ်မြို့အဝင် လွယ်တိန်ခမ်းတောင်ပေါ်သို့..

ဒီနေ့က တော်သလင်းလပြည့်နေ့ဖြစ်ပါတယ်။ အခါကြီး ရက်ကြီးဖြစ်လေတော့ ဗုဒ္ဓဘာသာဝင်များပီပီ ဘုရားဖူးကြရင် ကောင်းမှာဘဲလို့ စဉ်းစားမိပါတယ်။ ဒါကြောင့် ဒီနေ့တော့ခင်မင်ရပါသော မိတ်ဆွေ သူငယ်ချင်းတို့ကို ဘုရားဖူး လိုက်ပို့ပေးချင်ပါတယ်။ ဘယ်ဘုရားကို လိုက်ပို့ပေးရင် ကောင်းမလဲ စဉ်းစားကြည့်မိတော့ ခရီးဝေးလို့ သိပ်မရောက်ဖြစ်ကြတဲ့ ရှမ်းပြည်နယ် နယ်စပ်တစ်နေရာက ဘုရားဖူး ခရီးပို့ပေးချင်ပါတယ်။ ကျွန်မ ရွေးချယ်ထားတဲ့ ဘုရားဖူး ခရီးစဉ်က ရှမ်းပြည်နယ် မူဆယ်မြို့အဝင်က လွယ်တိန်းခမ်းတောင်ပေါ်က ဘုရားများ ဖြစ်ပါတယ်။



မူဆယ်မြို့ကိုရောက်ပေမဲ့ လွယ်တိန်ခမ်းတောင်ပေါ်မှ မရောက်ဖြစ်ခဲ့ရင် မူဆယ်ကို ရောက်တယ်လို့တောင် မခေါ်နိုင်ဘူးလို့ အဆိုရှိရလောက်အောင် ကြည်ညိုဖွယ်ရာ စေတီတော်များတည်ရှိပြီး အင်မတန်မှ ရှုခင်းလှပကာ တောရိပ်တောင်ရိပ်တို့နဲ့ ဆိတ်ငြိမ်အေးချမ်းလွန်းတဲ့ သာသနာ့နယ်မြေ ဖြစ်ပါတယ်။ မူဆယ်မြို့ကို သွားမယ်ဆိုရင် ၁၀၅မိုင်ကို ကျော်ဖြတ်လာပြီး မူဆယ်မြို့ အဝင်နားရောက်တဲ့အခါ ညာဘက်တောင်ထိပ်ကို လှမ်းကြည့်ရင် စေတီဘုရားများနဲ့ စိတ်ကြည်နူးဖွယ်ရာ လွယ်တိန်ခမ်းတောင်ကို တွေ့မြင်ရမှာဖြစ်ပါတယ်။


Image Hosted by PicturePush - Photo Sharing



Image Hosted by PicturePush - Photo Sharing 


Image Hosted by PicturePush - Photo Sharing

Image Hosted by PicturePush - Photo Sharing


မူဆယ်မြို့အဝင် ဆိုင်းဘုဒ်ဘေး လွယ်တိန်ခမ်းတောင်ပေါ်မှ ကြည်ညိုဖွယ် ရပ်တော်မူရပ်ပွားတော်မြတ်ကြီး

