တူညီသော ချစ်ခြင်းတစ်စုံ

လူတိုင်း လူတိုင်းမှာတော့ စိတ်မကြည်မသာ ဖြစ်တဲ့အချိန်၊ စိတ်ညစ်တဲ့အချိန်၊ စိတ်ဓာတ်ကျတဲ့အချိန်တွေ၊  ၀မ်းနည်း နာကျင်နေတဲ့ အချိန်တွေ တစ်ခါမဟုတ် တစ်ခါတော့ ရှိတတ်ကြမှာဘဲနော်.. အဲဒီအချိန်တွေကို ဘယ်လိုများ ကျော်ဖြတ် ကြပါသလဲ၊ လူတစ်ယောက်နဲ့တစ်ယောက် ကျော်ဖြတ်ပုံ၊ ရင်ဆိုင်ကြပုံချင်းတော့ တူကြမယ် မထင်ပါဘူး။ တစ်ချို့ကျတော့ စိတ်ဓာတ်ကျရင်၊ ၀မ်းနည်းနာကျင်ရင် ငိုကြွေးကြတယ်။ အချို့က မိမိမိတ်ဆွေ၊ မိဘ မောင်နှမဆီ ရင်ဖွင့် ပြောပြကြတယ်။ အချို့ကျတော့လည်း စိတ်ခွန်အားဖြစ်မဲ့ စာတွေ၊ စိတ်ကို တည်ငြိမ်စေမဲ့ အဆုံးအမ တရားစာတွေ ဖတ်ကြတယ်။ တရားထိုင်ကြတယ်။  တစ်ချို့ကျတော့ သီချင်းတွေ အော်ဟစ် သီဆို တတ်ကြပါတယ်။ တစ်ယောက်နဲ့တစ်ယောက် စိတ်ညစ်နွမ်းချိန်ကို ရင်ဆိုင် ဖြတ်သန်းပုံချင်း မတူညီကြ တာတော့ သေချာလှပါတယ်။

သက်ထား စိတ်ညစ်ရင်၊ စိတ် မကြည်မသာဖြစ်ရင် အေးချမ်းဆိတ်ငြိမ်တဲ့ ရှုခင်းတွေ တမျှော် တစ်ခေါ်ကြီး ကို ငေးမောလို့ ရနိုင်မဲ့ ၊ အချိန်အကြာကြီး ကိုယ့်စိတ်အာရုံတွေကို အဆုံးမရှိ လွတ်ပေးလိုက်လို့ ရတဲ့ နေရာမျိုးမှာ ထိုင်နေရတာကို သဘောကျ နှစ်သက်မိတယ်။ ဒီအချိန်မှာ ဖုန်းတွေကို ပိတ်ချင် ပိတ်ထားမယ်။ ပြင်ပ အဆက် အသွယ်တွေ အကုန်ဖြတ်တောက်လို့ ကိုယ်မသိ၊ ကိုယ်မရင်းနှီးတဲ့ မျက်စိ တစ်ဆုံး မြင်နေရတဲ့ တောင်တန်း ကြီးတွေပေါ်ကို ကျော်ဖြတ်ပြီး  အဝေးဆုံးထိ စိတ်ကို ဖြန့်ကျက်လို့ ခရီးနှင်ရတာက သက်ထားရဲ့ စိတ်အာရုံကို ပြန် လည် လန်းဆန်းလာအောင်၊ စိတ်တွေ ပြန်လည် တည်ငြိမ် လာအောင်  ကုစားတဲ့နည်းတစ်မျိုးပါဘဲ။ အဲဒီချိန်မျိုးမှာ အိမ်ထဲမှာ နေနေတာထက် စာရင် အိမ်ပြင်ပကို ထွက်ပြီး လန်းဆန်း သန့်စင်တဲ့ လေပြေနုထွေး အေးအေးလေးရဲ့ အပွေ့အဖက်ကို ခံယူလို့ ကြည်လင်လှပတဲ့ ရှုခင်းလေးတွေကို ကြည့်လိုက်ပြီ ဆိုရင် သက်ထားမှာရှိနေတဲ့ သောက စိတ်တွေ အနည်းနဲ့ အများတော့ အေးချမ်းသွားတတ်ပါတယ်။

Image Hosted by PicturePush - Photo Sharing

ဒီညနေလဲ တစ်စုံတစ်ရာသော အကြောင်းကြောင့် နောက်ကျိ ညစ်နွမ်းနေတဲ့၊ ၀မ်းနည်းပင်ပန်းနေတဲ့ စိတ် အာရုံတွေကို ဆေးကြောဖို့ ထိုင်နေကျ နေရာလေးတစ်ခုဖြစ်တဲ့ မြစ်ဆိပ်ကမ်းဘေးက တာရိုးလေးကို သက်ထား တစ်ယောက်တည်း ထွက်လာခဲ့မိပါတယ်။ တာရိုးလေးက မြစ်ရေမကျော်အောင် မြေဖို့ထားတဲ့ နေရာပေမဲ့ ကား သွားလို့ရတဲ့အထိ လမ်းအကျယ်ရှိပြီးတော့ တာရိုးတစ်လျှောက်ကိုလည်း အုတ်တံတိုင်း ကာထားပါတယ်။ အုတ်တံတိုင်း ဆိုပေမဲ့လို့ အလုံပိတ်တံတိုင်းမျိုး မဟုတ်ဘဲ အကွက်ကျဲကျဲ ကာထားတဲ့ အရံအတားသဘောမျိုးပါဘဲ။ တံတိုင်းနဲ့ကပ်ရပ်မှာ ထိုင်စရာ ကွန်ကရိ ခုံကလေးများ ခပ်ကျဲကျဲ ရှိနေပြီး တာရိုးပေါ်က လမ်းကလေးကတော့ ကတ္တရာ ခင်းထားတဲ့ လမ်းကလေးလဲ ဖြစ်ပါတယ်။ အရိပ်ရ အပင်တွေကို အရွယ်ညီညီ စီရီလှပစွာ လမ်းဘေးဝဲယာ စိုက်ပျိုးထားပါတယ်။ သစ်ရွက်စိမ်းတို့ရဲ့ ရနံ့ကလည်း စိတ်ကိုလ တ်ဆတ် ကြည်မြစေနိုင်တယ် မဟုတ်ပါလား။  တာရိုးမှာတော့ စိမ်းလန်းစိုပြေနေတဲ့ မြက်ခင်းပြင် ကျယ်ကြီးနဲ့အတူ ပြုပြင်ထားတဲ့ အရွယ်မျိုးစုံ၊ အပင်မျိုးစုံတို့ကို စံနစ် တကျ စိုက်ပျိုး ထိန်းသိမ်းထားတဲ့ အပန်းဖြေစရာနေရာ ရှိပါတယ်။ ပန်းခြံလို့ခေါ်ချင်ပေမဲ့ အပွင့်ပွင့်တဲ့ ပန်းပင်ဆိုလို့ စက္ကူပန်းပင်ကလွဲလို့ ကျန်တာအားလုံးက စိမ်းစိမ်းစိုစို အရွက်ဖားဖား အပင်ကြီး၊ အပင်လတ်တွေ ဖြစ် တာကြောင့် ပန်းခြံလို့လဲ ခေါ်ဖို့ခက်ပါတယ်။ မြို့နေလူထု အပန်းဖြေနားနေစရာ ဆိုတာကမှ ပိုပြီး လိုက်ဖက်ပါတယ်။

Image Hosted by PicturePush - Photo Sharing

အဲဒီ အနားယူစရာ နေရာရဲ့ သစ်ပင်ကြီးတွေရဲ့အောက်မှာ သဘာဝ ကျောက်တုံးကြီးတွေနဲ့ ပြုလုပ်ထားတဲ့ စားပွဲကြီးတွေ၊ လူတွေ ထိုင်စရာ ကျောက်ခုံတွေ ရှိပါတယ်.. နေ့ခင်း နေ့လည်ဆိုရင် အနားယူသူများ၊ မင်္ဂလာဆောင် အလှဓာတ်ပုံ ရိုက်ကြသူများ၊ ပျော်ပွဲစားထွက်သူများ ရှိနေတတ်ပြီး ညနေခင်းဆိုရင်တော့ လမ်းလျှောက်လာသူများ၊ ကားနဲ့လာပြီး မိသားစုလိုက် အပန်းဖြေ လေကောင်း လေသန့် ရှုကြသူ များနဲ့ မြက်ခင်းပြင်ကြီးမှာရော တာရိုး တစ်လျှောက်မှာပါ စည်ကားလှပါတယ်။ အစား အသောက် ရောင်း ချတဲ့ ဆိုင်ကလေးများလည်း ရှိနေတာကြောင့် အပန်းဖြေလာသူများအတွက် အဆင်ပြေလှပါတယ်။ သက်ထားကတော့ မြစ်ပြင်ကို ဖြတ်သန်းပြီး တိုက်ခတ် လာတတ်တဲ့ လေပြေ အေးအေး စိမ့်စိမ့် လေးတွေရယ် ဟိုးအဝေးမှာ အဆုံးမရှိ မြင်နေရတဲ့ တောင်ပြာတန်း ကြီးတွေရဲ့ ညှို့ယူဆွဲဆောင်နိုင်လွန်းတဲ့ အလှအပ ရယ်ကြောင့် ဒီနေရာလေးကို  အလွန် သဘောကျမိ တာပါ ဘဲ။ တွေးချင်တိုင်း တွေး၊  ငေးချင်တိုင်း ငေးလို့ ကောင်း တဲ့ နေရာလေး တစ်ခုဘဲ မဟုတ်လား။

