ထူးထူးဆန်းဆန်း ပန်းရောင်ရေကန်ကြီး

တကယ်လို့များ သင်ဟာ ကမ္ဘာပေါ်မှာ ထူးထူးဆန်းဆန်း တည်ရှိနေတဲ့ ပန်းရောင်သန်းနေတဲ့ ရေကန်ကြီးကို မြင်ဖူးချင်တယ်ဆိုလို့ရှိရင် ဆီနီဂေါလ်ငံလေးကို အလည်သွားကြည့်ပါလို့ တိုက်တွန်းချင်ပါတယ်။ အများအားဖြင့် ရေကန်လို့ဆိုလိုက်ရင် ကြည်လင်တဲ့ စိမ်းပြာရောင်၊ အပြာရောင်၊ ရေနောက်တယ်ဆိုရင် အဝါရောင် စသည်တို့သာရှိတတ်ပေမဲ့လည်း ရေကန်ကြီးတစ်ခုလုံး ပန်းရောင်ဖြစ်နေတာမျိုးကတော့ အင်မတန်မှ ရှားရှားပါးပါး ဖြစ်ပါတယ်။ သဘာဝရဲ့ ထူးဆန်းအံ့သြဖွယ် ဖန်တီးချက်တွေဟာ ဆန်းကြယ်လှတယ်ဆိုတာ တွေ့ရမှာဖြစ်ပါတယ်။ ဆီနီဂေါလ်နိုင်ငံရဲ့ မြောက်ဖက် မြို့တော် ဒါကာကနေ မိနစ်သုံးဆယ် ခရီး အကွာအဝေးမှာ ရှိတဲ့ Lake Retba ဟာ နွေးထွေး ကျယ်ဝန်းတဲ့ ကန်ရေပြင်ကြီးတစ်ခုလုံး ပန်းရောင် သန်းနေတာကို တွေ့ရမှာဖြစ်ပါတယ်။ 


Image Hosted by PicturePush - Photo Sharing


Image Hosted by PicturePush - Photo Sharing


Image Hosted by PicturePush - Photo Sharing



Image Hosted by PicturePush - Photo Sharing


ပုံမှာမြင်ရတဲ့အတိုင်းပါဘဲ... ကန်ကြီးထဲက ရေတွေအားလုံးဟာ အခြားသော ဘယ်ရေကန်နဲ့မှ မတူအောင် ပန်းရောင်ဖြစ်နေတာကို တွေ့ရမှာပါ။ ဒီရေကန်ကြီးဟာ ဘာကြောင့်များ ပန်းရောင်ဖြစ်နေရတာလဲဆိုတော့ ရေကန်ထဲမှာ ထူးဆန်းတဲ့ ရေညှိပင်တစ်မျိုး(  Dunaliella salina )ဟာ ရှင်သန်ပေါက်ဖွားနေတဲ့ အတွက်ကြောင့်လို့ ဆိုပါတယ်။ အဲဒီ Dunaliella salina   တွေဟာ ဆားငံရေတွေမှာ ရှင်သန်တဲ့ သေးငယ်လှသော ရေညှိအမျိုးဖြစ်ပါတယ်။ အဲဒီရေညှိတွေကြောင့် ရေကန်ရဲ့အရောင်ဟာ ပန်းရောင်ဖြစ်ပေါ်စေတယ်လို့ သိရပါတယ်။ Lake Retba လို့ခေါ်တဲ့ ပန်းရောင် ရေကန်ဟာလည်း   ( ပင်လယ်သေလို) အင်မတန်မှ များပြားတဲ့ ဆားတွေပျော်ဝင်မှု သိပ်သည်းဆ များလွန်းတဲ့အတွက် လူကို ရေပေါ် ပေါ်စေနိုင်စွမ်းရှိပါတယ်။



Image Hosted by PicturePush - Photo Sharing

ပန်းရောင်ရေပြင်ပေါ်မှာ အေးအေးလူလူ

Image Hosted by PicturePush - Photo Sharing

ပုလင်းထဲထည့်ရင်တော့ ခုလို ပန်းဖျော့ရောင် မြင်ရပါတယ်

နိုင်ငံတကာ ခရီးသွားဧည့်သည်များနဲ့ ပြည်တွင်းခရီးသွားများကို အလွန်ဆွဲဆောင်နိုင်တဲ့ ပန်းရောင် ရေကန်ကြီးဟာ ကန်ထဲမှာ ရေစိမ်ရင်း ရေပေါ်မှာ ပေါ်နေတဲ့ အရသာကို ခံစားချင်သူတွေအတွက် အလွန်နှစ်သက်ဖွယ် ဖြစ်ပါတယ်။ ရေထဲကို နှစ်မြုပ်သွားတာမျိုး မဖြစ်နိုင်တဲ့အတွက်  ရေကူးသင်ချင်သူများ အတွက်လည်း အလွန်အဆင်ပြေပါတယ်။ ရေကန်ရဲ့အရောင်ဟာ စတော်ဘယ်ရီသီးကို နို့နဲ့ဖျော်ထားသလို ပန်းရောင် သန်းနေတဲ့ အရောင် ဖြစ်နေပါတယ်။ နေရောင်ခြည် အတက်အကျပေါ် မူတည်ပြီးလည်း ပန်းနုရောင်ကနေ ပန်းရင့်ရောင်အထိ မြင်တွေ့နိုင်ပါတယ်။ 



ကမ်းစပ်က ဆားပုံနဲ့ နေအိမ်များ 



ဆားစုဆောင်းသူများ 





Image Hosted by PicturePush - Photo Sharing




ရေကန်စပ်မှာပင်လျှင် များပြားလှသော ဆားပွင့်ကလေးများကို တွေ့ရှိပါတယ်

Image Hosted by PicturePush - Photo Sharing

ရေကန်ပတ်လည်မှာ ခုလို အမြုပ်ဖြူဖြူတွေ ဖွေးနေအောင် တွေ့ရပါတယ်



ဆားပါဝင်မှုနှုန်း များပြားလှတဲ့ ပန်းရောင်ရေကန်ကြီးမှာ  ယောက်ျား၊ မိန်းမ စတဲ့ ဆားစုဆောင်းသူတွေ မနည်းမနော ရောက်လာပြီး တစ်ရက်ကို ၆နာရီထိ ကန်ရေထဲမှာ စိမ်ကာ ရေကန်အောက်ခြေက ဆားပွင့်များကို သယ်ယူစုဆောင်းကြပါတယ်။ ဒေသခံများအတွက်တော့ ပန်းရောင်ရေကန်ကြီးဟာ အသက်မွေးဝမ်းကြောင်း ပြုကြတဲ့နေရာကြီးတစ်ခု ဖြစ်နေပါတယ်။ ၅-ကီလိုမီတာ ရှည်လျားတဲ့ ကမ်းစပ်တစ်လျှောက်မှာ ဆားစုဆောင်းသူများရဲ့ ဆားပုံများ၊ နေအိမ်များကို အစီအရီ တွေ့ရနိုင်ပါတယ်။ အထူးသဖြင့်တော့ အမျိုးသမီးများဟာ ရေအောက်က ဆားပွင့်များကို စုဆောင်းကြပြီး အမျိုးသား များကတော့ ဆားတွေကို ရောင်းချတာ၊ လိုအပ်တဲ့နေရာတွေကို ပို့ဆောင်ပေးတာ စသဖြင့် ပြုလုပ်ကြပါ တယ်။ 


Image Hosted by PicturePush - Photo Sharing





၎င်းအပြင် ပန်းရောင်ရေကန်ကြီးဟာ ပင်လယ်ငါးနဲ့ ပင်လယ်သတ္တဝါမျိုးစုံတို့ ရောင်းဝယ်ဖောက်ကားရာ နေရာလည်း ဖြစ်ပါတယ်။ ပင်လယ်နက်ထဲသို့ ညကတည်းက ငါးဖမ်းသွားကြတဲ့ ငါးဖမ်းလှေ များစွာတို့ဟာ  နေ့လည်ခင်းတွေမှာ ပြန်ရောက်လာကြပြီး မိမိတို့ ဖမ်းမိလာတဲ့ ငါး၊ ပုဇွန်စတဲ့ ပင်လယ်သတ္တဝါ တိန်ချိန် များစွာတို့ကို ပန်းရောင်ရေကန်ရဲ့ ကမ်းခြေမှာ ရောင်းချကြပါတယ်။ ပန်းရောင် ရေပြင်ရဲ့ ဆားပါဝင်မှု နှုန်းဟာ တစ်လီတာကို ၃၈၀ ဂရမ်ထိ ပါဝင်တာကြောင့် အလွန်မြင့်မားတဲ့ နှုန်းထားဖြစ်ပါတယ်။ ရေကန်ရဲ့ အနီးတစ်ဝိုက်မှာတော့ ဒေသခံတွေရဲ့ ရွာတွေနဲ့ သစ်တောတွေ ရှိပါတယ်။ ထူးခြားတဲ့ ပန်းရောင် ရေကန်ဟာ ဆီနီဂေါလ်နိုင်ငံရဲ့ အမျိုးသားအမွေအနှစ်လည်း ဖြစ်ပါတယ်။ 


Image Hosted by PicturePush - Photo Sharing

Sources; - http://www.broadsheet.ie/2012/07/02/the-big-pink-lake-of-senegal/


တတိုင်းမွှေးပန်းကလေးများ

ကျွန်မဟာ သမီးလေးဂျုံး မင်္ဂလာဆောင်အတွက် လွန်ခဲ့တဲ့ တစ်ပတ်လောက်ကတည်းက မနေမနား အလုပ်များနေခဲ့ရပါတယ်။ အိမ်နဲ့ မိုင်လေးဆယ်အကွာ မြို့ကလေးတစ်ခုက ဘုရားကျောင်းမှာ ကျင်းပမဲ့ မင်္ဂလာဆောင်အတွက် ပန်းဆိုင်ပြေးရ၊ အဝတ်အစားဆိုင်ပြေးရ၊ အစားအသောက်ဧည့်ခံကျွေးမွေးဖို့ စီစဉ် ပြေးလွှားရနဲ့ အသက်တောင် ဝအောင် ရှုဖို့အချိန် မရှိသလောက် ဖြစ်ခဲ့ရပါတယ်။ ဒါပေမဲ့ ကျွန်မ ကျေနပ်ပါတယ်။ ပျော်ရွှင် စိတ်ချမ်းမြေ့ပါတယ်။ သမီးလေးကို ချစ်ခင်လွန်းတဲ့ အမေတစ်ယောက်အနေနဲ့ မင်္ဂလာဆောင်ကို အကောင်းဆုံး အပြည့်စုံဆုံး ဆောင်ရွက်ပေးချင်တဲ့ စိတ်ဆန္ဒ အပြည့်အဝ ရှိနေခဲ့တာကြောင့် မောရ၊ ပင်ပန်းရလွန်းပေမဲ့ ကျေနပ်ပီတိ ဖြစ်ရပါတယ်။

