လွယ်တိန်ခမ်းတောင်ပေါ်မှာ ချယ်ရီတွေ ဝေပြီနန်း...

ယခုလို ဇန်နဝါရီလလိုမျိုးမှာ ပြင်ဦးလွင်မှာဆိုရင် ချယ်ရီတွေလှလှပပ ပွင့်ဝေလို့ နေကြပြီ။ ရှမ်းတောင်တန်း တွေပေါ်မှာလည်း ချယ်ရီတွေ ဝေဝေဆာဆာ ဖူးပွင့်လို့ နေပါပြီ.. ရှမ်းပြည်တောင်ပိုင်းဖြစ်တဲ့ တောင်ကြီး ကလော စသည်တို့မှာလည်း ချယ်ရီတွေ ပင်လုံးကျွတ် ပွင့်နေကြပြီဆိုတာ ကိုယ်တိုင် မရောက်ရင်တောင် အင်တာနက်ပေါ်မှာ တင်လာကြတဲ့ ဓာတ်ပုံတွေကို ကြည့်ရင် သိနိုင်ပါတယ်။ ထို့အတူ ရှမ်းပြည်မြောက်ပိုင်းဘက်ကို သွားခဲ့မယ်ဆိုရင် မန္တလေး မူဆယ် ကားလမ်းတစ်လျှောက်က တောတောင် တွေမှာလည်း ပန်းရင့်ရောင် ချယ်ရီတွေ ပွင့်ဝေနေတာကို ကားပေါ်ကနေ လှမ်းမြင်တွေ့ရမှာပါ။ အဲဒီလမ်းကနေသွားတဲ့အခါ ကျောက်မဲ၊ သီပေါ၊ သိန္နီ၊ လားရှိုး၊ ကွတ်ခိုင်တို့တွေကို ဖြတ်ပြီးရင် မူဆယ်မြို့ကို ရောက်ပါတယ်။ လာခဲ့တဲ့ ကားလမ်း တစ်လျှောက်မှာတော့ ချယ်ရီတွေ ဝေလို့ပါပဲ။ သို့ပေမဲ့ အမြန်မောင်းနေတဲ့ကားပေါ်ကနေ ဓာတ်ပုံရိုက်ဖို့အတွက်တော့ ခက်ခဲတာမို့ တစ်ပုံနှစ်ပုံသာ ရိုက်လို့ရခဲ့ပါတယ်။ 



ကားလမ်းဘေးမှာ ပွင့်နေတဲ့ ချယ်ရီတွေပါ။ 



တောင်ယာတဲ့ ဟိုးအနောက်ဘက်မှာလည်း ချယ်ရီတွေ ပွင့်နေတာ ခပ်ဝါးဝါးလှမ်းမြင်ရတယ်။ 


ကားလမ်းဘေးမှာလည်းချယ်ရီ

ကားက တောင်တက်တောင်ဆင်း အကွေ့အဝိုက်များစွာကို ကျော်ဖြတ်ပြီးတဲ့နောက်မှာ မူဆယ်မြို့ကို ရောက်ပါတယ်။ မူဆယ်လို့ ဆိုလိုက်ရင် ရှမ်းပြည်မြောက်ပိုင်း တရုတ်နယ်စပ် အနီးက မြို့လေးတစ်မြို့လို့ သိကြပြီးသားပါ။ ရှမ်းတောင်တန်းကြီးတွေပေါ်မှာ တည်ရှိတာကြောင့် အေးချမ်းလှတဲ့ မြို့ကလေးဖြစ်ပြီး တရုတ်ပြည်နဲ့ ကုန်စည်ကူးသန်း ရောင်းဝယ်မှုမှာ အကြီးဆုံး နယ်စပ် စခန်းမြို့လည်း ဖြစ်တာကြောင့် စည်ကားလှပါတယ်။ တရုတ်ပြည်ကိုရောင်းချဖို့ ကုန်ပစ္စည်းများစွာကို တင်ဆောင်လာတဲ့ ကားတွေ၊ တရုတ်ပစ္စည်းတွေကို မြန်မာပြည်အတွင်း သယ်ပို့ဖို့ တင်ဆောင်ထားတဲ့ ကုန်ကားကြီးတွေနဲ့ ပျားပန်းခတ်မျှ စည်းကားရှုပ်ထွေးနေတတ်တဲ့ မြို့ကလေးပါ။   မြန်မာပြည်ရဲ့ အခြားသော မြို့တွေဆီကနေ မူဆယ်မြို့ကို လာကြပြီဆိုရင် အများအားဖြင့်ဟာ ဈေးဝယ်ဖို့လောက်သာ လာကြတာ များပါတယ်။ ဒေသန္တရ ဗဟုသုတအတွက် လာတဲ့သူ နည်းပါးလှပါတယ်။ ရောက်လာကြသူတွေဟာ မူဆယ်မြို့ထဲရောက်တာနဲ့ တစ်ဖက်ကမ်း (တရုတ်ပြည်ထဲ)ကူးပြီး ဈေးဝယ်ဖို့၊ လျှောက်ကြည့်ဖို့ လောက်သာ စိတ်စောနေကြပြီး မူဆယ်မြို့ထဲကို တော့ လည်ပတ်ကြည့်ရှုဖို့ သိပ်စိတ်မဝင်စားကြပါဘူး။ အချို့ကလည်း ပြောကြပါတယ် .. မူဆယ်မှာ လည်စရာ ပတ်စရာ သိပ်မရှိဘူး.. ဈေးဝယ်ဖို့သက်သက်ပဲ ကောင်းတယ်လို့ ဆိုတတ်ကြပါတယ်။



