ကြည်ညိုဖွယ်ရာ ရှေးဟောင်းရခိုင် မဟာမြတ်မုနိဘုရား



ချစ်ခင်ရပါသော ကျွန်မရဲ့ မိတ်ဆွေများ အားလုံး နှစ်သစ်မှာ ရွှင်လန်းချမ်းမြေ့ကြပါစေ.. ကြံစည်သမျှ ပြည့်ဝအောင်မြင်ကြပါစေရှင်။ မြန်မာ့နှစ်ဆန်း တစ်ရက်နေ့မှာ ကောင်းမှု ကုသိုလ် ပြုကြမြဲ ဓမ္မတာမို့ ဒီနေ့မှာတော့ ကျွန်မရဲ့ မိတ်ဆွေများကို ရှေးနှစ်ပေါင်းများစွာ ရခိုင်ဘုရင်မင်း အဆက်ဆက် ကိုးကွယ်ခဲ့ကြတဲ့ တန်ခိုးကြီးဘုရား တစ်ဆူကို ဖူးမျှော်စေချင်ပါတယ်။ အဲဒီဘုရားကတော့ ရခိုင်လူမျိုးတို့ရဲ့ နှလုံးသည်းပွတ်ပမာ ဖြစ်သော ၊ ရှေးရခိုင်မင်းနဲ့ ပြည်သူပြည်သားများ အဆက်ဆက် ကိုးကွယ်ခဲ့တဲ့ မဟာမြတ်မုနိ ရုပ်ပွားတော်ဖြစ်ပါတယ်။ စစ်တွေကနေ မြောက်ဦးမြို့ကို သွားတဲ့လမ်းပေါ်မှာ တည်ရှိပါတယ်။ စစ်တွေမြို့အကြောင်းကို ဆက်ရေးဖို့ ကျန်သေးပေမဲ့ ခုလို နှစ်ဆန်းတစ်ရက်နေ့မှာ ကြည်ညိုဖွယ်ရာ ဘုရားအကြောင်း မျှဝေချင်တာနဲ့ အခုလို မဟာမြတ်မုနိ ရုပ်ပွားတော်အကြောင်း ရေးလိုက်တာဖြစ်ပါတယ်။

Image Hosted by PicturePush - Photo Sharing
မဟာမုနိဘုရားကြီး၊ ဓညဝတီမြို့ဟောင်းနယ်မြေ၊ ကျောက်တော်မြို့နယ်

စစ်တွေကနေ မြောက်ဦးကို သွားမယ်ဆိုရင် ရေလမ်းကနေ သွားရင် လမ်းမှာရှိတဲ့ မဟာမုနိ ဘုရားကို ဖူးရမှာ မဟုတ်ဘဲ၊ ကားနဲ့သွားမှသာ ကစ္ဆပနဒီ ကမ်းခြေက ကျောက်တော်မြို့ရှိ ကစ္ဆပနဒီ တံတားကြီးကို ကျော်ပြီးနောက် ၅မိုင်အကွာ သရက်တစ်ပင်ကျေးရွာ အလွန် မဟာမုနိကျေးရွာ ရောက်တဲ့အခါ ဘုရားကြီးအနီးမှာ ဖြတ်သန်းဖြတ်လာ ကားတွေအားလုံး ထမင်းစား ရပ်နားပါတယ်။ ဒီတော့ ထမင်းစားပြီးတာနဲ့ မဟာမုနိ ရုပ်ပွားတော်ကို တက်ရောက် ဖူးမျှော်နိုင်ပါတယ်။ မဟာမုနိရုပ်ပွားတော်ဟာ ဓညဝတီနန်းတော်ဟောင်းရဲ့ အချက်အခြာ နေရာမှာ တည်ရှိခဲ့ပါတယ်။ မဟာမုနိ ရုပ်ပွားတော် တည်ရှိရာ ကုန်းတော်မှ ပေအနည်းငယ်ခန့်အကွာမှာ ဓညဝတီ နန်းတော်ရာဟောင်းကို ယခုတိုင်မြင်တွေ့နိုင်ပါတယ်။ ဓညဝတီမြို့တော်ဟာ ခရစ်တော်မပေါ်မှီ ဘီစီ ၃၃၂၅ မှ အေဒီ ၃၂၇ထိ ရခိုင်တို့ရဲ့ ကြီးကျယ်ထင်ရှား စည်ကားခဲ့တဲ့ မင်းနေပြည်တော်ဖြစ်ခဲ့ပါတယ်။ ရှေးခေတ်က မြို့ဟောင်းများလို အဝိုင်းပုံသဏ္ဍာန် ရှိပြီး တံတိုင်းနှစ်ထပ်၊ ကျုံးနှစ်ထပ် တည်ထားခဲ့ပြီး ဧရိယာစတုရန်း ၂မိုင်မျှ ကျယ်ဝန်းပါတယ်။ ဓညဝတီမြို့တော်ဟောင်းရဲ့ မြို့ရိုးများကို ပြန်လည် တူးဖော်ပြီး ရှေးဟောင်းသုတေသနမှ ထိမ်းသိမ်းထားတာကြောင့် ကားလမ်းမပေါ်ကနေ ကြည့်ရင် မြေပြန့်ပေါ်မှာ ရှိနေတဲ့ အုတ်ရိုးများကို လှမ်းမြင်နိုင်ပါတယ်။

Image Hosted by PicturePush - Photo Sharing

Image Hosted by PicturePush - Photo Sharing
ဓညဝတီနန်းတော်ရာဟောင်း

ရခိုင်လူမျိုးများနဲ့ အနယ်နယ်အရပ်ရပ်က ဘုရားဖူးများဟာ မဟာမုနိဘုရားကြီးကို ဖူးမျှော်ဖို့ လာရောက်ကြတာဟာ စည်ကားလှပါတယ်။ အချို့သောမြို့ရွာများမှ ဘုရားဖူးများဟာ ဘုရားကြီးအနီးက သရီချောင်းလက်တက်သို့  မော်တော်ဖြင့် ဘုရားဖူးလာရောက်ကြပါတယ်။ ဘုရားကြီး ပရဝုဏ်အနီးမှာ ထမင်းဆိုင်များလည်း ရှိပြီး မြန်မာထမင်းဟင်း၊ ရခိုင် ရိုးရာဟင်းတို့ကို နှစ်သက်ရာ မှာယူ သုံးဆောင်နိုင်ပါတယ်။ ရခိုင်ဟင်းတွေကတော့ဖြင့် ငရုပ်သီးစပ်လှပြီး စားရတာ ခံတွင်း အလွန်မြိန်ပါတယ်။ အစပ်ကြိုက်တဲ့ ကျွန်မအတွက်တော့ ရခိုင်ဟင်းစပ်ကို စားရတာ အလွန် နှစ်သက်မိပါတယ်။

Image Hosted by PicturePush - Photo Sharing
မော်တော်ဖြင့် ပျော်ပျော်ပါးပါး ဘုရားဖူးလာရောက်ကြသူများ 

ရှေးခေတ် ရခိုင်ဘုရင်များဟာလည်း ဖောင်တော်ဖြင့်  မဟာမြတ်မုနိဘုရားခြေတော်ရင်း လှေကားထိ ရောက်တဲ့ ချောင်းကနေ ဘုရားကြီးကို လာရောက်ဖူးမျှော်လေ့ရှိကြောင်း မှတ်တမ်းများ ရှိခဲ့တယ်လို့ ဆိုပါတယ်။

Image Hosted by PicturePush - Photo Sharing

ထမင်းစားပြီးတာနဲ့ ဘုရားဖူးဖို့ပေ၃၀ခန့်မြင့်တဲ့ ကုန်းတော်ပေါ်ကို စောင်းတန်းကနေ တက်လာခဲ့ပါတယ်။

Image Hosted by PicturePush - Photo Sharing


Image Hosted by PicturePush - Photo Sharing

စောင်းတန်းဘေးက ကာရံထားတဲ့ တံတိုင်းကြီးဟာ ရှေးဟောင်းလက်ရာပုံစံအတိုင်းတည်ဆောက်ထားပါတယ်။

Image Hosted by PicturePush - Photo Sharing

ရင်ပြင်တော်ပေါ်က လှမ်းကြည့်ရင် မြင်ရတဲ့ မြတ်စွာဘုရားနှင့် ရဟန္တာ ငါးရာဆို့ ကြွချီလာဟန် ရုပ်ပုံတော်များ
ဒီမြင်ကွင်းကိုနိုင်ငံခြားသားတွေ အလွန်သဘောကျပြီး ရောက်လာတဲ့ သူတိုင်း ဒီနေရာကို ဓာတ်ပုံသေချာရိုက်တာကို တွေ့ရပါတယ်။

Image Hosted by PicturePush - Photo Sharing

ရခိုင်မင်းများ ခေတ်အဆက်ဆက်က ကိုးကွယ်ခဲ့ကြတဲ့ ကြည်ညိုဖွယ်ရာ မဟာမုနိမြတ်စွာဘုရား ရုပ်ပွားတော်ပါ။