Image Hosted by PicturePush - Photo Sharing


Image Hosted by PicturePush - Photo Sharing

ခုလဲ တံတိုင်းနားက ထိုင်ခုံတစ်ခုပေါ်ထိုင်ပြီး ဟိုးဝေးဝေးက ဆင့်ကာဆင့်ကာ စီရီလှပစွာ ရှိနေတဲ့ ပြာရီ မှိုင်းမှိုင်း တောင် တံတိုင်းတွေကို ကျော်ဖြတ်လို့ သက်ထားရဲ့စိတ်တွေ ရွက်လွှင့်ချင်တိုင်း လွှင့်သွားနေ တဲ့ အချိန်မှာ အနီးနားမှာ ကပ်ပြီး ပေါ်လာတဲ့ အသံတစ်ခုကြောင့် စိတ်နဲ့ကိုယ် ပြန်တွဲမိရက် သား ဖြစ်သွားပါတယ်။ ဒီလို စိတ်တွေ ရွက်လွှင့်သွားလိုက်မိတာ ဘယ်လောက်တောင် ကြာပြီလဲဆိုတာ သတိမထားလိုက်မိပေမဲ့ မြစ်ပြင် က လေအေးကြောင့် အင်္ကျီလက်တို ဝတ်ထားတဲ့ သက်ထားရဲ့ လက်မောင်း တစ်လျှောက် လုံးတော့ အေးစက်နေ ခဲ့ပါပြီ။ အသံကြားရာကို လှည့်ကြည့်လိုက်တော့ လမ်းလျှောက်နေကြတဲ့ အသက် ၇ဝကျော် ၈ဝနီးပါး အဖိုးအဖွား စုံတွဲတစ်တွဲ။ အဖိုးအိုက တောင်ဝှေးလေးကို တစ်ဘက်က ကိုင်ထားရင်း လက်တစ်ဘက်က အဖွားအိုရဲ့ လက်ကလေးတွေကို ဖေးမတွဲကူလို့။ အဖွားအိုရဲ့ လက်တွေကလဲ အဖိုးရဲ့ လက်ပေါ်မှာ အားကိုးတကြီး ဆုပ်ကိုင်လို့။ ကြည့်ရတာ နဲ့တင် ကြည်နူးစရာ ကောင်းနေပြီ။ ကြားလိုက်ရတဲ့ အဖိုးအိုရဲ့ အကြင်နာမေတ္တာ အပြည့်နဲ့ အသံကရော သက်ထားရဲ့ အာရုံတွေကို ဆွဲယူသွားခဲ့တာဘဲမဟုတ်လား။ အဖိုးအိုက အဖွားကို ပြောတဲ့စကားက “အဖွားကြီးရေ.. မောနေပြီလား.။ ဖြေးဖြေးလျှောက်နော်.. ထိုင်စရာခုံ တွေ့ရင် ခဏလောက် နားရအောင်.. ရေရော ဆာနေပြီလား.. ထိုင်မဲ့နေရာကျရင် အိတ်ထဲက ရေ တိုက်မယ်နော်” တဲ့။. အဖွားကို ကြည့်ရတာ အနည်းငယ်တော့ မောပန်းနေပုံ ရပါတယ်။

တာရိုးတစ်လျှောက် သက်ထား လိုက်ကြည့်တော့ လူတွေက အတော်များနေတယ်။ ပြီးတော့ ထိုင်ဖို့လုပ်ပေးထားတဲ့ ခုံတွေကလဲ နေရာလွတ် မကျန်တော့အောင် လူတွေအပြည့် ရှိနေပါတယ်။ အထူးသဖြင့်တော့ ငယ်ငယ်ရွယ်ရွယ် စုံတွဲကလေးတွေက ပိုမိုများပြားပါတယ်။ ဒီတော့ မနေနိုင်တဲ့သက်ထားက ကိုယ်လက်ရှိ ထိုင်နေတဲ့ ကွန်ကရိ ခုံကလေးကနေ ထလိုက်ပြီး “အဖိုးနဲ့အဖွား ဒီမှာ ခနလောက်နားပါလား။ သမီး ဒီဘေးက အုတ်တံတိုင်းပေါ် ထိုင်လိုက်မယ်လေ” လို့ ဖိတ်ခေါ်လိုက်ပါတယ်။ အုတ်တံတိုင်းရဲ့ အမြင့်က ခါးလောက်ရှိတာမို့ အဖိုးအဖွားတို့ အတွက် အဆင် မပြေနိုင်ပေမဲ့ သက်ထားအတွက်တော့ ထိုင်လို့ အဆင်ပြေတာကြောင့် ခုံနေရာလေး ဖယ်ပေးပြီး အနီးနားက အုတ်တံတိုင်းပေါ် တက်ထိုင်လိုက်ပါတယ်။ သူမ ကလည်း အိမ်မပြန်ချင်သေးဘူး မဟုတ်လား။

ခုံကလေးပေါ် ထိုင်လိုက်တဲ့ အဖိုးအဖွားတို့ကိုကြည့်ရင်း ဘာရယ်မသိတဲ့ ခံစားချက်လေးတွေနဲ့ စိတ်ဝင်တစား ငေးကြည့်နေမိပါတယ်။ အဖိုးအိုက သူလွယ်လာတဲ့ အိတ်ကလေး ထဲက ရေဘူးလေးတစ်ခု ကို ထုတ်လိုက်ပြီး အဖွားကို တိုက်ပါတယ်။ ဒါပေမဲ့ အဖွားက ငြင်းလိုက်ပြီး အဖိုးကို “အရင် သောက်ပါ” လို့ ပြော လိုက်တော့မှ အဖိုးအိုက ခပ်ပြုံးပြုံးလေး နဲ့ ရေကို မော့သောက်လိုက်ပြီး အဖွားဘက်ကို ပြန်ပေးလိုက်တော့မှ အဖွားအိုက ရေကို ဖြေးဖြေးလေး မော့သောက်ပါတယ်။ အဖွား ရေသောက်နေ တုန်းမှာ အဖိုးအိုက အိတ်ထဲက နောက်ထပ် ပစ္စည်းလေး တစ်ခုကို ဆွဲထုတ်လိုက်ပြန်တယ်.. သူ့လက်ထဲ ပါလာတာက လက်ကိုင် ပုဝါလေး တစ်ထည်။ အဲဒီ လက်ကိုင်ပုဝါလေးနဲ့ ချွေးစို့နေတဲ့ အဖွားရဲ့ နဖူးနဲ့ လည်ပင်းတို့ကို သာသာဖွဖွလေး သုတ်ပေးနေပါတယ်။ “အိုး သိပ်ကို ရိုမန်တစ်ဆန်လှတဲ့ ကြည်နူးဖွယ် မြင်ကွင်းကလေး ပါဘဲလား”  သေချာတာ ကတော့ အဲဒီမြင်ကွင်းကို ကြည့်နေမိတဲ့ သက်ထားရဲ့ မျက်နှာဟာ ကြည်နူးမှုတွေနဲ့ ပြုံးနေမိလိမ့်မယ်လို့ ထင်ပါတယ်။

အဖိုးကိုကြည့်ရတာ သူ့အပြုအမူတွေအတွက် ရှက်ကိုးရှက်ကန်းဖြစ်ဟန် ဘာမှ မတွေ့ရသလို ဒီလို လုပ်ပေးနေတာ ဟာလည်း သူ့အတွက် ဘာမှမထူးဆန်းသလို အမြဲလုပ်နေကျ အလုပ်တစ်ခုကို လုပ်နေတဲ့ပုံစံမျိုးနဲ့။ သက်တောင့် သက်သာ စေတနာ မေတ္တာအပြည့်နဲ့ပါဘဲ။ အဖွားအိုကရော.. သူ့မျက်နှာပေါ်လည်း အဖိုးကို ချစ်ခင်မြတ်နိုးခြင်း၊ အားကိုးယုံကြည်ခြင်းတွေအပြည့်နဲ့ အဖိုးခုလို လုပ်ပေးနေတာကို ကြည်နူးနှစ်သက်နေတဲ့ အပြုံးကလေးနဲ့အတူ မျက်နှာလေးက အသက်အရွယ်ကြောင့် အိုမင်းရင့်ရော်နေပေမဲ့လို့ ချစ်ခြင်း မေတ္တာရဲ့ ရောင်ပြန်ဟပ်မှုကြောင့် ရွှန်းစို လင်းလက်လို့ပါဘဲ။ သူတို့ နှစ်ဦးကိုကြည့်ပြီး သက်ထားရင်ထဲက သောက တို့ကိုတောင် ခဏမေ့သွားတယ်လို့ ထင်မိတော့တယ်။

ရေသောက်ပြီး ရေဘူးလေးကို အဖိုးကိုပြန်ပေးလိုက်တဲ့ အဖွားဟာ လက်ကိုင်ပုဝါကို ပြန်ဆွဲယူလို့ အဖိုးအိုကို ယုယ ကြင်နာစွာနဲ့ တစ်လှည့် ပြန်သုတ်ပေးနေပါတယ်.. ပြီးသွားတော့မှ တစ်ယောက်တည်း ထိုင်နေတဲ့ သက်ထား ဘက်ကို လှည့်ကြည့်ပြီး “သမီးက တစ်ယောက်တည်းလား.. အဖော်မပါဘူးလား” လို့ မေးလာပါတယ်။ သက်ထားလဲ “အဖိုးနဲ့ အဖွားတို့လို ပျော်စရာ အဖော် မရှိဘူးလေ” လို့ ရယ်ရွှင်ပြပြနဲ့ နောက်တောက်တောက်လေး လုပ်ကာ ပြန်ဖြေလိုက် ပါတယ်။ သူတို့ ၂ယောက်ကို ကြည့်ပြီး သက်ထားစိတ်ထဲမှာ ရင်းရင်းနှီးနှီးကို ခံစားနေ မိပြီး အလိုလို ရွှင်မြုးနေတဲ့ စိတ်ကလေး ဖြစ်နေခဲ့မိ တာကြောင့်ပါ။ အဖိုးအဖွားတို့က သက်ထားရဲ့စကားကို ခပ်ဟက်ဟက်လေး ရယ်မော လိုက်ကြပါတယ်။ ချစ်ဖို့ တကယ်ကို ကောင်းတဲ့ အဖိုးအဖွား စုံတွဲပါဘဲ။ အဖိုးနဲ့အဖွားကို ကြည့်ရင်း စိတ်ထဲကနေ မေးခွန်းလေးတွေ မေးကြည့်ချင်လာတာကြောင့် စကားစလိုက်မိပါပြီ..

“အဖွားတို့ကို ကြည့်ရတာ အရမ်းကြည်နူးစရာ၊ အားကျစရာကောင်းတယ်နော်..  အိမ်ထောင်သက် ဘယ်လောက် ကြာပြီလဲဟင်”

သက်ထားရဲ့အမေးကို အဖွားက ပြုံးပြုံးကလေးနဲ့ “အဖွားတို့က ငယ်လင်ငယ်မယားတွေ သမီးရဲ့ .. အဖွား ၁၈နှစ် သမီးရဲ့အဖိုး အသက် ၂၂မှာ အိမ်ထောင်ကျတာ ဆိုတော့ အခု အဖွားက ၇၈၊ အင်း နှစ် ၆၀ရှိပြီပေါ့သမီးရယ်.. ” လို့ ပြန်ဖြေပါတယ်..

“သားသမီးတွေရော ဘယ်နှယောက်ရှိလဲ” လို့မေးပြန်တော့ “သား၂ယောက် သမီး၎ယောက်ရှိတယ် သမီးရေ.. အားလုံး အိမ်ထောင်ကျလို့ အဖွားတို့မှာ မြေးတွေချည်း ၂၀ကျော်နေပြီ… အဲ မြစ်တွေတောင် တစ်ချို့ အိမ်ထောင် ကျသူ ကျနေပြီလေ” လို့ပြန်ပြောပါတယ်။ အဖွားရဲ့အသံက အရမ်းကို နူးညံ့ သိမ်မွေ့တာပါဘဲ.. လေသံလေးကလဲ ချိုချိုအေးအေးလေးနဲ့။ ကြည့်ရတာ သူ့တစ်သက်မှာ ကြမ်းကြမ်းတမ်းတမ်း စကားတို့ကိုပင် ဆိုခဲ့ဖူးပုံမပေါ်ပါ..