လွယ်တိန်ခမ်း တောင်အတက်လမ်းဘေးက ချယ်ရီပင်တန်းများ









ကျွန်မကတော့ မူဆယ်မြို့ကို မကြာခဏ ရောက်နေတတ်တော့ ဘယ်နေရာမှာ ဘာတွေ ရှိတတ်တယ်ဆိုတာ နည်းနည်း ပါးပါးတော့ သတိထားမိ နေတတ်ပါပြီ။ မူဆယ်မြို့မှာ သွားဖို့အကောင်းဆုံး နေရာတစ်ခုက မြို့အဝင်ကနေ လှမ်းဖူးမြင်ရတဲ့ ရပ်တော်မူ စေတီတော် တည်ထားရှိရာ လွယ်တိန်ခမ်း တောင်ပေါ်ဖြစ်ပါတယ်။ ကွေ့ဝိုက်စီးဆင်းနေတဲ့ မြစ်ရွှေလီရယ်၊ ရွှေလီမြစ်ဝှမ်းပေါ်က မြို့တွေဖြစ်တဲ့ မူဆယ်-ကျယ်ခေါင်- ရွှေလီတို့ရဲ့ ရှုခင်းကို အပေါ်စီးကနေ လှမ်းမြင်နိုင်ပြီးတော့ စိမ်းစိမ်းစိုစို ပြာပြာညိုညို တောင်တန်းများကို ကြည့်ပြီးလည်း လွမ်းချင်တိုင်း လွမ်းနိုင်ပါသေးတယ်။ အဲဒီ လွယ်တိန်ခမ်း တောင်ပေါ်မှာ ကျွန်မ နှစ်သက်တဲ့ ချယ်ရီပန်းတွေ အများကြီးကို လှပစွာ တွေ့မြင်ရတော့တာပါပဲ။ တောင်ပေါ်လမ်း တစ်လျှောက်လုံးမှာရော ဘုရားစေတီများရဲ့ အနီးနားတွေမှာပါ ချယ်ရီပင်တွေကို လှပစီရီစွာ စိုက်ပျိုးထားတာကို မြင်တွေ့ရမှာပါ။ လွယ်တိန်ခမ်း ဆိုတာ တကယ်တော့ ရှမ်းနာမည်ပါ။ လွယ် (လွိုင်) ဆိုတာ တောင်ကို ခေါ်တာဖြစ်ပြီး တိန်ခမ်းဆိုတာ ရွှေရောင် ဝင်းဝါနေတဲ့ သမင် (ရွှေသမင်)ကို ပြောတာကြောင့် ရွှေသမင်တောင် လို့ ခေါ်ပါတယ်။ မြတ်စွာဘုရား နုစဉ်ကာလမှာ ရွှေသမင် ဘဝနဲ့ ဒီတောင်ပေါ်မှာ နေထိုင် ကျက်စားခဲ့တာကြောင့် ယခုအချိန်မှာ ရွှေသမင်တောင်လို့ ခေါ်ဆိုကြတာ ဖြစ်ပါတယ်။ 


လွယ်တိန်ခမ်းတောင်ပေါ်က ရပ်တော်မူ ဘုရားကိုလည်း ချယ်ရီပင်ကြားကနေ လှမ်း၍ ဖူးမျှော်ကြည်ညိုနိုင်





ပင်လုံးကျွတ် ပွင့်နေတဲ့ ချယ်ရီပင်တွေကြားကနေ ကြည်ညိုဖွယ် ရပ်တော်မူရုပ်ပွားတော်ကို ဓာတ်ပုံများစွာရိုက်ဖြစ်ခဲ့ပါတယ်



ရုပ်ပွားတော်အား ရှေ့တည့်တည့်မှ ဖူးမြင်ရပုံ





ချယ်ရီပန်းတွေ ဖူးပွင့်ဝေတဲ့ ဒီဇင်ဘာလ ကုန်ခါနီးကနေ ဇန်နဝါရီ၊ ဖေဖော်ဝါရီလ တို့ဟာ ပင်လုံးညွှတ် ဖူးပွင့်ဝေနေတဲ့ ချယ်ရီတွေနဲ့ လွယ်တိန်ခမ်းတောင်ရဲ့ အလှဆုံး အချိန်တွေလို့ သိရပါတယ်။ အဲဒီအချိန်ဟာ တောင်ပေါ်က လာရောက်ကြသူတွေ များပြားပြီး ပျော်ပွဲစား လာကြသူတွေပါ ရှိကြပါတယ်။ ချယ်ရီပင်တွေဟာလည်း တစ်ပင်နဲ့တစ်ပင် ပွင့်ချိန်လေးတွေ အနည်းငယ် ကွဲတတ်လေတော့ အချို့အပင်တွေ ပွင့်နေတုန်း အချို့အပင်က ဖူးနေဆဲပါ။ ပွင့်တဲ့အပင်တွေ အပွင့်ကုန်ပြီး အရွက်သစ်တွေ ဝေလာတဲ့အချိန်မှာ အစောက ဖူးနေတဲ့အပင်တွေက ပွင့်လာပြန်ပါတယ်။ ဒါကြောင့်လည်း တစ်ပင်ပွင့်လိုက်၊ ကုန်သွားရင် နောက်အပင်တွေက ပွင့်လိုက်နဲ့ ၂လကျော်ကျော် လောက်ဟာ တောင်ပေါ်မှာ ချယ်ရီပန်းတွေ ဝေနေတတ်တယ်လို့ ဆိုပါတယ်။ အချို့က မူဆယ်မှာ ချယ်ရီပန်းတွေ ရှိတာကို မသိကြပါဘူးတဲ့။ မြို့ထဲမှာတော့ ချယ်ရီပင်နဲ့တူတာကိုလည်း မတွေ့ခဲ့ရဖူးလို့ မိတ်ဆွေတစ်ချို့က ပြောကြပါတယ်။ သို့ပေမဲ့ မူဆယ်မြို့ကို ရောက်တယ်ဆိုရင် လွယ်တိန်ခမ်း တောင်ပေါ်တက်ကြည့်ပါ။ တောင်ပေါ်မှာတော့ ချယ်ရီပင်ပေါင်း များစွာ စိုက်ပျိုးထားတာကို အံ့သြစွာ တွေ့မြင်ရပါလိမ့်မယ်။