Image Hosted by PicturePush - Photo Sharing

သို့ပေမဲ့လည်း မုဆိုးမဖြစ်တဲ့ကျွန်မမှာ စုဆောင်းထားတဲ့ ငွေကြေးလေးက များများစားစား ရှိမနေခဲ့ပါဘူး။ မင်္ဂလာဆောင် တစ်ခုရဲ့ ကုန်ကျစရိတ် ဆိုတာကလည်း သိတဲ့အတိုင်း၊ လိုအပ်တာတွေ များလွန်းလှပြီးတော့ ဝယ်လို့၊ ခြမ်းလို့ ၊ စီစဉ်လို့ မကုန်ဆုံးနိုင်အောင် ဖြစ်နေပါတော့တယ်။ ဒီတော့ သမီးလေး မင်္ဂလာဆောင်ကို အကောင်းဆုံးလဲ ဖြစ်ရအောင် ကျွန်မမှာရှိတဲ့ငွေကလေးနဲ့ လောက်ငှသင့်တင့်ရအောင် စီစဉ်ရတာတွေက ဦးနှောက် စားလွန်းလှပါတယ်။  သမီးကိုလဲမျက်နှာ မငယ်စေချင်ပါဘူး.. သမီးလေးရဲ့ အစ်ကို ဂျက်ခ်က ကောလိပ်တက်နေတဲ့အတွက် အိမ်နဲ့ဝေးတဲ့ မြို့ကြီးတစ်ခုမှာ ရောက်နေပေမဲ့လို့ မင်္ဂလာဆောင်နေ့မှာ သမီးလေးရဲ့ လက်ကိုတွဲပြီး သတို့သားလက်ထဲ ထည့်ပေးတဲ့ ဖခင်နေရာအစား သူက တာဝန်ယူပေးဖို့ အရောက်လာမယ်လို့ အကြောင်းကြားလာ ပါတယ်။ တကယ်တမ်းတော့ သမီးလေးက သူ့ဖခင်က သတို့သားဆီ ပို့ပေးရမှာဖြစ်ပေမဲ့လည်း သူတို့ရဲ့ အဖေဟာ လွန်ခဲ့တဲ့ နှစ်အနည်းငယ်က ဆုံးသွားခဲ့ပြီပဲ ဖြစ်ပါတယ်။


ကျွန်မရဲ့ သမီးလေးက တတိုင်းမွှေးပန်းကလေးတွေကို အရမ်းနှစ်သက်သူပါ။ သူက ကျွန်မကို သူချစ်တဲ့ တတိုင်းမွှေးပန်းကလေးတွေနဲ့ မင်္ဂလာဆောင်ကို အလှဆင်ပေးဖို့ တောင်းဆိုထားခဲ့ပါတယ်.။ ဟုတ်ပါတယ်… တတိုင်းမွှေး ပန်းကလေးတွေရဲ့ မွှေးကြိုင်သင်းပျံ့တဲ့ ရနံ့နဲ့ ဆွတ်ဆွတ်ဖြူနေတဲ့ အပွင့်ကလေးတွေ၊ စိမ်းစိမ်းမြမြကလေး ရှိတဲ့ အရွက်ကလေးတွေက မင်္ဂလာဆောင်တစ်ခုကို အစွမ်းကုန် အလှဆင်ယင် ပေးနိုင်ဖို့အတွက် လုံလောက်တဲ့ လှပမှု၊ ဖြူစင်မွှေးမြမှုတို့ကို ပေးနိုင်တာ သေချာပါတယ်လေ။ ဒါကြောင့်လဲ တတိုင်းမွှေး ပန်းကလေးတွေကိုများများရဖို့အတွက်  အပင်ကြီးကြီးရှိတဲ့ ကျွန်မရဲ့ သူငယ်ချင်းတွေအိမ်မှာ လိုက်လံ ခူးဆွတ် စုဆောင်းပါတယ်။ ဒါဟာ ကျွန်မအနေနဲ့ ပိုက်ဆံချွေတာခြင်း တစ်မျိုးလဲ ဖြစ်ပါတယ်.. ရလာတဲ့ပန်းတွေကို  မင်္ဂလာပွဲ မတိုင်မှီ ညနေမှာ သယ်ဆောင်လာပြီးတော့ မင်္ဂလာပွဲ ပြုလုပ်ကျင်းပမဲ့ ဘုရားကျောင်း တစ်ခုလုံးကို အလှဆင်ပါတော့တယ်။ အနက်ရောင် သစ်သား နောက်ခံပေါ်မှာ ကြွရွလှပ နေတာကတော့ ဖြူဖြူဖွေးဖွေး တတိုင်းမွှေး ပန်းကလေးတွေပါဘဲ။ လှလိုက်တာ.. မွှေးလိုက်တာ.. ဘုရားကျောင်းတစ်ခုလုံးကို ဖြူစင်ခြင်းနဲ့ မွှေးမြထုံရီခြင်းရနံ့တွေက ဖုံလွှမ်းလို့… ဘယ်လောက်တောင်များ စိတ်ချမ်းသာဖို့ ကောင်းလိုက်ပါသလဲ.. ဒီပန်းကလေးတွေကို တွေ့ရင် သမီလေး ဘယ်လောက်များ ပျော်ရွှင်ကြည်နူး သွားလိုက်လေမလဲနော်။



Image Hosted by PicturePush - Photo Sharing


ကျွန်မ ပျော်ရွှင် ချမ်းမြေ့စွာနဲ့ ဘုရားကျောင်းကို လှည့်ပတ်ကြည့်ရှုရင်း ဘာတွေများ လိုအပ်နေဦးမလဲလို့ တစ်ခုချင်း ပြန်စဉ်းစားနေမိပါတယ်.. ။ စီစဉ်ထားတဲ့ အစီအစဉ်တွေ အားလုံးလဲ လိုလေသေးမရှိအောင် အကွက်ကျကျ စီစဉ်ပြီးသား၊ ပြန်စဉ်းစားကြည့်တိုင်း စိတ်ကျေနပ်စရာ ဖြစ်နေပြီ၊ အစားအသောက်၊ မင်္ဂလာလက်စွပ်၊ အကျွေးအမွေး၊ ဧည့်ခံပွဲ၊ ညစာ ကိစ္စ၊ တီးဝိုင်း၊ ဘာတစ်ခုမှ လိုအပ်တာမရှိတော့.. သမီးလေးအတွက် သူ့တစ်သက်တာမှာ အမြဲတမ်း အမှတ်နေဖို့ ကျွန်မရဲ့ အကောင်းဆုံး လက်ဆောင်တစ်ခု၊ အထူးသဖြင့် တတိုင်းမွှေးပန်းကလေးတွေနဲ့ ဆင်ယင်ထားတဲ့ ဧည့်ခံပွဲကို သမီးလေး အကျေနပ်ဆုံး၊ သဘောအကျဆုံး ဖြစ်မှာပါလေ။ သမီးရဲ့ဆန္ဒကို ဖြည့်ဆည်းပေးခွင့် ရလိုက်တဲ့ မိခင်တစ်ယောက်ရဲ့ ပီတိကရော ဘာနဲ့များ တိုင်းတာပြလို့ရနိုင်ပါ့မလဲ။

Image Hosted by PicturePush - Photo Sharing



မင်္ဂလာနေ့မနက်ဟာ ကျွန်မဘ၀မှာ အလုပ်အများဆုံး နေ့တစ်နေ့ ဖြစ်ပါတော့တယ်.. သမီးလေးရဲ့ သူငယ်ချင်း သတို့သမီး အရံလေးတွေက သမီးကို အ၀တ်အစား ကူညီ ၀တ်ဆင်ပေးနေတယ်.. အဲဒီထဲက ကောင်မလေးတစ်ယောက်ရဲ့ ရည်းစားဖြစ်တဲ့ တန်မ်က ဘုရားရှိခိုးကျောင်းထဲက အပြင်အဆင်တွေကို မင်္ဂလာပွဲချိန် မတိုင်မီ နောက်ဆုံးတစ်ကြိမ် စစ်ဆေးဖို့ ကျွန်မနဲ့အတူတူ လိုက်လာပါတယ်. တစ်ညလုံး ပိတ်ထားခဲ့တဲ့ ဘုရားရှိခိုးကျောင်းတံခါးကိုလဲ ဖွင့်လိုက်ရော ဘုရားရှိခိုးကျောင်းထဲက လှောင်ပိတ်မိနေတဲ့ လေပူတွေဟာ ဝေါခနဲ ထိုးထွက်လာပါတော့တယ်…. ပြီးတော့ မြင်လိုက်ရတဲ့ မြင်ကွင်းကို ကြည့်ပြီး ကျွန်မ ကြက်သေ သေသွားခဲ့ပါတယ်. ဘုရားရေ… မနေ့ညနေကတင် လှလှပပ လန်းလန်းဆန်းဆန်း ဆင်ယင်ထားခဲ့တဲ့ ဖြူဖြူဖွေးဖွေး တတိုင်းမွှေး ပန်းကလေးတွေအားလုံး မဲမှောင် ညိုးနွမ်းလို့ပါလား..  ညတုန်းက ဖွင့်ပြီးထားခဲ့တဲ့ လေအေးစက်ဟာ တစ်စုံတစ်ခု အကြောင်းကြောင့် ချို့ယွင်းပြီး ရပ်ဆိုင်းသွားခဲ့ဟန်တူပါတယ် ။ ယခုလို ပူအိုက်လွန်းလှသော နွေရာသီရဲ့ လေပူတွေက ပန်းကလေးတွေ နွမ်းသွားအောင်၊ ညှိုးယော် ခြောက်သွေ့ သွားအောင် လုပ်ပစ်လိုက်လေပြီ။

ကျွန်မမှာ ထိတ်လန့်တုန်လှုပ်စိတ်တို့ဖြင့် ရုတ်တရက် ပြာဝေသွားအောင် ခံစားလိုက်ရပါတော့တယ်.. အိုး.. ဒီအချိန်မှာမှ မိုင် ၄၀ ဝေးတဲ့ နေရာက ကျွန်မတို့မြို့ကို ကားမောင်းပြန်ပြီး ပန်းတွေသွားယူဖို့ဆိုတာ ဘယ်လိုလုပ် အချိန်မှီပါတော့မလဲ.. နောက်နှစ်နာရီလောက်ဆိုရင်ဘဲ မင်္ဂလာ အခမ်းအနား စတော့မည်လေ။ ဘယ်လိုလုပ်ရပါ့.. ဘယ်ကနေ ပန်းတွေရပါ့မလဲ.. သွေးရူးသွေးတန်း အပြင်းအထန် စဉ်းစားနေမိသည်..