ရုပ်ပွားတော်ဟာ သတ္တဝါအများကို သနားကရုဏာ ထားတော်မူ ဟန်ဖြင့် ပြုံးတော်မူနေတဲ့ မျက်နှာသွင်ပြင် ရှိတယ်လို့ ဆိုကြပါတယ်။
ရှည်လျားလှတဲ့ သမိုင်းကြောင်း ရှိခဲ့တဲ့ မဟာမြတ်မုနိရုပ်ပွားတော်ရဲ့သမိုင်းကို အကျဉ်းချုပ် ပြောရရင် မဟာမုနိရုပ်ပွားတော်ကို သွန်းထုခဲ့တာ လွန်ခဲ့တဲ့ နှစ်ပေါင်း ၂၀၀၀ကျော် မြတ်စွာဘုရား သက်တော်ထင်ရှား ရှိစဉ်ခါက ဖြစ်ပါတယ်။ မဟာသက္ကရာဇ် ၁၂၃ခုနှစ် ရခိုင်တို့ဌာနေ ဓညဝတီပြည်ကြီးမှာ စန္ဒာသူရိယမင်း အုပ်ချုပ်စဉ် ဒက္ခိဏဒေသမှာ မြတ်စွာဘုရား ပွင့်တော်မူပါတယ်။ စန္ဒာသူရိယမင်းဟာ မြတ်စွာဘုရားပွင့်ကြောင်း ကြားသိရတဲ့အတွက် ဘုရားရှင်ကိုဖူးမျှော်လိုတဲ့ စိတ်ဆန္ဒတွေ ပြင်းပြစွာဖြစ်ပေါ် မိတဲ့အတွက် စိတ်တွင်းမှ အဓိဌာန်ဖြင့် မြတ်စွာဘုရားကို ပင့်ဖိတ်ပါတယ်။ ဘဝပေါင်းများစွာ ပါရမီအထုံပါခဲ့ဖူးတာကြောင့် မြတ်စွာဘုရားဟာ စန္ဒာသူရိယမင်းကြီးရဲ့ ပင့်ဖိတ်ချက်ကို သိတော်မူပြီး သာသနာအတွက် ချီးမြှင့်တော်မူရန် ရာဇဂြိုလ်ပြည်မှ ကောင်းကင်ခရီးဖြင့် ရခိုင်ပြည်သို့ ရဟန္တာ ၅၀၀နောက်တော်ပါးတို့နှင့် ကြွချီတော်မူလာပါတယ်။

Image Hosted by PicturePush - Photo Sharing

မြတ်စွာဘုရားရှင်နဲ့ ရဟန္တာ ငါးရာတို့ဟာ ကစ္ဆပနဒီမြစ်ကမ်းဘေး ယခု ကျောက်တော်မြို့ တစ်ဖက်ကမ်းက သေလာဂီရိကျောက်တော်တောင်ထိပ်မှာ ရပ်နားတော်မူပါတယ်။ ဘုရင် စန္ဒာသူရိယမင်းနဲ့ တိုင်းသူပြည်သားတို့ဟာ မြတ်စွာဘုရားကို ဖူးမျှော်ကြပြီး တရားဓမ္မများ နာယူခွင့်ရခဲ့ကြပါတယ်။ ဘုရင်စန္ဒာသူရိယ မင်းကြီးဟာ နန်းတော်တွင်းကိုလည်း ပင့်ဖိတ်တော်မူပြီး ဘုရားရှင်နဲ့ ရဟန္တာတို့ကို ဆွမ်းကြွေးပြီး တရားဓမ္မများကို နာယူခဲ့ရတာကြောင့် ဗုဒ္ဓတရားတော်ကို နှစ်နှစ်ကာကာ ယုံကြည်မိပြီး မြတ်စွာဘုရားကိုလည်း အတိုင်းမသိ ကြည်ညိုသဒ္ဓါစိတ် ယိုဖိတ်မိပါတယ်။ မြတ်စွာဘုရားရှင် ရာဇဂြိုလ်ပြည်ကို ပြန်ကြွမှာကိုလည်း စိုးရိမ်စိတ်များဖြစ်ပေါ်လို့ နေပါတယ်။ ထို့ကြောင့်လည်း မြတ်စွာဘုရားကိုယ်စား ကိုးကွယ်ဖို့ ရုပ်ပွားတော် သွန်းလုပ်ခွင့်ပြုဖို့ မြတ်စွာဘုရားထံခွင့်ပန်တဲ့အခါ သာသာနာတော် ရေရှည်တည်တံ့စေရန် ရည်ရွယ်ပြီး ဘုရားရှင်က ခွင့်ပြုတော်မူခဲ့ပါတယ်။

မဟာသက္ကရာဇ် ၁၂၃ခု ကဆုန်လပြည့် ဗုဒ္ဓဟူးနေ့ ညနေပိုင်းမှ စပြီး မြတ်စွာဘုရားကိုယ်ပွား ရုပ်ပွားတော်ကို ယခုကျောက်တော်တောင် (သီရိဂုတ်တောင်တော်) ပေါ်တွင် မင်းကြီးနှင့်အများပြည်သူ ကောင်းမှုတော်ဖြစ်သော ရတနာ ၆၅တင်းဖြင့် ကြိုချက်သွန်းလုပ်တော်မူပါတယ်။ သက္ကရာဇ် ၁၂၃ခု ကဆုန်လပြည့်ကျော် ၁ရက်၊ ကြာသပတေးနေ့ မနက်ခင်းမှာ မဟာမုနိ ရုပ်ပွားတော်မြတ်ကြီးကို သွန်းလုပ်ပြီးစီးတော်မူခဲ့ပါတယ်။  ယခုဖူးမြင်ရတဲ့ မဟာမြတ်မုနိရုပ်ပွားတော်ဟာ
မဟာမုနိ ရုပ်ပွားတော်မှာ ဥာဏ်တော်အမြင့် ၄ပေ ၄လက်မအရွယ်ရှိပြီး ဦးခေါင်းတော်မှာ မကိုဋ်ဆောင်းထားပြီး လက်ဝဲဖက် လက်တော်သည် ရင်ခွင်ပေါ် ဖြန့်၍တင်ထားသည့် ထက်ဝယ်ဖွဲ့ ပုံတော်ဖြစ်ပါသည်။ လက်ယာဖက် လက်တော်သည် မဟာပထဝီမြေကြီးကို ထိကိုင်သက်သေပြုနေသည့်ဟန် မှောက်လျှက်ရှိသည့် ဘူမိဖဿ မုဒြာဖြစ်ပါတယ်။ ခြေတစ်ဖက်ကို အပေါ်တင်ပြီး အခြားတစ်ဖက်ကို အောက်လျှိုကာ ထိုင်နေတော်မူဟန်ဖြစ်ပါတယ်။

ခေတ်အဆက်ဆက် ရခိုင်မင်းတို့ ကိုးကွယ်ပြုပြင်ခဲ့ရာမှ အင်္ဂလိပ်ခေတ်မှာ ပျက်စီး ယိုယွင်းကုန်သဖြင့် ၁၈၆၇ခုနှစ်မှာ ရှမ်းပြည်မှ ဘုရားဖူးလာသည့် မောင်ရွှေမှုံ ဆိုသူက ပြန်လည် ပြုပြင်ခဲ့ပြီးနောက် နှစ်ပေါင်း ၃၀ကြာသည့်အခါ စစ်တွေမြို့မှ ကျက်သရေဆောင် ရွှေစလွယ်ဆုရ ရခိုင်သူဌေးကြီး ဦးရဲကျော်သူနဲ့ ဇနီးဒေါ်သန္တာဖြူတို့မှ ပြုပြင်မွန်းမံ လှူဒါန်းမှုများ ပြုလုပ်ခဲ့ခြင်းကြောင်း မဟာမြတ်မုနိ ရင်ပြင်တော်နဲ့ ပတ်ဝန်းကျင်တို့ဟာ သာသာယာယာ တင့်တင့်တယ်တယ် ဖြစ်လာခဲ့ရပါတယ်။ သူဌေး ဦးရဲကျော်သူတို့ဟာလည်း သီရိပဝရ သကျမာရဇိန် ရုပ်ပွားတော်ကြီးကိုလည်း မဟာမြတ်မုနိ ရုပ်ပွားတော်ကြီးရဲ့ဘေးမှာ စံပါယ်ဖို့ သွန်းလုပ်လှူဒါန်းခဲ့ပြီး အတုဝိစိတြဝေယံ တန်ဆောင်းတော်ကြီး ကိုလည်း ဆောက်လုပ် လှူဒါန်းခဲ့ပါတယ်။ မဟာမြတ်မုနိ ရုပ်ပွားတော် စံပါယ်ရန် ခမ်းနား ထည်ဝါလှစွာသော ဘုံအဆင့်ဆင့်ပါသည့် ကုဋီကြီးကိုလည်း ဆောက်လုပ်လှူဒါန်းခဲ့ပြန်ပါတယ်။

Image Hosted by PicturePush - Photo Sharing
မဟာမုနိ ရုပ်ပွားတော်နှင့် အရံရုပ်ပွားတော် နှစ်ဆူ 


မဟာမုနိရုပ်ပွားတော်ကြီးဟာ တန်ခိုးကြီးလှပြီး ကြည်ညိုသဒ္ဓါဖြင့် ဖူးမျှော်ကြသူ ပေါများလှပါတယ်။ စေတနာထက်ထက်သန်သန်ဖြင့် လှူဒါန်းထားကြတဲ့ ရတနာ ရွှေငွေတို့ဟာလည်း မဟာမြတ်မုနိရုပ်ပွားတော်ကြီးပေါ်မှာ သဒ္ဓါကြည်ဖြူ ထူးဆန်းအံ့ဖွယ် တင့်တယ်လှစွာ ရှိကြပါတယ်။ 