အဝေးက လှမ်းကြည့်ရင်လည်း တောင်ရဲ့ပတ်လည်မှာ ချယ်ရီတွေ ပွင့်နေတာ တွေ့ရပါတယ်။




ပင်လုံးကျွတ် ညွှတ်ဝေစွာ










ချယ်ရီပွင့်တွေကြားကနေ ရွှေလီမြစ်တစ်ဖက်ကမ်းက စေတီများကိုလည်း ဖူးတွေ့ရနိုင်တာ။ 

ချယ်ရီပွင့်ချိန်တိုင်း မူဆယ်မြို့ထဲကို အမြဲလိုလို မရောက်ရောက်အောင် သွားတတ်တဲ့ကျွန်မဟာ ချယ်ရီပန်းတွေကို အချိန်ယူပြီး ဓာတ်ပုံရိုက်ဖြစ်ပါတယ်။ ဒီနှစ် ချယ်ရီပွင့်ချိန်မှာတော့ အရင်နှစ်တွေကနဲ့ မတူအောင်တော့ ချယ်ရီပန်းလေးတွေကို မူဆယ်သူ ရှမ်းပျိုဖြူ ချောချောလေးနဲ့ ဓာတ်ပုံ ရိုက်ချင်တာကြောင့် ညီမတစ်ယောက်လို ခင်မင်ရတဲ့ မူဆယ်သူလေး ဟွန်ကို အညီအကူတောင်းမိတော့ သူက လိုလိုလားလားနဲ့ ညီမစီစဉ်ပေးပါမယ်ဆိုပြီး အလွန် ချစ်စရာကောင်းလှတဲ့ ညီမလေးတစ်ဦးကို ကျွန်မ ရိုက်ချင်တဲ့ အနေအထားနဲ့ ဓာတ်ပုံရိုက်ဖို့ ခေါ်လာပေးပါတယ်။ မော်ဒယ်လေးတစ်ယောက်လို လှပ ချစ်စရာကောင်းတဲ့ မူဆယ်သူလေး ယုမွေလျှမ်းကို ချယ်ရီပန်းလေးတွေနဲ့ တွဲပြီး ဓာတ်ပုံတွေ အများကြီးရိုက်ဖြစ်ခဲ့ပါတယ်၊ အဲဒီထဲကမှ တစ်ချို့သော ပုံလေးတွေကို တင်ပေးပါမယ်နော်။ အချောအလှမှာ နာမည်ကျော်တဲ့ ရှမ်းမင်းသမီး စောမွန်လှရဲ့ အဆက်အနွယ်များဖြစ်တဲ့ မူဆယ် - နမ့်ခမ်း- စယ်လန့်သူတွေ ချောမချော ဆိုတာတော့ အောက်က ဓာတ်ပုံလေးတွေကြည့်ပြီး ဆုံးဖြတ်ကြည့်ပါနော်။







ချယ်ရီပန်းကို ဘုရားလှူ



ချယ်ရီကိုသာ ပန်ကာ ကျေနပ်သူ 









ချယ်ရီပန်းနဲ့အပြိုင် လှနေတဲ့ မူဆယ်သူ ယုမွေလျှန်း 



ချယ်ရီပင်အောက်မှာ 

















ပန်းချယ်ရီနဲ့ အလှပြိုင် 








ချယ်ရီချစ်သူ 








ဘုရားမှာ ချယ်ရီပန်းလှူမယ်



လွယ်တိန်ခမ်းတောင်ပေါ်မှာ မူဆယ်သူ ရှမ်းမလေးနဲ့ အတူ ချယ်ရီပန်းတွေကို သွားရိုက်ခဲ့တာကြောင့် ဒီပိုစ့်ကိုတော့ လွယ်တိန်ခမ်းတောင်ပေါ်မှာ ချယ်ရီတွေ ပွင့်ပြီနန်းလို့ နာမည် ပေးလိုက်ပါတယ်။ ဒီပိုစ့်လေးအတွက် အကူအညီအများကြီးပေးတဲ့ မူဆယ်သူလေးများ ဖြစ်ကြသော ညီမလေး ယိင်းဟွန်တို့ ညီအစ်မ၊ ဓာတ်ပုံကို စိတ်ရှည်လက်ရှည် အရိုက်ခံပေးတဲ့ ညီမလေး ယုမွေလျှမ်းနဲ့ အဖက်ဖက်က ကူညီပေးတဲ့ ညီမလေး ယဉ်ယဉ် တို့ကို ကျေးဇူး အထူးတင်ရှိပါတယ်။