“အန်တီ.. အန်တီက ပန်းတွေအမြန်သွားရှာပါ.. ကျွန်တော် ဒီညှိုးရော်နေတဲ့ ပန်းတွေအားလုံး ဖယ်ထုတ် ထားလိုက်မယ်..  ပန်းအသစ်တွေ အမြန်ဆုံး ပြန်ထိုးကြရအောင်” ပြာပြာသလဲ ပြောလိုက်သော တန်မ်ရဲ့ စကားကြောင့် ကျွန်မလဲ “အင်းအင်း  အိုကေ အိုကေ.. ငါသွားရှာလိုက်မယ်.. ” လို့ ကယောင်ကတန်း ပြန်ပြောလိုက်ရင်း ဘုရားကျောင်းထဲကနေ ကျွန်မ အပြေးကလေး ပြန်ထွက်လာမိပေမဲ့“ ဒီအချိန်မှတော့ ဘယ်နေရာမှာ ဒီပန်းတွေကို သွားရှာရပါ့မလဲ.. ပြီးတော့ အခုရောက်နေတဲ့ ဒီမြို့ကလေးမှာ ကျွန်မရဲ့အသိဆိုတာလည်း တစ်ယောက်မှ ရှိတာမဟုတ်.. အိုး. သေပါတော့ ငါဘာလုပ်ရပါ့မလဲ…” ပူပင်စွာ တွေးလိုက်မိရင်း ဘုရားကျောင်းဘက် ပြန်လှည့်ပြီး ဘုရားသခင်ကို ရည်မှန်းပြီးတော့ “အရှင်.. ကယ်တော်မူပါ။ တပည့်တော်မကို စိတ်အားထက်သန်စွာ ကူညီပြီး ပန်းရှာဖွေပေးနိုင်မဲ့သူ တစ်ယောက်ယောက်  အမြန်ဆုံး ကူညီစောင်မတော်မူပါ.. ”  ကျွန်မနှုတ်က အသံထွက်ပြီး ဆုတောင်းလိုက်မိပါတော့တယ်.. ။

Image Hosted by PicturePush - Photo Sharing

ဘုရား ရှိခိုးကျောင်းကနေ ကားမောင်းထွက်လာခဲ့ပြီးနောက် ကံကောင်းထောက်မ စွာဘဲ  မဝေးလှတဲ့ အိမ်တစ်အိမ်မှာ တစ်ပင်လုံးကျွတ် ဖွေးဖွေးလှုပ်အောင် ပွင့်ဝေနေတဲ့ တတိုင်းမွှေးပင်ကြီးကို တွေ့လိုက်ရပါတော့တယ်.။ ကျွန်မ အားရ ၀မ်းသာစွာဘဲ ကားကို ရပ်လိုက်ကာ အိမ်အနားကို တိုးကပ်သွားမိပြီး တံခါးကို ကျယ်ကျယ်လေး ခေါက်လိုက်မိပါတယ်.. အိမ်ထဲမှာ ကိုက်မဲ့၊ ဟောင်မဲ့ ခွေးတစ်ကောင်တစ်လေမှ ရှိမနေတာ တော်ပါသေးရဲ့။ အဖိုးအိုတစ်ယောက်က တံခါးကို လာဖွင့်ပေးတော့ ကျွန်မက အကူအညီ လိုအပ်နေလို့ ရောက်လာတာဖြစ်ကြောင်း ပြောပြပြီး မင်္ဂလာပွဲအတွက် တတိုင်းမွှေး ပန်းကလေးတွေ လိုချင်ပါကြောင်း ရှင်းပြလိုက်ပါတယ်..  အဖိုးကြီးက “အိုး ၀မ်းသာလိုက်တာ.. သိပ်ကို ကူညီချင်ပါတယ်.. ” လို့ လိုလို လားလား၊ ပြုံးပြုံးရွှင်ရွှင် ပြန်လည်ဖြေကြားပြီး  လှေခါးလေး တစ်ခုကို သွားယူလာပါတယ်. ပြီးနောက် တတိုင်းမွှေးပင်ကြီးပေါ်သူကိုယ်တိုင် တက်ရောက်ကာ ပန်းကိုင်းများကို ကပ်ကြေးတစ်လက်ဖြင့် ကိုက်ဖြတ်ပြီး အပင်အောက်က ကျွန်မဆီကို လှမ်းလှမ်းပေးပါတော့တယ်။


Image Hosted by PicturePush - Photo Sharing


မိနစ်အနည်းငယ် အကြာမှာတော့ ဧည့်ခံပွဲအတွက် ပန်းတွေ လုံလောက်ယုံမက ပိုလျှံနေအောင် ရနေပြီဖြစ်လို့ အဖိုးအိုကို တော်လောက်ပြီဖြစ်ကြောင်း လှမ်းပြောလိုက်ရပါတယ်။ ပန်းတွေကို  ကျွန်မရဲ့ ကားနောက်ခန်းထဲကို ထည့်လိုက်ပြီး အဖိုးအိုကို ကျွန်မရင်ထဲကနေ လှိုက်လှဲစွာ ပြောလိုက်မိပါတယ်။ 

“ကျေးဇူးတင်လိုက်တာရှင်… ရှင်ဟာ သတို့သမီး တစ်ယောက်ရဲ့မိခင်ကို စိတ်ချမ်းသာ  ပျော်ရွှင်မှုတွေ ရအောင် လုပ်ပေးလိုက်တာပါဘဲ..

“မဟုတ်တာ.. ကျုပ်ကသာ ခင်ဗျားကို ကျေးဇူးတင်ရမှာပါ.. ”  အဖိုးအိုက ကျွန်မကို ပြန်ပြောပါတယ်.. ပြီးတော့ သူဆက်ပြောတာက  “ ဒီမှာ ဘာတွေဖြစ်ခဲ့သလဲဆိုတာ ခင်ဗျား နားမလည်ပါဘူး ”

“အိုး .. ဘာတွေများ ဖြစ်ခဲ့လို့လဲရှင်.. ” ကျွန်မနားမလည်စွာနဲ့ ပြန်မေးလိုက်မိပါတယ်…

“ဒီမှာ.. လွန်ခဲ့တဲ့ တနင်္လာနေ့က အသက်၆၇နှစ်ရှိပြီဖြစ်တဲ့ ကျုပ်ရဲ့ ဇနီးဆုံးသွားခဲ့တယ်..  အင်္ဂါနေ့မှာ အသုဘအိမ်အဖြစ် ကျုပ်တို့ရဲ့ မိတ်ဆွေအပေါင်းအသင်းတွေ ၊ သားသမီး မြေးမြစ်တွေ အားလုံးရောက်လာ ကြပြီး ဗုဒ္ဓဟူးနေ့မှာတော့”  အဖိုးအိုက ပြောလက်စ စကားကို ခနရပ်လိုက်ပါတယ်.. အိုး... ကြည့်ပါဦး..  အဖိုးအိုရဲ့ မျက်ဝန်းတွေထဲမှာ မျက်ရည်တွေနဲ့ပါလား..

“ဗုဒ္ဓဟူးနေ့မှာ ကျုပ်ဇနီးကို သဂြိုင်္လ် လိုက်ရတယ်..”  သူက အဝေးကို မျှော်ငေးကြည့် လိုက်ပြီး “ကြာသပတေး နေ့မှာ ဆွေမျိုးတွေ၊ မိတ်ဆွေတွေ အားလုံး ပြန်ကုန်ကြပြီ။ အင်း မနေ့က .. မနေ့က သောကြာနေ့မှာတော့ ကျုပ်ရဲ့ သားသမီးတွေ၊ မြေးတွေမြစ်တွေ အားလုံးဟာ ပြန်သွားကြပြီ.. ”

ကျွန်မ ခေါင်းကို ငြိမ့်လိုက်ပြီး သူ့စကားကို စိတ်ဝင်စားစွာ နားထောင်နေမိပါတယ်. အဖိုးအိုရဲ့ အသံမှာ နာကျင်ကြေကွဲခြင်းတွေ စိမ့်ဝင်နေလို့ပါဘဲလား… တုန်ရီနေတဲ့အသံက သူဘယ်လောက် ခံစားနေရတယ် ဆိုတာ ပါးစပ်က စကားလုံးအနေနဲ့ ဖော်ပြစရာ မလိုတော့အောင် ပြည့်စုံနေပါပြီလေ။ အဖိုးအိုက ဆက်ပြီးပြောပါတယ်။

 “ဒီနေ့မနက်မှာ ကျုပ် .. ဧည့်ခန်းထဲမှာ တစ်ယောက်တည်း အထီးကျန်စွာ ထိုင်ပြီး ကျုပ်ရဲ့ဇနီးကို သတိရတဲ့စိတ်နဲ့ ၀မ်းနည်းစွာ ငိုကြွေးနေမိတယ်..  တစ်ချိန်က ကျုပ်ဟာ ကျုပ်မိသားစု၊ ကျုပ်သားသမီးတွေ အတွက် မရှိမဖြစ် လိုအပ်ခဲ့တယ်.. သူတို့ လိုအပ်သမျှကို ကျုပ်က ဖြည့်ဆည်း ပေးနိုင်ခဲ့တယ်. သူတို့တွေ အရွယ်ရောက်လို့ အိမ်ကနေ အသီးသီး ထွက်ခွာသွားတော့ ကျုပ်နဲ့ ကျုပ်ဇနီးဘဲ အိမ်မှာ ကျန်ရစ်ခဲ့တယ်.. ကျုပ်ဇနီး မသေဆုံးခင်ကလည်း ကျုပ်ဟာ သူ့အတွက် မရှိမဖြစ် လိုအပ်တဲ့သူ တစ်ယောက် ဖြစ်ခဲ့တုန်းပဲ.. သူဟာ မသေဆုံးခင် လွန်ခဲ့တဲ့ ၄နှစ် ၅နှစ်လောက်ကတည်းက ကျန်းမာရေး ချို့တဲ့လာခဲ့တယ်.. အဲဒီချိန် တစ်လျှောက်လုံးလည်း ကျုပ်က သူ့ကိုပြုစုခဲ့တယ်.. ဂရုစိုက်ခဲ့တယ်.. သူဆုံးသွားခဲ့ပြီး ခုလို ချိန်ကျတော့ အသက်၈၆နှစ် ရှိနေပြီဖြစ်တဲ့ ကျုပ်ကို ဘယ်သူကမှ မလိုအပ်တော့ဘူး။ ကျုပ်သားသမီး၊ ကျုပ်မြေးမြစ်တွေက အစ ကျုပ်လို သက်ကြီး ရွယ်အိုတစ်ယောက်ကို မလိုအပ်ကြတော့ဘူး.. နေရာမပေးချင်တော့ဘူး.. ခုတော့ သူတို့အားလုံး ကျုပ်ကို ထားရစ်ကြပြီး သူတို့အိမ်တွေကို ပြန်ကုန်ကြပြီ.. ဘယ်သူကမှ ကျုပ်ကို အရေးတယူ လိုလိုလားလား မရှိကြတော့ဘူး။ တစ်အိမ်လုံးမှာ ခြောက်ခြားစရာ ကောင်းတဲ့ တိတ်ဆိတ်မှုတွေနဲ့ သက်ကြီးရွယ်အို ကျုပ်တစ်ယောက်တည်း ရှိနေခဲ့တယ်.. ဒီလိုတွေးမိပြီး  တနင့်တပိုး ခံစားချက်တွေနဲ့ ကျုပ် မျက်ရည်ကျနေမိခဲ့တယ်.. ငိုနေခဲ့မိတယ်.. လောကမှာ ကိုယ့်ကို ဘယ်သူကမှ မလိုအပ်တဲ့ အဖြစ်ဟာ ဘယ်လောက်တောင် နာကျင်ခံခက်စရာ ကောင်းတယ်ဆိုတာ ခင်ဗျား ကိုယ်ချင်းစာနိုင် ပါ့မလား မသိဘူး.. ကျုပ်ကတော့ ခုနက အဲဒီ ခံစားချက်တွေနဲ့ ငိုနေခဲ့မိတာပါဘဲ။

ဒီအချိန်လေးမှာ ခင်ဗျားက ကျုပ်အိမ်တံခါးကို လာခေါက်တယ်.. ပြီးတော့ အကူအညီ လိုနေတဲ့ အကြောင်း လာပြောတော့ ကျုပ်ဘယ်လောက် ၀မ်းသာသွားတယ် မှတ်သလဲ.. ငါ့အကူအညီ လိုတဲ့သူတွေလည်း ရှိပါသေးလားဆိုတဲ့ စိတ်ခံစားမှုရဲ့ သက်သာရာရမှု၊ ပျော်ရွှင်ကြည်နူးမှုလေးကို ကျုပ်က ရလိုက်တဲ့အတွက် ပေးလိုက်ရတဲ့ ပန်းထက်မကတဲ့ တန်ဖိုးတစ်ခုကို ကျုပ်က ပြန်ရလိုက်တာဘဲဖြစ်တယ်.. အဲဒီ အချိန်မှာ ပန်းတွေကို ခူးနေရင်းကျုပ်တွေးနေမိတာက မင်းဟာ နတ်သမီးတစ်ပါးများ ဖြစ်နေမလားဆိုတာပါဘဲ.. ကျုပ်ကို လောကကြီးမှာ ဘယ်လိုဆက်ပြီး ရှင်သန်ရပ်တည်ရမယ်ဆိုတာ  လမ်းပြလိုက်သလို၊ ကျုပ်ရင်ထဲကို အလင်းကလေးတစ်ခု ထွန်းညှိပေးလိုက်သလိုပါဘဲ..  ကျုပ် ရှေ့ဆက်ပြီး ဘယ်လို ရှင်သန်နေထိုင်သွားဖို့  ဒီအချိန်တိုလေးတွင်းမှာ စဉ်းစားလိုက်သလဲ ခင်ဗျားသိရဲ့လား..” သူက ကျွန်မကို မေးပါတယ်.. ကျွန်မက မသိပါဘူးလို့ပြောရင်း  ခေါင်းကို အသာ ယမ်းပြလိုက်တော့ သူက ဆက်ပြောပါတယ်..