Image Hosted by PicturePush - Photo Sharing

မဟာမြတ်မုနိရုပ်ပွားတော်၏ မကိုဋ်တော်

Image Hosted by PicturePush - Photo Sharing

Image Hosted by PicturePush - Photo Sharing

Image Hosted by PicturePush - Photo Sharing

မကိုဋ်တော်ပေါ်မှ အများပြည်သူ ကြည်ဖြူလှူဒါန်းထားသည့် ရတနာများကို သဒ္ဓါညွှတ်နူးစွာ ဖူးမြင်နိုင်ရန် အနီးကပ် ရိုက်လာခြင်းဖြစ်ပါတယ်။

Image Hosted by PicturePush - Photo Sharing

Image Hosted by PicturePush - Photo Sharing
မဟာမြတ်မုနိရုပ်ပွားတော်အား လှူဒါန်းထားသည့် ရွှေသားစစ်စစ် အသုံးအဆောင်တော်များ

ကလပ်ကြီး၊ ရွှေဖလားကြီး၊ ရွှေလင်ပန်း၊ ရွှေယပ်တောင်၊ ရွှေသပိတ်၊ ရွှေသပိတ်ဖုံး၊ ရွှေသပိတ်အခြေ၊ ရွှေတံပူ၊ ရွှေရေပန်းကရား၊ ရွှေပန်းကရားထည့်လင်ပန်း၊ ရွှေဖလားငယ် ၂ခု စသည် ၁၂မျိုးသော ရွှေထည်လှူဒါန်းမှုတို့မှာ စုစုပေါင်း ရွှေချိန် ၂ပိဿာနှင့် ၈၀ကျပ်သားရှိတယ်လို့ သိရပါတယ်။

Image Hosted by PicturePush - Photo Sharing

သူဌေး ဦးရဲကျော်သူနှင့်ဇနီး လှူဒါန်းခဲ့သော သီရိပဝရသကျမာရဇိန် ရုပ်ပွားတော်ကြီး

Image Hosted by PicturePush - Photo Sharing


Image Hosted by PicturePush - Photo Sharing

ခမ်းနားလှသည့် ရွှေပိန်းချ တိုင်လုံးကြီးများနဲ့ မှန်စီပန်းကွက် မျက်နှာကျက်များ

Image Hosted by PicturePush - Photo Sharing

ရှေးခေတ်လက်ရာ ကျွန်းတံခါးကြီးများ


Image Hosted by PicturePush - Photo Sharing

တိုင်လုံးပေါ်မှ လက်ရာမြောက် ရုပ်ကြွများ

Image Hosted by PicturePush - Photo Sharing


Image Hosted by PicturePush - Photo Sharing
ကုဋီအပြင်ဖက်တွင် ဝယ်ယူပူဇော်နိုင်သည့်ကြေးသွန်း ရုပ်ပွားတော်များ

Image Hosted by PicturePush - Photo Sharing

ရခိုင်လူမျိုးတို့၏ အထိမ်းအမှတ် အဆောင် ရုပ်ထုဖြစ်သော ဗျာလ် ခေါ် သတ္တဝါ ကိုးကောင်တို့၏ အစိတ်အပိုင်းများကို ပေါင်းစပ်ထားသည့် နဝရူပံ ရုပ်ထု

Image Hosted by PicturePush - Photo Sharing
မဟာမုနိပြတိုက် 

Image Hosted by PicturePush - Photo Sharing

မဟာမုနိဘုရား ပရဝုဏ်အတွင်းမှာ ရေကန် ၁ခု အပြင်ဖက်မှာ ရေကန် တစ်ခု ရှိပါတယ်။ အတွင်းမှာ ရှိတာက  စန္ဒာသူရိယ ဘုရင်ကြီးကိုယ်တိုင် တူးဖော်ခဲ့တဲ့ ဦးတော်ဆေးကန်ဖြစ်ပြီး ရေမှာကြည်လင် သန့်စင်နေသည့်အတွက် မဟာမြတ်မုနိ ဦးခေါင်းတော်အား ဆေးကြော သည့် ရေကန် ဖြစ်ပါတယ်။  နောက် တစ်ခုမှ မြတ်စွာဘုရားရှင်၏ ခြေတော်အားထိုကန်မှ ရေဖြင့် ဆေးကြောခဲ့သည့်အတွက် ခြေတော်ဆေးကန်အမည်ရသော ရေကန် ဖြစ်ပါတယ်။ ၄င်းအပြင် ကြီးမားလှတဲ့ ညောင်ပင်ကြီး နှစ်ပင်ကိုတော့ သိကြားညောင်ပင်နဲ့ သားဆုပန် ညောင်ပင်လို့ ခေါ်ကြပါတယ်။

Image Hosted by PicturePush - Photo Sharing

သူဌေးဦးရဲကျော်သူ လှူဒါန်းသည့် ကြေးပိဿ ၃၄ဝဝ ရှိသော ခေါင်းလောင်းကြီး


Image Hosted by PicturePush - Photo Sharing

မဟာမြတ်မုနိ ကဗျည်းကျောက်စာတိုင်

မြောက်ဦးမြို့ဟာ ရှေးဟောင်း စေတီပုထိုးတွေ ပေါများလှပြီး လေ့လာစရာ ရှေးခေတ်လက်မှု အနုပညာများ၊ စိတ်ဝင်စားဖွယ် ဗိသုကာပညာ၊ ကြေးသွန်း အတတ်ပညာများ စသည်တို့ ပေါများလှတာကြောင့် လာရောက်ကြတဲ့ ဘုရားဖူးများနဲ့ နိုင်ငံခြားခရီးသွားများ များပြားလှပါတယ်။ မြောက်ဦးမြို့ကို သွားကြသူတိုင်း ပြည်တွင်းပြည်ပ ခရီးသွားအားလုံးတို့ဟာ ကျောက်တော်မြို့အနီးက မဟာမြတ်မုနိဘုရားကို မဖြစ်မနေ သွားရောက် ဖူးမျှော်လေ့ ရှိကြတာကြောင့် အလွန်စည်ကားလှပါတယ်။


သမိုင်းကြောင်း ရှည်လျားပြီး ကြည်ညိုဖွယ် မဟာမြတ်မုနိ သမိုင်းကြောင်းကို ရေးသားရာမှာ ပိုစ့်တစ်ပုဒ်တည်းနဲ့ အားလုံးပြည့်စုံအောင် ဖော်ပြဖို့ မဖြစ်နိုင်တာကြောင့် အတိုချုပ်ပြီး ဖော်ပြလိုက်တာ ဖြစ်ပါတယ်။ အချက်အလက်များ လိုအပ်ခြင်း၊ ဖော်ပြရန် ကျန်ရှိခြင်း၊ မှားယွင်းခြင်းတို့ ရှိခဲ့ပါက ခွင့်လွှတ်ပေးကြပါရန် ပန်ကြားချင်ပါတယ်။ အကိုးအကားအဖြစ် မျှားအောင်ရဲ့ သမိုင်းထဲမှာ မြောက်ဦးဘုရားစေတီပုထိုးများနှင့် ဧည့်လမ်းညွှန်၊ သိန်းထွန်းအောင် (ရှေးဟောင်းသုတေသန)၏ ရခိုင် မဟာမြတ်မုနိ ဘုရားသမိုင်းနှင့် သိမှတ်ဖွယ်ရာများ စာအုပ်တို့မှ ကောက်နှုတ်ကိုးကားထားပါတယ်။

Image Hosted by PicturePush - Photo Sharing

အားလုံးသော မိတ်ဆွေများ မင်္ဂလာရှိသော နှစ်သစ်မှာ ကိုယ်စိတ်နှစ်ဖြာ ကျန်းမာ ချမ်းသာပြီး ဆန္ဒများအားလုံး ပြည့်ဝအောင်မြင်ကြပါစေရှင်..