Image Hosted by PicturePush - Photo Sharing

Image Hosted by PicturePush - Photo Sharing 
ရှမ်းမောင်မယ်နှင့် ရွှေသမင်ရုပ်ထု

တောင်ပေါ်မရောက်သေးခင် လှမ်းပေါ်ကနေ ဖူးတွေ့ရတဲ့ မဟာသန္တိသုခ ရပ်တော်မူ ရုပ်ပွားတော် မြတ်ကြီးဟာ မူဆယ်မြို့ကို ရောက်လာတဲ့ ဧည့်သည်အပေါင်းတို့ကို စိတ်ကြည်နူး ချမ်းမြေ့စေမှာဖြစ်ပြီး ကြည်ညို သဒ္ဓါစိတ်လည်း ယိုဖိတ်စေမှာ ဖြစ်ပါတယ်။ မူဆယ်မြို့အဝင်ဆိုင်းဘုတ် နေရာလေးဟာ မူဆယ်မြို့မှာ အလွန်သာယာတဲ့ နေရာတစ်ခုဖြစ်ပါတယ်။ ဖူးပွင့်နေတဲ့ ပန်းမာလာ၊ စိမ်းစိုနေတဲ့ မြင်ခင်းပြင်၊ မလှမ်းမကမ်းက တောင်တန်းနဲ့ ရွှေရောင်ဝင်းနေတဲ့ စေတီတော်တို့ကို ဖူးတွေ့နေရတဲ့ သာယာလှသော နေရာလေးတစ်ခု ဖြစ်ပါတယ်။

Image Hosted by PicturePush - Photo Sharing

တောတောင်ရိပ်ကြောင့်လည်းကောင်း၊ ဘုရားရိပ်၊ တရားရိပ်ကြောင့်လည်းကောင်း အေးချမ်းသာယာ ကြည်နူးဖွယ်ရာသော လွယ်တိန်ခမ်းတောင်တော်ကို ကျွန်မနဲ့အတူ အလည်သွားကြည့်ကြရအောင်လားရှင်။

Image Hosted by PicturePush - Photo Sharing

Image Hosted by PicturePush - Photo Sharing 

မြို့အဝင်ဆိုင်းဘုတ်ကို ကျော်ခဲ့ပြီး ကိုက်အနည်းငယ်မှာဘဲ ညာဘက်ခြမ်းမှာ တောင်အတက်လမ်းကို ရောက်ပါပြီ။ အပေါ်ပုံမှာ တောင်အတက် လွယ်တိန်ခမ်းတောင် အဝင်ဝကိုမြင်တွေ့ရတဲ့ အနေအထားဖြစ်ပါတယ်။

Image Hosted by PicturePush - Photo Sharing 
လွယ်တိန်ခမ်းဘုရားကျောင်း အဝင်ဝ

Image Hosted by PicturePush - Photo Sharing


Image Hosted by PicturePush - Photo Sharing

မုဒ်ဦးဝက ရွှေသမင်မိသားစု

မူဆယ်မြို့အဝင် ဆိုင်းဘုတ်နားမှာရော၊ အခု တောင်ပေါ်အတက် မုဒ်ဦးဝမှာပါ ရွှေသမင်ရုပ်ပုံကို မြင်တွေ့ရပါတယ်။ မူဆယ်မြို့မှာ ရွှေသမင်ရုပ်ပုံများကို နေရာတာ တွေ့ရတာကြောင့် စုံစမ်းကြည့်တဲ့အခါမှာတော့  ဟိုးယခင် ကမ္ဘာပေါင်းများစွာက မြတ်စွာဘုရား နုစဉ်ခါက ရွှေသမင်ဘဝနဲ့ အခုတက်တော့မဲ့ လွယ်တိန်ခမ်း တောင်ပေါ်မှာ နေထိုင်ခဲ့ဖူးတယ်လို့ ဆိုပါတယ်။ တကယ်တမ်း အလွယ်တကူ လွယ်တိန်ခမ်းလို့ခေါ်ပေမဲ့ လွိုင်တိန်ခမ်း လို့ ခေါ်ရမှာဖြစ်ပါတယ်။ လွိုင်ဆိုတာ ရှမ်းဘာသာအားဖြင့် တောင်ကို ခေါ်ဆိုတာ ဖြစ်ပြီး တိန်ခမ်းဆိုတာ ရွှေသမင်ကို ခေါ်ဆိုတာဖြစ်ပါတယ်။ ဒါကြောင့် ရွှေသမင်တောင်လို့ မြန်မာလိုခေါ်ရင် မှားမယ် မထင်ပါဘူးရှင်။

Image Hosted by PicturePush - Photo Sharing 

တောင်ပေါ်စတက်တာနဲ့ လမ်းဘေးဝဲယာတစ်လျှောက်လုံး စိမ်းစိုနေတဲ့ ယူကလစ်တောကြီးကို တွေ့ရမှာဖြစ်ပါတယ်။