“ကျုပ်ဆုံးဖြတ်လိုက်တယ်.. ကျုပ်ကို လိုအပ်တဲ့သူတွေရှိနေသေးတယ်.. ပြီးတော့ ကျုပ်ရဲ့ တတိုင်းမွှေး ပန်းကလေးတွေကို လိုအပ်နေတဲ့သူတွေ ရှိနေသေးတယ်ဆိုတာ ကျုပ်သိသွားပြီ.. ဒီတော့ ကျုပ်ဘာကြောင့် ဒီပန်းကလေးတွေကို လိုနေတဲ့သူတွေရဲ့ လက်ထဲကို ရောက်အောင် မပို့ပေးနိုင်ရမှာလဲ.. ကျုပ်မှာ ဒီအိမ်ကြီးရဲ့ နောက်ဖက်တစ်ခြံလုံးမှာ ဒီပန်းပင်တွေကြီးဘဲ ရှိနေတယ်.. ဒီတော့ ဒီလောက်များတဲ့ ပန်းတွေကို လိုနေတဲ့ လူတွေ အများကြီး ရှိနေမှာဘဲ.. ဥပမာ ဆေးရုံက လူနာတွေ၊ ဘုရားကျောင်းတွေ၊ မင်္ဂလာဆောင်မဲ့သူတွေပေါ့.. ကျုပ်ရဲ့ တတိုင်းမွှေး ပန်းကလေးတွေကို သူတို့တွေ၊ လိုနေတဲ့သူတွေဆီ ပို့ပေးမဲ့အလုပ်ကို ကျုပ်က လုပ်တော့မယ်။ လူတွေကို ကျုပ်ရဲ့ မေတ္တာနဲ့အတူ မွှေးပျံ့တဲ့ တတိုင်းမွှေး ပန်းကလေးတွေရဲ့ ရနံ့ကို အခမဲ့ ခံစားရစေမယ်။ ဒီအလုပ်ကို ဒီလောကကြီးထဲ ကျုပ်နေခွင့်ရနေတဲ့ အချိန်ထိ လုပ်သွားတော့မယ်။ ကျုပ်ကို လိုအပ်နေသူတွေ ရှိသေးကြောင်း အသိလာပေးတဲ့ ခင်ဗျားကို ကျုပ်က လှိုက်လှိုက်လှဲလှဲ ကျေးဇူးတင်ပါတယ်ဗျာ။  ခင်ဗျားဟာ ကျုပ်ဘ၀ရဲ့ ကျန်တဲ့အချိန်လေးကို လက်ကျန်စွမ်းအားလေးနဲ့ လင်းလက်တောက်ပဖို့ အလင်းတစ်ပွင့် ပေးလိုက်သူသာ ဖြစ်ပါတယ်..”


Image Hosted by PicturePush - Photo Sharing


ကျွန်မဟာ တတိုင်းမွှေးပန်းကလေးတွေနဲ့အတူ အဲဒီအိမ်ကနေ ထူးဆန်းဝမ်းမြောက်ခြင်း၊ ရွှင်လန်း ချမ်းမြေ့ခြင်း စတဲ့ ခံစားချက်တွေ ပွေ့ပိုက်ပြီး ဘုရားကျောင်းကို ပြန်လာခဲ့ပါတယ်.. လူတွေရဲ့ဘ၀မှာ ကိုယ့်စိတ်ကို ပျော်ရွှင်အောင် နေထိုင်ဖို့ဆိုတာ တကယ်တမ်းတော့ ခက်ခဲလှတယ် မဟုတ်ပါဘဲနော်.. ကိုယ့်ဆီက အကူအညီ လိုအပ်နေသူတွေကို တတ်နိုင်တဲ့ အရာနဲ့ အကူအညီပေးဖို့ ကြိုးစားခြင်းဟာလည်း ပျော်ရွှင်ချမ်းမြေ့စွာ နေထိုင်နည်း တစ်မျိုးဆိုတာကိုလည်း အဖိုးအိုဆီက ကျွန်မ သိလိုက်ရတဲ့ သင်ခန်းစာလေး တစ်ခုသာဖြစ်ပါတယ်.. တစ်နည်းမဟုတ် တစ်နည်းနဲ့ ကိုယ့်ကို လိုအပ်နေသူတွေ ရှိတတ်ပါသေးလား ဆိုတဲ့အသိကြောင့် လူတစ်ယောက်ရဲ့စိတ်ဟာ ဒီလောက် ပြောင်းလဲသွားနိုင်တယ် ဆိုတာကို ကျွန်မ သိနားလည်ခွင့် ရလိုက်တာဟာလည်း သမီးလေးရဲ့ မင်္ဂလာနေ့ အမှတ်တရပါဘဲရှင်… သမီလေးကတော့ ဘာမှမသိဘဲ အပူအပင်ကင်းမဲ့စွာနဲ့ မင်္ဂလာပွဲ ဆင်ယင် ကျင်းပနေလေရဲ့.. မင်္ဂလာပွဲ ပြီးသွားတဲ့အချိန်ရောက်လို့ အေးအေးဆေးဆေး ဖြစ်သွားတဲ့အခါ ဒီအဖြစ်အပျက်လေးအကြောင်း သမီးလေးကို မင်္ဂလာအမှတ်တရ လက်ဆောင်စကားလေးအဖြစ် ပြောပြဖို့ ကျွန်မစိတ်ထဲမှာ တွေးနေမိပါတော့တယ်..

လူတွေကို ကူညီဖို့စိတ်နဲ့ အသက်ဆက်ရှင်သွားဖို့ အသိအလင်းကလေး ရသွားတဲ့ အဖိုးအိုရဲ့ စိတ်ကလေးဟာ နေတတ်ရင်ကျေနပ်စရာဆိုတဲ့ စကားလေးလိုပါဘဲ.. ကျွန်မတို့တွေရဲ့ဘ၀မှာ ကိုယ့်အကူအညီ လိုအပ်နေသူတွေကို ဖြူဖြူစင်စင် စေတနာစိတ်ကလေးနဲ့ ကိုယ်တတ်နိုင်သလောက် ကူညီမှုပေးရင်း တတိုင်းမွှေးပန်းကလေးတွေလို လောကကို မွှေးမြ အလှဆင်သူများ ပေါများလာမယ်ဆိုရင် မေတ္တာရနံ့တို့ဖြင့် ကမ္ဘာကြီးဟာ သင်းထုံမွှေးမြလို့ လှပနေပါတော့မယ်ဆိုတာ သေချာလောက်ပါရဲ့ရှင်….


Chicken Soup for the Soul 2 မှ Edna Ellison ရဲ့ Magnolias ကို ဘာသာပြန်ခံစား ရေးဖွဲ့ပါသည်။


ကြည်လင်မွှေးပျံ့သော မေတ္တာရနံ့ကို အားလုံးဘဲ ခံစားနိုင်ကြပါစေရှင်…





Image Hosted by PicturePush - Photo Sharing

ဝက်သားဓညင်းသီးချက်

မနေ့က ထူးထူးခြားခြား ဓညင်းသီး လက်ဆောင်ရပါတယ်။ အဲဒီဓညင်းသီးကလည်း ကျွန်မတို့ ကချင်ပြည်နယ်က ထွက်တဲ့ ဓညင်းသီးပါ။ ကချင်ပြည်နယ်ထွက်တဲ့ ဓညင်းသီးဟာ စီးစီးပိုင်ပိုင်နဲ့ စားလို့ကောင်းလှတာကို စားဖူးသူတွေ သိကြမယ်ထင်ပါတယ်နော်။ လက်ဆောင်ရတဲ့ ဓညင်းသီးတွေကလည်း အခွံတွေ မခွာရသေးတဲ့ အလုံးအတိုင်းဖြစ်ပါတယ်။ ညတုန်းက အဲဒီ ဓညင်းသီးတွေကို အခွံထုခွဲပြီး အထဲက အဆန်ကိုထုတ်ပြီး ရေစင်အောင် ဆေးပြီး ဆား၊ ထန်းညက်ထည့်ပြီး ပြုတ်ပါတယ်။ လက်ဆောင်ပေးတဲ့ သူကလည်း ထန်းလျှက်ပါ တစ်ခါတည်း ယူလာပေးပါတယ်။ ဒီ ဓညင်းသီးတွေကို လက်ဆောင်ရတော့တော်တော်လေး ပျော်မိပါတယ်။ ဘာဖြစ်လို့လဲ ဆိုတော့ ခုလို ကိုယ်တိုင်အခွံနွာပြီး၊ ကိုယ်တိုင်ပြုတ်ရတဲ့ အရသာဟာ နယ်မှာရှိတဲ့ ကျွန်မတို့ အိမ်ကို သတိရသွားစေလို့ပါ။ 

Image Hosted by PicturePush - Photo Sharing

ငယ်တုန်းက ကျွန်မတို့အိမ်မှာ ဓညင်းပင်၊ ပန္နဲပင်၊ သရက်ပင်၊ ငှက်ပျောပင် စသဖြင့် အပင်တော်တော် များများ ရှိပါတယ်။ ဒါကြောင့် စားချင်တဲ့ အသီးအနှံဆို အိမ်မှာရှိတဲ့ အပင်ကနေ အလွယ်တကူ ခူးဆွတ်လိုက်ရုံပါဘဲ။ အခါကြီးရက်ကြီးတွေမှာ ဆွမ်းချက်တဲ့အခါ အိမ်ကဓညင်းပင်ကြီးလည်း တစ်တပ်တစ်အား ပါဝင်ခဲ့ဖူးပါတယ်။ အဖိတ်နေ့မှာ အပင်ကနေ ခူးဆွတ်ပြီး ညကတည်းက ပြုတ်ထားလိုက်ပါတယ်။ မနက်ကျရင်တော့ အမေက ဓညင်းသီးကို အုန်းနို့လေးနဲ့ ကြော်ပြီး ဆွမ်းတော်ဟင်း တစ်ပွဲအဖြစ် ချက်ပြုတ်ပါတယ်။ ဆွမ်းဟင်းတွေထဲမှာ အမေ့လက်ရာ ဓညင်းသီးကို အုန့်နို့နဲ့ ကြော်တဲ့ဟင်းတစ်ခွက်ကလည်း တကယ်ကိုမမေ့နိုင်အောင် ကောင်းလွန်းလှပါတယ်။ ဒါကြောင့်လည်း ဒီဓညင်းသီးတွေကိုမြင်တော့ မချောတစ်ယောက်ကို အိမ်ကို သတိရမိတာပါ။ 