Image Hosted by PicturePush - Photo Sharing

သင်္ကြန် မုန့်လက်ဆောင်းလုပ်ရအောင်


ဒီနေ့ မဟာသင်္ကြန်ရဲ့ ဒုတိယအကြတ်နေ့ ဖြစ်ပါတယ်။ လည်လို့ရတဲ့သူတွေက လည်ကြပြီး မလည်နိုင်တဲ့သူတွေက အိမ်မှာ ငိုင်နေတာမျိုး မဖြစ်ရအောင် မြန်မာ့ရိုးရာ မုန့်လက်ဆောင်း လုပ်စားရအောင်လားနော်။ မုန့်လက်ဆောင်းဆိုရာမှာ မုန့်ဖတ်လေးတေကို အများအားဖြင့် ဈေးထဲကနေ လွယ်လွယ်ကူကူ ဝယ်ယူလို့ရပါတယ်။ ဒါပေမဲ့ ဝယ်မရတဲ့နေရာမှာဆိုရင်တော့ လုပ်စားဖို့ ခက်ပြီပေါ့နော်။ အဲဒီလို ဝယ်မရရင် မိမိကိုယ်တိုင် လုပ်စားလို့ဖြစ်အောင် မုန့်လက်ဆောင်း လုပ်နည်းကို ပြန်လည် မျှဝေချင်ပါတယ်။ ကိုယ်တိုင် မုန့်လက်ဆောင်းဖတ် လုပ်ချင်သူ၊ ပြည်ပရောက်နေလို့ မုန့်လက်ဆောင်းဖတ် ဝယ်မရသူများအတွက် အသုံးဝင်မယ်လို့ မျှော်လင့်ပါတယ်ရှင်။

မုန့်လက်ဆောင်းလုပ်ဖို့အတွက် အရေးအကြီးဆုံးအချက်က လုပ်မဲ့ဆန်ဟာ ဆန်မာ ဖြစ်ဖို့လိုပါတယ်။ ဆန်ပျော့ဖြစ်ရင် ဘယ်လိုနည်းနဲ့မှ မုန့်လက်ဆောင်းဖတ် မရနိုင်ပါဘူး။ မြန်မာဆန်ဆိုရင် မနော်ဟရီလို ဆန်အမာစားမျိုးမှ လုပ်လို့ရတယ်လို့ သိရပါတယ်။ မြန်မာပြည်မှာ ရှိရင်တော့ ဆန်ကို အမှုန့်ကြိတ်စက်ကို ပို့ပြီး ကြိတ်ခိုင်းလို့ ရပေမဲ့ ပြည်ပက လူတွေအတွက်တော့ အမှုန့်ကြိတ်ဖို့ ခက်မယ် ထင်ပါတယ်။ ဒီအတွက် မိမိအိမ်မှာရှိတဲ့ Blender လေးနဲ့ဘဲ အဆင်ပြေအောင် လုပ်နိုင်ပါတယ်။

Image Hosted by PicturePush - Photo Sharing

ပထမဦးဆုံး မုန့်လက်ဆောင်းဖတ် လုပ်မဲ့ဆန်မာကို ရေစိမ်ထားပါတယ်။ မနက်လုပ်မယ်ဆိုရင် ညကတည်းက စိမ်ထားပြီး မနက်ကျ ဆန်ကို ရေစစ်ထားပါတယ်။ ရေစစ်လို့ ခြောက်ပြီဆိုရင် ဆန်ကို Blender ထဲ နည်းနည်းစီထည့်ပြီး ကြိတ်နိုင်ပါပြီ။ ဆန်ချည်းသက်သက် မကြိတ်ဘဲ ရေနည်းနည်းစီ ရောထည့်ပြီးလည်း ကြိတ်နိုင်ပါတယ်။ ဆန်မှုန့်တွေ ရလာရင် အိုးတစ်လုံးထဲမှာ အရည်ဖျော်ပါတယ်။

Image Hosted by PicturePush - Photo Sharing

ကြိတ်ပြီးဆန်မှုန့်များ 


Image Hosted by PicturePush - Photo Sharing
အရည်ဖျော်ထားသည့်ဆန်မှုန့်

Image Hosted by PicturePush - Photo Sharing
ဆန်မှုန့်ဖျော်ထားတာကို ပိတ်ပါးစ၊ ရေစစ်တစ်ခုခုဖြင့် စစ်ပါတယ်.. ရေစစ်ပေါ်တင်ကျန်နေတဲ့ အဖတ်တွေကို Blender ထဲပြန်ထည့်ပြီး ပြန်ကြိတ်ပါမယ်။
Image Hosted by PicturePush - Photo Sharing
စိတ်ကြိုက်ဖြစ်ပြီဆိုရင် ထုံးအရည်ကြည် ထည့်ကာ မီးဖိုပေါ်တင်ပြီး ကျိုပေးပါမယ်။ မုန့်လက်ဆောင်းဖတ်အတွက် ထုံးအရည်ကြည်ကလည်း မဖြစ်မနေ ထည့်ဖို့လိုအပ်ပါတယ် မဟုတ်ရင် မုန့်ဖတ် ခဲမှာ မဟုတ်လို့ပါ။ မီးဖိုပေါ် တင်ထားတုန်းမှာလည်း အောက်မှာ အနည်ထိုင်ပြီး ခဲမသွားအောင် အဆက်မပြတ် မွှေပေးရပါမယ်။ အကယ်၍ မုန့်ဖတ် အစိမ်းရောင်လေးဖြစ်ချင်ရင် ဆွမ်းမွှေးရွက်လို့ခေါ်တဲ့ Padan Leaves ကို စက်နဲ့ကြိတ်လို့ ရလာတဲ့ အစိမ်းရောင် အရည်တွေကို မုန့်ကျိုတုန်း ရောထည့်ပေးရင် အစိမ်းရောင် မုန့်လက်ဆောင်းဖတ်တွေ ရနိုင်ပါတယ်။

Image Hosted by PicturePush - Photo Sharing

ရေခမ်းစပြုလာရင် မီးနည်းနည်းနဲ့ပျစ်လာအောင် ဆက်တိုက်မွှေပေးရပါမယ်

Image Hosted by PicturePush - Photo Sharing

ရေခမ်းသွားပြီး စေးပျစ်နေတဲ့ အနှစ်များရပါပြီ။

Image Hosted by PicturePush - Photo Sharing
မုန့်လက်ဆောင်းဖတ် ညှစ်မဲ့ ဇွန်းအကြီးစားတွေပါ။

Image Hosted by PicturePush - Photo Sharing

ပျစ်နေအောင်ကျိုထားတဲ့ မုန့်ဖတ်တွေကို ဆန်ကာပေါက်ပါတဲ့ ဇွန်းထဲကို နည်းနည်းစီ ထည့်ပြီး ဇွန်းနောက်တစ်ချောင်းနဲ့ ခပ်သာသာလေး ဖိနှိပ်ပေးရင် မုန့်တွေဟာ ဆန်ကာပေါက်ကနေ စိမ့်ကျပြီး အောက်က ရေအေးအေးထဲ ကျသွားပါမယ်။


Image Hosted by PicturePush - Photo Sharing
ရေအေးအေးထဲက မုန့်လက်ဆောင်းဖတ်ကလေးများ

Image Hosted by PicturePush - Photo Sharing
အခုလို မုန့်ဖတ် အစိမ်းရောင်ဖြစ်ဖို့ ကျွန်မက မြန်မာပြည်မှာအသုံးများတဲ့ သစ်ခွ ဖျော်ရည်အနည်းငယ်ထည့်ပြီး ရေခဲနဲ့ စ်ိမ်ထားတာ ဖြစ်ပါတယ်.
ဒါဆိုရင် ချိုချိုအေးအေး အနံ့မွှေးမွှေး မုန့်လက်ဆောင်းဖတ်လေး ရပါတယ်။


Image Hosted by PicturePush - Photo Sharing

အုန့်နို့ကို နို့ဆီ၊ သကြား၊ ဆားအနည်းငယ်တို့ဖြင့် အချိုရည် ဖျော်ပြီးရေခဲတွေထည့်ကာ အေးအောင်ထားထားပါတယ်။


Image Hosted by PicturePush - Photo Sharing
မုန့်လက်ဆောင်းအတွက် လိုအပ်တဲ့ အဆာပလာတွေပါ။  အမဲရောင်က ငချိပ်ပါ။ မရှိလျှင် မထည့်ဘဲနေလို့ရပါတယ်။ အဝါရောင်က နှမ်းကို မညက်တညက် ထောင်းထားတာပါ။ ပန်းကန်လုံးအသေးနောက်တစ်ခုမှာ နှင်းရည်လို့ ခေါ်ကြတဲ့ နံသာပု အရည်ကို ရေနဲ့ရောထားတာပါ။ ကျွန်မတို့ကတော့ နံသပွတ်လို့ ခေါ်ပါတယ်။ မုန့်လက်ဆောင်းမှာ အဲဒီအရည်လေးပါမှ မွှေးကြိုင်ပြီး သောက်လို့ အလွန်ကောင်းပါတယ်။ အုန့်နို့နဲ့ မသောက်ချင်ဘဲ ထန်းညက်ရည်နဲ့ သောက်ချင်တယ်ဆိုရင်လည်း ထန်းညက်ရည်ကျိုပြီး အုန့်နို့အစား ထည့်ပြီး သုံးဆောင်နိုင်ပါတယ်။

Image Hosted by PicturePush - Photo Sharing
မုန့်ဖတ်၊ အုန့်နို့ရည်၊ နှမ်း၊ ငချိပ်၊ နံ့သာပုရည် စသည်တို့ စုံအောင်ထည့်ပြီးပြီမို့ သင်းပျံ့မွှေးကြိုင်နေတဲ့ မုန့်လက်ဆောင်းကို ရပါပြီရှင်။



ကြွလာတဲ့ မိတ်သဟာများအားလုံးကို မုန့်လက်ဆောင်းလေး ဒါနပြုလိုက်ပါရစေနော်။ အားလုံးလည်း အတာကူးမှာ အထူး ရွှင်လန်းချမ်းမြေ့ပြီး သင်္ကြန်ရေလို အေးမြကာ ဆန္ဒအားလုံးပြည့်ဝကြပါစေရှင်။