“အဖွားတို့ကြည့်ရတာ တစ်ယောက်နဲ့တစ်ယောက် အရမ်းချစ်ခင်ကြတာဘဲနော်.. အဖွားတို့ အိမ်ထောင်သက်မှာ ရန်တစ်ခါမှ မဖြစ်ဖူးဘူးလား” လို့ မေးမိတော့ အဖိုးက ပြန်ဖြေပါတယ်.. “အဖွားက စိတ်ကောင်းတယ် သမီးရဲ့။ အဖိုးက လူငယ် ဘဝတုန်းကတော့ စိတ်ဆတ်တာပေါ့။ ဒါပေမဲ့ အဖိုးစိတ်ဆိုးမယ်ပြင်ရင် သူက အရင် အလျှော့ပေးလိုက်တော့ ဘယ်တော့မှ ရန်ဖြစ်တဲ့အဆင့်ကို မရောက်ပါဘူးကွယ်။ လူနှစ်ယောက်မှာ တစ်ယောက်က တင်းရင် တစ်ယောက်က အလျော့ပေးလိုက်တယ်ဆိုရင် ပြီးသွားတာဘဲ မဟုတ်လား သမီးရယ်  ”

“သူကလဲ အဖွားအပေါ် ညှာတာတာကိုးသမီးရဲ့။ အဖွားကို အော်ဟစ်ဆူပူတာမျိုး မဖြစ်ခဲ့ဖူးတော့လည်း ရန်ဖြစ်တယ် ဆိုတာလည်း ဘယ်ရှိတော့မှာလဲ။ အဓိက ကတော့ နားလည်မှုပေါ့သမီးရယ်.. အဖိုးက အဖွားအပေါ် အမြဲတမ်း နားလည်မှုပေးခဲ့တယ်.. အိမ်ထောင်ဦးစီး ပီပီသသနဲ့ အဖွားကို ငဲ့ညှာတယ်။ ကြင်နာတယ်လေ။. အဖွားတို့ မိန်းမတွေရဲ့ စိတ်က ကိုယ့်ယောက်ျားကို အားကိုးတွယ်တာ တတ်တဲ့ စိတ်မျိုး ရှိတယ် မဟုတ်လား။ ယောက်ျားလုပ်သူက ကောင်းနေရင် မိန်းမတွေကလဲ အိမ်ထောင်ရှင်မ ကောင်း ပီသဖို့ ဘယ် ဝန်လေးတော့မလဲ သမီးရယ်…  ကိုယ်ချစ်လို့ ထူထောင်ထားတဲ့အိမ်ထောင်ရေးကို တစ်သက်လုံး ပျော်ပျော် ရွှင်ရွှင် အေးအေး ချမ်းချမ်းနဲ့ ရိုးမြေကျတဲ့အထိ ဖြတ်သန်းချင်တာလေ.. သမီးအဖိုးကလဲ ဒီလို စိတ်မျိုးဘဲရှိပါတယ်.. ဒီတော့ အဖွားတို့က မချမ်းသာပေမဲ့ ဘ၀ကို နားလည်မှုလေးတွေနဲ့ တည်ဆောက်ကြတော့ စိတ်အေးချမ်းတယ် သမီးရဲ့”  အဖွားရဲ့ လေသံ အေးအေးလေးက သူ့ရဲ့စိတ်လေးလိုပါဘဲ အေးချမ်းလိုက်တာ သူတို့ပြောတဲ့ စကားတွေဟာ အမှန်ဖြစ်လိမ့်မယ်ဆိုတာ သံသယဖြစ်စရာ မရှိလောက်အောင် သက်ထား ရင်ထဲက ယုံကြည်မိ ပါတယ်။သူတို့ရဲ့ စိတ်သဏ္ဍာန်တွေက  သူတို့ရဲ့ အပြုအမူ ပေါ်မှာတင်မက မျက်နှာပေါ်မှာပါ ဖော်ပြနေ သားဘဲလေ။

“အဖွားတို့အိမ်ထောင်ရေးက သိပ်စိတ်ချမ်းသာစရာ ကောင်းတာဘဲနော် .. နှစ်ယောက်လုံးက ချစ်ဖို့ကောင်းတယ်။ သဘောလည်း ကောင်းလို့လေ။ အဖိုးရဲ့ နားလည်မှုကို ရထားတဲ့ အဖွားက ကံကောင်းသလို အလျှော့ပေးတတ်တဲ့ အဖွားကို ရတာလဲ အဖိုး ကံကောင်းတာပါဘဲနော် ”

သက်ထားက ပြောလိုက်တော့ အဖွားက သက်ထားကို ရင်းနှီးခင်မင်စိတ်ကြောင့် ထင်ပါရဲ့.. မေးခွန်းလေး တစ်ခု ပြန်မေး ပါတယ်..  “ဒီလိုဆို သမီးကရော သမီးရရှိထားတဲ့အချစ်က ဘယ်လို အချစ်မျိုးလဲ.. နားလည်မှုပေးတဲ့ အချစ်လား။ အလျှော့ပေးတဲ့ အချစ်မျိုးလား၊ အဲဒီအချစ်မှာ သမီးကိုယ်တိုင်ကရော စိတ်ချမ်းမြေ့မှု ရရဲ့လား” တဲ့

သူမ ကသာ မေးခွန်းတွေ တောက်လျှောက် မေးလာခဲ့ပေမဲ့ ရုတ်တရက် ပြန်မေးလိုက်တဲ့ အဖွားရဲ့ မေးခွန်းမှာ သက်ထားရဲ့ နှုတ်ခမ်းတွေဟာ ဆွံ့အလို့ သွားခဲ့ပါတယ်။ ပြန်ဖြေစရာ စကား ရှာမရတာနဲ့ဘဲ  ခပ်ပြုံးပြုံးလေးသာ လုပ်နေ လိုက်မိပါတော့တယ်၊ တကယ်တမ်းတော့  အဖွားရဲ့ မေးခွန်းကို သက်ထား သိပ်ဖြေချင်ပါတယ်။ အဲဒီလို ဖြေချင်တဲ့ စကားလုံးလေးတွေ ဟာလည်း “ သမီး ရရှိထားတဲ့ ချစ်ခြင်းမှာ စိတ်ချမ်းမြေ့ပါ တယ်။ ပျော်ရွှင်ကျေနပ်ပါတယ်” လို့ ဖြေချင်ခဲ့မိတယ်။ ဒါပေမဲ့ စိတ်ထဲက တကယ်တမ်း တီးတိုးလေး ပြောနေမိတာက “သမီးလဲ အဖွားလို ကံကောင်းချင် ပါတယ်။ ချစ်ခြင်းမှာ သာယာ ချမ်းမြေ့ချင်တာပါဘဲ အဖွားရယ်။  ဒါပေမဲ့ အဖွားလို ကံမကောင်းခဲ့ပါဘူး”

အကြာကြီး တိတ်ဆိတ်သွားတဲ့ သက်ထားကိုကြည့်ပြီး အဖိုးက “ကဲ... သမီးရေ.. မမှောင်ခင် အဖိုးတို့ ပြန်လိုက်ဦးမယ်.. ညနေတိုင်း အဖိုးတို့က လမ်း လာလာလျှောက် တယ်လေ.. ဟိုးနားလေးက အိမ်မှာနေတယ် သမီးရေ။ ရောက်ရင် ဝင်လာလည်နော်.. သမီးအဖွားက ခုချိန်ထိ အဖိုးကို ဟင်းချက်ကျွေးတုန်း.. သူက ဟင်းချက် သိပ်ကောင်းတာသမီးရဲ့။ လာလည်ရင် သမီးကို အဖွားလက်ရာနဲ့ ထမင်းကျွေးမယ်နော်။” လို့ ပြောလိုက်ရင်း  တောင်ဝှေးကိုကောက်လို့ အရင် ထလိုက်ပြီး လက်ကလေးတစ်ဖက်ကို ကမ်းလိုက်ကာ အဖွား ထနိုင်အောင် ကြင်ကြင် နာနာလေး တွဲထူ လိုက်ပါတယ်။ အတွဲခံရတဲ့ အဖွားရဲ့ လက်ကလေးတွေကလည်း အဖိုးရဲ့ လက်တွေကို အားကိုးတကြီး ဆုပ်ကိုင်လို့။

“သမီးလဲ တစ်ယောက်တည်း ဆိုတော့ မမှောင်ခင်ပြန်နော်.. အကြာကြီး မထိုင်နဲ့။ မြစ်ဘက်ကနေ  လာတဲ့ လေက အေးတော့ အအေးမိနေဦးမယ်.. နောက်ကို ဟိုနားဘက်ရောက်ဖြစ်ရင် အဖွားတို့ဆီလဲ လာလည်နော်” လို့ လေသံ ချိုချိုအေးအေးလေးနဲ့ အဖွားက သက်ထားကို သံယောဇဉ် ကြီးတတ်စွာ ဝင်ပြောလိုက် ပါတယ်။



တစ်ယောက်လက် တစ်ယောက်တွဲပြီး တစ်ရွေ့ရွေ့ ဝေးကွာသွားတဲ့ အဖိုးနဲ့ အဖွားကိုကြည့်ပြီး ခံစားချက် တစ်မျိုးကြောင့် မျက်ရည်စတစ်ချို့တို့က သက်ထားရဲ့ မျက်ဝန်းအိမ်မှာ ရစ်ဝဲ လာမိပါတယ်။ ကြည်နူးမှုကြောင့် ကျတဲ့ မျက်ရည်လား။ ဘယ်လို ခံစားချက်ကြောင့် ကျတဲ့ မျက်ရည်လဲ ဆိုတာကိုတော့ သက်ထား ကိုယ်တိုင်တောင် ဝေခွဲဖို့ ခက်နေမိပါတယ်။ နားလည်စာနာမှု၊ အလျှော့ပေးသိတတ်မှု၊ ချစ်ခင် ကြင်နာမှုစတဲ့ အရာတွေနဲ့ လှလှပပ ယှက်ဖွဲ့ထားတဲ့ အဖိုးအိုနဲ့ အဖွားအိုတို့ရဲ့ လေးစားအားကျဖွယ် တူညီသော ချစ်ခြင်း မျိုးကိုတော့ မက်မက်မောမော လိုချင်ခဲ့မိသော်လည်း သက်ထားဟာ အချစ်နဲ့ ပတ်သက်လို့  အဖွားလို ကံကောင်းသူ တစ်ယောက် မဖြစ်ခဲ့ကြောင်း ကိုတော့ဖြင့် အဖိုးအဖွားတို့ကို ပြောမပြချင်တော့ပါ။ အချစ်ဆိုတာ တစ်ဦးနဲ့တစ်ဦး စာနာ နားလည်မှု၊ ဖေးမ ကူညီမှု၊ မြတ်နိုး တွယ်တာမှု၊ လေးစား ချစ်ခင်မှုတွေနဲ့ တည်ဆောက် ထားကြမယ်ဆိုရင် သာယာ လှပတဲ့ ပျော်ရွှင် ချမ်းမြေ့ဖွယ် ချစ်ခြင်းတစ်စုံ ဖြစ်လာမှာတော့ သေချာသားဘဲ မဟုတ်ပါ လားနော်။