Image Hosted by PicturePush - Photo Sharing

အခွံခွာပြီးတဲ့ ဓညင်းသီးတွေကို ရေဆေးပြီး ဆား၊ ထန်းညက်ထည့်ပြီး ပြုတ်ပါတယ်။ ပထမ တစ်ရေ ကုန်အောင်ပြုတ်ပြီးချိန်မှာ အပေါ်က အခွံလေးတွေ ကွာလာတာကို ခွာဖို့ ရေအေးအေးမှာ စိမ်ပြီး အခွံခွာပါတယ်။ အားလုံးပြီးတဲ့အခါ ရေထည့်ပြီး ပြန်ပြုတ်ပါတယ်။ ရေအကြိမ်ကြိမ်ထည့်ပြီး ပြုတ်တဲ့အခါ စားရန် အသင့်ဖြစ်တဲ့ ဓညင်းသီးစေးစေးပိုင်ပိုင်ကို ရပါပြီ။ ကျွန်မတို့ နယ်ဘက်မှာတော့ ဓညင်းသီးကို ပြုတ်စားတာနဲ့ ဟင်းချက်စားတာကလွဲလို့ အခြားနည်းနဲ့ သိပ်စားလေ့မရှိပါဘူး။ ဓညင်းသီးသုပ်ကိုတော့ မန္တလေးရောက်မှ စားဖူးတာဖြစ်ပြီး ဓညင်းဝက်နဲ့ ဓညင်းသီး အနုလေးတွေကို အစိမ်းစားကြတာကိုတော့ ရန်ကုန်ရောက်မှ တွေ့ဖူး စားဖူးပါတယ်။ ဓညင်းသီး အစိမ်းကို စစချင်း စားဖူးတဲ့နေ့မှာဘဲ လိမ့်နေအောင် ခံလိုက်ရတာ မှတ်မှတ်ရရ အဖြစ်တစ်ခုပါ။ :) 

Image Hosted by PicturePush - Photo Sharing

ပြုတ်ပြီးသား ဓညင်းသီးများ 

ကျွန်မကတော့ ပြုတ်ထားတဲ့ ဓညင်းသီးတွေကို ဝက်သားနဲ့ချက်ဖို့ စီစဉ်ထားပါတယ်။ ဝက်သား ဓညင်းသီး ချက်နည်းဟာ ပြီးခဲ့တဲ့အပတ်က ဖော်ပြခဲ့တဲ့ ဝက်သားနာနတ်သီး ချက်နည်းနဲ့ အတူတူဖြစ်ပါတယ်။  ဝက်သားကို အသားထက် အခေါက်ကို ပိုကြိုက်တဲ့ ကျွန်မက အသားအဆီ၊ အခေါက် ပါတဲ့ သုံးထပ်သားလိုမျိုးတို့ အနေတော်အတုံးလေးများ တုံးပါတယ်။ ပြီးရင် ဟင်းချက်ဝိုင်၊ ဆား၊ အရသာမှုန့်၊ ငံပြာရည်တို့နဲ့ နယ်ပြီး ၁၅မိနစ်ခန့်ထားထားပါတယ်။ ကြက်သွန်ဖြူ၊ နီ၊ ဂျင်းတို့ကို အရောင်တင်၊ဆနွင်းမှုန့်တို့နဲ့ ဆီသတ်ပြီး ဝက်သားကို ထည့်လိုက်ပါတယ်။ ဝက်သားကို အချိုဓာတ်ရအောင် ကြာညှို့ကို ထည့်ချက်ပါတယ်။ 

Image Hosted by PicturePush - Photo Sharing


ကြက်သွန်များကိုဆီသတ်ကာ ဝက်သားထည့်ပြီးနောက် ရေထည့်ပြီး အဖုံးအုပ်၍ မီးပေါ်တည်ထားလိုက်ပါတယ်။ ဝက်သားမနူးမချင်း ရေထပ်ထပ်ထည့်ပါ။ ကျွန်မက ဟင်းချက်တဲ့အခါ ဆီတွေ များတာကို သိပ်သဘောမကျတာကြောင့် ဆီလျှော့ထည့်ပါတယ်။ 

Image Hosted by PicturePush - Photo Sharing

ဝက်သားနူးလာရင် ဓညင်းသီးများကို ထည့်ပါ။ ဓညင်းသီးကို များများစားချင်တာကြောင့် ဝက်သားထက် ဓညင်းသီးကို ပိုထည့်ထားတာပါ။ ရေထပ်ထည့်ပြီး ရေခမ်းအောင်တည်ထားပါတယ်။ ဆား၊ အရသာမှုန့်တို့ကို အပေါ့အငံမြည်းကာထည့်ပါ။

Image Hosted by PicturePush - Photo Sharing

ရေခမ်းသွားပြီဆိုရင် အရသာရှိလှတဲ့ ဝက်သားဓညင်းသီးချက် ရပါပြီ။ 



ထမင်းမြိန်စေမဲ့ ဝက်သားဓညင်းသီးချက်ပါ။ 

Image Hosted by PicturePush - Photo Sharing

ဒီပိုစ့်ရေးမပြီးခင် မျက်စိတွေ စင်းလာအောင် အစွမ်းပြလို့နေပါပြီ။ :P

ဓညင်းသီးဆိုတာကတော့ မိုးရာသီမှသာ အများအားဖြင့် ရနိုင်တာမို့ ရာသီစာလို့ဘဲ ဆိုရမယ်ထင်ပါတယ်။ ကျွန်မကတော့ ရှားရှားပါးပါး လက်ဆောင်ရလိုက်တဲ့ ဓညင်းသီးတွေကို ပျော်ပျော်ပါးပါးစားလိုက်ပါတယ်။ စားပြီးရင်တော့ မဟာဖြေဆေးတော့ အဆင်သင့် ဆောင်ထားပါကြောင်းး)



မိတ်ဆွေများအားလုံး ပျော်ရွှင်ကျန်းမာ စိတ်ချမ်းသာကြပါစေ.။


Image Hosted by PicturePush - Photo Sharing

ခြံစည်းရိုးလေး လုံပါစေ

Photo Source - cjbnc@flickr.com


နယ်မှာရှိတဲ့ ကျွန်မတို့အိမ်ဟာ ရေချောင်းလေးတစ်ခုရဲ့ဘေးမှာ ရှိပါတယ်။ ကျွန်မတို့အိမ်မှာ ရှေ့မျက်နှာစာ ပေ ၇၀လောက်ရှိပြီး အနောက်ဖက်မှာတော့ ချောင်းရိုးစပ်အထိ ပေ ၁၅၀ခန့် ကျယ်ဝန်းတဲ့ ရှည်မျောမျော ခြံဝင်း ရှိပါတယ်။ ဘေးနှစ်ဖက်မှာတော့ အိမ်နီးချင်းတွေရဲ့ အိမ်တွေ တည်ရှိနေပါတယ်။ ကျွန်မ အခု ပြောချင်တာက ကျွန်မတို့အိမ်ရဲ့ ဘယ်ဘက်ခြမ်းမှာရှိတဲ့ အိမ်နီးချင်းအကြောင်းပါ။ ကျွန်မ ၅တန်းအရွယ်လောက်မှာ ကျွန်မတို့ ဘေးခြံကို တစ်ခြား တစ်မြို့တစ်ရွာကလူတွေ ဝယ်ယူလိုက်ကြပြီး ပြောင်းရွေ့နေထိုင်ဖို့ ရောက်လာကြပါတယ်။ ကျွန်မတို့ရဲ့ အိမ်နီးချင်း အဟောင်းတွေကတော့ ရွာအစွန်က ခြံကို ပြောင်းရွေ့သွားကြပါတယ်။ အိမ်နီးခြင်း အသစ်တွေဟာ စီးပွားရေး ချောင်လည်ပုံရပါတယ်။ သို့ပေမဲ့လည်း ကျွန်မတို့ ရွာသူ ရွာသားတွေလို  ပျူပျူငှာငှာ ဖော်ဖော်ရွေရွေ မရှိကြပါဘူး။ မျက်နှာထား ခပ်တင်းတင်းနဲ့ နေတတ်ကြပါတယ်။

သူတို့မိသားစုထဲမှာ ဆေးသမားတစ်ယောက် ပါလာပါတယ်။ အဲဒီ ဆေးသမားဟာ ဆေးချစရာ ပိုက်ဆံမရှိရင်၊ အိမ်ကလူတွေ ပိုက်ဆံမပေးရင် တွေ့ကရာပစ္စည်းတွေ ရောင်းချပြီး ဆေးချတတ်ပါတယ်။ အဖိုးတန်ပစ္စည်းတွေကနေ အဖိုးမတန်ပစ္စည်းတွေက အထိ ခိုးယူပြီး ဆေးချတတ်သူပါ။ သူတို့အိမ်က ပစ္စည်းတွေဟာလည်း အဲဒီဆေးသမား ခိုးပြီးရောင်းတာ မနည်းမနော ရှိနေပုံရပါတယ်။ အိမ်ခြင်းက နီးနေတော့ တစ်ဖက် ဆူသံပူသံတွေကို အတိုင်းသား ကြားနေရတဲ့အတွက် ပစ္စည်းပျောက်တာတွေ၊ ဆေးသမားကို အော်ဟစ်နေတာတွေ တွေ့နေမြင်နေ ရတာကြောင့်လည်း သိနေရတာပါ။ ဆေးသမားဆိုတာကလည်း ဆေးချဖို့အတွက် အိမ်ကပိုက်ဆံမပေးရင် ရတဲ့ပစ္စည်းကို ခိုးယူ တတ်ကြသူတွေပါ။

ကျွန်မတို့ နယ်ဘက်တွေက ရွာတွေရဲ့ ထုံးစံ ခြံစည်းရိုးကို အခိုင်အခံ့ ကာရံတယ်ဆိုတာ မရှိသလောက် ပါဘဲ။ ဝါးခြမ်းနဲ့ သော်လည်းကောင်း သစ်သားအပိုများနဲ့သော်လည်း တစ်အိမ်နဲ့တစ်အိမ် ခြံစည်းရိုး ကာရံလေ့ရှိပါတယ်။ ပြီးတော့လည်း တောရွာဆိုလေတော့ အိမ်တွေကလည်း ဂရံတွေဘာတွေ ရှိတာမျိုး၊ ခြံဝင်းရဲ့ အတိုင်းအတာကလည်း အတိအကျ တိုင်းတာထားကြတာမျိုး မရှိကြပါဘူး။ အဲဒီလိုပါဘဲ ကျွန်မတို့အိမ်နဲ့ ဘေးအိမ်ဟာ ခြံစည်းရိုးကို ဝါးနဲ့ကာတဲ့အခါ ကာ၊ သစ်သားနဲ့ကာတဲ့အခါ ကာပါတယ်။ ဝါးခြံစည်းရိုး ဆိုတာကတော့ အနည်းဆုံး တစ်နှစ် နှစ်နှစ်လောက်သာ ခံသာမို့ မကြာခဏ အသစ်ပြန်ပြန် ကာရပါတယ်။  သစ်သားခြံစည်းရိုးကတော့ အနည်းဆုံး ၄နှစ်လောက်တော့ ခံပါတယ်။ ကျွန်မတိုရဲ့အရင် အိမ်နီးချင်း အဟောင်းတွေနဲ့ တုန်းကတော့ ခြံစည်းရိုး ပြဿနာ လုံးဝ မရှိဘဲ သူ့ဘက်က ကာလိုက်၊ ကိုယ့်ဘက်က ကာလိုက်နဲ့ အဆင်ပြေတဲ့သူက ကာလိုက်ကြတာပါဘဲ။ ဘယ်သူကာကာ ထူးထူးခြားခြား ဘာမှ ပြောတာဆိုတာမျိုး မရှိတတ်ကြပါဘူး။ အိမ်ရှင် အသစ်တွေဟာ ဘေးအိမ်ကို ရောက်လာပြီး သိပ်မကြာခင်မှာ ကျွန်မတို့ခြံစည်းရိုးနဲ့ ကပ်လျှက်မှာ ဝါးပင်ငယ်လေးတွေ စိုက်ပျိုးတာကို တွေ့ရပါတယ်။ အပင်ပေါက် ခပ်ငယ်ငယ်မို့ စိမ်းစိမ်းစိုစိုရှိပြီး ဝါးရွက်လေးတွေဟာ သေးသေးချွန်ချွန်နဲ့ ချစ်ဖို့လည်း ကောင်းပါတယ်။