Image Hosted by PicturePush - Photo Sharing

ပိတောက်တစ္ဆေ

အိပ်ရာပေါ်မှာ နှစ်နှစ်ခြိုက်ခြိုက် အိပ်မောကျနေသော သက်ထားနှာခေါင်းထဲသို့ မွှေးပျံ့သော ရနံ့တစ်မျိုးက ဝင်ရောက်လို့လာသည်။ ပထမတော့ အိပ်မောကျနေသည့်အတွက် အိပ်မက်ထဲမှာလိုလို ထို ရနံ့ကို ခံစားနေရသော်လည်း မည်သည့်အနံ့ဆိုသည်ကို သေချာ ခံစားသိမိလိုက်သည်တွင် အိပ်မောကျနေရာမှ အသိစိတ်တို့က ဖြတ်ခနဲ ချဉ်းနင်းဝင်ရောက်လာရတော့သည်။ သေချာပါပြီ။ ထိုသင်းပျံ့ပျံ့ ရနံ့သည် ပိတောက်ပန်း ရနံ့သာ ဖြစ်ပေမည်။ ဧပရယ်လဖြစ်သည်မို့ လွန်ခဲ့သည့် ရက်တွေတုန်းက ပိတောက်ပန်းတွေ ဖူးနေသည်ကို သူမ မြင်ခဲ့ရဖူးသည်။ မျက်စိနှစ်လုံးကို အသာအယာဖွင့်လိုက်ပြီး အခန်းတွင်းကို လှည့်ပတ် ကြည့်လိုက်သော်လည်း သူမ ထင်ထားသလို ပိတောက်ပန်း တစ်ပွင့်တစ်လေမှ ရှိမနေပါ။ ပြင်ပမှ ဝင်လာသည့် ရနံ့ဟု ဆိုရအောင်ကလည်း သူမအခန်း၏ ပြူတင်းပေါက် တို့သည်လည်း စေ့စေ့ ပိတ်လျှက် သား ရှိပါသည်။ သို့သော်လည်း ထိုပိတောက်ပန်းတို့၏ ရနံ့မှာ ဘယ်နေရာက လာသည် ဆိုသည်ကို သူမ သေချာသိပါသည်။ 

မျက်နှာသစ် အဝတ်အစား လဲပြီးသည်နှင့် အိမ်ကနေ ဘယ်သူ့ကိုမှ အဖော်မခေါ်ဘဲ တစ်ဦးတည်း ထွက်လာခဲ့လိုက်သည်။ သက်ထားခြေလှမ်းတို့ ဦးတည်ရာသည်ကား သက်ထားတို့မြိုကလေး၏ အပြင်ဘက်တွင်ရှိသော သုဿန်ကို ဖြစ်လေသည်။ သူမ မျှော်လင့်ထားသည့် အတိုင်းပင် မြို့ကလေး၏ တစ်ခုတည်းသော သုဿာန်သို့ ရောက်သည်တွင် ခပ်လှမ်းလှမ်းမှပင် တစ်ပင်လုံး ဝင်းဝါနေသော ပိတောက်ပန်းပင်ကြီးကို မြင်နေရလေပြီ။ ပိတောက်ရနံ့တို့ကလည်း အနီးနား ဝန်းကျင် တစ်ခုလုံး မွှေးပျံ့ သင်းကြိုင် နေတော့သည်။ ပိတောက်ပန်းတို့ကို မြင်သည့်အခါတွင် အခြားသူများလို ကြည်နူး ဝမ်းသာစိတ်များ ဖြစ်မလာဘဲ ဝမ်းနည်းသည့် ခံစားမှုတို့က သူမရင်ထဲမှာ ဆို့ကြပ်လာတော့သည်။ တစ်ပင်လုံး ပွင့်နေသော ပိတောက်ပင်ကြီး အောက်တွင်တော့ အုတ်ဂူဖြူဖြူတစ်လုံး။ ထိုအုတ်ဂူတွင် ထင်ထင်ရှားရှား ရေးထိုးထားသည့် စာတန်းမှာ
မောင်ကျော်စိုးကို
အသက်(၂၄)နှစ်
၁၃.၄.၂ဝ၀၄ တွင်ကွယ်လွန်သည်။

အုတ်ဂူရှိရာဆီသို့ တစ်လှမ်းချင်း လျှောက်သွားသည့် သူမခြေလှမ်းတို့က လေးကန်ဖင့်နွဲ့လို့နေသည်။ သို့သော် သူမခြေလှမ်းတို့ကို ရပ်တန့်ပစ်ဖို့ စိတ်ကူးမရှိပါ။ ထို အုတ်ဂူရှေ့ကို ရောက်အောင် သွားရပါမည်။ အုတ်ဂူအနီး ပတ်လည်တွင် ပိတောက်ပွင့်ကြွေတို့ကို နေရာအနှံ့တွေ့ရသည်။ ဖြူလွလွ အုတ်ဂူပေါ်တွင် လည်း ပိတောက်ပန်းတို့က ဖွေးလို့နေလေပြီ။ အုတ်ဂူပေါ်က ပိတောက်ပွင့်ကြွေတို့ကို လက်ဖြင့် ဖွဖွ ကောက်ယူ မိတော့ သူမ ရင်တွင်းတစ်နေရာက တဆစ်ဆစ် ကိုက်ခဲလို့ လာသည်။ တကယ်တမ်းတွင် သက်ထားသည် ပိတောက်ပန်းတို့ကို ဟိုးယခင်က အလွန် နှစ်သက်ခဲ့ဖူးသော်လည်း ယခုအချိန်တွင်တော့ အမုန်းဆုံးပန်း ဖြစ်နေလေပြီ။ သို့သော်လည်း ပိတောက်ပွင့်ချိန် ရောက်တိုင်း ဒီနေရာကို သူမ လာမြဲတိုင်း လာနေပါဦးမည်။ သူမ စိတ်နှလုံးတို့ ဒီပိတောက်တစ္ဆေ ခြောက်ခြင်းကနေ ကင်းလွတ်ခွင့်မရမချင်း ပိတောက်ပန်း တို့ကို မုန်းတီးနေရဦးမည်သာ။ အုတ်ဂူဘေးတွင် ထိုင်ချလိုက်ကာ နာကျင်သော စိတ်နှလုံးဖြင့် စကားလုံးတစ်ချို့ကို နှုတ်ဖြင့် ရွတ်ဆိုမိတော့သည်။

“ကျော်စိုးရယ်.. နင်ငါ့ကို ခုထိ မမေ့သေးဘူးလားဟင်.. လွတ်ရာကျွတ်ရာကို သွားပါတော့လား။ ဒီပိတောက်ပန်းတွေနဲ့ ငါ့ကို တစ္ဆေတစ်ကောင်လို မှီတွယ်မနေပါနဲ့တော့လား။ နင့်ဘဝရဲ့ လွတ်လပ်ရာကို ထွက်ခါသွားပါတော့လား ” သူမ ပါးစပ်က ပလုံးပထွေး အသံထွက်နေမိရင်းက ရှိုက်ကြီး တငင်ဖြင့်  တသိမ့်သိမ့်လှုပ်ကာ ငိုကြွေးနေပါတော့သည်။ 

အုတ်ဂူဘေးတွင်ထိုင်ကာ သည်းသည်းထန်ထန် ငိုကြွေးနေသော သူမကို သုဿန်ရှေ့ ဖြတ်သွားဖြတ်လာ တို့မှာ မြင်လေတိုင်း စိတ်မကောင်းဖြစ်ကြသည်။ လူတိုင်းကလည်း “သက်ထားတစ်ယောက် ကျော်စိုးကို သတိရသဖြင့် ငိုကြွေးနေသည်၊ သက်ထားသည် အလွန်အချစ်ကြီးပြီး ကျော်စိုး ကွယ်လွန်သည်မှာ ၇နှစ်ခန့်ပင် ရှိပြီ ဖြစ်သော်လည်း ယခုထိ သူမမှာ မမေ့နိုင်သေး၊ ကျော်စိုးကို ချစ်စိတ်ဖြင့် သက်ထား တစ်ယောက် ဘယ်သူ့ကိုမှ လက်မထပ်နိုင်သေး” ဟု ဆိုကြကာ ပို၍ သနား ကရုဏာ သက်ကြလေသည်။ စိတ်မကောင်း ဖြစ်ကြသည်။ ပိတောက်ပွင့်ချိန်ရောက်တိုင်း ပိတောက်တွေ တစ်ပင်လုံးဝေနေသော ဒီ ပိတောက်ပင်ကြီးအောက်မှာ လာလာငိုတတ်သည့် သက်ထားအကြောင်းကို လူတိုင်းက သိနေကြလေပြီ။ ပိတောက်ပွင့်ချိန်တွင် မြင်ရသည့် ကြေကွဲစရာ မြင်ကွင်းဖြစ်လေသည်။ အဘယ်ကြောင့် ပိတောက်ပွင့်ချိန် တိုင်း သက်ထားတစ်ယောက် ဒီအုတ်ဂူ ဖြူဖြူဘေးနား လာငိုရပါသနည်း ဟု မေးလာ လျှင် ကျော်စိုးသည် လွန်ခဲ့သော် (၇)နှစ်က ယခုလို ပိတောက်ပွင့်ချိန်တွင် ကွယ်လွန်သွား ခဲ့သောကြောင့် ဖြစ်လေသည်။ 

ထို အုတ်ဂူဖြူဖြူနှင့် ပိတောက်ပင်တို့ ဖြစ်ပေါ်လာရာ ဇာတ်လမ်းမှာ လွန်ခဲ့သော ( ၇)နှစ်က…..