စတော်ဘယ်ရီ ဝက်သားချိုချဉ်ကြော်


ဒီတစ်ပတ်တော့ ချက်စားဖြစ်တဲ့ ဟင်းတွေထဲက ခုလို ဆောင်းရာသီမှာ ပေါပေါများများ တွေ့ရတဲ့ ရာသီပေါ်သီးနှံထဲက စတော်ဘယ်ရီသီးကို ဟင်းချက်စရာအဖြစ် ချက်နည်းကို ပြောပြချင်ပါတယ်။ စတော်ဘယ်ရီပေါ်တဲ့ ရာသီရောက်တိုင်း အရင်နှစ်တွေကလည်း ချက်နည်းတွေ တင်ခဲ့ဖူးပါတယ်။ စတော်ဘယ်ရီကို ဒီနှစ်တော့ ဝက်သားနဲ့ ကြော်စားဖြစ်ပါတယ်။ လိုအပ်တဲ့ အမည်တွေကလည်း ခပ်များများမဟုတ်တဲ့အတွက် အလွယ်တကူ ကြော်စားနိုင်တဲ့နည်းလည်း ဖြစ်ပါတယ်။  



စတော်ဘယ်ရီကိုဝက်သားနဲ့ကြော်ဖို့အတွက် ပထမဦးစွာ ဝက်သားများကို ပါးပါးလှီးပြီး ဂျင်းရည်၊ဆား၊ အရသာမှုန့်တို့နဲ့နယ်ပြီး ခဏထားလိုက်ပါမယ်။ 



စတော်ဘယ်ရီသီး လတ်လတ်ဆတ်ဆတ်တွေကို ရေစင်အောင်ဆေးပြီး နှစ်ခြမ်းခြမ်းထားလိုက်ပါတယ်




ဒါတွေကတော့ စတော်ဘယ်ရီ ဝက်သားချိုချဉ်ထဲ ထည့်မဲ့ အဆာပလာတွေပါ။ ကြက်သွန်ဖြူ ၃မွှာခန့်၊ ငရုပ်သီး ၃တောင့်၊ ကြက်သွန်နီတစ်ဥနဲ့ ဂျူးဖူး ၄ပင် ၅ပင်လောက်ကို လက်တစ်ဆစ်ခန့် ဖြတ်ထားတာ ဖြစ်ပါတယ်။ ဂျူးဖူးကိုတော့ ဟင်းထဲမှာ အစိမ်းရောင်လေး လိုချင်တဲ့အတွက် ထည့်တာဖြစ်ပါတယ်။ ဂျူးဖူးမရှိရင် ကြက်သွန်မြိတ်ကိုထည့်နိုင်ပါတယ်။ 


အိုးပူပူထဲ ဆီအနည်းငယ်ထည့်ပြီး ဝက်သားများကို ထည့်ကြော်ပါတယ်။ 



ဝက်သားအရောင်လှအောင် ပဲငံပြာရည်ကို ထည့်ပါတယ်။ ဝက်သားမကျက်မှာစိုးလို့ ရေနည်းနည်း ထည့်ပြီး ခဏလောက် ထပ်တည်ထားပါတယ်။ ထို့နောက် ဝက်သားကျက်ခါနီးရင် ကြက်သွန်ဖြူ၊နီကို ထည့်ကြော်ပါတယ်။ 


အသားကျက်ပြီဆိုရင် ဂျူးဖူးနဲ့ ငရုပ်သီးများကို ထည့်လိုက်ပါတယ်။ 
 
စတော်ဘယ်ရီကို နောက်ဆုံးမှ ထည့်ပါတယ်။ ထည့်ပြီးတာနဲ့ ချက်ခြင်းမွှေပေးပြီး အရသာအပေါ့အငံ မြည်းကာ လိုအပ်တာများ ထည့်ပြီးရင် ချနိုင်ပါပြီ။ စတော်ဘယ်ရီဟာ နူးညံ့တဲ့အသီးဖြစ်တာကြောင့် အပူနဲ့တွေ့ရင် ခဏချင်း အရည်ပျော်သွားတတ်ပါတယ်။ ဒါကြောင့် အသီးကို ထည့်ပြီးတာနဲ့ ချက်ခြင်း မီးပိတ်ပြီး ခူးခပ်လိုက်ဖို့ လိုပါတယ်။ 

Inline image 1

ပန်းကန်ထဲခူးပြီးတာနဲ့ အခြားသောဟင်းတွေနဲ့အတူ ပူပူနွေးနွေး သုံးဆောင်နိုင်ပါပြီ။ စတော်ဘယ်ရီရဲ့ ချိုချဉ်အရသာလေးဟာ အသားရဲ့အရသာနဲ့ပေါင်းစပ်သွားပြီး စားလို့ အလွန်ကောင်းတဲ့ ဟင်းတစ်ခွက် ဖြစ်လာပါတယ်။ 



ခုလို ဆောင်းရာသီ စတော်ဘယ်ရီပေါ်ချိန်မှသာ စားလို့ရတဲ့ စတော်ဘယ်ရီ ဝက်သားချိုချဉ်ကြော်လေးဖြစ်ပါတယ်။ 


မိတ်ဆွေများအားလုံးအတွက် ပျော်ရွှင်သော ခရစ္စမတ် အားလပ်ရက်လေးကို ပိုင်ဆိုင်ကြပါစေရှင်...