လွန်ခဲ့တဲ့ ၂နှစ်က ရေးခဲ့ဖူးတဲ့ ဝတ္ထုတိုလေးပါ။ စာရေးဖို့ အချိန်မရသေးတာနဲ့ ဒီနေ့တော့ ဒီပိုစ့်လေးကို ပြန်တင် မိပါတယ်။ လူတိုင်းအတွက် တူညီသော ချစ်ခြင်းများကို ပိုင်ဆိုင်နိုင်ကြ ပါစေရှင်။

ခရမ်းရောင်လွင်ပြင် မင်းသမီးလေး

ဒီနေ့တော့ အမှတ်မထင် သိခဲ့ရာက လေးစားအားကျမိတဲ့ သူတစ်ဦးအကြောင်း ရေးချင်ပါတယ်။ လွန်ခဲ့တဲ့ ရက်က ဖေ့ဘွတ်မှာ သူ့ဓာတ်ပုံလေးနဲ့အတူ သူ့အကြောင်း တစ်စွန်းတစ်စကို ရေးပြီး တင်ခဲ့ရာမှာ ကျွန်မ နည်းတူ သူ့ကို လူတွေ သိပ် စိတ်ဝင်စားကြတယ် ဆိုတာ တွေ့လိုက်ရပါတယ်။ ပြီးတော့လည်း သူ့အကြောင်း သိခဲ့ဖူးတဲ့၊ ကြားခဲ့ဖူးတဲ့ အခြားသော လူတွေကလည်း သိသလောက်ကို ဝင်ရောက်ဆွေးနွေး ပြောပြကြရင်း အနည်းငယ် ပြည့်စုံ လာတဲ့ သူ့ရဲ့ ပုံရိပ် ကောက်ကြောင်းတွေကလည်း စိတ်ဝင်စားစရာ ချီးကျူးစရာ ပိုပြီး ကောင်းလာ တာကြောင့် ကျွန်မ ဖတ်မိ၊ လေ့လာမိတဲ့ သူ့အကြောင်းတွေကို ဒီပိုစ့်လေးနဲ့ တင်ပြလိုက်ပါတယ်။ သူကတော့ တစ်ခြားသူ မဟုတ်ပါဘူး။ ကျွန်မတို့ မမွေးခင် လွန်ခဲ့တဲ့ ၁၉၅၄ခုနှစ်မှာ အင်္ဂလိပ် ရုပ်ရှင်ထုတ်လုပ်ရေးက ရိုက်ကူးခဲ့တဲ့ ကမ္ဘာကျော် The Purple Plain (ခရမ်းရောင်လွင်ပြင်) ရုပ်ရှင်ကားကို နာမည်ကြီးမင်းသား Gregory Peck နဲ့ တွဲဖက် ရိုက်ကူးပြီး မြန်မာပြည်မှာ သာမက ကမ္ဘာကပါ အသိအမှတ်ပြု အောင်မြင် ကျော်ကြားခဲ့တဲ့ မင်းသမီး ဒေါ်ဝင်းမင်း သန်း ဖြစ်ပါတယ်။


Image Hosted by PicturePush - Photo Sharing


Image Hosted by PicturePush - Photo Sharing
ခရမ်းရောင်လွင်ပြင်ပေါ်က မင်းသမီးလေး ဝင်းမင်းသန်း

ဒေါ်ဝင်းမင်းသန်း အကြောင်းကို ပြောရာမှာ သူ့အကြောင်းတွေဟာ ဂုဏ်ယူလေးစား စရာတွေနဲ့ စိတ်ဝင်စားဖို့ အလွန်ကောင်းတယ်လို့ ကျွန်မက ယူဆပါတယ်။ သူဟာ မြန်မာအမျိုးသမီးထဲမှာ ဟောလိဝုဒ် ရုပ်ရှင်ကား တစ်ကားကို ပထမဦးဆုံးရိုက်ကူးခွင့် ရသူဖြစ်ပြီး အင်္ဂလိပ်စကားပြောလည်း အလွန်ကောင်းလှတာကို သူ့ဇာတ်ကားကို ကြည့်ရင် တွေ့နိုင်ပါတယ်။ ဇာတ်ကားမှာလည်း တည်ငြိမ်အေးဆေးတဲ့ မြန်မာအမျိုးသမီးရဲ့ ဇာတ်ကောင်စရိုက်ကို ပီပီပြင်ပြင် သရုပ်ဆောင်နိုင်ခဲ့ပါတယ်။ ဒေါ်ဝင်းမင်းသန်းကို ၁၉၃၃ခုနှစ်မှာ ပဲခူးမြို့တွင် မွေးဖွားခဲ့ပါတယ်။ ဖခင်က နိုင်ငံခြားသား သြစတြေးလျားဟု ပြောကြသော်လည်း အချို့က သူ့အဖေရဲ့ နာမည်အရ ဂျာမန် နာမည် ဖြစ်တယ်လို့ ဆိုတာကြောင့် ဂျာမန်သွေးတစ်ဝက် ပါတယ်လို့လည်း ပြောကြပါတယ်။ မိခင် ကတော့ မြန်မာနိုင်ငံသူ စစ်စစ် ဖြစ်ပါတယ်။ အတိအကျ ပြောရရင် ဒေါ်ဝင်းမင်းသန်းဟာ ဖခင်နိုင်ငံခြားသား၊ မိခင် မြန်မာက မွေးဖွား တဲ့ ကပြားဖြစ်သော်လည်း မြန်မာ့ယဉ်ကျေးမှုကို အလွန် တန်ဖိုးထားပြီး ဗုဒ္ဓဘာသာ ကိုလည်း ထဲထဲဝင်ဝင် ယုံကြည်ကိုးကွယ်သူ တစ်ဦးဖြစ်ပါတယ်။ 


Image Hosted by PicturePush - Photo Sharing


Image Hosted by PicturePush - Photo Sharing
 ကျက်သရေရှိရှိ ချောမောလှပသူ
 
ငယ်နာမည် Helga Johnson ဖြစ်ပြီး အသက် ၁၄နှစ်အရွယ်ထိ ဒုတိယ ကမ္ဘာစစ်ကြောင့် မြန်မာပြည်မှာ ဂျပန်တို့ ရောက်ရှိချိန် အတွင်း အိန္ဒိယမှာ တိမ်းရှောင် နေထိုင်ခဲ့ရပြီး မြန်မာပြည် ပြန်ရောက်ချိန် မှာတော့ စိန်ဂျွန်း ကွန်ဗင့် ကျောင်းမှာ ပညာ ဆက်လက် သင်ကြားခဲ့ပါတယ်။ စစ်ပြီးတဲ့အချိန် ၁၉၅၁ခုနှစ် အသက်၁၈နှစ်အရွယ်မှာ အင်္ဂလန်နိုင်ငံရှိ အက သင်တန်းကျောင်းမှာ တစ်နှစ်ခန့် အကပညာကို သင်ကြားခဲ့သော်လည်း ထိုအကကို ဝါသနာ မပါတာကြောင့် မြန်မာပြည် ကို ပြန်လာခဲ့ပါတယ်။ ဒေါ်ဝင်းမင်းသန်းဟာ အင်္ဂလိပ် စကားကိုလည်း အလွန် ကောင်းမွန် ကျွမ်းကျင်စွာ ပြောနိုင်သူ တစ်ဦး ဖြစ်ပါတယ်။ ဒေါ်ဝင်းမင်းသန်းဟာ ဗိုလ်ချုပ်အောင်ဆန်းနဲ့ အတူတူ လွတ်လပ်ရေး အတွက် တိုက်ပွဲဝင်ခဲ့တဲ့ ရဲဘော်သုံးကျိပ်ဝင် ဗိုလ်စင်္ကြာနဲ့ (သခင်အောင်သန်း) နဲ့ လက်ထပ်ခဲ့ပါတယ်။ 

Image Hosted by PicturePush - Photo Sharing

မြန်မာဆန်ဆန် ဝတ်စားဆင်ပြီး လှပကြော့ရှင်းတဲ့ ဒေါ်ဝင်းမင်းသန်းကို အမေရိကန် ဒါရိုက်တာဖြစ်သူ Robert Parrish ရဲ့ သူငယ်ချင်းတစ်ယောက်က သူမတို့အိမ်ကို အလည် လာတဲ့အခါမှာ  မြင်တွေ့သွားခဲ့ပြီး ဒေါ်ဝင်းမင်းသန်းရဲ့ ဓာတ်ပုံ တောင်းယူ သွားခဲ့ကာ ဒါရိုက်တာ Robert Parrish ထံသို့ ပို့ပေးလိုက်ပါတယ်။ ထိုအချိန်က ဒါရိုက်တာ Robert Parrish ဟာ မြန်မာပြည် အကြောင်းကို ရုပ်ရှင်တစ်ကား ရိုက်ကူးဖို့ရှိနေပြီး အဲဒီကားမှာ သရုပ်ဆောင်မဲ့ အမျိုးသမီး အာရှသူ တစ်ဦးကို အလိုရှိနေတဲ့အချိန် ဖြစ်ပါတယ်။ အဲဒီကားကတော့ The Purple Plain (ခရမ်းရောင် လွင်ပြင်) ဖြစ်ပါတယ်။ 