ထိုအချိန်သည် သက်ထားတစ်ယောက် ရန်ကုန်တက္ကသိုလ်မှ ဘွဲ့ရပြီး သူမတို့မြို့ကလေးရှိ ဘဏ်တစ်ခုတွင် အလုပ် စဝင်နေချိန် ဖြစ်လေသည်။ ဘွဲ့ရပြီးကာစ အသက် ၂၂ အရွယ် သူမသည် ပျိုမြစ်နုနယ် ချစ်စဖွယ် ချောမောသူလေး ဖြစ်သောကြောင့် သက်ထားကို ပိုးပန်းကြသူ အလွန်များပြားလေသည်။ မိန်းခလေးပီပီ ပန်းကြိုက်တတ်သော သက်ထားသည် သင်္ကြန်အကြိုနေ့မနက်စောစောတွင် သူမတို့အိမ်နှင့် ၃အိမ်ခန့်အကွာရှိ လူမနေသော ခြံကျယ်ကြီးတစ်ခု၏ ခြံစည်းရိုးနားက တစ်ပင်လုံး ပွင့်ဝေနေသော ပိတောက်ပင်ကြီးပေါ်က ပိတောက်ပန်းတွေကို တွေ့မြင်ပြီး အလွန် ပျော်ရွှင်မိလေသည်။ ညတုန်းက မိုးရွာသည်ကို သူမ သတိရလိုက်ပြီး ထိုမိုးကြောင့် ပိတောက်ပန်းတို့ ပွင့်ကြလေပြီ။ သူမ အလုပ်သို့ သွားလျှင် ပိတောက်ပန်းများ ပန်ဆင်သွားလိုသည့်စိတ်ဖြင့် အလုပ်မသွားခင်တွင် ထို ပိတောက်ပင်ကြီးအောက်သို့ ရောက်လာမိတော့သည်။

အပင်ကြီးက အတန်ငယ်မြင့်သောကြောင့် အပင်ပေါ်တွင် ပြွတ်ခဲစွာပွင့်နေသော ပိတောက်ပန်းတို့ကို လိုချင်မိသော်လည်း မည်သို့မည်ပုံ ခူးရမှန်းမသိဖြစ်ကာ သူမအရပ်ဖြင့် ပိတောက်ကိုင်း တစ်ခုတလေကို မှီလိုမှီငြား ခုန်ဆွ ခုန်ဆွဖြင့် လုပ်နေမိတော့သည်။ အနိမ့်ပိုင်းရှိ အကိုင်းများတွင် အပွင့်များ မရှိတော့ပေ။ ကြည့်ရသည်မှာ မနက်ခင်းစောစောတွင် ပိတောက်ပန်းများကို ဈေးတွင် ရောင်းချင်သူများက ဝိရိယကောင်းကောင်းဖြင့် လာခူးသွားကြဟန် ရှိသည်။ မြေပြင်ပေါ်တွင်လည်း သစ်ရွက်စိမ်း တစ်ချို့နှင့် ပိတောက်ပွင့်ကြွေများက ပြန့်ကျဲလို့နေသည့်အတွက် အပွင့်ကြွေတစ်ခုကို ကောက်ယူကာ နမ်းရှိုက်မိတော့ ပိတောက်ပန်း၏ ချိုအီသင်းထုံသော ရနံ့က သူမ နှလုံးသားထိတိုင် မွှေးပျံ့သွားသည်ဟုပင် ထင်မိလေသည်။ 

သို့သော် သူမ လိုချင်သည်က ပိတောက်ပွင့်ကြွေ မဟုတ်ပါ။ အရွက်စိမ်းစိမ်းတို့ ဝန်းရံနေသော ပိတောက်ခက်ကို လိုချင်မိလေသည်။ အပင်ပေါ်ကို မော့ကြည့်ရင်း ထိုပိတောက်ပန်းကို ရနိုင်သည့် နည်းလမ်းကို စဉ်းစားနေမိသည်။ သက်ထားတို့အိမ်နှင့် ထိုပိတောက်ပင်ကြီးရှိရာ လမ်းသည် လမ်းမကြီး မဟုတ်ဘဲ လမ်းသွယ်ကလေးသာ ဖြစ်သောကြောင့် လူသွားလူလာ အတန်ငယ် ရှင်းသည့်လမ်း ဖြစ်လေ သည်။ ထို့ကြောင့် သက်ထားမှာ တစ်စုံတစ်ယောက်ကို အကူအညီ တောင်း ဖို့ တွေ့လိုတွေ့ငြား မျှော်ကြည့် မိသော်လည်း ဖြတ်သွားဖြတ်လာ လူသူမရှိ ဖြစ်နေလေ သည်။ ထိုစဉ်မှာ သူမကို ချစ်ခင် နှစ်သက်လှ ပါချည်ရဲ့ ဆိုကာ ချစ်ကြောင်း၊ ကြိုက်ကြောင်း ဖွင့်ပြောကာ တစ်ဂျီဂျီဖြင့် အဖြေတောင်း ထားသော ကျော်စိုးကို က ထိုလမ်းသွယ်ရှေ့သို့ ဆိုင်ကယ်ဖြင့် ဖြတ်လာရာ ပိတောက်ပင်အောက်မှာ ခုန်ဆွ ခုန်ဆွလုပ်နေသော သွယ့်ကိုမြင်သွားပြီး ဆိုင်ကယ်ကို ရပ်လိုက်ကာ သက်ထားကို “ဘာလုပ်နေတာလဲ”ဟု လှမ်းမေးလေသည်။ တကယ်တမ်းတော့ ကျော်စိုးသည် သူမ အလုပ်သွားမည့်အချိန်ကို မှန်းကာ သူမတို့ အိမ်အနီးမှာ လာစောင့်နေခြင်းသာ ဖြစ်လေသည်။

အမှန်ပြောရလျှင် သက်ထားသည် ကျော်စိုးကို ကို နည်းနည်းလေးမှ စိတ်မဝင်စားပါ။ အသားဖြူဖြူ လူပုံခပ်နွဲ့နွဲ့ ကျော်စိုးမှာ ဆံပင်ရှည်ရှည်ထားတတ်သဖြင့် သူမမျက်စိထဲ မိန်းခလေးဆန်သည်ဟု ထင်ကာ ထိုပုံစံမျိုးကို စိတ်မဝင်စားသော သက်ထားအတွက်တော့ ကျော်စိုးကိုကို ချစ်သူအဖြစ် စိတ်ကူးလို့မရဘဲ သာမန် လူတစ်ယောက်ထက် မပိုခဲ့ပါ။ ကျော်စိုး သူမကို ချစ်ကြောင်း ဖွင့်ပြောခဲ့သည်မှာ ကြာလှပြီ ဖြစ်သော်လည်း သူမဖက်က တစ်ခါမှ စဉ်းစားဖို့ စိတ်ကူးမရှိခဲ့ဖူးပါ။ အခါတိုင်း ဆိုလျှင် ကျော်စိုးကိုကို အဖက်လုပ်ပြီး ပြန်ဖြေချင်မှ ဖြေမည်ဖြစ်သော်လည်း ဒီနေ့တော့ဖြင့် အပင်ပေါ်က ပိတောက်ပန်းတို့ကို လိုချင်စိတ်ကြောင့် အားကိုးရလိုရငြား “ပိတောက်ပန်းလိုချင်လို့” ဟု ပြန်ဖြေ လိုက်မိသည်။ ကျော်စိုးက ဆိုင်ကယ်ပေါ်မှ ဆင်းလာပြီး ဟိုဟိုဒီဒီ လိုက်ကြည့်ကာ ဝါးလုံး သို့မဟုတ် တုတ် တစ်ခုခု တွေ့လိုတွေ့ငြား လိုက်ရှာနေသည်။ သူ့အရပ်မှာလည်း သက်ထားအရပ်နှင့် သိပ်မကွာသည်မို့ အပင်ပေါ်က ပိတောက်ပန်းကို မမှီ့တမှီ။ 

ထိုစဉ် သက်ထားက လက်တွင်ပတ်ထားသော နာရီကို ကြည့်လိုက်မိပြီး အလုပ်သွားရန် အချိန် နီးနေပြီကို သတိရလိုက်မိကာ ဂျင်းဘောင်းဘီနှင့် တီရှပ်ကို ရှိုးအပြည့် ဝတ်ထားသော ကျော်စိုးကိုကြည့်ရင်း “ ကျော်စိုးရယ် အပင်က သိပ်မမြင့်ပါဘူး. နင်အပင်ပေါ် တက်ခူးပေးပါလား” ဟု ပြောမိတော့

“ဟာ.. ငါ သစ်ပင်ပေါ် မတက်ရဲဘူး။ တစ်ခါမှလည်း သစ်ပင်မတက်ဖူးဘူး” ဟု ကျော်စိုးက ပြန်ပြောလေသည်။ 