Image Hosted by PicturePush - Photo Sharing 

Image Hosted by PicturePush - Photo Sharing 
လွယ်တိန်ခမ်း ဓမ္မာရုံ

Image Hosted by PicturePush - Photo Sharing 
ဓမ္မာရုံရှေ့မှာ ကဗျည်းကျောက်စာ


ဧက ၆၀နီးပါးကျယ်ဝန်းလှတဲ့ လွယ်တိန်ခမ်း သာသနာ့နယ်မြေဟာ ဘုရားဖူးဖို့သာမက မြို့ခံလူငယ်များ လေညင်းခံရင်း၊ ရှုခင်းများကြည့်ရင်း ဆိုင်ကယ်များဖြင့် လာရောက်တတ်ကြတဲ့နေရာလည်း ဖြစ်ပါတယ်။ တောတောင် ရှုခင်းများ၊ ရွှေလီမြစ်ဝှမ်းရဲ့ အလှများကို တောင်ထိပ်ပေါ်မှ တွှေမြင်နိုင်ပြီး၊ ကျေးငှက်တို့ရဲ့ အော်မြည်သံကို သာယာနာပျော်ဖွယ် နားဆင်နိုင်ပါတယ်။ တောပန်းတောင်ပန်းလေးများ လှပဝေဆာ ဖူးပွင့်နေတဲ့ အေးချမ်းလှသော လွယ်တိန်ခမ်းတောင်ဟာ အေးရိပ်ဆာယာတစ်ခုလည်း ဖြစ်ပါတယ်။


Image Hosted by PicturePush - Photo Sharing

တောင်တက်လမ်းတစ်နေရာက လမ်းဘေးအောက်ဖက်မှာ ရှင်ဥပဂုတ်နဲ့ ရေကန်ကြီးရှိပါတယ်.


Image Hosted by PicturePush - Photo Sharing



Image Hosted by PicturePush - Photo Sharing 
ရေကန်ဘေးမှာ ခုလို အမိုးချွန်ဆိုင်ကလေးတွေမှာ ရှမ်းအစားအစာများ၊ အသုပ်စုံများ ရနိုင်ပြီး ရေကန်ကြီးထဲမှာတော့ ခြေနင်းလှေများ စီးနိုင်ပါတယ်။



Image Hosted by PicturePush - Photo Sharing 

Image Hosted by PicturePush - Photo Sharing

လမ်းဘေးတစ်လျှောက် ပန်းဝါလေးတွေ လှလှပပ ပွင့်နေတာ သိပ်ကို သဘောကျဖို့ကောင်းပါတယ်။

Image Hosted by PicturePush - Photo Sharing 
ဒီလိုပန်းဝါလေးတွေ

Image Hosted by PicturePush - Photo Sharing 

သဗ္ဗညု စုမ့်မိုင်း စေတီတော်

Image Hosted by PicturePush - Photo Sharing 
စေတီပေါ်သို့ တက်ရောက်ရာ လှေကားထစ်တွင် နဂါး နှစ်ကောင်ရှိသောကြောင့် နဂါးနှစ်ကောင်စေတီဟုလည်း ခေါ်ကြပါတယ်

Image Hosted by PicturePush - Photo Sharing 

ဒီစေတီရဲ့ အနောက်ဖက်မှာ အင်မတန်လှပတဲ့ ရှုခင်းများကို တွေ့မြင်နိုင်ပါတယ်။


Image Hosted by PicturePush - Photo Sharing 

Image Hosted by PicturePush - Photo Sharing

ရွှေလီမြစ်ဝှမ်းတစ်လျှောက် မြစ်ဟိုဘက်ဒီဘက် တည်ရှိနေတဲ့ တရုတ်ပြည်ရဲ့ ကျယ်ခေါင် ရွှေလီရှုခင်းများ


Image Hosted by PicturePush - Photo Sharing 

Image Hosted by PicturePush - Photo Sharing 

တရုတ်ပြည်ဘက်သို့ ရောက်ပြီးကာမှ မူဆယ်မြို့သို့ ပြန်ကြွလာတော်မူသည့် ပြည်တော်ပြန်ဘုရား စံမြန်းရာ ကျောင်းဆောင်