အခြားသော သတင်းများအရ အဲဒီခေတ်က နာမည်ကြီး ထင်ရှားခဲ့သူ လင်းပင်မင်းသားကြီးရဲ့ မြေးတော် ရတနာ နတ်မယ် (ဦးနေဝင်း၏ ဇနီးဖြစ်ခဲ့သူ) ဟာလည်း ဒီဇာတ်ကားကို ပါဝင်ခွင့်ရဖို့အတွက် လျှောက်လွှာ တင်ခဲ့တယ်လို့ သိရပါတယ်။ လျှောက်လွှာ တင်ပြီးကာမှ မြန်မာပြည် အကြောင်းကို ရိုက်ကူးမဲ့ ဇာတ်ကားဖြစ်ပေမဲ့ ပြည်တွင်းမှာ ရိုက်ကူးမှာ မဟုတ်ဘဲ သီရိလင်္ကာ (သီဟိုဠ်မှာ) ရိုက်ကူးမှာမို့ ရတနာနတ်မယ်က လက်လျော့လိုက်တယ်လို့ သိရပါတယ်။ ဒါရိုက်တာရဲ့ သူငယ်ချင်းဖြစ်သူ ပို့လိုက်တဲ့ ဝင်းမင်းသန်းရဲ့ ဓာတ်ပုံကို ဒါရိုက်တာမှ တွေ့မြင်ပြီး ဒေါ်ဝင်းမင်းသန်းဟာ ခရမ်းရောင်လွင်ပြင် ဇာတ်ကားအတွက် အသင့်တော်ဆုံး သရုပ်ဆောင် ဆိုတာ သဘောကျ လက်ခံခဲ့ကာ မြန်မာပြည် အထိ ရောက်လာကာ ဒေါ်ဝင်းမင်းသန်းကို ခရမ်းရောင်လွင်ပြင် ဇာတ်ကားမှာ ပါဝင် သရုပ်ဆောင်ဖို့ တိုက်တွန်းတယ်လို့ ဆိုပါတယ်။ ဒေါ်ဝင်းမင်းသန်းက လက်ခံလိုက်တဲ့ အခါမှာတော့ ခရမ်းရောင်လွင်ပြင် ဇာတ်ကားအတွက် လျှောက်လွှာ တင်သူ မင်းသမီးပေါင်း အယောက် ၂၀၀ ကျော်ထဲမှာမှ လျှောက်လွှာ မတင်ဘဲ ရွေးခံလိုက်ရသူ ၊ သရုပ်ဆောင် အတွေ့အကြုံ လုံးဝမရှိဘဲ မင်းသမီးဖြစ် လာသူ အဖြစ် နာမည်ကြီး သွားခဲ့ပါတယ်။

Image Hosted by PicturePush - Photo Sharing

Image Hosted by PicturePush - Photo Sharing
 မင်းသမီး ဝင်းမင်းသန်းနဲ့ တွဲဖက် သရုပ်ဆောင်ခဲ့သူ မင်းသား Gregory Peck

The Purple Plain ရုပ်ရှင်ကို ရိုက်ကူးတဲ့အခါမှာ မင်းသား Gregory Peck နဲ့ တွဲဖက် သရုပ်ဆောင်ခဲ့ရပြီး Anna အမည်ရှိသော မြန်မာ အမျိုးသမီးလေး နေရာမှာ ဝင်းမင်းသန်းက သရုပ်ဆောင်ခဲ့ပါတယ်။ ဇာတ်ကားများကို အထက်က ဆိုခဲ့တဲ့အတိုင်း သီဟိုဠ်နိုင်ငံမှာ သွားရောက် ရိုက်ကူးခဲ့တာ ဖြစ်တဲ့အတွက် အချို့နေရာတွေ မှာ မြန်မာ လူမျိုးနဲ့ မတူတဲ ရုပ်မျိုးနဲ့ မြန်မာရှုခင်းနဲ့ အနည်းငယ် ကွဲလွဲနေတဲ့ ရှုခင်း တစ်ချို့ကို တွေ့ရတာက လွဲလို့ ကြည့်ရတာ ကောင်းမွန်ပြီး စိတ်ဝင်စားဖို့လည်း ကောင်းလှပါတယ်။ အင်္ဂလိပ် စကားပြော ရုပ်ရှင် ဆိုသော်လည်း မြန်မာစကားများကိုလည်း ထည့်သွင်း ရိုက်ကူးထားတာ တွေ့ရ ပါတယ်။ ဒီဇာတ်ကားကို ကြည့်တဲ့ အခါမှာ ၁၉၅၀ ပတ်ဝန်းကျင်ကာလများရဲ့ ဝတ်စား ဆင်ယင်ပုံကိုလည်း တွေ့မြင်နိုင်ပါတယ်။ တစ်ပတ်လျှို ဆံထုံးလေးနဲ့ ယဉ်စစ လှပနေတဲ့ ဒေါ်ဝင်းမင်းသန်းရဲ့ အလှဟာ အလွန် သိမ်မွေ့လှတာကို မြင်နိုင်ပါတယ်။

Image Hosted by PicturePush - Photo Sharing

Image Hosted by PicturePush - Photo Sharing
Image Hosted by PicturePush - Photo Sharing


Image Hosted by PicturePush - Photo Sharing


Image Hosted by PicturePush - Photo Sharing

Image Hosted by PicturePush - Photo Sharing


Image Hosted by PicturePush - Photo Sharing
 ဇာတ်ကားထဲမှ ပုံရိပ်များ

Image Hosted by PicturePush - Photo Sharing
  ကလေးတွေကတော့ဖြင့် မြန်မာကလေးငယ်များနှင့် မတူသလို ထင်မိပါတယ်။

The Purple Plain ရုပ်ရှင်ဟာလည်း အောင်မြင်ထင်ရှားပြီး အကောင်းဆုံး ဗြိတိသျှရုပ်ရှင်စာရင်းမှာ ပါဝင်ခဲ့ကာ ရုပ်ရှင် အကယ်ဒမီဆုပါ ရရှိခဲ့ပါတယ်။ ဇာတ်ကားအောင်မြင် လာတာနဲ့အမျှ ဒေါ်ဝင်းမင်းသန်း ဟာလည်း ကမ္ဘာကျော် မြန်မာအမျိုးသမီး သရုပ်ဆောင် ဖြစ်လာပါတယ်။ မြန်မာပြည်မှာ ရုံတင်ပြတဲ့အခါမှာလည်း ကြိတ်ကြိတ်တိုး စည်ကားတယ်လို့လည်း သိရပါတယ်။ The Purple Plain ရုပ်ရှင် အရောင်းမြှင့်တင်ဖို့ အတွက် အမေရိကန်ကို ရောက်စဉ်မှာ အခြားသော ရုပ်ရှင်ကုမ္ပဏီများက ဇာတ်ကားများ ဆက်လက် ရိုက်ကူးဖို့ ကမ်းလှမ်းတဲ့အခါ ဒေါ်ဝင်းမင်းသန်းက ပြတ်ပြတ်သားသား ငြင်းပယ်ခဲ့ပါတယ်။ သူမဟာ အမေရိကန် လူမျိုးတို့ အလုပ် ကြိုစားကြပုံကို ချီးကျူးပေမဲ့လည်း အမေရိကန် ရုပ်ရှင်လောက ကို ဝင်ရောက်ဖို့ စိတ်ဆန္ဒမရှိဘဲ  ဟောလိဝုဒ် ရုပ်ရှင်လောကဟာ သဘာဝမကျဘဲ မိန်းခလေးများမှာလည်း အဖော်အချွတ်တွေ ဦးစားပေးလွန်းတဲ့ အတွက် မြန်မာ့ ယဉ်ကျေးမှုနဲ့ မကိုက်ညီတာကြောင့် သူ သဘောမကျဘူး လို့ ဆိုပါတယ်။ ပြီးတော့လည်း ကိုယ်လုံးကိုဖော် ရတာ၊ ပြရတာတွေကိုလည်း မြန်မာ အမျိုးသမီး တစ်ယောက် အနေနဲ့ သူ အလွန်ရှက်ပါတယ်လို့ အင်တာဗျုး တစ်ခုမှာ ပွင့်ပွင့် လင်းလင်း ဖြေကြားခဲ့ပါတယ်။ 

Image Hosted by PicturePush - Photo Sharing



Image Hosted by PicturePush - Photo Sharing

ဒီအချက်တွေဟာ မြန်မာ အမျိုးသမီးတို့ရဲ့ ဂုဏ်သိက္ခာနဲ့ အိနြေ္ဒကို အလွန်စောင့်စည်းတဲ့ အရှက်အကြောက် ကြီးမား တဲ့ မြန်မာ အမျိုးသမီးတို့ အကြောင်းကို ကမ္ဘာ သိအောင် ဖော်ပြနိုင်ခဲ့တာကြောင့် သူ့ကို လေးစားမိတဲ့ အချက်ထဲက တစ်ချို့ဖြစ်ပါတယ်။ ဒေါ်ဝင်းမင်းသန်း အရှက်အကြောက် ကြီးတာနဲ့ ပတ်သက်ပြီး နောက်ထပ် ဖော်ပြချင် တာက ခရမ်းရောင် လွင်ပြင် ရုပ်ရှင်ကို ရိုက်ကူးနေတဲ့အခါမှာ ဇာတ်ဝင်ခန်းအရ မလုံ့တလုံ ရေချိုးတဲ့အခန်းများ ပါဝင်ပါတယ်။ ဒါရိုက်က ၄င်းအခန်းကို ထည့်ရိုက်ချင်သော်လည်း မင်းသမီးဖြစ်သူ ဒေါ်ဝင်းမင်းသန်းက ခါးခါး သီးသီးနဲ့ ခေါင်းမာစွာ ငြင်းဆန်တဲ့ အတွက် ရေချိုးတဲ့အခန်းများကို ရိုက်ခွင့်မရဘဲ ချန်လှပ်ထားခဲ့ရတယ်လို့ ဆိုပါတယ်။ သီဟိုဠ်ရှိ အင်္ဂလိပ်သတင်းစာ တစ်စောင်ကလည်း ရေကူးဝတ်စုံ ဝတ်ဆင်ထားတဲ့ ပုံနဲ့ ဓာတ်ပုံ ရိုက်ခွင့်ပြုဖို့ တောင်းဆိုတဲ့အခါမှာ“ မြန်မာထုံးစံ မဟုတ်လို့ ခွင့်မပြုနိုင်ပါဘူး နောင်ကိုလည်း ဘယ်တော့မှ ဒီလို မလုံ့တလုံ ရေကူးဝတ်စုံနဲ့ ရိုက်ကူးမှာ မဟုတ်ပါဘူး” လို့ ပြတ်ပြတ် သားသား ငြင်းပယ်ခဲ့ပါတယ်။ သူကိုယ်တိုင် ရိုက်ကူးခဲ့တဲ့ ခရမ်းရောင်လွင်ပြင် ဇာတ်ကားကြော်ငြာ အတွက် ရုပ်ရှင်ကုမ္ပဏီရဲ့ အတန်တန် တောင်းပန် ချက်ကြောင့် ရေကူး ဝတ်စုံနဲ့ မဟုတ်ဘဲ မြန်မာ အမျိုးသမီးတို့ ရေချိုးတဲ့ ပုံစံဖြစ်တဲ့ ထမီရင်လျှားနဲ့ ရေချိုးပုံကို ရိုက်ပေးခဲ့တယ်လို့ ဆိုပါတယ်။