“အမလေး။ ဖြစ်ရလေတယ်။ ငါက မိန်းခလေးဖြစ်နေလို့။ သစ်ပင်တက်ဖို့ မသင့်တော်လို့။ ထမီကြီးနဲ့ တက်ဖို့လည်း မဖြစ်လို့။ မဟုတ်ရင် တက်ပြီးတာ ကြာပြီ။ ဒီသစ်ပင်တက်တာများ ဘာများ ခက်တာမှတ်လို့။ ဒီခြံစည်းရိုးကနေ တစ်ဆင့် တက်လိုက်ရင် လွယ်လွယ်လေးဟာကို။ ကျော်စိုး နင်က မတက်ရဲရအောင် ယောက်ျားလေး မဟုတ်ဘူးလား။ ငါက အလုပ်သွားရင် ပိတောက်ပန်းလေး ပန်သွားချင်လို့ပါဆိုမှဘဲ ဖြစ်နေလိုက်တာ” 

သူမက စိတ်ပေါက်ပေါက်ဖြင့် ပြောလိုက်မိသော စကားက ကျော်စိုးကို တွေဝေသွားစေပြီး ခဏမျှ စဉ်းစားသလို လုပ်နေကာ “ ကဲ တက်မယ်ဟာ. နင်ဒီလောက် ရချင်တယ်ဆိုမှတော့ ငါတက်ခူးပေးပါ့မယ်” ဟု ပြောလိုက်ကာ စီးထားသော ရှုးဖိနပ်ကို ချွတ်လိုက်ပြီး ခြံစည်းရိုးသံပန်းကို ဖြေးဖြေးချင်း တက်ပြီး သစ်ပင်ခွကြားသို့ ရောက်သွားတော့သည်။ ပုံမကျ ပန်းမကျ အပင်ပေါ်တက်နေသော ကျော်စိုးကို ကြည့်ပြီး သက်ထားစိတ်ထဲ ရယ်ချင်ပက်ကျိ ဖြစ်မိသော်လည်း ကျော်စိုးကို အားနာသဖြင့် အတင်းကို မျက်နှာပိုး သတ်ထားရသည်။ သစ်ပင်ခွကြားပေါ်မှ သစ်ကိုင်းများပေါ် ဆက်တက်ဖို့ တော်တော် ခက်ခဲနေဟန်ဖြင့် ကျော်စိုးမှာ အတန်ကြာ ရပ်တန့်နေသည်ကို တွေ့သဖြင့် “ကဲ နင်မတက်ရဲရင်လည်း ဆင်းခဲ့တော့ဟာ။ ” သူမက စိတ်မရှည်စွာဖြင့် အော်လိုက်တော့ သစ်ကိုင်းတစ်ခုပေါ်ကို တွယ်တက် လိုက်တော့သည်။ ပိတောက်ပင်မှာ အကိုင်း ခပ်နိမ့်နိမ့်တွင် အပွင့်များမရှိဘဲ အနည်းငယ် မြင့်သော နေရာတွင်သာ ပြွတ်ခဲနေအောင် ပွင့်လျှက်ရှိသည့်အတွက် ကျော်စိုးမှာ အကိုင်း ခပ်မြင့်မြင့်ထိ တက်ရလေသည်။ 

အပင်ပေါ်မှလူက မည်သည့်အကိုင်းတွင် ပန်းရှိသည်ကို သေချာ မမြင်ရသဖြင့် အောက်မှ သက်ထားက ဟိုနားမှာ ၊ ဒီနားမှာစသဖြင့် အော်ဟစ်ပေးရသည်။ ကျော်စိုးက ချိုးချပေးလိုက်သည့် ပိတောက်ကိုင်းလေး များကို သူမက လိုက်ကောက်ပြီး တစ်နေရာတွင် စုပုံထားလိုက်သည်။ ပန်းခက်များ များများရနေပြီ ဖြစ်သောကြောင့် ဘုရားတင်ဖို့ပါ သူမက စိတ်ကူးလိုက်မိသည်။ ထို့နောက် အပင်ပေါ်သို့ မော့ကြည့်လိုက်ပြီး “ ကျော်စိုးရေ နောက်တစ်ခက် နှစ်ခက်ဆို တော်ပြီနော်။ နင်ဆင်းခဲ့လို့ရပြီ” ဟု လှမ်းအော်ရင်း မြေပြင်ပေါ် ဆောင့်ကြောင့် ထိုင်ချပြီး စုပုံထားသည့်  ပန်းခက်များကို တယုတယဖြင့် တစ်ခက်ချင်းကို ကောက်ယူကာ ပွေ့ပိုက်နေလိုက်သည်။ 

ထိုအချိန်မှာ သစ်ပင်ပေါ်မှ ပြန်ဆင်းရန် ပြင်နေသော ကျော်စိုးမှာ  မိုးရေကြောင့် ခပ်ချောချော ဖြစ်နေသော အကိုင်းကို နင်းမိသောကြောင့်  ခြေချော်ကာ ဟန်ချက်ပျက်သွားပြီး ပိတောက်ပင်ပေါ်မှ မမျှော်လင့်ဘဲ ဝုန်းကနဲ ပြုတ်ကျလေတော့သည်။ အောက်ကို ငုံ့ကာ ပိတောက်ပန်းခက်များကို ကောက်ယူနေသော သက်ထားသည် ကျော်စိုးကို သစ်ပင်ပေါ်မှ ရုတ်တရက် ပြုတ်ကျသည့်အသံကို ကြားသည်နှင့် အထိတ်တလန့်ဖြင့် ကျော်စိုးရှိရာသို့ အပြေးသွားကာ သွားကြည့်မိတော့ မြေပြင်ပေါ်တွင် ခွေခွေလေး လဲနေသော ကျော်စိုးကို တွေ့လိုက် ရလေသည်။ ကျော်စိုးနာမည်ကို အော်ဟစ်ကာ ပုခုံးနှစ်ဖက်ကို ကိုင်လှုပ်လိုက်ချိန်တွင်တော့ ကံဆိုးလှစွာပင် ကျော်စိုးပြုတ်ကျရာ နေရာတည့်တည့် သူ့ ဦးခေါင်းအောက်တွင် အတန်ငယ်ကြီးသည့် ကျောက်တုံးတစ်တုံးကို တွေ့လိုက်ရပြီး ထို ကျောက်တုံးဖြင့် ဦးခေါင်း ဆောင့်မိကာ ဦးခေါင်းဆီမှ နီရဲနေသော သွေးများတစ်စိမ့်စိမ့်ထွက်နေသည်ကို မြင်လိုက်ရလေသည်။ သွေးမြင်လျှင် မူးတတ်သည့် သက်ထားမှာလည်း "ကျော်စိုး၊ ကျော်စိုး" ဟု လှုပ်နှိုးနေရင်းဖြင့်ပင် မြေပြင်ပေါ် ခွေလဲ ကျသွားတော့သည်။

သက်ထား သတိရလာသည့်အချိန်တွင် အိမ်ရှိ သူမ၏ အိပ်ရာထက်သို့ ရောက်ရှိနေပြီး သက်ထားညီမ ကေသီက ဝမ်းနည်းဖွယ် အခြေအနေ အားလုံးကို ပြောပြတော့သည်။ ကျော်စိုးကို ကားဖြင့် ဆေးရုံသို့ တင်ခေါ်လာရာ ကျော်စိုး၏ ဦးခေါင်း ဒဏ်ရာမှာ အလွန်ပြင်းထန်သည့်အတွက် ဆေးရုံမရောက်မီပင် ကွယ်လွန်သွားကြောင်းနှင့် ကျော်စိုး မဆုံးမီ သတိတစ်ချက် လည်လာချိန်တွင် "ပိတောက်ပန်းတွေ ပိတောက်ပန်းတွေ" ဟု ကယောင် ကတန်း ရေရွတ် ပြောနေခဲ့ကြောင်း ဆေးရုံ ပို့သူများက ပြန်ပြောပြသည်ကို  ဝမ်းနည်းဖွယ် သိရှိရလေသည်။ ထိုအဖြစ်အပျက်အတွက် သက်ထားနှင့် ကျော်စိုးမှာ ချစ်သူများဖြစ်ပြီး ကျော်စိုးက သက်ထားအတွက် ပိတောက်ပန်း တက်ခူးပေးရင်း အပင်ပေါ်မှ ပြုတ် ကျ သေဆုံး ရသည်ဟု သူမတို့ တစ်မြို့လုံးက ထင်မြင် ပြောဆိုနေခဲ့ကြသည်။ သက်ထား မှာလည်း ကျော်စိုး တစ်ယောက် သစ်ပင်ပေါ်မှ ပြုတ်ကျပြီး ကျောက်တုံးနှင့် ဦးခေါင်းဆောင့်မိတာကို မျက်ဝါးထင်ထင် မြင်လိုက်ရသောကြောင့်လည်းကောင်း၊ သူမကြောင့် လူတစ်ယောက် သေဆုံး ရသည်ဟုဆိုကာ စိတ်မကောင်း ဖြစ်လှသောကြောင့် လည်းကောင်း တစ်လလောက် နေမကောင်းဖြစ်ရလေသည်။ 