ကျွန်မတို့အိမ်နဲ့ အဲဒီဘေးအိမ် တို့ကြားမှာ ခြံစည်းရိုး အသစ်မလဲတာ ကြာတဲ့အခါ စည်းရိုးနဲ့ အကာ အရံတွေက ရာသီဥတုဒဏ်တွေ၊ ခြစားတဲ့ဒဏ်တွေကြောင့် ဆွေးမြေ့ပြီး ခွေးတိုးပေါက်တွေဖြစ်နေတာ၊ ပြိုကျတာတွေ ဖြစ်တာမျိုး ရှိတတ်ပါတယ်။ အဲဒီလို အပေါက်အပြဲတွေ ဖြစ်နေရင်တော အိမ်မှာ စိုက်ထားတဲ့ ငှက်ပျောခိုင်ဆိုတာ ရင့်လာကာစ ရှိသေးတယ်။ အခိုင်လိုက် ခုတ်ယူသွားတာမျိုး၊ လိုချင်တဲ့ အဖီးအကြီးကြီးတွေကိုသာ ရွေးပြီး ခုတ်သွားတာမျိုးတွေ မကြာခဏ ဖြစ်လာတတ်ပါတယ်။ ခြံထဲမှာ အဝတ်တွေ လှန်းထားလို့ သတိ မထားမိလိုက်ရင် လှန်းထားတဲ့ အဝတ်တွေ ပျောက်သွားတာမျိုး မကြာခဏ ဖြစ်ပါတယ်။ တစ်ခါသား ဆိုင်ကယ် အစီးလိုက် ခြံထဲကနေ ပျောက်သွားခဲ့ပါသေးတယ်။ အခြားသော ပစ္စည်းတွေ ပျောက်တယ် ဆိုတာလည်း ရေတွက်မကုန်အောင်ပါဘဲ။ သို့ပေမဲ့ ဘယ်သူခုတ်တယ်ဆိုတာ လက်သည် မပေါ်ပါဘူး။ ကျွန်မတို့အနေနဲ့ကလည်း ဘယ်သူက ခိုးလို့ ခိုးမှန်း အတိအကျ မပြောနိုင်ပါဘူး။

ထင်စရာရှိတာက ဘေးအိမ်က ဆေးသမားလက်ချက်လို့ဘဲ ထင်စရာရှိတာပါဘဲ။ သို့ပေမဲ့လည်း အဲဒီတစ်ယောက်ရယ်လို့ ကျွန်မတို့အနေနဲ့ အတိအကျ ယိုးစွတ်လို့ မရပါဘူး။ အိမ်က တစ်ယောက်ယောက်ကများ အဲဒီဆေးသမား ခိုးတာဘဲဖြစ်မှာပါလို့ မိသားစုထဲ  ပြောမိရင်တောင် လက်ပူးလက်ကြပ် မမိတာရယ်၊ ကိုယ့်ခြံကကို မလုံခြုံတဲ့ အားနည်းချက် ရှိတာကြောင့်ရယ်ကြောင့် သူတစ်ပါးကို အရမ်းမစွတ်စွဲပါနဲ့လို့ ကျွန်မတို့ မိဘတွေက ဆုံးမလေ့ရှိပါတယ်။ “ကိုယ့်ခြံကမှ မလုံတာ သူခိုးက ဝင်တော့မှာပေါ့။ ဒီတော့ သူခိုးမဝင်စေချင်ရင် ခြံကို လုံအောင် ကာဖို့ဘဲ ရှိတယ်” လို့ ဖေဖေက ပြောပါတယ်။

အဲဒီလိုနဲ့ ပေါက်ပြဲနေတဲ့ ခြံစည်းရိုးကို ဖြိုချပြီး ကိုယ့်ခြံလုံခြုံအောင် အသစ်ကာဖို့အတွက် သစ်ဝါးတွေ စတင် စုဆောင်း ပြင်ဆင်ကြပါတယ်။ အဲဒီအချိန်မှာ တစ်ဖက်ခြံက လူတွေက ဖေဖေကို လာတွေ့ပြီး ဦးလေးတို့ အေးအေးဆေးဆေးသာ နေပါ။ ခြံကို သူတို့ကာပါ့မယ်လို့ လာပြောကြပါတယ်။ အဲဒီလိုလာပြောတော့ သူတို့ကာတော့လဲ ကိုယ့်ဘက်က အကုန်အကျ သက်သာတာပေါ့ကွာ ဆိုပြီး ဖေဖေတို့က လက်ခံလိုက်ပါတယ်။ အဲဒီလိုနဲ့ တစ်ဖက်ခြံက လူတွေဟာ ခြံစည်းရိုး ပျက်စီးဟောင်းနွမ်းတိုင်း တစ်နှစ်တစ်ခါ (သို့မဟုတ်) ၂နှစ်တစ်ခါ သူတို့ဘက်က တာဝန်ယူပြီး ကာရံပေးပါတယ်။ အဲဒီလို စစချင်းနှစ်တွေမှာတော့ ကျွန်မတို့ဘက်ကလည်း ဘာမှ သတိမထားမိဘဲ သူတို့ခြံကာတာကို အမှတ်မဲ့နေလိုက်မိပါတယ်။ ဒါပေမဲ့ နှစ်အနည်းငယ် ကြာတော့မှ ခြံစည်းရိုးဟာ တစ်နှစ်ထက် တစ်နှစ် ကျွန်မတို့အိမ်နဲ့ မသိမသာ နီးနီးလာတာကို သိလာတော့ တစ်ဖက်ခြံရှင်တွေဟာ စေတနာ ကောင်းလွန်းလို့ခြံကာတာ မဟုတ်ဘဲ ရည်ရွယ်ချက်နဲ့ ခြံကာတာမှန်း သိလာရပါတော့တယ်။

ကျွန်မတို့မောင်နှမတွေဟာ ကျောင်းတက်လိုက်၊ စာကျက်လိုက်နဲ့ ဆော့ကစားလိုက်နဲ့ အချိန်တွေကုန်ရင်း တဖြေးဖြေး လူလားမြောက် ကြီးပြင်းလာသလို အဲဒီဝါးပင်တွေဟာ တဖြေးဖြေးနဲ့ အရွယ်ရောက် ကြီးပြင်းလာပါတယ်။ မောင်နှမတွေမှာ ကိုယ်ပိုင်အလုပ်တွေ၊ စီးပွားတွေနဲ့ ဖြစ်လာသလို တစ်ဖက်ခြံက ဝါးပင်ငယ်တွေကနေ ဝါးရုံကြီး ကြီးကြီးမားမား အုပ်အုပ်ဆိုင်းဆိုင်း ဖြစ်လာပါတယ်။ သို့ပေမဲ့ အဲဒီဝါးပင်တွေဟာ ဝါးအကြီးမျိုးလည်း မဟုတ်ပါဘူး။ ထီးရိုးဝါးလို ခပ်သေးသေး အရွယ်ငယ်ငယ် ဝါးပင်တွေပါ။ ဒါပေမဲ့ ဝါးရုံကြီးဟာ ကြာလေ ကြီးလေ၊ ကြာလေ ပွားလာလေ ဖြစ်လာပါတယ်။ ကျွန်မတို့လည်း အသက်ရလာလို့ ငယ်စဉ်ကထက် အသိဥာဏ် ကြီးရင့်လာသလို အဲဒီလို ဝါးပင်တွေ ကြီးရင့်ရှည်လျားပြီး ပွားချင်တိုင်း ပွားလာတော့မှ ခြံစည်းရိုးနားမှာ ဝါးပင်တွေ စိုက်ထားတဲ့ အိမ်နီးချင်းရဲ့ ရည်ရွယ်ချက်ကို အကောင်လိုက် မြင်ရပါတော့တယ်။

သူတို့ဟာ ခြံစည်းရိုးကို ဘယ်တော့မှ ကျွန်မတို့ဘက်က အကာမခံပါဘူး။ ခြံစည်းရိုး ဟောင်းပြီဆိုတာနဲ့ သူတို့ဘက်က ကာပါတယ်။ ကာတိုင်းလည်း ခြံစည်းရိုးနေရာဟာ မသိမသာ ကျွန်မတို့ဘက်ကို တိုးလာတာပါ။ နောက်တစ်ခုက သူတို့စိုက်ထားတဲ့ ဝါးရုံပင်ပါ။ အဲဒီဝါးရုံပင်တွေဟာ ကြီးထွား များပြား လာတဲ့အခါ တဖြေးဖြေး ကျွန်မတို့ ခြံဘက်ထဲကိုပါ အပင်တွေက ပွားလာတာပါ။ အဲဒီလို ပွားလာတဲ့ ဝါးရုံကြီးဟာ သူတို့ စိုက်ထားတာ ဖြစ်တယ်ဆိုကာ ခြံစည်းရိုးကာတဲ့အခါ ဝါးရုံကြီးတစ်ခုလုံး သူတို့ခြံဘက် ပါအောင် ကာပါတယ်။ အဲဒီလို ကာတဲ့အခါမှာ ကျွန်မတို့ခြံထဲ ပေါက်နေတဲ့ ဝါးပင်တွေကိုပါအောင် သူတို့ရဲ့ ခြံစည်းရိုးကို ချဲ့ကာတဲ့အတွက် ကျွန်မတို့ ခြံဘက်က မြေတွေပါ ပါကုန်တာပါဘဲ။ သူတို့ရဲ့ လွန်လွန်းလာတဲ့ လုပ်ရပ်တွေကို ကျွန်မတို့လို လူငယ်တွေက ဘယ်လိုမှ သည်းခံနိုင်ခြင်း မရှိတော့ပါဘူး။ အိမ်ရဲ့ အုပ်ထိန်းသူဖြစ်တဲ့ ဖေဖေနဲ့ မေမေ့ကို တစ်ဖက်ခြံကလူတွေကို တစ်ခုခု ပြောဖို့ ဝိုင်းပြောကြတဲ့အခါ တရားသမားတွေဖြစ်တဲ့ ဖေဖေနဲ့ မေမေက “ မြေကြီးဆိုတာ သေရင်ကိုယ့်နောက်မှာ ပါမှာမှ မဟုတ်တာ။ သူတို့ မဟုတ်တာလုပ်ရင် သူတို့ခံရမှာပါ။ ဘာမှ ပြောဖို့ မလိုပါဘူး. ” လို့ ပြောတတ်ပါတယ်။