Image Hosted by PicturePush - Photo Sharing

နိုင်ငံခြားသူတွေရဲ့ ဖော်ချွတ်တဲ့ ဝတ်စား ဆင်ယင်ပုံတွေကို သဘောမကျ တာကြောင့် ကမ္ဘာကျော် ဟောလိဝုဒ် ရုပ်ရှင် မင်းသမီး အဖြစ် ဆက်လက် သရုပ်ဆောင်ဖို့ ငြင်းဆန်ခဲ့သူ ဒေါ်ဝင်းမင်းသန်းဟာ ကျွန်မ အတွက်တော့ လေးစား အထင်ကြီးစရာ ဖြစ်ခဲ့ရပါတယ်။ နိုင်ငံခြားသွေး ပါပေမဲ့ မြန်မာ့ယဉ်ကျေးမှုကို မြန်မာ စစ်စစ်တွေ ထက်တောင် ထိန်းသိမ်းခဲ့တဲ့ ဒေါ်ဝင်းမင်းသန်းဟာ အမျိုးသမီးတွေ နမူနာ ယူထိုက်သူ တစ်ဦးလို့ ကျွန်မ အနေနဲ့ ဆိုချင်ပါတယ်။ မင်းသမီး မဖြစ်ခင် ဖော်ချင်၊ ပြချင်၊ ချွတ်ချင်သူတွေ များလှတဲ့ ဒီနေ့ခေတ်ကြီးထဲမှာ အတုယူစရာ ကောင်းလှတယ် လို့ မြင်မိပါတယ်။ ဖော်မှ ချွတ်မှ နာမည်ကြီးတယ်လို့ ထင်တတ်ကြသူများနဲ့  မြန်မာ့ယဉ်ကျေးမှုကို ထိန်းသိမ်း ရကောင်းမှန်း မသိကြတဲ့သူတွေ၊ ခုခေတ်လူငယ်တွေ သိပ် မကြားဖူးတဲ့ လေးစား အတုယူဖွယ်ရာ မြန်မာ အမျိုးသမီး၊ ကမ္ဘာကျော် ရုပ်ရှင် မင်းသမီး ဒေါ်ဝင်းမင်းသန်း အကြောင်းလေးကို ပြောပြချင်လို့ ဒီပိုစ့်လေးကို ရေးဖြစ်တာဆိုရင် ပိုပြီး မှန်ပါ လိမ့်မယ်။




Image Hosted by PicturePush - Photo Sharing



ဒေါ်ဝင်းမင်းသန်းဟာ တစ်ကားတည်းသော ရုပ်ရှင်ကားကိုရိုက်ခဲ့ပြီး အောင်မြင်တဲ့ ကမ္ဘာသိ သရုပ်ဆောင် တစ်ဦး ဖြစ်ခဲ့သော်လည်း သရုပ်ဆောင် တစ်ယောက်အဖြစ်ကို ရပ်တန့်လိုက်ကာ ဗိုလ်စင်္ကြာ၏ ဇနီးအဖြစ်သာ ပျော်မွေ့ ခဲ့ပါတယ်။ မြန်မာနိုင်ငံ လွတ်လပ်ရေး ရပြီးနောက်မှာ ဗိုလ်မှူးစင်္ကြာမှာ စီးပွားရေးသမားတစ်ဦး အဖြစ်ကို ကူးပြောင်း ခဲ့ရာ အလွန် စီးပွားရေးအောင်မြင်ပြီး ချမ်းသာကြွယ်ဝလှပါတယ်။ လိုတိုင်းတ ရနိုင်လောက်အောင် စည်းစိမ် ချမ်းသာနှင့် ပြည့်စုံခဲ့သော်လည်း ဘာသာရေးကို လေ့လာလိုက်စားကာ ၁၉၆၄ခုနှစ် အသက် ၃၁နှစ်အရွယ်မှာ သာသနာ့ဘောင်ထဲကို သီလရှင် ဒေါ်ဝံသမာလာ အဖြစ် ဝင်ရောက်သွားခဲ့ပါတယ်။ သူဟာ သီလရှင်အဖြစ် မဝင်ခင်ကတည်းက ဗုဒ္ဓဘာသာကို ရိုသေကိုင်းရှိုင်းပြီး နက်နက်နဲနဲ လေ့လာ အားထုတ်ခဲ့သူလည်း ဖြစ်ပါတယ်။ 


Image Hosted by PicturePush - Photo Sharing


Image Hosted by PicturePush - Photo Sharing

အရှက်အကြောက် ကြီးပြီး (ဟီရိ၊ သြတပ္ပ တရား ၂-ပါးကို ဆိုလိုတာပါ) ဘာသာရေးကို လိုက်စားတတ်ပုံကိုလည်း ကျွန်မ အကိုးအကားပြုထားတဲ့ ဒီပိုစ့်ရဲ့ အောက်နားက လင့်တွေမှာလည်း သွားရောက် ဖတ်ရှုနိုင်ပါတယ် ရှင်။   နိုင်ငံခြားသွေး ပါပေမဲ့ မြန်မာ့ ယဉ်ကျေးမှုကို အလွန်မြတ်နိုး၊ ထိန်းသိမ်း ခဲ့သူ၊ မြန်မာကို ကမ္ဘာက သိစေခဲ့သူ၊ မြန်မာတို့ရဲ့ ယဉ်ကျေးမှုအကြောင်းကိုလည်း ကမ္ဘာကို သိစေခဲ့သူ၊  ချောမောလှပ နူးညံ့ပျော့ပြောင်းတဲ့ ချစ်စရာ၊ အတုယူ လေးစားဖွယ်ရာ မြန်မာ အမျိုးသမီး တစ်ဦးရဲ့ ပုံရိပ်ကောက်ကြောင်းကို ချစ်ခင်နှစ်လိုစိတ်၊ လေးစား ဂုဏ်ယူစိတ် တို့ဖြင့် ဖော်ပြရေးသားတာ ဖြစ်ပါတယ်။ အချက် အလက်များ မှားယွင်းခြင်း၊ လွှဲချော်ခြင်း၊ လိုအပ်ခြင်းတို့ ရှိခဲ့ပါက ကျွန်မရဲ့ အားနည်းချက်ကြောင့်သာ ဖြစ်တဲ့အတွက် ခွင့်လွှတ် နားလည်ပေးကြပါလို့လည်း အနူး အညွှတ် ပန်ကြားချင်ပါတယ်ရှင်။

ဒေါ်ဝင်းမင်းသန်း ပါဝင်သရုပ်ဆောင်ခဲ့တဲ့ The Purple Plain ရုပ်ရှင်ကို မကြည့်ရသေးသူများ၊ ပြန်ကြည့် ချင်သူများ အတွက် အစအဆုံး ပါဝင်တဲ့ YouTube လေးကို အောက်မှာ တင်ပေးထားပါတယ်။ အချိန်ရမယ်ဆိုရင် ကြည့်ရှုနိုင်ပါတယ်နော်။ ဓာတ်ပုံများကိုလည်း YouTube ထဲက ယူထားတာ ဖြစ်ပါတယ်။




ဒီပိုစ့်အတွက် Facebook မှာ စိတ်ဝင်တစား ဝင်ရောက် ပြောပြကြသူများ၊ ရုပ်ရှင်ဇာတ်ကား အပြည့်အစုံပါသော လင့်ကို လာပေးကြသူများ၊ သူမရဲ့ အကြောင်း ဖတ်စရာ အခြားလင့်များ ရှာဖွေပေးကြသူများ၊ ယခုစာဖတ်နေသူများ အားလုံးကို ကျေးဇူးအထူး တင်ပါကြောင်း ပြောကြားလိုက်ပါတယ်ရှင်။ အားလုံးသော မိတ်ဆွေများ စိတ္တ ကာယ နှစ်ဖြာသော သုခ ချမ်းသာနဲ့ ပြည့်စုံကြပါစေရှင်။







ကိုးကား

IMDB - http://goo.gl/Tc5jJ

Myanmar Wikipedia - http://goo.gl/6P4tt

Shweamyutay Magazine - http://goo.gl/hnGve

Mingalapar - http://goo.gl/1OciM

စောင်းလျားသီးငပိချက်နဲ့ မုန့်တီချဉ်စပ်သုပ်

ဒီတစ်ပတ်အတွက် စားသောက်စရာဟင်းလျာက စောင်းလျားသီး ငပိချက်ဖြစ်ပါတယ်။ စောင်းလျားသီး ငပိချက်ကို အရင်တုန်းကလည်း တင်ခဲ့ဖူးပါတယ်။သို့ပေမဲ့ ဘလောဂ့်အပြောင်းအရွေ့မှာ ပုံတွေ ပျောက်ကုန် တာကြောင့် ဒီတစ်ခေါက် ပြန်ချက်စားဖြစ်တဲ့အခါ နောက်တစ်ကြိမ် ပြန်တင်တာ ဖြစ်ပါတယ်။ 

စောင်းလျားသီးခေါ် Star Fruit ဟာ ချဉ်ချိုချိုနဲ့ မွှေးတဲ့ အနံ့အရသာ ရှိတာကြောင့် သူ့ကို ငပိချက် ချက်တဲ့အခါမှာလည်း စားလို့အလွန်ကောင်းပါတယ်။ စောင်းလျားသီးကို ငပိချက် ချက်ဖို့အတွက် ပြင်ဆင် ပါမယ်နော်။

Image Hosted by PicturePush - Photo Sharing

စောင်းလျားသီး၂လုံး၊ ခရမ်းချဉ်သီး၊ ကြက်သွန်နီ၊ ငရုပ်သီးတို့ကို ရေစင်စင် ဆေးထားလိုက်ပါတယ်။ 


Image Hosted by PicturePush - Photo Sharing
ကြက်သွန်နီ၊ ကြက်သွန်ဖြူ ၊ ခရမ်းချဉ်သီးတို့ကို ပါးပါးလှီးပြီး ခရမ်းချဉ်သီးကို တောက်တောက်စင်းပါတယ်။

Image Hosted by PicturePush - Photo Sharing
စောင်းလျားသီးများကို ပါးပါးလှီးထားပါတယ်


Image Hosted by PicturePush - Photo Sharing
ထို့နောက် ကြက်သွန်ဖြူ၊ ကြက်သွန်နီကို ဆီသတ်ပြီး ခရမ်းချဉ်သီးများကို ထည့်လိုက်ပါတယ်။

Image Hosted by PicturePush - Photo Sharing
ခရမ်းချဉ်သီးနွမ်းပါက ငပိထည့်ပါတယ်။ ငရုပ်သီး၊ ဆား၊ ငံပြာရည် စသည်တို့ထည့်ပါတယ်။

Image Hosted by PicturePush - Photo Sharing
စောင်းလျားသီးကို ထည့်မွှေပါတယ်။ 

Image Hosted by PicturePush - Photo Sharing
စောင်းလျားသီး နူးပြီး အနံ့လေးမွှေးလာပြီဆိုရင် ရပါပြီ။

အနံ့မွှေးမွှေး စောင်းလျားသီးငပိချက်လေးပါ။


Image Hosted by PicturePush - Photo Sharing


အတို့အမြုပ်နဲ့ဘဲ စားစား၊ ဒီအတိုင်းဘဲ ထမင်းနဲ့စားစား ခံတွင်းမြိန်ပြီး ချဉ်ချိုချုနဲ့ အရသာထူး တဲ့ စောင်းလျားသီး ငပိချက်နဲ့ ထမင်းမြိန်မြိန် စားနိုင်ပါပြီရှင်..