 

သက်တန့်ရောင်စဉ် တောင်တန်းများ


ကျွန်မတို့ကမ္ဘာမြေကြီးရဲ့ အချို့သော နေရာတွေမှာ ထူးဆန်းတဲ့ မြေမျက်နှာသွင်ပြင်တွေ ဖွဲ့စည်း တည်ဆောက်ပုံတွေ ဖြစ်ပေါ်လို့ နေတတ်ပါတယ်။ အဲဒီလို ထူးဆန်းတာတွေ ထဲကမှ သက်တန့်ရောင် ထဲမှာ ပါဝင်တဲ့ ရောင်စဉ်များလိုပဲ အရောင်တွေ အတန်းလိုက် အစဉ်လိုက် ဖြစ်ပေါ်နေတဲ့ တောင်တန်းတွေအကြောင်း ပြောပြချင်ပါတယ်..


rainbow mountains

ရုတ်တရက်ကြည့်လိုက်ရင် အခြားသော ဂြိုလ်ကမ္ဘာတစ်ခုခုလို့ ထင်သွားရလောက်ပြီး တကယ်ရှိတာ မဟုတ်ပဲ ကွန်ပျူတာ နည်းပညာနဲ့ ဖန်တီးထားတာလို့ ထင်ရလောက်အောင် အံ့သြဖွယ် ထူးဆန်းတဲ့ အရောင်အသွေးတွေနဲ့ ဖြစ်ပေါ်နေတဲ့ သက်တန့် ရောင်စဉ် တောင်တန်းတွေဟာ တရုတ်နိုင်ငံ အနောက်မြောက်ဖက်ရှိ ကျန်းစူးပြည်နယ်က ထဲန်းရှ ဘူမိဗေဒဥယျာဉ်ထဲမှာ တည်ရှိနေတာပါ။ ၂၀၁၀ခုနှစ်မှာတော့ ယူနက်စ်ကိုရဲ့ ကမ္ဘာ့အမွေအနှစ် ထိန်းသိမ်းစောင့်ရှောက်ရေး ဒေသအဖြစ် စာရင်းသွင်းခံခဲ့ရပါတယ်။
rainbow mountains



rainbow mountains



rainbow mountains

rainbow mountains


rainbow mountains

၎င်း သက်တန့်ရောင်စဉ် တောင်တန်းများဟာ လွန်ခဲ့တဲ့ နှစ်သန်းပေါင်း ၂၄သန်းခန့်က အနီရောင် သဲကျောက်လွှာတွေပေါ် သတ္တုဓာတ်တွေ တစ်လွှာပြီးတစ်လွှာ အနယ်ကျပြီးနောက် ရာသီဥတု၊ ရေ၊ လေတို့ တိုက်စားခံရပြီး ခုလို အလွှာအထပ်ထပ် ကိတ်မုန့်ပုံသဏ္ဍန် ရောင်စုံ တောင်တန်း တောင်ကုန်းတွေ ဖြစ်ပေါ်ခဲ့ရတာပါ။  သက်တန့်ရောင်စဉ် တောင်တန်းတွေကြားမှာပဲ သဘာဝရဲ့ ဖန်တီးမှုနဲ့ ဖြစ်ပေါ်နေတဲ့ တိုင်လုံးပုံသဏ္ဍန်တွေ၊ သဘာဝ မျှော်စင်တွေ၊ လျှိုမြောင် ချောက်ကမ်းပါး တောင်ချိုင့်ကြားတွေ၊ ရေတံခွန်တွေစသဖြင့် လေ့လာစရာ၊ သွားရောက်လည်ပတ် ကြည့်ရှုစရာ အများအပြား ရှိပါတယ်။


rainbow mountains



rainbow mountains

rainbow mountains

သက်တန့်ရောင်စဉ် တောင်တန်းတွေပေါ်မှာ သစ်ပင်တွေ ပေါက်ရောက်နေတာ မရှိသလောက်ဖြစ်ပြီးတော့ တောင်ကတုံးတွေ ဖြစ်နေတာကိုတာ တွေ့ရပါတယ်။ အချို့ တောင်စောင်းနဲ့ မြေပြန့် အနည်းငယ် လောက်မှာသာ မြက်ပင်၊ ချုံပင်လေးတွေ ကျို့တို့ ကျဲတဲ ပေါက်နေတတ်ပါတယ်။ သို့သော်ငြားလည်း အနီတစ်ကန့်၊ အပြာတစ်ကန့်၊ အဝါတစ်ကန့် အလီလီ အလာလာ စီခြယ် ထားပုံကတော့ဖြင့် မျက်စိပသာဒဖြစ်ဖွယ် ကောင်းလှပါတယ်။ ဒါကြောင့်လည်း ခရီးသွားအများအပြား လာရောက် လေ့လာ လည်ပတ်ကြတဲ့ နေရာအဖြစ် တစ တစ ထင်ရှားလာပြီ ဖြစ်ပါတယ်။

rainbow mountains

rainbow mountains

အချိန်ရလို့ လည်စရာပတ်စရာ ရွေးချယ်တဲ့အခါ အရောင်စုံ ကျောက်လွှာတွေနဲ့ ဖွဲ့စည်းထားတဲ့ သက်တန့်ရောင်စဉ် တောင်တန်းများ၊ မြေလွှာမှာ ရှိရာ ထဲန်းရှဘူမိဗေဒဥယျာဉ်ကိုလည်း အရောက် သွားကြည့်သင့်ပါတယ်။


rainbow mountains

rainbow mountains 

စာမရေးဖြစ်တာ ကြာသွားတဲ့အတွက် အားလုံး အားလုံးကို တောင်းပန်ပါတယ်။ အားလုံးလည်း ကိုယ်ရောစိတ်ပါ ကြည်လင်ရွှင်လန်းကြပါစေရှင့်..