ကျွန်မတို့ မိဘတွေဟာ အနေအေးပြီး ပူလောင်ဒေါသတွေ အတော်နည်းကြသူတွေ ဖြစ်ပါတယ်။ ကျွန်မတို့ မောင်နှမတွေက တစ်ဖက်ခြံရဲ့ လုပ်ရပ်ကို စိတ်ဆိုးဒေါသတွေ ထွက်နေပေမဲ့ ဖေဖေနဲ့ မေမေကတော့ ဘာမှ မဖြစ်သလိုဘဲ နေနိုင်ကြပါတယ်။ ကျွန်မတို့ အိမ်ပေါ်ကနေ လှမ်းကြည့်လိုက်ရင် သူတို့ခြံထဲမှာ ထင်ထင်ရှားရှား မြင်နေရတဲ့ တိုင်ငုတ်တို တစ်ခု ရှိပါတယ်။ အဲဒီတိုင်ငုတ်တိုဟာ ခြံစည်းရိုးနဲ့ သုံးတောင်လောက် ကွာနေပါတယ်။ တကယ်တမ်းတော့ အဲဒီတိုင်ငုတ်တိုဟာ ကျွန်မတို့ ငယ်ငယ်ကတည်းက မိဘတွေ ကာခဲ့တဲ့  ခြံစည်းရိုး ငုတ်နေရာပါ။ တဖြေးဖြေးနဲ့ တိုးလာတဲ့ တစ်ဖက်က ခြံစည်းရိုးကြောင့် အရင်ခြံစည်းရိုး တိုင်ဟောင်းက သူတို့ခြံထဲ ရောက်နေတာသာ ဖြစ်ပါတယ်။ ဘယ်လောက်တောင် ဥာဏ်များပြီး လိုချင်လောဘကြီးလိုက်တဲ့ လူတွေလည်း ဆိုတာ ဒီခြံစည်းရိုးက သက်သေပြနေခဲ့ပါတယ်။ ကျွန်မတို့လူငယ်တွေက တစ်ဖက်ခြံကို သွားပြောကြရင် သူတို့ဘက်ကနင်ဘဲ ငဆ ပြောလွတ်တတ်ပါတယ်။ 

အနေအေးပြီး တရားကို နှလုံးသွင်းတဲ့ ကျွန်မတို့ မိဘတွေကဘာမှ မပြောပေမဲ့ လူငယ်တွေဖြစ်တဲ့ ကျွန်မတို့ မောင်နှမ တစ်တွေကတော့ သူတို့တွေရဲ့ လုပ်ရပ်ကို သည်းမခံနိုင်လောက်အောင် ဖြစ်ရပါတယ်။ နောက်ဆုံးမှာတော့ ဆက်လက် သည်းခံဖို့ရာ မဖြစ်နိုင်တော့တဲ့ မိသားစုအားလုံး တိုင်ပင်ကြပြီး  ခိုင်ခံ့တဲ့ အုတ်တံတိုင်း ကာလိုက်ဖို့ ဆုံးဖြတ်လိုက်ပါတယ်။ ခြံစည်းရိုးကို အုတ်တံတိုင်းကာဖို့ ဆုံးဖြတ်ကြတာမှာ တစ်နှစ်တစ်ခါ ခြံစည်းရိုးပြန်ကာရတာမျိုး မဖြစ်တော့အောင် ခိုင်ခိုင်ခံ့ခံ့ ဖြစ်သွားစေချင်တာရယ်၊ ပွားများလာတဲ့ ဝါးပင်တွေကို အကြောင်းပြုပြီး ဖြေးဖြေးချင်း တိုးလာတဲ့ ကျွန်မတို့ပိုင် ခြံမြေကို ကျူးကျော်လာတဲ့ကိစ္စကို ဟန့်တားချင်တာရယ် အတွက်ကြောင့် ဆိုတာ အထူးပြောဖို့လိုမယ် မထင်ပါဘူး။ 

ခြံစည်းရိုး အသစ်ကာတဲ့အခါမှာ အရင်က ရှိခဲ့ဖူးတဲ့ ခြံစည်းရိုး အဟောင်းအကြောင်း၊ ဝါးပင်တွေအကြောင်း ကျွန်မတို့ လုံးဝ မပြောတော့ဘဲ ပါသွားပြီးသား မြေတွေကို ရှိစေတော့ဆိုပြီး ယခုလက်ရှိသူတို့ယူထားတဲ့  အနေအထားအတိုင်း ခိုင်ခန့်တဲ့ အုတ်တံတိုင်းကို ကာရံလိုက်ပါတယ်။ ခြံစည်းရိုးကာဖို့ ပန္နက်ချတဲ့နေ့မှာ တစ်ဖက်အိမ်က လူတွေကို ခေါ်ပြီး သူတို့အရင်က ကာခဲ့တဲ့ ခြံစည်းရိုးအတိုင်း အုတ်ပန္နက်ချမဲ့ အကြောင်းကို ခေါ်ပြပါတယ်။ မြေကြီးလည်း သူတို့ဘက် ပါထားတဲ့အတိုင်း ကာမယ်ဆိုတဲ့အတွက် တစ်ဖက် အိမ်ရှင်တွေက မကျေနပ်ကြောင်း ဘာမှ မပြောသာပါဘူး။ သို့ပေမဲ့ အုတ်တံတိုင်း ခတ်မယ်ဆိုတာ ကိုတော့ သိပ်သဘောကျပုံ မရပါဘူး။ သို့ပေမဲ့လည်း အဲဒီလို ခြံစည်းရိုးကောင်းကောင်းမှ မကာရင် တဖြေးဖြေးနဲ့ မြေခိုးလာတဲ့ သူတို့ကို ဟန့်တားဖို့ ဆိုတာ သိပ်မလွယ်လှပါဘူး။ ဒါကြောင့် ငွေအကုန်ခံပြီး အုတ်တံတိုင်း ကာလိုက်ရခြင်း ဖြစ်ပါတယ်။


သေချာ ခိုင်မာတဲ့ ခြံစည်းရိုး ကာလိုက်ပြီးတော့မှဘဲ ကျွန်မတို့ခြံမြေကို တစ်တိတိ ဖဲ့ယူနေတဲ့ အိမ်နီးချင်းဟာ ဘာမှ မတတ်နိုင်တော့ပါဘူး။ အုတ်တံတိုင်းကာလိုက်တဲ့အတွက် ခြံစည်းရိုးကို ခြစားမှာလည်း မစိုးရိမ်ရတော့ပါဘူး။ တကယ်တမ်းတော့ ခြဆိုတဲ့အကောင်ကလေးတွေက သေးသေးလေးတွေဖြစ်ပေမဲ့လို့ ခြံစည်းရိုးတစ်ခုလုံးကို ပြိုပျက်သွားနိုင်စေတယ်လေ။ ခြံက လုံလုံခြုံခြုံဖြစ်သွားတဲ့အတွက် အိမ်ရဲ့ ပစ္စည်းပျောက်တာတွေ၊ အသီးအနှံတွေ ခိုးခံရတာတွေ လုံးဝကို မရှိတော့ပါဘူး။ အဲဒီတော့မှ ကိုယ့်အိမ်လုံခြုံဖို့၊ ကိုယ့်ခြံထဲက မြေတွေ ပါမသွားဖို့ဆိုတာ ခြံစည်းရိုးဟာ အင်မတန်မှ အရေးကြီးတယ် ဆိုတာ အိမ်နီးချင်းဆိုးဆိုးနဲ့ တွေ့ကြုံရတဲ့ ကျွန်မတို့ ကောင်းကောင်းကြီး သဘောပေါက် သင်ခန်းစာ ရလိုက်ပါတော့တယ်။ ကိုယ့်ခြံစည်းရိုးကို လုံအောင် မကာနိုင်ရင်၊ ကာထားတဲ့ခြံစည်းရိုး ခြစားရင်၊ ခြံစည်းရိုးက မလုံတော့ ကိုယ့်ခြံထဲက ပစ္စည်းပျောက်ရင်တောင် သူတစ်ပါးကို အပြစ်တင်လို့ မရတဲ့ အဖြစ်ကိုလည်း ကြုံခဲ့ရပြီး ဥာဏ်များတဲ့ အိမ်နီးချင်းတွေနဲ့ တွေ့တဲ့အခါ ဒုက္ခရောက် တတ်ကြောင်း နားလည်မိပြီမို့ ခုချိန်မှာတော့ ကျွန်မဟာ ဘယ်ဒေသကိုရောက်ရောက် ဘယ်မှာဘဲ နေနေ အိမ်လုံခြုံဖို့ အတွက် ခြံစည်းရိုးကို လုံခြုံ ခိုင်ခန့်အောင် ကာရံဖို့၊ ခြံစည်းရိုး ခြစားမခံရဖို့ အမြဲတမ်း သတိထား မိပါတော့တယ်။ 

တကယ်လို့များ မိတ်ဆွေတို့လည်း မိမိတို့အိမ်ကို လုံခြုံစေပြီး၊ အိမ်နီးချင်းဆိုးရန်က ကင်းဝေးကာ မိမိရဲ့ မိသားစုဝင်တွေ အားလုံး ငြိမ်းငြိမ်းချမ်းချမ်း နေစေချင်တယ်ဆိုရင်တော့ မိမိတို့ရဲ့ အိမ်ခြံစည်းရိုးလေးတော့ လုံအောင်ကာထားကြပါလို့ အကြံပေးလိုက်ချင်ပါတယ်ရှင်...



 Image Hosted by PicturePush - Photo Sharing

ငယ်ရွယ်နုပျို အလှပိုစေဖို့..

လူတစ်ယောက်မှာ စိတ်လှဖို့အရေးအကြီးဆုံးပါ။ စိတ်လဲလှတယ် လူလဲ လှတယ်ဆိုရင်တော့ အတိုင်းအထက် အလွန်ပါဘဲ။ ဘယ်သူမဆို မိမိကိုယ်ကို လှလှပပလေး ဖြစ်ချင်ကြမယ် ထင်ပါတယ်နော်။ စိတ်ကလေးက လှနေပြီး ရုပ်က မလှပြန်ရင်လည်း ပြီးပြည့်စုံတဲ့အလှလို့ မခေါ်နိုင်သေးဘူး ဆိုရပါမယ်။ ရုပ်ကိုလည်း အလှဆင်ဖို့ ပြင်ဆင်သင့်သလို မိမိစိတ်ကိုလည်း လှပအောင် ပြင်ဆင် မွေးမြူရမှာဖြစ်ပါတယ်။ လူတွေဟာ  အသက်ကြီး လာတာနဲ့ အမျှ ငယ်ရွယ်နုပျိုလှပမှုတွေဟာ တဖြေးဖြေးနဲ့ လျော့ပါးလာမှာ အမှန်ဘဲဖြစ်ပါတယ်။ ဒါပေမဲ့လည်း အသက်ကြီးလာရင်လည်း ငယ်ရွယ်နုပျိုမှုတွေ အလှအပတွေ လျော့ပါးသွားမှာဘဲဆိုပြီး မထိန်းသိမ်းဘဲ ထားတာထက်စာရင် မိမိကိုယ်ကို ဂရုတစိုက် ပြုပြင်ထိန်းသိမ်းတာက အရွယ်ကျမှုကို အထိုက်အလျောက် တားဆီးနိုင်ပြီး အသက်ထက်စာရင် နုပျိုလှပ ကြည့်ကောင်းနိုင်တယ်လို့ ဆိုပါတယ်။ ကောင်းပါပြီ.. မိမိကိုယ်ကို နုပျိုအောင် ဘယ်လိုများ ထိန်းသိမ်းစောင့်ရှောက်မလဲလို့ မေးလာရင်တော့ ဖတ်ဖူးထားတဲ့ စာတစ်ချို့ကို ကိုးကားပြီး ပြောပြချင်ပါတယ်။