Image Hosted by PicturePush - Photo Sharing 
ဒီကျောင်းဆောင်ကို ဘယ်နေရာက ဓာတ်ပုံရိုက်ရိုက် အတော်ကို သပ္ပါယ်ပါတယ်။

Image Hosted by PicturePush - Photo Sharing

ပြည်တော်ပြန်ဘုရားကို အတွင်းထဲ ဝင်ဖူးရအောင်နော်

Image Hosted by PicturePush - Photo Sharing 
နဂါးပလ္လင်ပေါ်တွင် စံပယ်တော်မူနေသည့် ပြည်တော်ပြန်ဘုရား

Image Hosted by PicturePush - Photo Sharing

Image Hosted by PicturePush - Photo Sharing 



Image Hosted by PicturePush - Photo Sharing 


Image Hosted by PicturePush - Photo Sharing 
ဆွမ်းခံကြွနေသည့် မြတ်စွာဘုရားနှင့် သံဃာတော်များ ရုပ်ပုံတော်

ထိုနေရာမှ တောင်ကြား လျှိုတစ်ခုကို ကျော်ဖြတ်ပြီး တောင်တစ်လုံးကို ပြန်တက်ရပါတယ်။ တောင်ထိပ်ကို ရောက်တာနဲ့ ကြည်ညိုဖွယ်ကောင်းလှတဲ့ မဟာသန္တိသုခ ရပ်တော်မူရုပ်ပွားတော်မြတ်ကြီးကို သပ္ပါယ်လှစွာ ဖူးမြင်ရမှာ ဖြစ်ပါတယ်။

Image Hosted by PicturePush - Photo Sharing 
တောင်ရဲ့ အခြားတစ်ဖက် နောက်ထပ် တောင်တစ်လုံးရဲ့ ထိပ်ပေါ်မှာ တည်ထားတော်မူတဲ့ မဟာသန္တိသုခရပ်တော်မူဘုရား ကိုရောက်ပါပြီ။

Image Hosted by PicturePush - Photo Sharing

ကြည်ညိုဖွယ်ကောင်းလှသည့် ရပ်တော်မူ ရုပ်ပွားတော်

ရပ်တော်မူဘုရားကြီးဟာ ဥာဏ်တော်၈၂ပေ အမြင့်ရှိပြီး မြန်မာနိုင်ငံမှာ ဒုတိယအမြင့်ဆုံးဖြစ်ကြောင်း သိရပါတယ်။ တည်ထားပြီးသည့်ချိန်ကနေ ခုချိန်ထိ သုံးကြိမ်တိုင်တိုင် မျက်နှာတော်နဲ့ ညာလက် ဖဝါးမှာ ပျားစွဲခဲ့တာကြောင့် ပျားစွဲဘုရားလို့လည်း လူသိများပါတယ်။


Image Hosted by PicturePush - Photo Sharing 

ရုပ်ပွားတော်ရဲ့ အောက်ခြေမှာ လှိုဏ်ဂူသဖွယ် အခေါင်းပေါက်ဖြစ်ပါတယ်။ အဝင်ဝဘေးဘက်မှာ မြေကပ်ပန်းအဝါရောင်လေးတွေ လှပစွာစိုက်ပျိုးထားပါတယ်။

Image Hosted by PicturePush - Photo Sharing


ရုပ်ပွားတော် အောက်ခြေအတွင်းမှာ စကျင်ကျောက် ရုပ်ပွားတော်တစ်ဆူနဲ့ ရပ်တော်မူဘုရား ပုံစံတူ တစ်ဆူရှိပါတယ်.။။


Image Hosted by PicturePush - Photo Sharing

Image Hosted by PicturePush - Photo Sharing 
အတွင်းနံရံပေါ်မှာ ဗုဒ္ဓဝင်ရုပ်ကြွများ