ပုဇွန်ငရုပ်ကောင်း အစပ်ချက်


အစားအသောက်အကြောင်း ဘလောဂ့်ပေါ်မှာ မတင်ဖြစ်တာ ကြာပါပြီ။ ဒီနေ့တော့ ရိုးရိုးရှင်းရှင်းနဲ့ လွယ်လွယ်ကူကူ ချက်စားနိုင်တဲ့ ပုဇွန်ငရုပ်ကောင်း အစပ်ချက်နည်းလေး တင်ချင်ပါတယ်။ ဒီချက်နည်းဟာ အဆာပလာလည်း အများကြီး ရှိဖို့မလိုဘဲ လွယ်ကူစွာ ချက်စားနိုင်ပြီး အရသာလည်း ရှိပါတယ်။ ချက်နည်းကို အောက်မှာ ဖော်ပြပါမယ်နော်။ 



ပထမဦးစွာ ပုဇွန်အရွယ်တော်များကို အခွံခွာ၊ ရေစင်စင်ဆေးပြီး ဆား၊ အရသာမှုန့်၊ ပဲငံပြာရည်၊ သကြား အနည်းငယ်တို့ဖြင့် နယ်ထားလိုက်ပါတယ်။


ထို့နောက် ပုံပါအတိုင်း ကြက်သွန်ဖြူ၊ ကြက်သွန်နီ၊ ငရုပ်သီးစိမ်း (မိမိစားနိုင်သလောက်) ကို ပါးပါးလှီး၊ တောက်တောက်စင်းထားလိုက်ပါတယ်။

 
ဒယ်အိုးတစ်လုံးကို အပူပေးပြီးနောက် ဆီ ၂ကျပ်သားခန့် ထည့်ပါတယ်။ ဆီကျက်ရင် ကြက်သွန်ဖြူ၊ နီ တို့ကို ထည့်မွှေပါတယ်။ 
ကြက်သွန်များထည့်ပြီး မကြာခင်မှာ ငရုပ်သီးများကို ထည့်ကြော်ပါတယ်။ 

ပြီးလျှင်တော့ ပုဇွန်များကို ထည့်မွှေလိုက်ပါတယ်။ ဆား၊ အရသာမှုန့် တို့ကို လိုအပ်မယ်သလောက် ထည့်ပါတယ်။ ပုဇွန်များကို မချက်ခင်မှာလည်း အရသာဝင်အောင် နယ်ထားပြီဖြစ်လို့ အများကြီးထပ်ထည့်ဖို့ မလိုတော့ပါ။ 


ပုဇွန်များထည့်ပြီး မကြာမီ ငရုပ်ကောင်း ဇွန်းသေး တစ်ဇွန်းခန့် ထည့်ပါတယ်။ ပုဇွန်ဟာ ကျက်လွယ်သော ဟင်းဖြစ်သောကြောင့် မီးဖိုပေါ် အချိန်ကြာကြာထားရန် မလိုပါ။ ၃မိနစ် (သို့) ၅မိနစ်ခန့် ကြာလျှင် နံနံပင်များထည့်မွှေကာ ချနိုင်ပါပြီ။ 


ဆီပြန်ဟင်းစားရတာ ငြီးငွေ့နေသူများအတွက် ဆီနည်းနည်း ၊ ငရုပ်ကောင်းနံ့မွှေးမွှေး၊ အရသာစပ်စပ်လေးဖြင့် စားနိုင်သော အရသာရှိလှသည့် ပုဇွန်ငရုပ်ကောင်း အစပ်ချက် ရပါပြီ။ 

 

လျှာရင်းမြက်စေမဲ့ ပုဇွန်ငရုပ်ကောင်းချက်ပါ။

မိတ်ဆွေများအားလုံး စားကောင်းသောက်ဖွယ်များ စားရင်း ပျော်ရွှင်အေးချမ်းသော တနင်္ဂနွေနေ့ ဖြစ်ပါစေရှင်..

 

ဝါသနာ

သူနှင့် ဆုံဖြစ်ခဲ့သည့် ဇာတ်လမ်းမှာ ခပ်ဆန်းဆန်းတော့ဖြင့် မဟုတ်ခဲ့ပါ။ သိပ်မထူးခြားလှသော အကြောင်းအရာလေး တစ်ခုအဖြစ်နှင့် ဆုံဖြစ်ခဲ့ခြင်းသာ ဖြစ်လေသည်။ ထိုနေ့က စနေနေ့လည်းဖြစ်သည်။ မိုးကလေးတစိမ့်စိမ့်ဖြင့် အေးအေး ချမ်းချမ်း ရှိနေသော ရက်လည်း ဖြစ်လေသည်။ စနေနေ့မို့ အလုပ်ပါးသည့် အပြင်၊ အပြင်ထွက်ရန် အထူးအထွေ ကိစ္စလည်း မရှိသောကြောင့် သူမသည် မနက်စာကို စိတ်အေးလက်အေး ချက်ပြုတ်စားသောက်ပြီး၍ ကော်ဖီတစ်ခွက် ဖျော်ကာ ကွန်ပျူတာရှေ့တွင် ဇိမ်ကျနေလေသည်။ ထိုစဉ် လေပြင်းလေး တစ်ချက် ဝေ့ကနဲ တိုက်ခတ်လိုက်သည့် အတွက် သူမစားပွဲပေါ်ရှိ ပန်းအိုးကလေးထဲမှ ပန်းကလေးများ လှုပ်ခတ်သွားလေသည်။ ပန်းကလေးများသာမက စာရွက်တစ်ချို့ပင် တစ်ဖြတ်ဖြတ် ခါသွားလေသည်။ ထို့ကြောင့် ဖွင့်ထားသော ပြူတင်းတံခါးကို ပိတ်ရန် စားပွဲမှထလိုက်ပြီး ပြူတင်းပေါက်နားသို့ သူမ တိုးကပ်သွားမိသည်။