၁. လမ်းလျှောက်တဲ့အခါဖြစ်စေ၊ မတ်တပ်ရပ်တဲ့အခါဖြစ်စေ ကိုယ်ခန္ဓာကို ဖြောင့်ဖြောင့်မတ်မတ် ထားဖို့ လိုအပ်ပါတယ်။ အဲဒီလို မတ်မတ်လျှောက်ခြင်းအားဖြင့် ပုခုံးကိုနောက်သို့ပစ်ထားစေပြီး ဝမ်းဗိုက်ကို ချပ်စေတဲ့အတွက် မိမိကိုယ်ကို ယုံကြည်မှုရှိသူ တစ်ယောက်အသွင် ပေါ်လွင်ပြီး ငယ်ရွယ်နုပျိုတဲ့ ပုံစံ ဖြစ်စေပါတယ်။ အဲဒီလို မတ်မတ် ရပ်တတ်တဲ့အကျင့်၊ လမ်းလျှောက်တတ်တဲ့အကျင့် မရှိပါက ပထမဆုံး မိမိကိုယ်ကို မှန်ထဲမှာ ကျင့်ကြည့်ပါ။ အလေ့အကျင့်ရလာတဲ့အခါ လွယ်လွယ်ကူကူဖြစ်သွားပြီး စမတ်ကျကျ လျှောက်တတ် နေတတ်သွားပါလိမ့်မယ်။

၂. အိပ်ရေးဝဝအိပ်ခြင်းဟာလည်း နုပျိုစေတဲ့ အချက်တစ်ချက်လို့ ဆိုပါတယ်။ တစ်ရက်ကို အနည်းဆုံး အိပ်ချိန် ၇နာရီမှ ၈နာရီထိ အိပ်စက်ခြင်းဟာ ခန္ဓာကိုယ်အတွက် လိုအပ်တဲ့ ခွန်အားတွေကို ပြည့်ဖြိုးစေပြီး စိတ်ကိုလည်း လန်းဆန်းစေတာကြောင့် သင့်ကိုယ်ကို အရွယ်တင် နုပျိုစေပြီး လန်းဆန်း တက်ကြွစေနိုင်တဲ့ အချက် တစ်ခုလို့ဆိုပါတယ်။

၃. အပြုံးကလည်း လူတစ်ယောက်ကို ငယ်ရွယ်နုပျိုစေပြီး ကြည့်လို့ကောင်းစေနိုင်ပါတယ်။ လူတစ်ယောက်ဟာ ပြုံးလိုက်ပြီဆိုရင် မျက်နှာပြင်က အကြောအခြင်တွေ လျော့သွားတဲ့အတွက် ပြုံးနေတဲ့မျက်နှာဟာ ရှိရင်းစွဲထက် ပိုငယ်တယ်လို့ ထင်ရပါတယ်။ ဒါကြောင့် မှန်ရှေ့မှာ ရပ်ပြီး ပြုံးကြည့်ပါ။ ပြုံးထားတဲ့ မျက်နှာနဲ့ မျက်နှာကြော ခပ်တင်းတင်းမျက်နှာ၂ခုကို နှိုင်းယှဉ်ကြည့်ရင် ဘယ်မျက်နှာလေးက သင့်ကို လှပငယ်ရွယ်စေသလဲဆိုတာ ခွဲခြားနိုင်ပါလိမ့်မယ်။

၎. ဆံပင်ပုံစံကလည်း လူတစ်ယောက်ရဲ့ ပုံစံကို ကောင်းကောင်းကြီးပြောင်းလဲစေနိုင်ပါတယ်။ တစ်ချို့ဆို ဆံပင်ပုံစံကြောင့် နုငယ်လှပတဲ့ ပုံစံမျိုး ပြောင်းလဲသွားရတာတွေ တွေ့မြင်ဖူးကြမှာပါ။ မိမိမျက်နှာလေးနဲ့ လိုက်ဖက်တဲ့ ဆံပင်ပုံစံကို ထားခြင်းအားဖြင့် အသက်ထက် ပိုငယ်ရွယ် နုပျိုလာစေနိုင်ပါတယ်။ ဆံပင်ပုံစံကို ရွေးချယ်ရာမှာ မျက်နှာ အနေအထားသာမက ဆံပင်အရောင်၊ ဆံသားအထူအပါးကိုပါ ထည့်သွင်းစဉ်းစားဖို့ လိုပါတယ်။ ဆံပင်ညှပ်ဆရာကောင်းတစ်ယောက်ဟာ သင့်မျက်နှာနဲ့ လိုက်ဖက်တဲ့ ဆံပင်ပုံစံကို အကြံပေးနိုင်စွမ်း ရှိရပါမယ်။ ဆံပင်ပုံစံကို ရွေးချယ်ရမှာ သင့်မျက်နှာ အနေအထားကို ထည့်သွင်းစဉ်းစားရုံသာ မကဘဲ ဆံပင် အထူအပါး၊ ဆံပင်သားအရောင်တို့ကိုပါ ထည့်သွင်းစဉ်းစားရမှာ ဖြစ်ပါတယ်။

၅. ဆံပင်ကို အရောင်ဆိုးခြင်းကလည်း ရှိရင်းစွဲထက် ပိုမိုငယ်ရွယ်နုပျိုစေပါတယ်။ ဆံပင်အရောင်ဆိုးမယ်ဆိုရင် မိမိရဲ့ မူရင်းဆံပင်အရောင်နဲ့ သိပ်မကွာတဲ့ အရောင်ကို ရွေးချယ်သင့်ပါတယ်။ သို့မှသာ သဘာဝကျကျဖြင့် သင့်မျက်နှာကို ပိုမို ထင်ပေါ်လာစေမှာ ဖြစ်ပါတယ်။ ဆံပင်ကို ဟိုက်လိုက်ဖောက်ခြင်းကိုလည်း အခါအားလျှော်စွာ ပြုလုပ်နိုင်ပါတယ်။

၆. သင့်ကိုယ်ကို စမတ်ကျကျဖြင့် လှပလိုပါက အဝတ်အစားရွေးချယ်မှုကိုလည်း သတိထားရမှာဖြစ်ပါတယ်။ မိမိခန္ဓာကိုယ်ပေါ်မှာရှိတဲ့ အားနည်းချက်ကို ရှာပြီး ၄င်းအားနည်းချက်ကို ဖုံးကွယ်နိုင်တဲ့ အဝတ်အစားမျိုး ဝတ်ဆင်နိုင်ပါတယ်။ ဥပမာ.. ပျော့တွဲနေတဲ့ လက်မောင်းသားများကို တံတောင်ဆစ်ခန့်ရှိတဲ့ လက်အရှည်အင်္ကျီဖြင့် ဖုံးကွယ်နိုင်ပါတယ်။ အရောင်ဖျော့များဟာလည်း ပိုမိုငယ်ရွယ်နုပျိုဟန် ပေါက်စေပါတယ်။

၇. သွားများကို သန့်ရှင်းနေအောင် ဂရုစိုက်သင့်ပါတယ်။ သွားကို နေ့စဉ်တိုက်သင့်သည့်အပြင် သွားတိုက်ကြိုးဖြင့်လည်း သွားကြားတွင် ညှပ်နေသော အစာများကို သန့်စင်ပေးပါ။ သွားဆရာဝန်ထံ မကြာခဏ သွားပြပါ။ သွားကို သန့်ရှင်းခြင်းအားဖြင့် သွားအောက်ခြေတွင် ကျောက်တည်ခြင်း၊ သွားပိုးစားခြင်း၊ အချိန်မတန်ခင် သွားကျိုးခြင်းတို့ကို ကာကွယ်နိုင်ပါတယ်။ ဖြူစင်သော သွားများကို ပိုင်ဆိုင်ထားခြင်းအားဖြင့် လူကြားထဲတွင် ပြုံးရန် ဝန်မဝေးခြင်းကို ဖြစ်စေနိုင်တဲ့အတွက် အပြုံးပန်းကို ပန်ဆင်ထားသော မျက်နှာသည် သာမန်ထက် ပို၍ နုပျိုလန်းဆန်းသော မျက်နှာအဖြစ် အများက သတ်မှတ်ကြပါတယ်။

၈. အမျိုးသမီးဖြစ်စေ၊ အမျိုးသားဖြစ်စေ အသက်အရွယ်ရလာရင် ခန္ဓာကိုယ်ဟာ ငယ်ရွယ်စဉ်တုန်းကနဲ့ မတူတော့ဘဲ ဝဖြိုးဖို့ ပိုပြီး လွယ်ကူလာပါတယ်။ ပိန်ပိန်ပါးပါး လူတစ်ယောက်နဲ့ ဝတဲ့သူတစ်ယောက်တို့ဟာ အသက်ချင်း တူရင်အောင် ဝတဲ့သူက အသက်ပိုကြီးတယ်လို့ ထင်ရပါတယ်။ ဒါကြောင့် မိမိကိုယ်ကို ငယ်ရွယ်နုပျိုအောင် နေမယ်ဆိုရင်  ဝိတ်လျှော့ဖို့အချက်ကလည်း အရေးတကြီး လိုအပ်ပါတယ်။ ခန္ဓာကိုယ် ဝိတ်ကို ကျစေမဲ့ အားကစားတစ်ခုခုကို လိုက်စားသင့်ပါတယ်။ အားကစား လိုက်စားတဲ့သူတွေဟာ သာမာန်လူတွေထက် ပိုပြီး အရွယ်တင် နုပျိုတာကို တွေ့ရပါတယ်။

၉. မိမိနဲ့ သင့်တော်တဲ့ မိတ်ကပ်ကိုသုံးခြင်းဟာလည်း မျက်နှာကို လှပအရွယ်တင်စေပါတယ်။ မိတ်ကပ် လိမ်းထားတဲ့ မျက်နှာဟာ ဘာမှ မလိမ်းထားတာထက်စာရင် နေရောင်ခြည်ဒဏ်မှ တိုက်ရိုက် ထိတွေ့ခြင်းကို အနည်းအကျဉ်း ဖြစ်စေ ကာကွယ်ပေးနိုင်ပြီး မျက်နှာပြင်ပေါ်က အရေးအကြောင်းများ၊ အမဲစက်များကို ဖုံးအုပ်ပေးနိုင်ပါတယ်။

၁၁. မျက်နှာပြင်အရေပြားကို ဂရုတစိုက် ထိန်းသိမ်းရန်လိုအပ်ပါတယ်။ အပြင်က ပြန်လာပြီး မျက်နှာပေါ်က မိတ်ကပ်များကို ဖျက်ပစ်ဖို့ မမေ့ပါနဲ့။ မိတ်ကပ်ဖျက်ရာမှာလည်း ဆပ်ပြာအပြင်းစားများအသုံးပြုကာ ရေဆေးပြီး ဖျက်တာထက် မျက်နှာသန့်စင်တဲ့ cleanser ကို အသုံးပြုပြီး ဖျက်တာက ပိုမိုကောင်းမွန်ပါတယ်။ ညအချိန်မှာ မျက်နှာပေါ်က မိတ်ကပ်တွေကို မဖျက်မိဘဲ တစ်ညလောက် အိပ်မိခြင်းဟာ အရေပြားကို ၈ရက်စာလောက် ပိုမို ရင့်ရော်စေတယ်လို့ ဆိုပါတယ်။ ဒါကြောင့် ညစဉ်ညတိုင်း မျက်နှာကို သန့်စင်ဆေးကြောရန် မမေ့ဖို့လိုအပ်ပါတယ်။ မျက်နှာသစ်ပြီးပါကလည်း မျက်နှာကို အစိုဓာတ်ပြည်လည်ဖြည့်ပေးတဲ့  Moisturizer လို skin care ကို အသုံးပြုသင့်ပါတယ်။ သို့မှသာ သင့်မျက်နှာကို စိုပြေလန်းဆန်းပြီး နုနယ်ဝင်းပစေမှာ ဖြစ်ပါတယ်။

အထက်ပါအချက်များကတော့ မိမိကိုယ်ကို နုပျိုလှပအောင် နေထိုင်တဲ့နည်းများ ဖြစ်ပါတယ်။ အားလုံးဘဲ လှပကျန်းမာ ပျော်ရွှင်စိတ်ချမ်းသာကြပါစေနော်။ 



Image Hosted by PicturePush - Photo Sharing