သူမ နေမကောင်းဖြစ်နေသည့် ရက်များတွင် ကျော်စိုးသည် သူမထံသို့ ရောက်လာတတ်ပြီး သူ့အားမြုပ်နှံထားသည့် အုတ်ဂူတွင် ပိတောက်ပင်တစ်ပင် စိုက်ပေးပါရန် လာလာပြောသည်ဟု အိပ်မက် မက်လေ့ရှိသည်။ ထိုအိပ်မက်မှ နိုးလာတိုင်းလည်း သူမသည် ကြက်သီးများ ဖြန်းခနဲထကာ ဝမ်းနည်းစွာ ငိုကြွေးမိလေသည်။ အစောတုန်းကတော့ စိတ်စွဲသဖြင့် တစ်ရက်တလေ မက်သည့်အိပ်မက်ဟု ထင်ခဲ့သော်လည်း နေ့စဉ် ရက်ဆက်လိုလို မက်နေသည့်အခါတွင်မူ သူမမှာ ထိတ်လန့်လာပြီး လူကြီးမိဘများကို ဖွင့်ပြောပြသည့် အခါတွင်တော့ အားလုံးက သက်ထား နေမကောင်းသဖြင့် လည်းကောင်း၊ ကျော်စိုးကို စိတ်စွဲလမ်းနေခြင်းကြောင့် လည်းကောင်း အိပ်မက် ကယောင်ခြောက်ခြား မက်နေခြင်းသာဖြစ်သည်ဟု ဆိုကြသည်။ သို့သော် သက်ထားမှာ အိပ်မက်မက်ပြီးတိုင်း ငိုကြွေးလို့သာ နေသဖြင့် သက်ထားနေကောင်းလျှင် ကျော်စိုးအုတ်ဂူမှာ ပိတောက်ပင်တစ်ပင် သွားစိုက်ပေး ကြမည်ဟု ကတိပေးကာ သူမ နေကောင်းသည့်နောက် အိမ်က လူများ အစီအစဉ်ဖြင့် ကျော်စိုး မိဘများကို ခွင့်တောင်းကာ ပိတောက်ကိုင်းခပ်ကြီးကြီးကို ကျော်စိုး၏ အုတ်ဂူဘေးတွင် သွားရောက်စိုက်ပျိုးပေးခဲ့ကြသည်။

ပိတောက်ပင် စိုက်ပြီးသည့်နောက်တွင် အိပ်မက်မက်ခြင်း မရှိတော့သည့်အတွက် သက်ထားမှာ စိတ်သက်သာရသော်လည်း လူတိုင်းက သူမနှင့်ကျော်စိုးကို ချစ်သူတွေဟု အထင်မှား ကြသည်ကို ဖြေရှင်း ချင်စိတ် မရှိဘဲ ဒီအတိုင်း ထားလိုက်တော့သည်။ ကျော်စိုးအုတ်ဂူတွင် သွားရောက် စိုက်ပျိုးခဲ့သည့် ပိတောက်ကိုင်းမှာ ၂နှစ်ခန့်တွင် အပွင့်များ စပွင့်တော့သည်။ ထူးဆန်းသည်မှာ ထိုပိတောက်ပင်မှ ပိတောက်ပန်းပွင့်လေတိုင်း သက်ထားအခန်းထဲတွင် ပိတောက်ပန်းရနံ့ကို ရတတ်သည်။ ပထမတော့ သူမ စိတ်ထင်၍ဟု ထင်ခဲ့သော်လည်း အုတ်ဂူဘေးမှ ပိတောက်ပွင့်တိုင်း သူမနှာခေါင်းထဲတွင် ပိတောက်နံ့ကို အမြဲလိုလို ရလာတတ်သည်။  သူမ မိသားစုများကို ပြောပြတော့လည်း စိတ် အစွဲအလန်းကြောင့် ဖြစ်သည် ဟုသာ ပြောတတ်ကြပြီး သူမ ညီမ ကေသီကလွဲ၍ မည်သူကမျှ မယုံကြည်ကြပေ။ သို့သော် ပိတောက်ပန်းနံ့ကို တစ်ခန်းလုံး မွှေးနေအောင် ရသည့်အခါတိုင်း သုဿန်ကို သွားပြီး ကြည့်လျှင် ကျော်စိုးအုတ်ဂူမှ ပိတောက်ပန်းများ ပွင့်နေသည်မှာ ထူးဆန်းစွာ တွေ့ရလေသည်။ ထိုအဖြစ်အပျက်မှာ လည်း တစ်နှစ်ထဲ မဟုတ်ဘဲ ပိတောက်ပွင့် ချိ်န် ရောက်တိုင်း နှစ်စဉ်နှစ်တိုင်း သက်ထားတစ်ယောက် ကြုံရလေ့ ရှိသည့် အဖြစ်အပျက် တစ်ခု ဖြစ်လာလေသည်။

တစ်မြို့လုံး ထင်မြင်ယူဆနေသလို သက်ထားနှင့် ကျော်စိုးမှာ ချစ်သူရည်းစားများ လုံးဝ မဟုတ်ကြဘဲ ကျော်စိုးဘက်ကသာ သူမကို ချစ်ခဲ့သည်ဖြစ်ကြောင်း သက်ထား အသိဆုံးဖြစ်သော်လည်း သူမ မဖြေရှင်းချင်တော့ပါ။ ပိတောက်ပွင့်ချိန်တိုင်း သူမအခန်းတွင် ပိတောက်ပန်းနံ့လေးများ ရောက်ရောက် လာတတ်သည်မှာ ကျော်စိုးတစ်ယောက် ယခုအချိန်ထိ သူမကို စိတ်စွဲလန်းနေတုန်း၊ မကျွတ်မလတ် ရှိနေတုန်းဟု သူမ ယုံကြည်မိသည်။ ပြီးတော့လည်း ကျော်စိုးတစ်ယောက် ပိတောက်ပင်မှ လိမ့်ကျပြီး သေဆုံးရခြင်းသည် သူမကြောင့်ဖြစ်သည်။ သူမသာ ပိတောက်ပန်း မခူးခိုင်းလျှင် ကျော်စိုး တစ်ယောက် ခုလို အသက်သေဆုံးရမည် မဟုတ်ဟု ယူကျုံးမရဖြစ်ကာ သူမတွင် အပြစ်ရှိသည်ဟု ခံယူမိသည့်အတွက် ကျော်စိုးသေဆုံးပြီး ယခု ၇နှစ်ခန့် ကြာသည်ပင်လျှက် သက်ထားမှာ သူမကို ချစ်ခင်ပိုးပန်းသော မည်သူ တစ်ဦးတစ်ယောက်ကိုမှ လက်ခံခြင်းမရှိဘဲ နေလာခဲ့သည်။ တစ်စုံ တစ်ယောက်ကို လက်ခံရလောက်လည်း  သူမ စိတ်ထဲတွင် ကျော်စိုးနှင့် ပတ်သက်၍ လိပ်ပြာ မသန့်နိုင်အောင် ခံစားမိလေသည်။

သူမ အလွန်ချစ်ခဲ့သော ပိတောက်ပန်းကို ယခုအခါတွင် မကြည့်ချင် မမြင်ချင်လောက်အောင် ဖြစ်မိသလို ပိတောက်တွေပွင့်ချိန်တိုင်း ရောက်လာတတ်သည့် ပိတောက်နံ့များကို သူမမုန်းပါသည်။ ပိတောက်ပန်းကို လိုချင်စိတ်ကြောင့် လူတစ်ယောက်လုံး အသက်ဆုံးရှုံးရစေသည့် သူမကိုယ်သူမလည်း မုန်းတီးမိသည်။ သူမအခန်းတစ်ခုလုံး ပိတောက်ပန်းနံ့များ လွှမ်းနေအောင် ဖြစ်ပေါ်စေတတ်သည့် တစ်စုံတရာကိုလည်း သူမ ထိတ်လန့်မိသည်။ ထိုအဖြစ်မှ လွတ်မြောက်ချင်မိသော်လည်း ယခုအချိန်ထိ မလွတ်မြောက်နိုင်သေးသည် ကိုလည်း နာကျင်မိသည်။ တကယ်တမ်းတော့ ထိုအဖြစ်အပျက်ဆိုး၊ အိပ်မက်ဆိုးမှ သူမ လွတ်မြောက် လိုလှပါသည်။ ပိတောက်ပန်း မရှိသည့်အရပ်ကို ထွက်သွားဖို့ အကြိမ်ကြိမ် စိတ်ကူးမိသော်လည်း မိဘများက ခွင့်မပြုသောကြောင့် ဒီမြို့ကနေ မထွက်ခွာနိုင်သော သူမအဖြစ်ကိုလည်း စိတ်ဆင်းရဲလှပါတော့သည်။ 

အကယ်၍များ သင်သည် ပိတောက်ပန်းပွင့်ချိန်၊ ဧပရယ်လမျိုးတွင် မြို့ကလေး တစ်မြို့ရှိ သုဿန်တစ်ခုအတွင်း ပိတောက်ပင်ကြီး တစ်ပင်အောက်မှ  အုတ်ဂူဖြူဖြူလေးတစ်ခုဘေးတွင် ရှိုက်ကြီးတငင် ငိုကြွေးနေသူ မိန်းခလေးတစ်ယောက်ကို တွေ့ခဲ့ပါက ထိုမိန်းခလေးမှာ သက်ထားဖြစ်သည်ကို သံယသဖြစ်စရာမရှိပါ။ သက်ထားတစ်ယောက် ပိတောက်ပန်းအိပ်မက်ဆိုး၊ ပိတောက် တစ္ဆေခြောက်ခံရခြင်းမှ လွတ်မြောက်အောင် သင့်ထံတွင် အကြံဥာဏ်ကောင်းများ ရှိပါကလည်း ပေးခဲ့စေချင်ပါကြောင်း အသိပေးလို ပါသည်။