သည်အချိန်တွင် သူ့ကို တွေ့လိုက်ရခြင်း ဖြစ်လေသည်။ သူသည် ပုဇဉ်းတစ်ကောင်သာ ဖြစ်လေသည်။ အပြင်တွင် မိုးခပ်ဖွဲဖွဲ ရွာနေသောကြောင့် ဟိုဟိုသည်သည် ပျံသန်းဖို့ အခက်အခဲဖြစ်ဟန် တူပါသည်။ သူသည် သူမတို့အိမ် ပြူတင်းတံခါးဘောင်ပေါ်တွင် စိုက်ထားသော ပန်းအိုးလေးတစ်ခုရှိ အရွက်ကိုင်းလေး တစ်ခုပေါ်တွင် လာရောက် နားခိုနေခဲ့ခြင်းဖြစ်သည်။ တောင်ပံလေးများကို ဖြန့်ကားရင်း သစ်ရွက်ရှည်ရှည် တစ်ခုပေါ်တွင် ငြိမ်သက်စွာ နားခိုနေသော သူ့ကို ငေးကြည့်မိရင်း သူမစိတ်ထဲ အတွေးတစ်ခု ဝင်လာခဲ့သည်။ သူမ အမြဲတမ်းကြည့်လေ့ ရှိသော ဓာတ်ပုံ ဝဘ်ဆိုဒ်များတွင် ပုဇဉ်းကောင်လေးများ၏ ခန္ဓာကိုယ်ပေါ်၊ တောင်ပံများပေါ်နှင့် မျက်လုံးများပေါ်တွင် ရေစက်ကလေးများ သီးနေပုံ၊ နှင်းစက်ကလေးများ ဖုံးလွှမ်းနေပုံတို့ကို ဓာတ်ပုံဝါသနာရှင် တစ်ချို့က အနီးကပ် ရိုက်ပြကာ တင်ထားတတ်လေ့ရှိသည်။ သူမသည်လည်း ထို ဓာတ်ပုံဆရာများကို အားကျကာ ယခု မြင်နေရသော ပုဇဉ်ကောင်လေးကို အနီးကပ် ဓာတ်ပုံ ရိုက်ရကောင်းမည် ဟု စိတ်ကူး ရလိုက်မိခြင်း ဖြစ်လေသည်။


အပြင်တွင် မိုးရွာနေသော်လည်း ပုဇဉ်းကောင်လေး၏ ခန္ဓာကိုယ်နှင့် တောင်ပံဖျား ပေါ်တွင် ရေစက်လေး တစ်ပေါက် တစ်လေမှ ကပ်ငြိမနေပါ။ သို့ဆိုလျှင် သူမ လိုချင်သော ရေစက်လေးများ သီးနေသည့် ဓာတ်ပုံ ရိုက်ခွင့်မရတော့ဘဲ ပုဇဉ်းကောင် သက်သက်ကိုသာ ဓာတ်ပုံရိုက်ရတော့မည့် အခြေအနေ ဖြစ်လေသည်။ သို့သော် သူမက ရိုးရိုးပုဇဉ်းကောင်ကို မလိုချင်ဘဲ ရေစက်လေးတွေသီးနေသည့် ပုဇဉ်းကောင်ကိုသာ ဓာတ်ပုံ ရိုက်လိုခြင်း ဖြစ်ပေသည်။ ထို့ကြောင့် ဘာလုပ်ရမည်ကို သူမ အကြံထုတ်ရတော့သည်။ ထိုစဉ် ပြူတင်းဘောင်တစ်နေရာတွင် တင်ထားသည့် အပင်များကို ရေဖြန်းသော spray ဘူးလေးကို သူမ မျက်စိများက လှမ်းမြင် လိုက်လေသည်။ လက်ဖျစ်တစ်ချက် တီးလိုက်ပြီးနောက် စပရေးဘူးလေးကို လှမ်းယူလိုက်ကာ ရေအပြည့် သွားဖြည့်လိုက်တော့သည်။ 