မုန့်တီသုပ် ချဉ်စပ်


နောက်ထပ် အပိုဆောင်းပေမဲ့ အစားအသောက်တစ်မျိုးက မုန့်တီသုပ်ဖြစ်ပါတယ်။ မုန့်တီကို အချဉ်သုပ် အနေနဲ့ သုပ်မှာဖြစ်ပါတယ်။

Image Hosted by PicturePush - Photo Sharing

သုပ်မဲ့ မုန့်ဖတ်ကို ပန်းကန်တစ်ခုထဲထည့်ပြီး ကြက်သွန်နီပါးပါးလှီး၊ ဥနီလေးများ ထည့်ပါတယ်

Image Hosted by PicturePush - Photo Sharing

ပုလင်းနဲ့လာတဲ့ ငရုပ်သီး ပဲငပိကြော်၊ နံနံတို့ထည့်ပြီး ဆား၊ အရသာမှုန့်၊ သံပုရာသီး ထည့်ပြီး နယ်လိုက်ရုံပါဘဲ။ ငရုပ်သီးပဲငပိက စပ်ပြီးသားမို့ ငရုပ်သီးစိမ်း မထည့်တော့ပါဘူး။ စပ်စပ်လေး စားချင်တယ်ဆိုရင်ဖြင့် ငရုပ်သီးစိမ်း ထပ်ထည့်နိုင်ပါတယ်။



အချဉ်သုပ်အနေနဲ့ ထမင်းနဲ့စားစား၊ အဆာပြေစားစား စားလို့ရပါပြီ။ 

Image Hosted by PicturePush - Photo Sharing

 အရသာတစ်မျိုးရှိတဲ့ မုန့်တီသုပ်ချဉ်စပ်လေးပါ။ 



ချစ်သော မိတ်ဆွေများအားလုံးအတွက် ပျော်ရွှင်သော တနင်္ဂနွေနေ့ဖြစ်ပါစေရှင်။

 


ရခိုင်တို့ဌာနေ မြို့စစ်တွေ

မြောက်ဦးမြို့ကိုသွားဖို့အတွက် ရန်ကုန်ကနေ စစ်တွေကို လေယာဉ်နဲ့ ထွက်လာရာမှာ စစ်တွေမြို့မှာ တစ်ညအိပ်ဖြစ်တဲ့ ခရီးစဉ်အကြောင်း ဆက်ရေးပါ့မယ်ရှင်။ စစ်တွေမြို့ရဲ့ အထင်ကရနေရာများ၊ တန်ခိုးကြီး ဘုရားများကို သွားရောက်လှည့်လှည် ဖူးမျှော်ရာမှာ ပြီးခဲ့တဲ့ပိုစ့်မှာရေးခဲ့တဲ့ နှစ်ပေါင်းနှစ်ထောင်ကျော်ခန့် သက်တမ်းရှိ စင်္ကြမုနိဘုရားကို သွားဖူးတဲ့ အကြောင်း ရေးခဲ့ပါတယ်။ နှစ်ပေါင်း နှစ်ထောင်ကျော် သက်တမ်းရှိပြီလို့ ခန့်မှန်းကြတဲ့ ကြေး ဆင်းတုတော် ဟာ လောကာနန္ဒာဘုရား ပုရဝုဏ်ထဲမှာရှိတာမို့ စင်္ကြမုနိဘုရားကို ဖူးပြီးတာနဲ့ လောကာနန္ဒာ ဘုရားကြီးပေါ်ကို တက်ခဲ့ကြပါတယ်။ လောကာနန္ဒာ စေတီကြီးကို စစ်တွေမြို့ ရဲနွယ်စုရပ်မှာ ၁၉၉၅ခုနှစ်က စတင် တည်ထားခဲ့ ကြတာဖြစ်ပြီး စေတီ တည်ထားရာ ကုန်းတော်မှာ ၅၉၄ပေ ပတ်လည်ရှိပြီး ပရဝုဏ်အကျယ်မှာ ၇.၂၉ဧက ကျယ်ဝန်း ပါတယ်။ အရံစေတီပေါင်း ၈ဆူရှိပြီး ကြီးမားခန့်ညားတဲ့ မုဒ်ဦးလေးခုရှိပါတယ်။

Image Hosted by PicturePush - Photo Sharing
 လောကာနန္ဒာစေတီတော်ကြီး

Image Hosted by PicturePush - Photo Sharing
ကျယ်ဝန်းတဲ့ရင်ပြင်တော်

Image Hosted by PicturePush - Photo Sharing

 စေတီတော်ကြီးအား အနီးကပ် ပူဇော်ရာ

Image Hosted by PicturePush - Photo Sharing
  ရှေးဟောင်းလက်ရာနှင့်တူသော ဝင်ပေါက် မုဒ်ဦး

Image Hosted by PicturePush - Photo Sharing


Image Hosted by PicturePush - Photo Sharing

မုဒ်ဝအဝင် နံရံပေါ်မှ ရုပ်ကြွများ

Image Hosted by PicturePush - Photo Sharing


Image Hosted by PicturePush - Photo Sharing
စေတီအတွင်းမှာ

Image Hosted by PicturePush - Photo Sharing

ခန်းနားလှပတဲ့ တိုင်လုံးကြီးများ
Image Hosted by PicturePush - Photo Sharing
စေတီအတွင်းရှိ ကြေးဆင်းတုတော် 


ဘုရားကြီးဟာ အလွန်ကျယ်ပြန့်တဲ့ ကြွေပြားခင်း ရင်ပြင်ကြီး ရှိပြီး ရွှေတိဂုံဘုရားနဲ့ ပုံစံတူ တည်ထားကာ အတွင်းမှာတော့ လှိုဏ်ပါတဲ့ မဟာဝိဇယ စေတီကဲ့သို့ တည်ထားတာ ဖြစ်ပါတယ်။ လောကာနန္ဒာ ဘုရားကြီးရဲ့ မုဒ်ဦးဟာ ရှေးဟောင်း လက်ရာနဲ့ အလွန်တူပြီး မြင်ရတာ ထူးဆန်းနှစ် သက်ဖွယ်ရာ ကောင်း လှ ပါ တယ်။  ဘုရားထဲ အဝင် ဘေးနှစ်ဘက်က နံရံကျောက်ပြားများပေါ်မှာ ထွင်းထုထားတဲ့ ရုပ်ကြွ လက်ရာ များဟာလည်း စိတ်ဝင်စားဖို့ ကောင်းလှပါတယ်။ အတွင်းထဲက တိုင်လုံးများကိုလည်း လက်ရာမြောက်အောင် ခမ်းနားစွာ တည်ဆောက်ထားပါတယ်။ ဘုရားအတွင်းမှာ ရှိခိုးပူဇော် လှည့်လှည် ကြည့်ရှု၊ ဓာတ်ပုံရိုက်ပြီးတာနဲ့ အခြားသောနေရာများကို ဆက်သွားဖို့ ထွက်ခဲ့ကြပါတယ်။






Image Hosted by PicturePush - Photo Sharing

 ရခိုင်အာဇာနည် ဆရာတော်ဦးဥတ္တမ အထိမ်းအမှတ် ဦးဥတ္တမပန်းခြံ

ဒီပန်းခြံထဲမှာ ဆရာတော်ဦးဥတ္တမရဲ့ ကြေးရုပ်ထုလည်း ရှိပါတယ်။ ဆရာတော် အကြောင်းကို အကျဉ်းချုပ် ပြောပြရရင် ဆရာတော်ဦးဥတ္တမကို ၁၈၇၉ခုနှစ် ဒီဇင်ဘာ ၂၈ရက် တနင်္ဂနွေနေ့မှာ စစ်တွေမြို့ ရူပမြောက်ရပ်ကွက်မှာ ဖခင် ဦးမြ၊ မိခင် ဒေါ်အောင်ကြွဖြူတို့မှ မွေးဖွားပါတယ်။ ဆရာတော်ဟာ ရဟန်းဝတ်နဲ့ အိန္ဒိယ၊ ပြင်သစ်၊ ဂျပန် စတဲ့နိုင်ငံများကို သွားရောက် ခဲ့သူဖြစ်ပါတယ်။ ဂျပန်နိုင်ငံမှာ ဗုဒ္ဓဘာသာ ပါမောက္ခ အဖြစ်နဲ့လည်း ပါဠိနဲ့ သက္ကတဘာသာ တို့ကို ပို့ချခဲ့ပါတယ်။ ဂျပန်နိုင်ငံမှ ပြန်လာတဲ့အခါမှာ ကိုးရီးယား၊ မန်ချုးရီးယား၊ တရုတ်နိုင်ငံများကို ဝင်ရောက်ခဲ့ ပါတယ်။ နိုင်ငံ ရပ်ခြား ဗဟုသုတလည်းစုံ၊ ပညာလည်း တတ်သော ဆရာတော်မှာ အင်္ဂလိပ်တို့ကို တော်လှန်ဖို့ နိုင်ငံရေး တရားများကို ဟောခဲ့ပြီး လူငယ်လူရွယ်များ မျိုးချစ်စိတ် ရှင်သန် ထက်မြက်စေရန်လည်း သူရိယ သတင်းစာမှာ ခေါင်းကြီး၊ ဆောင်းပါးများ ကို ရေးသားခဲ့ ပါတယ်။ နိုင်ငံရေး တရားဟောမှုနဲ့ အင်္ဂလိပ်ခေတ်မှာ ထောင်အကြိမ်ကြိမ် ကျခဲ့ပြီး ၁၉၃၉ခု စက်တင်ဘာ၉ရက် (၁၃ဝ၁ခုနှစ် ဝါခေါင် လပြည့်ကျော် ၁၁ရက်နေ့ )သက်တော် ၆ဝအရွယ်မှာ ပျံလွန်တော် မူခဲ့ပါတယ်။ နိုင်ငံ လွတ်လပ်ရေး၊ မြန်မာပြည် လူငယ်များ မျိုးချစ်စိတ် ရှင်သန် ထက်မြက်ရေးတို့အတွက် စွမ်းစွမ်း တမံ ဆောင်ရွက်ခဲ့သော ဆရာတော်ဟာ ရခိုင်အမျိုးသားထဲမှာမှ ထူးချွန်ထင်ရှားသူ တစ်ဦး ဖြစ်တာကြောင့် စစ်တွေမြို့ရဲ့ ပန်းခြံကို ဆရာတော်အား ဂုဏ်ပြုပြီး ဦးဥတ္တမ ပန်းခြံရယ်လို့ အမည် တွင်စေခဲ့တာ ဖြစ်ပါတယ်။ 


Image Hosted by PicturePush - Photo Sharing
တစ်ခေတ်တစ်ခါက ထူးချွန်ထင်ရှားခဲ့သော ရခိုင်အမျိုးသားများ 