Image Hosted by PicturePush - Photo Sharing 


Image Hosted by PicturePush - Photo Sharing

 ချယ်ရီပင်တွေအောက်က ခုံတန်းလျားမှာထိုင်ပြီး ကြည့်မယ်ဆိုရင် အင်မတန်လှပတဲ့ ရွှေလီမြစ်ဝှမ်းနဲ့ တရုတ်မြန်မာ နယ်စပ်တစ်လျှောက်ကို တွေ့ရမှာဖြစ်ပါတယ်။ ဒါကြောင့် ဒီနေရာကနေ ထိုင်ပြီး ရှုခင်းများ ကြည့်ကြစို့လားနော်။

Image Hosted by PicturePush - Photo Sharing


Image Hosted by PicturePush - Photo Sharing 
တော်ပေါ်ကနေ လှမ်းမြင်နေရတဲ့ ကတ္တရာလမ်းမကြီးဟာ မူဆယ် မြို့တွင်းသို့ ဝင်ရောက်ရာ ဒုတိယလမ်းမဖြစ်ပါတယ်.

Image Hosted by PicturePush - Photo Sharing 
မူဆယ်မြို့နဲ့ တရုတ်နယ်စပ်ကို လှမ်းမြင်နေရပုံ

Image Hosted by PicturePush - Photo Sharing

မူဆယ် စက်မှုမြို့သစ်


Image Hosted by PicturePush - Photo Sharing 
ဘယ်ဘက်မြင်ကွင်းမှ တောင်တန်းများ

Image Hosted by PicturePush - Photo Sharing 
စေတီတော်မှ တောင်အဆင်းလမ်း

Image Hosted by PicturePush - Photo Sharing


Image Hosted by PicturePush - Photo Sharing 
လွယ်တိန်ခမ်းတောင်တော်ကို စောင့်ရှောက်တဲ့ ရှမ်းဘိုးဘိုးကြီး ဟော်နန်း



Image Hosted by PicturePush - Photo Sharing 
တောင်ပေါ်မှာ ယခုလို ချစ်စရာဆိုင်တဲကလေးတွေ နေရာအနှံ့ရှိတာကြောင့် အေးအေးလူလူ အနားယူအပန်းဖြေ စားသောက်နိုင်ပါတယ်။


မူဆယ်မြို့ရဲ့ ကျက်သရေဆောင် လွယ်တိန်ခမ်းတောင်တော်မြတ်မှာ တောင်တန်းသာသနာပြုဆရာတော် ဦးသုခမိန္ဒ တက္ကသီလမဟာဓမ္မာစရိယ M.A (Buddhism)., M.A Sri Lanka ( ဆရာတော် စဝ်ဆုခမ်း) သီတင်းသုံး ကျောင်းထိုင်တော်မူပါတယ်။ သာသနာတော်အကျိုးကို သယ်ပိုးဆောင်ရွက်နေတဲ့ ဆရာတော်ကို မူဆယ်တစ်မြို့လုံးသာမက ရှမ်းပြည်နယ်တစ်လွှား ပြည်သူများနဲ့ မြန်မာပြည်အနှံ့ ပြည်သူများက လေးမြတ်ကြည်ညိုကြပါတယ်။ ဆရာတော်ဘုရားရဲ့ ဝက်ဆိုဒ်ကို ကျွန်မဘလောဂ့်၏ ဆိုဒ်ဘားတွင် လည်းကောင်း ဤနေရာတွင် လည်းကောင်း ဝင်ရောက်ကြည့်ရှုနိုင်ပါတယ်ရှင်။


မူဆယ်မြို့ကို ရောက်ခဲ့လျှင်ဖြင့် လွယ်တိန်ခမ်းတော်ပေါ်ကိုပါ ခါတစ်ခေါက်တော့ ရောက်အောင်သွားကြဖို့ တိုက်တွန်းနှိုးဆော်ရင်း မရောက်နိုင်သေးသူများလည်း တော်သလင်းလပြည့် ဤယနေ့မှာ လွယ်တိန်ခမ်း တောင်တော် ဘုရားစေတီများကို ဤနေရာမှာ ဖူးရင်းဖြင့် ကုသိုလ်ရယူနိုင်ကြ ပါစေကြောင်းပါရှင်။ 



Image Hosted by PicturePush - Photo Sharing