စပရေးဘူးလေး ကိုင်ပြီးနောက် ပြူတင်းပေါက်ဆီသို့ ပြန်လာကာ ပုဇဉ်းကောင်လေးကို အလျှင်အမြန် လှမ်းကြည့်လိုက်တော့ ပုဇဉ်းလေးက မူလနေရာတွင် ငြိမ်သက်စွာ ရှိနေဆဲ ဖြစ်လေသည်။ အခန်းထဲမှ ကင်မရာကို သွားယူလိုက်ပြီး ဘက်ထရီ၊ မဲန်မိုရီကဒ် စသည်တို့ကို စစ်ဆေးပြီးနောက် setting ကို စိတ်ကြိုက် ပြင်ဆင်ကာ အသင့်အနေအထားဖြင့် ထားထားလိုက်လေသည်။ ကံတရားက သူမဘက်ကို ပါနေပြီဖြစ်လေသည်။ သူမ ဓာတ်ပုံ ရိုက်ခွင့်ရတော့မည်။ ထို့နောက် သူမသည် လက်ထဲမှ စပရေးဘူးလေးဖြင့် ပုဇဉ်းကောင်လေးကို ရေ ပက်ဖြန်း လေတော့သည်။ ရေစက်ကလေးများမှာ အမှုန်အမွှားလေးများ အဖြစ်ဖြင့် ပုဇဉ်းကောင်လေး၏ ကိုယ်ခန္ဓာနှင့် တောင်ပံများပေါ်သို့ မြောက်မြားလှစွာ ကျရောက်သွားလေသည်။ သို့သော်လည်း အလွန် သဘောကောင်းလှသော ပုဇဉ်းကောင်လေး သည် ထပျံသွားခြင်း မရှိဘဲ သူမ စိတ်တိုင်းကျသာ လုပ်ပစေတော့ ဟူသော သဘောဖြင့် ပေကပ်၍သာ နားခိုနေဆဲဖြစ်လေသည်။

ပုဇဉ်းပေါ်မှ ရေစက်လေးများမှ သူမ စိတ်ကြိုက် အနေအထား ဖြစ်လာသည့်အခါ ဘေးနားက ကင်မရာကို ယူကာ တစ်ဖြတ်ဖြတ် ရိုက်ယူလေတော့သည်။ ကြီးမားလှသော မျက်လုံးကြီးပေါ်တွင် တင်နေသည့် ရေစက်လေးများကို ပုဇဉ်းကောင်လေးမှာ သူ့လက်တံများဖြင့် ဖယ်ရှားနေသည့်မြင်ကွင်းမှာ စိတ်ဝင်စားဖို့ ကောင်းလှသည်။ ထို့ပြင် သူ့လက်တံပေါ် တင်နေသော ရေစက်များကိုလည်း လက်နှစ်ဖက်ဖြင့် ပွတ်သပ် ဖယ်ရှားပြန်လေသည်။ ပြီးလျှင်တော့ ငြိမ်သက်စွာ နားခိုမြဲ ဖြစ်လေသည်။ သူမသည် ဓာတ်ပုံရိုက်ယူနေရင်း ပုဇဉ်းကောင်လေးဆီမှ ရေစက်လေးများ နည်းသွားလျှင် ကင်မရာကိုချလိုက်ကာ စပရေးဘူးဖြင့် ဆက်ဖြန်းပြန်သည်။ သူနားနေသည့် နေရာတွင် ရေစက် အကြီးကြီးတစ်ခု ဖြစ်လာသည့်အခါ ပုဇဉ်းကောင်လေးသည် ထပျံသွားခြင်းတော့ မရှိဘဲ သစ်ရွက်၏ အရှေ့ဘက်နားသို့ တိုးကပ် နေရာ ရွေ့လေတော့သည်။ သူမသည်လည်း ရေစက်လေးများနှင့် ပုဇဉ်းကောင်ကို စိတ်ကြိုက် အနေအထား အမျိုးမျိုးဖြင့် ဓာတ်ပုံရိုက်ပြန်လေသည်။



 photo 3_zps0c60e4e8.jpg

ဓာတ်ပုံရိုက်နေရင်း ပုဇဉ်းပေါ်မှ ရေစက်လေးများ နည်းသွားပြန်သဖြင့် စပရေးဘူးကို လှမ်းယူလိုက်ကာ ရေဖြန်းပြန် တော့သည်။ အပြင်တွင် မိုးစက်လေးများ ခပ်စိတ်စိတ် ကျနေလေသည်။ သို့သော် အပြင်က မိုးစက်ထက် သူမစပရေးဘူးမှ ရေစက်တို့၏ဒဏ်က ပို၍ ဆိုးဝါးလွန်းလှသည်ဟု ထင်ဟန်ရှိသည့် ပုဇဉ်းကောင်လေးမှာ ဘယ်လိုမှ ဆက်လက်သည်းခံနိုင်ဟန် မရှိတော့ဘဲ ပန်းအိုးပေါ်ရှိ သစ်ရွက်ဖျားဆီမှ ထပျံ သွားလေတော့သည်။ 

စပရေးဘူးကိုင်ရင်း မချင့်မရဲ ကျန်ခဲ့သော သူမ၏နားတွင် ပုဇဉ်းကောင်လေးဆီမှ တစ်စုံတစ်ရာသော အသံတစ်ခုကို သဲသဲကွဲကွဲ ကြားလိုက်မိသလို ရှိလေသည်။ ထိုအသံကို ဘာသာပြန်ရလျှင်မူ 

" မိုးရွာလို့ သူ့ပန်းအိုးပေါ် သွားနားမိပါတယ် ဓာတ်ပုံရိုက်ဖို့အတွက် မိုးရွာတာထက်တောင် ပိုဆိုးအောင် ရေတွေနဲ့ နင်းကန် ပက်နေတော့တာဘဲ။ ကိုယ်ချင်းစာစိတ်ကို မရှိဘူး။ နောက်များဆို ဓာတ်ပုံဝါသနာအိုးတွေ၊ ဓာတ်ပုံရူးတွေ နေတတ်တဲ့ အိမ်မျိုးမှာ ဘယ်တော့မှ မနားတော့ဘူး" ဟူ၍ ဖြစ်လေသည်။   


မိတ်ဆွေများအားလုံး ပြုံးပျော်ကြပါစေ..