Image Hosted by PicturePush - Photo Sharing
ပြည်နယ် အစိုးရရုံးဖြစ်ပါတယ်။ 

Image Hosted by PicturePush - Photo Sharing


Image Hosted by PicturePush - Photo Sharing


Image Hosted by PicturePush - Photo Sharing

စစ်တွေမြို့ကိုရောက်ရင် မသွားမဖြစ်သွားသင့်တဲ့နေရာက ရှေးဟောင်း သုတေသနနဲ့ ယဉ်ကျေးမှုပြတိုက်ဖြစ်ပါတယ်။


ထို့နောက်မှာတော့ ကျွန်မတို့ဟာ ရှေးဟောင်း ယဉ်ကျေးမှု ပြတိုက်ကို သွားကြပါတယ်။ ယဉ်ကျေးမှုပြတိုက် အတွင်းမှာ  ရှေးဟောင်းကျောက်စာများ၊ ရှေးဟောင်း စေတီပုထိုးများ၊ ရှေးဟောင်း အုတ်ခွက်၊ ကျောက် ခွက်များ၊ ရှေးဟောင်း ရခိုင်လက်ရာ ရုပ်ပွားဆင်းတုတော်များ၊  ရှေးရခိုင်တို့ရဲ့ အသုံးအဆောင် ဘွဲ့တံဆိပ်တော်များနှင့် အိုးခွက်ပန်းကန်များ၊ ဝင်စားဆင်ယင် ထုံးဖွဲ့ပုံ၊ ရှေးဟောင်း ရခိုင် တူရိယာများ၊ ရှေးခေတ် ရခိုင်ဘုရင်တို့လက်ထက် သွန်းလုပ် အသုံးပြုခဲ့သော ဒင်္ဂါးများ၊ ဘုရင်ခေတ် မင်းမှူးမတ်တို့၏ အဆောင် အယောင်များ၊ ရခိုင်အမျိုးသား၊ အမျိုးသမီးတို့ ခေတ်အဆက်ဆက် ဝတ်ဆင် အသုံးပြုခဲ့ကြသော အဝတ်အစား၊ အသုံးအဆောင်များ၊ စာပေ ယဉ်ကျေးမှုအနု လက်ရာ၊  စသည်ဖြင့် ရခိုင်လူမျိုးတို့ရဲ့ ရှေးဟောင်း အမွေအနှစ်များက ကြည့်ရှုစရာ စုံလင်လှပါတယ်။ သို့သော်လည်း ပြတိုက် အတွင်းမှာ ဓာတ်ပုံရိုက်ခွင့် မရှိတာကြောင့် ပြတိုက်အတွင်းက ရှေးဟောင်း ပစ္စည်းများ၊ စေတီ ပုထိုး ကျောက်စာ၊ ရုပ်ပွားတော်များ ဒင်္ဂါးများ စသည်တို့ကို ဓာတ်ပုံ မဖော်ပြနိုင်တာတော့ စိတ်မကောင်း စရာပါ။

Image Hosted by PicturePush - Photo Sharing
ရခိုင်ရိုးရာလောင်းလှေ

ဒီပုံကတော့ ပြတိုက်အရှေ့မှာ ထားထားတဲ့ ရခိုင်ရိုးရာ လောင်းလှေပါ။ ရခိုင်လူမျိုးတွေရဲ့ ရိုးရာသင်္ကြန်ဟာ ဒီလို လောင်းလှေကြီးထဲမှာ ရေအပြည့်ဖြည့်ပြီး ကစားကြတဲ့ ချစ်စရာ အလွန်ကောင်းတဲ့ ဓလေ့ဖြစ်ပါတယ်။ အပျိုလူပျိုတွေ ရေအပြည့်ဖြည့်ထားတဲ့ လောင်းလှေရဲ့ တစ်ဖက် တစ်ချက်မှာ နေရာယူပြီး ရေပက်ပြိုင် ကြတဲ့အခါ မျက်နှာကို လက်နဲ့ပွတ်သပ်မိသူက အရှုံးလို့ မှတ်သားခဲ့ရဖူးတာကြောင့် စိတ်ဝင်စားစရာ၊ ချစ်စရာကောင်းတဲ့ ရေကစားတဲ့ ဓလေ့ထုံးစံကို နှစ်သက်ခဲ့ရဖူးပါတယ်။ 


Image Hosted by PicturePush - Photo Sharing

Image Hosted by PicturePush - Photo Sharing
အတုလမာရဇိန် ပြည်လုံးချမ်းသာ ဘုရားကြီး
နောက်ထပ် ဖူးဖြစ်တဲ့ ဘုရားကတော့ အများပြည်သူကောင်းမှုနဲ့ သွန်းထုထားတဲ့ အတုလ မာရဇိန် ပြည်လုံးချမ်းသာ ရုပ်ပွားတော်မြတ်ကြီး ဖြစ်ပါတယ်။ ဦးဥတ္တမလမ်းနဲ့ စက်ရုံလမ်းထောင့်မှာ ကိန်းဝပ်စံပယ်တော်မူနေတဲ့ အတုလမာရဇိန် ပြည်လုံးချမ်းသာ ဘုရားကြီးဟာ အမြင့်မှာ ၉တောင်နှင့် တစ်မိုက်ရှိပြီး စံပါယ်တော်မူသော ပလ္လင်တော်ရဲ့အမြင့်မှာ ၆တောင်ခန့်ရှိပြီး ရခိုင်ပြည်နယ်မှာ အကြီးဆုံး ကြေးဆင်းတုတော်ကြီး ဖြစ်ပါတယ်။ 
Image Hosted by PicturePush - Photo Sharing

ဘုရားကြီးရဲ့ မျက်နှာတော်ဟာ ( ပဉ္စလောဟာ) ရတနာ ၅မျိုးပါဝင်ပြီး ကြည်လင်အေးမြသော လအဆင်း ကဲ့သို့ ဝင်းပကြည်လင်လျှက် ရှိပါတယ်။ ဘုရားကြီးအား တည်ထားနေစဉ်အတွင်း ဝတ်ဖြူစင်ကြယ် ပုဂ္ဂိုလ်တစ်ဦးက “ပြည်လုံးချမ်းသာ” ဘုရားကြီးဟု ဘွဲ့အမည်သတ်မှတ်ပေးခဲ့တယ်လို့ သိရပါတယ်။ ထူးခြားချက်မှာ ကြေးဘုရားကြီးရဲ့ ပိဿာချိန်မှာလည်း ( ၅၄၂၆) ပိဿာနဲ့ တိုက်ဆိုင်နေပါတယ်။ ပြည်-၅၊ လုံး-၄၊ ချမ်း-၂ ၊ သာ -၆ အမည်နဲ့ ကြေးပိဿာချိန်တို့ဟာ တူညီနေခဲ့ပါတယ်။ အခြားသော ထူးခြားချက်များမှာ ဘုရားကြီး ထံတွင် အဓိဌာန်ပြု၍ ကျင့်ကြံအားထုတ်သူများ၊ ပူဇော်လှူဒါန်းသူများမှာ အလိုဆန္ဒပြည့်ဝကြခြင်း၊ ဘုရားကြီးသည် အခါအားလျော်စွာ အတိတ်နမိတ်များပြသခြင်း၊ မျက်နှာတော်မှ ရောင်ခြည်တော်များ ကွန့်မြူးခြင်း၊ ၁၉၄၂-ခုနှစ်တွင် ဒုတိယကမ္ဘာစစ် ဘေးအန္တရာယ်သည် စစ်တွေမြို့သို့ ရောက်ရှိလာသည့် အခါ မျက်နှာတော် ညှိုးမှောင်သွားခြင်း၊ စစ်ဖြစ်ချိန်တွင်လည်း အနီးနား ပတ်ဝန်းကျင်တို့တွင် ထိခိုက်ပျက်စီးမှုများ ရှိခဲ့သော်လည်း ဘုရားကြီးမှာ လုံးဝ ထိခိုက်ပျက်စီးမှု မရှိခဲ့ခြင်း စသည့်ထူးခြားမှုများနှင့် ပြည့်စုံပြီး တန်ခိုးကြီးမားသော ရခိုင်ပြည်နယ် ကျက်သရေဆောင် ဘုရားကြီး တစ်ဆူဖြစ်ပါတယ်။



 ရခိုင်အမျိုးသား၊ အမျိုးသမီးများ ဝတ်စားဆင်ယင် ထုံးဖွဲ့ပုံ

မြတ်စွာဘုရား သက်တော်ထင်ရှား ရှိစဉ်ကတည်းက ယခုအချိန်အထိ ဗုဒ္ဓဘာသာကို သက်ဝင် ယုံကြည်ခဲ့ကြသော  ရခိုင်လူမျိုးတို့ရဲ့ နယ်မြေဒေသများမှာ စေတီပုထိုးများ ပေါများလှပြီး ယဉ်ကျေးမှု လက်ရာများမှာလည်း အဆင့်အတန်းမြင့်လှတာကို တွေ့ရပါတယ်။ ဗုဒ္ဓဘာသာ ယဉ်ကျေးမှု အမွေအနှစ် ရှေးဟောင်းလက်ရာများမှာလည်း သမိုင်း တန်ဖိုးအရရော၊ ရခိုင်လူမျိုးတို့၏ ယဉ်ကျေးမှု ဆိုင်ရာ အမွေအနှစ်များ အဖြစ်ပါ အဖိုးမဖြတ်နိုင်လောက်အောင် ယနေ့ထက်တိုင် တည်ရှိနေတာကို တွေ့မြင် ရပါတယ်။ ဘိုးဘွားတို့ ချန်ရစ်ခဲ့သော တန်ဖိုးကြီးမားလှသည့် ယဉ်ကျေးမှု ဆိုင်ရာ အမွေအနှစ်များ ကို မြေအိုးတစ်လုံးမှ အစ ရှစ်သောင်း၊ ကိုးသောင်း ပုထိုးတော်ကြီးများ အထိ တိုင်အောင် နောင်နှစ်ပေါင်း များစွာ မပျက်မစီး၊ မပျောက်မပျက် ဆက်လက်တည်တံ့နေအောင် ပြုပြင် ထိန်းသိမ်းစောင့်ရှောက် ကြရမယ့် တာဝန်ကတော့ ဒေသခံ ရခိုင်လူမျိုးများနှင့် အစိုးရတာဝန်ရှိသူတို့သာ မကပဲ လူတိုင်းမှာပါ ရှိနေတဲ့ သမိုင်းပေးတာဝန်တစ်ရပ်ဟု ထင်မြင်မိပါတယ်။


နောက်ပို့စ်မှာတော့ စစ်တွေမြို့ရဲ့ ထင်ရှားတဲ့ သမိုင်းဝင်နေရာများနှင့် စိတ်ဝင်စားဖွယ် နေရာများ အကြောင်း ဆက်ရေးပါ့မယ်နော်။ အားလုံးဘဲ ကိုယ်စိတ်နှစ်ဖြာ ကျန်းမာ ချမ်းသာကြပါစေရှင်။